പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തരമന്ത്രി അമിത് ഷാ, ലോക്‌സഭാ സ്പീക്കര്‍ ഓം ബിര്‍ള എന്നിവര്‍ ജെയ്റ്റ്‌ലിയെ ആസ്പത്രിയില്‍ സന്ദര്‍ശിച്ചു. നേരത്തെ, വൃക്ക മാറ്റിവെക്കല്‍ ശസ്ത്രക്രിയക്കും ജെയ്റ്റ്‌ലി വിധേയനായിട്ടുണ്ട്.

എക്സിറ്റ് പോള്‍ ഫലങ്ങളും തെരഞ്ഞെടുപ്പ് ഫലവും ഒന്നു തന്നെയെങ്കില്‍ ഇ.വി.എമ്മുകളെക്കുറിച്ചുള്ള പ്രതിപക്ഷത്തിന്റെ വ്യാജ പ്രചരണങ്ങള്‍ വ്യര്‍ഥമാകുമെന്ന് അരുണ്‍ ജെയ്റ്റ്ലി കുറിച്ചു. തെരഞ്ഞെടുപ്പ് അവസാനിച്ചയുടന്‍ പുറത്തു വന്ന എക്സിറ്റ് പോള്‍ ഫലങ്ങള്‍ ബി.ജെ.പിക്ക് അനുകൂലമായിരുന്നു. അതേസമയം എക്സിറ്റ് പോള്‍ ഫലത്തിന് പിന്നില്‍ വോട്ടിംഗ് മെഷീനുകളില്‍ തിരിമറി നടത്താനുഉള്ള തന്ത്രമാണെന്ന വാദവുമായി ബംഗാള്‍ മുഖ്യമന്ത്രി മമതാ ബാനര്‍ജി രംഗത്തെത്തിയിരുന്നു. ഇതിനിടെയാണ് എക്സിറ്റ് പോള്‍ ഫലങ്ങളെ വെച്ച് ഇ.വി.എമ്മുകളില്‍ വ്ിശ്വാസം പ്രകടിപ്പിച്ചുള്ള കേന്ദ്രമന്ത്രിയുടെ അഭിപ്രായപ്രകടനം.

‘വ്യക്തികളുമായി നടത്തുന്ന അഭിമുഖങ്ങള്‍ അടിസ്ഥാനമാക്കിയാണ് എക്സിറ്റ് പോള്‍ ഫലങ്ങള്‍ കണക്കാക്കുന്നത്. ഇ.വി.എമ്മുകള്‍ക്ക് പങ്കില്ല. എക്സിറ്റ് പോള്‍ ഫലങ്ങളും മെയ് 23ന് പുറത്തു വരുന്ന ഫലവും ഒന്നു തന്നെയാണെങ്കില്‍ പ്രതിപക്ഷം ഇ.വി.എമ്മുകള്‍ക്കെതിരെ ഉന്നയിക്കുന്ന വ്യാജ പ്രചരണങ്ങള്‍ക്ക് പിന്നെ നിലനില്‍പ്പുണ്ടായവില്ല’, ജെയ്റ്റ്ലി ഫെയ്സ്ബുക്കില്‍ കുറിച്ചു.

ഇലക്ട്രോണിക് വോട്ടിംഗ് മെഷീനുകളില്‍ മാറ്റം വരുത്താനോ, തിരിമറി നടത്താനോ ഉള്ള തന്ത്രമാണ് പുറത്തു വന്ന എക്‌സിറ്റ് പോള്‍ ഫലമെന്നായിരുന്നു മമതാ ബാനര്‍ജിയുടെ മുന്നറിയിപ്പ്. എക്സിറ്റ് പോള്‍ ഫലങ്ങളില്‍ വിശ്വാസമില്ലെന്നും എല്ലാ പ്രതിപക്ഷ പാര്‍ട്ടികളും ഇതില്‍ ജാഗ്രത പുലര്‍ത്തി ഒരുമിച്ചു നില്‍ക്കുമെന്നും നമുക്ക് ഒന്നിച്ച് നിന്ന് പോരാടാമെന്നും മമത ട്വിറ്ററില്‍ കുറിച്ചു.

I don’t trust Exit Poll gossip. The game plan is to manipulate or replace thousands of EVMs through this gossip. I appeal to all Opposition parties to be united, strong and bold. We will fight this battle together

— Mamata Banerjee (@MamataOfficial) May 19, 2019

അതിനിടെ തെരഞ്ഞെടുപ്പ് കമ്മീഷനെ തള്ളി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി രംഗത്തെത്തിയിരുന്നു. പഴയപോലെ ഇപ്പോള്‍ ബഹുമാനമില്ലെന്ന സൂചനയുമായാണ് രാഹുല്‍ ഗാന്ധി രംഗത്തെത്തിയത്. ഇലക്ട്രിക്കല്‍ ബോണ്ട്‌സ്, ഇലക്ട്രോണിക്ക് വോട്ടിംഗ് മെഷീന്‍ മുതല്‍ തെരഞ്ഞെടുപ്പ് ഷെഡ്യൂള്‍, നമോ ടിവി, മോദി ആര്‍മി, മൗന പ്രചാരണത്തിനിടെ നടന്ന കേദര്‍നാഥിലെ നാടകം വരെ, മോദിയുടേയും അദ്ദേഹത്തിന്റെ ആളുകളുടേയും മുന്നില്‍ തെരഞ്ഞെടുപ്പ് കമ്മീഷന്‍ മുട്ടുകുത്തുന്നത് പ്രകടമാക്കുന്നതാണ്. ഇത് ഒരോ ഇന്ത്യക്കാരനും വ്യക്തമായി കഴിഞ്ഞു. തെരഞ്ഞെടുപ്പ് കമ്മീഷനെ നമ്മള്‍ അനുസരുക്കുകയും ബഹുമാനിക്കാറുമുണ്ടായിരുന്നു. എന്നാല്‍ ഇനിയതുണ്ടാവില്ല, രാഹുല്‍ ട്വിറ്ററില്‍ കുറിച്ചു.

From Electoral Bonds & EVMs to manipulating the election schedule, NaMo TV, “Modi’s Army” & now the drama in Kedarnath; the Election Commission’s capitulation before Mr Modi & his gang is obvious to all Indians.

The EC used to be feared & respected. Not anymore.

— Rahul Gandhi (@RahulGandhi) May 19, 2019

എക്‌സിറ്റ് പോള്‍ പുറത്തുവരുന്നതിന് മുമ്പ് അവസാന ഘട്ട വോട്ടെടുപ്പ് കഴിഞ്ഞയുടനെയായിരുന്നു രാഹുലിന്റെ ഈ ട്വീറ്റ്.

ജി.എസ്.ടിക്ക് കീഴിലുള്ള 98 ശതമാനം ഉത്പന്നങ്ങളും സേവനങ്ങളും 18 ശതമാനം നികുതി നിരക്കിന് താഴേക്ക് കൊണ്ടുവരുമെന്ന പ്രഖ്യാപനം പ്രധാനമന്ത്രി നരേന്ദ്ര മോദി നടത്തിയിരുന്നു. ഇതിന്റെ ചുവടുപിടിച്ചാണ് ജി.എസ്.ടി കൗണ്‍സിലില്‍ വിഷയം പരിഗണിച്ചത്. ആഢംബര വസ്തുക്കള്‍ക്ക് നികുതി കുറക്കുന്നതിനോട് യോജിപ്പില്ലെന്ന നിലപാടാണ് കേരളമടക്കമുള്ള പല സംസ്ഥാനങ്ങളും സ്വീകരിച്ചിരുന്നത്. അതേസമയം സാധാരണക്കാര്‍ ഉപയോഗിക്കുന്ന വസ്തുക്കളുടെ നികുതി കുറക്കുന്നതിന് ഈ സംസ്ഥാനങ്ങള്‍ അനുകൂലിക്കുകയും ചെയ്തു.

അതേസമയം ഏതെല്ലാം വസ്തുക്കളുടെ നികുതിയാണ് ജി.എസ്.ടി കൗണ്‍സില്‍ കുറച്ചതെന്നത് സംബന്ധിച്ച വിവരങ്ങള്‍ പുറത്തുവന്നിട്ടില്ല.
അവശ്യസാധനങ്ങള്‍ക്കാണ് നികുതിയിളവ് അനുവദിച്ചിരിക്കുന്നതെന്നാണ് സൂചന. അതേസമയം ജി.എസ്.ടി നിരക്ക് കുറിച്ച വിഷയത്തില്‍ പ്രതികരണവുമായി കോണ്‍ഗ്രസ് രംഗത്തെത്തി. പൊതു തെരഞ്ഞെടുപ്പ് അടുത്തിരിക്കെ ജി.എസ്.ടി കുറയ്ക്കുന്നത് രാഷ്ട്രീയ നേട്ടത്തിന് വേണ്ടിയാണെന്ന് കോണ്‍ഗ്രസ് ആരോപിച്ചു. കേന്ദ്ര സര്‍ക്കാറിന്റെ ജനദ്രോഹ നടപടിയായ ജി.എസ്.ടി ബില്ലിനെതിരെ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി നേരത്തെ ശക്തമായ നിലപാടുകള്‍ എടുത്തിരുന്നു. “ഗബ്ബര്‍ സിങ് ടാക്‌സ്” എന്നായിരുന്നു രാഹുലിന്റെ കടുത്ത വിമര്‍ശനം. “ഗ്രാന്റ് സ്റ്റുപ്പിഡ് തോട്ട്” എന്ന വിമര്‍ശവുമായി കഴിഞ്ഞ ദിവസവും രാഹുല്‍ രംഗത്തെത്തിയിരുന്നു. ജനവിരുദ്ധ നയങ്ങള്‍ മാറ്റാതെ പ്രധാനമന്ത്രിയെ ഉറങ്ങാന്‍ വിടില്ലെന്നും രാഹുല്‍ വെല്ലുവിളിയുയുര്‍ത്തി.

അതേസമയം എല്ലാ സംസ്ഥാനങ്ങളുടെയും അഭിപ്രായം തേടിയ ശേഷമാവും കുറക്കുന്നത് സംബന്ധിച്ച തീരുമാനമെടുക്കുകയെന്ന് ജിഎസ്ടി കൗണ്‍സില്‍ പങ്കെടുത്ത സംസ്ഥാന ധനമന്ത്രി തോമസ് ഐസക് പറഞ്ഞു.

ക്രിമിനല്‍ കേസുകളില്‍ പൊലീസ് അന്വേഷണം പ്രഖ്യാപിക്കാന്‍ ഡല്‍ഹി സര്‍ക്കാറിന് അധികാരമില്ലെന്ന് സുപ്രീംകോടതി വിധിയിലൂടെ വ്യക്തമായെന്ന് ജെയ്റ്റ്‌ലി പറഞ്ഞു. ഡല്‍ഹി ക്രിക്കറ്റ് അസോസിയേഷന്‍ (ഡി.ഡി.സി.എ) അഴിമതിയെ കുറിച്ച് അന്വേഷിക്കാന്‍ പ്രത്യേക കമ്മീഷന്‍ രൂപീകരിച്ച കെജ്‌രിവാള്‍ സര്‍ക്കാറിന്റെ മുന്‍നടപടി തെറ്റാണെന്ന് ചൂണ്ടിക്കാട്ടിയായിരുന്നു ജെയ്റ്റ്‌ലിയുടെ പ്രതികരണം. ഡല്‍ഹി സര്‍ക്കാറിന് പൊലീസിന് നിര്‍ദേശം നല്‍കാനുള്ള അധികാരമില്ല. അതിനാല്‍ തന്നെ കുറ്റകൃത്യം അന്വേഷിക്കുന്ന ഏജന്‍സിയെ നിയമിക്കാന്‍ സാധിക്കില്ലെന്നും ജെയ്റ്റ്‌ലി ചൂണ്ടിക്കാട്ടി. ഡി.ഡി.സി.എ പ്രസിഡന്റായിരിക്കെ ജെയ്റ്റ്‌ലി സാമ്പത്തിക ക്രമക്കേട് നടത്തിയെന്ന് ബി.ജെ.പി എം.പിയും മുന്‍ ക്രിക്കറ്റ് താരവുമായ കീര്‍ത്തി ആസാദ് വെളിപ്പെടുത്തിയിരുന്നു. ഈ സാഹചര്യത്തില്‍ അഴിമതികളെ കുറിച്ച് അന്വേഷിക്കാന്‍ സുപ്രീംകോടതി അഭിഭാഷകന്‍ ഗോപാല്‍ സുബ്രഹ്മണ്യത്തെ ഡല്‍ഹി സര്‍ക്കാര്‍ നിയോഗിച്ചു. എന്നാല്‍ ഇതിന് നിയമസാധുതയില്ലെന്ന് ചൂണ്ടിക്കാട്ടി കേന്ദ്രസര്‍ക്കാര്‍ ഉത്തരവ് റദ്ദാക്കിയിരുന്നു. കമ്മീഷനെ നിയമിച്ച ഡല്‍ഹി സര്‍ക്കാര്‍ നടപടി ഭരണഘടനാ വിരുദ്ധമാണെന്നാണ് അന്നത്തെ ലഫ്. ഗവര്‍ണര്‍ നജീബ് ജെങ് ഉത്തരവില്‍ ചൂണ്ടിക്കാട്ടിയത്.

ദക്ഷിണേഷ്യന്‍ രാജ്യങ്ങളില്‍ പെട്രോളിനും ഡീസലിനും ഏറ്റവും ഉയര്‍ന്ന നിരക്ക് ഇപ്പോള്‍ ഇന്ത്യയിലാണ്. ഇന്ത്യയില്‍ നിന്ന് പെട്രോളിയം ഉത്പന്നങ്ങള്‍ പൂര്‍ണ്ണമായും ഇറക്കുമതി ചെയ്ത് വില്‍ക്കുന്ന നേപ്പാളില്‍ ഇന്ത്യയിലെക്കാള്‍ കുറഞ്ഞ വിലയാണ്. കേന്ദ്ര-സംസ്ഥാന സര്‍ക്കാറുകള്‍ ചാര്‍ത്തുന്ന വരുന്ന നികുതിയാണ് വില വര്‍ധനയുടെ പ്രധാന കാരണം.

കേന്ദ്രബജറ്റിന് മുമ്പ് പെട്രോളിയം മന്ത്രലയം എക്‌സൈസ് ഡ്യൂട്ടി കുറയ്ക്കണമെന്ന നിര്‍ദേശം ധനകാര്യമന്ത്രി ജെയ്റ്റിലി നല്‍കിയെങ്കിലും കോര്‍പറേറ്റുകളുടെ കൊള്ളലാഭം തടയാന്‍ അദ്ദേഹത്തിന് ഒരു ഭാവമില്ല. രാജ്യാന്തര വില കൂട്ടുന്നുവെന്ന മുടന്തന്‍ ന്യായം തന്നെയാണ് എണ്ണ കമ്പനികള്‍ ഇപ്പോഴും പറയുന്നത്. എന്നാല്‍ ഈ വാദം പൂര്‍ണ്ണമായും തെറ്റാണ്.

ബ്രെന്റ് ക്രൂഡ് ഓയിലിന്റെ ഇന്നത്തെ വില ബാരലിന് 69.78 ഡോളറാണ്. കഴിഞ്ഞ ഏതാനും ദിവസങ്ങള്‍ക്കിടയില്‍ കൂടിയത് 0.6 ശതമാനം മാത്രം. റെഡി മാര്‍ക്കറ്റില്‍ 65.20 ഡോളര്‍ മാത്രമാണ് വില. എന്നാല്‍ ക്രൂഡിന്റെ വില 140 ഡോളര്‍ ഉണ്ടായിരുന്നതിനേക്കാള്‍ കൂടിയ വിലയ്ക്കാണ് കമ്പനികള്‍ ഇപ്പോള്‍ ഡീസലും പെട്രോളും വില്‍ക്കുന്നത്. അന്ത്രാരാഷ്ട്ര മാര്‍ക്കറ്റില്‍ വില ഭീകരമായി കൂടി എന്ന രീതിയിലാണ് വില കൂട്ടുന്നത്. അന്തരാഷ്ട്ര മാര്‍ക്കറ്റില്‍ ഒരു ഡോളര്‍ കൂടിയാലും ഉല്പാദന ചെലവില്‍ അത് വന്‍ തോതില്‍ പ്രതിഫലി്ക്കില്ല എന്ന വസ്തുത മനപൂര്‍വ്വം മറച്ചു പിടുക്കുകയാണ്. രാജ്യത്തെ പൗരമാന്‍മാരുടെ പണം എണ്ണ കമ്പനികള്‍ കൊള്ളയടിക്കുമ്പോള്‍ കേന്ദ്ര സര്‍ക്കാര്‍ അനങ്ങാപ്പാറ നയം സ്വീകരിക്കുകയാണ്.

डॉ जेटली, नोटबंदी और GST से अर्थव्यवस्था ICU में है।

आप कहते हैं आप किसी से कम नहीं,
मगर आपकी दवा में दम नहीं

— Office of RG (@OfficeOfRG) October 26, 2017

എന്നാല്‍ ഇടത്തരം ആഡംബര വാഹനങ്ങള്‍ക്കുള്ള നികുതി കൂട്ടാനും യോഗം തീരുമാനിച്ചു. ഇടത്തരം കാറുകളുടെ നികുതിയില്‍ രണ്ടു ശതമാനവും വലിയ കാറുകളുടെ നികുതി അഞ്ചുശതമാനവും എസ്യുവിന്റെ നികുതിയില്‍ ഏഴുശതമാനവും വര്‍ധനയുണ്ടാകും. വലിയ കാറുകള്‍ക്കുള്ള നികുതി 20 ശതമാനമാകും. എസ്യുവികള്‍ക്ക് 22 ശതമാനവും ഇടത്തരം ചെറുകാറുകള്‍ക്ക് 17 ശതമാനവുമായാണ് നികുതി വര്‍ധിപ്പിക്കുക. 1200 സിസി പെട്രോള്‍, 1500 സിസി ഡീസല്‍ എന്നീ രണ്ടു കാറ്റഗറികളിലുള്ള വാഹനങ്ങളുടെ നികുതിയില്‍ വര്‍ധനയില്ല. ഇത് 15 ശതമാനമായി തുടരുമെന്നും കേന്ദ്ര ധനമന്ത്രി അരുണ്‍ ജെയ്റ്റ്‌ലി പറഞ്ഞു. പാക്ക്‌ചെയ്ത ധാന്യങ്ങള്‍ക്ക് ജിഎസ്ടിയില്‍ വന്‍ നികുതി ഈടാക്കിയതോടെ വില്‍പ്പന നിര്‍ത്തിവച്ച വില്‍പ്പനക്കാരുമായി ചര്‍ച്ച നടത്താനും തീരുമാനിച്ചു. അതേസമയം, ജിഎസ്ടിയില്‍ റിട്ടേണ്‍ സമര്‍പ്പിക്കാനുള്ള സമയ പരിധി 10 വരെ ദീര്‍ഘിപ്പിച്ചു.

– കര്‍ഷകരുടെ വരുമാനം ഇരട്ടിയാക്കാന്‍ പദ്ധതി
– കൃഷി വിജ്ഞാന്‍ കേന്ദ്രങ്ങളില്‍ ഇനി മിനി ലാബുകള്‍
– ജലക്ഷാമ രൂക്ഷമായ മേഖലകളില്‍ കുടിവെള്ളം
– തൊഴിലുറപ്പ് പദ്ധതിക്ക് വലിയ നീക്കിയിരുപ്പ്; 48000 കോടി രൂപയായി ഉയര്‍ത്തി
– യുവാക്കള്‍ക്ക് കൂടുതല്‍ തൊഴിലവസരം
– ഉദ്യോഗാര്‍ത്ഥികള്‍ക്കായി നൈപുണ്യ വികസന കേന്ദ്രങ്ങള്‍
– പ്രവേശന പരീക്ഷകള്‍ക്ക് ദേശീയ ഏജന്‍സി; യുജിസി മാനദണ്ഡങ്ങള്‍ പരിഷ്‌കരിക്കും

– വനിതാ ക്ഷേമ പദ്ധതികള്‍ക്ക് 184632 കോടി
– ഒരു കോടി കുടുംബങ്ങളെ ദാരിദ്ര്യമുക്തമാക്കും

ഗ്രാമവികസനത്തിന് ഊന്നല്‍

– 2018ഓടെ മുഴുവന്‍ ഗ്രാമങ്ങളും വൈദ്യുതീകരിക്കും.
– 50000 ഗ്രാമങ്ങളെ ദാരിദ്ര്യമുക്തമാക്കും.
റെയില്‍

– റെയില്‍ സുരക്ഷക്ക് ഊന്നല്‍
– റെയില്‍വെ സുരക്ഷക്ക് പ്രത്യേക ഫണ്ട്
– തൊഴില്‍ അവസരങ്ങള്‍ ഉള്‍പ്പെടുത്തി പുതിയ മെട്രോ നയം
– റെയില്‍ വിഹിതം
– 3500 കിലോമീറ്റര്‍ പുതിയ റെയില്‍

– പ്രത്യേക വിനോദസഞ്ചാര സോണുകള്‍
– 2000 സ്‌റ്റേഷനുകളില്‍ സൗരോര്‍ജം ഉപയോഗിക്കും
– പരാതി പരിഹരിക്കാന്‍ കോച്ച് മിത്ര പദ്ധതി
– 500 സ്‌റ്റേഷനുകളില്‍ ലിഫ്റ്റ്
ഓണ്‍ലൈന്‍ ബുക്കിങിന് പ്രചോദനം
– ഐആര്‍സിടിസി വഴിയുള്ള ബുക്കിങിന് സര്‍വീസ് ചാര്‍ജ്ജ് ഇല്ല