അതേസമയം ജയില്‍ അധികൃതരുടെ അനുവാദപ്രകാരമായിരുന്നു ആസാറാം ഫോണ്‍ വിളിച്ചതെന്നും തടവുകാര്‍ക്ക് മാസത്തില്‍ ഒരിക്കല്‍ 80 മിനിറ്റ് ഫോണ്‍ വിളിക്കാന്‍ അനുവാദമുണ്ടെന്നും ഇതിന്റെ ഭാഗമായാണ് ബാപ്പു ഫോണ്‍ വിളിച്ചത്. ഇൗ സംഭാഷണത്തിന്റെ റെക്കോഡിങ്ങാവാം ഇതൊന്നും ജോധ്പുര്‍ സെന്‍ട്രല്‍ ജയില്‍ ഡിഐജി വിക്രം സിങ് പറഞ്ഞു. ഈ സംഭാഷണം അവര്‍ റെക്കോഡ് ചെയ്ത് പ്രചരിപ്പിച്ചതാവാമെന്നും വിക്രം സിങ് കൂട്ടിച്ചേര്‍ത്തു.

പീഡനക്കേസില്‍ ജയിലിലായിട്ടും അദ്ദേഹത്തിന് ഇപ്പോഴും നിരവധി അനുയായികളുണ്ട്. അദ്ദേഹത്തിന്റെ ഔദ്യോഗിക വെബ്‌സൈറ്റ് പ്രകാരം 1941 ല്‍ പാക്കിസ്ഥാനിലെ സിന്ധ് പ്രവിശ്യയിലാണ് ആസാറാം ബാപ്പു ജനിച്ചത്. സ്വാതന്ത്ര്യത്തിന് ശേഷം ഇന്ത്യയിലേക്ക് മടങ്ങിയ ആസാറാമിന്റെ കുടുംബം അഹമ്മദാബാദില്‍ താമസമാക്കി. നാലാംക്ലാസ് വരെയാണ് ഔദ്യോഗിക വിദ്യാഭ്യാസം. യുവാവായിരിക്കെ ദൈവ വിളിയുണ്ടായതിനെ തുടര്‍ന്ന് ഹിമാലയത്തിലേക്ക് പോവുകയും അവിടെ വെച്ച് ലിയാ ഷാ ബാപ്പുവിന്റെ ശിഷ്യത്വം സ്വീകരിക്കുകയും ചെയ്തുവെന്ന് ഡോക്യുമെന്ററി പറയുന്നു. ഗുരുവാണ് 1964ല്‍ അദ്ദേഹത്തിന് ആസാറാം എന്ന് പേര് നല്‍കിയത്.

1970ല്‍ അഹമ്മദാബാദില്‍ തിരിച്ചെത്തിയ ആസാറാം 1972ല്‍ സബര്‍മതി തീരത്ത് ‘മോക്ഷ കുതിര്‍’ എന്ന പേരില്‍ ആദ്യത്തെ ആശ്രമം സ്ഥാപിച്ചു. തുടര്‍ന്ന് ലോകവ്യാപകമായി 400 ആശ്രമങ്ങളാണ് കഴിഞ്ഞ 40 വര്‍ഷത്തിനിടെ സ്ഥാപിച്ചത്. പീഡനക്കേസില്‍ ബാപ്പു കുറ്റക്കാരനെന്ന് കണ്ടെത്തിയിട്ട്‌പോലും അദ്ദേഹത്തിന്റെ ആശ്രമങ്ങള്‍ അനുയായികളാല്‍ നിറഞ്ഞിരിക്കുകയാണ്. തങ്ങളുടെ ഗുരുവിനെ ചെയ്യാത്ത കുറ്റങ്ങള്‍ ചുമത്തിയാണ് ജയിലിലടച്ചിരിക്കുന്നതെന്നാണ് അനുയായികള്‍ പറയുന്നത്.

2008ല്‍ ആസാറാമിന്റെ രണ്ട് ബന്ധുക്കള്‍ ആശ്രമത്തില്‍ ദുരൂഹ സാഹചര്യത്തില്‍ മരിച്ചതോടെയാണ് ബാപ്പു സംശയത്തിന്റെ നിഴലിലായത്. 2009ല്‍ ബാപ്പുവിന്റെ ഏഴ് അനുയായികളെ ഈ കേസുമായി ബന്ധപ്പെട്ട് പൊലീസ് അറസ്റ്റ് ചെയ്തിരുന്നു. 2013ല്‍ യു.പി സഹാറന്‍പൂര്‍ സ്വദേശിനിയായ 16 വയസുകാരിയെ പീഡിപ്പിച്ച കേസ് പുറത്തുവന്നതോടെയാണ് ബാപ്പുവിന്റെ പതനം ആരംഭിച്ചത്. സൂററ്റിലെ രണ്ട് സഹോദരിമാരെ പീഡിപ്പിച്ച സംഭവത്തിലും ആസാറാമിനും മകന്‍ നാരായണ്‍ സായിക്കുമെതിരെ കേസുണ്ട്. ആശ്രമങ്ങള്‍ നിര്‍മിക്കാന്‍ ഭൂമി കയ്യേറിയ സംഭവത്തിലും ആസാറാമിനെതിരെ സൂററ്റിലും അഹമ്മദാബാദിലും കേസുണ്ട്.

ഉത്തര്‍പ്രദേശിലെ സഹാറന്‍പൂര്‍ സ്വദേശിനിയായ പതിനാറുകാരിയെയാണ് ആസാറാം ബാപ്പു പീഡിപ്പിച്ചത്. മാനസിക അസ്വാസ്ഥ്യമുണ്ടായിരുന്ന പെണ്‍കുട്ടിയെ ചികിത്സക്കായാണ് മാതാപിതാക്കള്‍ ആശ്രമത്തിലെത്തിച്ചത്. മാതാപിതാക്കളോട് പുറത്ത് നില്‍ക്കാന്‍ പറഞ്ഞ ശേഷം പെണ്‍കുട്ടിയെ ഇയാള്‍ ലൈംഗീകമായി പീഡിപ്പിക്കുകയായിരുന്നു. 2013 ഓഗസ്റ്റിലുണ്ടായ സംഭവത്തിലെ സാക്ഷികളില്‍ ഒമ്പതുപേര്‍ ആക്രമിക്കപ്പെടുകയും മൂന്നുപേര്‍ ദുരൂഹ സാഹചര്യങ്ങളില്‍ കൊല്ലപ്പെടുകയും ചെയ്തിരുന്നു. കേസ് അന്വേഷിച്ച പൊലീസ് ഉദ്യോഗസ്ഥര്‍ക്ക് നേരെ പോലും വധഭീഷണി ഉയര്‍ന്നിരുന്നു.

നിരവധി അനുയായികളുള്ള ആളാണ് ആസാറാം ബാപ്പു. വിധി പ്രസ്താവിക്കുമ്പോള്‍ അനുയായികള്‍ അക്രമം നടത്താന്‍ സാധ്യതയുള്ളതിനാല്‍ കനത്ത സുരക്ഷയാണ് ഒരുക്കിയിരിക്കുന്നത്. ഹരിയാന, രാജസ്ഥാന്‍, ഇരയുടെ സംസ്ഥാനമായ ഉത്തര്‍പ്രദേശ്, ഗുജറാത്ത് തുടങ്ങിയ സംസ്ഥാനങ്ങളും ജോധ്പൂര്‍ ജയിലും പൊലീസിന്റേയും അര്‍ധസൈനിക വിഭാഗത്തിന്റേയും കനത്ത സുരക്ഷാ വലയത്തിലാണ്.

ഉത്സവ് ബൈന്‍സായിരുന്നു ഹര്‍ജിക്കാര്‍ക്ക് വേണ്ടി ഹാജരായത്. സാക്ഷികളുടെ സുരക്ഷ ഉറപ്പുവരുത്തുന്നതോടൊപ്പം കേസിലുള്‍പ്പെട്ട മറ്റു സാക്ഷികളുടെ ദൂരൂഹ മരണങ്ങള്‍ പ്രത്യേക അന്വേഷണ സംഘത്തെക്കൊണ്ട് അന്വേഷിപ്പിക്കണമെന്നും ബൈന്‍സ് കോടതിയോട് ആവശ്യപ്പെട്ടു.
ഈ കേസിലുള്‍പ്പെട്ട ഏഴ് സാക്ഷികള്‍ ആക്രമിക്കപ്പെടുകയും മൂന്ന് പേര്‍ ഇതിനകം കൊല്ലപ്പെട്ടിട്ടുണ്ടെന്നാണ് റിപ്പോര്‍ട്ട്.
2013 ആഗസ്റ്റ് 3നാണ് ജോദ്പൂര്‍ പോലീസ്് ആശാറാം ബാപ്പുവിനെ ബലാല്‍സംഗക്കുറ്റത്തിന് അറസ്റ്റ് ചെയ്തത്.