ഫെബ്രുവരി ഏഴിനാണ് ഈ വര്‍ഷത്തെ ബജറ്റ് അവതരണം. പാലക്കാട് ബ്രൂവറി അനുവദിച്ചത്, പി.വി അന്‍വറിന്റെ രാജി ,പെരിയാ കേസ് വിധി,വന നിയമഭേദഗതിയിലെ സര്‍ക്കാരിന്റെ പിന്മാറ്റം, വയനാട് ഡിസിസി ട്രഷറര്‍ എന്‍.എം വിജയന്റെ ആത്മഹത്യ അടക്കമുള്ള വിഷയങ്ങള്‍ നാളെ മുതല്‍ സഭയില്‍ ചര്‍ച്ചയാകും.

വയനാട് ദുരന്തത്തില്‍ സഹായം നല്‍കാത്ത കേന്ദ്ര നിലപാട് അടക്കമുള്ളവയ്‌ക്കെതിരായ വിമര്‍ശനങ്ങള്‍, സര്‍വകലാശാലകളില്‍ ചാന്‍സിലര്‍മാര്‍ക്ക് കൂടുതല്‍ അധികാരം നല്‍കുന്ന യുജിസിയുടെ മാര്‍ഗം നിര്‍ദേശം തുടങ്ങിയവ നയ പ്രഖ്യാപന പ്രസംഗത്തില്‍ ഉണ്ടെന്നാണ് സൂചന. കേരള നിയമസഭയിലെ പുതിയ ഗവര്‍ണര്‍ രാജേന്ദ്ര വിശ്വനാഥ് അര്‍ലേക്കറുടെ ആദ്യ നയപ്രഖ്യാപന പ്രസംഗമാണ് ഇന്ന് നടക്കുന്നത്.

പി വി അന്‍വറിന്റെ രാജി, പെരിയ കേസ് വിധി,വന നിയമ ഭേദഗതിയില്‍ സര്‍ക്കാരിന്റെ പിന്മാറ്റം, വയനാട് ഡിസിസി ട്രഷറര്‍ എന്‍ എം വിജയന്റെ ആത്മഹത്യ , ബ്രൂവറി അനുവദിക്കല്‍ തുടങ്ങിയവ സഭയില്‍ ചര്‍ച്ചയ്ക്ക് വരും.

ഇക്കഴിഞ്ഞ സെപ്റ്റംബറിലാണ് ഒരു രാജ്യം, ഒരു തിരഞ്ഞെടുപ്പ് ശുപാര്‍ശയ്ക്ക് കേന്ദ്രമന്ത്രിസഭ അംഗീകാരം നല്‍കിയത്. ഒരു രാജ്യം, ഒരു തിരഞ്ഞെടുപ്പ് വിഷയം പഠിക്കാന്‍ മുന്‍ രാഷ്ട്രപതി രാംനാഥ് കോവിന്ദ് അധ്യക്ഷനായ സമിതിയെ ചുമതലപ്പെടുത്തിയിരുന്നു. ലോക്‌സഭ, നിയമസഭ, തദ്ദേശ തിരഞ്ഞെടുപ്പുകള്‍ ഒരുമിച്ച് നടപ്പിലാക്കാന്‍ ലക്ഷ്യമിട്ടായിരുന്നു കേന്ദ്രസര്‍ക്കാര്‍ സമിതിക്ക് രൂപം നല്‍കിയത്. 2029 ല്‍ ഒറ്റ തിരഞ്ഞെടുപ്പ് നടത്താമെന്ന് രാം നാഥ് കോവിന്ദ് സമിതി ശുപാര്‍ശ ചെയ്തു. ഇതാണ് കേന്ദ്രമന്ത്രിസഭ അംഗീകരിച്ചത്. എന്നാല്‍ കേന്ദ്രസര്‍ക്കാര്‍ നിലപാടിനെതിരെ പതിനഞ്ച് പ്രതിപക്ഷ പാര്‍ട്ടികള്‍ രംഗത്തെത്തിയിരുന്നു.

തദ്ദേശ സ്ഥാപനങ്ങളിലേക്കു തിരഞ്ഞെടുപ്പു നടത്താനുള്ള സംസ്ഥാന സര്‍ക്കാരുകളുടെ അധികാരത്തിന്‍ മേലുള്ള കടന്നുകയറ്റമാണിത്. തിരഞ്ഞെടുപ്പുകളെ കേവലം ചെലവായി മാത്രം കാണുന്നത് ജനാധിപത്യ വിരുദ്ധമാണ്. ഈ ജനാധിപത്യ വിരുദ്ധതയാണ് ഒരു രാജ്യം ഒരു തിരഞ്ഞെടുപ്പില്‍ നിഴലിച്ചു നില്‍ക്കുന്നതെന്നും പ്രമേയം കുറ്റപ്പെടുത്തുന്നു.

നക്ഷത്ര ചിഹ്നമിട്ട ചോദ്യങ്ങള്‍ പട്ടികയില്‍ നിന്ന് നീക്കിയത് പ്രതിപക്ഷം ചോദ്യം ചെയ്യും. പി വി അന്‍വര്‍ ഉന്നയിച്ച ആരോപണങ്ങളുമായി ബന്ധപ്പെട്ട ചോദ്യങ്ങള്‍ അടക്കം നീക്കം ചെയ്തു എന്നായിരുന്നു പ്രതിപക്ഷത്തിന്റെ ആരോപണം. കാഫിര്‍ സ്‌ക്രീന്‍ ഷോട്ട് വിവാദം, എഡിജിപി-ആര്‍എസ്എസ് കൂടിക്കാഴ്ച ഉള്‍പ്പെടെയുള്ള ചോദ്യങ്ങളും നീക്കം ചെയ്തതായി പ്രതിപക്ഷം ആരോപിച്ചിരുന്നു. ഇക്കാര്യങ്ങള്‍ ഉന്നയിച്ച് പ്രതിപക്ഷ നേതാവ് വി ഡി സതീശന്‍ സ്പീക്കര്‍ക്ക് കത്ത് നല്‍കിയിരുന്നു.

നിയമസഭയില്‍ ചോദ്യം നേരിട്ട് ഉന്നയിക്കാനും മറുപടി മന്ത്രിയില്‍ നിന്ന് നേരിട്ട് ലഭിക്കാനുമാണ് പ്രാധാന്യമനുസരിച്ച് നക്ഷത്ര ചിഹ്നമിടുന്നത്. നക്ഷത്ര ചിഹ്നമിടാത്ത ചോദ്യങ്ങള്‍ക്ക് നിയമസഭയില്‍ മറുപടി നല്‍കേണ്ടതില്ല. അതേസമയം, ഹേമ കമ്മിറ്റി റിപ്പോര്‍ട്ടുമായി ബന്ധപ്പെട്ട ചോദ്യങ്ങള്‍ക്ക് സഭയില്‍ മുഖ്യമന്ത്രി മറുപടി നല്‍കും.

അതിനിടെ രാവിലെ എട്ടിന് യുഡിഎഫ് പാര്‍ലമെന്റി പാര്‍ട്ടിയോഗം നിയമസഭയില്‍ പ്രതിപക്ഷ നേതാവിന്റെ ഓഫീസില്‍ ചേരും. വരും ദിവസങ്ങളില്‍ സഭയില്‍ സ്വീകരിക്കേണ്ട നിലപാടുകള്‍ യോഗത്തില്‍ തീരുമാനിക്കും.

മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങൾ അധ്യക്ഷത വഹിക്കുന്ന പ്രകാശന ചടങ്ങിൽ ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി ആദ്യകോപ്പി ഏറ്റുവാങ്ങും. പി.കെ ബഷീർ എം.എൽ.എ സ്വാഗതം ആശംസിക്കും. മലയാള മനോരമ മാനേജിംഗ് എഡിറ്റർ ജേക്കബ് മാത്യു ആമുഖ പ്രഭാഷണവും നിഷ പുരുഷോത്തമൻ പുസ്തക പരിചയവും നിർവ്വഹിക്കും. അബ്ദുൽ ലത്തീഫ് ഉപ്പള രാഹുൽ ഗാന്ധിക്ക് ഉപഹാരം സമർപ്പിക്കും. ചടങ്ങിൽ ഇ.പി ജയരാജൻ, കെ.സി വേണുഗോപാൽ എം.പി, കെ. മുരളീധരൻ എം.പി, ഇ.ടി മുഹമ്മദ് ബഷീർ എം.പി, എം.കെ രാഘവൻ എം.പി, പി.വി അബ്ദുൽ വഹാബ് എം.പി, ഡോ. എം.പി അബ്ദുസ്സമദ് സമദാനി എം.പി, സയ്യിദ് മുനവ്വറലി ശിഹാബ് തങ്ങൾ, അഡ്വ. പി.എം.എ സലാം, ഡോ. എം.കെ മുനീർ എം.എൽ.എ, കെ.പി.എ മജീദ് എം.എൽ.എ, എ.പി അനിൽകുമാർ എം.എൽ.എ തുടങ്ങിയ പ്രമുഖർ സംബന്ധിക്കും.

നർമത്തിൽ പൊതിഞ്ഞതും കുറിക്ക് കൊള്ളുന്നതുമായ സീതി ഹാജിയുടെ നിയമസഭാ പ്രസംഗങ്ങൾക്ക് എല്ലാ കാലത്തും പ്രസക്തിയുണ്ട്. ന്യൂനപക്ഷ, പിന്നോക്ക ജനവിഭാഗങ്ങളുടെ അവകാശങ്ങൾക്ക് വേണ്ടി അദ്ദേഹം കേരള നിയമസഭയിൽ പോരാട്ടം നടത്തി. സ്വതസിദ്ധമായ ഏറനാടൻ ശൈലിയിൽ ആരെയും ആകർഷിക്കുന്നതായിരുന്നു അദ്ദേഹത്തിന്റെ പ്രസംഗങ്ങൾ. ആ പ്രസംഗങ്ങൾ തനിമ ചോരാതെ തന്നെ ഈ പുസ്തകത്തിൽ അവതരിപ്പിക്കുന്നുണ്ട്. പി.കെ ബഷീർ എം.എൽ.എ, എം.സി മായിൻ ഹാജി, എം.വി സിദ്ദീഖ് മാസ്റ്റർ എന്നിവർ വാർത്താസമ്മേളനത്തിൽ സംബന്ധിച്ചു.

സീതി ഹാജി

1932 ഓഗസ്റ്റ് 16ന് ജനിച്ച സീതി ഹാജി കുട്ടിക്കാലത്ത് തന്നെ മുസ്ലിംലീഗ് പ്രസ്ഥാനത്തിൽ ആകൃഷ്ടനായി. ഏറനാട് താലൂക്ക് സെക്രട്ടറി, മലപ്പുറം ജില്ലാ സെക്രട്ടറി, സംസ്ഥാന സെക്രട്ടറി തുടങ്ങിയ പദവികൾ വഹിച്ചു. ചന്ദ്രിക ഡയരക്ടറായിരുന്നു. 1977, 1980, 1982, 1987 വർഷങ്ങളിൽ കൊണ്ടോട്ടിയിൽനിന്നും 1991ൽ താനൂരിൽനിന്നും നിയമസഭാംഗമായി തെരഞ്ഞെടുക്കപ്പെട്ടു. ഒമ്പതാം കേരള നിയമസഭയിൽ ചീഫ് വിപ്പായിരിക്കെ 1991 ഡിസംബർ അഞ്ചിന് നിര്യാതനായി.

സ്പീക്കറുടെ ഓഫീസിന് മുന്നിൽ പ്രതിപക്ഷം നടത്തിയത് ഉപരോധ സമരം തന്നെയെന്ന് സ്പീക്കർ സഭയിൽ പറഞ്ഞതിന് പിന്നാലെയാണ് പ്രതിപക്ഷം പ്രധിഷേധിച്ചു തുടങ്ങിയത്.തങ്ങൾ നടത്തിയത് സത്യാഗ്രഹ സമരമാണെന്നും വാച്ച് ആന്റ് വാർഡ് പ്രോകപനമില്ലാതെ പ്രതിപക്ഷ അംഗങ്ങളെ ആക്രമിക്കുകയായിരുന്നുവെന്നും പ്രതിപക്ഷ നേതാവ് പറഞ്ഞു.

ഇന്നലെ നടന്ന സംഘർഷം നടക്കാൻ പാടില്ലാത്തതായിരുന്നുവെന്നും നിർഭാഗ്യകരമെന്നും സ്പീക്കർ പറഞ്ഞത്തിനോട് പ്രതിപക്ഷ നേതാവ് യോജിച്ചു. ശക്തമായ നടപടി വേണമെന്ന് പ്രതിപക്ഷം ആവശ്യപ്പെട്ടു. പരിശോധിച്ചു നടപടി എടുക്കുമെന്ന് സ്പീക്കർ വ്യക്തമാക്കി. പിന്നീട് ചോദ്യോത്തരവേള പുരോഗമിക്കുന്നതിനിടെ പ്രതിപക്ഷം നടുത്തളത്തിലിറങ്ങി പ്രതിഷേധിച്ചു. ഇതോടെ സഭാ നടപടികൾ വേഗത്തിൽ അവസാനിപ്പിച്ച് സഭ ഇന്നത്തേക്ക് പിരിയുകയായിരുന്നു.

സാങ്കേതികാര്‍ത്ഥത്തില്‍ നിയമ സഭക്കുള്ളില്‍ നടക്കുന്ന ചര്‍ച്ചകളെല്ലാം നിയമനിര്‍മാണവുമായി ബന്ധപ്പെട്ടതാണ്. ജന പ്രതിനിധി സഭ എന്ന നിലയില്‍ സംസ്ഥാനത്തിന്റെ പൊതുകാര്യങ്ങളും ഇവിടെ ചര്‍ച്ചാവിഷയമാകുന്നു. എന്നാല്‍ അടുത്തിടെ കാര്യങ്ങള്‍ ശരിയായ വിധത്തിലല്ല നടക്കുന്നതെന്ന് പറഞ്ഞാല്‍ കുറ്റപ്പെടുത്താനാകില്ല. കളിക്കളങ്ങളുടെ പ്രതീതി ജനിപ്പിക്കുന്ന വെല്ലുവിളികളും വീമ്പുപറച്ചിലും പോര്‍വിളികളുമൊക്കെയാണ് ഭരണകക്ഷി അംഗങ്ങളില്‍ നിന്നുണ്ടാകുന്നത്. ഭരണകക്ഷി അംഗങ്ങള്‍തന്നെ സഭ മുടക്കുന്ന കാഴ്ചയും ഇന്നലെ കാണാനായി. സ്പീക്കര്‍ എ.എന്‍ ഷംസീറിന് ഭരണകക്ഷി അംഗങ്ങളെ ശകാരിക്കേണ്ടിവന്നതിലേക്കുവരെ കാര്യങ്ങളെത്തി. ഇപ്പോഴത്തെ ഭരണകക്ഷി അംഗങ്ങള്‍ പ്രതിപക്ഷമായിരുന്നപ്പോള്‍ സഭ തന്നെ തല്ലിപ്പൊളിക്കുന്ന കാഴ്ചയായിരുന്നു കണ്ടിരുന്നത്. അതിനാല്‍ അവരില്‍നിന്ന് മാന്യത കൂടുതലൊന്നും പ്രതീക്ഷിക്കേണ്ടതുമില്ല.

ലൈഫ് മിഷന്‍ പദ്ധതിയില്‍ പ്രതിപക്ഷം കൊണ്ടുവന്ന അടിയന്തര പ്രമേയത്തില്‍ ചര്‍ച്ച നടക്കവേയാണ് മുഖ്യമന്ത്രിയുടെ നേതൃത്വത്തില്‍ സഭ തടസ്സപ്പെടുത്തുന്ന നടപടിയുണ്ടായത്. പ്രതിപക്ഷത്തിനായി അടിയന്തര പ്രമേയ നോട്ടീസ് നല്‍കിയ മാത്യു കുഴല്‍നാടനെ മുഖ്യമന്ത്രിയുടെ നേതൃത്വത്തില്‍ ആക്രമിക്കുന്നതാണ് സഭയില്‍ കണ്ടത്. അടിയന്തര പ്രമേയ നോട്ടീസില്‍ പതിവില്ലാത്ത തരത്തില്‍ മുഖ്യമന്ത്രി സഭയില്‍ എഴുന്നേറ്റ് മൂന്നുതവണയാണ് വെല്ലുവിളിച്ചത്. മുഖ്യമന്ത്രിയുടെ പാത പിന്തുടര്‍ന്ന് മറ്റു മന്ത്രിമാരും രംഗത്തെത്തി. ഇതേതുടര്‍ന്ന് രൂപപ്പെട്ട ബഹളത്തെതുടര്‍ന്ന് സഭ നിര്‍ത്തിവെക്കുകയായിരുന്നു.

‘മുഖ്യമന്ത്രിയുടെ ഇടതും വലതും നിന്നവരാണ് കേസിലെ പ്രതികളെന്നും ഇതിന്റെ നാള്‍വഴികള്‍ ഇഴകീറി പരിശോധിച്ചാല്‍ ബന്ധം വ്യക്തമാകും. ശിവശങ്കറിന് സ്വപ്‌ന സുരേഷ് അയച്ച വാട്‌സ് ആപ് ചാറ്റ് പുറത്തുവന്നിട്ടുണ്ടെന്നും, യു.എ.ഇ കോണ്‍സുലേറ്റിന് റെഡ് ക്രസന്റുമായി കരാറില്‍ ഏര്‍പ്പെടാന്‍ മുഖ്യമന്ത്രിയുടെ അനുമതി വാങ്ങിത്തരണമെന്നാണ് ചാറ്റില്‍ പറയുന്നത്. പദ്ധതിക്കായി മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറി സി.എം രവീന്ദ്രനെ വിളിക്കാനാണ് ശിവശങ്കര്‍ സ്വപ്‌നയോട് പറയുന്നത്. തെറ്റാണെങ്കില്‍ നിഷേധിക്കാനുള്ള തന്റേടം മുഖ്യമന്ത്രി കാണിക്കണം.

2019 ജൂലൈയിലെ ഇ.ഡി റിമാന്‍ഡ് റിപ്പോര്‍ട്ടില്‍ കോണ്‍സുലേറ്റ് ജനറലും ശിവശങ്കറും സ്വപ്‌നയും മുഖ്യമന്ത്രിയുമായി ക്ലിഫ്ഹൗസില്‍ ചര്‍ച്ച നടത്തിയെന്ന് പറയുന്നുണ്ട്’ ഇക്കാര്യം മാത്യു കുഴല്‍നാടന്‍ വ്യക്തമാക്കിയതാണ് മുഖ്യമന്ത്രിയെ പ്രകോപിതനാക്കിയത്. പ്രതിപക്ഷ സമരങ്ങളെ അടിച്ചമര്‍ത്തുന്ന സര്‍ക്കാര്‍ നടപടി ചോദ്യംചെയ്ത പ്രതിപക്ഷ നേതാവിനെതിരെ മുഖ്യമന്ത്രി തിരിഞ്ഞത് തൊട്ട് മുമ്പത്തെ ദിവസമാണ്. യുവജന സംഘടനാ നേതാക്കള്‍ക്കെതിരെ കേസെടുക്കുകയും കരുതല്‍ തടങ്കലിലാക്കുകയും ചെയ്തത് ചോദ്യംചെയ്ത് അനുമതി തേടിയ അടിയന്തര പ്രമേയ നോട്ടീസിന് മറുപടി പറയവേയായിരുന്നു മുഖ്യമന്ത്രിയുടെ വീമ്പുപറച്ചില്‍. പഴയ വിജയനാണെങ്കില്‍ താന്‍ അപ്പോഴേ മറുപടി പറഞ്ഞിട്ടുണ്ടാകുമെന്നായിരുന്നു മുഖ്യമന്ത്രിയുടെ അഹങ്കാരത്തോടെയുള്ള വെല്ലുവിളി.

അന്വേഷണ ഏജന്‍സികള്‍ക്കുമുന്നില്‍ എന്തെല്ലാമോ ഒളിപ്പിക്കാനുണ്ടെന്നാണ് മുഖ്യമന്ത്രിയുടെ ഈ വെപ്രാളം കണ്ടാല്‍ തോന്നുക. നേരായ വഴിയിലാണെങ്കില്‍ അന്വേഷണത്തെ ഭയക്കേണ്ട യാതൊരാവശ്യവുമില്ല. മുഖ്യമന്ത്രി ഇങ്ങനെ വികാരം കൊള്ളേണ്ടതുമില്ല. ലൈഫ് മിഷന്‍ അഴിമതിയില്‍ സര്‍ക്കാര്‍ ഓഫീസുകള്‍ക്കോ അതുമായി ബന്ധപ്പെട്ടവര്‍ക്കോ പങ്കില്ലെന്നും കാരറുകാര്‍ക്ക് മാത്രമാണ് പങ്കെന്നുമായിരുന്നു സര്‍ക്കാര്‍ ആവര്‍ത്തിച്ചിരുന്നത്. എന്നാല്‍ സര്‍ക്കാര്‍ ഏജന്‍സി തന്നെ പ്രിന്‍സിപ്പല്‍ സെക്രട്ടറിയായിരുന്ന ശിവശങ്കറിനെ പ്രതി ചേര്‍ത്തതോടെ ഈ വാദത്തിന്റെ മുനയൊടിയുകയായിരുന്നു. മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറി സി.എം രവീന്ദ്രനെ ചോദ്യം ചെയ്യാന്‍ വിളിപ്പിച്ചതോടെ സര്‍ക്കാര്‍ പരുങ്ങലിലായി. എന്നാല്‍ ഇ.ഡിക്ക് കടന്നുവരാന്‍ കഴിയാത്ത സ്ഥലമായ നിയമസഭാമന്ദിരത്തില്‍ രവീന്ദ്രന് സുരക്ഷിത താവളമൊരുക്കുകയാണ് സര്‍ക്കാര്‍ ചെയ്തത്.

രവീന്ദ്രനെ ചോദ്യംചെയ്താല്‍ കുരുക്കുമുറുകുന്നതു തനിക്കാണെന്ന് ഉത്തമബോധ്യമുള്ളതിനാലാണ് മുഖ്യമന്ത്രിയുടെ വെപ്രാളമത്രയും. മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറിയെ കേന്ദ്ര ഏജന്‍സി ചോദ്യം ചെയ്യലിന് വിളിപ്പിച്ചത് അസാധാരണമായ സംഭവമാണ്. ലൈഫ് മിഷന്റെ ചെയര്‍മാന്‍ മുഖ്യമന്ത്രിയാണ്. അദ്ദേഹത്തിന്റെ പ്രതിപുരുഷന്മാരായി വന്ന പ്രിന്‍സിപ്പല്‍ സെക്രട്ടറിയും അഡീഷണല്‍ പ്രൈവറ്റ് സെക്രട്ടറിയും അഴിമതിയുടെ സംശയനിഴലിലാണ്. ഇക്കാര്യം നിയമസഭയില്‍ ചര്‍ച്ച ചെയ്യാനാണ് പ്രതിപക്ഷം ശ്രമിച്ചത്. പക്ഷേ അത് തടസപ്പെടുത്താനുള്ള ശ്രമമാണ് മുഖ്യമന്ത്രിയടക്കം ഭരണകക്ഷി കാട്ടിക്കൂട്ടിയത്. പ്രതിപക്ഷത്തിന് പറയാനുള്ളത് കേള്‍ക്കാനും സഹിഷ്ണുത കാണിക്കാനും ഭരണകക്ഷിക്കാര്‍ തയാറാവണം. വമ്പത്തരങ്ങള്‍ പറഞ്ഞും ഭീഷണിപ്പെടുത്തിയും എപ്പോഴും ഒളിച്ചോടാന്‍ കഴിയുമെന്ന് കരുതേണ്ട.