കെ.സി.ബി.സിയും കത്തോലിക്ക ഇതര ക്രൈസ്തവ മതമേലധ്യക്ഷരും നിലപാട് വ്യക്തമാക്കണമെന്നും സമിതി ആവശ്യപ്പെട്ടു. ജനപ്രതിനിധികള്‍ക്കും കത്തോലിക്ക സമൂഹത്തിനും വിലയിട്ട്, ഇദ്ദേഹം ആദ്യം നടത്തിയ പ്രസ്താവന നാവുപിഴയായി കണക്കാക്കി പലരും തിരുത്തല്‍ ആവശ്യപ്പെട്ട സന്ദര്‍ഭത്തില്‍ അത് ആവര്‍ത്തിച്ച ബിഷപ് പാംബ്ലാനി ക്രൈസ്തവ സമൂഹത്തിന് ഒന്നടങ്കം അപമാനം വരുത്തിയിരിക്കുകയാണ്. ഒരു കാര്‍ഷിക ഉല്‍പന്നത്തിന്റെ വില വര്‍ധിപ്പിക്കാന്‍ വര്‍ഗശത്രുക്കളുമായി വോട്ടുകച്ചവടത്തിന് തയ്യാറായ ഇദ്ദേഹം ഭാവിയില്‍ കൂടുതല്‍ മെച്ചപ്പെട്ട വാഗ്ദാനങ്ങള്‍ക്കായി വിശ്വാസ സത്ത്യത്തെപ്പോലും തളളിപ്പറയാന്‍ മടിക്കില്ലയെന്നും യോഗം മുന്നറിയിപ്പ് നല്‍കി.

കേസിലെ മറ്റ് ആറ് പ്രതികളെ കോടതി വെറുതെ വിട്ടു. കുറ്റക്കാരാണെന്ന് തെളിയിക്കാന്‍ പ്രോസിക്യൂഷന് സാധിക്കാത്തതാണ് ആറു പേരെ വെറുതെ വിടാനിടയാക്കിയത്. ഗൂഢാലോചന, വ്യാജരേഖകള്‍ സൃഷ്ടിക്കല്‍ തുടങ്ങിയ കുറ്റങ്ങളായിരുന്നു ഇവര്‍ക്കെതിരെ ഉണ്ടായിരുന്നത്. തലശ്ശേരി പോകസോ കോടതി ജഡ്ജി പിഎന്‍ വിനോദാണ് വിധി പറഞ്ഞത്.

കൊട്ടിയൂര്‍ സെയ്ന്റ് സെബാസ്റ്റ്യന്‍സ് പള്ളിവികാരിയും കൊട്ടിയൂര്‍ ഐജെഎംഎച്ച്എസ്എസ് മാനേജറുമായിരുന്ന വയനാട് നടവയലിലെ ഫാ. റോബിന്‍ വടക്കുഞ്ചേരി (റോബിന്‍ മാത്യു-51)യായിരുന്നു കേസില്‍ ഒന്നാംപ്രതി. ബലാത്സംഗത്തിനും പോക്‌സോ വകുപ്പ് പ്രകാരവുമാണ് വൈദികന്റെ പേരില്‍ കേസ്. കേസില്‍ പ്രതികളായിരുന്ന മൂന്ന് പേരെ വിചാരണ നേരിടുന്നതില്‍ നിന്ന് സുപ്രീംകോടതി ഒഴിവാക്കിയിരുന്നു. ഒന്നാംപ്രതി ഉല്‍പ്പെടെ ഏഴ് പ്രതികളാണ് വിചാരണ നേരിട്ടത്.

രണ്ടാം പ്രതി കൊട്ടിയൂര്‍ പാലുകാച്ചി നെല്ലിയാനി വീട്ടില്‍ തങ്കമ്മ എന്ന അന്നമ്മ (54), ആറാംപ്രതി മാനന്തവാടി തോണിച്ചാല്‍ ക്രിസ്തുദാസി കോണ്‍വെന്റിലെ സിസ്റ്റര്‍ കൊട്ടിയൂര്‍ നെല്ലിയാനിവീട്ടില്‍ ലിസ് മരിയ എന്ന എല്‍സി (35), ഏഴാംപ്രതി ഇരിട്ടി കല്ലുമുട്ടി ക്രിസ്തുദാസി കോണ്‍വെന്റിലെ സിസ്റ്റര്‍ അനീറ്റ (48), എട്ടാംപ്രതി മാനന്തവാടി വൈത്തിരി ഹോളി ഇന്‍ഫന്റ് മേരി ഫോണ്ട്‌ലിങ് ഹോമിലെ സിസ്റ്റര്‍ കോട്ടയം പാലാ മീനച്ചില്‍ നന്തിക്കാട്ട് വീട്ടില്‍ ഒഫീലിയ (73), ഒന്‍പതാം പ്രതി കൊളവയല്‍ സെയ്ന്റ് ജോര്‍ജ് പള്ളി വികാരിയും വയനാട് ശിശുക്ഷേമസമിതി മുന്‍ ചെയര്‍മാനുമായ കോഴിക്കോട് പെരുവണ്ണാമുഴി ചെമ്പനോട തേരകം ഹൗസില്‍ ഫാ. തോമസ് ജോസഫ് തേരകം (68), പത്താം പ്രതി വയനാട് ശിശുക്ഷേമസമിതി അംഗവും കല്‍പ്പറ്റയിലെ സ്വകാര്യ ആസ്പത്രിയില്‍ ഡോക്ടറുമായ ഇടുക്കി മൂലമറ്റം കളപ്പുരയില്‍ സിസ്റ്റര്‍ ബെറ്റി ജോസ് എന്ന അച്ചാമ്മ ജോസഫ് (71) എന്നിവരെയാണ് വെറുതെ വിട്ടത്.

പനാജി: ഡല്‍ഹി ആര്‍ച്ച് ബിഷപ്പിന് പിന്നാലെ കേന്ദ്ര സര്‍ക്കാറിനെതിരെ ഇടയലേഖനവുമായി ഗോവ ആര്‍ച്ച് ബിഷപ്പും. 2018-19 വര്‍ഷത്തെ ഇടയലേഖനത്തിലാണ് കേന്ദ്ര സര്‍ക്കാറിന്റെ നടപടികളെ വിമര്‍ശിച്ച് ഗോവ ആര്‍ച്ച് ബിഷപ്പ് ഫിലിപ്പെ നെരി ഫെരാവോ രംഗത്തെത്തിയത്.
ഇന്ത്യന്‍ ഭരണ ഘടന അപകടത്തിലാണെന്നും ഏക സംസ്‌കാരത്തിനായുള്ള പുതിയ പ്രവണതയാണ് കണ്ട് വരുന്നതെന്നും ബിഷപ്പ് വിമര്‍ശിക്കുന്നു. ഏക സംസ്‌കാര പ്രവണതക്കാര്‍ ഭക്ഷണം, വസ്ത്രം, ജീവിതം, ആരാധന എന്നിവയില്‍ പോലും എന്തു നിര്‍വഹിക്കണമെന്ന് നിര്‍ദേശിക്കുകയാണ്. ഇത് മനുഷ്യാവകാശങ്ങളെ അപകടത്തിലാക്കുന്നതായും അദ്ദേഹം കത്തില്‍ പറയുന്നു.
തെരഞ്ഞെടുപ്പ് സമയത്ത് സ്ഥാനാര്‍ത്ഥികള്‍ പല വ്യാജ വാഗ്ദാനങ്ങളും നല്‍കി ജനങ്ങളെ കബളിപ്പിക്കുകയാണ്. ജനങ്ങള്‍ അവരുടെ അമൂല്യമായ വോട്ടവകാശം നിസാര നേട്ടങ്ങള്‍ക്കു വേണ്ടി വില്‍ക്കുകയാണ്. ഈ അവസരത്തില്‍ പൊതു തെരഞ്ഞെടുപ്പ് അടുക്കുകയാണ്. നമ്മള്‍ ഭരണഘടന നന്നായി അറിയാനും അത് സംരക്ഷിക്കാനുമായി പോരാടണമെന്നും ഇടയ ലേഖനത്തില്‍ ചൂണ്ടിക്കാട്ടുന്നു. ഇന്ന് നമ്മളുടെ ഭരണഘടന അപകടത്തിലാണ്. ഇതിനാല്‍ ജനങ്ങള്‍ അരക്ഷിതാവസ്ഥയിലാണ് ജീവിക്കുന്നതെന്നും ഫെരാവോ കൂട്ടിച്ചേര്‍ത്തു.
അതേ സമയം ഇടയ ലേഖനം വിവാദമാക്കേണ്ട കാര്യമില്ലെന്നും കത്തില്‍ നിന്നും ഒന്നോ രണ്ടോ വാക്കുകള്‍ അടര്‍ത്തിയെടുത്ത് വിവാദമാക്കുകയാണ് ചില മാധ്യമങ്ങളെന്നും ബിഷപ്പ് ഹൗസ് വാര്‍ത്താ കുറിപ്പിലൂടെ അറിയിച്ചു.

ദേശീയപാര്‍ട്ടിയെ പരാജയപ്പെടുത്താനായി പ്രത്യേകം പ്രാര്‍ത്ഥനകള്‍ നടത്തണം. രാജ്യത്ത് മനുഷ്യാവകാശങ്ങള്‍ ലംഘിക്കപ്പെട്ടിരിക്കുന്നു. മനുഷ്യാവകാശങ്ങള്‍ ലംഘിക്കപ്പെടുന്ന അവസ്ഥയാണുള്ളത്. ക്രിസ്ത്യന്‍സമൂഹത്തിനു നേരെ നിരന്തര ആക്രമണം ഉണ്ടാവുന്നു. ഈ തെരഞ്ഞെടുപ്പ് വ്യത്യസ്ഥമായിരിക്കുമെന്നും അദ്ദേഹം ലേഖനത്തില്‍ പറയുന്നു. ലേഖനം സാമൂഹ്യമാധ്യമങ്ങളിലുള്‍പ്പെടെ ചര്‍ച്ചയായി. തെരഞ്ഞെടുപ്പ് വിഷയങ്ങളില്‍ പള്ളി ഇടപെടരുതെന്നാണ് ഉയര്‍ന്നുവരുന്ന വിമര്‍ശനം. എന്നാല്‍ ആദ്യമായല്ല താന്‍ ഇത്തരത്തിലുള്ള ലേഖനങ്ങള്‍ പുറത്തിറക്കുന്നതെന്ന് ബിഷപ്പ് പറഞ്ഞു. കഴിഞ്ഞ തെരഞ്ഞെടുപ്പുകളിലും വിശ്വാസി സമൂഹത്തിന് വേണ്ടി താന്‍ ഇത്തരത്തില്‍ നിലപാട് സ്വീകരിച്ചിട്ടുണ്ടെന്നും അദ്ദേഹം വ്യക്തമാക്കി. സംസ്ഥാനത്ത് വളരെ കുറഞ്ഞ ക്രിസ്ത്യന്‍ വോട്ടുകളേയുള്ളൂവെന്നും അദ്ദേഹം കൂട്ടിച്ചേര്‍ത്തു.

ഡിസംബര്‍ ഒന്‍പതിനും പതിനാലിനും നടക്കുന്ന തെരഞ്ഞെടുപ്പിന്റെ ഫലം പുറത്തുവരുന്നത് ഡിസംബര്‍ 18-നാണ്.