ദിവസം നാലില്‍ ഇംഗ്ലണ്ട് 6 വിക്കറ്റിന് 134 എന്ന നിലയില്‍ ബാറ്റിംഗ് പുനരാരംഭിച്ചെങ്കിലും, ക്യാപ്റ്റന്‍ ബെന്‍ സ്റ്റോക്‌സും വില്‍ ജാക്‌സും ഒഴികെ മറ്റാര്‍ക്കും പ്രസക്തമായ പ്രതിരോധം കാഴ്ചവെക്കാനായില്ല. സ്റ്റോക്‌സ് 152 പന്തില്‍ 50 റണ്‍സെടുക്കുമ്പോള്‍, ജാക്‌സ് 41 റണ്‍സ് നേടി. ഇംഗ്ലണ്ടിന്റെ രണ്ടാം ഇന്നിങ്‌സ് 241 റണ്‍സില്‍ ഒതുങ്ങി.

ഓസീസ് ബൗളര്‍ മൈക്കല്‍ നേസര്‍ 5 വിക്കറ്റ് നേടി ഇംഗ്ലീഷ് ബാറ്റിംഗ് നിര തകര്‍ത്തു. നാലാം ദിനം ഗസ് അറ്റ്കിന്‍സ് (3), ബ്രൈഡന്‍ കാഴ്‌സ് (7) എന്നിവര്‍ വേഗത്തില്‍ പുറത്തായതിനാല്‍ ഇംഗ്ലണ്ടിന്റെ ഇന്നിങ്‌സ് നിലനില്‍പ്പ് നഷ്ടപ്പെട്ടു. ജൊഫ്ര ആര്‍ച്ചര്‍ 5 റണ്‍സുമായി പുറത്താകാതെ നിന്നു.

മുന്‍ ദിനം 6 വിക്കറ്റിന് 378 എന്ന നിലയില്‍ ബാറ്റിംഗ് തുടര്‍ന്ന ഓസ്ട്രേലിയ 511 റണ്‍സില്‍ സമാപിച്ചു. മിച്ചല്‍ സ്റ്റാര്‍ക്ക് 77 റണ്‍സോടെ ഓസീസ് ബാറ്റിംഗ് നിരക്ക് മേല്‍ക്കൈ നല്‍കി. ജേക്ക് വെതര്‍ലാന്‍ഡ് (72), മാര്‍നസ് ലബൂഷെയ്ന്‍ (65), സ്റ്റീവന്‍ സ്മിത്ത് (61), അലക്‌സ് ക്യാരി (63) എന്നിവരും മികച്ച ഇന്നിംഗ്‌സ് സമ്മാനിച്ചു. സ്‌കോട്ട് ബോളണ്ട് 21 റണ്‍സുമായി പുറത്താകാതെ നിന്നു.

ഇംഗ്ലണ്ടിന് വേണ്ടി ബ്രൈഡന്‍ കാഴ്‌സ് 4 വിക്കറ്റും ബെന്‍ സ്റ്റോക്‌സ് 3 വിക്കറ്റും നേടി.
മുന്‍പ് ഇംഗ്ലണ്ട് 334 റണ്‍സില്‍ ഒന്നാം ഇന്നിങ്‌സ് അവസാനിച്ചിരുന്നു.

ആദ്യ ടെസ്റ്റിലും ജയിച്ച ഓസ്ട്രേലിയ, ആഷസ് കിരീടത്തിലേക്ക് മറ്റൊരു ചുവടുവെപ്പ് ഉറപ്പിച്ചു.

എന്നാല്‍ പന്ത് ചുരണ്ടല്‍ വിവാദത്തെ തുടര്‍ന്ന് ഒരു വര്‍ഷത്തെ വിലക്കിനുശേഷം തിരിച്ചെത്തിയ സ്മിത്ത് ആഷസ് പരമ്പരയില്‍ മികച്ച പ്രകടനം പുറത്തെടുത്തിരുന്നു. പരമ്പരയില്‍ ഇതുവരെയായി അഞ്ച് ഇന്നിങ്സില്‍ നിന്ന് 671 റണ്‍സാണ് സ്മിത്ത് നേടിയത്.ടെസ്റ്റ് റാങ്കിങ്ങില്‍ ഒന്നാം സ്ഥാനം തിരിച്ചുപിടിക്കുകയും ചെയ്തു. ഇംഗ്ലണ്ടിനായി 63 ടെസ്റ്റുകള്‍ കളിച്ച താരമാണ് ഹാര്‍മിസണ്‍. മാഞ്ചസ്റ്ററില്‍ അവസാനിച്ച നാലാം ടെസ്റ്റില്‍ ആദ്യ ഇന്നിങ്്‌സില്‍ 211 റണ്‍സും രണ്ടാം ഇന്നിങ്സില്‍ 82 റണ്‍സും സ്മിത്ത് നേടിയിരുന്നു. 82 ആണ് ഈ ആഷസില്‍ സ്മിത്തിന്റെ ഏറ്റവും കുറഞ്ഞ സ്‌കോര്‍.

ബെന്‍ സ്‌റ്റോക്‌സിനെ ക്രിക്കറ്റ് ലോകം പെട്ടെന്ന് മറക്കാന്‍ സാധ്യതയില്ല. ലോകകപ്പ് എന്ന ഇംഗ്ലണ്ടിന്റെ സ്വപ്നം യാഥാര്‍ത്ഥ്യമാക്കിയ ഈ ഓള്‍റൗണ്ടര്‍ ക്രിക്കറ്റ് നിലനില്‍ക്കുന്ന കാലം വരെ ഓര്‍ക്കപ്പെടും. ആഷസ് ടെസ്റ്റ് പരമ്പരയിലൂടെ ടെസ്റ്റ് ക്രിക്കറ്റിലെ ലോകകപ്പിനും തുടക്കമായി. ലോകകപ്പിനപ്പുറം ആഷസ് എന്നും ക്രിക്കറ്റിലെ ഒരു യുദ്ധമാണ്. നിലവില്‍ നടക്കുന്ന ആഷസ് പരമ്പരയിലെ മൂന്നാമത്തെ മത്സരത്തിലെ ഇംഗ്ലണ്ടിന്റെ ഒരു വിക്കറ്റ് വിജയവും അതിന്റെ ഉദാഹരണമാണ്. ലോകകപ്പ് ഫൈനലില്‍ ലോഡ്‌സില്‍ പുറത്തെടുത്ത പ്രകടനത്തേക്കാള്‍ ഒരുപടി കൂടി മുന്നില്‍ നില്‍ക്കുന്ന ഇന്നിങ്‌സായിരുന്നു ലീഡ്‌സിലെ സ്‌റ്റോക്‌സിന്റെ പ്രകടനം. ഒന്നാം ഇന്നിങ്‌സില്‍ 67 റണ്‍സിന് തകര്‍ന്ന ഇംഗ്ലണ്ടിന്റെ മിന്നുന്ന തിരിച്ച് വരവാണ് നമ്മള്‍ കണ്ടത്. അവസാന വിക്കറ്റില്‍ നടത്തിയ സ്വപ്നസമാനമായ പോരാട്ടത്തിലൂടെ ഒരു വിക്കറ്റിന്റെ വിജയമാണ് സ്‌റ്റോക്‌സ് ഇംഗ്ലണ്ടിനു സമ്മാനിച്ചത്. ലീച്ചിനെയും കൂട്ട് പിടിച്ച് 73 റണ്‍സ് ചേര്‍ത്ത് തന്റെ പ്രതിഭ സ്‌റ്റോക്‌സ് വീണ്ടും തെളിയിക്കുന്നതിനായിരുന്നു ലീഡ്‌സ് സാക്ഷ്യം വഹിച്ചത്.

എന്നാല്‍ കയ്യിലുണ്ടായിരുന്ന വിജയം കൈവിടുന്ന ആസ്‌ട്രേലിയന്‍ ടീമിനെയാണ് നമ്മള്‍ കണ്ടത്. അവസാന ഓവറുകളില്‍ മാത്രം രണ്ട് അവസരങ്ങളാണ് ആസ്‌ട്രേലിയക്ക് ലഭിച്ചത്. എളുപ്പത്തില്‍ ലഭിക്കാവുന്ന റണ്‍ ഔട്ട് മാറ്റിവെച്ചാല്‍ നഥാന്‍ ലെയോണ്‍ മത്സരത്തില്‍ എറിഞ്ഞ അവസാന ഓവറിലെ അവസാന പന്തില്‍ സ്‌റ്റോക്‌സിനെ എല്‍ബിക്ക് മുന്നില്‍ കുടുക്കാന്‍ സാധിച്ചെങ്കിലും അമ്പയര്‍ വിക്കറ്റ് അനുവദിച്ചില്ല.

ടീം റിവ്യു ആസ്‌ട്രേലിയന്‍ ക്യാപ്റ്റന്‍ അനാവശ്യമായി ഉപയോഗിച്ചത് അവര്‍ക്ക് വിനയായി. ടിം പെയ്ന്‍ എന്ന ക്യാപ്റ്റന്റെ മണ്ടത്തരമായിരുന്നു അത്. ബൗള്‍ ചെയ്ത പാറ്റ് കമ്മിന്‍സിന് പോലും റിവ്യു നല്‍കാന്‍ താല്‍പര്യമില്ലായിരുന്നു. എന്നാല്‍ ക്യാപ്റ്റന്റെ പിടിവാശിയാണ് മത്സരം നഷ്ടപ്പെടുത്തിയ റിവ്യു എന്ന തീരുമാനം. പുതു ജീവന്‍ ലഭിച്ച സ്‌റ്റോക്‌സ് വിജയത്തിലേക്ക് ബൗണ്ടറി പായിപ്പിച്ചപ്പോള്‍ അഞ്ച് മത്സരങ്ങള്‍ ഉള്ള പരമ്പരയിലെ ബാക്കിയുളള രണ്ട് മത്സരങ്ങള്‍ക്ക് കൂടുതല്‍ പ്രാധാന്യമേറി.

മഴ മൂലം പകുതി ദിവസങ്ങള്‍ നഷ്ടമായ രണ്ടാം ടെസ്റ്റിലും ഓസീസ് പ്രതീക്ഷയോടെ നോക്കുന്നത് സ്റ്റീവ് സ്മിത്തിന്റെ ബാറ്റിലേക്കാണ്. ഇംഗ്ലണ്ടിന്റെ ഒന്നാം ഇന്നിംഗ്‌സ് സ്‌കോറായ 258 റണ്‍സിന് മറുപടിയായി മൂന്നാം ദിനം കളി നിര്‍ത്തുമ്പോള്‍ ഓസീസ് 80/4 എന്ന നിലയിലാണ്. 13 റണ്‍സുമായി സ്മിത്ത് ക്രീസിലുണ്ട്.

നേരത്തെ ആദ്യ ഇന്നിങ്‌സിനു പിന്നാലെ രണ്ടാം ഇന്നിങ്‌സിലും സെഞ്ചുറി നേടിയ സ്റ്റീവ് സ്മിത്തും (142), മാത്യു വെയ്ഡും (110) ചേര്‍ന്നാണ് രണ്ടാം ഇന്നിങ്‌സില്‍ ഓസീസ് സ്‌കോര്‍ 487 റണ്‍സിലെത്തിച്ചത്. 51 റണ്‍സെടുത്ത ട്രാവിസ് ഹെഡും മികച്ച പ്രകടനം പുറത്തെടുത്തു. ഒന്നാം ഇന്നിങ്‌സില്‍ ഓസീസ് 90 റണ്‍സ് ലീഡ് വഴങ്ങിയിരുന്നു. സ്‌കോര്‍: ഓസ്‌ട്രേലിയ 284 & 487/7 ഡിക്ലയേര്‍ഡ് , ഇംഗ്ലണ്ട് 374 & 146

എജ്ബാസ്റ്റണ്‍: ഇന്ന് മുതല്‍ ആഷസ് അങ്കം. ഇത്തവണ ഐ.സി.സി ടെസ്റ്റ് ചാമ്പ്യന്‍ഷിപ്പിന്റെ തുടക്കമെന്നോണമാണ് ആഷസ് അരങ്ങേറുന്നത്. ഇന്ത്യന്‍ സമയം വൈകീട്ട് 3-30 മുതല്‍ മല്‍സരത്തിന്റെ തല്‍സമയ സംപ്രേഷണം സോണി സിക്‌സ് ചാനലില്‍.

ലോകകപ്പ്് സ്വന്തമാക്കിയ ആവേശത്തിലാണ് ഇംഗ്ലണ്ടുകാര്‍. പക്ഷേ ലോകകപ്പിന് തൊട്ട് പിറകെ നടന്ന അയര്‍ലാന്‍ഡിനെതിരായ ചതുര്‍ദിന ടെസ്റ്റിന്റെ തുടക്കത്തില്‍ ഇംഗ്ലീഷ് ബാറ്റിംഗ് നിര ചീട്ടുകൊട്ടാരം പോലെ തകര്‍ന്നതാണ് ഓസീസ് ആവേശം.

മിച്ചല്‍ സ്റ്റാര്‍ക്ക്് ഉള്‍പ്പെടുന്ന പേസ് ബാറ്ററിയിലാണ് ഓസീസ് പ്രതീക്ഷകള്‍. എജ്ബാസ്റ്റണ്‍ പിച്ച് സ്വിംഗ് ബൗളിംഗിനെ തുണക്കുന്ന സാഹചര്യത്തില്‍ ജോ റൂട്ട് ഉള്‍പ്പെടുന്ന ഇംഗ്ലീഷ് മുന്‍നിരയെ വിറപ്പിക്കാമെന്നാണ് അവര്‍ കരുതുന്നത്. ഇംഗ്ലണ്ട് ടീമിനെ ഇന്നലെ പ്രഖ്യാപിച്ചപ്പോള്‍ ആദ്യ ഇലവനില്‍ ജോഫ്രെ ആര്‍ച്ചറില്ല. പരുക്കാണ് പ്രശ്‌നം. വെറ്ററന്‍ ജിമ്മി ആന്‍ഡേഴ്‌സണാണ് ബൗളിംഗ് നയിക്കുക. സ്റ്റ്യൂവര്‍ട്ട് ബ്രോഡും തിരിച്ചെത്തി.ബാറ്റിംഗില്‍ നായകന്‍ ജോ റൂട്ട് തന്നെ പ്രധാനി.

മത്സരത്തിനിടെ ഒരു ഓസ്ട്രേലിയന്‍ താരം ” ടേക് ദാറ്റ്, ഒസാമ” എന്ന് തന്നോട് പറഞ്ഞതായാണ് മോയിന്‍ അലി വെളിപ്പെടുത്തിയിരിക്കുന്നത്. കാര്‍ഡിഫില്‍ നടന്ന ആദ്യ ടെസ്റ്റിനിടെയാണ് സംഭവം. മത്സരത്തില്‍ 77 റണ്‍സും, 5 വിക്കറ്റും നേടി മോയിന്‍ അലി മികച്ച പ്രകടനം നടത്തിയിരുന്നു. പരമ്പര ഇംഗ്ലണ്ട് 3-2ന് സ്വന്തമാക്കുകയും ചെയ്തിരുന്നു. ഈ പരാമര്‍ശം തന്നെ ഏറെ വിഷമിപ്പിച്ചെന്നും ചില സഹകളിക്കാരോടും ഇംഗ്ലണ്ട് കോച്ച് ട്രെവര്‍ ബെയിലിസിനോടും  സംഭവം പറഞ്ഞിരുന്നു.

ഇംഗ്ലണ്ട് കോച്ച് ട്രെവര്‍ ബെയിലിസ് ഇത് അന്നത്തെ ഓസ്ട്രേലിയന്‍ കോച്ചായ ഡാരന്‍ ലേമാനൊട് പറഞ്ഞിരുന്നു. എന്നാല്‍ ലേമാന്‍ താരത്തിനോട് വിശദീകരണം തേടിയപ്പോള്‍ താരം ഇത് നിഷേധിക്കുകയായിരുന്നു എന്ന് അലി പറയുന്നു.

അതേസമയം സംഭവം ഗൗരമായി കാണുന്നുവെന്നും കളികളത്തിലെ ഇത്തരം പെരുമാറ്റം ഒരിക്കലും ന്യായീകരിക്കാനാവില്ലയെന്നും തങ്ങളുടെ രാജ്യത്തിനെ പ്രതിനിധീകരിച്ച് കളിക്കുന്നവര്‍ രാജ്യത്തിന്റെ മൂല്യങ്ങള്‍ ഉയര്‍ത്തിപ്പിടിക്കേണ്ടവരാണെന്നും അത്തരം കളിക്കാരിയില്‍ നിന്നും ഇത്തരം പെരുമാറ്റം ഉണ്ടായിട്ടുണ്ടെങ്കില്‍ നടപടി സ്വീകരിക്കുമെന്നും ക്രിക്കറ്റ് ഓസ്്‌ട്രേലിയ വക്താവ് അറിയിച്ചു. സംഭവത്തില്‍ അന്വേഷണത്തിന് ഉത്തരവിട്ടിട്ടുണ്ട, സംഭവത്തില്‍ ഇംഗ്ലണ്ട് ക്രിക്കറ്റ് ബോര്‍ഡിന്റെ വിശദീകരണം തേടുമെന്നും ക്രിക്കറ്റ് ഓസ്്‌ട്രേലിയ വക്താവ് വ്യക്തമാക്കി.

എതിരാളികളെ മാനസികമായി തളര്‍ത്താന്‍ ഏതറ്റം വരേയും പോകുന്നവരാണ് ഓസ്‌ട്രേലിയന്‍ ക്രിക്കറ്റ് താരങ്ങള്‍. പലപ്പോഴും ഇത് പരിധി വിടാറുമുണ്ട്. എന്നാല്‍ മോയിന്‍ അലിയുടെ പുതിയ വെളിപ്പെടുത്തല്‍ ക്രിക്കറ്റ് ലോകത്ത് ചൂടേറിയ ചര്‍ച്ചയ്ക്ക് വഴിയൊരുക്കിയിരിക്കുകയാണ്. നേരത്തെ ദക്ഷിണാഫ്രിക്കന്‍ താരം ഹാഷിം അംലയെ ഭീകരവാദി എന്ന വിളിച്ചതിന് ടിവി കമന്റേറ്റര്‍ ഡീന്‍ ജോണ്‍സിന് ജോലി നഷ്ടമായിരുന്നു. ഓസ്‌ട്രേലിയന്‍ മുന്‍ ടെസ്റ്റ് ബാറ്റ്‌സ്മാനായ ഡീന്‍ ജോണ്‍സ് വിരമിച്ച ശേഷം ടിവി കമന്റേറ്ററായി പ്രവര്‍ത്തിച്ചു വരികയായിരുന്നു.

സിഡ്‌നി : ആഷസ് പരമ്പരയിലെ അവസാന ടെസ്റ്റിലും ദയനീയ പരാജയം ഏറ്റുവാങ്ങി ഇംഗ്ലണ്ട് നാണംകെട്ടു. ഇന്നിങ്‌സിനും 123 റണ്‍സിനും ജയിച്ച ഓസ്‌ട്രേലിയ ആഷസ് കീരിടം ചൂടി. നാലിന് 93 എന്ന നിലയില്‍ അഞ്ചാം ദിനം ബാറ്റിങ്‌നിറങ്ങിയ സന്ദര്‍ശകര്‍ക്ക് കാര്യമായതൊന്നും ചെയ്യാനായില്ല. പാറ്റ് കമ്മിന്‍സും നതാന്‍ ലിയോണും ആതിഥേയരുടെ ബൗളിങിന് ചുക്കാന്‍ പിടിച്ചപ്പോള്‍ ശേഷിച്ച ആറു വിക്കറ്റ് 87 റണ്‍സു ചേര്‍ക്കുന്നതിനിടെ നഷ്ടമായി. പരമ്പരയില്‍ നാലാം ടെസ്റ്റില്‍ സമനില നേടിയതുമാണ് ഇംഗ്ലണ്ടിന്റെ നേട്ടം. സ്‌കോര്‍ ചുരുക്കത്തില്‍ ഇംഗ്ലണ്ട് 346&180 ( ജോ റൂട്ട് 58, പാറ്റ് കമ്മിന്‍സ് 4/39), ഓസ്‌ട്രേലിയ 647/7 ഡിക്ല് ( ഉസ്മാന്‍ കവാജ 171, മോയിന്‍ അലി 2/170).

മാര്‍ഷ് സഹോദരങ്ങളുടെ സെഞ്ചുറികളാണ് അവസാന ടെസ്റ്റില്‍ ഇംഗ്ലീഷ് പ്രതീക്ഷകളെ തകര്‍ത്തെറിഞ്ഞത്. ഷോണ്‍ മാര്‍ഷ് 381 പന്തില്‍ 171 റണ്‍സെടുത്തപ്പോള്‍ അനിയന്‍ മിച്ചല്‍ മാര്‍ഷ് 291 പന്തില്‍ 156 റണ്‍സായിരുന്നു നേട്ടം. 171 റണ്‍സുമായി ഉസ്മാന്‍ ഖവാജ ഗംഭീര പ്രകടനം പുറത്തെടുത്തപ്പോള്‍ 303 റണ്‍സിന്റെ വലിയ ഒന്നാം ഇന്നിംഗ്‌സ് ലീഡ് വഴങ്ങുകയായിരുന്നു ഇംഗ്ലണ്ട്.

രണ്ടാം ഇന്നിംഗ്‌സിന്റെ തുടക്കത്തിലെ തിരിച്ചടിയേറ്റ ഇംഗ്ലണ്ട് പിന്നീട് ഒരിക്കലും കളിയില്‍ തിരിച്ചുവന്നില്ല എന്നതാണ് സത്യം. ഇംഗ്ലണ്ടിനായി അല്‍പ്പമെങ്കിലും ഭേദപ്പെട്ട പ്രകടനം പുറത്തെടുത്തത് നായകന്‍ ജോറൂട്ട് മാത്രമാണ്. ഒടുവില്‍ 53 റണ്‍സുമായി നിന്ന റൂട്ട് പരുക്കിനെ തുടര്‍ന്ന് ക്രീസ് വിടുകയായിരുന്നു. വിക്കറ്റ് കീപ്പര്‍ ബാറ്റ്‌സ്മാന്‍ ബെയര്‍സ്‌റ്റോ 38 റണ്‍സെടുത്തു പുറത്തായി. വാലറ്റത്തെ കമ്മിന്‍സ് എറിഞ്ഞിട്ടതോടെ ഇംഗ്ലണ്ട് ഇന്നിങ്‌സ് തോല്‍വി ഏറ്റുവാങ്ങുകയായിരുന്നു. നാലാം ദിനം രണ്ടാം ഇന്നിങ്‌സിലെ മൂന്നാം ഓവറില്‍ തന്നെ സംപൂജ്യനായി മാര്‍ക് സ്‌റ്റോണ്‍മാന്‍ പുറത്തായിരുന്നു. അലിസ്റ്റര്‍ കുക്ക് (10) വിന്‍സ് (18) മലാനും (അഞ്ച് ) പെട്ടെന്ന് മടങ്ങിയതോടെ ഇംഗ്ലണ്ട് ഇന്നിങ്‌സ് പരാജയത്തിലേക്ക് അടുക്കുന്ന സൂചനകള്‍ കണ്ടു തുടങ്ങിയിരുന്നു. ഇരു ഇന്നിങ്‌സുകളിലായി എട്ടു വിക്കറ്റ് സ്വന്തമാക്കിയ കമ്മിന്‍സാണ് കളിയിലെ താരം.

687 runs at an average of 137.40.
3 centuries, 2 fifties.
High score of 239.

No surprise, @stevesmith49 is the #Ashes Player of the Series! pic.twitter.com/AU8uUMnfo1

— ICC (@ICC) January 8, 2018

നായകനെന്ന നിലയില്‍ സ്റ്റീവ് സ്മിത്തിന്റെ കരിയറിലെ ഒരു പൊന്‍തൂവലായി ആഷസ്. പരമ്പരയില്‍ ഉടനീളം ഗംഭീര പ്രകടനം പുറത്തെടുത്ത സ്മിത്ത്് ഏഴ് ഇന്നിങ്‌സുകളില്‍ നിന്നായി മൂന്നു സെഞ്ച്വറിയും രണ്ടു ഫിഫ്ടിയുടേയും അകമ്പടിയോടെ 137.40 ശരാശരിയില്‍ 687 റണ്‍സാണ് അടിച്ചു കൂടിയത്. ടൂര്‍ണമെന്റിലെ താരവും സ്മിത്ത് തന്നെയാണ്. അതേസമയം സമീപകാല ടെസ്റ്റില്‍ ഇംഗ്ലണ്ടിന്റെ ഏറ്റവും മോശപ്പെട്ട പ്രകടനമായി മാറി ആഷസ്. നാട്ടില്‍ തിരിച്ചെത്തുമ്പോള്‍ പല കളിക്കാര്‍ക്കും ടീമില്‍ ഇനി സ്ഥാനമുണ്ടാകുമോ എന്ന് കണ്ടറിയണം.

Australia captain Steve Smith was awarded the Compton-Miller medal as man of the series.

He scored 687 runs at an average of 137.40, hitting three centuries, two half-centuries and a high score of 239!

Wow. #Ashes #BBCCricket pic.twitter.com/zw4bpSqEDh

— Test Match Special (@bbctms) January 8, 2018

What a moment!

Brilliant from @RyanPierse @GettySport #Ashes pic.twitter.com/3fXWEevmYX

— cricket.com.au (@CricketAus) January 6, 2018

മാര്‍ഷ് സഹോദരങ്ങളുടെ തകര്‍പ്പന്‍ സെഞ്ചുറികളാണ് ഇംഗ്ലീഷ് പ്രതീക്ഷകളെ തകര്‍ത്തെറിഞ്ഞത്. ഷോണ്‍ മാര്‍ഷ് 381 പന്തില്‍ 171 റണ്‍സെടുത്തപ്പോള്‍ അനിയന്‍ മിച്ചല്‍ മാര്‍ഷ് 291 പന്തില്‍ 156 റണ്‍സായിരുന്നു നേട്ടം. കഴിഞ്ഞ ദിവസം 171 റണ്‍സുമായി ഉസ്മാന്‍ ഖവാജ ഗംഭീര പ്രകടനം പുറത്തെടുത്തിരുന്നു.

That’s an incredible 12,000 Test runs for Alastair Cook https://t.co/rfpti5NTBs #ashes pic.twitter.com/srqHzzzuEo

— England Cricket (@englandcricket) January 7, 2018

വലിയ ലീഡ് വഴങ്ങേണ്ടി വന്ന ഇംഗ്ലണ്ടിന് രണ്ടാം ഇന്നിംഗ്‌സിന്റെ തുടക്കത്തിലെ തിരിച്ചടിയേറ്റു. മൂന്നാം ഓവറില്‍ തന്നെ സംപൂജ്യനായി മാര്‍ക് സ്‌റ്റോണ്‍മാന്‍ പുറത്ത്. മിച്ചല്‍ സ്റ്റാര്‍ക്കിനായിരുന്നു വിക്കറ്റ്. തൊട്ടുപിന്നാലെ പത്തു റണ്‍സെടുത്ത അലിസ്റ്റര്‍ കുക്ക് നാഥന്‍ ലയോണിന് മുന്നില്‍ കീഴടങ്ങി. വിന്‍സും (18) മലാനും (അഞ്ച് ) പെട്ടെന്ന് മടങ്ങിയതോടെ ഇംഗ്ലണ്ട് ഇന്നിങ്‌സ് പരാജയ വക്കിലാണ്.
.

സിഡ്‌നി: ആഷസ് പരമ്പരയിലെ അവസാന ടെസ്്റ്റില്‍ ആശ്വാസവിജയം തേടിയിറങ്ങിയ ഇംഗ്ലണ്ട് 346 പുറത്തായി. രണ്ടാം ദിനം അഞ്ചു വിക്കറ്റിന് 233 എന്ന നിലയില്‍ ബാറ്റിങ് പുനരാരംഭിച്ച സന്ദര്‍ശര്‍ക്ക് സ്‌കോര്‍ ബോര്‍ഡി 113 ചേര്‍ക്കുന്നിടെ ശേഷിച്ചെ അഞ്ചു വിക്കറ്റുകള്‍ നഷ്ടമായി. പാറ്റ് കമ്മിന്‍സിന്റെ മിന്നും ബൗളിങ് പ്രകടനമാണ് ഭേദപ്പെട്ട തുടക്കം ലഭിച്ചിട്ടും വലിയ സ്‌കോറിലേക്ക് പോകുന്നതില്‍ ഇംഗ്ലണ്ടിനെ തടഞ്ഞത്. 80 റണ്‍സി വഴങ്ങി കമ്മിന്‍സ് നാലു വിക്കറ്റുകള്‍ നേടിയപ്പോള്‍ മിച്ചല്‍ സ്റ്റാര്‍ക്കും ജോഷ് ഹസില്‍വുഡും രണ്ടു വീതം പേരെ പുറത്താക്കി.

അതേസമയം മറുപടി ബാറ്റിങിനിറങ്ങിയ ആതിഥേയര്‍ ഓപണര്‍ ഡേവിഡ് വാര്‍ണറിന്റയും ഉസ്മാന്‍ കവാജയുടെയും അര്‍ധ സെഞ്ച്വറി മികവില്‍ ഒടുവില്‍ വിവരം ലഭി്ക്കുമ്പോള്‍ 67 ഓവറില്‍ രണ്ടു വിക്കറ്റ് നഷ്ടത്തില്‍ 193 റണ്‍സുമായി ശക്തമായ നിലയിലാണ്. തുടക്കത്തില്‍ റണ്‍സെന്നും എടുക്കാത്തെ കാമറൂണ്‍ ബെന്‍ക്രാഫ്റ്റിനെ സ്റ്റുവര്‍ഡ് ബൗള്‍ണ്ടാക്കിയെങ്കിലും രണ്ടാം വിക്കറ്റില്‍ വാര്‍ണര്‍-കവാജ സംഖ്യം 85 റണ്‍സുമായി ഓസീസ് ഇന്നിങ്‌സിനെ പിടിച്ചു നിര്‍ത്തുകയായിരുന്നു. 91 റണ്‍സുമായി സെഞ്ച്വറിയിലേക്ക് അടുക്കുന്ന കവാജയും നായകന്‍ സ്റ്റീവ് സ്മിത്തുമാണ് (44 റണ്‍സ്) ക്രീസില്‍.

ഡേവിഡ് മലാന്‍ 180 പന്തില്‍ നേടിയ 63 റണ്‍സാണ് രണ്ടാംദിനം ഇംഗ്ലണ്ട്് ബാറ്റിങിലെ ഹൈലെറ്റ്. മോയീന്‍ അലി (30), ടോം കുറാന്‍ (39), സ്റ്റുവര്‍ട്ട് ബ്രോഡ് (31) എന്നിവര്‍ വാലറ്റത്ത് ഭേദപ്പെട്ട പ്രകടനം നടത്തിയതാണ് ഇംഗ്ലണ്ടിനെ 346ല്‍ എത്തിച്ചത്.