ആദ്യ പകുതിയില്‍ ഇഞ്ചോടിഞ്ച് പോരാട്ടം നടന്നിരുന്നെങ്കിലും രണ്ടാം പകുതിയില്‍ ആഴ്‌സനല്‍ ആധിപത്യം സ്ഥാപിക്കുകയായിരുന്നു. 13ാം മിനിറ്റില്‍ മികച്ച മുന്നേറ്റത്തിലൂടെ എംബെമോയിലൂടെ ബ്രെന്‍ഡ്‌ഫോഡ് വലചലിപ്പിച്ചു. എന്നാല്‍ 29ാം മിനിറ്റില്‍ ഗണ്ണേഴ്‌സ് ഗോള്‍ തിരിച്ചടിച്ചു.

രണ്ടാം പകുതിയുടെ ആരംഭത്തില്‍ തന്നെ ആര്‍സനല്‍ വീണ്ടുമ ഗോള്‍ നേടി. ന്വാനെറിയെടുത്ത കോര്‍ണര്‍ കിക്ക് തട്ടിയകറ്റുന്നതില്‍ ഗോള്‍കീപ്പര്‍ക്ക് ലക്ഷ്യം കണ്ടില്ല. ഡിഫന്‍ഡറുടെ കാലില്‍ തട്ടി ലഭിച്ച പന്ത് സ്പാനിഷ് താരം മിക്കേല്‍ മെറീനോ ലക്ഷ്യത്തിലെത്തിച്ചു. മൂന്ന് മിനിറ്റുകള്‍ക്ക് ശേഷം മറ്റൊരു ഗോള്‍ക്കൂടി ആഴ്‌സനല്‍ വലയിലേക്കെത്തിച്ചു.

കളിയിലെ ആദ്യ പകുതി ഗോള്‍രഹിതമായിരുന്നു. രണ്ടാം പകുതിയിലാണ് കളിയിലെ രണ്ട് ഗോളുകളും പിറന്നത്. 54-ാം മിനിറ്റില്‍ ലഭിച്ച കോര്‍ണറില്‍ മത്സരത്തില്‍ ഗണ്ണേഴ്‌സിനെ ടിംബര്‍ മുന്നിലെത്തിച്ചു. 73-ാം മിനിറ്റില്‍ ലഭിച്ച കോര്‍ണര്‍ കിക്ക് സാലിബയുടെ ദേഹത്ത് തട്ടി വലയിലേക്ക് കുതിച്ചു.

അതേ സമയം ടേബിള്‍ ടോപ്പേഴ്സായ ലിവര്‍പൂളിനെ സമനിലയില്‍ തളച്ച് ന്യൂകാസില്‍ യുണൈറ്റഡ് . കളിയില്‍ ഇരുടീമുകളും മൂന്ന് ഗോള്‍ വീതമടിച്ച് പിരിയുകയായിരുന്നു. ലിവര്‍പൂളിനായി മുഹമ്മദ് സലാഹ് ഇരട്ട ഗോള്‍ കണ്ടെത്തിയ മത്സരത്തില്‍ കര്‍ട്ടിസ് ജോണ്‍സും ഗോള്‍ നേടി. അലക്‌സാണ്ടര്‍ ഇസാഖ്, ഫാബിയാന്‍ ഷാര്‍, ആന്റണി ജോര്‍ഡന്‍ എന്നിവരാണ് ന്യൂകാസില്‍ സ്‌കോറര്‍മാര്‍. 90-ാം മിനിറ്റില്‍ ഫാബിയാന്‍ ഷാര്‍ നേടിയ ഗോളാണ് ലിവര്‍പൂളിന്റെ കയ്യില്‍ നിന്ന് വിജയം തട്ടിയകറ്റിയത്.

മറ്റു മത്സരങ്ങളില്‍ ചെല്‍സി സതാംപ്ടണെ ഒന്നിനെതിരെ അഞ്ച് ഗോളുകള്‍ക്ക് തകര്‍ത്തപ്പോള്‍ നോട്ടിങ്ഹാം ഫോറസ്റ്റിനെ മാഞ്ചസ്റ്റര്‍ സിറ്റി എതിരില്ലാത്ത മൂന്ന് ഗോളിന് വീഴ്ത്തി. അകല്‍ ഡിസാസി, ക്രിസ്റ്റഫര്‍ എന്‍കുന്‍കു, നോനി മദുവേക കോള്‍ പാമര്‍, ജേഡന്‍ സാഞ്ചോ എന്നിവരാണ് നീലപ്പടക്കായി കച്ചമുറുക്കിയത്. ബെര്‍ണാഡോ സില്‍വ, കെവിന്‍ ഡിബ്രൂയിനെ, ജെറമി ഡോക്കു എന്നിവരാണ് സിറ്റിയുടെ സ്‌കോറര്‍മാര്‍.