ക്രിസ്റ്റല്‍ പാലസിനെ അവരുടെ തട്ടകത്തില്‍ നേരിട്ട മുന്‍ചാമ്പ്യന്‍മാരായ ആര്‍സെനല്‍ ചിലിയന്‍ താരം അലക്‌സിസ് സാഞ്ചസിന്റെ ഇരട്ടഗോള്‍ മികവില്‍ രണ്ടിനെതിരെ മൂന്നു ഗോള്‍ക്കു ജയവും നിര്‍ണായകമായ മൂന്നു പോയന്റും സ്വന്തമാക്കുകയായിരുന്നു. 20 കളികളില്‍ നിന്നും 37 പോയിന്റുമായി അഞ്ചാം സ്ഥാനത്താണ് നിലവില്‍ ആര്‍സെനല്‍. ലീഗ് കിരീട പോരില്‍ പിന്നോട്ടുപോയ ഗണ്ണേഴ്‌സ് ആദ്യ നാലില്‍ ഫിനീഷ് ചെയ്ത് അടുത്ത വര്‍ഷത്തെ ചാമ്പ്യന്‍സ് ലീഗില്‍ യോഗ്യതയുറപ്പിക്കാനുള്ള ശ്രമത്തിലാണ് വെങറും കൂട്ടരും.