ausis – Chandrika Daily

ലൈംഗിക വിവാദം; ആസ്‌ത്രേലിയന്‍ ഉപപ്രധാനമന്ത്രി ബര്‍ണാബി ജോയിസ് രാജിവെച്ചു

chandrika — Fri, 23 Feb 2018 10:07:59 +0000

മെല്‍ബണ്‍: ആസ്േ്രതലിയന്‍ ഉപപ്രധാനമന്ത്രി ബര്‍ണാബി ജോയിസ് രാജിവെച്ചു. മുന്‍ ജീവനക്കാരിയുമായി ലൈംഗിക ബന്ധത്തില്‍ ഏര്‍പ്പെട്ടെന്ന വിവാദത്തെ തുടര്‍ന്നാണ് രാജി. രാജികാര്യം ജോയിസ് തന്റെ ട്വിറ്റര്‍ എക്കൗണ്ടിലൂടെയാണ് അറിയിച്ചത്. തിങ്കളാഴ്ച പാര്‍ട്ടി യോഗത്തില്‍ രേഖാമൂലം രാജിക്കത്ത് നല്‍കുമെന്നും അദ്ദേഹം വ്യക്തമാക്കി. തനിക്ക് പിന്തുണ തന്ന എല്ലാവര്‍ക്കും നന്ദി അറിയിച്ചുകൊണ്ടാണ് ട്വീറ്റ്.

On Monday morning I will step down as the Leader of @The_Nationals and Deputy Prime Minister of Australia. I would like to thank everyone for offering their support to me, especially the people of New England.

— Barnaby Joyce (@Barnaby_Joyce) February 23, 2018

നാഷണല്‍ പാര്‍ട്ടി നേതാവായ ബര്‍ണാബി ജോയിസ് 2016ലാണ് ആസ്‌ത്രേലിയന്‍ ഉപപ്രധാനമന്ത്രിയായി ചുമതലയേല്‍ക്കുന്നത്. ഉപപ്രധാനമന്ത്രിക്കും മാല്‍കം ടേംബുള്‍ സര്‍ക്കാറിനുമെതിരെ പ്രതിപക്ഷ പാര്‍ട്ടികള്‍ പ്രതിഷേധം ശക്തമാക്കിയതോടെയാണ് ജോയിസിന്റെ രാജി.

മുന്‍ മാധ്യമ സെക്രട്ടറി വിക്കി കാംപൈനുമായുള്ള അടുപ്പമാണ് ജോയിസിന് വിനയായത്. ആരോപണത്തിന്റെ പശ്ചാത്തലത്തില്‍ ഔദ്യോഗിക ചുമതലകളില്‍ നിന്ന് കഴിഞ്ഞ ഒരാഴ്ചയായി ഉപപ്രധാനമന്ത്രി അവധിയിലായിരുന്നു.

നമ്പര്‍ വണ്‍ ഫെഡ്‌റര്‍

chandrika — Sun, 29 Jan 2017 18:49:17 +0000

മെല്‍ബണ്‍: ചരിത്രം സുന്ദരമാണ്…. റോജര്‍ ഫെഡ്‌ററെ പോലെ… കിരീട നേട്ടത്തിലും ടെന്നിസ് ആധികാരികതയിലും ലോകത്തോളം ഉയര്‍ന്ന താരം. ക്ലാസിക് ടെന്നിസിന്റെ ശക്തനായ വക്താവായി കാലഘട്ടം അംഗീകരിച്ച പ്രതിഭ. പ്രായത്തിന്റെ വേവലാതികള്‍ക്കിടയിലും സുന്ദരമായ ടെന്നിസിന്റെ ആ അശ്വമേഥം ഇന്നലെ ലോര്‍ഡ് ലേവര്‍ അറീന കണ്ടു. ഓസ്‌ട്രേലിയന്‍ ഓപ്പണ്‍ പുരുഷ സിംഗിള്‍സ് കിരീടം സൂപ്പര്‍ താരത്തിന്. സ്‌പെയിനിന്റെ റാഫേല്‍ നദാലിനെ അഞ്ച് സെറ്റ് നീണ്ട പോരാട്ടത്തില്‍ അടിയറവ് പറയിച്ചാണ് ഫെഡറര്‍ കീരീടം സ്വന്തമാക്കിയത്. മൂന്നു മണിക്കൂര്‍ 38 മിനിറ്റ് കൊണ്ടായിരുന്നു ഫെഡററുടെ വിജയം. അഞ്ച് വര്‍ഷത്തെ കാത്തിരിപ്പിന് ശേഷമാണ് ഫെഡറര്‍ ഒരു ഗ്രാന്‍സ്ലാം കിരീട വിജയം നേടുന്നത്. ഓസ്‌ട്രേലിയന്‍ ഓപണ്‍ കൂടി സ്വന്തമായതോടെ കരിയറിലെ 89-ാം കിരീടവും 18-ാം ഗ്രാന്‍സ്ലാം കിരീടവുമാണ് ഫെഡറര്‍ സ്വന്തമാക്കിയത്. രണ്ടിനെതിരെ മൂന്ന് സെറ്റുകള്‍ക്കാണ് ഫെഡറര്‍ നദാലിനെ തോല്‍പിച്ചത്. സ്‌കോര്‍: 6-4, 3-6, 6-1, 3-6, 6-3. ആദ്യ സെറ്റ് അനായാസം ജയിച്ച ഫെഡറര്‍ക്കെതിരെ രണ്ടാം സെറ്റ് തിരിച്ചുപിടിച്ച് നദാല്‍ ശക്തമായി തിരിച്ചടിച്ചു. ഇതോട മൂന്നാം സെറ്റ് 6-1ന് കൈക്കലാക്കുകയായിരുന്നു ഫെഡറര്‍. എന്നാല്‍ നാലാം സെറ്റ് 3-6ന് നദാല്‍ പിടിച്ചതോടെ മത്സരം നിര്‍ണായകമായ അഞ്ചാം സെറ്റിലേക്ക് നീണ്ടു. 6-3നായിരുന്നു അവസാന സെറ്റില്‍ ഫെഡറുടെ വിജയം. അവസാന സെറ്റില്‍ ആദ്യ രണ്ടു പോയിന്റുകള്‍ നദാല്‍ നേടിയതോടെ മത്സരം സ്പാനിഷ് താരത്തിനൊപ്പമാണെന്ന് തോന്നിച്ചു. എന്നാല്‍ സമ്മര്‍ദങ്ങളില്‍ പതറാതെ പരിചയസമ്പത്ത് കൂട്ടായപ്പോള്‍ അഞ്ച് വര്‍ഷത്തിനിപ്പുറം വീണ്ടും ഫെഡറര്‍ ഗ്രാന്‍സ്ലാം വിജയിയാകുകയായിരുന്നു. ഫെഡററുടെ അവസാന ഗ്രാന്‍സ്ലാം നേട്ടം 2012 ല്‍ ആയിരുന്നു. അന്ന് വിംബിള്‍ഡണ്‍ വിജയി ആയിരുന്നു ഫെഡ്. ഇതോടെ രണ്ട് വര്‍ഷത്തിനിപ്പുറം ഗ്ലാന്‍സ്ലാം കിരീടം സ്വന്തമാക്കാമെന്ന റാഫേലിന്റെ പ്രതീക്ഷയാണ് തകര്‍ന്നടിഞ്ഞത്. ഫെഡററുടെ അഞ്ചാം ഓസ്‌ട്രേലിയന്‍ ഓപ്പണ്‍ കിരീടമാണിത്. ഇതോടെ, ഏറ്റവുമധികം ഗ്രാന്‍സ്ലാം സിംഗിള്‍സ് കിരീടങ്ങള്‍ നേടിയ പുരുഷതാരമെന്ന റെക്കോര്‍ഡും ഫെഡറര്‍ അരക്കിട്ടുറപ്പിച്ചു. അതേ സമയം, ഗ്രാന്‍സ്ലാം ഫൈനലുകളില്‍ ഇരുവരും നേര്‍ക്കുനേര്‍ വന്നിട്ടുള്ളതില്‍ ഫെഡററിന്റെ മൂന്നാമത്തെ മാത്രം വിജയമാണിത്. ഗ്രാന്‍സ്ലാം ഫൈനലില്‍ നദാലിനെ തോല്‍പ്പിക്കുന്നത് 10 വര്‍ഷത്തിനുശേഷം ഇതാദ്യവും. 2007ല്‍ വിംബിള്‍ഡിനിലായിരുന്നു കിരീടപ്പോരാട്ടത്തില്‍ നദാലിനെതിരെ ഫെഡററിന്റെ അവസാന ജയം. അതിനു തൊട്ടുമുന്‍പുള്ള വര്‍ഷവും വിംബിള്‍ഡനില്‍ നദാലിനെ വീഴ്ത്തി ഫെഡറര്‍ കിരീടം നേടിയിരുന്നു. എന്നാല്‍, നേര്‍ക്കുനേര്‍ കീരീടപ്പോരാട്ടങ്ങളില്‍ നദാലിനെ വിജയം അനുഗ്രഹിച്ച സന്ദര്‍ഭങ്ങളായിരുന്നു ഏറെ: ഫ്രഞ്ച് ഓപ്പണ്‍ (2006, 2007, 2008, 2011), വിംബിള്‍ഡന്‍ (2008), ഓസ്‌ട്രേലിയന്‍ ഓപ്പണ്‍ (2009) എന്നിവ നദാലിനൊപ്പം നിന്നിരുന്നു.

ദേശീയദിനാഘോഷത്തിനിടെ ഓസ്‌ട്രേലിയയില്‍ വിമാനം തകര്‍ന്ന് മരണം

chandrika — Fri, 27 Jan 2017 14:36:14 +0000

സിഡ്‌നി: ഓസ്‌ട്രേലിയന്‍ ദേശീയ ദിനാഘോഷങ്ങള്‍ക്കിടെ വിമാനം നദിയില്‍ തകര്‍ന്ന് വീണ് രണ്ട് മരണം. പെര്‍ത്തിലായിരുന്നു അപകടം. ദേശീയ ദിനാഘോഷത്തിന്റെ ഭാഗമായി നടക്കാനിരുന്ന വെടിക്കെട്ട് കാണാന്‍ എത്തിയ അറുപതിനായിരത്തോളം ആളുകളുടെ മുന്നിലാണ് വിമാനം തകര്‍ന്ന് വീണത്.

വിമാന ഉടമയും പൈലറ്റുമായ പീറ്റര്‍ അന്തോണി ലിഞ്ചും പങ്കാളി എന്‍ഡാഹ് കാക്രവതി എന്നിവരാണ് മരിച്ചത്. ഇന്തോനേഷ്യന്‍ പൗരയായ എന്‍ഡാഹ് പബ്ലിക് റിലേഷന്‍ മാനേജര്‍ കൂടിയാണ്. ആഘോഷങ്ങളഉടെ ഭാഗമായി ആകാശ പ്രകടനം നടത്തുകയാണെന്നാണ് കാണികള്‍ കരുതിയിരുന്നത്. എന്നാല്‍, വിമാനം ചരിഞ്ഞു പറന്ന വിമാനം സ്വാന്‍ നദിയിലേക്ക് പതിക്കുകയായിരുന്നു.
കഴിഞ്ഞ വര്‍ഷം വരെ യു.എസില്‍ നിന്നു ഓസ്‌ട്രേലിയയിലേക്ക് പറന്നിരുന്ന ഗ്രമ്മന്‍ ജി-73 മല്ലാര്‍്ഡ് വിമാനമാണ് തകര്‍ന്നതെന്ന് വീണതെന്ന് അധികൃതര്‍ അറിയിച്ചു.

#Plane crashes into the Swan River. Horrible sight. Filmed by Mark Annett-Stuart. #AustraliaDay #Perth pic.twitter.com/MPI5wRSxeO

— Jorden Teo (@JordenTeo) January 26, 2017

ഓസീസ് തുടങ്ങി; ദക്ഷിണാഫ്രിക്ക ഒടുങ്ങി

chandrika — Thu, 03 Nov 2016 17:48:29 +0000

പെര്‍ത്ത്: ദക്ഷിണാഫ്രിക്കയുടെ ഓസ്‌ട്രേലിയന്‍ പര്യടനത്തിലെ ആദ്യ ദിനം ആതിഥേയരുടെ ആധിപത്യം. ടോസ് നേടി ബാറ്റിങ് തെരഞ്ഞെടുത്ത ദക്ഷിണാഫ്രിക്കക്കാരുടെ ഒന്നാം ഇന്നിങ്‌സ് 242 റണ്‍സില്‍ ഒതുക്കി ഓസ്‌ട്രേലിയ ബാറ്റിങ് തുടങ്ങി. ഒന്നാം ദിവസം കളിയവസാനിക്കുമ്പോള്‍ 21 ഓവറില്‍ വിക്കറ്റ് നഷ്ടമില്ലാതെ 105 റണ്‍സാണ് ഓസ്‌ട്രേലിയയുടെ നേട്ടം. നാലു വിക്കറ്റെടുത്ത മിച്ചല്‍ സ്റ്റാര്‍ക് ബൗളിങില്‍ മിന്നിയപ്പോള്‍ ഏകദിന ശൈലിയില്‍ 73 റണ്‍സടിച്ച് പുറത്താകാതെ നില്‍ക്കുന്ന ഡേവിഡ് വാര്‍ണറായിരുന്നു ബാറ്റിങിലെ ഹീറോ. 62 പന്തില്‍ പതിമൂന്ന് ബൗണ്ടറികളും ഒരു സിക്‌സറും സഹിതമാണ് വാര്‍ണര്‍ 73 റണ്‍സടിച്ചത്. 67 പ്ന്തില്‍ 29 റണ്‍സുമായി ഷോണ്‍ മാര്‍ഷാണ് മറുഭാഗത്ത്.

സ്റ്റാര്‍ക്കിനു പുറമെ, മൂന്നു വിക്കറ്റെടുത്ത ജോഷ് ഹാസില്‍വുഡ് കൂടി ചേര്‍ന്നതോടെ ദക്ഷിണാഫ്രിക്ക കൂട്ടത്തകര്‍ച്ച നേരിടുകയായിരുന്നു. മുന്‍നിര തരിപ്പണമായ ശേഷം മധ്യനിരയില്‍ ക്വിന്റണ്‍ ഡി കോക്കും (84) ടെംബ ബവുമയും (51) ചേര്‍ന്നാണ് ദക്ഷിണാഫ്രിക്കയെ മാന്യമായ സ്‌കോറിലേക്ക് നയിച്ചത്. സ്റ്റീഫന്‍ കുക്ക് (പൂജ്യം), ഡീന്‍ എല്‍ഗര്‍ (12), ഹാശിം അംല (പൂജ്യം), ജെ.പി ഡുമിനി (11), ക്യാപ്റ്റന്‍ ഫാഫ് ഡു പ്ലെസിസ് (37) എന്നിവര്‍ക്കൊന്നും തിളങ്ങാനായില്ല. നഥാന്‍ ലിയോണ്‍ രണ്ടും പീറ്റര്‍ സിഡില്‍ ഒന്നും വിക്കറ്റ് നേടി.