ചെങ്ങന്നൂര്‍ കണ്ടത്തുംകുഴിയില്‍ വിനോദ് ഏബ്രഹാമിന്റെ പരാതിയിലാണ് പൊലിസ് കേസെടുത്തത്. മാര്‍ച്ച് 14 -ന് രാത്രി കല്ലിശ്ശേരിയിലെ സ്വകാര്യ ആശുപത്രി ജീവനക്കാരിയായ ഭാര്യയെ ജോലിസ്ഥലത്തേക്ക് കൊണ്ടു വിട്ട ശേഷം തിരിച്ചു വരുന്നതിനിടെയാണ് പരാതിക്കാരന്റെ എടിഎം കാര്‍ഡ് അടങ്ങിയ പേഴ്സ് നഷ്ടമായത്.

എന്നാല്‍ വഴിയില്‍ നിന്നും ഓട്ടോ ഡ്രൈവറായ സലിഷിന് പേഴ്സ് കളഞ്ഞു കിട്ടിയതിനെ തുടര്‍ന്ന് ബിജെപി നേതാവിനെ അറിയിക്കുകയായിരുന്നു. തുടര്‍ന്ന് ഇരുവരും സ്‌കൂട്ടറില്‍ 15-ന് രാവിലെ ആറിനും എട്ടിനും ഇടയില്‍ ബുധനൂര്‍, പാണ്ടനാട്, മാന്നാര്‍ എന്നിവിടങ്ങളിലെ എടിഎം കൗണ്ടറുകളില്‍ എത്തി 25,000 രൂപ പിന്‍വലിച്ചു.

എടിഎം കാര്‍ഡിനോടൊപ്പം പരാതിക്കാരന്‍ പിന്‍ നമ്പര്‍ എഴുതി സൂക്ഷിച്ചിരുന്നത് ഇരുവര്‍ക്കും പണം തട്ടാന്‍ എളുപ്പമായി. തുക പിന്‍വലിച്ചതായുള്ള ബാങ്കിന്റെ സന്ദേശങ്ങള്‍ ലഭിച്ചതിനെ തുടര്‍ന്നാണ് പണം നഷ്ടമായ വിവരം വിനോദ് അറിയുന്നത്. തുടര്‍ന്ന് ഇയാള്‍ ചെങ്ങന്നൂര്‍ പൊലിസില്‍ പരാതി നല്‍കിയത്.

എന്നാല്‍ നഷ്ടപ്പെട്ട പേഴ്സ് 16-ന് പുലര്‍ച്ചെ കല്ലിശ്ശേരി-ഓതറ റോഡിലെ റെയില്‍വേ മേല്‍പ്പാലത്തിനു സമീപത്ത് നിന്നും കണ്ടെത്തി. സിഐ എ.സി. വിപിന്റെ നേതൃത്വത്തില്‍ നടന്ന അന്വേഷണത്തിന്‍ എടിഎം കൗണ്ടറുകളുടെയും സമീപത്തുള്ള വ്യാപാര സ്ഥാപനങ്ങളിലെയും സിസിടിവി ദൃശ്യങ്ങള്‍ പരിശോധിച്ചു. ഇരുവരും സ്‌കൂട്ടറില്‍ സഞ്ചരിക്കുന്ന ദ്യശ്യങ്ങളും എടിഎം കൗണ്ടറിലെ ദൃശ്യങ്ങളും ലഭിച്ചു.

ചെലവ് ചുരുക്കലിനെക്കുറിച്ച് പഠിക്കാന്‍ ചില ബാങ്കുകള്‍ കോസ്റ്റ് ബെനിഫിറ്റ് എക്‌സ്പന്‍ഡിച്ചര്‍ കമ്മിറ്റിയെ നിയമിച്ചിരുന്നു. ഈ സമിതിയുടെ ശുപാര്‍ശ പ്രകാരമാണ് ലാഭകരമല്ലാത്ത എ.ടി.എമ്മുകളുടെ രാത്രിസേവനം അവസാനിപ്പിക്കുന്നത്. ചെറുകിട ബാങ്കുകളും നഷ്ടത്തിലുള്ള ബാങ്കുകളുമാണ് ഇത് ഉടന്‍ നടപ്പാക്കുക. ഏറെ ശാഖകളില്ലാത്ത ചില ബാങ്കുകള്‍ തീരുമാനം നടപ്പാക്കിത്തുടങ്ങി.

അതേസമയം, തങ്ങളുടെ എ.ടി.എമ്മുകള്‍ രാത്രിയും തുറന്ന് പ്രവര്‍ത്തിക്കുമെന്ന് സ്‌റ്റേറ്റ് ബാങ്ക് ഓഫ് ഇന്ത്യ അറിയിച്ചു. ചെലവ് ചുരുക്കലിന്റെ ഭാഗമായി എ.ടി.എമ്മുകള്‍ രാത്രിയില്‍ പൂട്ടിയിടില്ല. എ.ടി.എമ്മുകള്‍ പൂട്ടാനുള്ള തീരുമാനം ബാങ്ക് ഇതേവരെ എടുത്തിട്ടില്ലെന്നും അധികൃതര്‍ പറഞ്ഞു.

വ്യാജ കാര്‍ഡ് നിര്‍മിച്ച് യഥാര്‍ത്ഥ കാര്‍ഡിലെ വിവരങ്ങള്‍ അതിലേക്ക് അപ്്‌ലോഡ് ചെയ്താണ് തട്ടിപ്പ് നടത്തിയത്. വെള്ളിമാട്കുന്ന് പഞ്ചാബ് നാഷണല്‍ ബാങ്കിന്റെ എ.ടി.എം കൗണ്ടറില്‍ സംശയകരമായ സാഹചര്യത്തില്‍ കാണപ്പെട്ട രണ്ടു പേരുടെ ദൃശ്യങ്ങള്‍ എ.ടി.എമ്മിലെ സി.സി ടി.വി ക്യാമറയില്‍ പതിഞ്ഞിട്ടുണ്ട്. ചിത്രങ്ങള്‍ ഫോറന്‍സിക് വിഭാഗം പരിശോധിച്ചു. ഫോറന്‍സിക് സയന്റിഫിക് അസിസ്റ്റന്റ് വിനീത് സ്ഥലത്തെത്തി പരിശോധന നടത്തിയിരുന്നു.
പന്തീരാങ്കാവ് യൂക്കോ ബാങ്കില്‍ നിന്ന് പണം നഷ്ടപ്പെട്ട സംഭവത്തില്‍ നല്ലളം പൊലീസും പള്ളിക്കണ്ടിയിലെ എ.ടി.എമ്മില്‍ നിന്ന് പണം നഷ്ടമായ കേസില്‍ ചെമ്മങ്ങാട് പൊലീസും അന്വേഷിക്കുന്നുണ്ട്.

മുന്‍കരുതല്‍ നടപടി എന്ന നിലയില്‍ സിറ്റിയിലെ എ ടി എം കാര്‍ഡ് ഉടമകള്‍, പ്രതേകിച്ചും ജനുവരി ഒന്നുമുതല്‍ പഞ്ചാബ് നാഷണല്‍ ബാങ്കിന്റെ മേല്‍ മൂന്നു എ.ടി.എം ഉപയോഗിച്ചവര്‍, അവരവരുടെ പിന്‍ നമ്പര്‍ മാറ്റി പണം സുരക്ഷിതമാണെന്ന് ഉറപ്പുവരുത്തണമെന്ന് ജില്ലാ പോലീസ് മേധാവി കാളിരാജ് മഹേഷ്‌കുമാര്‍ അറിയിച്ചു. ആരുടെയെങ്കിലും അക്കൗണ്ടില്‍ നിന്നും എ.ടി.എം മുഖേന പണം നഷ്ടമായിട്ടുണ്ടെങ്കില്‍ വിവരം പൊലീസിനെ അറിയിക്കണം.
‘ആന്റി സ്‌കിമ്മിങ് ഫെസിലിറ്റി’ഇല്ലാത്ത എ.ടി.എമ്മുകള്‍ മാറ്റി സ്ഥാപിക്കുന്നതിനും മേല്‍ പണം നഷ്ടപെട്ട എ.ടി.എമ്മുകളുടെ ഓപ്പറേഷന്‍ നിര്‍ത്തി വെക്കുന്നതിനും ഇന്നലെ ചേര്‍ന്ന ബാങ്ക് മാനേജര്‍മാരുടെ യോഗത്തില്‍ കമ്മീഷണര്‍ നിര്‍ദേശിച്ചു.

ഈ അടുത്തകാലത്തായി ഓണ്‍ലൈന്‍വഴിയുള്ള പണമിടപാടുകള്‍ വര്‍ധിച്ചിട്ടുണ്ട്. അതോടൊപ്പം ഓണ്‍ലൈന്‍ വഴിയുള്ള പണം തട്ടിപ്പുകളും വര്‍ധിച്ചിട്ടുണ്ട്. ക്രെഡിറ്റ്/ഡെബിറ്റ് കാര്‍ഡ് വിവരങ്ങള്‍, ഇന്റര്‍നെറ്റ് ബാങ്കിങ് വിവരങ്ങള്‍ തുടങ്ങിയവ ഓണ്‍ലൈന്‍ പണം ഇടപാടുകള്‍ക്കുള്ള മൊബൈല്‍ ആപ്പുകള്‍ വഴിയും മറ്റു പല തരത്തിലും ചോര്‍ത്തിയെടുത്ത് അക്കൗണ്ടില്‍ നിന്നും പണം തട്ടുന്ന സംഭവങ്ങളും വര്‍ധിച്ചുവരുകയാണ്. ഓണ്‍ലൈനായും ക്രെഡിറ്റ്/ഡെബിറ്റ് കാര്‍ഡ് വഴിയും പണം കൈമാറുമ്പോള്‍ അക്കൗണ്ട് ഉടമയാണോ പണം കൈമാറുന്നതെന്ന് ഉറപ്പാക്കാനായി ബാങ്കുകള്‍/ധനകാര്യസ്ഥാപനങ്ങള്‍ ഒറ്റത്തവണ ഉപയോഗിക്കാവുന്ന രഹസ്യ നമ്പര്‍ (One Time Password – OTP) ഉപഭോക്താവിന്റെ രജിസ്റ്റര്‍ ചെയ്ത മൊബൈല്‍ ഫോണിലേക്ക് അയക്കാറുണ്ട്. ബാങ്കില്‍ നിന്നാണെന്നും മറ്റും സൂചിപ്പിച്ച് അക്കൗണ്ട് വിവരങ്ങള്‍ ശരിയാക്കുന്നതിനാണെന്ന വ്യാജേന തട്ടിപ്പുകാര്‍ ഉപഭോക്താവിനെ വിളിച്ച് ഈ ഒ.റ്റി.പി. നമ്പര്‍കൂടി മനസ്സിലാക്കുന്നതോടെ അക്കൗണ്ടില്‍ നിന്നും പണം ചോര്‍ത്തപ്പെടുന്നു. ഇത്തരം തട്ടിപ്പുകള്‍ക്ക് നിരവധിപേര്‍ നമ്മുടെ നാട്ടിലും വിധേയരാവുന്നുണ്ട്. ഏതു സാഹചര്യത്തിലും ഇത്തരം നമ്പരുകളും പാസ്വേര്‍ഡുകളും ബാങ്കില്‍ നിന്നാണെന്നു പറഞ്ഞാല്‍പോലും പങ്കുവയ്ക്കാതിരിക്കുകയാണ് വേണ്ടത്.

ഇനി അഥവാ ഇത്തരം തട്ടിപ്പുകള്‍ക്ക് ഇരയായാല്‍ ഉടനടി പോലീസിനെ അറിയിച്ചാല്‍ നഷ്ടപ്പെട്ട പണം തിരികെ ലഭിക്കാന്‍ നടപടി സ്വീകരിക്കും. ഇത്തരം തട്ടിപ്പുകള്‍ കൈകാര്യം ചെയ്യുന്നതിന് അതത് ജില്ല സൈബര്‍ സെല്ലില്‍ പരിശീലനം ലഭിച്ച പോലീസ് സംഘത്തെ നിയോഗിച്ചിട്ടുണ്ട്.

പണം കൈമാറ്റം ചെയ്തതായി ലഭിക്കുന്ന എസ് എം എസ് സന്ദേശം യാതൊരു കാരണവശാലും മൊബൈലില്‍ നിന്നും ഡിലീറ്റ് ചെയ്യരുത്. ഒ.റ്റി.പി. തട്ടിപ്പ് വഴി പണം നഷ്ടപ്പെടുന്നവര്‍ എത്രയും വേഗം, കഴിയുന്നതും ആദ്യ രണ്ടു മണിക്കൂറില്‍ തന്നെ, ആ വിവരം പോലീസില്‍ അറിയിക്കേണ്ടതാണ്. പോലീസില്‍ വിവരം ലഭിച്ചാലുടന്‍ ആ വിവരം പോലീസ് ബാങ്ക്/മൊബൈല്‍ വാലറ്റുകളെ അറിയിക്കും. ബാങ്കിങ്/മൊബൈല്‍ വാലറ്റ് അധികൃതര്‍ ഉടനടി തന്നെ പണം കൈമാറ്റം ചെയ്യാതെ തടഞ്ഞു വയ്ക്കുകയും ചെയ്യും. ഒ.റ്റി.പി. തട്ടിപ്പിലൂടെ പണം നഷ്ടപ്പെട്ടതായി കണ്ടാല്‍ തിരിച്ചെടുക്കാനുള്ള ഈ സൗകര്യം പ്രയോജനപ്പെടുത്താം. എന്നാല്‍ ഒ.ടി.പി. നമ്പര്‍ പറഞ്ഞുകൊടുക്കാതിരിക്കുകയും പണം നഷ്ടപ്പെടാതെ നോക്കുകയുമാണ് യഥാര്‍ത്ഥത്തില്‍ വേണ്ടത്.

ജില്ലാ സൈബര്‍സെല്ലുകളുടെ നമ്പര്‍ ചുവടെ:

തിരുവനന്തപുരം സിറ്റി 9497975998,
തിരുവനന്തപുരം റൂറല്‍ 9497936113,
കൊല്ലം സിറ്റി 94979 60777,
കൊല്ലം റൂറല്‍ 94979 80211,
പത്തനംതിട്ട 94979 76001,
ആലപ്പുഴ 94979 76000,
കോട്ടയം 9497976002,
ഇടുക്കി 94979 76003,
കൊച്ചി സിറ്റി 94979 76004,
എറണാകുളം റൂറല്‍ 94979 76005,
തൃശൂര്‍ സിറ്റി 94979 62836,
തൃശൂര്‍ റൂറല്‍ 94979 76006,
പാലക്കാട് 94979 76007,
മലപ്പുറം 94979 76008,
കോഴിക്കോട് സിറ്റി 94979 76009,
കോഴിക്കോട് റൂറല്‍ 94979 76010,
വയനാട് 94979 76011,
കണ്ണൂര്‍ 94979 76012,
കാസര്‍ഗോഡ് 94979 76013.

മെട്രോപോളിറ്റന്‍ നഗരങ്ങളില്‍ 5000 രൂപ, നഗരങ്ങളില്‍ 3,000 രൂപ, സെമി അര്‍ബന്‍ മേഖലകളില്‍ 2,000 രൂപ, ഗ്രാമങ്ങളില്‍ 1,000 രൂപ എന്നിങ്ങനെയാണ് മിനിമം ബാലന്‍സ് നിശ്ചയിച്ചിരിക്കുന്നത്. ഇതില്‍ കുറഞ്ഞാല്‍ ഓരോ മാസവും പിഴ ഈടാക്കാനാണ് നിര്‍ദേശം. നേരത്തെ മൂന്നു മാസത്തിലൊരിക്കലാണ് പിഴ ഈടാക്കിയിരുന്നത്. ബാങ്ക് അക്കൗണ്ട് ബാലന്‍സ് മിനിമം ബാലന്‍സ് തുകയുടെ 50 മുതല്‍ 75 ശതമാനം വരെ കുറവാണെങ്കില്‍ 75 രൂപയായിരിക്കും പിഴ. 50 ശതമാനം വരെയാണ് കുറവെങ്കില്‍ 50 രൂപയായിരിക്കും പിഴ. കൂടാതെ ബാങ്ക് ബ്രാഞ്ചുകളില്‍നിന്ന് നേരിട്ട് നടത്താവുന്ന സൗജന്യ പണമിടപാടുകള്‍ മൂന്നു തവണയാക്കി നിജപ്പെടുത്തിയിട്ടുണ്ട്. തുടര്‍ന്നുള്ള ഓരോ ഇടപാടിനും 20 രൂപ വീതം കമ്മീഷന്‍ നല്‍കേണ്ടി വരും.
എ.ടി.എം ഇടപാടുകള്‍ക്കുള്ള പുതുക്കിയ നിരക്കും ഇന്നലെ മുതല്‍ പ്രാബല്യത്തില്‍ വന്നു. മറ്റു ബാങ്കുകളുടെ എ.ടി.എമ്മില്‍ നിന്ന് മൂന്നു തവണയില്‍ കൂടുതല്‍ ഇടപാട് നടത്തിയാല്‍ ഓരോ ഇടപാടിനും 20 രൂപ വീതം ഇടാക്കും. സ്റ്റേറ്റ് ബാങ്ക് എ.ടി.എമ്മുകളില്‍നിന്ന് അഞ്ചില്‍ കൂടുതല്‍ തവണ ഇടപാട് നടത്തിയാല്‍ ഓരോ ഇടപാടിനും 10 രൂപ വീതമാണ് അക്കൗണ്ടില്‍നിന്ന് ഈടാക്കുക. 25,000 രൂപയില്‍ കൂടുതല്‍ നിക്ഷേപമുള്ള അക്കൗണ്ടുകള്‍ക്ക് സ്റ്റേറ്റ് ബാങ്ക് എ.ടി.എം ഉപയോഗം പൂര്‍ണമായും സൗജന്യമാണ്. ഒരു ലക്ഷം രൂപയില്‍ കൂടുതല്‍ ബാലന്‍സ് ഉണ്ടെങ്കില്‍ മറ്റ് ബാങ്കുകളുടെ എ.ടി.എം ഉപേേയാഗിക്കുന്നതിനും സേവനനിരക്ക് ഈടാക്കില്ല. വേണ്ടത്ര ബാലന്‍സ് ഇല്ലാത്ത ആയിരക്കണക്കിന് അക്കൗണ്ടുകള്‍ എസ്.ബി.ഐക്ക് ഉണ്ടെന്നും ഇവയുടെ മെയിന്റനന്‍സ് ബാധ്യതയാവുന്നുണ്ടെന്നുമാണ് പുതിയ നടപടിയെ ന്യായീകരിക്കാന്‍ എസ്.ബി.ഐ ചെയര്‍പേഴ്‌സണ്‍ അരുന്ധതി ഭട്ടാചാര്യ പറയുന്നത്.

രാജ്യസഭയില്‍ ധനബില്ലിന്‍മേലുള്ള ചര്‍ച്ചകള്‍ നടക്കവേയാണ് യുപിഎ സര്‍ക്കാരിന്റെ നടപടിയെ പുകഴ്ത്തി ജെയ്റ്റ്‌ലി രംഗത്ത് വന്നത്.
ആധാര്‍ കഴിഞ്ഞ യുപിഎ സര്‍ക്കാരിന്റെ മഹത്തായ പദ്ധതിയായിരുന്നെന്ന് അഭിപ്രായപ്പെട്ട ധനമന്ത്രി, സബ്സിഡി ആനുകൂല്യങ്ങള്‍ നേരിട്ടു ലഭ്യമാക്കുന്നതിനും നികുതി വെട്ടിപ്പു തടയുന്നതിനും വേണ്ടി ആധാറിനെ ബിജെപി സര്‍ക്കാര്‍ നിര്‍ബന്ധിതമാക്കി വികസിപ്പിക്കുകയായിരുന്നുവെന്നും പറഞ്ഞു.

എന്നാല്‍ നമ്മില്‍ ചിലര്‍ക്കു ആധാര്‍ വിഷയത്തില്‍ ചില ഘട്ടങ്ങളില്‍ സംശയങ്ങളുണ്ടായിരുന്നു. ബിജെപി സര്‍ക്കാര്‍ അധികാരത്തില്‍ വന്നതിനുശേഷം പ്രധാനമന്ത്രി ആധാര്‍ വിഷയത്തില്‍ പ്രത്യേക യോഗം വിളിച്ചുചേര്‍ത്തു. യോഗത്തില്‍ എന്റെ സംശയങ്ങള്‍ക്കു ഉചിതമായ മറുപടി ലഭിച്ചിരുന്നു.

ആധാര്‍ നിര്‍ബന്ധിതമാക്കിയത് എന്തിന് എന്ന കോണ്‍ഗ്രസ് അംഗങ്ങളുടെ ചോദ്യത്തിനും മന്ത്രി മറുപടി നല്‍കി. പൊതുക്ഷേമത്തിനു വേണ്ടി രൂപംകൊടുത്ത സാങ്കേതികവിദ്യയെ എന്തിനാണ് ഉപയോഗപ്പെടുത്താതിരിക്കുന്നത് എന്നായിരുന്നു ജെയ്റ്റിലിയുടെ മറുപടി.
അതേസമയം ആധാറിലെ സുരക്ഷ സംബന്ധിച്ച മുന്‍ കേന്ദ്ര ധനമന്ത്രി പി.ചിദംബരത്തിന്റെ ചോദ്യങ്ങള്‍ക്ക് വ്യക്തമായ ഉത്തരം നല്‍കാന്‍ ജെയ്റ്റിലിക്കായില്ല. ബാങ്ക് അക്കൗണ്ട്, ഐടി റിട്ടേണ്‍ വിവരങ്ങള്‍ അടക്കമുള്ള വിവരങ്ങള്‍ ഹാക്കിങ്ങിലൂടെ ചോര്‍ത്തില്ലെന്ന് ഉറപ്പുതരാന്‍ സര്‍ക്കാരിനു കഴിയുമോ എന്നായിരുന്നു മുന്‍ മന്ത്രിയുടെ ചോദ്യം.

ഇന്റര്‍നെറ്റ് ഹാക്കിങ് തടയാനാവില്ല. എന്നാല്‍ അത്തരം ഭീഷണിയുടെ പേരില്‍ സാങ്കേതികവിദ്യയെ നഷ്ടപ്പെടുത്താനെ ഉപയോഗം നിയന്ത്രിക്കാനോ ആവില്ല എന്നും ജെയ്റ്റിലി വ്യക്തമാക്കി.

എടിഎമ്മില്‍ കയറി പണം പിന്‍വലിച്ച ഉപഭോക്താവിന് ആവശ്യപ്പെട്ടതിന്റെ മുപ്പത് ഇരട്ടിയാണ് മെഷീന്‍ അനുവദിച്ചത്. 3500 രൂപ പിന്‍വലിച്ച തോങ്ക് സ്വദേശിയായ ദിവാകരനാണ് ലോട്ടറി അടിച്ചപോലെ മെഷീന്‍ 70,000 രൂപ നല്‍കിയത്. എന്നാല്‍ ഇത് ദിവാകറിന്റെ മാത്രം അനുഭവമല്ലെന്നും മണിക്കൂറുകള്‍ നീണ്ട എ.ടി.എമ്മിന്റെ തകരാറുമൂലം പ്രദേശത്തെ നിരവധി പേര്‍ കാശുകാരായെന്നുമാണ് വിവരം.

നോട്ട് അസാധു കാലത്തെ അസാധാരണ സംഭവത്തിന് രാജസ്ഥാന്റെ തലസ്ഥാനത്തെ ബാങ്ക് ഓഫ് ബറോഡയുടെ എടിഎമിനുണ്ടായ തകരാറാണ് കാരണമായത്. ജയ്പൂരില്‍ നിന്നും 80 കിലോമീറ്റര്‍ അകലെയുള്ള ബാങ്കിന്റെ എടിഎമ്മില്‍ നിന്ന് 100 രൂപാനോട്ടുകളുടെ സ്ഥാനത്ത് 2000 രൂപ വന്നതാണ് തകരാറിന് കാരണമെന്ന് അധികൃതര്‍ വ്യക്തമാക്കി.

പണം പിന്‍വലിച്ച ദിവാകരാണ് എ.ടി.എമ്മിലെ നോട്ട് മഴ വിവരം ബാങ്ക് അധികൃതരെ അറിയിച്ചത്. അധികൃതരെത്തി അടച്ചുപൂട്ടിയപ്പോഴേയ്ക്കും 6.76 ലക്ഷം രൂപ നഷ്ടപ്പെട്ടതായാണ് വിവരമെന്ന് ബാങ്ക് ചീഫ് മാനേജര്‍ ടോങ്ക് ഹരിശങ്കര്‍ മീണ പറഞ്ഞു. ദിവാകറിനും മുമ്പ് കുറഞ്ഞത് 10 പേര്‍ക്കെങ്കിലും അധികത്തുക ലഭിച്ചിട്ടുണ്ടെന്നാണ് അധികൃതരുടെ നിഗമനം. പണം പിന്‍വലിച്ചവരെ സംബന്ധിച്ച വിവരം കണ്ടെത്താനായി പൊലീസില്‍ പരാതി ഫയല്‍ ചെയ്യുമെന്നും മീണ അറിയിച്ചു

വെള്ളിയാഴ്ച രാത്രിയാണ് എസ്.ബി.ഐയുടെയും എസ്.ബി.ടി അടക്കമുള്ള അനുബന്ധ ബാങ്കുകളുടെയും എ.ടി.എം കാര്‍ഡുകള്‍ കൂട്ടത്തോടെ ബ്ലോക്ക് ചെയ്തത്. എ.ടി.എം വഴിയുള്ള തട്ടിപ്പുകള്‍ വ്യാപകമായതോടെയാണ് കാര്‍ഡുകള്‍ ബ്ലോക്ക് ചെയ്യാന്‍ തീരുമാനിച്ചതെന്ന് അധികൃതര്‍ പറഞ്ഞു.കാര്‍ഡ് ബ്ലോക്ക് ചെയ്യുന്ന വിവരം ഉപഭോക്താക്കളെ എസ്.എം.എസ് വഴി അറിയിച്ചിരുന്നെന്നാണ് ബാങ്കുകള്‍ അവകാശപ്പെടുന്നത്. എന്നാല്‍ എ.ടി.എം കൗണ്ടറില്‍ എത്തി പണം പിന്‍വലിക്കാന്‍ ശ്രമിക്കുമ്പോഴാണ് ഇടപാടുകാരില്‍ പലരും വിവരം അറിയുന്നത്. എസ്.എം.എസുകള്‍ ലഭിച്ചിരുന്നില്ലെന്നും ഉപയോക്താക്കള്‍ വ്യക്തമാക്കുന്നു. കേരളത്തിന് പുറത്തും വിദേശത്തും ഉപയോഗിച്ച എ.ടി.എം കാര്‍ഡുകളാണ് ബ്ലോക്കായത്.

കേരളത്തില്‍ തട്ടിപ്പിന് ശ്രമം നടന്നെന്ന് സംശയിക്കുന്ന എ.ടി.എം കൗണ്ടറുകളില്‍ ഉപയോഗിച്ച കാര്‍ഡുകളും ബ്ലോക്കാക്കിയിട്ടുണ്ട്. ചില ഇടപാടുകാരുടെ പണം അമേരിക്കയില്‍നിന്നും ചൈനയില്‍നിന്നും പിന്‍വലിച്ചതായി കണ്ടെത്തിയതിനെ തുടര്‍ന്നാണ് അടിയന്തരമായി എ.ടി.എം കാര്‍ഡുകള്‍ ബ്ലോക്ക് ചെയ്തത്. ചിപ്പ് ഘടിപ്പിച്ച കാര്‍ഡുകളാണ് പുതുതായി ഇടപാടുകാര്‍ക്ക് നല്‍കുന്നത്. എല്ലാവരും എ.ടി.എം കാര്‍ഡിന്റെ പിന്‍നമ്പര്‍ മാറ്റണമെന്നും ബാങ്ക് അധികൃതര്‍ നിര്‍ദേശിച്ചു. സുരക്ഷാ കാരണങ്ങളാല്‍ അധികൃതര്‍ ബ്ലോക്ക് ചെയ്ത എ.ടി.എം കാര്‍ഡുടമകള്‍ക്ക് പുതിയ കാര്‍ഡ് ലഭിക്കാന്‍ കുറഞ്ഞത് 12 ദിവസമെങ്കിലും വേണ്ടിവരും. അതുവരെ ഡെബിറ്റ് കാര്‍ഡുപയോഗിച്ചുള്ള വിനിമയങ്ങള്‍ നടത്താനാകില്ല.

പുതിയ കാര്‍ഡുകള്‍ക്കുള്ള അപേക്ഷ തിരിച്ചറിയല്‍ കാര്‍ഡ് സഹിതം അക്കൗണ്ട് എടുത്ത ശാഖകളില്‍ ലഭിച്ച്, പുതിയ കാര്‍ഡ് മുംബൈയില്‍നിന്ന് എത്തിക്കുന്നതിനുള്ള സമയമാണ് പന്ത്രണ്ട് ദിവസം. ഘട്ടംഘട്ടമായി ചിപ്പ് സംവിധാനത്തിലേക്ക് മാറുന്നതോടെ പഴയ മാഗ്‌നറ്റിക് കാര്‍ഡുകള്‍ ഇല്ലാതാകും. മാഗ്‌നറ്റിക് കാര്‍ഡുകള്‍ പലയിടത്തും റീഡ് ചെയ്ത് അക്കൗണ്ടിലെ വിവരങ്ങള്‍ ശേഖരിക്കാനും പണം പിന്‍വലിക്കാനുമുള്ള സാധ്യത കൂടുതലാണ്. ഇങ്ങനെ അക്കൗണ്ടുടമകളുടെ വിവരങ്ങള്‍ ശേഖരിച്ച് വ്യാപകമായ തട്ടിപ്പു നടത്താന്‍ സാധ്യതയുണ്ടെന്നും ചിലയിടത്ത് തട്ടിപ്പ് നടന്നതായും സ്റ്റേറ്റ് ബാങ്ക് സുരക്ഷാ വിഭാഗമാണ് റിപ്പോര്‍ട്ട് നല്‍കിയത്. ചിപ്പ് കാര്‍ഡുകള്‍ ഉപയോഗിച്ച് എളുപ്പത്തില്‍ തട്ടിപ്പു നടത്താനാകില്ലെന്നും അധികൃതര്‍ പറയുന്നു. സ്റ്റേറ്റ് ബാങ്ക് ഗ്രൂപ്പിന് രാജ്യത്ത് 54,000 എ.ടി.എമ്മുകളാണുള്ളത്.