ഹര്‍ജിയില്‍ തീരുമാനമുണ്ടാകുന്നതു വരെയാണ് സ്‌റ്റേ. മെയ് ഏഴിന് കേസ് വീണ്ടും പരിഗണിക്കും.
വിചാരണ നീതിപൂര്‍വമല്ലെങ്കില്‍ സംസ്ഥാനത്തിന് പുറത്തേക്ക് മാറ്റുമെന്ന് സുപ്രീംകോടതി അറിയിച്ചിരുന്നു. ഇതിനു പിന്നാലെയാണ് വിചാരണ സ്റ്റേ ചെയ്തത്. എന്നാല്‍ കേസ് സംസ്ഥാനത്തിന് പുറത്തേക്ക് മാറ്റണമെന്ന ആവശ്യത്തെ ജമ്മുകശ്മീര്‍ സര്‍ക്കാര്‍ എതിര്‍ത്തിരുന്നു. പ്രത്യേക കോടതി രൂപീകരിച്ച് വിചാരണ പൂര്‍ത്തിയാക്കുമെന്നാണ് ജമ്മുകശ്മീര്‍ സര്‍ക്കാര്‍ സുപ്രീംകോടതിയെ അറിയിച്ചത്.

വന്യ ജീവി സങ്കേതത്തില്‍ കുരങ്ങന്മാരുടെ തണലില്‍ വളര്‍ന്ന 8 വയസുകാരിയെ കുറിച്ച് കഴിഞ്ഞ വര്‍ഷം പത്രങ്ങളില്‍ വന്ന വാര്‍ത്തകള്‍ ഏറെ ശ്രദ്ധേയമായിരുന്നു. ഉത്തര്‍പ്രദേശിലെ കതാര്‍ നിയാഗഡ് വന്യജീവി സങ്കേതത്തില്‍ നിന്നുള്ള സംഭവമാണ് മാധ്യങ്ങള്‍ റിപ്പോര്‍ട്ട് ചെയ്തത്. വാനരന്മാരുടെ കൂട്ടത്തില്‍ കണ്ട പെണ്‍കുട്ടിയെ രക്ഷിക്കാനായി നാട്ടുകാര്‍ കാട്ടിലെത്തിയപ്പോള്‍ വാനരപ്പട സംഘം ചേര്‍ന്ന് നാട്ടുകാരെ നേരിട്ടു. പിന്തിരിഞ്ഞോടിയ നാട്ടുകാരില്‍ ചിലര്‍ വിവരം വനപാലകരെ അറിയിച്ചു. വനപാലകരുടെ തന്ത്രപ്രധാനമായ ഇടപെടലിലൂടെ കുട്ടിയെ മോചിപ്പിക്കുകയുണ്ടായി. ഹിംസ്ര ജന്തുക്കള്‍ക്ക് എറിഞ്ഞുകൊടുക്കാതെ കുരങ്ങന്മാര്‍ കാട്ടില്‍ പെണ്‍കുട്ടിയെ വളര്‍ത്തുകയും അവള്‍ക്ക് സുരക്ഷാവലയം ഒരുക്കുകയുമായിരുന്നു. എന്നാല്‍ കാശ്മീരിലെ 8 വയസ്സുകാരി പെണ്‍കുട്ടിയെ കാട്ടില്‍ നിന്നും തട്ടിയെടുക്കുകയും, മനുഷ്യരൂപം പൂണ്ട ഇരുകാലി മൃഗങ്ങള്‍ ക്ഷേത്രത്തിനുള്ളില്‍ അവളെ പിച്ചിചീന്തുകയുമായിരുന്നു. റിട്ടേര്‍ഡ് റവന്യൂ ഉദ്യോഗസ്ഥന്‍ സഞ്ജിറാമും, മകന്‍ വിശാല്‍ജന്‍ഹോത്രയും, മരുമകനും, പൊലീസ് ഓഫീസര്‍മാരായ ഖജൂരിയ, സുരേന്ദ്രര്‍ വര്‍മ്മയും അവരുടെ സുഹൃത്ത് പര്‍വേശ് കുമാറുമാണ് ഹീനകൃത്യത്തിന് നേതൃത്വം നല്‍കിയത്.

രാസ്‌ന ഗ്രാമത്തില്‍ ബക്കര്‍വാള്‍ വിഭാഗത്തില്‍പ്പെട്ട നാടോടികളായ മുസ്‌ലിംങ്ങളുടെ എണ്ണം കൂടിവരുന്നതില്‍ വിറളിപൂണ്ടവര്‍ അവിടെ നിന്നും അവരെ ‘ഭയപ്പെടുത്തി പിന്തിരിപ്പിക്കുവാന്‍ ആസൂത്രിതമായി നടത്തിയ നീക്കമാണ് ബലാല്‍സംഗത്തിലും കൊലപാതകത്തിലും കലാശിച്ചത്. ഇന്ത്യയിലേക്ക് വിരുന്നെത്തിയ മതങ്ങളെ ആട്ടിയോടിപ്പിക്കുന്നതിന് പകരം മുലയൂട്ടി വളര്‍ത്തിയ പൂര്‍വ്വികപാരമ്പര്യത്തിന് ഉടമകളാണ് ഹൈന്ദവ മതവിശ്വാസികള്‍. ആരാധനാലയങ്ങള്‍ പണിയുവാന്‍ പോലും യഥേഷ്ടം ‘ഭൂമി വിട്ടുകൊടുക്കുന്നതില്‍ ഹൈന്ദവര്‍ ഒട്ടും ലുബ്ധത കാട്ടിയിരുന്നില്ല. സ്വന്തംസഹോദരിമാരെ മതം മാറ്റി മംഗല്യം കഴിപ്പിക്കുവാന്‍ പോലും അവര്‍ വിശാലമനസ്‌കത പ്രകടിപ്പിച്ചു. ഹൈന്ദവര്‍ കാണിച്ച സഹിഷ്ണുതയുടെ ചിറകിലാണ് ഇന്ത്യയില്‍ ഇസ്‌ലാം, യഹൂദ, ക്രൈസ്തവ മതങ്ങള്‍ വളര്‍ന്ന് പരിലസിച്ചത്.

നാടോടിപെണ്‍കുട്ടിയെ മാറിമാറി ബലാല്‍സംഗം ചെയ്യുകയും അവസാനം അവളെ അറുകൊല നടത്തുകയും ചെയ്ത കാമഭ്രാന്തന്മാര്‍ ആര്‍ക്കും തന്നെ തങ്ങള്‍ പെറ്റുവീണ ഹൈന്ദവ മതത്തിന്റെ മഹത്വം അറിയാത്തവരാണ്. ഇന്ത്യയുടെ ചരിത്രം തിരിയാത്ത കൂപമണ്ഡൂപങ്ങള്‍ കൂടിയാണവര്‍. കാമകേളിക്കായി തന്റെ മകനെ ദൂരെദിക്കില്‍ നിന്നും വിളിച്ചുവരുത്തിയ സഞ്ജീവ് റാം എന്ന പിതാവ് സ്വന്തം മകനെ ധാര്‍മ്മിക ബോധമുള്ളവനാക്കി എങ്ങനെ വളര്‍ത്തണമെന്നറിയാത്ത അപരിഷ്‌കൃതനാണ്. പെണ്‍മക്കളോടും സഹോദരിമാരോടും ഏത് രീതിയില്‍ പെരുമാറണം എന്നറിയാത്ത കാമവെറിയന്മാരുടെ പ്രതിനിധികളാണവര്‍. ഞങ്ങള്‍ ക്ഷേത്രത്തിനകത്ത് മാത്രം കുട്ടിയെ തെരഞ്ഞ് ചെന്നില്ല. അതൊരു വിശുദ്ധ സ്ഥലമല്ലേ, അവിടെ കുഞ്ഞിന് അത്യാഹിതം സംഭവിക്കുമെന്ന് കരുതിയില്ല. കൊല്ലപ്പെട്ട പെണ്‍കുട്ടിയുടെ പിതാവ് മുഹമ്മദ് അക്തറിന്റെ വാക്കുകള്‍ ആരുടെയും കരളലിയിപ്പിക്കുന്നതാണ്. ആരാധനാലയങ്ങളോട് വിശ്വാസികളും ദൈവ നിഷേധികളുമെല്ലാം വെച്ചുപുലര്‍ത്തുന്ന വിശ്വാസ ഗോപുരം തകര്‍ത്തെറിഞ്ഞ മഹാപാപികള്‍ കൂടിയാണവര്‍.

ഇന്ത്യയുടെ മതേതര ശരീരത്തിനേറ്റ മുറിവില്‍ രാജ്യത്താകമാനം തിളച്ചുമറിയുന്ന പ്രതിഷേധങ്ങളില്‍ ഇപ്പോഴും ലക്ഷങ്ങളാണ് പങ്കാളികളാവുന്നത്. കൊല്ലപ്പെട്ട പെണ്‍കുട്ടിയുടെയും, അവളെ കൊലചെയ്ത കൊലയാളികളുടെയും മതവിശ്വാസത്തെ ഉരക്കല്ലില്‍ ഉരച്ചുകൊണ്ടല്ല അവരാരും പ്രതിഷേധത്തില്‍ ‘ഭാഗവാക്കാവുന്നത്. കുട്ടികളുടെ ഇഷ്ടതോഴനായിരുന്ന പ്രധാന മന്ത്രി ജവഹര്‍ലാല്‍ നെഹ്‌റുവിന്റെ ജന്മദിനം ശിശുദിനമായി കൊണ്ടാടുന്ന രാഷ്ട്രമാണ് ഭാരതം. കുട്ടികള്‍ക്ക് പരിരക്ഷ ഒരുക്കുന്ന പ്രവര്‍ത്തനങ്ങളിലൂടെ ലോകമാസകലം നാടിന്റെ അന്തസ്സുയര്‍ത്തിയ കൈലാഷ് സത്യാര്‍ത്ഥിയിലൂടെ നോബല്‍ സമ്മാനം നല്‍കി ആദരിക്കപ്പെട്ട രാജ്യം കൂടിയാണ് ഭാരതം. ഇന്ത്യയുടെ യശസ്സിന് കളങ്കമേല്‍പ്പിച്ചവര്‍ക്കെതിരായിട്ടാണ് ലക്ഷക്കണക്കിനാളുകള്‍ മെഴുകുതിരിയേന്തിയതും, പ്ലക്കാര്‍ഡ് ഉയര്‍ത്തിയതും.
രാമനാമം ജപിക്കുന്നവരും നെറ്റിയില്‍ ചന്ദനക്കുറി വരച്ചവരും ശിരസ്സില്‍ സിന്ദൂരപ്പൊട്ടണിഞ്ഞവരും കാഷായവസ്ത്രം ധരിച്ചവരും കുരിശുമാല കൈയ്യിലേന്തിയവരും തിരുവസ്ത്രമണിഞ്ഞ വൈദികരും ദൈവത്തിന്റെ മണവാട്ടികളെന്ന് വിളിക്കപ്പെടുന്ന കന്യാസ്ത്രീകള്‍ വരെയും ആള്‍ക്കൂട്ടത്തിലുണ്ടായിരുന്നു. വിശുദ്ധദേവാലയത്തിന്റെ തിരുമുറ്റം വരെയും പ്രതിഷേധത്തിന്റെ വേദിയായി തീര്‍ന്നതും അത്യപൂര്‍വ്വ സംഭവമാണ്. സോനംകപൂര്‍, കരീന കപൂര്‍, സ്വരഭാസ്‌കര്‍, പ്രിയങ്ക ചോപ്ര തുടങ്ങിയ ബോളീവുഡ് താരങ്ങളും സംഘ്പരിവാരങ്ങള്‍ക്കെതിരായി പ്രതിഷേധത്തിന്റെ കുന്തമുന തിരിച്ചുവെച്ചവരാണ്. ക്രിക്കറ്റ് ലോകത്തിലെ ഇതിഹാസങ്ങളായ സൗരവ് ഗാംഗുലിയും വീരാട്‌കോഹിലിയും, ടെന്നീസ് കോര്‍ട്ടിലെ അഭിമാന താരകം സാനിയ മിര്‍സ അടക്കമുള്ള കായികതാരങ്ങള്‍ രാജ്യ‘ഭരണം കൈയ്യാളുന്നവര്‍ക്കെതിരെ വാക്കുകളെ വെടിയുണ്ടാകളാക്കി തീര്‍ത്തതും, ചരിത്ര സംഭവമാണ്.

ബി.ജെ.പി.യോടും ആര്‍.എസ്.എസ്.നോടുമുള്ള വിരോധം നിഷ്‌കളങ്കന്മാരായ ഹൈന്ദവ മതവിശ്വാസികളോടും ആരാധനാലയങ്ങളോടും മതചിഹ്നങ്ങളോടും പ്രകടിപ്പിക്കുന്നത് ശുദ്ധ അസംബന്ധമാണ്. അത്തരം പ്രതിഷേധങ്ങളാണ് സംഘ്പരിവാരങ്ങള്‍ക്കിഷ്ടം. കുശാഗ്ര ബുദ്ധിക്കാരായ ആര്‍.എസ്.എസുകാര്‍ ഈ ലക്ഷ്യ സാധൂകരണത്തിന് വേണ്ടിയാണ് കാണാമറയത്തിരുന്ന് വാട്‌സ് ആപ്പ് ഹര്‍ത്താലിന് ആഹ്വാനം നല്‍കിയത്. വര്‍ഗീയതയുടെ വിളവെടുപ്പിലും അസഹിഷ്ണുതയുടെ വിതരണത്തിലും സമാനമനസ്‌ക്കരായ പോപ്പുലര്‍ ഫ്രണ്ടുകാര്‍ ഇതിനെ ധാര്‍മ്മികമായി പിന്തുണക്കുകയായിരുന്നു. അവര്‍ ആഗ്രഹിക്കുന്നതെന്താണോ അതായിരുന്നു വാട്‌സ്ആപ് ഹര്‍ത്താലിലൂടെ പ്രബുദ്ധമായ മലയാളക്കരയില്‍പോലും ചിലര്‍ സമ്മാനിച്ചത്.

കൊലചെയ്യപ്പെട്ട പെണ്‍കുട്ടിയുടെ ഘാതകന്മാരെ രക്ഷിക്കാനായി ജയ്ശ്രീറാം വിളികളോടെ ദേശീയ പതാക കൈയ്യിലേന്തി പ്രകടനം നടത്തിയ ഹിന്ദു ഏക്താമഞ്ചിന്റെ പ്രവര്‍ത്തകരെയും, നേതൃത്വം നല്‍കിയ കാശ്മീരിലെ ബി.ജെ.പി. മന്ത്രിമാരായ ലാല്‍സിംഗിനെയും, ചന്ദ്രപ്രകാശ് വെങ്കയേയും മാത്രം കാണാനാണ് ഹര്‍ത്താല്‍ അനുകൂലികള്‍ ശ്രമിച്ചത്. എന്റെ ജീവിതത്തിന്റെ ഏറ്റവും വലിയ കുറ്റബോധം ബി.ജെ.പി. സര്‍ക്കാരിന് വേണ്ടി വോട്ടുചെയ്തതാണ്. ഇനിയൊരിക്കലും ഞാനതാവര്‍ത്തിക്കില്ലെന്ന് പ്രഖ്യാപിച്ച പ്രിയദര്‍ശി ശുക്ലയെപോലുള്ളവരുടെ പോരാട്ടം ഇക്കൂട്ടര്‍ മനഃപൂര്‍വ്വം വിസ്മരിക്കുകയായിരുന്നു. ബേഠി ബച്ഛാവോ (പെണ്‍കുട്ടികളെ രക്ഷിക്കൂ) എന്ന മോദി സര്‍ക്കാരിന്റെ മുദ്രാവാക്യത്തെ പരിഹസിച്ചുകൊണ്ട് ‘എന്റെ തെരുവ്, എന്റെ പ്രതിഷേധം’ എന്ന ബാനര്‍ കൈയ്യിലേന്തിയ ഹൈന്ദവ സ്ത്രീകളെ കാണാനും മതാന്ധത ബാധിച്ച ഇവരുടെ കണ്ണുകള്‍ക്ക് കഴിഞ്ഞില്ല.

ക്ഷേത്രത്തിലെ പടി ചവിട്ടുമ്പോള്‍ കേള്‍ക്കുന്നത് പെണ്‍കുട്ടിയുടെ നിലവിളിയാണ്. അവള്‍ക്ക് നീതി കിട്ടാതെ ഒരു ക്ഷേത്രത്തിലും ഞാന്‍ കടക്കില്ല, ഹൈന്ദവ മതവിശ്വാസം മുറുകെ പിടിക്കുന്ന ജെ.ദേവികയുടെ വാക്കുകള്‍ തീവ്രചിന്താഗതിക്കാര്‍ കേട്ടതായി ‘ഭാവിച്ചില്ല. പിഞ്ചുബാലികയുടെ രക്തം കൊണ്ട് ക്ഷേത്രം പാപപങ്കിലമായതിനാല്‍ അതിന് പാപപരിഹാരമെന്നോണം കേരളത്തിലെ ക്ഷേത്രങ്ങളില്‍ ശുദ്ധികലശം നടത്താന്‍ ആഹ്വാനം ചെയ്ത ഹൈന്ദവ വിശ്വാസി കൂടിയായ കേന്ദ്ര സാഹിത്യ അക്കാദമി അവാര്‍ഡ് ജേതാവ് കെ.പി. രാമനുണ്ണിയുടെ വരികള്‍ വായിക്കാന്‍ ഹര്‍ത്താല്‍ അനുകൂലികള്‍ സമയം കണ്ടെത്തിയില്ല. കത്‌വാ സംഭവത്തിലെ പ്രതികളെ തൂക്കിക്കൊല്ലാനാണ് ന്യായാസനത്തിന്റെ വിധിയെങ്കില്‍ ഞാന്‍ ആരാച്ചാരായി മാറുമെന്ന മഹീന്ദ്ര ഗ്രൂപ്പ് ചെയര്‍മാന്‍ ആനന്ദ് മഹീന്ദ്രയുടെ ധീരമായ ശബ്ദത്തിന് മുന്നില്‍ അവര്‍ ചെവികള്‍ കൊട്ടിയടക്കുകയായിരുന്നു.

ഇവളെ ഇപ്പോഴെ കൊന്നത് നന്നായി അല്ലെങ്കില്‍ ‘ഭാവിയില്‍ ഇന്ത്യക്കെതിരായി ബോംബായി നിന്നേനെ. ആര്‍.എസ്.എസ്. കുടുംബത്തില്‍ പിറന്നുവീണ വിഷ്ണുകുമാറിന്റെ ഫെയ്‌സ്ബുക്ക് പോസ്റ്റ്, സോഷ്യല്‍മീഡിയകളില്‍ തരാതരം പോലെ പ്രചരിപ്പിക്കുന്നതിനിടയില്‍ സ്വന്തം മകള്‍ക്ക് കൊലചെയ്യപ്പെട്ട ആ പെണ്‍കുട്ടിയുടെ പേര് നല്‍കിയ രഞ്ജിത് റാം എന്ന മാധ്യമപ്രവര്‍ത്തകനെ കണ്ടതായി നടിച്ചില്ല. നോട്ടു കെട്ടുകള്‍ക്കും ‘ഭീഷണികള്‍ക്കും വശംവദനാവാതെ ഈ കൊലപാതകത്തില്‍ സത്യസന്ധമായി അന്വേഷണം പൂര്‍ത്തീകരിച്ച പൊലീസ് ഉദ്യോഗസ്ഥന്‍ രമേശ് കുമാര്‍ജല്ല ഉന്നതകുല ജാതനായ കാശ്മീര്‍ പണ്ഡിറ്റായിരുന്നു. നിയമ നടപടികള്‍ക്ക് സഹായ ഹസ്തവുമായി ഓടിയെത്തിയ ദീപികാസിംങ് രജാവത്ത് ഹൈന്ദവ സഹോദരിയാണെന്ന കാര്യം പലരും മറക്കുകയായിരുന്നു. ചാണകത്തില്‍ പുഴുക്കുന്ന പുഴുക്കളില്‍ നിന്ന് ആരും തന്നെ പട്ടുനൂല്‍ പ്രതീക്ഷിക്കാറില്ലെന്ന് തുറന്നെഴുതിയ ദീപാനിശാന്തിന്റെ ഫെയ്‌സ്ബുക്ക് പോസ്റ്റ് ഷെയര്‍ ചെയ്യാനോ, അതിനൊന്ന് ലൈക്കടിക്കാനോ, കമന്റിടാനോ വാട്‌സ്ആപ്പ് ഹര്‍ത്താലിനായി ഇറങ്ങി തിരിച്ച സൈബര്‍ പോരാളികളെ ആരേയും കണ്ടില്ല.

ബി.ജെ.പിയും, ആര്‍.എസ്.എസും നടത്തുന്ന മുസ്‌ലിം വിരുദ്ധ ചെയ്തികളില്‍ പാവം ഹൈന്ദവര്‍ എന്തു പിഴച്ചുവെന്ന് മുസ്‌ലിം സമുദായത്തിലെ തീവ്രചിന്തഗതിക്കാര്‍ പുനര്‍വിചനം നടത്തണം. അയല്‍പക്കത്തെ ഹൈന്ദവനെ ആര്‍.എസ്.എസിന്റെ കാര്യാലയത്തിലെത്തിക്കാന്‍ അവരില്‍ നിന്നും നോക്കുകൂലി കൈപ്പറ്റുന്ന പോപ്പുലര്‍ ഫ്രണ്ട് അടക്കമുള്ള വിഷബീജങ്ങളെ തിരിച്ചറിയാന്‍ കഴിയണം. ബാബരി മസ്ജിദിന്റെ താഴിക കുടങ്ങള്‍ തകരുമ്പോഴും ക്ഷേത്രങ്ങള്‍ക്ക് കാവല്‍ നില്‍ക്കാന്‍ ആഹ്വാനം നല്‍കിയ ശിഹാബ് തങ്ങളെ പോലുള്ളവര്‍ വെട്ടിതെളിച്ച വഴികളില്‍ നിന്നും തെന്നിമാറുമ്പോഴുണ്ടാകുന്ന കഷ്ടനഷ്ടങ്ങളെ കുറിച്ച് സമുദായം ആഴത്തില്‍ ചിന്തിക്കണം.

ഡല്‍ഹി രാം മനോഹര്‍ ലോഹ്യ ആസ്പത്രിയുടെ തണുത്ത തീവ്രപരിചരണ വിഭാഗത്തില്‍ ന്യൂമോണിയ ബാധിച്ച് പനിച്ചു വിറക്കുമ്പോള്‍ പുറത്ത് രാത്രിയെ പകലാക്കി ഇന്ത്യാഗേറ്റിലേക്ക് ഒരു രാജ്യത്തിന്റെ പരിഛേദം സമരച്ചൂടായി ഒഴുകുകയായിരുന്നു. മൂന്നാം ദിനം ഐ.സി.യുവില്‍ നിന്ന് വാര്‍ഡിലേക്ക് മാറ്റിയപ്പോഴാണ്, ഇന്ദ്രപ്രസ്ഥത്തിലും രാജ്യത്താകമാനവും നീതിക്കായി മെഴുകുതിരി തെളിച്ച് കരിമ്പടം പുതച്ച രാഷ്ട്രീയ ഇരുട്ടിനെ വകഞ്ഞു മാറ്റാനുള്ള പ്രത്യാശയുടെ ശബ്ദവും കാഴ്ചയും അറിയുന്നത്. ഹിമാലയത്തിന്റെ താഴ്‌വരയില്‍ ചതഞ്ഞരഞ്ഞ വയലറ്റ് പൂവിന്റെ നിലവിളി കാതുകളില്‍ പ്രതിധ്വനിച്ചു. കാമക്രോധങ്ങളുടെ പകയില്‍ ഊട്ടിയെടുത്തവര്‍ വെറും എട്ടു വയസ്സുള്ള ആ പൊന്നുമോളെ പിച്ചിച്ചീന്തി കൊന്നുതള്ളിയിരിക്കുന്നു; കുലമഹിമയും അധികാര മുഷ്‌കും ഉപയോഗിച്ച് നീതിയുടെ വഴി കൊട്ടയടക്കാന്‍ ശ്രമിക്കുന്നു. ഭൂമിയില്‍ ഒരു സ്വര്‍ഗമുണ്ടെങ്കില്‍ അത് ഇവിടെയാണ് ഇവിടെയാണ് എന്നാണ് കശ്മീറിനെകുറിച്ച് അറിഞ്ഞുവെച്ചത്. ആ പൂങ്കാവനത്തില്‍ വിടരും മുമ്പെ അവള്‍ മൊട്ടറ്റു വീണിരിക്കുന്നു; ചോരകിനിയുന്ന ഹൃദയവുമായി രക്ഷിതാക്കള്‍ ഭയന്നുവിറച്ച് പാലായനം ചെയ്തിരിക്കുന്നു.

സ്വന്തം ആരോഗ്യവും സൗഖ്യവും നോക്കിയിരിക്കാന്‍ എങ്ങിനെ കഴിയും. രോഗവിവരം അറിഞ്ഞ് നാട്ടില്‍ നിന്നെത്തിയ ഭാര്യയുടെ കൈകള്‍ ചേര്‍ത്തുപിടിച്ചു. വിവാഹത്തിന്റെ സുവര്‍ണ്ണ ജൂബിലിയാണ് നാളെ; സംഭവ ബഹുലമായ അന്‍പത് വര്‍ഷം. 1968 ഏപ്രില്‍ 17നാണ് റുഖിയ നേര്‍പാതിയായി ജീവിതത്തിലേക്ക് കടന്നു വന്നത്. ഈ ദാമ്പത്യ മലര്‍വാടിയില്‍ വിരിഞ്ഞത് നാലു പൂക്കളാണ്; മൂന്ന് ആണും ഒരു പെണ്ണും. വിവാഹ വാര്‍ഷികം വലിയ ആഘോഷമാക്കാറില്ലെങ്കിലും സൗകര്യപ്പെട്ടാല്‍ ഒന്നിച്ചുണ്ടാകാറുണ്ട്. പ്രിയതമക്കും മക്കള്‍ക്കുമൊപ്പം കൂടിയിരുന്ന് ഉണ്ണുന്നത് അരനൂറ്റാണ്ടിന്റെ ബന്ധത്തിന്റെ സ്‌നേഹക്കണ്ണി ദൃഢമാക്കുമല്ലോ. പ്രത്യേകിച്ചും ഉമ്മ പോയ ശേഷമുള്ള ആദ്യത്തെ വിവാഹ വാര്‍ഷികമാണിത്. രാംമനോഹര്‍ ലോഹ്യ ആസ്പത്രി വാര്‍ഡില്‍ ഗുളികയും വെള്ളവും നീട്ടിയപ്പോള്‍ പെണ്ണുമ്മയുടെ കൈപിടിച്ച് അവരുടെ പ്രിയപ്പെട്ട ബാപ്പു പറഞ്ഞു. നമുക്ക് പിറക്കാതെ പോയ ആ മോളെ കാണാന്‍ നാളെ കശ്മീറിലേക്ക് പോകുന്നു… ഇ.ടി മുഹമ്മദ് ബഷീര്‍ എം.പിയുടെ കാശ്മീര്‍ ദൗത്യങ്ങളില്‍ ഇതാദ്യത്തേതല്ല. റോഹിങ്ക്യന്‍ അഭയാര്‍ത്ഥി ക്യാമ്പുകളില്‍ മരുന്നും വെള്ളവും വസ്ത്രവുമായി പലപ്പോഴും അവിടെ പോകാറുണ്ട്. പക്ഷെ, ഈ യാത്ര എല്ലാത്തില്‍ നിന്നും വ്യത്യസ്ഥമാണ്; ഇ.ടി തന്നെ അതു പറയട്ടെ…

? ആസിഫ ബാനു ലോകത്താകമാനം അലയടിക്കുന്ന വിലയ വികാരമാണ്; കശ്മീരിലോ.

= ഈ ചോദ്യത്തില്‍ തന്നെ ഒരു ശരികേടുണ്ട്. പൈശാചികമായ പീഡനത്തിന് ഇരയായി കൊല്ലപ്പെട്ട അവരുടെ പേര് പരസ്യമായി പറയുന്നതും എഴുതുന്നതും നിയമത്തിന് എതിരല്ലെ. ഇത്തരം പീഡനങ്ങളില്‍ ഇരയുടെ ഐഡന്റിറ്റി വെളിപ്പെടുത്താമോ. ഡല്‍ഹിയില്‍ ബസ്സില്‍ പീഡിപ്പിക്കപ്പെട്ട് കൊല്ലപ്പെട്ട പെണ്‍കുട്ടി ‘നിര്‍ഭയ’ എന്ന അപര നാമത്തിലാണ് അറിയപ്പെടുന്നത്. കഠുവ സംഭവത്തില്‍ വിഷയത്തിന്റെ വൈകാരികതയില്‍ പേരും ഫോട്ടോയും നാടും കുടുംബവും എല്ലാം വ്യക്തമാക്കപ്പെട്ടു. അതൊക്കെ പരസ്യപ്പെടുത്തിയ മാധ്യമങ്ങള്‍ക്കെതിരെ കോടതി നിയമ നടപടിയും സ്വീകരിച്ചിട്ടുണ്ട്. ആസിഫ ബാനു എന്ന പേര് ലോകത്താകമാനം ചര്‍ച്ചയാണ്. ജാതി മത വര്‍ഗ ഭാഷ രാജ്യ അതിര്‍ത്തികള്‍ക്ക് അപ്പുറം ആ ദാരുണ സംഭവത്തെ അപലപിച്ചു. ഐക്യരാഷ്ട്ര സഭ പോലും ഞെട്ടല്‍ രേഖപ്പെടുത്തി. രാജ്യത്ത് കുട്ടികള്‍ക്ക് നേരെയുള്ള ലൈംഗിക അതിക്രമങ്ങളും കൊലകളും വര്‍ധിക്കുന്നു എന്നത് ഗൗരവത്തോടെ കാണണം. കഠുവയിലെ സംഭവം ആദ്യത്തോതോ അവസാനത്തേതോ അല്ല. പക്ഷെ, എല്ലാ പീഡന കൊലകളെക്കാളും വ്യത്യസ്ഥവും ഭീകരവുമാണത്. മൂന്ന് മാസം മുമ്പ് നടന്ന ആ ദാരുണ സംഭവം പുറം ലോകം അറിഞ്ഞത് വളരെ വൈകിയാണ്. ഒരാഴ്ചയിലേറെയായി രാജ്യത്താകമാനം പ്രക്ഷോഭങ്ങള്‍ നടക്കുന്നു. നീതിക്കായുള്ള മുറവിളികള്‍ ഉയരുന്നു. എന്നിട്ടും ജമ്മു കശ്മീര്‍ മന്ത്രിസഭയിലെ ഒരു മന്ത്രിയും തിരിഞ്ഞു നോക്കിയല്ല. ഒരു എം.പിയോ എം.എല്‍.എയോ അവരെ തേടി ഇതുവരെയും ചെന്നില്ല. കേരളത്തില്‍ നിന്നുള്ള പാര്‍ലമെന്റ് അംഗമാണ്, ഇന്ത്യന്‍ യൂണിയന്‍ മുസ്‌ലിംലീഗ് ദേശീയ ഭാരവാഹിയാണ് എന്നൊക്കെ പറഞ്ഞപ്പോള്‍ അവര്‍ക്ക് ഏറെ ആശ്വാസമായി. മുസ്‌ലിംലീഗിനെ കുറിച്ചും റോഹിങ്ക്യന്‍ അഭയാര്‍ത്ഥി ക്യാമ്പുകളില്‍ ആശ്വാസമെത്തിക്കുന്നതുമൊക്കെ അവര്‍ക്കറിയാം. കശ്മീര്‍ വിഷയത്തില്‍ പാര്‍ലമെന്റില്‍ നടത്തിയ പ്രസംഗം മൊബൈലില്‍ കാണിച്ചു തന്ന് നാട്ടുകാരില്‍ ഒരാള്‍ അഭിന്ദിച്ചപ്പോള്‍ അഭിമാനം തോന്നി. വളരെ ദൂരെയുള്ള കേരളത്തില്‍ നിന്നെത്തി കണ്ടതിലും പ്രാര്‍ത്ഥിച്ചതിലും കരഞ്ഞുകൊണ്ടാണ് അവര്‍ നന്ദി പറഞ്ഞത്. ഞങ്ങള്‍ ചെല്ലുന്നതറിഞ്ഞ് കോണ്‍ഗ്രസ്സിന്റെയും നാഷണല്‍ കോണ്‍ഫ്രന്‍സിന്റെയും പ്രാദേശിക നേതാക്കള്‍ എത്തിയിരുന്നു. പി.ഡി.പിബി.ജെ.പി സര്‍ക്കാര്‍ അധികാരത്തില്‍ വന്ന ശേഷം ഏറെ അരക്ഷിതരാണവരെന്ന് ബോധ്യപ്പെട്ടു. ഞങ്ങളുടെ കൂടെയണ്ടായിരുന്ന ന്യൂയോര്‍ക്ക് ടൈംസ് ലേഖകനും അതു സാക്ഷ്യപ്പെടുത്തി.

? നാടോടികളായ ആ കുടുംബത്തെ തേടിയുള്ള യാത്രാനുഭവം

= മുസ്‌ലിംകളിലെ ഗുജ്ജാര്‍ ബകര്‍വാല വിഭാഗത്തില്‍ പെട്ടവരാണ് ആ മോളെ കുടുംബം. അതൊരു ജാതിയൊന്നുമല്ല. ബകര്‍വാല്‍ എന്നാല്‍ ആടിനെ മേക്കുന്നവര്‍ എന്നാണു അര്‍ത്ഥം. ജമ്മുവിലെയും കശ്മീര്‍ താഴുവരയിലെയും ആയിരത്തോളം കിലോമീറ്റര്‍ ചുറ്റളവില്‍ ആടുമാടുകളെ മേച്ച് നടക്കുന്ന വിഭാഗമാണത്. വേനലില്‍ താഴ്‌വരയുടെ ഉയര്‍ന്ന പ്രദേശങ്ങളിലേക്കും തണുപ്പ് കാലത്ത് താഴുവാരങ്ങളിലേക്കും നാടോടികളായി സഞ്ചരിക്കും. ആടുകള്‍ക്ക് പുറമേ പശു, കുതിര, കഴുത എന്നിവയെ കൂടെ കൂടെ കൊണ്ട് നടക്കുന്നു. പശുവിനെ അറുക്കുകയോ ഭക്ഷണമാക്കുകയോ ചെയ്യില്ല. പശു പാലിന് വേണ്ടിയാണ്. പെട്ടന്ന് അത്യാവശ്യം ദൂരെ പോയി വരാനും മറ്റുമാണ് കുതിരകളെ ഉപയോഗിക്കുന്നത്. സാധങ്ങള്‍ ചുമക്കാനും കുട്ടികളെ യാത്ര ചെയ്യിക്കാനും കഴുതകളെയും. കാലികളാണ് അവരുടെ വരുമാന മാര്‍ഗം.സ്വത്ത് ഓഹരിവെക്കലും ആടു മാടുകളാണ്. കാലികളെയും തെളിച്ച് ഓരോ ദിവസവും എത്രയോ കിലോമീറ്ററുകള്‍ ഇവര്‍ താണ്ടും. കാലാവസ്ഥ വ്യതിയാനം അനുസരിച്ച് പ്രദേശങ്ങള്‍ മാറുമ്പോള്‍ കുട്ടികള്‍ ഉള്‍പ്പെടെ പ്രതിദിനം നൂറു കിലോമീറ്റര്‍ വരെയൊക്കെ കാല്‍നട യാത്ര ചെയ്യുമെന്നാണ് പറയുന്നത്.

ഭൂമിയോ വീടോ ഭൂരിഭാഗത്തിന്റെയും സ്വപനങ്ങളിലില്ല. അങ്ങിനെ അവരെ ആക്കിയതില്‍ പല ഘടകങ്ങളുമുണ്ട്. വീടോ, നിലമോ ഇല്ലെങ്കിലും ഗുജ്ജാര്‍ ബകര്‍വാലകള്‍ എന്നും ഇന്ത്യയോട് കൂറും കടപ്പാടും കാത്തു സൂക്ഷിച്ചവരാണ്. കശ്മീരിന് സ്വാതന്ത്ര്യം വേണമെന്ന് മുറവിളി കൂട്ടുന്നവരുടെ കണ്ണിലെ കരടാണിവര്‍. ഭൂമിയില്‍ അവകാശമില്ലാത്തവരുടെ അങ്ങനെ സ്വപ്‌നം കാണാത്തവരുടെ രാഷട്രീയ ബോധത്തില്‍ ആടു മാടുകളെ മേക്കല്‍ മാത്രമെയൊള്ളൂ. വനത്തില്‍ പുലി പിടിക്കുന്നതാണ് അവര്‍ക്കുള്ള പ്രധാന ഭീഷണിയായി അവര്‍ കാണുന്നത്. തമ്പടിച്ച സ്ഥലത്ത് ഇരുമ്പ് അടുപ്പില്‍ ചുറ്റുപാടും നിന്നും ശേഖരിക്കുന്ന വിറകു കത്തിച്ചു ഭക്ഷണമുണ്ടാക്കി കഴിക്കലും ഉറക്കവുമൊക്കെയാണ് ദിനചര്യ. അത്തരം ഒരു കുടുംബത്തെ കണ്ടെത്തുന്നത് ശ്രമകരമാവുമല്ലോ.

റോഹിങ്ക്യന്‍ അഭയാര്‍ത്ഥികള്‍ക്കുള്ള ദുരിതാശ്വാസ പ്രവര്‍ത്തനങ്ങള്‍ വഴി ജമ്മുവില്‍ വ്യക്തിപരമായ ബന്ധങ്ങളുണ്ടായിരുന്നു. മുസ്‌ലിം ലീഗുകാരായ അവരുമായി ബന്ധപ്പെട്ടാണ് കഠുവയിലെ യാത്ര നിശ്ചയിച്ചത്. സുരക്ഷാ പ്രശ്‌നമുള്ളതിനാല്‍ ജമ്മു കശ്മീര്‍ ആഭ്യന്തര വകുപ്പിനെ നേരത്തെ വിവരമറിയിച്ചിരുന്നു. എം.പി എന്ന നിലയില്‍ സുരക്ഷാ പ്രശ്‌നം ചൂണ്ടിക്കാട്ടി ജമ്മു കശ്മീര്‍ പൊലീസ് യാത്രക്കായി അവരുടെ ബുള്ളറ്റ് പ്രൂഫ് വാഹനം ഉപയോഗിക്കാന്‍ നിര്‍ദേശിച്ചു. പൊലീസ് മേല്‍നോട്ടത്തില്‍ അതിലായിരുന്നു യാത്ര. കൂട്ടമാനഭംഗവും കൊലയും ചര്‍ച്ചയായതോടെ കഠുവയിലെ കശ്മീരി പണ്ഡിറ്റുകളുടെ ഭീഷണി ഭയന്ന് ആ ഗ്രാമം വിട്ട രക്ഷിതാക്കള്‍ക്ക് അഭയം നല്‍കിയ വ്യക്തിയുടെ അടുത്തേക്ക് പോയി. അദ്ദേഹത്തെയും കൂട്ടി ജമ്മുശ്രീനഗര്‍ നാഷല്‍ ഹൈവേയിലൂടെ 110ല്‍ അധികം സഞ്ചിരിച്ച് പിന്നെ ചെറുവഴിയിലൂടെ എട്ടു കിലോമീറ്റര്‍ പോയപ്പോഴാണ് അവരിപ്പോള്‍ താമസിക്കുന്ന സ്ഥലത്തെത്തിയത്. ഭീഷണി മൂലം രസന ഗ്രാമത്തില്‍ നിന്നും പലായനം ചെയ്ത് ഇപ്പോള്‍ താമസിക്കുന്നത് മലമുകളിലാണ്. അവിടെ നിന്ന് മാതാവിനെ താഴുവാരത്തേക്ക് ഇറക്കികൊണ്ടു വന്നു.

? മാതാ പിതാക്കളുടെ പ്രതികരണം

= ആസിഫയുടെ വളര്‍ത്തു പിതാവ് മുഹമ്മദ് യൂസുഫ് പുജ്‌വാലയും ഭാര്യയുമാണിവര്‍. യഥാര്‍ത്ഥ മാതാ പിതാക്കള്‍ ഏതോ താഴ്‌വരയില്‍ ഉണ്ടാവുമെന്നെ ഇവര്‍ക്കും അറിയൂ. അടുത്തൊന്നും കണ്ടിട്ടില്ല. ഭര്‍ത്താവിന്റെ പെങ്ങളുടെ മകളാണ് ആസിഫ. പിതാവിനെക്കാള്‍ മാതാവാണ് സംസാരിച്ചത്. വായില്‍ പല്ലുമുളക്കുന്നതിന് മുമ്പ് പെറ്റമ്മയായ നാത്തൂന്റെ അടുത്തുനിന്ന് കൊണ്ടുവന്ന ശേഷം മകളായി ആറു വര്‍ഷത്തിലേറെ ഇവിടെയായിരുന്നു. നാലു മക്കളും അപകടത്തില്‍ മരിച്ചപ്പോള്‍ ഞങ്ങള്‍ക്ക് കൈമാറിയതാണ്. എപ്പോഴും തന്നെ ചുറ്റിപ്പറ്റി ഉണ്ടാവും. കിടത്തവും ഭക്ഷണവും എല്ലാം ഒന്നിച്ചായിരുന്നു. അരുസരണക്കേടോ കുശുമ്പോ ഒന്നും ഇല്ലായിരുന്നു. ആരും വല്ലാതെ ഇഷ്ടപ്പെടുന്ന ഓമനത്തമുള്ള കുട്ടി. അധികമൊന്നും പുറത്തുള്ളവരോട് ഇടപഴകുന്ന പ്രകൃതമല്ല അവളുടേത്. പരിചയമുള്ളവര്‍ വിളിച്ചാല്‍ പോലും കൂടെ പോകില്ല. മൃഗങ്ങളോട് അളവറ്റ സ്‌നേഹമായിരുന്നു. പ്രത്യേകിച്ചും കുതിരകളോട്. കുതിരകളെ തൊട്ടു തലോടി കൊഞ്ചികുഴഞ്ഞ് നടക്കും. സ്‌കൂള്‍ പഠനത്തിനൊന്നും അയച്ചില്ല. കഠുവയിലെ സ്ഥലത്തിന്റെ രേഖ ശരിയാക്കിയാല്‍ അവിടെ താമസിച്ച് അടുത്ത വര്‍ഷം സ്‌കൂളില്‍ ചേര്‍ക്കണമെന്നായിരുന്നു മോഹം. പഠിപ്പിച്ച് വലിയ ആളാക്കാനൊന്നുമല്ല. കല്ല്യാണപ്രായമാവുമ്പോള്‍ ആരെയെങ്കിലും ഏല്‍പ്പിക്കണം. അതുവരെ… കരച്ചിലില്‍ വാക്കുകള്‍ മുറിഞ്ഞു.

കണ്ണീരും കരച്ചിലുമായി ഭാര്യ കാര്യങ്ങള്‍ പറയുമ്പോള്‍ തൊട്ടടുത്ത് യൂസുഫ് അകം കലങ്ങി മറിയുന്ന സമുദ്രത്തെ ധ്വനിപ്പിക്കുന്ന മുഖഭാവത്തോടെ ഇരുന്നു. ചോദ്യങ്ങള്‍ക്കെല്ലാം കരച്ചിലോടെയാണ് മാതാവിന്റെ മറുപടി. കുതിരകള്‍ക്കൊപ്പം രാവിലെ വീട്ടില്‍ നിന്നിറങ്ങിയ11 മണിയോടെ തിരിച്ചെത്തി വീണ്ടും പോയതായിരുന്നു. അവള്‍ പിന്നെ തിരിച്ചു വന്നില്ല. തിരയാവുന്നിത്തൊക്കെ നോക്കി. അത്രയും ദിവസവും വിളിപ്പാടകലെ ഒന്നുറക്കെ കരയാന്‍ പോലുമാകാതെ അവളുണ്ടായിരുന്നെന്ന് ആലോചിക്കുമ്പോള്‍ സഹിക്കാനാവുന്നില്ല. അതൊക്കെ ചെയ്തത് അറിയുന്നവരായിരുന്നു. സ്ഥലത്തിന്റെ രേഖ തരാതെ ഭീഷണിപ്പെടുത്തലൊക്കെ ഉണ്ടായിരുന്നെങ്കിലും മുമ്പൊന്നും ഒരക്രമവും നടന്നിട്ടില്ല. അങ്ങനെയൊരു സൂചനപോലും ഉണ്ടായിരുന്നില്ല. ഒരു നിലക്ക് എല്ലാവരും സൗഹൃദത്തോടെയാണ് കഴിഞ്ഞിരുന്നത്. കണ്ണീരടക്കാനാവാതെ അവര്‍ വിതുമ്പിക്കരഞ്ഞു. എഴുപത് വയസ്സിലേറെ പ്രായമുള്ള ഉമ്മാക്ക് വലിയ ആരോഗ്യ പ്രശ്‌നങ്ങളുള്ളതായി തോന്നിയില്ല. ദുഃഖ ഭാരത്താല്‍ തളര്‍ന്നതിനാലാവണം, അവര്‍ക്ക് ഒറ്റക്ക് നടക്കാനാവാത്ത അവസ്ഥയായിരുന്നു.

? ആസിഫയുടെ കബറിടം

= കബറിടത്തില്‍ പോകാനും പ്രാര്‍ത്ഥനക്കും ആഗ്രഹിച്ചെങ്കിലും സാധ്യമായില്ല. സംഭവം നടന്ന സ്ഥലത്ത് ഖബറടക്കാന്‍ അക്രമികള്‍ സമ്മതിക്കാതെ വളരെ വിജനമായ മലമുകളിലാണ് മറമാടിയത്. ഞങ്ങളെത്തിപ്പെട്ട സ്ഥലത്തു നിന്ന് ചെങ്കുത്തായ മലമ്പാത താണ്ടി ഏതാനും കിലോമീറ്ററുകള്‍ പോകണം. ഞങ്ങളുടെ ആഗ്രഹം അറിയിച്ചപ്പോള്‍ അതത്ര എളുപ്പമല്ലെന്നും അതുപേക്ഷിക്കണമെന്നും രക്ഷിതാക്കള്‍ തന്നെ വിലക്കി. കല്ലുകള്‍ നിറഞ്ഞ കുത്തനെയുള്ള കിലോമീറ്ററുകള്‍ നീളുന്ന മലമ്പാത താണ്ടാന്‍ കുതിര സവാരി അറിയണം. അല്ലെങ്കില്‍ സാഹസമാണ്. പ്രായമായ മാതാപിതാക്കള്‍ക്ക് അവിടെ പോകാന്‍ കഴിയില്ലല്ലോ എന്നോര്‍ത്തപ്പോള്‍ സങ്കടം തോന്നി. മലമുകളില്‍ വെള്ളാരം കല്ലുകള്‍ മുകളില്‍ പാകിയ ഒരു സ്ഥലത്തിന്റെ ഫോട്ടോ കാണിച്ച് ഇതാണ് കബറെന്ന് അവര്‍ പറഞ്ഞു. ഏതാനും മാസങ്ങള്‍ കഴിഞ്ഞാല്‍ ആ ഖബര്‍സ്ഥാന്‍ തിരിച്ചറിയാന്‍ ഒരു മാര്‍ഗവും കാണില്ല. ആ ഓര്‍മ്മകളെ അക്രമികള്‍ അത്രമേല്‍ ഭയപ്പെടുന്നുണ്ടാവണം.

? എന്താണ് കുടുംബത്തിന്റെ ആവശ്യങ്ങള്‍

പ്രത്യേകിച്ച് മോഹങ്ങളൊന്നുമില്ലാത്ത പാവങ്ങളാണ്. സാമ്പത്തിക സഹായം നല്‍കി കേസ്സിന്റെ കാര്യങ്ങള്‍ നോക്കാമെന്ന് ഉറപ്പു നല്‍കിയ ശേഷം മുസ്‌ലിംലീഗ് എന്താണ് ചെയ്യേണ്ടതെന്ന് ചോദിച്ചപ്പോള്‍ നിര്‍ത്താതെ കരച്ചിലായിരുന്നു ഉത്തരം. നിങ്ങളൊക്കെ ഇവിടെ വന്ന് കണ്ടതും പ്രാര്‍ത്ഥിച്ചതും തന്നെ വലിയ ആശ്വാസമായി എന്നായിരുന്നു മറുപടി. പിന്നെ പറഞ്ഞു, ഒന്നും വേണ്ട; മകളെ കൊന്നവരെ തൂക്കികൊല്ലണം. ഉള്ളിലൊതുക്കിയ കനല്‍ കത്തുന്നപോലെ അതുകേട്ട് പിതാവും വിതുമ്പി കരഞ്ഞു.

? വര്‍ഗീയമാണോ ആ സംഭവവും കൊലയും

= മേഖലയില്‍ വലിയ വര്‍ഗീയ സംഘര്‍ഷങ്ങളൊന്നും ഉണ്ടായിരുന്നില്ലെന്നാണ് അവരൊക്കെ പറയുന്നത്. ബകര്‍വാല്‍ സമുദായത്തിലെ ഒരു കുടുംബം പോലും സംഭവം നടന്ന കഠുവയില്‍ ഇപ്പോഴില്ല. എല്ലാവരും ജീവരക്ഷാര്‍ത്ഥം പാലായനം ചെയ്തിരിക്കുന്നു. അവരെ ആട്ടിപ്പായിക്കാന്‍ ഭൂമിയിലെ അവകാശം ഇല്ലായ്മ ചെയ്യാന്‍ ആസൂത്രണം ചെയ്തതാണോ ഇതൊക്കെയെന്ന സംശയത്തില്‍ ന്യായമുണ്ട്. ഇവിടെ പിറന്ന സര്‍വ്വ ജീവജാലങ്ങളെയും ‘ഭൂമിയുടെ അവകാശികള്‍’ എന്നാണ് വിശ്വ സാഹിത്യകാരന്‍ വൈക്കം മുഹമ്മദ് ബഷീര്‍ നമ്മെ ഓര്‍മ്മിപ്പിച്ചത്. മനുഷ്യര്‍ക്ക് മാത്രമല്ല, എല്ലാ പക്ഷി മൃഗാദികള്‍ക്കും തുല്ല്യ അവകാശമുള്ള പ്രപഞ്ചത്തെ കുറിച്ച് താത്വികമായ ഒട്ടേറെ ഉല്‍ബോധനങ്ങളുണ്ടായി. ഭക്ഷണം വസ്ത്രം ഒരു തുണ്ട്ഭൂമിയിലൊരു പാര്‍പ്പിടം എന്നിവയൊക്കെ മനുഷ്യാവകാശത്തിന്റെ ഗണത്തില്‍ എണ്ണുന്നതും പുതുമയല്ല. എന്നാല്‍, സ്ഥലമോ വീടോ സ്വന്തമായി ഇല്ലാവരുടെ സ്വപ്‌നങ്ങളെ തല്ലിക്കെടുത്തി എത്രകാലം മുന്നോട്ടു പോകും.

കഠുവില്‍ പണം കൊടുത്ത് വാങ്ങിയ ഭൂമി ഇവര്‍ക്ക് ഉണ്ടായിരുന്നു. അതിലൊരു ചെറിയ കുടിലും. കശ്മീരില്‍ കശ്മീരികള്‍ക്ക് മാത്രമെ ഭൂമി സ്വന്തമായി വാങ്ങാനാവൂ. പട്ടിക വര്‍ഗ വിഭാഗത്തില്‍ പെട്ട മുസ്്‌ലിം കുടുംബം എന്ന നിലക്ക് വനനിയമത്തിന്റെ പരിധിയില്‍ പെട്ട ആ ഭൂമിയുടെ ഉടമസ്ഥാവകാശത്തിന് ഗോത്രവിഭാഗമായ അവര്‍ക്ക് അര്‍ഹതയുണ്ടായിരുന്നു. എന്നാല്‍ ഭൂമിയുടെ രേഖ പണ്ഡിറ്റുകളായ സര്‍പഞ്ച് നല്‍കിയില്ല. കഠുവയില്‍ നിന്ന് ബകര്‍വാലുകളെ ആട്ടിയോടിക്കുന്നതിലും പട്ടയം നല്‍കുന്നതിനെ എതിര്‍ത്തും ഭീഷണിപ്പെടുത്തിയും ഇത്രനാളും നടത്തിയ ശ്രമങ്ങളിലും പണ്ഡിറ്റുകള്‍ വിജയിച്ചു. ഭയം മൂലം ആരും ഭൂമി സ്വന്തമാക്കി കഠുവയില്‍ താമസിക്കാന്‍ എത്താത്ത സാഹചര്യമാണിപ്പോള്‍. സംസ്ഥാന സര്‍ക്കാറില്‍ സമ്മര്‍ദ്ദമുണ്ടാക്കാന്‍ മുഖ്യമന്ത്രി മഹ്്ബൂബ മുഫ്തിയെ ബന്ധപ്പെട്ട് വൈകാതെ ചര്‍ച്ച നടത്തണം.

ആ നിഷ്ടൂര സംഭവത്തെ വര്‍ഗീയമാക്കാനും പ്രതികളെ രക്ഷിക്കാനുമാണ് കൊണ്ടു പിടിച്ച ശ്രമം. ഭരണഘടനാ പദവികള്‍ വഹിക്കുന്ന രണ്ട് മന്ത്രിമാരാണ് പ്രത്യക്ഷത്തില്‍ തന്നെ ഭീഷണിയും വെല്ലുവിളിയും നടത്തിയത്. ജനരോഷം മൂലം ഇരുവരും രാജിവെച്ചെങ്കിലും ബി.ജെ.പിക്കാരനായ ഉപ മുഖ്യമന്ത്രിയുടെ ബലത്തില്‍ രണ്ടും കല്‍പിച്ച് സര്‍ക്കാര്‍ സംവിധാനങ്ങളെ ദുരുപയോഗപ്പെടുത്തുകയാണ്. ആവശ്യമില്ലാത്ത അറസ്റ്റ് സമ്മതിക്കില്ലെന്നാണ് അദ്ദേഹത്തിന്റെ മുന്നറിയിപ്പ്. കുറ്റപത്രം സമര്‍പ്പിക്കാന്‍ പോലും സമ്മതിക്കില്ലെന്ന് അഭിഭാഷകര്‍ ഭീഷണിപ്പെടുത്തുന്നത് രാജ്യത്ത് കേട്ടുകേള്‍വിയുണ്ടോ. പൊലീസിനെ മാത്രമല്ല, അഭിഭാഷകരെയും ബാര്‍ കൗണ്‍സിലിലെ മേധാവിത്വം ഉപയോഗിച്ച് ചൊല്‍പടിയില്‍ നിര്‍ത്താനാണ് ശ്രമം. രാജ്യത്ത് ഇന്നേവരെ ഇല്ലാത്തതാണിത്.

? അമ്പലവും പൂജാരികളും പ്രതിസ്ഥാനത്താണ്

= അതാണ് വിഷയത്തെ വഴിതിരിച്ചുവിടാന്‍ കരുവാക്കുന്നതും. ക്രൂര കൃത്യം നടന്നത് അമ്പലം ദുരുപയോഗം ചെയ്താണെന്നതോ ഉള്‍പ്പെട്ടത് പൂജാരിയാണെന്നതോ ഹൈന്ദവ സമൂഹത്തെ പ്രതി സ്ഥാനത്ത് നിര്‍ത്താന്‍ ഉതകുന്നതല്ല. ഈ വിഷയം മൂന്ന് മാസത്തോളമായപ്പോഴാണ് നമ്മള്‍ അറിയുന്നത്. പ്രത്യേകിച്ച് കശ്മീറിന്റെ പുറത്തുള്ളവര്‍. ഹിന്ദുമത വിശ്വാസികളായ ഉദ്യോഗസ്ഥരാണ് നിജസ്ഥിതി പുറത്തുകൊണ്ടു വന്നത്. ഇതോടെ ഇളിയ സംഘ്പരിവാര്‍ കേസ് സി.ബി.ഐക്ക് വിടണമെന്ന് ആവശ്യം ഉന്നയിക്കുകയായിരുന്നു. ജമ്മുെ്രെ കംബ്രാഞ്ച് തന്നെ അന്വേഷിക്കുമെന്നും ഒരു കുറ്റവാളിയും രക്ഷപ്പെടില്ലെന്നും ഡി.ജി.പി എസ്.പി വേദ് ശക്തമായ നിലപാടാണ് സ്വീകരിച്ചത്. റിട്ട് പെറ്റിഷന്‍ പരിഗണിച്ച് തൊണ്ണൂറു ദിവസത്തിനകം ചാര്‍ജ് ഷീറ്റ് നല്‍കണം എന്ന് ജമ്മുെ്രെ കംബ്രാഞ്ച് നോട് നിര്‍ദ്ദേശിച്ച് ഉത്തരവിട്ട ജഡ്ജ ഉള്‍പ്പെടെയുള്ള ഹൈന്ദവ വിശ്വാസികളെ നടിച്ച് അമ്പലത്തെ ക്രൂശിക്കണമെന്നാണോ. സംഭവത്തെ ലഘൂകരിക്കാന്‍ സ്വന്തം മതത്തിന്റെ പോരിശയെ മറയാക്കുന്നതും കേസ്സില്‍ നിന്ന് രക്ഷപ്പെടാന്‍ മതത്തെ ദുരുപയോഗം ചെയ്യുന്നതുമാണ് വര്‍ഗീയത.

സ്വന്തം ജീവനുള്ള ഭീഷണി പോലും വകവെക്കാതെയാണ് അഡ്വ.ദീപികയൊക്കെ ശക്തമായി മുന്നോട്ടു പോകുന്നത്. ഈ കേസ്സില്‍ സുപ്രീം കോടതിയില്‍ ഹാജരാവുന്ന അഡ്വ. ഇന്ദിരാ ജെയ്‌സിങ്ങുമായി കണ്ട് ചര്‍ച്ച നടത്തിയിട്ടുണ്ട്. എന്തെങ്കിലും പ്രലോഭനത്തില്‍ വീഴുന്ന വ്യക്തിയല്ല അവര്‍.ജമ്മുവില്‍ ഈ കേസ്സ് നോക്കുന്നത് ഇവരുടെ ജൂനിയറായ അഡ്വ.ദീപിക സിങ്ങ് രാവത്താണ്. വൈകാതെ അവരെയും കാണണം. ഇരുവര്‍ക്കും എല്ലാ പിന്തുണയും ഉറപ്പാക്കും.

? പ്രതികള്‍ക്കായി അവര്‍ ദേശീയ പതാക പിടിക്കുന്നു

= ബലാത്സംഗ കേസിലെ പ്രതികളെ വിട്ടയക്കണമെന്നും പ്രതികള്‍ക്കെതിരെ പ്രത്യേക അന്വേഷണ സംഘം ചുമത്തിയിരിക്കുന്ന കുറ്റപത്രം റദ്ദ് ചെയ്യണമെന്നുമാവശ്യപ്പെട്ട് ‘ഹിന്ദു ഏക്താ മഞ്ച്’ ന്റെ വലിയ കോലാഹലം നടക്കുന്നു എന്നതൊഴിച്ചാല്‍ പ്രത്യക്ഷത്തില്‍ കശ്മീരില്‍ എവിടെയും ആസിഫക്കായി പ്രക്ഷോഭങ്ങളൊന്നുമില്ല. പ്രതികള്‍ക്കായി അവര്‍ പിടിക്കുന്ന കൊടി ഇന്ത്യയുടെ ദേശീയ പതാകയാണ് എന്നതാണ് ഗൗരവം വര്‍ധിപ്പിക്കുന്നത്. ഇന്നോളം ഇന്ത്യയോട് ചേര്‍ന്ന വിഭാഗത്തെ പാക്കിസ്ഥാനികളും ദേശ വിരുദ്ധരുമായി മുദ്രകുത്തി ആട്ടിപ്പായിക്കാനും ഹിന്ദു പോളറൈസേഷന്‍ സൃഷ്ടിക്കാനുമാണ് ലക്ഷ്യമിടുന്നത്. ഗതികെട്ടപ്പോള്‍ പ്രധാനമന്ത്രിയുടെ പഴങ്കഞ്ഞി പോലത്തെ പ്രതികരണമൊക്കെ അതുകൊണ്ടാണ്.

ഒരു വലിയ വിഭാഗം ആസിഫക്ക് അവര്‍ക്ക് നീതി ഉറപ്പാക്കാന്‍ രംഗത്തുണ്ട്. അതിനെയും ഹൈജാക്ക് ചെയ്യാനുള്ള ശ്രമങ്ങളുമുണ്ട്. കേരളത്തില്‍ നടന്ന ഹര്‍ത്താല്‍ പോലും വേറൊരു രീതിയിലേക്ക് കാര്യങ്ങളെ കൊണ്ടെത്തിച്ചതും നമ്മള്‍ കണ്ടു. നേതൃത്വമില്ലാത്ത സമരങ്ങളുടെയെല്ലാം പരിണിതി അതാവും. കൃത്യമായ ധാരയോടെ പൊതു സമൂഹത്തിന്റെ പിന്തുണയോടെ കുറ്റവാളികളെ ഒറ്റപ്പെടുത്തുകയാണ് വേണ്ടത്. ഇന്ത്യ ഒന്നാകെ ആസിഫക്കൊപ്പമാണ്. സംഘ്പരിവാര്‍ പ്രതിരോധത്തിലാണ്. കേരളത്തില്‍ അത്തരം ഉയര്‍ന്ന ബോധം നമ്മള്‍ കണ്ടതാണ്. സച്ചിതാനന്ദന്റെ കവിതയും സിക്ക് എഞ്ചിനീയറുടെ ഒരു മാസത്തെ വേതനവും മകള്‍ക്ക് പേരിട്ട മാധ്യമ പ്രവര്‍ത്തകനും ഉള്‍പ്പെടെ നമ്മളെ അനീതിക്കെതിരെ ഒന്നാക്കുന്നു. ഈയൊരു വാട്‌സപ്പ് കത്തുകൂടി ഇവിടെ ചേര്‍ക്കണം: പ്രിയ ഡിസി രവീ,

എന്റെ അന്ധകാണ്ഡം, ദൈവപ്പാതി, ഓ നിഷാദാ, പ്ലമേനമ്മായി, യക്ഷിയും മറ്റും, ഡ്രാക്കുളയും കുട്ടിച്ചാത്തനും എന്നീ പുസ്തകങ്ങളുടെ ഏതാണ്ട് അഞ്ച് ലക്ഷം വരുന്ന റോയല്‍റ്റി കത്വയിലെ കൊല്ലപ്പെട്ട കുഞ്ഞിന്റെ കുടുംബത്തിന് നല്‍കണം. എനിക്കിനി റോയല്‍റ്റി വേണ്ട. എന്റെ എല്ലാ പുസ്തകങ്ങളുടേയും എന്നെന്നേക്കുമുളള റോയല്‍റ്റി ഞാന്‍ നിനക്ക് വില്‍ക്കുന്നു. ഞാനിനി എഴുതുന്നില്ല. എനിക്കിനി ജീവിക്കണ്ട. എന്റെ മോളുടെ പ്രായമുളള ആ കുഞ്ഞിനെ കൊന്നവരെ തൂക്കി കൊല്ലുംവരെ എനിക്കുറക്കമില്ല. തൂക്കി കൊന്നാലും എനിക്കുറക്കമില്ല. ബലാത്സംഗം എന്താണെന്ന് പോലുമറിയാത്ത കുഞ്ഞിനോട് അവര്‍ കാണിച്ചത് കണ്ടില്ലേ. ഞാനിത്ര കാലം കവിതയെഴുതിയിട്ട് മാനുഷിക മൂല്യങ്ങള്‍ക്ക് ഒരു ഗുണവും കിട്ടിയില്ലെന്ന് കാലം തെളിയിച്ചില്ലേ. പിന്നെ ഞാനെന്തിനെഴുതണം. എനിക്ക് നെഞ്ചിലൊരസ്വാസ്ഥ്യം. എനിക്കിനി കവിത വേണ്ട. ജീവിക്കാനര്‍ഹരല്ല നാം… (കവി കെ.ആര്‍ ടോണി).

ആസിഫ മോള്‍ക്ക് നീതി ലഭിക്കാതെ വിശ്രമമില്ല; ചെറു ന്യൂനപക്ഷം ഒഴിച്ചാല്‍ രാജ്യം മുഴുവന്‍ കൂടെയുണ്ട്.

ആസിഫ ബലാത്സംഗത്തിന് ഇരയായില്ലെന്ന തരത്തില്‍ സമൂഹമാധ്യമങ്ങളില്‍ പ്രചരിക്കുന്ന വാര്‍ത്ത വ്യാജമാണെന്ന് പൊലീസ് വെളിപ്പെടുത്തി. ‘ആസിഫ ബലാത്സംഗത്തിനിരയായിട്ടില്ലെന്ന് പറയുന്നതിന്റെ വീഡിയോ സമൂഹമാധ്യമങ്ങളിലൂടെ പ്രചരിച്ചിരുന്നു. എന്നാല്‍ ഇത് സത്യത്തില്‍ നിന്ന് ബഹുദൂരം അകലെയാണ്. പെണ്‍കുട്ടി പീഡനത്തിനിരയായതിന് വ്യക്തമായ തെളിവുണ്ട്. ഇത് സൂചിപ്പിക്കുന്ന മെഡിക്കല്‍ റിപ്പോര്‍ട്ടും ലഭ്യമാണ്.

പെണ്‍കുട്ടിക്ക് കന്യാചര്‍മം ഇല്ലെന്നാണ് വിദഗ്ധരായ മെഡിക്കല്‍ സംഘം നല്‍കിയ റിപ്പോര്‍ട്ട്. ക്രൂര ബലാത്സംഗത്തിനിരയാക്കിയതിനു ശേഷമാണ് പ്രതികള്‍ പെണ്‍കുട്ടിയെ ദാരുണമായി കൊന്നത്’, അന്വേഷണ ഉദ്യോഗസ്ഥന്‍ പറഞ്ഞു.
കേസില്‍ അനുബന്ധ കുറ്റപത്രം തയാറാക്കി വരികയാണെന്ന് ജമ്മുവിലെ ക്രൈംബ്രാഞ്ച് ഉദ്യോഗസ്ഥര്‍ അറിയിച്ചു.

ജനുവരി പത്തിനാണ് കുതിരകളുമായി കാട്ടില്‍ പോയ ആസിഫയെ കാണാതായത്. തുടര്‍ന്ന് ദിവസങ്ങള്‍ക്കു ശേഷമാണ് കുട്ടിയുടെ മൃതദേഹം കണ്ടെടുത്തത്. രാജ്യത്ത് ഇതുമായി ബന്ധപ്പെട്ട് വ്യാപക പ്രതിഷേധം കെട്ടടങ്ങുംമുമ്പേയാണ് സംഘപരിവാറിന്റെ നേതൃത്വത്തില്‍ വ്യാജ പ്രചാരണങ്ങള്‍ പടച്ചുവിടുന്നത്.

पोस्टमार्टम रिपोर्ट में खुलासा, कठुआ की बच्ची से नहीं हुआ था दुष्कर्मhttps://t.co/mO115ul5b8#Kathua pic.twitter.com/VWLKt7GGp0

— Dainik jagran (@JagranNews) April 20, 2018

അതിക്രമങ്ങള്‍ക്ക് ഇപ്പോള്‍ വലിയ പ്രചരണമാണ് കിട്ടുന്നത്. മുന്‍പും ഇത്തരം സംഭവങ്ങള്‍ ഉണ്ടായിരുന്നു, പക്ഷെ ആരും അറിഞ്ഞില്ലെന്ന് മാത്രം, ഇത്തരം കേസുകള്‍ക്ക് ലഭിക്കുന്ന പബ്ലിസിറ്റിയാണ് അതിക്രമങ്ങള്‍ വര്‍ധിക്കാന്‍ കാരണമെന്നും ഹേമമാലിനി വാര്‍ത്താ എജന്‍സിയായ എ.എന്‍.ഐക്ക് അനുവദിച്ച അഭിമുഖത്തില്‍ പറഞ്ഞു.

ഇത്തരം സംഭവങ്ങള്‍ ഇനിയും ആവര്‍ത്തിക്കരുത്. സര്‍ക്കാര്‍ ഇതിനെതിരെ മുന്‍ കരുതല്‍ എടുക്കുകയും ഇതിന് പരിഹാരം കണ്ടെത്തുകയും ചെയ്യും. ഇത്തരം സംഭവങ്ങള്‍ രാജ്യത്തിന്റെ പ്രതിച്ഛായക്ക് തന്നെ കോട്ടമുണ്ടാക്കുന്നുണ്ടെന്നും അവര്‍ കൂട്ടിച്ചേര്‍ത്തു.

പ്രതിയായ 25കാരന്‍ പിന്റു കുമാറിനെ പൊലീസ് അറസ്റ്റു ചെയ്തു. കൊലപാതകം, ബലാത്സംഗം, തെളിവു നശിപ്പിക്കല്‍ എന്നീ കുറ്റങ്ങളും കുട്ടികള്‍ക്കെതിരായ ലൈംഗികാതിക്രമങ്ങള്‍ തടയുന്നതിനുള്ള പോസ്‌കോ വകുപ്പും ഇയാള്‍ക്കെതിരെ ചുമത്തിയതായി പൊലീസ് അറിയിച്ചു. എറ്റാവയിലെ ആലിഗഞ്ചിനു സമീപം കേല്‍ത്ത ഗ്രാമത്തില്‍ വിവാഹ ചടങ്ങിനെത്തിയ കുട്ടിയെ വ്യാഴാഴ്ച രാത്രി 10 മണിയോടെയാണ് കാണാതായത്.
കുട്ടിയെ കാണാനില്ലെന്ന് കുടുംബം പൊലീസില്‍ പരാതി നല്‍കുകയും ചെയ്തു. പിന്നീട് നടത്തിയ തെരച്ചിലില്‍ പുലര്‍ച്ചെ മൂന്നു മണിയോടെ വീട്ടില്‍ നിന്നും 100 മീറ്റര്‍ അകലെയായി കുട്ടിയുടെ മൃതദേഹം കണ്ടെത്തുകയായിരുന്നു. വിവാഹത്തിന് പാചകക്കാരനായി എത്തിയ പ്രതി കുട്ടിയോട് വെള്ളം ചോദിക്കുന്നത് കണ്ടുവെന്ന ചിലരുടെ മൊഴിയാണ് പ്രതിയെ പിടികൂടാന്‍ സഹായിച്ചത്. കത്വ, ഉന്നാവോ ബലാത്സംഗ കേസുകള്‍ രാജ്യത്ത് വന്‍ കോളിളക്കം സൃഷ്ടിക്കുന്നതിനിടെയാണ് കുട്ടികള്‍ക്കെതിരായ കൂടുതല്‍ അതിക്രമങ്ങള്‍ റിപ്പോര്‍ട്ട് ചെയ്യപ്പെടുന്നത്.

ചത്തീസ്ഗഡിലെ ബഗാരയിലാണ് സമാനമായ രണ്ടാമത്തെ സംഭവം റിപ്പോര്‍ട്ട് ചെയ്യപ്പെട്ടത്. ഇവിടെ വരന്റെ സുഹൃത്താണ് പത്തുവയസുകാരിയെ ബലാത്സംഗം ചെയ്തു കൊലപ്പെടുത്തിയത്. സംഭവത്തില്‍ പ്രതിയായ ഉത്തം സാഹു (25)വിനെ പൊലീസ് അറസ്റ്റു ചെയ്തു. ബലാത്സംഗത്തിന് ശേഷം കല്ലുപയോഗിച്ച് പെണ്‍കുട്ടിയുടെ തലക്കടിച്ചാണ് കൊല നടത്തിയതെന്ന് ഇയാള്‍ പൊലീസിന് മൊഴി നല്‍കിയിട്ടുണ്ട്. പെണ്‍കുട്ടിയെ കൊലപ്പെടുത്തിയ ശേഷം സമീപത്തെ കാനയില്‍ വലിച്ചെറിയുകയായിരുന്നു.

കുട്ടികളെ ഉപമിക്കാന്‍ ഏറ്റവും നല്ലത് പൂക്കളോടായിരിക്കും. കാരണം പൂക്കളെ പോലെ അവരും തളിരുകളാണ്. പൂക്കളെ പോലെ അവരും ഭംഗിയുടെ പ്രതീകങ്ങളാണ്. തഴുകുകയും തലോടുകയും ചെയ്യുമ്പോഴാണ് കുട്ടികളും പൂക്കളും സന്തോഷം പ്രസരിപ്പിക്കുന്നത്. ചട്ടിയുടെയും കെട്ടിന്റെയും ഉള്ളില്‍ പരിചരിക്കപ്പെടുമ്പോഴാണ് പൂക്കളും കുട്ടികളും ശ്രദ്ധയാകര്‍ഷിക്കുന്നത്. അതിനാല്‍ ഒരു പൂവിനെയെന്ന പോലെയാണ് കുട്ടികളെ കാണേണ്ടതും അവരോട് ഇടപഴകേണ്ടതും. ഒഴിഞ്ഞതും തെളിഞ്ഞതുമായ അവരുടെ കുഞ്ഞു മനസ്സുകള്‍ സ്‌നേഹത്തിന് കൊതിക്കുന്നവയാണ്. അക്രമവും വക്രതയുമറിയാത്ത അവരുടെ മനസ്സുകള്‍ കാരുണ്യത്തിനു കാത്തിരിക്കുകയാണ്. അതിനാല്‍ അവയില്‍ സ്‌നേഹവും കാരുണ്യവുമാണ് നിറയേണ്ടതും നിറയ്‌ക്കേണ്ടതും. വേണ്ടവര്‍ക്ക് വേണ്ടതു നല്‍കുകയാണ് മാന്യനായ മനുഷ്യന്റെ ധര്‍മ്മം. അതിനാല്‍, അവയല്ലാത്ത ഒന്ന് അവരോട് കാണിക്കുകയോ ചിന്തിക്കുകയോ ചെയ്യുന്നവനെ മാന്യനെന്നല്ല, മനുഷ്യനെന്ന് തന്നെ വിളിക്കാന്‍ കഴിയില്ല. മനുഷ്യരൂപം പൂണ്ട പിശാചുകള്‍ എന്നു വിളിക്കാം; പിശാചുകള്‍ക്ക് പ്രശ്‌നമില്ലെങ്കില്‍. പക്ഷേ, ഇരുട്ടിന്റെ ശക്തികള്‍ക്ക് ഈ വേദാന്തങ്ങളും തത്വങ്ങളും കേള്‍ക്കാനുള്ള മനസ്സില്ല എന്നിടത്താണ് നാം തോറ്റുപോകുന്നത്. സിറിയയിലെ പൊന്നുമക്കള്‍ മുതല്‍ കത്വയുടെ ബലിക്കല്ലില്‍ കൊത്തിനുറുക്കപ്പെട്ട കൊച്ചു പെണ്‍കുട്ടി വരെയുള്ളവരുടെ രോദനങ്ങള്‍ അതിനാല്‍ തന്നെ മനുഷ്യരെ മുഴുവനും വേട്ടയാടുകയാണ്.

മനുഷ്യനെ മാന്യനാക്കാന്‍ വേണ്ടി വന്നതാണ് മതങ്ങളെല്ലാം. കുട്ടികളുടെ കാര്യത്തിലും ഈ മതങ്ങളെല്ലാം അവനെ മാന്യമായ ഇടപെടലുകളുടെ രീതിശാസ്ത്രം പഠിപ്പിക്കുന്നുണ്ട്. ഈ വിഷയത്തിന്റെ മര്‍മ്മമറിഞ്ഞുകൊണ്ടുള്ള സമീപനമാണ് ഇസ്‌ലാമിന്റേത്. കുട്ടികളെ പൂക്കളെ പോലെ കാണാന്‍ ഇസ്‌ലാം മനുഷ്യനെ ഉദ്‌ബോധിപ്പിക്കുന്നു. കുഞ്ഞുങ്ങളോട് കാരുണ്യം കാണിക്കാന്‍ ഉദ്‌ബോധിപ്പിക്കുന്ന ഇസ്‌ലാം അതില്‍ പരാജയപ്പെടുന്നവനെ പരാജിത മനുഷ്യനായി എഴുതിത്തള്ളുന്നു. ഒരിക്കല്‍ നബി(സ) തന്റെ പേരമക്കളൊത്ത് കളിതമാശകളില്‍ മുഴുകിയിരിക്കുമ്പോള്‍ അങ്ങോട്ട് അഖ്‌റഅ് ബിന്‍ ഹാബിസ് (റ) എന്ന ഒരാള്‍ കടന്നുവന്നു. അദ്ദേഹം കടന്നുവന്നതും ദൃഷ്ടിയില്‍ പതിഞ്ഞത് നബി തിരുമേനി പേരക്കിടാവിനെ ഉമ്മവെക്കുന്നതായിരുന്നു. അതു കണ്ട അഖ്‌റഅ് ആശ്ചര്യഭരിതനായി. ‘എനിക്ക് പത്തു മക്കളുണ്ട്, പക്ഷെ, അവരില്‍ ഒരാളെയും ഞാനിതുവരേ ചുംബിച്ചിട്ടേയില്ല..’ എന്ന് അദ്ദേഹം ആശ്ചര്യം പ്രകടിപ്പിച്ചു. മദീനയുടെ പ്രാന്തത്തിലായിരുന്നു ആ സ്വഹാബിയുടെ വീട്. അദ്ദേഹം ബനൂ തമീം എന്ന വലിയ കുടുംബത്തിലെ കാരണവരായിരുന്നുവെങ്കിലും നാഗരികതയുടെ രശ്മികള്‍ അങ്ങോട്ടൊക്കെ കടന്നുചെല്ലുന്നേയുണ്ടായിരുന്നുള്ളൂ. നബി(സ) തലയുയര്‍ത്തി അദ്ദേഹത്തെ നോക്കി പറഞ്ഞു: ‘നിങ്ങളുടെ മനസ്സില്‍ നിന്നും കാരുണ്യത്തെ അല്ലാഹു എടുത്തുകളഞ്ഞതിന് ഞാനെന്തു ചെയ്യാനാണ്?..’ ആയിഷാ (റ)യില്‍ നിന്ന് മുസ്തദ്‌റക് അബൂ ഹുറൈറ(റ) നിവേദനം ചെയ്ത ഇതേ ഹദീസില്‍ പറയുന്നത് ‘ഒരാള്‍ കരുണ കാണിച്ചില്ലെങ്കില്‍ അവനു കരുണ ലഭിക്കുകയുമില്ല’ എന്നാണ് (ബുഖാരി, മുസ്‌ലിം)
‘ചെറിയവരോട് കാരുണ്യം കാണിക്കാത്തവരും വലിയവരുടെ ശ്രേഷ്ഠത ഉള്‍ക്കൊള്ളാത്തവരും നമ്മില്‍പെട്ടവനല്ല’ എന്ന് നബി(സ) പറഞ്ഞു (അഹ്മദ്). നബി(സ)യുടെ ജീവിത പരിസരത്ത് കുട്ടികളോടുള്ള കാരുണ്യത്തിന്റെ ധാരാളം ചിത്രങ്ങളുണ്ടായിരുന്നു. മണവാട്ടിയെങ്കിലും കുട്ടിയായിരുന്ന ആയിഷാ(റ)യോട് നബി(സ) കാണിച്ചിരുന്ന സ്‌നേഹവാല്‍സല്യങ്ങള്‍ അവയിലൊന്നാണ്. ഒരിക്കല്‍ നബി(സ) കയറിവരുമ്പോള്‍ ഒരുതരം കളിക്കോപ്പുമായി കളിക്കുന്ന ആയിഷയെയായിരുന്നു നബി കണ്ടത്. ഒരു കൊച്ചുകുട്ടിയോടെന്ന പോലെ നബി(സ) അരികെ ചെന്നിരുന്ന് ചോദിച്ചു: ‘ഇതൊക്കെ എന്താ?..’. അവര്‍ നിഷ്‌കളങ്കയായി പറഞ്ഞു: ‘ഇതൊക്കെ സുലൈമാന്റെ കുതിരകളാ.., ചിറകുകളുള്ള.. ‘. അതുകേട്ട് നബി ചിരിക്കുകയുണ്ടായി (അബൂ ദാവൂദ്, നസാഈ).

നബി(സ)യുടെ വീട്ടില്‍ അനസ് എന്ന ഒരു പരിചാരകന്‍ കുട്ടിയുണ്ടായിരുന്നു. ഒരിക്കല്‍ നബി (സ) അവനെ ഒരു കാര്യത്തിന് പറഞ്ഞയച്ചു. മടങ്ങിവരേണ്ട സമയമൊക്കെ കഴിഞ്ഞിട്ടും അനസിനെ കാണാതെ വന്നപ്പോള്‍ നബി(സ) അവനെയും തേടിയിറങ്ങി. അപ്പോള്‍ വഴിയില്‍ ഒരു കൂട്ടം കുട്ടികള്‍ കളിക്കുന്നുണ്ടായിരുന്നു. അനസ് എല്ലാം മറന്ന് അവരുടെ കളിയില്‍ കൂടിയിരിക്കുകയാണ്. തന്നെ പറഞ്ഞയച്ചതും ഏല്‍പ്പിച്ചതുമൊക്കെ അവന്‍ മറന്നുപോയിരിക്കുന്നു. നബി(സ) അവന്റെ അടുക്കലെത്തി അവനെ കയ്യോടെ പിടികൂടി. ദേഷ്യപ്പെടാവുന്ന കാരണവും ന്യായവുമൊക്കെയുണ്ടായിട്ടും നബി(സ) അവനോട് ദേഷ്യപ്പെട്ടതേയില്ല. ഞാനിപ്പോള്‍ അതു ചെയ്തുവരാം എന്നും പറഞ്ഞ് അവന്‍ നബി പറഞ്ഞയച്ച കാര്യത്തിനായി ഓടുകയും ചെയ്തു. ഓടിയകലുന്ന അനസ് തിരിഞ്ഞുനോക്കവെ കൂട്ടിമുട്ടിയത് നബിതിരുമേനിയുടെ പുഞ്ചിരിയെയായിരുന്നു. (സ്വഹീഹ് മുസ്‌ലിമില്‍ നിന്ന്)

നബിയുടെ മുറ്റത്തു വളര്‍ന്ന കുട്ടികളില്‍ ഒരാളായിരുന്നു അബ്ദുല്ലാഹി ബിന്‍ ജഅ്ഫര്‍. ഒരിക്കല്‍ അബ്ദുല്ല വഴിയില്‍ കളിക്കച്ചവടം നടത്തുന്നത് നബി(സ) കണ്ടു. വാങ്ങുകയും വില്‍ക്കുകയും ചെയ്യുന്നതായി അഭിനയിച്ച് കളിക്കുന്ന ഒരു കട. നബി(സ) കച്ചവടക്കാരനോട് ഹൃദ്യമായി പുഞ്ചിരിച്ചു. നബി(സ) പ്രാര്‍ഥിക്കുകയും ചെയ്തു: ‘അല്ലാഹുവേ, അവന്റെ കച്ചവടത്തില്‍ നീ ബര്‍ക്കത്ത് ചെയ്യേണമേ..’ (അല്‍ ഇത്ഹാഫ്).

ഇസ്‌ലാമിക കര്‍മ്മശാസ്ത്രം കുട്ടികളോട് കാരുണ്യം കാണിക്കുന്നതിന്റെ ദൃശ്യങ്ങള്‍ ധാരാളമുണ്ട്. ഗര്‍ഭിണിക്കും മുലയൂട്ടുന്നവള്‍ക്കും നോമ്പ് ഉപേക്ഷിക്കാനുള്ള അനുമതി കൊടുക്കുന്നത് ഇതിലൊന്നാണ്. കുട്ടിയുടെ കാര്യത്തിലുള്ള ഭയമുണ്ടെങ്കില്‍ അവള്‍ക്ക് അപ്പോള്‍ നോമ്പൊഴിക്കാവുന്നതും പകരമായി ഒരു മുദ്ദ് ഭക്ഷ്യധാന്യം അഗതികള്‍ക്ക് നല്‍കേണ്ടതുമാണ് എന്നാണ് കര്‍മ്മശാസ്ത്രം. ഈ പരിഗണന ശിക്ഷാവിധികളില്‍ വരെ എത്തുന്നുണ്ട്. ഗാമിദിയ്യ വംശജയായ ഒരു സ്ത്രീ വ്യഭിചാരത്തില്‍ ഗര്‍ഭിണിയായപ്പോള്‍ നബി(സ) നടത്തിയ സമീപനം ഇതിനു തെളിവാണ്. കുറ്റകൃത്യം നബി(സ)യുടെ കോടതിയില്‍ തെളിയിക്കപ്പെട്ടതോടെ അവളെ ശിക്ഷിക്കാതെ അവളുടെ ഉദരത്തിലുള്ള കുഞ്ഞിനോടുള്ള കാരുണ്യം എന്ന നിലക്ക് അവളോട് പോയി ‘പ്രസവിച്ചിട്ട് വരൂ’എന്നു പറഞ്ഞ് നബി(സ) ശിക്ഷ നീട്ടി. പ്രസവം കഴിഞ്ഞ് വന്നപ്പോഴും നബി(സ) അവളെ ശിക്ഷിച്ചില്ല. അവളുടെ കുഞ്ഞിന്റെ മുലകുടി മാറ്റുന്നതുവരേക്കും ഖരഭക്ഷണങ്ങള്‍ കഴിക്കാന്‍ തുടങ്ങുന്നതുവരേക്കും വീണ്ടും ശിക്ഷ നീട്ടിവെച്ചു. മതനിയമത്തിലുള്ള കാര്‍ക്കശ്യം എന്നതിനു പുറമെ കുട്ടികളോടുള്ള കാരുണ്യം എന്നതിനു കൂടി തെളിവാണ് ഈ സംഭവം.

ആപേക്ഷികമായി ഏറ്റവും അധികം കരുണ അര്‍ഹിക്കുന്നത് പെണ്‍കുട്ടികളാണ്. അവരുടെ ജൈവ പ്രത്യേകതയാണ് അതിനൊരു കാരണം. അവര്‍ സ്‌നേഹത്തിന് ആണ്‍കുട്ടികളേക്കാള്‍ ആശിക്കുന്നവരാണ്. കാഠിന്യങ്ങള്‍ താങ്ങാന്‍ അവര്‍ മാനസികമായും ശാരീരികമായും കഴിയാത്തവരാണ്. പൊതുവെ അവര്‍ ദുര്‍ബലരുമാണ്. അതുകൊണ്ടുതന്നെ മിക്ക പെണ്‍കുട്ടികളും മാതാപിതാക്കളോട് ഒട്ടിച്ചേര്‍ന്നാണ് കഴിഞ്ഞുകൂടുന്നത്. ഈ ജീവശാസ്ത്ര വ്യതിരിക്തത ഇസ്‌ലാം ഉള്‍ക്കൊള്ളുന്നുണ്ട്. ഇസ്‌ലാം കടന്നുവരുന്ന കാലം ആഭ്യന്തര യുദ്ധങ്ങളുടേതായിരുന്നു. യുദ്ധത്തിന് ഉപകാരപ്പെടാത്ത പെണ്‍മക്കളോട് അതിനാല്‍ തന്നെ അവര്‍ക്ക് ഇഷ്ടമുണ്ടായിരുന്നില്ല. അവരെ തീറ്റിപ്പോറ്റുന്നത് വെറുതെയാണ് എന്ന് ആ യുഗം ധരിച്ചു. അതിനാല്‍ പെണ്‍കുഞ്ഞുങ്ങളെ അവര്‍ പലപ്പോഴും ജീവനോടെ കുഴിച്ചുമൂടുക വരെ ചെയ്യുമായിരുന്നു (നഹ്ല്‍: 58, 59). ഇങ്ങനെ ചെയ്യുന്നവരുടെ കൈക്ക് കടന്നുപിടിച്ച ഇസ്‌ലാം പെണ്‍കുട്ടികളെ പോറ്റുന്നത് പുണ്യമാണ് എന്നു വരെ പഠിപ്പിച്ചു. പെണ്‍കുഞ്ഞുങ്ങളെ സ്‌നേഹിക്കുന്നതും പോറ്റുന്നതും ശ്രേഷ്ഠമാണ് എന്നതിന്റെ ധ്വനി അവരോട് ക്രൂരത കാണിക്കുന്നത് ഒട്ടും നീതീകരിക്കാനാവാത്ത കാര്യമാണ് എന്നതാണ്. ‘രണ്ടു പെണ്‍മക്കളെ പ്രായപൂര്‍ത്തിവരേക്കും ഒരാള്‍ പോറ്റിവളര്‍ത്തിയാല്‍ അവനും ഞാനും ഇവ രണ്ടും പോലെയായിരിക്കും’ എന്ന് രണ്ടു വിരലുകള്‍ ഉയര്‍ത്തിപ്പിടിച്ച് നബി (സ) പറയുകയുണ്ടായി (മുസ്‌ലിം).

വര്‍ത്തമാന ലോകം പക്ഷേ, ഈ തത്വങ്ങള്‍ക്കു മുമ്പില്‍ തലകുനിച്ചുനില്‍ക്കേണ്ടിവരികയാണ്. ഇഷ്ടമുള്ള പ്രായപക്വത നേടിയ സ്ത്രീയെ വിവാഹം ചെയ്യുവാന്‍ മുതല്‍ ഉഭയകക്ഷി സമ്മതപ്രകാരം പരസ്ത്രീകളുമായി വ്യഭിചാരത്തില്‍ ഏല്‍പ്പെടാന്‍ വരേ നിയമ പരിരക്ഷയുള്ള നമ്മുടെ നാട്ടില്‍ ലൈംഗിക സഹകരണമോ പ്രതികരണമോ പോലും ചെയ്യാന്‍ പ്രായമായിട്ടില്ലാത്ത കൊച്ചു കുട്ടികളെ ലൈംഗികമായി ഉപയോഗിച്ച് പീഢിപ്പിക്കുന്നതും കൊന്നുകളയുന്നതും വാര്‍ത്തകളില്‍ ഇടം നേടിയിരിക്കുകയാണ്. ഈ കാമപ്പേക്കൂത്തിനെ പിടിച്ചുകെട്ടാന്‍ മതസംഹിതകള്‍ക്കു മാത്രമല്ല, ദേവസ്ഥാനങ്ങള്‍ക്കു പോലും കഴിയുന്നില്ല എന്നിടത്ത് നാം വീണ്ടും ഞെട്ടുകയാണ്. ചില മനുഷ്യന്മാര്‍ക്ക് ദര്‍ശനങ്ങളും തത്വങ്ങളുമല്ല തങ്ങളുടെ കാമം മാത്രമാണ് മതം എന്നിടത്ത് ഒരു നിശ്വാസം കൊണ്ട് ചിന്തക്ക് വിരാമമിടാനല്ലാതെ നമുക്കെന്തുകഴിയും?

‘തുടര്‍ച്ചയായി ബലാത്സംഗികളെ പ്രോല്‍സാഹിപ്പിക്കുന്ന ഈ പാര്‍ട്ടിയില്‍ തുടരാന്‍ ഞാന്‍ ആഗ്രഹിക്കുന്നില്ല. ബി.ജെ.പിക്കാര്‍ ഉള്‍പ്പെട്ട കഠ്‌വ, ഉന്നാവോ കേസുകളില്‍ അതിവേഗത്തില്‍ വിചാരണ നടക്കുവാനും കുറ്റവാളികള്‍ക്ക് വധശിക്ഷ നല്‍കാനുമാണ് ബി.ജെ.പി ശ്രമിക്കേണ്ടത്. എന്നാല്‍ ഹിന്ദു-മുസ്‌ലിം പ്രശ്‌നങ്ങളുണ്ടാക്കാനാണ് അവര്‍ ശ്രമിച്ചുകൊണ്ടിരിക്കുന്നത്. ഈ സാഹചര്യത്തില്‍ ഞാന്‍ പാര്‍ട്ടി വിടുകയാണ്’; മല്ലിക രജ്പുത് വീഡിയോയില്‍ പറയുന്നു.

കഠ്‌വ കേസിലും ഉന്നാവോ കേസിലും പ്രതികളായ ബി.ജെ.പിക്കാരെ സംരക്ഷിക്കാന്‍ മന്ത്രിമാര്‍ ഉള്‍പ്പെടെയുള്ളവര്‍ രംഗത്തെത്തിയിരുന്നു. ഇതില്‍ പ്രതിഷേധിച്ചാണ് താരത്തിന്റെ പാര്‍ട്ടി വിടല്‍.

2017-ലെ നിയമസഭാ തെരഞ്ഞെടുപ്പിന് മുമ്പായാണ് ഉത്തര്‍പ്രദേശിലെ സുല്‍ത്താന്‍പൂര്‍ സ്വദേശിയായ മല്ലിക ബി.ജെ.പിയില്‍ അംഗമായത്. യു.പിയിലെ ഉപമുഖ്യമന്ത്രി കേശവ് പ്രസാദ് മൗര്യ പൊതുവേദിയില്‍ വെച്ചാണ് മല്ലികക്ക് ബി.ജെ.പി അംഗത്വം നല്‍കിയത്.

ജമ്മുകാശ്മീരിലെ ബകര്‍വാള്‍ മുസ്‌ലിം സമുദായത്തില്‍പെട്ട പെണ്‍കുട്ടിയാണ് ആസിഫ ബാനു. പൊലീസുകാരും ക്ഷേത്രപൂജാരിയും ചേര്‍ന്ന് കൂട്ടബലാത്സംഗം ചെയ്ത് കൊലപ്പെടുത്തിയ ആസിഫ കേസില്‍ രണ്ടു മാസത്തെ പ്രതിഷേധത്തെ തുടര്‍ന്നാണ് തുടര്‍നടപടികളുണ്ടാവുന്നത്. സഞ്ജി റാം, സ്‌പെഷ്യല്‍ പോലീസ് ഓഫീസര്‍മാരായ ദീപക് ഖജൂരിയ, സുരെന്ദര്‍ വെര്‍മ, സബ് ഇന്‍സ്‌പെക്ടര്‍ ആനന്ദ് ദത്ത, ഹെഡ് കോണ്‍സ്റ്റബിള്‍ തിലക് രാജ്, പര്‍വേഷ് കുമാര്‍, സഞ്ജിയുടെ പ്രായപൂര്‍ത്തിയാകാത്ത മകന്‍ വിശാല എന്നിവരാണ് ആസിഫ കേസിലെ പ്രതികള്‍. എന്നാല്‍ കേസില്‍ പ്രതികള്‍ക്കനുകൂലമായി ജമ്മു കാശ്മീര്‍ മന്ത്രിസഭയിലെ ബിജെപി മന്ത്രിമാരായ ലാല്‍ സിങ്, ചന്ദര്‍ പ്രകാശ് എന്നിവര്‍ രംഗത്തുവരികയും കേസില്‍ കുറ്റപത്രം രേഖപ്പെടുത്തുന്നതിനെ അഭിഭാഷകര്‍ എതിര്‍ത്തതും വലിയ പ്രതിഷേധങ്ങള്‍ക്ക് കാരണമാവുകയായിരുന്നു.

എന്നാല്‍ ഏറെ ഭീഷണികള്‍ക്കിടയിലും കേസ് പുറംലോകത്തെത്തിക്കാന്‍ അഞ്ചു ധൈര്യശാലികളാണ് മുന്നിട്ടിറങ്ങിയത്.

രാഹുല്‍ പണ്ഡിറ്റ- കേസിന്റെ ആദ്യദിനം മുതല്‍ വാര്‍ത്ത പുറത്തുകൊണ്ടുവരാന്‍ പരിശ്രമിച്ച മാധ്യമപ്രവര്‍ത്തകനാണ് രാഹുല്‍ പണ്ഡിറ്റ. അദ്ദേഹത്തിന്റെ ഗ്രൗണ്ട് റിപ്പോര്‍ട്ടുകളാണ് രാജ്യത്തിനു മുന്നില്‍ ആസിഫക്കു നേരിട്ട ദുരന്തം വെളിപ്പെടുത്തിയത്. കേസിലെ പ്രധാനപ്പെട്ട തെളിവുകളും രാഹുലിന്റെ റിപ്പോര്‍ട്ടുകളാണ്.

ദിപീക സിങ് രജാവത് ആസിഫകേസില്‍ വാദിക്കാനെത്തുന്ന അഭിഭാഷകയാണ് ദീപിക സിങ് രജാവത്. ഒട്ടേറെ ഭീഷണികള്‍ക്ക് നടുവില്‍ നില്‍ക്കുമ്പോഴാണ് ദീപിക കേസ് ഏറ്റെടുക്കുന്നത്. താന്‍ കൊല്ലപ്പെടാനും ബലാത്സംഗം ചെയ്യപ്പെടാനും സാധ്യതയുണ്ടെന്ന് സുപ്രീംകോടതിക്കുമുന്നില്‍ ദീപിക വെളിപ്പെടുത്തിയതനുസരിച്ച് ദീപികക്ക് സുരക്ഷ നല്‍കാന്‍ കോടതി ഉത്തരവിട്ടിരുന്നു.

രമേഷ്‌കുമാര്‍ ജെല്ല-അന്വേഷണ ഉദ്യോഗസ്ഥനായ രമേഷ്‌കുമാര്‍ ജെല്ലയുടെ റിപ്പോര്‍ട്ട് കേസില്‍ നിര്‍ണ്ണായകമാണ്. സമ്മര്‍ദ്ദങ്ങളെ അതിജീവിച്ചാണ് അതിവേഗ കോടതിയില്‍ കേസ് വിചാരണക്കെത്തിക്കാന്‍ ക്രൈം ബ്രാഞ്ച് എസ്എസ്പിയായ അദ്ദേഹം അന്വേഷണം പൂര്‍ത്തിയാക്കിയത്.

താലിബ് ഹുസൈന്‍ പ്രാദേശിക അഭിഭാഷകനും സാമൂഹിക പ്രവര്‍ത്തകനുമായ താലിബ് ഹുസൈനാണ് കേസില്‍ പ്രവര്‍ത്തിച്ച മറ്റൊരു വ്യക്തി. കഴിഞ്ഞ രണ്ടുമാസത്തോളമായി കേസില്‍ നീതിക്കുവേണ്ടി പരിശ്രമിച്ച അദ്ദേഹത്തെ ഉത്തംപൂരില്‍ ഒരുകൂട്ടമാളുകള്‍ ശാരീരിരമായി ആക്രമിച്ചിരുന്നു.

ആസിഫ കേസില്‍ നീതി ഉറപ്പാക്കണമെന്നാവശ്യപ്പെട്ട് ജമ്മു ചേംമ്പര്‍ ഓഫ് കോമേഴ്‌സും രംഗത്തെത്തിയിരുന്നു. ആസിഫയുടെ നീതിക്കുവേണ്ടി പിന്തുണക്കുന്നുവെന്ന് വാര്‍ത്താസമ്മേളനം നടത്തി അവര്‍ പ്രഖ്യാപിച്ചിരുന്നു. ആസിഫ കൊല്ലപ്പെട്ട പ്രദേശമുള്‍പ്പെടെ അഞ്ചംഗ സംഘം സന്ദര്‍ശിക്കുകയും വിവരങ്ങള്‍ ശേഖരിച്ച് സുപ്രീംകോടതിക്ക് സമര്‍പ്പിക്കാന്‍ റിപ്പോര്‍ട്ട് തയ്യാറാക്കുകയും ചെയ്തിരുന്നു.