കോവിഡ് ഭീഷണികളില്‍നിന്നു പൂര്‍ണമുക്തമായ ആദ്യ ഓണക്കാലം കൂടിയാണിത്. തൃപ്പൂണിത്തുറയില്‍ അത്തച്ചമയാഘോഷം ഇന്നു രാവിലെ 9നു മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. രാജനഗരിക്കു നിറപ്പകിട്ടേകി അത്തം ഘോഷയാത്ര നടന്‍ മമ്മൂട്ടി ഫ്‌ലാഗ് ഓഫ് ചെയ്യും. ഐതിഹ്യത്തില്‍ ഓണത്തോട് ഏറ്റവും ചേര്‍ന്നുനില്‍ക്കുന്ന തൃക്കാക്കര മഹാക്ഷേത്രത്തില്‍ 10 ദിവസത്തെ തിരുവോണ ഉത്സവത്തിന് ഇന്നു രാത്രി 8നു കൊടികയറും.