ഈ പദ്ധതി ഗസ്സയില്‍ ഏകദേശം രണ്ട് വര്‍ഷമായി തുടരുന്ന ഇസ്രാഈലിന്റെ വംശഹത്യ യുദ്ധം ഉടനടി അവസാനിപ്പിക്കാന്‍ നിര്‍ദേശിക്കുന്നു. അതേസമയം, ഭാവിയിലെ ഭരണപരമായ പങ്കില്‍ നിന്ന് ഹമാസിനെ പൂര്‍ണമായും ഒഴിവാക്കാനും നിര്‍ദേശിക്കുന്നു.

ട്രംപ് മുന്നോട്ട് വെച്ച 20 ഇന പദ്ധതി

1. ഗസ്സ ആകമാനം നിരായുധീകരണം. അയല്‍പക്കത്തിന് (ഇസ്രഈല്‍) ഭീഷണിയാകാത്ത ടെറര്‍ ഫ്രീ സോണ്‍.

2. ഗസ്സ നിവാസികള്‍ക്ക് ഉപകരിക്കും വിധത്തില്‍ പ്രദേശത്തിന്റെ പുനര്‍നിര്‍മാണം.

3. ഇരുപക്ഷവും ഈ പദ്ധതി അംഗീകരിക്കാന്‍ ധാരണയിലെത്തിയാല്‍ യുദ്ധം ഉടനടി അവസാനിപ്പിക്കും. ഇസ്രഈലി സൈന്യം നടപടികള്‍ നിര്‍ത്തിവെക്കും ക്രമേണ ഗസ്സയില്‍ നിന്ന് പിന്‍വാങ്ങും.

4. ഡീല്‍ അംഗീകരിക്കുന്ന കാര്യം ഇസ്രഈല്‍ പ്രഖ്യാപിച്ച് 72 മണിക്കൂറിനുള്ളില്‍ ജീവിച്ചിരിക്കുന്ന മുഴുവന്‍ ബന്ദികളെയും ഹമാസ് വിട്ടയക്കും. മരിച്ചവരുടെ മൃതദേഹവും കൈമാറും.

5. ബന്ദികള്‍ തിരിച്ചെത്തിയാലുടന്‍ ഇസ്രഈല്‍ നൂറുകണക്കിന് ഫലസ്തീന്‍ തടവുകാരെ മോചിപ്പിക്കും. മരിച്ച ഫലസ്തീനികളുടെ മൃതദേഹവും വിട്ടുകൊടുക്കും. ജീവപര്യന്തം ശിക്ഷിക്കപ്പെട്ട 250 തടവുകാരെയും ഒക്‌ടോബര്‍ 7ന് ശേഷം അറസ്റ്റിലായ സ്ത്രീകളും കുട്ടികളും ഉള്‍പ്പെടെ 1700പേരെയും ഇസ്രാഈല്‍ വിട്ടയക്കും.

6. ബന്ദികള്‍ മോചിപ്പിക്കപ്പെട്ടുകഴിഞ്ഞാല്‍ സമാധാനത്തിലേക്ക് മടങ്ങാന്‍ ആഗ്രഹിക്കുന്ന ഹമാസ് അംഗങ്ങള്‍ക്ക് പൊതുമാപ്പ് നല്‍കും. ഗസ്സ വിടാന്‍ ആഗ്രഹിക്കുന്നവര്‍ക്ക് അവരെ സ്വീകരിക്കാന്‍ തയാറുള്ള രാജ്യത്തേക്ക് സുരക്ഷിത പാത അനുവദിക്കും.

7. കരാറില്‍ തീരുമാനമായാല്‍ ഭക്ഷ്യ, ആരോഗ്യ സഹായ വിതരണം ഗസ്സയിലേക്ക് ആരംഭിക്കും. പ്രതിദിനം 600 ട്രക്കുകള്‍ അനുവദിക്കും. വൈദ്യുതി, കുടിവെള്ള, മാലിന്യനിര്‍മാര്‍ജന സംവിധാനങ്ങള്‍ പുന:സ്ഥാപിക്കും.

8. ഇരുവിഭാഗത്തിന്റെയും ഇടപെടലില്ലാതെ സഹായങ്ങള്‍ കൃത്യമായി വിതരണം ചെയ്യും. യുഎന്നും റെഡ് ക്രസന്റും അതിന് നേതൃത്വം വഹിക്കും. റഫ അതിര്‍ത്തി ഇരു ഭാത്തേക്കും തുറക്കും.

9. ഗസ്സ ഭരണത്തിന് ഫലസ്തീനി ടെക്നോക്രാറ്റുകള്‍ അടങ്ങുന്ന താല്‍കാലിക ഇടക്കാല ഭരണ സംവിധാനം. അറബ്, യൂറോപ്യന്‍ സഖ്യകക്ഷികളുടെ അഭിപ്രായം തേടി യുഎസ് സ്ഥാപിക്കുന്ന പുതിയ അന്താരാഷ്ട്ര ഭരണസംവിധാനം ഇത് നിരീക്ഷിക്കും. യുഎസ് പ്രസിഡന്റ് ഡോണള്‍ഡ് ട്രംപ് ആയിരിക്കും ഇതിന് നേതൃത്വം വഹിക്കുക. മുന്‍ ബ്രിട്ടീഷ് പ്രധാനന്ത്രി ടോണി ബ്ലെയറും സമിതിയില്‍ ഉള്‍പ്പെട്ടിട്ടുണ്ട്. ഫലസ്തീന്‍ അതോറിറ്റി തങ്ങളുടെ പരിഷ്‌കരണം പൂര്‍ത്തീകരിക്കും വരെ അന്താരഷ്ട്ര ഭരണ സംവിധാനം തുടരും.

10. ആധുനിക മിഡിലീസ്റ്റ് നഗരങ്ങള്‍ നിര്‍മിച്ചു പരിചയമുള്ള വിദഗ്ധരുടെ നേതൃത്വത്തില്‍ ഗസ്സ പുനര്‍നിര്‍മിക്കാന്‍ ഒരു സാമ്പത്തിക പ്ലാന്‍ തയാറാക്കും. നിക്ഷേപവും തൊഴിലും ഉറപ്പാക്കുന്ന തരത്തിലാകുമിത്.

11. കുറഞ്ഞ താരിഫും നിരക്കുമുള്ള പ്രത്യേക സാമ്പത്തിക മേഖല സ്ഥാപിക്കും.

12. ആരെയും ഗസ്സയില്‍ നിന്ന് നിര്‍ബന്ധിച്ചു പുറത്താക്കില്ല. ആര്‍ക്കെങ്കിലും പുറത്തുപോകാന്‍ താല്‍പര്യമുണ്ടെങ്കില്‍ മടങ്ങിവരാനും അനുവദിക്കും. ഗസ്സയില്‍ തന്നെ തുടരാന്‍ ഗസ്സക്കാരെ പ്രോത്സാഹിപ്പിക്കും.

13. ഗസ്സ ഭരണത്തില്‍ ഹമാസിന് ഒരു റോളുമുണ്ടാകില്ല. ടണലുകള്‍ ഉള്‍പ്പെടെ പുതിയ സായുധ സംവിധാനങ്ങള്‍ സൃഷ്ടിക്കാനും അനുവദിക്കില്ല. നിരായുധീകരണ പ്രക്രിയ ഉറപ്പാക്കാന്‍ സ്വതന്ത്ര നിരീക്ഷകരെ നിയോഗിക്കും

14. ഹമാസും മറ്റ് ഗസ്സ ഗ്രൂപ്പുകളും ഉറപ്പുകള്‍ പാലിക്കുന്നുവെന്നും ഇസ്രഈലിന് ഭീഷണിയാകില്ലെന്നും വിലയിരുത്താന്‍ മേഖലയിലെ സഖ്യരാഷ്ട്രങ്ങളുടെ സുരക്ഷ ഗ്യാരന്റി.

15. അറബ്, മറ്റ് രാജ്യാന്തര സംവിധാനങ്ങള്‍ എന്നിവയുമായി സഹകരിച്ച് യുഎസ് ഒരു ഇന്റര്‍നാഷനല്‍ സ്റ്റബിലൈസേഷന്‍ ഫോഴ്സ് വികസിപ്പിക്കും. ഉടനടി തന്നെ ഈ സേനയെ ഗസ്സയില്‍ വിന്യസിക്കും. സേന ദീര്‍ഘകാല ആഭ്യന്തര സുരക്ഷക്കായി ഫലസ്തീന്‍ പൊലീസ് സേനയെ പരിശീലിപ്പിക്കും.

16. ഇസ്രഈല്‍ ഗസ്സ കൈയേറുകയോ അനക്സ് ചെയ്യുകയോ ചെയ്യില്ല. ക്രമേണ മറ്റ് സുരക്ഷ സേനകള്‍ക്ക് പ്രദേശം കൈമാറി ഐഡിഎഫ് പിന്‍വാങ്ങും. അയല്‍ രാജ്യങ്ങള്‍ക്കും പ്രദേശങ്ങള്‍ക്കും ഗസ്സ ഒരു വെല്ലുവിളിയും ഉയര്‍ത്തില്ല.

17. ഈ നിര്‍ദേശങ്ങള്‍ ഹമാസ് നിരസിക്കുകയോ താമസിപ്പിക്കുകയോ ചെയ്താല്‍ മേല്‍പറഞ്ഞ പോയിന്റുകള്‍ ടെറര്‍ ഫ്രീ മേഖലകളില്‍ നടപ്പാക്കും. അവിടം ഇന്റര്‍നാഷണല്‍ സ്റ്റബിലൈസേഷന്‍ ഫോഴ്സിന് ക്രമേണ ഐ.ഡി.എഫ് കൈമാറും. (ഹമാസ് അംഗീകരിച്ചില്ലെങ്കിലും പദ്ധതിയുമായി മുന്നോട്ടുപോകുമെന്ന സൂചന കൂടിയാണിത്)

18.ഗസ്സ ജനതയെ ‘തീവ്രവാദ മനോഭാവ മുക്തമാക്കാനുള്ള’ പദ്ധതി തുടങ്ങും. ഇതിനായി വിവിധ മത സംവാദവും മറ്റും സംഘടിപ്പിക്കും.

19 ഗസ്സ പുനര്‍നിര്‍മാണം പുരോഗമിക്കുമ്പോള്‍ ഫലസ്തീന്‍ അതോറിറ്റിയുടെ നവീകരണ പ്രവര്‍ത്തനങ്ങളും നടക്കും. ഇതിനൊപ്പം ഫലസ്തീന്‍ രാഷ്ട്ര സ്ഥാപനത്തിനുള്ള വിശ്വാസ യോഗ്യമായ മാര്‍ഗരേഖ നിലവില്‍ വരും.

20. സമാധാനപരമായ സഹവര്‍ത്തിത്വത്തിന് ഇസ്രഈലിനെയും ഫലസ്തീനികളെയും പ്രാപ്തരാക്കുന്നതിന് യു.എസിന്റെ നേതൃത്വത്തില്‍ സംഭാഷണം.

എന്നാല്‍ ഒരു ഫലസ്തീന്‍ രാഷ്ട്രം എന്നത് ഒരു അവ്യക്തമായ സാധ്യതയായി മാത്രമേ ഉയര്‍ത്തിക്കാട്ടപ്പെടുന്നുള്ളൂ എന്ന് ദി ഗാര്‍ഡിയന്‍ നിരീക്ഷിക്കുന്നു. ഗസ്സയിലെ ചര്‍ച്ചകളില്‍ ഖത്തര്‍ ഒരു നിര്‍ണായക പങ്കാളിയായി തുടരും. ഏറ്റവും പുതിയ സമാധാന പദ്ധതി അംഗീകരിക്കാന്‍ ഹമാസിനെ പ്രേരിപ്പിക്കാന്‍ ഇത് സഹായിക്കുമെന്ന് വാഷിംഗ്ടണ്‍ പ്രതീക്ഷിക്കുന്നു.

യുഎസ് ബഹുരാഷ്ട്ര കമ്പനികളായ ബോയിംഗ്, ലോക്ക്ഹീഡ് മാര്‍ട്ടിന്‍, ഇസ്രായേലി ആയുധ കമ്പനികളായ എല്‍ബിറ്റ് സിസ്റ്റംസ്, റാഫേല്‍ അഡ്വാന്‍സ്ഡ് ഡിഫന്‍സ് സിസ്റ്റംസ്, ഇസ്രായേല്‍ എയ്റോസ്പേസ് ഇന്‍ഡസ്ട്രീസ് (ഐഎഐ), ചൈനീസ് കമ്പനിയായ ഹിക്വിഷന്‍, സ്പാനിഷ് നിര്‍മ്മാതാക്കളായ കണ്‍സ്ട്രൂഷ്യോണ്‍സ് വൈ ഓക്‌സിലിയര്‍ ഡി ഫെറോകാരില്‍സ് (സിഎഎഫ്), ദക്ഷിണ കൊറിയന്‍ കമ്പനിയായ എച്ച്ഡി ഹ്യുണ്ടായ്, യുഎസ് സോഫ്റ്റ്വെയര്‍ കമ്പനിയായ പാലന്തിര്‍ ടെക്‌നോളജീസ്, ഇസ്രായേലി ടെക്‌നോളജി സ്ഥാപനമായ കോര്‍സൈറ്റ്, ഇസ്രായേലി സര്‍ക്കാര്‍ ഉടമസ്ഥതയിലുള്ള ജല കമ്പനിയായ മെക്കോറോട്ട് എന്നിവയാണ് ആംനസ്റ്റി പുറത്തിറക്കിയ പട്ടികയില്‍ ഉള്‍പ്പെടുന്നവര്‍.

ഗസ്സയിലെ വ്യോമാക്രമണങ്ങളില്‍ ബോയിംഗ് നിര്‍മ്മിച്ച ബോംബുകളും ഗൈഡന്‍സ് കിറ്റുകളും ഉപയോഗിച്ചതായി ആംനസ്റ്റി രേഖപ്പെടുത്തി. ലോക്ക്ഹീഡ് മാര്‍ട്ടിന്‍ നിര്‍മ്മിച്ച എഫ്-16, എഫ്-35 യുദ്ധവിമാനങ്ങള്‍ വ്യാപകമായി ഉപയോഗിച്ചിട്ടുണ്ടെന്നും റിപ്പോര്‍ട്ടുകള്‍ പറയുന്നു. ഇസ്രായേലിലെ പ്രധാന ആയുധ നിര്‍മ്മാതാക്കളായ എല്‍ബിറ്റ്, റാഫേല്‍, ഐഎഐ എന്നിവ വര്‍ഷം തോറും കോടിക്കണക്കിന് ഡോളര്‍ വിലമതിക്കുന്ന സൈനിക ഉപകരണങ്ങളും സേവനങ്ങളും സൈന്യത്തിന് നല്‍കുന്നുണ്ട്.

ഇസ്രായേലിലേക്കുള്ള ആയുധങ്ങള്‍, സൈനിക-സുരക്ഷാ ഉപകരണങ്ങള്‍, നിരീക്ഷണ സംവിധാനങ്ങള്‍, എഐ, ക്ലൗഡ് ഇന്‍ഫ്രാസ്ട്രക്ചര്‍ എന്നിവയുടെ വിതരണം ഉടന്‍ നിരോധിക്കണം എന്ന് ആംനസ്റ്റി രാജ്യങ്ങളോട് ആവശ്യപ്പെട്ടു. ഇസ്രായേലിന്റെ വംശഹത്യക്കും വര്‍ണ്ണവിവേചനത്തിനും പിന്തുണ നല്‍കുന്ന കമ്പനികളുമായി വ്യാപാരവും നിക്ഷേപവും നിര്‍ത്തണമെന്നും സംഘടന വ്യക്തമാക്കി.

ഗസ്സയിലെ ഇസ്രായേല്‍ ആക്രമണത്തില്‍ കൊല്ലപ്പെട്ട മാധ്യമപ്രവര്‍ത്തകരുടെ എണ്ണം 244 ആയി . രണ്ടാഴ്ച്ച മുമ്പ് അല്‍ ഷിഫ ആശുപത്രിക്ക് നേരെയുണ്ടായ ആക്രമണത്തില്‍ ആറ് മാധ്യമപ്രവര്‍ത്തകര്‍ കൊല്ലപ്പെട്ട സംഭവത്തില്‍ പ്രതിഷേധം തുടരുകയാണ്. അതിനിടയാലാണ് വീണ്ടും ആക്രമണം ഉണ്ടായത്. പ്രശസ്ത യുദ്ധ റിപ്പോര്‍ട്ടറായ അല്‍ ജസീറയുടെ അനസ്, അല്‍ ഷരീഫ് എന്നിവരാണ് കൊല്ലപ്പെട്ടത്.

ചൊവ്വാഴ്ച രാത്രിയാണ് ക്രിസ്ത്യന്‍ മിഷിനറി വിഭാഗം നടത്തുന്ന ഗസ്സയിലെ അല്‍അഹ്‌ലി അറബ് ഹോസ്പിറ്റലിന് നേരെ ഇസ്രായേല്‍ വ്യോമാക്രമണമുണ്ടായത്. ആശുപത്രി പരിസരം ദസുരക്ഷിതമായിരിക്കുമെന്ന കണക്കുകൂട്ടലില്‍ ഇവിടെ മുറ്റത്ത് അഭയം തേടിയിരുന്ന നിരവധി ഫലസ്തീനികള്‍ ആക്രമണതില്‍ കൊല്ലപ്പെട്ടു. ആക്രമണത്തിന് ഇരയായവരില്‍ ഭൂരിഭാഗവും സ്ത്രീകളും കുട്ടികളുമാണെന്ന് ആരോഗ്യവകുപ്പ് ഉദ്യോഗസ്ഥര്‍ സ്ഥിരീകരിച്ചിരുന്നു.

ഗസ്സ: തുടര്‍ച്ചയായ എട്ടാം ദിവസവും ഗസ്സയില്‍ ഇസ്രയേലിന്റെ ബോംബാക്രമണം. ഇസ്രയേല്‍ യുദ്ധവിമാങ്ങള്‍ ഗസ്സയില്‍ ബോംബാക്രമണം നടത്തിയതായാണ് റിപ്പോര്‍ട്ട്. ഇസ്രയേലിനു നേരെ ഫലസ്തീന്‍ റോക്കറ്റ് ആക്രമണം നടത്തിയെന്ന് ആരോപിച്ചാണ് ഇസ്രയേല്‍ തുടര്‍ച്ചയായ എട്ടാം ദിവസവും ബോംബാക്രമണം നടത്തിയത്.

ഇസ്രയേല്‍ യുദ്ധ വിമാനങ്ങളും ഡ്രോണുകളും നടത്തിയ ആക്രമണത്തില്‍ ഹമാസിന്റെ സായുധ വിഭാഗമായ ഖസം ബ്രിഗേഡ്‌സിന്റെ നിരവധി കേന്ദ്രങ്ങള്‍ തകര്‍ത്തു. അക്രമത്തില്‍ നിരവധി പേര്‍ക്ക് പരിക്കേറ്റതായും സുരക്ഷാ പോസ്റ്റുകള്‍ക്ക് നാശം സംഭവിച്ചതായും വ്യക്തമാക്കിയിട്ടുണ്ട്. ഹമാസിന്റെ കേന്ദ്രങ്ങള്‍ ലക്ഷ്യം വെച്ചാണ് തങ്ങള്‍ ആക്രമണം നടത്തിയതെന്ന് ഇസ്രയേല്‍ വ്യക്തമാക്കി.

ഒരാഴ്ചയിലധികമായി രാത്രി ഗസ്സയിലേക്ക് കനത്ത ആക്രമണമാണ് ഇസ്രയേല്‍ നടത്തുന്നത്. ഗസ്സയില്‍ സ്‌ഫോടക വസ്തുക്കള്‍ നിറച്ച ബലൂണുകള്‍ ഇസ്രയേലിലേക്ക് പറത്തിവിടുന്നതിന് പ്രതികാരമായാണ് ആക്രമണമെന്നാണ് ഇസ്രയേല്‍ സൈന്യത്തിന്റെ പ്രതികരണം.
ആഗസ്റ്റ് 12ന് ഗസ്സയിലെ ഏക വൈദ്യുത നിലയത്തിലേക്കുള്ള ഇന്ധന വിതരണം ഇസ്രായേല്‍ നിരോധിച്ചിരുന്നു. വൈദ്യുത നിലയത്തിന്റെ പ്രവര്‍ത്തനം തടസപ്പെടുത്തുന്നത് ആശുപത്രികളെ ബാധിക്കുമെന്ന് റെഡ്‌ക്രോസ് അന്താരാഷ്ട്ര കമ്മിറ്റി മുന്നറിയിപ്പ് നല്‍കി. ഗസ്സ തീരത്ത് മത്സ്യ ബന്ധനവും ഇസ്രയേല്‍ വിലക്കിയിരിക്കുകയാണ്.

ജറൂസലം: ഗസ്സയില്‍ അതിര്‍ത്തിക്ക് സമീപം ഇസ്രാഈല്‍ അക്രമം. ഇബ്രാഹിം അല്‍ നജ്ജാര്‍, മുഹമ്മദ് ഖിള്ര്‍ എന്നീ ഫലസ്തീനികളാണ് അക്രമത്തില്‍ കൊല്ലപ്പെട്ടത്. തിങ്കളാഴ്ച പ്രതിഷേധക്കാര്‍ക്കുനേരെ ഇസ്രാഈല്‍ സേന നടത്തിയ വെടിവെപ്പില്‍ 26 പേര്‍ക്ക് പരിക്കേറ്റതായി ഫലസ്തീന്‍ ആരോഗ്യ മന്ത്രാലയം അറിയിച്ചു. എന്നാല്‍ അതിര്‍ത്തി വേലിക്കുസമീപം സംശയാസ്പദമായി കണ്ട ഫലസ്തീന്‍ സംഘത്തിനുനേരെയാണ് വ്യോമാക്രമണം നടത്തിയതെന്ന് ഇസ്രാഈല്‍ പറയുന്നു. ദക്ഷിണ ഗസ്സയില്‍ വേലിക്ക് സമീപമെത്തിയ ഫലസ്തീനികള്‍ ഭീകരാരാണന്നും അവര്‍ എന്തോ വസ്തു സ്ഥാപിക്കുന്നത് സൈന്യത്തിന്റെ ശ്രദ്ധയില്‍ പെട്ടുവെന്നുമാണ് ഇസ്രാഈല്‍ വാദം. മാര്‍ച്ച് മുതല്‍ ഗസ്സയിലെ അതിര്‍ത്തി വേലിക്ക് സമീപം ഫലസ്തീനികള്‍ പ്രതിഷേധം തുടരുകയാണ്.