സുപ്രീം കോടതി ഉത്തരവ് പ്രകാരം പള്ളി നിര്‍മാണത്തിനായി അയോധ്യ നഗരത്തില്‍ നിന്നും 25 കിലോമീറ്റര്‍ അകലെ ധാന്നിപൂര്‍ ഗ്രാമത്തിലാണ് പള്ളി നിര്‍മാണത്തിനായി അഞ്ചേക്കര്‍ ഭൂമി അനുവധിച്ചത്. ഉത്തര്‍ പ്രദേശ് സുന്നി സെന്‍ട്രല്‍ വഖ് ബോര്‍ഡ് ആണ് നിര്‍മാണ അനുമതിക്കായി അയോധ്യ ഡെവലപ്‌മെന്റ് അതോറിറ്റിക്കാ പ്ലാന്‍ നല്‍കിയത്. ഇതാണ് വിവിധ സര്‍ക്കാര്‍ വകുപ്പുകളില്‍ നിന്നും നിരാക്ഷേപ പത്രം (എന്‍.ഒ.സി) ലഭിച്ചില്ലെന്ന് ചൂണ്ടികാട്ടി ഉത്തര്‍ പ്രദേശ് സര്‍ക്കാര്‍ ധാന്നിപൂര്‍ ഗ്രാമത്തിലെ പള്ളി നിര്‍മാണ അപേക്ഷ നിരസിച്ചത്.

ഉത്തര്‍ പ്രദേശില്‍ നിന്നുള്ള മാധ്യമ പ്രവര്‍ത്തകന്‍ ഓം പ്രകാശ് സിങ് ആണ് വിവരാവകാശ നിയമ പ്രകാരം വിശദാംശങ്ങള്‍ പുറത്തുകൊണ്ടു വന്നത്.

2021 ജൂണ്‍ 23നാണ് പള്ളി നിര്‍മാണചുമതലയുള്ള ട്രസ്റ്റ് പ്ലാന്‍ സമര്‍പ്പിച്ചത്. എന്നാല്‍, പൊതുമരാമത്ത് വിഭാഗം, മലിനീകരണ നിയന്ത്രണ വിഭാഗം, സിവില്‍ ഏവിയേഷന്‍, ജലസേചനം, റവന്യൂ, മുനിസിപ്പല്‍ കോര്‍പറേഷന്‍, ഫയര്‍ സര്‍വീസ് തുടങ്ങിയ വകുപ്പുകള്‍ പ്രസ്തുത സ്ഥലത്തെ പള്ളി നിര്‍മാണത്തിന് എന്‍.ഒ.സി നല്‍കാത്തതിനെ തുടര്‍ന്ന് പ്ലാന്‍ തള്ളിയതായി അയോധ്യ ഡെവലപ്‌മെന്റ് അതോറിറ്റി ആര്‍.ടി.ഐ മറുപടിയില്‍ അറിയിച്ചു. അപേക്ഷക്കൊപ്പം പള്ളി നിര്‍മാണ ട്രസ്റ്റ് എ.ഡി.എയില്‍ നാല് ലക്ഷം രൂപ സെക്യുരിറ്റി ഡെപോസിറ്റ് ആയി നിക്ഷേപിച്ചിട്ടുണ്ട്. പ്ലാന്‍ നിരസിച്ചതായി ഔദ്യോഗികമായി ഒരു അറിയിപ്പും ലഭിച്ചിട്ടില്ലെന്ന് ട്രസ്റ്റ് സെക്രട്ടറി അതാര്‍ ഹുസൈന്‍ പ്രതികരിച്ചു.

1992 ഡിസംബര്‍ ആറിനായിരുന്നു തീവ്രഹിന്ദുത്വ വാദികള്‍ ബാബരി മസ്ജിദ് അടിച്ചു തകര്‍ത്തത്. ഒടുവില്‍ പതിറ്റാണ്ടുകള്‍ ശേഷം 2019 നവംബര്‍ ഒമ്പതിനായിരുന്നു കേസില്‍ സുപ്രീം കോടതി ചരിത്രപ്രസിദ്ധ വിധിന്യായം നടത്തിയത്. ബാബരി മസ്ജിദ് നിലനിന്ന സ്ഥലം രാമജന്മഭൂമിയായി പ്രഖ്യാപിച്ച കോടതി ഇവിടെ രാമക്ഷേത്രം പണിയാന്‍ അനുവാദം നല്‍കി. ഒപ്പം, മുസ്‌ലിം വിഭാഗങ്ങള്‍ക്കായി പള്ളി നിര്‍മിക്കാന്‍ അയോധ്യയില്‍ തന്നെ അഞ്ചേക്കര്‍ ഭൂമി വിട്ടു നല്‍കാനും നിര്‍ദേശിച്ചു.

അഞ്ചു വര്‍ഷത്തിനുള്ളില്‍ രാമക്ഷേത്ര നിര്‍മാണം പൂര്‍ത്തിയാക്കുകയും, 2024 ജനുവരിയില്‍ പ്രധാനമന്ത്രി നരേന്ദ്രമോദി പ്രാണപ്രതിഷ്ഠ നിര്‍വഹിക്കുകയും ചെയ്തു. സുന്നി വഖഫ് ബോര്‍ഡിന് 2020 ഫെബ്രുവരിയില്‍ സൊഹാവലിലെ ധാന്നിപൂര്‍ ഗ്രാമത്തില്‍ ഭൂമി കൈമാറിയെങ്കിലും പ്ലാന്‍ അംഗീകാരം പോലും നല്‍കാത്തതിനെ തുടര്‍ന്ന് അഞ്ചു വര്‍ഷം പിന്നിട്ടിട്ടും നിര്‍മാണം അനന്തമായി നീളുകയാണ്.

മസ്ജിദ് ഇ അയോധ്യയെന്ന പേരില്‍ പള്ളി, ആശുപത്രി, സാമൂഹിക അടുക്കള, ലൈബ്രറി, ഗവേഷണ കേന്ദ്രം എന്നിവ ഉള്‍പ്പെടുന്നതാണ് അഞ്ചേക്കര്‍ ഭൂമിയിലെ പള്ളി. എന്നാല്‍, പള്ളി നിര്‍മാണത്തിനായി ഫണ്ട് കണ്ടെത്തുന്നത് സംബന്ധിച്ച് വെല്ലുവിളികളും ട്രസ്റ്റ് നേരിടുന്നുണ്ട്.

മസ്ജിദ് നിര്‍മാണത്തിനായി അയോധ്യയിലെ ധാന്നിപൂര്‍ ഗ്രാമത്തില്‍ അനുവദിച്ച അഞ്ചേക്കര്‍ ഭൂമിയില്‍ പള്ളി ഉള്‍പ്പെടെ ഒരു ആശുപത്രിയും മ്യൂസിയവും ലൈബ്രറിയും നിര്‍മിക്കുമെന്നാണ് റിപ്പോര്‍ട്ട്. ‘ധാന്നിപ്പൂരില്‍ നിര്‍മിക്കുന്ന പള്ളി ഉള്‍പ്പെടുന്ന സമുച്ചയത്തില്‍ ആശുപത്രി, ഇന്തോ-ഇസ്ലാമിക് റിസര്‍ച്ച് സെന്ററിന്റെ ഭാഗമായ ഒരു മ്യൂസിയം ലൈബ്രറി തുടങ്ങിയ സൗകര്യങ്ങളുണ്ടായിരിക്കും, ഇന്തോ ഇസ്ലാമിക് കൺച്ചറൽ ഫൗണ്ടേഷൻ സെക്രട്ടറിയും വക്താവുമയ അത്താര്‍ ഹുസൈൻ വാര്‍ത്താ ഏജൻസിയോട് പറഞ്ഞു. പള്ളി നിര്‍മാണത്തിനായി സുപ്രിം കോടതി അനുവദിച്ച അഞ്ചേക്കര്‍ സ്ഥലത്ത് നിര്‍മാണ പ്രവര്‍ത്തനങ്ങള്‍ നടത്താനായി ഉത്തര്‍ പ്രദേശ് സുന്നി സെന്‍ട്രല്‍ വഖബ് ബോര്‍ഡ് രൂപീകരിച്ച ട്രസ്റ്റാണ് ഇന്തോ-ഇസ്ലാമിക് കള്‍ച്ചറല്‍ ഫൗണ്ടേഷന്‍.

ഡല്‍ഹി ജാമിയ മിലിയ സര്‍വകലാശാലയിലെ പ്രൊഫസറായ എസ് എം അക്തര്‍ ആയിരിക്കും പദ്ധതിയുടെ കണ്‍സള്‍ട്ടന്റ് ആര്‍ക്കിടെക്റ്റ്. ഇന്ത്യയുടെ മൂല്യങ്ങളുടെയും ഇസ്ലാമിന്റെ ആത്മാവിന്റെയും സംയോജനമായിരിക്കും മോസ്‌ക് സമുച്ചയമെന്ന് നേരത്തെ എസ് എം അക്തര്‍ വ്യക്തമാക്കിയിരുന്നു. പുതിയ പള്ളി ആധുനിക കണ്ടംപൊററി രീതിയിലായിരിക്കുമെന്നും ബാബരി മസ്ജിദുമായി ഒരു സാമ്യവും ഉണ്ടായിരിക്കില്ലെന്നും അക്തര്‍ പ്രതികരിച്ചിരുന്നു.

റിട്ടയേഡ് പ്രൊഫസറും പ്രസിദ്ധ ഭക്ഷണനിരൂപകനുമായ പുഷ്‌പേഷ് പന്ത് ആയിരിക്കും മ്യൂസിയത്തിന്റെ ക്യൂറേറ്റര്‍. 15000 ചതുരശ്ര അടി വലുപ്പം കരുതുന്ന മസ്ജിദിന് രാമക്ഷേത്രത്തോളം തന്നെ വലുപ്പമുണ്ടാകുമെന്നാണ് വിലയിരുത്തല്‍.

കോടതി നിര്‍ദ്ദേശപ്രകാരം എല്ലാ കക്ഷികളും മധ്യസ്ഥചര്‍ച്ചക്കായുള്ള പാനല്‍ നിര്‍ദ്ദേശിച്ചിട്ടുണ്ട്. മുന്‍ ചീഫ് ജസ്റ്റിസുമാരായ ദീപ്കമിശ്ര, ജെ.എസ് കെഹാര്‍, ജസ്റ്റിസ് എ.കെ പട്‌നായിക് എന്നിവരുടെ പേരുകളാണ് ഹിന്ദുമഹാസഭ നിര്‍ദ്ദേശിച്ചത്.

ജസ്റ്റിസുമാരായ കുര്യന്‍ ജോസഫ്, എ.കെ പട്‌നായിക്, ജി.എസ് സിങ്വി എന്നിവരുടെ പേരുകള്‍ നിര്‍മോഹി അഖാഡ മുന്നോട്ടു വച്ചു. രാമക്ഷേത്രം നിര്‍മ്മിക്കുന്നതില്‍ കുറഞ്ഞ ഒത്തുതീര്‍പ്പിനില്ലെന്ന് ഹിന്ദു മഹാസഭയും മധ്യസ്ഥനീക്കത്തോട് യോജിപ്പെന്ന് മുസ്ലിം സംഘടനകളും അറിയിച്ചിട്ടുണ്ട്.

सी पी जोशी जी का बयान कांग्रेस पार्टी के आदर्शों के विपरीत है। पार्टी के नेता ऐसा कोई बयान न दें जिससे समाज के किसी भी वर्ग को दुःख पहुँचे।

कांग्रेस के सिद्धांतों, कार्यकर्ताओं की भावना का आदर करते हुए जोशीजी को जरूर गलती का अहसास होगा। उन्हें अपने बयान पर खेद प्रकट करना चाहिए।

— Rahul Gandhi (@RahulGandhi) November 23, 2018

രാഹുലിന്റെ നിര്‍ദേശത്തിന് പിന്നാലെ ജോഷി മാപ്പു പറയുകയും ചെയ്തു. തന്റെ പ്രസ്താവനയെ ബി.ജെ.പി ദുര്‍വ്യാഖാനം ചെയ്‌തെന്ന വിശദീകരണത്തോടെയാണ് രാജസ്ഥാനിലെ നാഥ്ദ്വാരാ മണ്ഡലത്തിലെ സ്ഥാനാര്‍ത്ഥി കൂടിയായ ജോഷി ഖേദം പ്രകടിപ്പിച്ചത്.
ഈ രാജ്യത്ത് മതത്തെക്കുറിച്ച് ആര്‍ക്കെങ്കിലും അറിയാമെങ്കില്‍ അത് പണ്ഡിറ്റുകള്‍ക്കും ബ്രാഹ്മണര്‍ക്കും മാത്രമാണ്. ലോധ് സമാജത്തില്‍പ്പെട്ട ഉമാഭാരതി ഹിന്ദുമതത്തെക്കുറിച്ച് സംസാരിക്കുന്നത് വിചിത്രമാണ്. വേറേതോ മതത്തില്‍പ്പെട്ട സാധ്വിജി ഹിന്ദുമതത്തെക്കുറിച്ച് സംസാരിക്കുന്നു. മറ്റേതോ മതത്തില്‍പ്പെട്ടയാളാണ് നരേന്ദ്രമോദിജി, അദ്ദേഹവും ഹിന്ദുക്കളെക്കുറിച്ച് പറയുന്നു.- ഇതായിരുന്നു ജോഷിയുടെ പ്രസംഗം.
രാമക്ഷേത്ര വിഷയം സംഘപരിവാര്‍ ഉയര്‍ത്തുമ്പോള്‍ ബാബറി മസ്ജിദ് തുറന്നുകൊടുത്തത് മുന്‍ പ്രധാനമന്ത്രി രാജീവ് ഗാന്ധിയാണെന്നും ജോഷി അവകാശപ്പെട്ടു. രാമക്ഷേത്രം അയോധ്യയില്‍ നിര്‍മ്മിക്കണമെങ്കില്‍ രാജ്യത്ത് ഒരു കോണ്‍ഗ്രസ് പ്രധാനമന്ത്രി വരണമെന്നും അദ്ദേഹം പറഞ്ഞു. ഇതിന് പിന്നാലെയാണ് മോദിയുടെയും ഉമാഭാരതിയുടെയും ജാതി പറഞ്ഞ് ഇരുവര്‍ക്കും ഹിന്ദു മതത്തെക്കുറിച്ച് പറയാന്‍ എന്ത് അവകാശമാണുള്ളതെന്ന് സി.പി.ജോഷി വോട്ടര്‍മാരോട് ചോദിച്ചത്. ഗുജറാത്തിലെ ബി.ജെ.പി എം.എല്‍.എ ഹര്‍ഷ് സാങ്‌വി ഇതിന്റെ വീഡിയോ പുറത്തുവിട്ടതോടെയാണ് സംഭവം വിവാദമായത്.

ബാബരി മസ്ജിദ് സ്ഥലത്തിന്റെ ഉടമസ്ഥാവകാശം തങ്ങള്‍ക്കു മാത്രമാണെന്നും ഇക്കാര്യത്തിലുള്ള പ്രശ്‌ന പരിഹാരത്തിന് തങ്ങളുമായാണ് ചര്‍ച്ച നടത്തേണ്ടതെന്നും ഷിയാ വഖഫ് ബോര്‍ഡ് 30 പേജുള്ള സത്യവാങ്മൂലത്തില്‍ അവകാശപ്പെടുന്നു. ബാബരി കേസില്‍ കക്ഷിയായിരുന്ന സുന്നി വഖഫ് ബോര്‍ഡിനെ എതിര്‍ത്തു കൊണ്ടുള്ള നിലപാടാണ് ഷിയാ ബോര്‍ഡ് സ്വീകരിച്ചിരിക്കുന്നത്.

ബാബരി മസ്ജിദ് നിന്നിരുന്ന സ്ഥലം രാമജന്മഭൂമിയാണെന്ന് അംഗീകരിച്ചു കൊണ്ടാണ് ഷിയാ ബോര്‍ഡിന്റെ പരാമര്‍ശങ്ങള്‍. ‘മര്യാദാ പുരുഷോത്തമനായ ശ്രീരാമന്റെ പൂജനീയമായ ജന്മസ്ഥലത്തു നിന്ന് നിശ്ചിത അകലം പാലിച്ച് മുസ്ലിം ഭൂരിപക്ഷ പ്രദേശത്ത് പള്ളി നിര്‍മിച്ച് പ്രശ്‌ന പരിഹാരം തേടണം’ – സത്യവാങ്മൂലത്തില്‍ പറയുന്നു.

ബാബരി മസ്ജിദിനെ സംബന്ധിച്ച് നിലനില്‍ക്കുന്ന തര്‍ക്കങ്ങള്‍ പരിഹരിക്കുന്നതിന് പ്രത്യേക സമിതിയെ നിയമിക്കാന്‍ സമയം അനുവദിക്കണമെന്ന് ഷിയാ വഖഫ് ബോര്‍ഡ് സുപ്രീം കോടതിയോട് അഭ്യര്‍ത്ഥിച്ചു. ബി.ജെ.പിയുമായി അടുപ്പം സൂക്ഷിക്കുന്ന ഷിയാ വഖഫ് ബോര്‍ഡിന്റെ പുതിയ സത്യവാങ്മൂലം, ബാബരി മസ്ജിദ് കേസില്‍ സുന്നി വഖഫ് ബോര്‍ഡിന്റെ വാദങ്ങള്‍ ദുര്‍ബലപ്പെടുത്താനുദ്ദേശിച്ചുള്ളതാണെന്ന് സൂചനയുണ്ട്.

അലഹാബാദ് ഹൈക്കോടതിയുടെ വിധിക്കെതിരായ ഹര്‍ജികള്‍ പരിഗണിക്കാന്‍ ജസ്റ്റിസുമാരായ ദീപക് മിശ്ര, അശോക് ഭൂഷണ്‍, എസ്.എ നസീര്‍ എന്നിവരടങ്ങുന്ന മൂന്നംഗ ബെഞ്ചിനെ ചീഫ് ജസ്റ്റിസ് ജെ.എസ് ഖേഹര്‍ നിയമിച്ചിരുന്നു. 2010 ല്‍ അലബാഹാദ് ഹൈക്കോടതിയുടെ ലഖ്‌നൗ ബെഞ്ച് ബാബരി മസ്ജിദ് തകര്‍ക്കപ്പെട്ട 2.77 ഏക്കര്‍ സ്ഥലം മൂന്നായി വിഭജിച്ചു കൊണ്ടാണ് വിധി പറഞ്ഞത്. സുന്നി വഖഫ് ബോര്‍ഡ്, നിര്‍മോഹി അഖാഡ, രാം ലല്ല എന്നീ കക്ഷികള്‍ക്ക് ഈ ഭൂമി തുല്യമായി വീതിച്ചു കൊണ്ടായിരുന്നു ഹൈക്കോടതി വിധി.

നേരത്തെ വിചാരണക്കോടതി ഇവര്‍ക്കെതിരെയുള്ള ഗൂഢാലോചനക്കുറ്റം റദ്ദാക്കിയിരുന്നു. എന്നാല്‍ 2010-ല്‍ അലഹബാദ് ഹൈക്കോടതി അത് ശരിവെക്കുകയുമായിരുന്നു. ഇതിനെതിരെ സുപ്രീംകോടതിയില്‍ നല്‍കിയ ഹര്‍ജിയില്‍ ഗൂഢാലോചനകുറ്റം പുന:സ്ഥാപിക്കാന്‍ സുപ്രീംകോടതി ഉത്തരവിടുകയായിരുന്നു. പ്രതികളായ 14പേര്‍ക്കും ഗൂഢാലോചന കുറ്റം പുന:സ്ഥാപിക്കാന്‍ സുപ്രീംകോടതി ഉത്തരവിട്ടു.

രണ്ടുവിഭാഗങ്ങള്‍ തമ്മില്‍ സ്പര്‍ധ വളര്‍ത്തല്‍, രാജ്യത്തിന്റെ അഖണ്ഡതക്ക് എതിരായ പ്രചാരണവും ആരോപണവും ഉന്നയിക്കല്‍, തെറ്റായ പ്രസ്താവനകള്‍, ക്രമസമാധാനത്തകര്‍ച്ചയുണ്ടാക്കുന്ന വിധത്തില്‍ അഭ്യൂഹങ്ങള്‍ പ്രചരിപ്പിക്കല്‍, ഗൂഢാലോചന എന്നിവയാണ് പ്രതികള്‍ക്കെതിരായി ചുമത്തിയിരിക്കുന്ന കുറ്റങ്ങള്‍.

ബാബരി മസ്ജിദ് തകര്‍ത്ത സംഭവത്തില്‍ എല്‍.കെ അദ്വാനി, മുരളി മനോഹര്‍ ജോഷി, ഉമാ ഭാരതി ഉള്‍പ്പെടെ മുതിര്‍ന്ന ബിജെപി നേതാക്കള്‍ക്കെതിരായ ഗൂഢാലോചനക്കുറ്റം സുപ്രീംകോടതി പുനഃസ്ഥാപിച്ചതിനു പിന്നാലെയാണ് വേദാന്തി പുതിയ അവകാശവാദവുമായി രംഗത്തുവന്നത്. 1992 ഡിസംബര്‍ ആറിനു ബാബറി മസ്ജിദിനു മുന്നില്‍ അണി നിരന്ന ആയിരക്കണക്കിനാളുകളെ മസ്ജിദ് തകര്‍ക്കാന്‍ പ്രേരിപ്പിച്ചത് അദ്വാനിയോ മറ്റ് ബിജെപി നേതാക്കളോ അല്ല, മറിച്ച് താനാണെന്നാണ് വേദാന്തി പറയുന്നത്.

അദ്വാനിയും ജോഷിയും രാജ്മാതാ വിജയരാജെ ഷിന്റെയും ചേര്‍ന്ന് തന്റെ കൈയില്‍ നിന്ന് മൈക്രോഫോണ്‍ പിടിച്ചു വാങ്ങി കര്‍സേവകരോട് താഴെയിറങ്ങാന്‍ ആവശ്യപ്പെട്ടിരുന്നു. തനിക്കു പുറമെ മുന്‍ ബിജെപി എംപി മഹാന്ദ് അവൈദ്യനാഥ്, വിഎച്ച്പി നേതാവ് അശോക് സിങ്ഹാല്‍ എന്നിവരും തനിക്കൊപ്പം കര്‍സേവകരെ പ്രകോപിപ്പിക്കുന്നതില്‍ ഉള്‍പ്പെട്ടിരുന്നുവെന്നും വേദാന്തി പറയുന്നു. അവൈദ്യനാഥും സിങ്ഹാലും ഇപ്പോള്‍ ജീവിച്ചിരിപ്പില്ല. അവര്‍ ഉണ്ടായിരുന്നെങ്കില്‍ അദ്വാനിയുടെ പങ്ക് വ്യക്തമാകുമായിരുന്നുവെന്നും വേദാന്തി പറഞ്ഞു.
സുപ്രീംകോടതി ഗുഢാലോചന്ക്കുറ്റം പുനഃസ്ഥാപിച്ച സാഹചര്യത്തില്‍ അദ്വാനി ഉള്‍പ്പെടെ മുതിര്‍ന്ന നേതാക്കളെ വിചാരണയില്‍ നിന്ന് ഒഴിവാക്കുന്നതിന്് വേദാന്തിയെ ഇറക്കി ബിജെപി പുതിയ തന്ത്രം ഇറക്കുകയാണെന്ന് പരക്കെ ആക്ഷേപമുയരുന്നുണ്ട്.