താന്‍ മാത്രമല്ല ഇരയെന്നും ആര്‍എസ്എസ് ക്യാമ്പുകളില്‍ വ്യാപകമായ ലൈംഗികാതിക്രമങ്ങള്‍ നടക്കുന്നുണ്ടെന്നും ഐഐ വ്യക്തമായി പറഞ്ഞിട്ടുണ്ടെന്നും അവര്‍ പറഞ്ഞു. ‘സത്യമാണെങ്കില്‍, ഇത് ഭയാനകമാണ്. ലക്ഷക്കണക്കിന് കുട്ടികളും കൗമാരക്കാരുമാണ് ഈ ക്യാമ്പുകളില്‍ ഇന്ത്യയിലുടനീളമുള്ളത്. ആര്‍എസ്എസ് നേതൃത്വം ഉടന്‍ നടപടിയെടുക്കണം, അവര്‍ ശുദ്ധരാകണം. ആണ്‍കുട്ടികള്‍ക്കെതിരായ ലൈംഗികാതിക്രമം പെണ്‍കുട്ടികളുടേത് പോലെ വ്യാപകമായ ബാധയാണ്. ഈ പറഞ്ഞറിയിക്കാനാവാത്ത ഹീനമായ കുറ്റകൃത്യങ്ങള്‍ക്ക് ചുറ്റുമുള്ള നിശബ്ദത ലംഘിക്കേണ്ടതുണ്ട്.’

ഒക്ടോബര്‍ 9 ന് തിരുവനന്തപുരം തമ്പാനൂരിലെ ലോഡ്ജ് മുറിയില്‍ അജിയെ (26) മരിച്ച നിലയില്‍ കണ്ടെത്തി. കോട്ടയം ജില്ലയിലെ തമ്പലക്കാട് സ്വദേശിയായ അജി, ആര്‍എസ്എസുകാരുടെ തുടര്‍ച്ചയായ ലൈംഗികാതിക്രമത്തെ തുടര്‍ന്ന് കടുത്ത മാനസിക വിഷമത്തിലായിരുന്നു. അജിയുടെ മൃതദേഹം തമ്പാനൂരിലെ ലോഡ്ജ് മുറിയില്‍ തൂങ്ങിമരിച്ച നിലയില്‍ കണ്ടെത്തിയതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തിരുന്നു. വ്യാഴാഴ്ച വൈകീട്ട് ലോഡ്ജ് ജീവനക്കാരാണ് മൃതദേഹം കണ്ടെത്തിയത്.

വര്‍ഷങ്ങളോളം വിഷാദരോഗം ഉള്‍പ്പെടെയുള്ള കടുത്ത മാനസികാരോഗ്യ പ്രശ്നങ്ങള്‍ക്കെതിരെ പോരാടിയ ശേഷമാണ് തന്റെ ജീവിതം അവസാനിപ്പിക്കാന്‍ തീരുമാനിച്ചതെന്ന് അതേ ദിവസം തന്നെ ലൈവായി വന്ന തന്റെ ഇന്‍സ്റ്റാഗ്രാം അക്കൗണ്ടില്‍ ഷെഡ്യൂള്‍ ചെയ്ത പോസ്റ്റില്‍ അനന്ദു പറഞ്ഞു. കുട്ടിക്കാലത്ത് താന്‍ നേരിട്ട ഭയാനകമായ ലൈംഗികാതിക്രമം മൂലമാണ് ഈ അസ്വസ്ഥതകള്‍ ഉണ്ടായതെന്ന് അദ്ദേഹം ആരോപിച്ചു.

‘ഞാന്‍ ആത്മഹത്യ ചെയ്യുന്നത് ഒരു പെണ്‍കുട്ടിയോ, പ്രണയബന്ധമോ, കടബാധ്യതയോ, അതുപോലുള്ള മറ്റെന്തെങ്കിലും കാരണമോ അല്ല. എന്റെ ഉത്കണ്ഠയും വിഷാദവും മൂലമാണ് ഞാന്‍ ഇത് ചെയ്യുന്നത്. കൂടാതെ, എന്റെ മരുന്നുകള്‍ കാരണം, എനിക്ക് എന്റെ ജോലിയില്‍ ശ്രദ്ധ കേന്ദ്രീകരിക്കാന്‍ കഴിയില്ല,’ അദ്ദേഹം പറഞ്ഞു.

കുട്ടിക്കാലത്ത് ആര്‍എസ്എസില്‍ ചേര്‍ന്ന അനന്ദു, കുട്ടിക്കാലത്ത് താന്‍ അനുഭവിച്ച ലൈംഗികവും ശാരീരികവുമായ ആവര്‍ത്തിച്ചുള്ള പീഡനങ്ങള്‍ മൂലമുണ്ടാകുന്ന മാനസിക രോഗങ്ങള്‍ക്ക് സംഘടനയാണ് ഉത്തരവാദിയെന്ന് ആരോപിച്ചു.

‘തുടര്‍ച്ചയായി ബലാത്സംഗികളെ പ്രോല്‍സാഹിപ്പിക്കുന്ന ഈ പാര്‍ട്ടിയില്‍ തുടരാന്‍ ഞാന്‍ ആഗ്രഹിക്കുന്നില്ല. ബി.ജെ.പിക്കാര്‍ ഉള്‍പ്പെട്ട കഠ്‌വ, ഉന്നാവോ കേസുകളില്‍ അതിവേഗത്തില്‍ വിചാരണ നടക്കുവാനും കുറ്റവാളികള്‍ക്ക് വധശിക്ഷ നല്‍കാനുമാണ് ബി.ജെ.പി ശ്രമിക്കേണ്ടത്. എന്നാല്‍ ഹിന്ദു-മുസ്‌ലിം പ്രശ്‌നങ്ങളുണ്ടാക്കാനാണ് അവര്‍ ശ്രമിച്ചുകൊണ്ടിരിക്കുന്നത്. ഈ സാഹചര്യത്തില്‍ ഞാന്‍ പാര്‍ട്ടി വിടുകയാണ്’; മല്ലിക രജ്പുത് വീഡിയോയില്‍ പറയുന്നു.

കഠ്‌വ കേസിലും ഉന്നാവോ കേസിലും പ്രതികളായ ബി.ജെ.പിക്കാരെ സംരക്ഷിക്കാന്‍ മന്ത്രിമാര്‍ ഉള്‍പ്പെടെയുള്ളവര്‍ രംഗത്തെത്തിയിരുന്നു. ഇതില്‍ പ്രതിഷേധിച്ചാണ് താരത്തിന്റെ പാര്‍ട്ടി വിടല്‍.

2017-ലെ നിയമസഭാ തെരഞ്ഞെടുപ്പിന് മുമ്പായാണ് ഉത്തര്‍പ്രദേശിലെ സുല്‍ത്താന്‍പൂര്‍ സ്വദേശിയായ മല്ലിക ബി.ജെ.പിയില്‍ അംഗമായത്. യു.പിയിലെ ഉപമുഖ്യമന്ത്രി കേശവ് പ്രസാദ് മൗര്യ പൊതുവേദിയില്‍ വെച്ചാണ് മല്ലികക്ക് ബി.ജെ.പി അംഗത്വം നല്‍കിയത്.

ജമ്മുകാശ്മീരിലെ ബകര്‍വാള്‍ മുസ്‌ലിം സമുദായത്തില്‍പെട്ട പെണ്‍കുട്ടിയാണ് ആസിഫ ബാനു. പൊലീസുകാരും ക്ഷേത്രപൂജാരിയും ചേര്‍ന്ന് കൂട്ടബലാത്സംഗം ചെയ്ത് കൊലപ്പെടുത്തിയ ആസിഫ കേസില്‍ രണ്ടു മാസത്തെ പ്രതിഷേധത്തെ തുടര്‍ന്നാണ് തുടര്‍നടപടികളുണ്ടാവുന്നത്. സഞ്ജി റാം, സ്‌പെഷ്യല്‍ പോലീസ് ഓഫീസര്‍മാരായ ദീപക് ഖജൂരിയ, സുരെന്ദര്‍ വെര്‍മ, സബ് ഇന്‍സ്‌പെക്ടര്‍ ആനന്ദ് ദത്ത, ഹെഡ് കോണ്‍സ്റ്റബിള്‍ തിലക് രാജ്, പര്‍വേഷ് കുമാര്‍, സഞ്ജിയുടെ പ്രായപൂര്‍ത്തിയാകാത്ത മകന്‍ വിശാല എന്നിവരാണ് ആസിഫ കേസിലെ പ്രതികള്‍. എന്നാല്‍ കേസില്‍ പ്രതികള്‍ക്കനുകൂലമായി ജമ്മു കാശ്മീര്‍ മന്ത്രിസഭയിലെ ബിജെപി മന്ത്രിമാരായ ലാല്‍ സിങ്, ചന്ദര്‍ പ്രകാശ് എന്നിവര്‍ രംഗത്തുവരികയും കേസില്‍ കുറ്റപത്രം രേഖപ്പെടുത്തുന്നതിനെ അഭിഭാഷകര്‍ എതിര്‍ത്തതും വലിയ പ്രതിഷേധങ്ങള്‍ക്ക് കാരണമാവുകയായിരുന്നു.

എന്നാല്‍ ഏറെ ഭീഷണികള്‍ക്കിടയിലും കേസ് പുറംലോകത്തെത്തിക്കാന്‍ അഞ്ചു ധൈര്യശാലികളാണ് മുന്നിട്ടിറങ്ങിയത്.

രാഹുല്‍ പണ്ഡിറ്റ- കേസിന്റെ ആദ്യദിനം മുതല്‍ വാര്‍ത്ത പുറത്തുകൊണ്ടുവരാന്‍ പരിശ്രമിച്ച മാധ്യമപ്രവര്‍ത്തകനാണ് രാഹുല്‍ പണ്ഡിറ്റ. അദ്ദേഹത്തിന്റെ ഗ്രൗണ്ട് റിപ്പോര്‍ട്ടുകളാണ് രാജ്യത്തിനു മുന്നില്‍ ആസിഫക്കു നേരിട്ട ദുരന്തം വെളിപ്പെടുത്തിയത്. കേസിലെ പ്രധാനപ്പെട്ട തെളിവുകളും രാഹുലിന്റെ റിപ്പോര്‍ട്ടുകളാണ്.

ദിപീക സിങ് രജാവത് ആസിഫകേസില്‍ വാദിക്കാനെത്തുന്ന അഭിഭാഷകയാണ് ദീപിക സിങ് രജാവത്. ഒട്ടേറെ ഭീഷണികള്‍ക്ക് നടുവില്‍ നില്‍ക്കുമ്പോഴാണ് ദീപിക കേസ് ഏറ്റെടുക്കുന്നത്. താന്‍ കൊല്ലപ്പെടാനും ബലാത്സംഗം ചെയ്യപ്പെടാനും സാധ്യതയുണ്ടെന്ന് സുപ്രീംകോടതിക്കുമുന്നില്‍ ദീപിക വെളിപ്പെടുത്തിയതനുസരിച്ച് ദീപികക്ക് സുരക്ഷ നല്‍കാന്‍ കോടതി ഉത്തരവിട്ടിരുന്നു.

രമേഷ്‌കുമാര്‍ ജെല്ല-അന്വേഷണ ഉദ്യോഗസ്ഥനായ രമേഷ്‌കുമാര്‍ ജെല്ലയുടെ റിപ്പോര്‍ട്ട് കേസില്‍ നിര്‍ണ്ണായകമാണ്. സമ്മര്‍ദ്ദങ്ങളെ അതിജീവിച്ചാണ് അതിവേഗ കോടതിയില്‍ കേസ് വിചാരണക്കെത്തിക്കാന്‍ ക്രൈം ബ്രാഞ്ച് എസ്എസ്പിയായ അദ്ദേഹം അന്വേഷണം പൂര്‍ത്തിയാക്കിയത്.

താലിബ് ഹുസൈന്‍ പ്രാദേശിക അഭിഭാഷകനും സാമൂഹിക പ്രവര്‍ത്തകനുമായ താലിബ് ഹുസൈനാണ് കേസില്‍ പ്രവര്‍ത്തിച്ച മറ്റൊരു വ്യക്തി. കഴിഞ്ഞ രണ്ടുമാസത്തോളമായി കേസില്‍ നീതിക്കുവേണ്ടി പരിശ്രമിച്ച അദ്ദേഹത്തെ ഉത്തംപൂരില്‍ ഒരുകൂട്ടമാളുകള്‍ ശാരീരിരമായി ആക്രമിച്ചിരുന്നു.

ആസിഫ കേസില്‍ നീതി ഉറപ്പാക്കണമെന്നാവശ്യപ്പെട്ട് ജമ്മു ചേംമ്പര്‍ ഓഫ് കോമേഴ്‌സും രംഗത്തെത്തിയിരുന്നു. ആസിഫയുടെ നീതിക്കുവേണ്ടി പിന്തുണക്കുന്നുവെന്ന് വാര്‍ത്താസമ്മേളനം നടത്തി അവര്‍ പ്രഖ്യാപിച്ചിരുന്നു. ആസിഫ കൊല്ലപ്പെട്ട പ്രദേശമുള്‍പ്പെടെ അഞ്ചംഗ സംഘം സന്ദര്‍ശിക്കുകയും വിവരങ്ങള്‍ ശേഖരിച്ച് സുപ്രീംകോടതിക്ക് സമര്‍പ്പിക്കാന്‍ റിപ്പോര്‍ട്ട് തയ്യാറാക്കുകയും ചെയ്തിരുന്നു.

ഏപ്രില്‍ 17-ാം തിയ്യതി ചാനല്‍ സംപ്രേഷണം ചെയ്ത വാര്‍ത്താ പ്രോഗ്രാമിലാണ് ദീപിക സിംങ് രജാവതിനെതിരെയുള്ള അപകീര്‍ത്തിപരമായ പരാമര്‍ശങ്ങളുള്ളത്. ദീപിക ജവഹര്‍ലാല്‍ നെഹ്‌റു യൂണിവേഴ്‌സിറ്റിയിലായിരിക്കുമ്പോള്‍ രാജ്യദ്രോഹ പ്രവര്‍ത്തനങ്ങളെ പിന്തുണച്ചുവെന്നായിരുന്നു വാര്‍ത്തയുടെ ഉള്ളടക്കം. ജവഹര്‍ലാല്‍ നെഹ്‌റു യൂണിവേഴ്‌സിറ്റിയുമായി തനിക്ക് യാതൊരു തരത്തിലുള്ള ബന്ധമില്ലെന്നും അവിടെ താമസിച്ചിട്ടില്ലെന്നും പരാതിയില്‍ ദീപിക വ്യക്തമാക്കി. അതേസമയം, ജെ.എന്‍.യുവിനെ അപകീര്‍ത്തിപ്പെടുത്താനുള്ള ശ്രമം കൂടി ചാനല്‍ നടത്തിയെന്നും ദീപിക സിംങ് രജാവത് പരാതിയില്‍ പറയുന്നു.

വസ്തുതക്ക് നിരക്കാത്തതാണ് വാര്‍ത്ത നല്‍കിയ ചാനലിന്റെ നടപടി. ദീപിക ജെ.എന്‍.യുവില്‍ ഉണ്ടായിട്ടില്ലെന്നും ദീപികക്കുവേണ്ടി ഹാജാരാവുന്ന അഭിഭാഷക സംഗീത മദാന്‍ പറഞ്ഞു. തനിക്കെതിരെയുള്ള വാര്‍ത്തയുടെ ഉറവിടം വ്യക്തമാക്കണമെന്നും സംഭവത്തില്‍ ചാനല്‍ മാപ്പു പറയണമെന്നുമാണ് ദീപിക പരാതിയില്‍ ആവശ്യപ്പെടുന്നത്.

കഠ്‌വ സംഭവത്തില്‍ കേസില്‍ ഹാജരാവുന്ന ദീപികക്കെതിരെ നേരത്തെ സംഘ്പരിവാര്‍ ശക്തികള്‍ രംഗത്തെത്തിയിരുന്നു. താന്‍ ബലാത്സംഗം ചെയ്യപ്പെടാനും കൊല്ലപ്പെടാനും സാധ്യതയുണ്ടെന്നും ദീപിക വെളിപ്പെടുത്തിയിരുന്നു. എന്നാല്‍ കേസുമായി മുന്നോട്ട് പോകാനാണ് തീരുമാനമെന്നും നീതിക്ക് വേണ്ടി നിലയുറപ്പിക്കുമെന്നും ദീപിക വ്യക്തമാക്കുകയായിരുന്നു. തുടര്‍ന്നാണ് ദീപികക്കുനേരെ അപകീര്‍ത്തികരമായ വാര്‍ത്തകള്‍ പ്രത്യക്ഷപ്പെടുന്നത്.

പെണ്‍കുട്ടിയുടെ പേരും ചിത്രവും നല്‍കിയ മാധ്യമസ്ഥാപനങ്ങള്‍ക്ക് ഹൈക്കോടതി നേരത്തേ നോട്ടീസ് നല്‍കിയിരുന്നു. ബക്കര്‍വാല്‍ മുസ്‌ലിം സമുദായത്തില്‍പെട്ട പെണ്‍കുട്ടിയാണ് ക്രൂരമായ ലൈംഗികപീഢനത്തിനു ശേഷം കൊല്ലപ്പെട്ടത്. മാധ്യമങ്ങളിലുള്‍പ്പെടെ പെണ്‍കുട്ടിയുടെ പേരും ചിത്രവും വന്നിരുന്നു.

സ്വാതന്ത്ര്യം നേടി 70 വര്‍ഷം കഴിഞ്ഞിട്ടും രാജ്യത്ത് ഇത്തരം സംഭവങ്ങള്‍ ഉണ്ടാകുന്നത് നാണക്കേടാണ്. സംഭവത്തില്‍ നീതി നടപ്പാകുന്നുവെന്ന് ഉറപ്പാക്കണമെന്നും കുട്ടികളുടെ സുരക്ഷ സമൂഹത്തിന്റെ ഉത്തരവാദിത്തമാണെന്നും അദ്ദേഹം പറഞ്ഞു.

നേരത്തെ, ആസിഫയുടെ കൊലപാതകത്തില്‍ ദിവസങ്ങള്‍ക്കു ശേഷമാണ് പ്രധാനമന്ത്രി നരേന്ദ്രമോദി പ്രതികരിച്ചത്. സ്ത്രീസുരക്ഷ ഉറപ്പു വരുത്തുമെന്നായിരുന്നു പരോക്ഷമായി സംഭവങ്ങളെ പരാമര്‍ശിച്ചുള്ള പ്രതികരണം. അതിനുശേഷമാണ് പ്രതികരണവുമായി രാഷ്ട്രപതി രംഗത്തെത്തുന്നത്.

രാവിലെ 9.30 നാണ് ആസിഫയുടെ വളര്‍ത്തു പിതാവിനെ കണ്ടത്. പിന്നീട് അവിടെ നിന്നും ആസിഫയുടെ കുടുംബത്തെ കാണാനായി 130 കിലോമീറ്റര്‍ ദൂരത്തുളള പത്തുലിതോപ്പിലേക്ക് പുറപ്പെട്ടുവെന്നും ഇതിനിടയില്‍ മാധ്യമപ്രവര്‍ത്തകരെ കണ്ടുവെന്നും എം.പി പറഞ്ഞു.

മാര്‍ച്ചിനിടെ തിരക്കും ബഹളവും അനുഭവപ്പെട്ടപ്പോള്‍ പാര്‍ട്ടി പ്രവര്‍ത്തകരോട് പ്രിയങ്ക ദേഷ്യപ്പെട്ട് സംസാരിച്ചത് ദേശീയമാധ്യമങ്ങളിലുള്‍പ്പെടെ വാര്‍ത്തയായി. ‘നമ്മളെന്തിനാണ് ഇവിടെ കൂടിയിരിക്കുന്നതെന്ന് നിങ്ങള്‍ക്കറിയില്ലേ’ എന്നായിരുന്നു പ്രിയങ്കയുടെ ചോദ്യം. തിക്കും തിരക്കും ബഹളവുമില്ലാതെ നടക്കൂ. ദയവായി നിശബ്ദത പാലിക്കൂവെന്നും പ്രിയങ്ക ഗാന്ധി പറഞ്ഞു. ബഹളം വെക്കുകയാണെങ്കില്‍ നിങ്ങള്‍ തിരിച്ച് വീടുകളിലേക്ക് പോകുവെന്നും പ്രിയങ്ക ഗാന്ധി പറഞ്ഞുവെന്ന് മാധ്യമങ്ങള്‍ റിപ്പോര്‍ട്ട് ചെയ്യുന്നു. പൊലീസ് വെച്ച ബാരിക്കേഡുകള്‍ ചാടിക്കടന്നാണ് പ്രിയങ്ക ഗാന്ധി പ്രതിഷേധമാര്‍ച്ചില്‍ പങ്കെടുത്തത്.

രാഹുല്‍ ഗാന്ധിയടക്കം നിരവധി കോണ്‍ഗ്രസ് നേതാക്കള്‍ മെഴുകുതിരി മാര്‍ച്ചില്‍ പങ്കെടുത്തു. പ്രിയങ്ക ഗാന്ധി ഭര്‍ത്താവിനും തന്റെ രണ്ട് മക്കള്‍ക്കുമൊപ്പമാണ് പ്രതിഷേധത്തിനെത്തിയത്. മധ്യപ്രദേശ് മുന്‍ മുഖ്യമന്ത്രി ദിഗ് വിജയ് സിംഗ്, ഗുലാം നബി ആസാദ് തുടങ്ങിയ നിരവധി കോണ്‍ഗ്രസ് നേതാക്കളും പ്രതിഷേധത്തിനെത്തി. മുന്‍ മിസ് ഇന്ത്യയും നടിയുമായ നഫീസ അലി, സാമൂഹ്യ പ്രവര്‍ത്തക ഷബ്‌നം ഹാഷ്മി തുടങ്ങി പ്രമുഖരും സ്ഥലത്തെത്തിയിരുന്നു.

ഡല്‍ഹിയില്‍ ക്രൂരമായി കൊല്ലപ്പെട്ട നിര്‍ഭയ പെണ്‍കുട്ടിയുടെ മാതാപിതാക്കളും പ്രതിഷേധത്തില്‍ എത്തിയെന്നാണ് റിപ്പോര്‍ട്ട്. ഡല്‍ഹി കോണ്‍ഗ്രസ് ഓഫീസില്‍ നിന്ന് ഡല്‍ഹി നഗരമധ്യത്തിലെ ഇന്ത്യാ ഗേറ്റിലേക്കാണ് റാലി നിശ്ചയിച്ചത്. ഇത് തടയാന്‍ പൊലീസ് വഴിയില്‍ ബാരിക്കേഡുകള്‍ ഉയര്‍ത്തിയെങ്കിലും 12 മണിയോടെ റാലി ഇന്ത്യ ഗേറ്റിലെത്തുകയായിരുന്നു.

എല്ലാ ദിവസവും കുതിരകളേയും ആടുകളേയും തെളിച്ച് തിരിച്ച് ഫാംഹൗസില്‍ എത്തിക്കുന്നത് പ്രിയ മകള്‍ ആസിഫയായിരുന്നുവെന്ന് വളര്‍ത്തുപിതാവ് പറഞ്ഞു. കൂട്ടത്തില്‍ ഏതെങ്കിലുമൊന്നിനെ കാണാതായാല്‍ പാറക്കെട്ടുകള്‍ക്കു മുകളിലൂടെ ഓടിച്ചെന്ന് കാട്ടില്‍ നിന്നും അവരെ പിടികൂടുമായിരുന്നു. സ്‌കൂളില്‍ പോവുകയോ എണ്ണല്‍ പഠിക്കുകയോ അവള്‍ ചെയ്തിട്ടില്ലെങ്കിലും ഓരോ വൈകുന്നേരവും ഫാം ഹൗസിലേക്ക് കുതിരയേയും മറ്റും അവള്‍ എണ്ണിയാണ് തിരിച്ചു കയറ്റിയിരുന്നതെന്ന് അയാള്‍ പറയുന്നു.

മകളെ കാണാതായ ജനുവരിമാസത്തില്‍ പത്താം തിയ്യതി വരെ കൂട്ടത്തിലെ ഒരു കുതിരയെ കാണാനില്ലായിരുന്നു. കാണാതായ ആ കുതിര ഒരു ദിവസത്തിനുശേഷം വീട്ടില്‍ തിരിച്ചെത്തിയിരുന്നു. പക്ഷേ മകള്‍ മാത്രം തിരിച്ചെത്തിയില്ല. ഒടുവില്‍ കാടിനോട് ചേര്‍ന്ന് സ്ഥിതി ചെയ്യുന്ന ഗ്രാമത്തിലെ ക്ഷേത്രത്തിനടുത്തുനിന്ന് മകളുടെ മൃതദേഹമാണ് കണ്ടുകിട്ടിയതെന്ന് ആ പിതാവ് കണ്ണീരോടെ പറഞ്ഞു. പ്രായത്തിലും കൂടുതല്‍ ധൈര്യമുള്ള പെണ്‍കുട്ടിയായിരുന്നു അവള്‍. കാടിന്റെ വന്യതയെ ഒരിക്കലും ഭയപ്പെട്ടിരുന്നില്ലെന്ന് സാംബ ജില്ലയില്‍ താമസമുള്ള മുത്തച്ഛന്‍ പറഞ്ഞു. പത്തുകൊല്ലം മുമ്പ് ജമ്മുകാശ്മീരിലുണ്ടായ ഒരു അപകടത്തില്‍ മകന്റെ മൂന്ന് മക്കളും കൊല്ലപ്പെട്ടിരുന്നു. തുടര്‍ന്നാണ് കുഞ്ഞിനെ വളര്‍ത്താന്‍ മറ്റൊരു കുടുംബത്തിന് നല്‍കിയതെന്നും കുടംുബം വ്യക്തമാക്കി. കഴിഞ്ഞ നവംബറിലാണ് മകളെ അവസാനമായി കണ്ടതെന്ന് പിതാവ് പറഞ്ഞു. അവള്‍ വലുതാവുമ്പോള്‍ തിരിച്ചുവരുമെന്നാണ് ഞങ്ങള്‍ കരുതിയിരുന്നതെന്നും കുടുംബം പറയുന്നു.

കഴിഞ്ഞ ദിവസമാണ് കത്വ പെണ്‍കുട്ടിയുടെ കൊലപാതകവുമായുള്ള വിവരങ്ങള്‍ പുറത്തുവന്നത്. ജനുവരി പത്തിനാണ് ജമ്മു പട്ടണത്തിന് അടുത്ത കത്തുവ ജില്ലയിലെ രസാനയില്‍നിന്ന് എട്ട് വയസ്സുകാരിയെ കാണാതാവുന്നത്. ആട്ടിടയ വിഭാഗത്തില്‍ പെട്ട പെണ്‍കുട്ടി വീടിനടുത്ത് കുതിരയെ തീറ്റാന്‍ പോവുകയും കാണാതാവുകയുമായിരുന്നുവെന്നാണ് റിപ്പോര്‍ട്ടുകള്‍. ദിവസങ്ങള്‍ക്ക് ശേഷം പ്രദേശത്തെ ക്ഷേത്രത്തില്‍നിന്ന് അധികം ദൂരമല്ലാത്ത സ്ഥലത്ത് വെച്ച് ക്രൂരമായി കൊലപ്പെടുത്തിയ നിലയില്‍ മൃതദേഹം കണ്ടെത്തുകയയായിരുന്നു. ക്രൂരമായി കൂട്ടബലാത്സംഗത്തിന് ഇരയായ കുട്ടിയുടെ തല കല്ലുകൊണ്ടുള്ള ഇടിയേറ്റ് തകര്‍ന്ന നിലയിലായിരുന്നു.

സഞ്ജിറാം, മകന്‍ വിശാല്‍ ജംഗോത്ര, പ്രായപൂര്‍ത്തിയാവാത്ത മരുമകന്‍, ഒരു പൊലീസ് സബ് ഇന്‍സ്‌പെക്ടര്‍, ഒരു ഹെഡ് കോണ്‍സ്റ്റബിള്‍, മറ്റ് രണ്ട് പൊലീസുകാര്‍ എന്നിവരാണ് കേസിലെ പ്രതികള്‍. പ്രതികളെ രക്ഷിക്കാന്‍ സ്ഥലത്തെ ഹിന്ദു സംഘടനകളുടെ നേതൃത്വത്തില്‍ ശ്രമം നടന്നിരുന്നു. പ്രതികളെ അറസ്റ്റ് ചെയ്യണമെന്നാവശ്യപ്പെട്ട് രാഹുല്‍ ഗാന്ധിയുടേയും പ്രിയങ്ക ഗാന്ധിയുടേയും നേതൃത്വത്തില്‍ ഇന്നലെ അര്‍ദ്ധരാത്രി ഇന്ത്യാഗേറ്റിന് മുന്നില്‍ പ്രതിഷേധ സമരം നടത്തിയിരുന്നു. ഇതിന് പിന്നാലെ ഉന്നാവോ പീഡനക്കേസിലെ പ്രതിയായ ബി.ജെ.പി എം.എല്‍.എയെ സി.ബി.ഐ അറസ്റ്റ് ചെയ്തിരുന്നു.

കേസിലെ പ്രതികളെ പിടികൂടണമെന്നാവശ്യപ്പെട്ട് ഇന്നലെ അര്‍ദ്ധരാത്രി കോണ്‍ഗ്രസ് ഇന്ത്യാഗേറ്റിന് മുന്നില്‍ പ്രതിഷേധ സമരം നടത്തിയിരുന്നു. ഇതിന് പിന്നാലെ ഉന്നാവോ പീഡനക്കേസിലെ പ്രതിയായ ബി.ജെ.പി എം.എല്‍.എയെ സി.ബി.ഐ അറസ്റ്റ് ചെയ്യുകയും ചെയ്തു.

രാഹുല്‍ഗാന്ധിയുടെയും പ്രിയങ്ക ഗാന്ധിയുടെയും നേതൃത്വത്തിലായിരുന്നു ഇന്നലെ മാര്‍ച്ച് നടന്നത്. നൂറുകണക്കിന് പേരാണ് പ്രതിഷേധത്തിലേക്ക് ഒഴുകിയെത്തിയത്. പെണ്‍കുട്ടികള്‍ക്ക് നേരെ നടന്ന അതിക്രമങ്ങള്‍ രാഷ്ട്രീയ വിഷയമല്ലെന്ന് പറഞ്ഞ രാഹുല്‍ ഗാന്ധി ഇത് ദേശീയ വിഷയമാണെന്ന് ചൂണ്ടിക്കാട്ടി. പുലര്‍ച്ചെ ഒന്നരവരെ രാഹുലും പ്രിയങ്കയും ഇന്ത്യാഗേറ്റില്‍ കുത്തിയിരുന്നു.

എ.ഐ.സി.സി ആസ്ഥാനത്ത് നിന്നാരംഭിച്ച മാര്‍ച്ച് ഇന്ത്യ ഗേറ്റിലേക്ക് എത്തുന്നത് തടയാന്‍ പൊലീസ് ബാരിക്കേഡ് തീര്‍ത്തെങ്കിലും ഇത് മറികടന്ന് പ്രവര്‍ത്തകര്‍ അമര്‍ ജവാന്‍ ജ്യോതി വരെയെത്തി. മുതിര്‍ന്ന കോണ്‍ഗ്രസ് നേതാക്കളായ ഗുലാംനബി ആസാദ്, അഹമ്മദ് പട്ടേല്‍, അംബികാസോണി, അശോക് ഖേലോട്ട് തുടങ്ങിയവര്‍ പങ്കെടുത്തു.