ATK MOHAN BAGAN – Chandrika Daily

ബംഗളൂരുവും മോഹന്‍ ബഗാനും ഒപ്പത്തിനൊപ്പം; പെനാല്‍റ്റി ഗോളാക്കി ഇരു ടീമുകളും

webdesk14 — Sat, 18 Mar 2023 15:22:09 +0000

ഗോവയില്‍ വച്ച് നടക്കുന്ന ഇന്ത്യന്‍ സൂപ്പര്‍ ലീഗ് ഫൈനലില്‍ ആദ്യ പകുതി പിന്നിടുമ്പോള്‍ ബംഗളൂരു എഫ്.സിയും എ.ടി.കെ മോഹന്‍ ബഗാനും ഓരോ ഗോള്‍ വീതം നേടി ഒപ്പത്തിനൊപ്പം. എ.ടി.കെയുടെ ആസ്‌ട്രേലിയന്‍ താരം ദിമിത്രി പെട്രാറ്റോസിന്റെ പെനാല്‍റ്റി ഗോളിലൂടെ മത്സരത്തില്‍ ആദ്യം ലീഡെടുത്തത്.

ആദ്യപകുതിയുടെ ഇന്‍ജുറി ടൈമില്‍ ബംഗളൂരുവിന് അനുകൂലമായി ലഭിച്ച പെനാല്‍റ്റി ഗോളാക്കി സുനില്‍ ഛേത്രി ടീമിനെ സമനിലയില്‍ എത്തിച്ചു.

ഫൈനലില്‍ ബെംഗളൂരു എഫ്‌സിയെ നേരിടാന്‍ എടികെ മോഹന്‍ ബഗാന്‍

webdesk14 — Tue, 14 Mar 2023 06:39:09 +0000

ഇന്നലെ നടന്ന ഹൈദരാബാദ് എഫ്‌സിയും എടികെ മോഹന്‍ ബഗാനും തമ്മിലുള്ള രണ്ടാം പാദമത്സരത്തില്‍ ഷൂട്ടൗട്ടില്‍ ഹൈദരാബാദ് എഫ്‌സിയെ തകര്‍ത്ത് എടികെ മോഹന്‍ ബഗാന്‍ ഫൈനലില്‍. നിശ്ചിത സമയത്തും എക്‌സ്ട്രാ സമയത്തും ഗോളില്ലാതെ വന്നതോടെയാണ് ഷൂട്ടൗട്ടിലേക്ക് നീങ്ങിയത്.

ഷൂട്ടൗട്ടില്‍ 4-3 എന്ന സ്‌കോറിലാണ് മോഹന്‍ ബഗാന്റെ ജയം. ആദ്യപാദം സമനിലയില്‍ പിരിഞ്ഞതോടെ രണ്ടാം പാദ മത്സരം രണ്ട് ടീമിനും നിര്‍ണായകമായി. മോഹന്‍ ബഗാന്റെ അഞ്ചാം ഐ.സ്.എല്‍ ഫൈനല്‍ പ്രവേശനമാണിത്.

ഫൈനലില്‍ ബെംഗളൂരു എഫ്‌സിയാണ് മോഹന്‍ ബഗാന്റെ എതിരാളി. മുംബൈയിയെ തോല്‍പ്പിച്ചാണ് ബെംഗളൂരു എഫ്‌സി ഫൈനലില്‍ പ്രവേശിച്ചത്.

ഐഎസ്എലില്‍ ഇന്ന് കേരള ബ്ലാസ്‌റ്റേഴ്‌സ്-എടികെ മോഹന്‍ ബഗാന്‍ മത്സരം

web desk 1 — Sun, 31 Jan 2021 12:10:20 +0000

ഇന്ത്യന്‍ സൂപ്പര്‍ ലീഗിലെ 78ആം മത്സരത്തില്‍ കേരള ബ്ലാസ്റ്റേഴ്‌സ് ഇന്ന് എടികെ മോഹന്‍ബഗാനെ നേരിടും. ഉദ്ഘാടന മത്സരത്തില്‍ ഇരു ടീമുകളും ഏറ്റുമുട്ടിയപ്പോള്‍ മറുപടിയില്ലാത്ത ഒരു ഗോളിന് എടികെ ബ്ലാസ്റ്റേഴ്‌സിനെ പരാജയപ്പെടുത്തിയിരുന്നു. അതിനു പകരം വീട്ടുക എന്ന ലക്ഷ്യത്തോടെയാവും ബ്ലാസ്റ്റേഴ്‌സ് ഇന്ന് ഇറങ്ങുക.

മോശം തുടക്കത്തിനു ശേഷം ബ്ലാസ്റ്റേഴ്‌സ് ഭേദപ്പെട്ട പ്രകടനങ്ങളുമായി തിരികെ എത്തിയിരുന്നു. അതേസമയം, കഴിഞ്ഞ മത്സരത്തില്‍ നോര്‍ത്ത് ഈസ്റ്റിനോട് പരാജയപ്പെട്ട എടികെ വിജയ വഴിയില്‍ തിരികെ എത്താനുള്ള ശ്രമത്തിലാണ്.

ഐ.എസ്.എല്‍: എടികെ മോഹന്‍ ബഗാനെ അട്ടിമറിച്ച് നോര്‍ത്ത് ഈസ്റ്റ്

ചന്ദ്രിക വെബ് ഡെസ്‌ക്‌ — Wed, 27 Jan 2021 03:52:33 +0000

ഫത്തോര്‍ഡ: ഐ.എസ്.എല്ലില്‍ ഇന്നലെ നടന്ന മത്സരത്തില്‍ കരുത്തരായ എ.ടി.കെ മോഹന്‍ബഗാന് തോല്‍വി. ഒന്നിനെതിരെ രണ്ട് ഗോളുകള്‍ക്ക് നോര്‍ത്ത് ഈസ്റ്റ് യുണൈറ്റഡാണ് ബംഗാള്‍ ക്ലബിനെ അട്ടിമറിച്ചത്.60ാം മിനിറ്റില്‍ ലൂയിസ് മക്കാഡോയിലൂടെ നോര്‍ത്ത് ഈസ്റ്റാണ് ആദ്യം സ്‌കോര്‍ ചെയ്തത്. 72ാം മിനിറ്റില്‍ റോയ് കൃഷ്ണയിലൂടെ എ.ടി.കെ ഒപ്പമെത്തി.

എന്നാല്‍ 81ാം മിനിറ്റില്‍ ഫെഡറിക്കോ ഗെല്ലഗോ നോര്‍ത്ത് ഈസ്റ്റിനായി വിജയ ഗോള്‍ കണ്ടെത്തി. തോറ്റെങ്കിലും 13 മത്സരങ്ങളില്‍ നിന്ന് 24 പോയന്റുമായി എ.ടി.കെ രണ്ടാംസ്ഥാനത്ത് തുടരുന്നു. നോര്‍ത്ത് ഈസ്റ്റ് 18 പോയന്റുമായി അഞ്ചാം സ്ഥാനത്തെത്തി.

ഇന്ന് രാത്രി 7.30ന് ബാംബോലി സ്‌റ്റേഡിയത്തില്‍ കേരള ബ്ലാസ്‌റ്റേഴ്‌സ് ജംഷഡ്പൂര്‍ എഫ്.സിയെ നേരിടും.

ഐഎസ്എല്‍; കരുത്തരുടെ പോരാട്ടത്തില്‍ എടികെക്ക് ജയം

web desk 1 — Mon, 21 Dec 2020 17:22:42 +0000

മഡ്ഗാവ്: ഐഎസ്എല്ലില്‍ കരുത്തരായ ബംഗളൂരു എഫ്‌സിക്കെതിരെ എടികെ മോഹന്‍ ബഗാന് ജയം. എടികെ നേടിയ ഒരു ഗോളിന് മറുപടി നല്‍കാന്‍ ബംഗളൂരുവിന് കഴിഞ്ഞില്ല. ഓസ്‌ട്രേലിയന്‍ താരം ഡേവിഡ് വില്യംസാണ് 33ാം മിനിറ്റില്‍ എടികെക്കായി വല കുലുക്കിയത്.

ഇതോടെ ഏഴ് കളിയില്‍ അഞ്ച് ജയവുമായി എടികെ 16 പോയന്റോടെ രണ്ടാം സ്ഥാനത്തെത്തി. സീസണില്‍ എടികെയുടെ അഞ്ചാം ജയമാണിത്. ഏഴ് കളികളില്‍ 12 പോയന്റുള്ള ബംഗളൂരു മൂന്നാം സ്ഥാനത്ത് തുടരുന്നു.

മത്സരത്തിന്റെ തുടക്കം മുതല്‍ എടികെ ആണ് ആധിപത്യം പുലര്‍ത്തിയത്.