ജാവോ ഫെലിക്സും റോബര്‍ട്ട് ലെവന്‍ഡോവ്സ്‌കിയും ഫെര്‍മിന്‍ ലോപസുമാണ് ബാഴ്സക്കായി വലകുലുക്കിയത്. രണ്ട് അസിസ്റ്റും ഒരു ഗോളുമായി കളം നിറഞ്ഞ ലെവന്‍ഡോവ്‌സ്‌കിയായിരുന്നു ബാഴ്‌സയുടെ ഹീറോ. ജയത്തോടെ ജിറോണയെ മറികടന്ന് ബാഴ്‌സലോണ ലാലിഗ പോയിന്റ് പട്ടികയില്‍ രണ്ടാം സ്ഥാനത്തേക്ക് കയറി.

മത്സരത്തിന്റെ ആദ്യ മിനിറ്റുകളില്‍ മുന്നേറ്റങ്ങളുമായി കളം പിടിച്ചത് അത്ലറ്റിക്കോ മാഡ്രിഡായിരുന്നു. എന്നാല്‍ 38ാം മിനിറ്റില്‍ മുന്‍ ക്ലബ്ബായ അത്‌ലറ്റിക്കോയെ ജാവോ ഫെലിക്സ് ഞെട്ടിച്ചു. മൈതാനത്തിന്റെ ഇടതുവിങ്ങിലൂടെ കുതിച്ചു കയറിയ ലെവന്‍ഡോവ്സ്‌കി നല്‍കിയ പന്തിനെ ഗോള്‍വലയിലേക്ക് തിരിച്ചു വിടേണ്ട പണി മാത്രമായിരുന്നു ഫെലിക്സിന്. സ്‌കോര്‍ 1-0

രണ്ടാം പകുതിയാരംഭിച്ച് രണ്ട് മിനിറ്റ് പിന്നിടും മുമ്പേ ലെവന്‍ഡോവ്സ്‌കിയുടെ ഗോളുമെത്തി. അത്ലറ്റിക്കോ മിഡ്ഫീല്‍ഡര്‍ റോഡ്രിഗോ ഡീ പോളിന്റെ കാലില്‍ നിന്ന് പന്ത് റാഞ്ചി റഫീഞ്ഞ ലെവന്‍ഡോവ്സ്‌കിക്ക് നല്‍കുന്നു. വലതു വിങ്ങിലൂടെ പാഞ്ഞ് പെനാല്‍ട്ടി ബോക്സിലേക്ക് കയറി ലെവന്‍ഡോവ്സ്‌കി ഷോട്ടുതിര്‍ത്തു. ലക്ഷ്യം തെറ്റാതെ പന്ത് വലയിലേക്ക് പതിച്ചു.

രണ്ട് ഗോളിന് പിന്നിലായതോടെ അത്ലറ്റിക്കോ ഗോള്‍ മടക്കാനുള്ള കൊണ്ടുപിടിച്ച ശ്രമങ്ങളാരംഭിച്ചു. 52ാം മിനിറ്റില്‍ അത്‌ലറ്റിക്കോ താരങ്ങള്‍ക്ക് ലഭിച്ചൊരു സുവര്‍ണാവസരം ബാഴ്‌സ ഗോള്‍കീപ്പര്‍ ടെര്‍സ്റ്റഗന്റെ നിശ്ചയദാര്‍ഢ്യത്തിന് മുന്നില്‍ നിഷ്പ്രഭമായി.

65ാം മിനിറ്റില്‍ ഫെറാന്‍ ലോപസ് അത്ലറ്റിക്കോയുടെ പെട്ടിയിലെ അവസാന ആണിയടിച്ചു. ഇക്കുറിയും ലെവന്‍ഡോവ്സ്‌കിയാരുന്നു ഗോളിന് വഴിതുറന്നത്. വലതു വിങ്ങില്‍ നിന്ന് പാസ് സ്വീകരിച്ച് ലെവ ഗോള്‍മുഖത്തേക്ക് നീട്ടിയടിച്ച ക്രോസ് മനോഹരമായൊരു ഹെഡ്ഡറിലൂടെ ലോപസ് വലയിലാക്കി.

മത്സരത്തിന്റെ 94ാം മിനിറ്റില്‍ അപകടകരമായൊരു ഫൗളിന് അത്ലറ്റിക്കോ താരം നാഹ്വല്‍ മൊളീന ചുവപ്പ് കാര്‍ഡ് കണ്ട്പുറത്തായി. ആദ്യ പകുതിയില്‍ മാച്ച് ഒഫീഷ്യലുകളോട് കയര്‍ത്തതിന് ബാഴ്സലോണ കോച്ച് ചാവി ഹെര്‍ണാണ്ടസും ചുവപ്പ് കാര്‍ഡ് കണ്ടിരുന്നു.

മാഡ്രിഡ്: സ്പാനിഷ് ലീഗില്‍ ഇന്ന് അടിപൊളി ആക്ഷന്‍. ഒന്നാം സ്ഥാനക്കാരായ റയല്‍ മാഡ്രിഡ് രണ്ടാം സ്ഥാനക്കാരായ അത്‌ലറ്റികോ മാഡ്രിഡുമായി കളിക്കുമ്പോള്‍ നിലവിലെ ചാമ്പ്യന്മാരായ ബാര്‍സിലോണ ഗെറ്റാഫെയെ എതിരിടുന്നു. മാഡ്രിഡ് ഡര്‍ബിയാണ് നഗരത്തില്‍ ചൂടേറിയ വര്‍ത്തമാനം. തുടര്‍ച്ചയായി രണ്ട് വിജയങ്ങളുമായി ഫോമിലേക്ക് തിരികെ വന്നിരിക്കുന്നു റയല്‍. യുവേഫ ചാമ്പ്യന്‍സ് ലീഗ് പോരാട്ടത്തില്‍ പി.എസ്.ജിയില്‍ നിന്നുമേറ്റ മൂന്ന് ഗോള്‍ പരാജയത്തിന് ശേഷം ടീം സ്പാനിഷ് ലാലീഗയില്‍ കരുത്തരായ സെവിയയെയും പിറകെ ഒസാസുനയെയും പരാജയപ്പെടുത്തി. സെവിയക്കെതിരായ മല്‍സരത്തില്‍ സൂപ്പര്‍ താരങ്ങളാരുമുണ്ടായിരുന്നില്ലെങ്കില്‍ ഒസാസുനക്കെതിരെ ജൂനിയര്‍ താരങ്ങളെയാണ് കോച്ച് സൈനുദ്ദീന്‍ സിദാന്‍ പരീക്ഷിച്ചത്. ബ്രസീലുകാരായ വീനിഷ്യസ് ജൂനിയറും റോഡ്രിഗോയും ഗോളുകളുമായി കോച്ചിന് സന്തോഷം നല്‍കിയ സാഹചര്യത്തില്‍ ഇന്ന് ടീം സെലക്ഷന്‍ സിദാന്‍ വെല്ലുവിളിയാണ്. കരീം ബെന്‍സേമ ഫോമില്‍ കളിക്കുമ്പോള്‍ ജെറാത്് ബെയില്‍ സ്വന്തം റോള്‍ ഭംഗിയാക്കുന്നുണ്ട്. പക്ഷേ പ്രതിരോധത്തിലുിം ഗോള്‍വലയത്തിലുമാണ് താരതമ്യേന പ്രശ്‌നങ്ങള്‍. മാര്‍സിലോയും നായകന്‍ സെര്‍ജിയോ റാമോസും ഉള്‍പ്പെടുന്ന പിന്‍നിരക്കാര്‍ സ്ഥിരത പ്രകടിപ്പിക്കുന്നില്ല. റഫാല്‍ വരാനെയെ പോലെ ലോകോത്തര നിലവാരക്കാരുടെ സാന്നിദ്ധ്യത്തിലും പ്രതിസന്ധി ഘട്ടത്തില്‍ ടീം തളരുന്നുണ്ട്. ഗോള്‍ക്കീപ്പര്‍ കുര്‍ത്തോയിസും ഭദ്രത പ്രകടിപ്പിക്കുന്നില്ല. അത്‌ലറ്റികോ സ്വന്തം മൈതാനത്് ശക്തരാണ്. പുതിയ വേദിയില്‍ അവര്‍ പരമ്പരാഗത വൈരികളെ എതിരിടുമ്പോള്‍ മല്‍സരത്തില്‍ തീപ്പാറുമെന്നുറപ്പ്. ദുര്‍ബലരെന്ന് കരുതപ്പെടുന്ന ഗെറ്റാഫെയാണ് ബാര്‍സയുടെ പ്രതിയോഗികള്‍. പക്ഷേ ഇതിനകം സീസണില്‍ രണ്ട് വട്ടം തോല്‍വി രുചിച്ചിരിക്കുന്നു ബാര്‍സ. അവസാന മല്‍സരത്തില്‍ വില്ലാ റയലിനെ പരാജയപ്പെടുത്തിയെങ്കിലും ഈ മല്‍സരത്തില്‍ പരുക്കേറ്റ് പുറത്തായ നായകന്‍ ലിയോ മെസി ഇന്ന് കളിക്കുന്ന കാര്യം സംശയത്തിലാണ്. അന്റോണിയോ ഗ്രിസ്മാന്‍ കഴിഞ്ഞ മല്‍സരത്തില്‍ ഗോള്‍ നേടിയതാണ് ആശ്വാസം. ലൂയിസ് സുവാരസ് ഫോമിലേക്ക് വന്നിട്ടില്ല. അന്‍സു ഫാതി എന്ന യുവ പ്രതിഭാസത്തിന് പരിശീലകന്‍ ആദ്യ ഇലവനില്‍ അവസരം നല്‍കും.
ഇന്ത്യന്‍ സമയം രാത്രി 7-30 നാണ് ബാര്‍സയുടെ മല്‍സരം. 12-30 നാണ് മാഡ്രിഡ് ഡെര്‍ബി.

120 മില്യണ്‍ യൂറോ റിലീസ് ക്ലോസ് മുടക്കിയാണ് ഗ്രീസ്മാനെ ബാഴ്‌സലോണ സ്വന്തമാക്കിയത്. എന്നാല്‍ 200 മില്യണാണ് ബാഴ്‌സലോണ തങ്ങള്‍ക്ക് നല്‍കേണ്ടിയിരുന്നത് എന്നും എന്നാല്‍ 120 മില്ല്യണ്‍ മാത്രമേ തന്നിട്ടുള്ളൂവെന്നും ചൂണ്ടിക്കാട്ടിയായിരുന്നു അത്‌ലറ്റിക്കോ മാഡ്രിഡ് പരാതി നല്‍കിയത്. ഈ കണക്ക് പ്രകാരം 80 മില്ല്യണ്‍ യൂറോയാണ് അത്‌ലറ്റികോ മാഡ്രിഡിന് ബാഴ്‌സലോണ നല്‍കേണ്ടത്. എന്നാല്‍ ഇടപാടുമായി ബന്ധപ്പെട്ട് സ്പാനിഷ് ഫെഡറേഷന്‍ ബാഴ്‌സയ്ക്ക് ചുമത്തിയ പിഴ കേവലം 300 യൂറോ മാത്രമാണ്. ഇതിനേക്കാള്‍ കൂടുതല്‍ പിഴ ചുമത്താന്‍ ആവശ്യമായതൊന്നും ബാഴ്‌സലോണക്ക് എതിരായ അന്വേഷണത്തില്‍ കണ്ടെത്താന്‍ കഴിഞ്ഞിട്ടില്ല എന്നാണ് സ്പാനിഷ് എഫ് എ വ്യക്തമാക്കിയിരിക്കുന്നത്.

എയ്ഞ്ചല്‍ ഡി മരിയയുടെ ഇരട്ട ഗോളുകളാണ് പി.എസ്.ജിയുടെ ജയത്തില്‍ നിര്‍ണായകമായത്. 14, 33 മിനിറ്റുകളിലായിരുന്നു മരിയയയുടെ ഗോളുകള്‍. ഇഞ്ചുറി ടൈമില്‍ തോമസ് മ്യൂനിയര്‍ കൂടി ഗോള്‍ നേടി റയലിന്റെ പതനം പൂര്‍ത്തിയാക്കി. നെയ്മര്‍, എംബാപ്പേ, കവാനി എന്നിവരില്ലാതെയാണ് ഹോം ഗ്രൗണ്ടില്‍ പി.എസ്.ജിയുടെ തകര്‍പ്പന്‍ ജയം.

ക്രിസ്റ്റ്യാനോ റൊണാള്‍ഡോ ഗോള്‍ നേടാതിരുന്ന മത്സരത്തില്‍ യുവന്റസ് 22ന് അത്‌ലറ്റികോയുമായി സമനിലയില്‍ പിരിഞ്ഞു. യുവന്റസിന് വേണ്ടി യുവാന്‍ ക്വാര്‍ഡ്രഡോ, ബ്ലെയ്‌സെ മറ്റിയൂദി എന്നിവരാണ് ലക്ഷ്യം കണ്ടത്. അത്‌ലറ്റിക്കോയ്ക്കായി സ്‌റ്റെഫാന്‍ സാവിക്കും ഹെക്ടര്‍ ഹെരേരയും ഗോളുകള്‍ തിരിച്ചടിച്ചു. രണ്ട് ഗോളുകള്‍ക്ക് മുന്നിട്ടു നിന്ന യുവന്റസിനെ ശക്തമായ തിരിച്ചടിയിലൂടെ അത്‌ലറ്റികോ മാഡ്രിഡ് സമനിലയില്‍ കുരുക്കുകയായിരുന്നു.

ഷക്തറിനെതിരായ മത്സരത്തില്‍ ഇംഗ്ലീഷ് ചാംപ്യന്മാരായ മാഞ്ചസ്റ്റര്‍ സിറ്റിക്കായി റിയാദ് മഹ്‌റേസ്, ഇല്‍കെ ഗുന്‍ഡോഗന്‍, ഗബ്രിയേല്‍ ജീസസ് എന്നിവരാണ് ഗോളുകള്‍ നേടിയത്. ഗ്രൂപ്പ് ബിയില്‍ ബയേണ്‍ മ്യൂണിക്ക്, റെഡ് സ്റ്റാര്‍ ബെല്‍ഗ്രേഡ് ഏകപക്ഷീയമായ മൂന്ന് ഗോളുകള്‍ക്ക് തകര്‍ത്തു. കിങ്സ്ലീ കോമണ്‍, റോബര്‍ട്ട് ലിവാന്‍ഡോവ്‌സ്‌കി, തോമസ് മുള്ളര്‍ എന്നിവരുടേയാതയിരുന്നു ഗോളുകള്‍.

മറ്റു മത്സരഫലങ്ങള്‍: ഡൈനാമോ സഗ്രേബ് 4 0 അറ്റ്‌ലാന്റ, ബയേര്‍ 1 2 ലോകോമോട്ടീവ് മോസ്‌കോ, ഒളിംപിയാകോസ് 22 ടോട്ടന്‍ഹാം, ക്ലബ് ബ്രുഗെ 00 ഗലത്‌സറെ.

നാല് തവണ റയലിന്റെ വലകുലുക്കാന്‍ കോസ്റ്റയ്ക്കായി. ആദ്യ പകുതിയില്‍ അഞ്ച് ഗോളുകള്‍ക്ക് മുന്നിട്ട് നിന്ന അത്‌ലറ്റിക്കോ രണ്ടാം പകുതിയിലാണ് മൂന്ന് ഗോളും വഴങ്ങിയത്. ബെന്‍ഫിക്കയില്‍ നിന്ന് വലിയ തുകയ്ക്ക് ടീമിലെത്തിച്ച ജുവാ ഫെലിക്‌സ് അരങ്ങേറ്റത്തില്‍ തന്നെ അത്‌ലറ്റിക്കോയ്ക്ക് വേണ്ടി
ഗോള്‍ നേടി. വിറ്റേലോയാണ് അത്‌ലറ്റിക്കോയുടെ അവസാന ഗോള്‍ നേടിയത്. റയലിന് വേണ്ടി നാച്ചോ,ബെന്‍സിമ,ജാവി ഹെര്‍ണാണ്ടസ് എന്നിവര്‍ ഗോള്‍ നേടി.

നാട്ടം കെടുത്തുന്ന പരാജയം കോച്ച് സിദാന് മുന്നില്‍ വലിയ സമ്മര്‍ദമാണ് സൃഷ്ടിച്ചിരിക്കുന്നത്.

ബാഴ്‌സലോണ: ഫ്രഞ്ച് ഫുട്‌ബോള്‍ താരം അന്റോയ്ന്‍ ഗ്രീസ്മാന്‍ ഇനി ബാഴ്‌സലോണയില്‍. അത്‌ലറ്റികോ മാഡ്രിഡിന്റെ താരമായിരുന്ന ഗ്രീസ്മാനെ 926 കോടി രൂപ നല്‍കി ബാഴ്‌സലോണ സ്വന്തമാക്കി. അഞ്ചു വര്‍ഷത്തെ കരാറിലാണ് താരവുമായി ഒപ്പുവെച്ചത്. 17 മില്ല്യണ്‍ യോറോയാണ് പ്രതിവര്‍ഷം വേതനമായി ഗ്രീസ്മാന് ലഭിക്കുക. അത്‌ലറ്റിക്കോയിലിത് 20 മില്ല്യണ്‍ യൂറോയായിരുന്നു.

ഗ്രീസ്മാനെ ബാഴ്‌സലോണയിലെത്തിക്കുമെന്ന് നേരത്തെ തന്നെ അഭ്യൂഹമുണ്ടായിരുന്നു. ഇതേ പറ്റി നിരവധി ഊഹാപോഹങ്ങളും പ്രചരിച്ചിരുന്നു. എന്നാല്‍ ഇക്കാര്യത്തില്‍ ഇപ്പോഴാണ് സ്ഥിരീകരണമുണ്ടായത്.

ബാഴ്‌സയുടെ അക്രമനിരക്ക് ഇനി മൂര്‍ച്ച കൂടും. മെസി, സുവാരസ്, ഡെംബല എന്നിവര്‍ക്കൊപ്പം ഗ്രീസ്മാനും നെയ്മറും കൂടി ചേര്‍ന്നാല്‍ ലോകത്തെ ഏറ്റവും മികച്ച അറ്റാക്കിങ് ശക്തിയായി ബാഴ്‌സലോണ മാറും. അത്‌ലറ്റിക്കോ മാഡ്രിഡിനായി 255 മത്സരങ്ങള്‍ കളിച്ച ഗ്രീസ്മാന്‍ 133 ഗോളുകള്‍ നേടിയിട്ടുണ്ട്.