ഒന്നാം മോദി സര്‍ക്കാരില്‍ ധനമന്ത്രിയായിരുന്നു അരുണ്‍ ജെയ്റ്റലി. മനോഹര്‍ പരീക്കര്‍ക്ക് മുമ്പ് പ്രതിരോധമന്ത്രിയായും പ്രവര്‍ത്തിച്ചിരുന്നു അദ്ദേഹം. ആഗസറ്റ് ഒന്‍പതിനാണ് ആരോഗ്യസ്ഥിതി മോശമായതിനെ തുടര്‍ന്ന് ജെയ്റ്റ്‌ലിയെ എയിംസില്‍ പ്രവേശിപ്പിച്ചത്. തുടര്‍ന്ന് ആരോഗ്യസ്ഥിതിയില്‍ മാറ്റമുണ്ടായിരുന്നില്ല.

1952 ഡിസംബര്‍ 28ന് ഡല്‍ഹിയിലാണ് അരുണ്‍ ജെയ്റ്റ്‌ലിയുടെ ജനനം. ഡല്‍ഹി സെന്റ് സേവ്യേഴ്‌സ് സ്‌കൂല്‍നിന്ന് സ്‌കൂള്‍ വിദ്യാഭ്യാസം പൂര്‍ത്തിയാക്കിയ അദ്ദേഹം ശ്രീറാം കോളേജ് ഓഫ് കൊമേഴ്‌സില്‍നിന്ന് കൊമേഴ്‌സില്‍ ഓണേഴ്‌സ് ബിരുദം നേടി. തുടര്‍ന്ന് ഡല്‍ഹി യൂണിവേഴ്‌സിറ്റിയില്‍ എല്‍.എല്‍.ബി.യും പൂര്‍ത്തിയാക്കി.

എബിവിപിയിലൂടെയായിരുന്നു രാഷ്ട്രീയപ്രവേശം.1974ല്‍ ഡല്‍ഹി സര്‍വകലാശാല യൂണിയന്‍ പ്രസിഡന്റായി തിരഞ്ഞെടുക്കപ്പെട്ടു. എബിവിപിയുടെ ഡല്‍ഹി പ്രസിഡന്റായും അഖിലേന്ത്യാ സെക്രട്ടറിയായും പ്രവര്‍ത്തിച്ചു. മുതിര്‍ന്ന അഭിഭാഷകനായിരുന്ന അരുണ്‍ ജെയ്റ്റ്‌ലി ഡല്‍ഹി ഹൈക്കോടതിയിലും സുപ്രീംകോടതിയിലും അഭിഭാഷകനായി പ്രാക്ടീസ് ചെയ്തിരുന്നു. വി.പി. സിങ് സര്‍ക്കാരിന്റെ കാലത്ത് അഡീഷണല്‍ സോളിസിറ്റര്‍ ജനറലായും പ്രവര്‍ത്തിച്ചു.

18 വര്‍ഷത്തോളം രാജ്യസഭയില്‍ ഗുജറാത്തിനെ പ്രതിനിധീകരിച്ച അദ്ദേഹം പിന്നീട് ഉത്തര്‍പ്രദേശില്‍നിന്നും രാജ്യസഭയിലെത്തി. 1999ലെ വാജ്‌പേയി സര്‍ക്കാരില്‍ ഇന്‍ഫര്‍മേഷന്‍ ആന്റ് ബ്രോഡ്കാസ്റ്റിങ് വകുപ്പ് മന്ത്രിയായി. പിന്നീട് നിയമകാര്യ മന്ത്രാലയത്തിന്റെയും കമ്പനി അഫേഴ്‌സ് വകുപ്പിന്റെയും ചുമതലയേറ്റെടുത്തു. ഗതാഗതമന്ത്രാലയത്തെ വിഭജിച്ച് ഷിപ്പിങ് വകുപ്പ് രൂപവത്കരിച്ചപ്പോള്‍ ആദ്യമായി ചുമതല വഹിച്ചതും അരുണ്‍ ജെയ്റ്റ്‌ലിയായിരുന്നു.

2014ലെ ലോക്‌സഭ തിരഞ്ഞെടുപ്പില്‍ അമൃത്സറില്‍ മത്സരിച്ചെങ്കിലും നവജ്യോത് സിങ് സിദ്ദുവിനോട് പരാജയപ്പെട്ടു. എന്നാല്‍ രാജ്യസഭാംഗമായ അദ്ദേഹത്തെ ആദ്യ മോദി സര്‍ക്കാരില്‍ ഉള്‍പ്പെടുത്തുകയായിരുന്നു. ധനകാര്യ വകുപ്പിന് പുറമേ കോര്‍പ്പറേറ്റ് അഫേഴ്‌സ്, പ്രതിരോധ മന്ത്രാലയം എന്നിവയുടെയും ചുമതല വഹിച്ചിരുന്നു. ജമ്മു കശ്മീരിലെ മുന്‍ ധനമന്ത്രി ഗിര്‍ദാരി ലാല്‍ ദോഗ്രയുടെ മകള്‍ സംഗീത ജെയ്റ്റ്‌ലിയാണ് ഭാര്യ. സൊനാലി ജെയ്റ്റ്‌ലി, റോഹന്‍ ജെയ്റ്റ്‌ലി എന്നിവര്‍ മക്കളാണ്.

രണ്ടാഴ്ച്ചത്തെ ചികിത്സക്കായാണ് ജെയ്റ്റ്‌ലി ന്യൂയോര്‍ക്കിലേക്ക് പോയത്. തെരഞ്ഞെടുപ്പിന് തൊട്ടുമുന്‍പ് അവതരിപ്പിക്കാന്‍ പോകുന്ന ബജറ്റ് ആയതിനാല്‍ ജനപ്രിയ പ്രഖ്യാപനങ്ങള്‍ക്കാകും ബജറ്റില്‍ കൂടുതല്‍ പരിഗണനയെന്നാണ് പുറത്ത് വരുന്ന വിവരം. ജെയ്റ്റ്‌ലിയുടെ രോഗം സംബന്ധിച്ച് സര്‍ക്കാര്‍ ഔദ്യോഗിക വിവരങ്ങള്‍ ഒന്നും പുറത്ത് വിട്ടിട്ടില്ല.

സാമ്പത്തിക മാന്ദ്യം മറിക്കടക്കാനുള്ള പ്രഖ്യാപനങ്ങള്‍ ബജറ്റില്‍ ഉണ്ടാകുമെന്നാണ് പ്രതീക്ഷ. നികുതി നിരക്കുകളിലും മാറ്റത്തിന് സാധ്യതയുണ്ട്. റെയില്‍വെ രംഗത്ത് വലിയ പ്രഖ്യാപനങ്ങള്‍ക്ക് സാധ്യതയില്ല. കാര്‍ഷികവിദ്യാഭ്യാസതൊഴിമേഖലകള്‍ക്ക് എന്തൊക്കെ പ്രഖ്യാപനം എന്നതും പ്രധാനപ്പെട്ടതാണ്. മോദി സര്‍ക്കാരിന്റെ അവസാന സാമ്പത്തിക വര്‍ഷത്തേക്കുള്ള ബജറ്റ് എന്ന നിലയില്‍ ചില ജനപ്രിയ പദ്ധതികളും ഉണ്ടായേക്കും.

അതേസമയം, കേരളത്തിന്റെ കാര്യത്തില്‍ എന്തൊക്കെയായിരിക്കും സാധ്യതകളെന്നും അറിയാനുണ്ട്. നടപ്പ് പദ്ധതികള്‍ക്ക് കൂടുതല്‍ തുക എന്നതിനൊപ്പം റബറിന്റെ വിലത്തകര്‍ച്ച നേരിടാനുള്ള പ്രഖ്യാപനമാണ് കേരളത്തിന്റെ പ്രതീക്ഷകളിലൊന്ന്. എയിംസ് പ്രഖ്യാപനത്തിനും പാലക്കാട് കോച്ച് ഫാക്ടറിയുമുള്‍പ്പടെയുള്ള പ്രതീക്ഷകളും കേരളം മുന്നോട്ടുവെക്കുന്നു.

മുന്‍ പ്രധാനമന്ത്രി മന്‍മോഹന്‍സിംഗിനേയും മുന്‍ ഉപരാഷ്ട്രപതി ഹമീദ് അന്‍സാരിയേയും മന:പൂര്‍വ്വം അപമാനിക്കാന്‍ ശ്രമിച്ചിട്ടില്ല. അത്തരത്തിലുള്ള ധാരണകള്‍ തെറ്റാണ്. ഈ നേതാക്കളോടും അവര്‍ക്ക് ഇന്ത്യയോടുള്ള പ്രതിബദ്ധതയിലും വളരെ ആദരവാണു ഞങ്ങള്‍ക്കുള്ളതെന്നും ജയ്റ്റ്‌ലി പറഞ്ഞു.

അരുണ്‍ജെയ്റ്റ്‌ലിയുടെ വിശദീകരണം തൃപ്തികരമെന്ന് കോണ്‍ഗ്രസ് മറുപടി നല്‍കി. ജെയ്റ്റ്‌ലിയുടെ വിശദീകരണത്തിന് നന്ദിയുണ്ടെന്നും ഗുജറാത്ത് തെരഞ്ഞെടുപ്പ് സമയത്ത് നടത്തിയ ബി.ജെ.പിക്കെതിരെയുള്ള പരാമര്‍ശങ്ങളില്‍ കോണ്‍ഗ്രസ്സിന് ബന്ധമില്ലെന്നും കോണ്‍ഗ്രസ് നേതാവ് ഗുലാംനബി ആസാദ് വ്യക്തമാക്കി.

പ്രധാനമന്ത്രിയുടെ പാക് പരാമര്‍ശത്തില്‍ സഭ നിര്‍ത്തിവച്ച് ചര്‍ച്ച ചെയ്യണമെന്ന് കോണ്‍ഗ്രസ് രാജ്യസഭയില്‍ ആവശ്യപ്പെട്ടിരുന്നു. പാര്‍ലമെന്റ് നടപടികള്‍ തുടര്‍ച്ചയായി തടസ്സപ്പെടുന്നത് മൂലം ഉപരാഷ്ട്രപതി വെങ്കയ്യ നായിഡു ഇടപെട്ട് ചര്‍ച്ചകള്‍ നടത്തിയിരുന്നു. എന്നാല്‍ അത് പരാജയപ്പെടുകയായിരുന്നു. മന്‍മോഹന്‍സിംഗിനെതിരെയുള്ള പരാമര്‍ശം ചര്‍ച്ച ചെയ്യണമെന്ന നിലപാടില്‍ ഉറച്ചുനില്‍ക്കുകയാണ് കോണ്‍ഗ്രസ് ചെയ്തത്.

ഗുജറാത്ത് തെരഞ്ഞെടുപ്പ് സമയത്താണ് മുന്‍പ്രധാനമന്ത്രി മന്‍മോഹന്‍സിംഗിന് പാക് ബന്ധമുണ്ടായിരുന്നുവെന്ന് മോദി ആരോപിച്ചത്. ഇതിനെതിരെ ശക്തമായ വിമര്‍ശനങ്ങളാണ് ഉയര്‍ന്നുവന്നത്.

ജസ്റ്റിസുമാരായ ദീപക്മിശ്ര, എ.എം ഖാന്‍വികാര്‍, മോഹന്‍ എം ശാന്തന്‍ഗൗഡര്‍ തുടങ്ങിയവരടങ്ങിയ ബെഞ്ചിനോടാണ് സോളിസിറ്റര്‍ ജനറല്‍ രഞ്ജിത് കുമാര്‍ ഇക്കാര്യം പറഞ്ഞത്. പശുക്കടത്തിന്റെ പേരിലും സംരക്ഷണത്തിന്റെ പേരിലും വ്യാപകമായി നടക്കുന്ന ആക്രമണങ്ങള്‍ക്ക് ഞങ്ങള്‍ ഉത്തരവാദികളായിരിക്കുകയില്ല. അത്തരം ആക്രമണങ്ങളെ പിന്തുണക്കില്ല. ഇതുമായി ബന്ധപ്പെട്ടുള്ള എല്ലാ ഉത്തരവാദിത്തങ്ങളും സംസ്ഥാന സര്‍ക്കാരുകള്‍ക്കാണെന്നും കേന്ദ്രം അറിയിച്ചു. ഗോവധം സംബന്ധിച്ചുള്ള എല്ലാ വിഷയങ്ങളും സംസ്ഥാനസര്‍ക്കാരിന്റെ നിയമപരിധിക്കുള്ളില്‍ വരുന്നതാണെന്നും കേന്ദ്രം കൂട്ടിച്ചേര്‍ത്തു.

കഴിഞ്ഞ ദിവസം രാജ്യസഭയിലും ഗോസംരക്ഷകരുടെ ആക്രമണത്തെ ധനകാര്യമന്ത്രി അരുണ്‍ജെയ്റ്റ്‌ലി വിമര്‍ശിച്ചിരുന്നു. ഗോസംരക്ഷകര്‍ കാണിച്ചുകൂട്ടുന്ന അക്രമങ്ങളോട് ഒരു തരത്തിലുള്ള സന്ധിയില്ലെന്നും അവരോട് യാതൊരു ദയയും കാണിക്കില്ലെന്നും ജെയ്റ്റ്‌ലി പറഞ്ഞിരുന്നു. അക്രമങ്ങളെക്കുറിച്ച് അതാത് സംസ്ഥാനങ്ങളോട് അന്വേഷിക്കുമെന്നും ഒരു വീട്ടുവീഴ്ച്ചയും ശിക്ഷ നല്‍കുന്ന കാര്യത്തില്‍ ഉണ്ടാവരുതെന്ന് നിര്‍ദ്ദേശം നല്‍കിയിട്ടുണ്ടെന്നും മന്ത്രി കൂട്ടിച്ചേര്‍ത്തു. രാജ്യത്ത് വര്‍ദ്ധിച്ചുവരുന്ന ഗോസംരക്ഷകരുടെ അക്രമങ്ങളില്‍ വിവിധ രാഷ്ട്രീയപാര്‍ട്ടികള്‍ രാജ്യസഭയില്‍ പ്രതിഷേധം ഉന്നയിച്ചിരുന്നു. ഇതിന് മറുപടിയായാണ് മന്ത്രി രംഗത്തെത്തിയത്.

തട്ടിക്കൊണ്ടുപോയ ഉമറിനെ കണ്ടെത്താന്‍ പോലീസും സൈന്യവും ചേര്‍ന്ന് നടത്തിയ തിരച്ചിലിലാണ് ഉമറിന്റെ മൃതദേഹം വെടിയുണ്ടയേറ്റ നിലയില്‍ കണ്ടെത്തിയത്. രജപുത്ര റൈഫിള്‍സില്‍ സേവനമനുഷ്ഠിച്ചിരുന്ന ലഫ് ഉമര്‍ ഫയാസ് മികച്ചൊരു സ്‌പോര്‍ട്‌സ് താരം കൂടിയായിരുന്നു.

ഭീകരുടെ ഭീരുത്വമാണ് ഇതിലൂടെ പ്രകടമാവുന്നതെന്ന് പ്രതിരോധമന്ത്രി അരുണ്‍ ജെയ്റ്റ്‌ലി പറഞ്ഞു. ഉമറിന്റെ കുടുംബത്തിന്റെ ദു:ഖത്തില്‍ പങ്കുചേരുന്നുവെന്നും അവര്‍ക്കൊപ്പം നില്‍ക്കുന്നുവെന്നും ജയ്റ്റ്‌ലി പറഞ്ഞു. കാശ്മീര്‍ താഴ്‌വരയില്‍ നിന്നും ഭീകരവാദം തുടച്ചുനീക്കാനുള്ള ഇന്ത്യയുടെ നടപടികള്‍ക്ക് ബലം നല്‍കുന്നതാകും അദ്ദേഹത്തിന്റെ ജീവത്യാഗമെന്ന് ജെയ്റ്റ്‌ലി കൂട്ടിച്ചേര്‍ത്തു.

ആവശ്യമായ സമയത്ത് മിന്നലാക്രമണം നടത്തിയത് മറക്കരുത്. മൃതദേഹം വികൃതമാക്കുന്നതുപോലുള്ള നടപടികള്‍ കാണുമ്പോള്‍ ഏതൊരു ഇന്ത്യക്കാരനേയും പോലെ ഇന്ത്യന്‍ സൈന്യത്തില്‍ പൂര്‍ണ്ണ വിശ്വാസമര്‍പ്പിക്കുകയാണ്. അവര്‍ കൃത്യമായ നടപടിയെടുക്കും. എല്ലാറ്റിനുമുപരി നമ്മള്‍ ഇന്ത്യന്‍ സൈന്യത്തെ വിശ്വസിക്കണമെന്നും അദ്ദേഹം പറഞ്ഞു.

സൈന്യം തീരുമാനിക്കുന്നത് പോലെയായിരിക്കും പാക്കിസ്താനെതിരെയുള്ള തിരിച്ചടി. തീരുമാനം സൈന്യത്തിന് വിട്ടുനല്‍കിയെന്നും ഇത്തരം കാര്യങ്ങള്‍ പൊതു ജനങ്ങളല്ല തീരുമാനിക്കുന്നതെന്നും ജെയ്റ്റ്‌ലി വ്യക്തമാക്കി.