65 വയസിന് മുകളിലുള്ളവര്‍ക്കും, മെഹ്റമില്ലാത്ത 45 വയസിന് മുകളില്‍ പ്രായമുള്ള സ്ത്രീകള്‍ ഒരുമിച്ച് നല്‍കുന്ന അപേക്ഷകളിലും നറുക്കെടുപ്പില്ലാതെ അവസരം നല്‍കും. അപേക്ഷകന് 2026 ജനുവരി വരേ കാലാവധിയുള്ള മെഷീന്‍ റീഡബിള്‍ പാസ്പോര്‍ട്ട് നിര്‍ബന്ധമാണ്.

ഓണ്‍ലൈന്‍ വഴിയാണ് ഹജ്ജിന് പോകാന്‍ അപേക്ഷിക്കേണ്ടത്. കേന്ദ്ര ഹജ്ജ് കമ്മിറ്റിയുടെ hajcommittee.gov.in/ വെബ്സൈറ്റിലും കേരള സംസ്ഥാന ഹജ്ജ് കമ്മിറ്റിയുടെ keralahajcommittee.org/ വെബ്സൈറ്റിലും ലിങ്ക് ലഭ്യമാണ്. ‘Hajsuvidha’ എന്ന മൊബൈല്‍ ആപ് വഴിയും അപേക്ഷ സമര്‍പ്പിക്കാനാകും.

നേരത്തെ മലയാളികള്‍ ഉള്‍പ്പെടെ പതിനായിരക്കണക്കിനുപേരാണ് യുഎഇയില്‍നിന്ന് ഹജ്ജിന് പോയിരുന്നത്. സഊദി അറേബ്യ ഏതാനും വര്‍ഷംമുമ്പ് നിയന്ത്രണം കടുപ്പിക്കുകയായിരുന്നു. ഇതോടെ ഇവിടെനിന്നും യുഎഇ പൗരന്മാര്‍ക്കുമാത്രമെ പോകാന്‍ കഴിയുകയുള്ളുവെന്ന അവസ്ഥയുണ്ടായി.