അതേസമയം, തിയ്യേറ്ററുകളില്‍ ബാഹുബലി-2 നിറഞ്ഞോടുകയാണ്. 1500കോടിക്കുമുകളില്‍ കുതിക്കുമ്പോഴും കേരളത്തില്‍ 100കോടി നേടുമോ എന്നാണ് പ്രേക്ഷകരുടെ ആകാംക്ഷ.

ശിവഗാമിയായി അഭിനയിച്ച രമ്യകൃഷ്ണന് 2.5കോടിയാണ് പ്രതിഫലമെന്നാണ് അറിയുന്നത്. കട്ടപ്പയായി എത്തിയ സത്യരാജിന് 2കോടി കിട്ടുമ്പോള്‍ ചിത്രത്തിന്റെ ഒന്നാം ഭാഗത്തില്‍ ശ്രദ്ധേയമായ വേഷം ചെയ്ത നടി തമന്നക്ക് 5കോടി രൂപയാണ് പ്രതിഫലം.

രണ്ടാം ഭാഗത്തില്‍ ശ്രദ്ധേയമായ നടി അനുഷ്‌ക ഷെട്ടി ദേവസേന എന്ന കഥാപാത്രമായാണ് അഭിനയിച്ചത്. അമരേന്ദ്ര ബാഹുബലിയുടെ ഭാര്യയായി അഭിനയിച്ച അനുഷ്‌കക്കും തമന്നയുടെ അതേ പ്രതിഫലം തന്നെയാണ്- അഞ്ചുകോടി രൂപ.

വില്ലനായി എത്തിയ ഭല്ലാല ദേവനെ അവതരിപ്പിച്ച റാണ ദഗ്ഗുബട്ടിയുടെ പ്രതിഫലം 15 കോടിയാണെന്നാണ് റിപ്പോര്‍ട്ടുകള്‍.

അവസാനമായി പ്രതിഫലം അറിയണമെന്ന് ആഗ്രഹിക്കുന്നയാള്‍ ബാഹുബലിയായിരിക്കും. കഴിഞ്ഞ അഞ്ചുവര്‍ഷമായി പ്രഭാസ് ഒരു ചിത്രത്തിലേക്കും പോയിട്ടില്ല. ബാഹുബലിക്കുവേണ്ടി കഠിന പ്രയത്‌നത്തിലായിരുന്നു. പ്രഭാസിന്റെ പ്രതിഫലം 25കോടിയെന്നാണ് ഏവരേയും ഞെട്ടിക്കുന്ന വിവരം. എന്നാല്‍ പ്രഭാസ് ചിത്രത്തിനു വേണ്ടി ഏറ്റെടുത്ത കഠിന പ്രയത്‌നത്തിന് ഇതൊന്നും മതിയാകില്ലെന്നാണ് ടോളിവുഡിലെ സംസാരം.

അതിനിടെ, താരത്തിനെതിരെ ട്രോളുകളും വന്നു കഴിഞ്ഞു. ബാഹുബലി 2ല്‍ അഭിനയിക്കുന്നതിന് താന്‍ തയ്യാറെടുക്കുകയാണെന്ന് നേരത്തെ തമന്ന അഭിമുഖങ്ങളില്‍ പറഞ്ഞിരുന്നു. ഇത് ചൂണ്ടിക്കാട്ടിയാണ് ഇപ്പോള്‍ ട്രോള്‍മഴ വന്നിരിക്കുന്നത്.

രാജ്യത്താകമാനം നിരവധി തിയ്യേറ്ററുകളിലാണ് ചിത്രം റിലീസ് ചെയ്തത്. വിവിധ ഭാഷകളില്‍ പ്രദര്‍ശിപ്പിച്ച ചിത്രത്തിന് തമിഴ്‌നാട്ടില്‍ തമിഴ് ഭാഷയില്‍ പ്രദര്‍ശിപ്പിക്കാന്‍ കഴിഞ്ഞിരുന്നില്ല. സാങ്കേതിക പ്രശ്‌നങ്ങളാണ് കാരണമെന്നാണ് അധികൃതര്‍ പറയുന്നത്. തുടര്‍ന്ന് തെലുങ്കു ഭാഷയാണ് തമിഴ്‌നാട്ടില്‍ പ്രദര്‍ശിപ്പിച്ചത്.

കേരളത്തില്‍ 65ം-ഓളം തിയ്യേറ്ററുകളില്‍ ബാഹുബലി 2 റിലീസ് ചെയ്തു. സിനിമ കണ്ടിറങ്ങിയ പ്രേക്ഷകര്‍ ചിത്രം മികച്ചതാണെന്ന് പറഞ്ഞു. ചിത്രത്തിന്റെ ഗ്രാഫിക്‌സ് ബാഹുബലി ഒന്നിനേക്കാള്‍ ഗംഭീരമായിട്ടുണ്ടെന്നാണ് പ്രേക്ഷക പ്രതികരണം. അഭിനേതാക്കള്‍ എല്ലാവരും ഒന്നിനൊന്ന് ഗംഭീരമാണെന്നും ചിത്രം സംവിധായകന്റെ മികവാണെന്നും പറയുന്നു. എന്നാല്‍ ഒന്നാം ഭാഗം കണ്ടതുമുതല്‍ പ്രേക്ഷകര്‍ ചോദിച്ചിരുന്ന ചോദ്യമായ കട്ടപ്പ എന്തിന് ബാഹുബലിയെ കൊന്നു എന്ന ചോദ്യത്തിന് കണ്ടിറങ്ങിയ പ്രേക്ഷകരും ഉത്തരം നല്‍കുന്നില്ല. സസ്‌പെന്‍സ് പറയാതെ നില്‍ക്കുകയാണ് സിനിമ കണ്ട ആരാധകരും.

‘ഒമ്പത് വര്‍ഷം മുമ്പ് കാവേരി ജലപ്രശ്‌നത്തില്‍ കര്‍ണാടകത്തില്‍ തമിഴര്‍ ആക്രമിക്കപ്പെടുകയും തമിഴ് സിനിമകളുടെ പ്രദര്‍ശം ബലമായി തടയുകയും ചെയ്തിരുന്നു. അതിനെ തുടര്‍ന്ന് തമിഴ് സിനിമയിലെ പല പ്രമുഖരും പ്രസ്താവനകള്‍ നടത്തിയിരുന്നു. അവരിലൊരാളായിരുന്നു ഞാനും. അതിനു മറുപടിയായി എന്റെ കോലം കര്‍ണാടകയില്‍ കത്തിക്കപ്പെട്ടിരുന്നു. കര്‍ണാടകയില്‍ നടന്ന പ്രതിഷേധങ്ങളില്‍ കന്നട സിനിമാ പ്രവര്‍ത്തകരും ചൂടേറിയ പ്രസ്താവനകള്‍ നടത്തുകയുണ്ടായി.

എന്റെ ചില വാക്കുകള്‍ കന്നട ജനതയില്‍ ചിലരെ വേദനിപ്പിച്ചതായി അറിയുന്നു. ഞാന്‍ കന്നട മക്കള്‍ക്ക് എതിരല്ല. 35 വര്‍ഷത്തോളമായി എന്റെ സഹായിയായി ജോലി ചെയ്യുന്ന ശേഖര്‍ കന്നടക്കാരനാണ്. കഴിഞ്ഞ ഒമ്പത് വര്‍ഷങ്ങള്‍ക്കിടെ ബാഹുബലി ഒന്നാം ഭാഗം ഉള്‍പ്പെടെ എന്റെ 30 സിനിമകള്‍ കര്‍ണാടകത്തില്‍ റിലീസ് ചെയ്തിരുന്നു. ഒരു പ്രശ്‌നവും ഉണ്ടായില്ല. ചില കന്നട സിനിമകളില്‍ നിന്ന് ക്ഷണം ഉണ്ടായിരുന്നെങ്കിലും സമയം ഇല്ലാത്തതിനാല്‍ അത് സ്വീകരിക്കാന്‍ കഴിഞ്ഞില്ല.

ഒമ്പത് വര്‍ഷം മുമ്പ് ഞാന്‍ നടത്തിയ പ്രസ്താവനയുടെ വീഡിയോ ഇപ്പോള്‍ യൂട്യൂബിലും മറ്റും വീണ്ടും ഉയര്‍ന്നുവന്നിരിക്കുന്നു. കന്നടക്കാരില്‍ ചിലര്‍ക്ക് അതുകൊണ്ട് വിഷമമുണ്ടെന്നും അറിയുന്നു. അതിനാല്‍ ഞാന്‍ മാപ്പു പറയുന്നു.’ – സോഷ്യല്‍ മീഡിയയില്‍ അപ്‌ലോഡ് ചെയ്ത വീഡിയോയില്‍ സത്യരാജ് പറയുന്നു.

തമിഴ്‌നാടുമായി ബന്ധപ്പെട്ട വിഷയങ്ങളില്‍ ഇനിയും സജീവമായി ഇടപെടുമെന്നും സത്യരാജിനെ വെച്ച് പടംചെയ്താല്‍ ഭാവിയില്‍ തിരിച്ചടിയുണ്ടാകുമെന്ന് ഭയപ്പെടുന്നവര്‍ തന്നെ സമീപിക്കരുതെന്നും സത്യരാജ് പറയുന്നു. നടന്‍ ആയിരിക്കുന്നതിനേക്കാള്‍ അഭിമാനം തമിഴന്‍ ആയിരിക്കുന്നതിലാണെന്നും അദ്ദേഹം കൂട്ടിച്ചേര്‍ക്കുന്നു.

ഫിലിം ചേംബറിലേക്ക് മാര്‍ച്ച് നടത്തിയ പ്രതിഷേധക്കാര്‍ സത്യരാജിന്റെ കൃത്രിമ രൂപത്തില്‍ ചെരുപ്പുമാല അണിയിക്കുകയും കോലം കത്തിക്കുകയും ചെയ്തു. സത്യരാജ് മാപ്പു പറഞ്ഞില്ലെങ്കില്‍ ചിത്രത്തിന്റെ റിലീസ് അനുവദിക്കില്ലെന്ന് കര്‍ണാടക രക്ഷണ വേദികെ പ്രസിഡണ്ട് ശിവരാമെഗൗഡ പറഞ്ഞു. ഏപ്രില്‍ 28-ന് ബന്ദ് പ്രഖ്യാപിച്ചിട്ടുണ്ട്. തിയേറ്റര്‍ ഉടമകള്‍ ചിത്രം റിലീസ് ചെയ്യുകയാണെങ്കില്‍ പ്രതിഷേധം ശക്തമാക്കും – ഗൗഡ പറഞ്ഞു.

കര്‍ണാടക ഫിലിം ചേംബര്‍ പ്രതിഷേധക്കാര്‍ക്കൊപ്പമാണ് നിലപാടെടുത്തിരിക്കുന്നത്. നേരത്തെ ബാഹുബലിയുടെ നിര്‍മാതാക്കള്‍ ചേംബര്‍ അധികൃതരെ കണ്ടിരുന്നെങ്കിലും ചര്‍ച്ച ഫലം കണ്ടില്ല. സത്യരാജ് മാപ്പു പറയണമെന്നാണ് ചേംബറിന്റെ ആവശ്യം.

#JusticeForSathyaraj a comment made several yrs ago on cauvery issue; now- bandh on d eve of release of #Bahubali2 >Cong hand visible pic.twitter.com/myAD5159Xx

— (((KrishnaBaalu))) (@IndusSpirit) April 20, 2017

അതിനിടെ, ചിത്രത്തിന്റെ റിലീസ് തടയരുതെന്നഭ്യര്‍ത്ഥിച്ച് ബാഹുബലി സംവിധായകന്‍ എസ്.എസ് രാജമൗലി വീഡിയോ പുറത്തിറക്കി. സത്യരാജിന്റെ പ്രസ്താവന 9 വര്‍ഷം മുന്നത്തേതാണെന്നും ബാഹുബലിയുമായി അതിന് ബന്ധമൊന്നുമില്ലെന്നും രാജമൗലി പറഞ്ഞു.

An appeal to all the Kannada friends… pic.twitter.com/5rJWMixnZF

— rajamouli ss (@ssrajamouli) April 20, 2017

ബാഹുബലി ഒന്നാം ഭാഗത്തിലൂടെ സമാഹരിച്ച പണം മുഴുവന്‍ രണ്ടാം ഭാഗത്തിന്റെ നിര്‍മാണത്തിനു വേണ്ടി ചെലവഴിച്ചു എന്നാണ് സൂചന. അതിനാല്‍, ചിത്രത്തിന്റെ റിലീസ് തടയപ്പെട്ടാല്‍ വന്‍ സാമ്പത്തിക നഷ്ടമാണുണ്ടാവുക. കര്‍ണാടകയില്‍ മാത്രം 50 കോടി രൂപക്കാണ് ചിത്രത്തിന്റെ വിതരണാവകാശം വിറ്റുപോയത്.