എന്നാല്‍ വാഹനത്തിലുണ്ടായിരുന്ന വലിയ നാല് ടയറുകളും മറ്റ് എക്‌സ്ട്രാ ഫിറ്റിംഗ്‌സുകളും അഴിച്ചുമാറ്റിയ നിലയിലാണുണ്ടായത്. എന്നാല്‍ ഇളക്കി മാറ്റിയ വാഹനത്തിന്‍റെ റൂഫ് പുനഃസ്ഥാപിച്ചിട്ടില്ല. വാഹനം ആര്‍ടിഒയ്ക്ക് കൈമാറുമെന്ന് പൊലീസ്‌ വ്യക്തമാക്കി. നിയമ ലംഘനത്തെ തുടര്‍ന്ന് മോട്ടോര്‍ വാഹന വകുപ്പ് നേരത്തെ വാഹനത്തിന് പിഴയീടാക്കുകയും വാഹനം കരിമ്പട്ടികയില്‍ ഉള്‍പ്പെടുത്തുകയും ചെയ്തിരുന്നു.

സിനിമയുടെ ഷൂട്ടിങ്ങിനായി കഴിഞ്ഞ മൂന്ന് ദിവസമായി സനൂപും രാഹുല്‍ രാജും ഫോര്‍ട്ട് കൊച്ചിയില്‍ ഉണ്ടായിരുന്നു. പ്രതികള്‍ ലഹരി ഉപയോഗിച്ചതായി സംശയമുണ്ടെന്ന് പൊലീസ് ചൂണ്ടിക്കാട്ടി. വാഹനത്തിന്റെ രേഖകള്‍ ചോദിച്ചപ്പോള്‍ ആദ്യം പൊലീസിനോട് തട്ടിക്കയറുകും പിന്നീട് കയ്യാങ്കളിയിലേക്ക് എത്തുകയായിരുന്നു.

സംഭവത്തില്‍ നാല് ബൈക്കുകള്‍ പൊലീസ് കസ്റ്റഡിയിലെടുത്തു. പിടിച്ചെടുത്ത ഒരു ബൈക്കിന്റെ കീ ചെയിനില്‍ ചെറിയ കത്തിയുടെ രൂപത്തിലായിരുന്നു.