മറ്റൊരു സിനിമയുമായി ബന്ധപ്പെട്ട് തിരക്കിലായ ശ്രീദേവി ബാഹുബലിയില്‍ നിന്ന് ഒഴിവായി. എന്നാല്‍ താരം പിന്മാറിയതു സംബന്ധിച്ച് നിരവധി അഭ്യൂഹങ്ങള്‍ ഉയര്‍ന്നു.

ശിവകാമിയെ ശ്രീദേവി ഒഴിവാക്കിയതു സംബന്ധിച്ച് സംവിധായകന്‍ എസ്.എസ് രാജമൗലി നടത്തിയ പരാമര്‍ശവുമായി വിവാദമായിരുന്നു. എന്നാല്‍ ഇപ്പോള്‍ തന്റെ പരാമര്‍ശത്തില്‍ ശ്രീദേവിയോട് ക്ഷമാപണം നടത്തിയിരിക്കുകയാണ് രാജമൗലി.

ശ്രീദേവിയുടെ നിബന്ധനകള്‍ അംഗീകരിക്കാന്‍ കഴിയാതെ വന്നപ്പോള്‍ അവരെ ഒഴിവാക്കുകയായിരുന്നുവെന്നാണ് രാജമൗലി നേരത്തെ വെളിപ്പെടുത്തിയിരുന്നത്. അത് അനുഗ്രമായി തോന്നുന്നുവെന്നും രാജമൗലി പ്രതികരിച്ചിരുന്നു.

ഇതേക്കുറിച്ച് ശ്രീദേവി ആദ്യം പ്രതികരിച്ചിരുന്നില്ല. എന്നാല്‍ തന്റെ പുതിയ ചിത്രത്തിന്റെ പ്രചാരണവുമായി ബന്ധപ്പെട്ട അഭിമുഖത്തില്‍ ശ്രീദേവി മറുപടി നല്‍കിയതോടെയാണ് രാജമൗലി ക്ഷമാപണം നടത്തിയത്.

ശ്രീദേവിയുടെ വാക്കുകള്‍:

‘ശിവകാമിയാവാന്‍ ഞാന്‍ പത്തു കോടി ചോദിച്ചു, ഹോട്ടലിന്റെ ഒരു നില മുഴുവനായും എനിക്ക് വിട്ടുതരണമെന്ന് ആവശ്യപ്പെട്ടു, സിനിമയിലെ ഷെയറും 10 വിമാന ടിക്കറ്റുകളും ചോദിച്ചു. ഇതല്ലേ എന്നെക്കുറിച്ചുള്ള ആരോപണം? 50 വര്‍ഷമായി സിനിമയില്‍ വിവിധ ഭാഷകളിലായി 300ലധികം സിനിമകളില്‍ അഭിനയിച്ച ഞാന്‍ ഇത്തരം ആവശ്യങ്ങള്‍ ഉന്നയിക്കുമെന്ന് തോന്നുന്നുണ്ടോ? എന്നോട് സംസാരിച്ചത് നിര്‍മാതാവാണ്. നിര്‍മാതാവ് രാജമൗലിയെ തെറ്റിദ്ധരിപ്പിച്ചതായിരിക്കാം. താന്‍ ഇത്രയും ആവശ്യങ്ങളൊന്നും ഉന്നയിച്ചിട്ടില്ല. മറ്റൊരു സിനിമയുടെ തിരക്കിലായതിനാലാണ് ബാഹുബലി ഒഴിവാക്കിയത്. രാജമൗലിയുടെ വാക്കുകള്‍ ഏറെ വേദനിപ്പിച്ചു’.

ശ്രീദേവിയുടെ പ്രതികരണം വന്നതോടെ ക്ഷമാപണവുമായി രാജമൗലിയും രംഗത്തുവരികയായിരുന്നു. ‘ജനങ്ങള്‍ക്ക് ആരുടെ വാക്കുകള്‍ വേണമെങ്കിലും വിശ്വസിക്കാം. ഞാന്‍ അത്തരത്തില്‍ ശ്രീദേവിയെക്കുറിച്ച് പൊതുസ്ഥലത്ത് പറയാന്‍ പാടില്ലായിരുന്നു. ശ്രീദേവിജിയോട് ഏറെ ബഹുമാനമുണ്ട്. മുംബൈ കീഴടക്കിയ തെന്നിന്ത്യന്‍ താരങ്ങളുടെ പ്രതീകമാണവര്‍. എന്റെ വാക്കുകളില്‍ ഞാന്‍ അവരോട് ക്ഷമാപണം നടത്തുന്നു. പുതിയ ചിത്രം വലിയ വിജയമായി തീരട്ടെ’-രാജമൗലി പറഞ്ഞു.

ക്ലൈമാക്‌സ് സീനില്‍ തന്റെ കഥാപാത്രം ഇല്ലെന്ന കാര്യം തനിക്ക് നേരത്തെ തന്നെ അറിയാം. സിനിമയില്‍ തന്റെ ഭാഗങ്ങള്‍ ഏതൊക്കെയാണെന്നും മനസിലാക്കിയിരുന്നു. ബാഹുബലി 2ന്റെ ക്ലൈമാക്‌സില്‍ താന്‍ ഉണ്ടെന്ന് ഒരിടത്തും പറഞ്ഞിരുന്നില്ലെന്നും തമന്ന വ്യക്തമാക്കിയിരുന്നു. എന്നാല്‍ അതിനുശേഷമിതാ തമന്നയെ ഫേസ്ബുക്കും ഒഴിവാക്കിയിരിക്കുന്നു. ഫേസ്ബുക്കിലെ ബാഹുബലി സ്റ്റിക്കേഴ്‌സില്‍ തമന്ന ഇല്ല. ബാഹുബലിയും ഭല്ലാലദേവനും കട്ടപ്പയും ശിവഗാമിയും കാലകേയനും ഫേസ്ബുക്കിലുണ്ട്. അതില്‍ തമന്ന മാത്രം ഇല്ല. ഫേസ്ബുക്കില്‍ ആദ്യമായാണ് ഒരു ഇന്ത്യന്‍ സിനിമയുടെ സ്റ്റിക്കര്‍ ഇടം നേടുന്നത്. എന്നാല്‍ അതില്‍ തമന്ന ഇല്ലെന്നുള്ളത് അവരെ തഴഞ്ഞതിന് തെളിവാണെന്നാണ് ഉയര്‍ന്നുവരുന്ന ആരോപണം.

അതേസമയം, തിയ്യേറ്ററുകളില്‍ ബാഹുബലി-2 നിറഞ്ഞോടുകയാണ്. 1500കോടിക്കുമുകളില്‍ കുതിക്കുമ്പോഴും കേരളത്തില്‍ 100കോടി നേടുമോ എന്നാണ് പ്രേക്ഷകരുടെ ആകാംക്ഷ.

ഇത് ആദ്യമായല്ല പ്രഭാസ് ഇത്തരത്തിലുള്ള തീരുമാനം എടുക്കുന്നതെന്ന് അദ്ദേഹം കൂട്ടിച്ചേര്‍ത്തു. ബാഹുബലി -വിന് ശേഷം ഒരു മാസത്തെ വിശ്രമത്തിന് വേണ്ടി പ്രഭാസ് ഇപ്പോള്‍ അമേരിക്കയിലാണ്. അടുത്ത് പുറത്തിറങ്ങാനുള്ള തെലുങ്ക് ചിത്രത്തിന് വേണ്ടി ഒരുങ്ങുകയാണ് താരം. ‘സാഹോ’ ആണ് പുതിയ ചിത്രം.

ചിത്രം ഇറങ്ങിയ വേളയില്‍തന്നെ മൂന്നാം ഭാഗമുണ്ടോയെന്ന ചോദ്യം ഉയര്‍ന്നിരുന്നു. ശക്തമായ കഥയുണ്ടായാല്‍ ബാഹുബലിക്ക് തുടര്‍ച്ചയുണ്ടാകുമെന്ന് രാജമൗലി പറഞ്ഞു. ചിത്രത്തിന് വിപണി സാധ്യതയുണ്ട്. എന്നാല്‍ വിപണി സാധ്യതക്ക് വേണ്ടി മാത്രം ചിത്രമൊരുക്കുന്നത് ആത്മാര്‍ത്ഥതയില്ലാത്തതാണ്. എന്നാല്‍ മുമ്പുള്ളപോലെ തന്റെ പിതാവ് ശക്തമായ ഒരു കഥയുമായി രംഗത്തെത്തിയാല്‍ അതും സിനിമയാകുമെന്നാണ് ഉറപ്പെന്ന് രാജമൗലി പറഞ്ഞു.

ശക്തമായ ഒരു കഥയുണ്ടാവുക-അതു മാത്രമാണ് മൂന്നാം ഭാഗത്തിനുള്ള ഒരേയൊരു കണ്ടീഷന്‍. രാജമൗലിയുടെ പിതാവ് വിജയേന്ദര്‍ പ്രസാദ് ആണ് ബാഹുബലിയുടെ കഥാകാരന്‍. ഇന്ത്യന്‍ സിനിമയുടെ ചരിത്രത്തില്‍ 1000കോടി നേടുന്ന ആദ്യസിനിമയാണ് ബാഹുബലി 2. അഞ്ചുവര്‍ഷത്തെ കഠിനപ്രയത്‌നമാണ് ബാഹൂബലി2.