armyman – Chandrika Daily

മലയാളി സൈനികന്‍ ജോലിക്കിടെ പാമ്പുകടിയേറ്റ് മരിച്ചു

webdesk15 — Fri, 13 Oct 2023 11:09:11 +0000

രാജസ്ഥാനില്‍ മലയാളി സൈനികന്‍ ജോലിക്കിടെ പാമ്പുകടിയേറ്റ് മരിച്ചു. ആലപ്പുഴ പട്ടണക്കാട് മൊഴികാട്ട് കാര്‍ത്തികേയന്‍റെ മകന്‍ വിഷ്ണു ആണ് മരിച്ചത്. ജയ്സാൽമീറിലെ പെട്രോളിംഗിനിടെയാണ് വിഷ്ണുവിന് പാമ്പുകടിയേറ്റത്.ഉടന്‍ സൈനിക ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം ഇന്ന് വൈകിട്ട് ആറിന് നെടുമ്പാശ്ശേരി വിമാനത്താവളത്തില്‍ എത്തിക്കും.

പഞ്ചാബിൽ കെട്ടിടത്തിൽ നിന്നും വീണ് ചികിത്സയിലായിരുന്ന മലയാളി സൈനികൻ മരിച്ചു

webdesk15 — Mon, 24 Jul 2023 04:56:36 +0000

പഞ്ചാബിൽ കെട്ടിടത്തിൽ നിന്നും വീണ മലയാളി സൈനികൻ മരിച്ചു.സൈന്യത്തിൽ നഴ്‌സിങ് അസിസ്റ്റന്റായ വയനാട് പുതിയിടം അഞ്ചുകണ്ടംവീട്ടിൽ ഹവീൽദാർ ജാഫർ അമൻ (39) ആണ് മരിച്ചത്.കെട്ടിടത്തിൽ നിന്നും വീണ് തലയ്ക്കു ഗുരുതരമായ പരിക്കേറ്റതിനെത്തുടർന്ന് ചണ്ഡിഗഡ് മിലിട്ടറി ആശുപത്രിയിൽ ശസ്ത്രക്രിയയ്ക്ക് വിധേയനാക്കിയിരുന്നു. തുടർന്ന് ചികിത്സയിലിരിക്കെ ഇന്നലെയാണ് മരണം സംഭവിച്ചത്. എസ്റ്റേറ്റ് തൊഴിലാളികളായ ചെറു മൊയ്തുവിന്റേയും ആമിനയുടേയും മകനാണ്. ഭാര്യ: മൻസൂറ. മക്കൾ: ആഫിദ, റിയാൻ. മൃതദേഹം നാട്ടിലെത്തിച്ച് തലപ്പുഴയിൽ ഖബറടക്കും

ആള്‍ക്കൂട്ട ആക്രമണത്തില്‍ പരിക്കേറ്റ സൈനികന്‍ മരിച്ചു

Chandrika Web — Thu, 16 Feb 2023 07:57:26 +0000

ഡി.എം.കെ നേതാവിന്റെ നേതൃത്വത്തില്‍ ആള്‍ക്കൂട്ടം ആക്രമിച്ചതില്‍ പരിക്കേറ്റ സൈനികന്‍ മരിച്ചു. ജമ്മുകശ്മീരിലെ സൈനികന്‍ പ്രഭു(29) ആണ് മരിച്ചത്. കൃഷ്ണഗിരി ജില്ലയില്‍ തുണി അലക്കുന്നതുമായി ബന്ധപ്പെട്ട തര്‍ക്കത്തിനിടെയാണ് ഡി.എം.കെ കൗണ്‍സിലറും സംഘവും പ്രഭുവിനെ മര്‍ദിച്ചത്. മര്‍ദനത്തില്‍ സഹോദരന്‍ പ്രഭാകരനും പരിക്കേറ്റിരുന്നു. ചിന്നസ്വാമിയാണ് കൗണ്‍സിലര്‍. സംഭവത്തില്‍ ആറുപേരെ പൊലീസ് അറസ്റ്റ ്‌ചെയ്തിരുന്നു.

ഭാര്യയെ വെടിവെച്ച് കൊന്ന് പട്ടാള ഉദ്യോഗസ്ഥന്‍ ആത്മഹത്യ ചെയ്തു

Chandrika Web — Mon, 09 Jan 2023 10:42:31 +0000

പഞ്ചാബിലെ ഫിറോസ്പൂരില്‍ ഭാര്യയെവെടിവെച്ച് കൊന്ന് പട്ടാളഉദ്യോഗസ്ഥന്‍ ആത്മഹത്യ ചെയ്തു. ഇരുവരും തമ്മില്‍ ദാമ്പത്യപ്രശ്‌നങ്ങളുണ്ടായിരുന്നു. കൗണ്‍സലിംഗ് നടന്നുവരികയായിരുന്നു. ലഫ്റ്റനന്റ് കേണലാണ് സ്വയം വെടിവെച്ച് മരിച്ചത്. കുറ്റമേറ്റ് കുറിപ്പെഴുതിവെച്ചിരുന്നു. കഴിഞ്ഞ രാത്രിയിലാണ ്‌സംഭവം. പേരുകള്‍ വെളിപ്പെടുത്തിയിട്ടില്ല.

ആശുപത്രിയിലുള്ള അച്ഛനെ കാണാനെത്തിയ സൈനികന്‍ ബൈക്കപകടത്തില്‍ മരിച്ചു

webdesk14 — Sun, 01 Jan 2023 08:08:04 +0000

തിരുവനന്തപുരം കിളിമാനൂരില്‍ സൈനികന്‍ ബൈക്കപകടത്തില്‍ മരിച്ചു. പുളിമാത്ത് സ്വദേശി ആരോമല്‍ (25)ലാണ് മരിച്ചത്. ബൈക്ക് നിയന്ത്രണം വിട്ട് മറിഞ്ഞായിരുന്നു അപകടം. ഇന്നലെ രാത്രി എട്ടുമണിയോടെയാണ് അപകടമുണ്ടായത്. നാട്ടുകാര്‍ ചേര്‍ന്ന് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ആരോമലിന്റെ പിതാവ് വാഹനാപകടത്തില്‍ പരിക്കേറ്റ് ചികിത്സയിലാണ്. അച്ഛനെ കാണാനാണ് ആരോമല്‍ നാട്ടിലെത്തിയത്. മഹാരാഷ്ട്ര നാസിക്കിലെ സൈനികനാണ് ആരോമല്‍. മൃതദേഹം ഇപ്പോള്‍ മെഡിക്കല്‍ കോളേജ് ആശുപത്രിയില്‍ സൂക്ഷിച്ചിരിക്കുകയാണ്. പോസ്റ്റുമോര്‍ട്ടത്തിന് ശേഷം ബന്ധുക്കളും സൈനികരും ചേര്‍ന്ന് ഏറ്റുവാങ്ങും.