ലഖ്‌നൗ അവരുടെ ഔദ്യോഗിക ട്വിറ്റര്‍ അക്കൗണ്ടില്‍ പങ്കുവെച്ച വീഡിയോയിലാണ് ഇക്കാര്യം പറയുന്നത്. ഐ.പി.എല്ലില്‍ പ്ലേ ഓഫ് ഉറപ്പിക്കാന്‍ ഇരു ടീമുകള്‍ക്കും ഇന്നത്തെ മത്സരം നിര്‍ണായകമാണ്. ലഖ്‌നൗ താരങ്ങളുമായുള്ള കൂടിക്കാഴ്ചക്കിടെയാണ് അര്‍ജുന് കൈക്ക് നായയുടെ കടിയേറ്റ വിവരം പറയുന്നത്. വിരലിന് മുറിവുള്ളതിനാല്‍ പരിശീലന സെഷനില്‍ താരം ബൗള്‍ ചെയ്യില്ല.

https://twitter.com/i/status/1658120509203030018

കാര്യമായ പരിക്കുകളൊന്നുമില്ലെന്നും മറ്റ് ആരോഗ്യ പ്രശ്‌നങ്ങളില്ലെന്നും അര്‍ജുന്‍ ടെന്‍ഡുല്‍ക്കര്‍ വീഡിയോയില്‍ പറയുന്നത് കാണാം. സച്ചിന്റെ മകന്‍ ഈ ഐ.പി.എല്‍ സീസണിലാണ് അരങ്ങേറ്റം കുറിക്കുന്നത്. ഇതുവരേ നാല് മത്സരങ്ങളില്‍ നിന്ന് 3 വിക്കറ്റാണ് താരം നേടിയത്. നിലവില്‍ 14പോയിന്റുമായി മുംബൈ മൂന്നാമതും, തൊട്ടുപിറകില്‍ 13 പോയിന്റുമായി ലഖനാ നാലാമതുമാണ്. ഗുജറാത്ത് ടൈറ്റന്‍സ് മാത്രമാണ് നിലവില്‍ പ്ലേ ഓഫ് ഉറപ്പിച്ചത്.

ഫസ്റ്റ് ക്ലാസ് ക്രിക്കറ്റില്‍ ആദ്യമായാണ് അഞ്ച് വിക്കറ്റ് നേട്ടം അര്‍ജുന്‍ ടെന്‍ഡുല്‍ക്കര്‍ സ്വന്തമാക്കുന്നത്. മധ്യപ്രദേശ് ആദ്യ ഇന്നിങ്‌സില്‍ 361 റണ്‍സ് നേടിയപ്പോള്‍ മുംബൈ 506 റണ്‍സാണ് അടിച്ചെടുത്തത്. രണ്ടാം ഇന്നിങ്‌സില്‍ എട്ടു വിക്കറ്റ് നഷ്ടത്തില്‍ 411 റണ്‍സാണ് നേടിയത്. മറുപടി ബാറ്റിങിനിറങ്ങിയ മുംബൈ ഒന്നിന് 47 എന്ന നിലയില്‍ കളി സമനിലയില്‍ അവസാനിപ്പിക്കേണ്ടി വന്നു. 26 ഓവര്‍ എറിഞ്ഞ അര്‍ജുന്‍ 95 റണ്‍സ് വഴങ്ങിയാണ് അഞ്ചു വിക്കറ്റ് നേടിയത്.
നേരത്തെ വിവിധ ടീമുകള്‍ക്കെതിരെ നെറ്റ്‌സില്‍ പന്തെറിഞ്ഞ് അര്‍ജുന്‍ വാര്‍ത്തകളില്‍ ശ്രദ്ധ പിടിച്ചുപറ്റിയിരുന്നു. ന്യൂസിലാന്‍ഡിനെതിരായ പരമ്പര നടക്കുന്നതിനിടെ അര്‍ജുണ്‍ നെറ്റ്‌സില്‍ ഇന്ത്യന്‍ താരങ്ങള്‍ക്കെതിരെയും പന്തെറിഞ്ഞിരുന്നു. ശിഖര്‍ ധവാന്‍ വിരാട് കോഹ്‌ലി തുടങ്ങി മുതിര്‍ന്ന താരങ്ങള്‍ക്കെതിരെയാണ് അര്‍ജുന്‍ അന്ന് പന്തെറിഞ്ഞത്.