‘സമൂഹത്തില്‍ വിഷം പരത്തുന്ന ഒരു മാധ്യമസ്ഥാപനവുമായും സഹകരിക്കാന്‍ എന്റെ ബ്രാന്‍ഡ് തയ്യാറല്ല. അതു കൊണ്ടാണ് മൂന്നു ചാനലുകള്‍ക്ക് പരസ്യം നല്‍കില്ലെന്ന് പ്രഖ്യാപിച്ചത്. ധോണിയുടെ അഞ്ചു വയസ്സുകാരി മകള്‍ക്ക് മാനഭംഗ ഭീഷണി വന്ന നേരത്ത്, അമിതാഭ് ബച്ചന് കോവിഡ് വന്ന വേളയില്‍ അദ്ദേഹത്തെ ‘മരിപ്പിച്ച’ സമയത്ത് ഞാന്‍ വല്ലാതെ അസ്വസ്ഥനായിരുന്നു. അപ്പോഴാണ് ഒരു സുഹൃത്ത് ഈ വിദ്വേഷത്തിന് ഫണ്ടിങ് നിര്‍ത്തൂ എന്ന് ആവശ്യപ്പെട്ടത്. എന്നെ സംബന്ധിച്ചിടത്തോളം അത് ബുദ്ധിപരമായ തീരുമാനമായിരുന്നു. എന്റെ കുട്ടിക്ക്, എന്റെ സഹോദരങ്ങളുടെ കുട്ടികള്‍ക്ക് ഇത്തരമൊരു ഇന്ത്യയെ പൈതൃകമായി കിട്ടരുത്’ – അദ്ദേഹം പറഞ്ഞു.

നോട്ടുനിരോധനം, മെയ്ഡ് ഇന്‍ ഇന്ത്യ അടക്കുള്ള കേന്ദ്രസര്‍ക്കാര്‍ പദ്ധതികളെ രൂക്ഷമായ ഭാഷയില്‍ വിമര്‍ശിച്ചിട്ടുള്ള വ്യവസായിയാണ് രാഹുല്‍ ബജാജ്. ടിആര്‍പി റേറ്റിങ് വ്യാജമായി നിര്‍മിച്ചെന്ന ആരോപണത്തിന് പിന്നാലെ റിപ്പബ്ലിക് ടിവി അടക്കമുള്ള മൂന്ന് ചാനലുകള്‍ക്കാണ് ബജാജ് പരസ്യം നിഷേധിച്ചത്. ബജാജിന് പിന്നാലെ പാര്‍ലെയും ഈ ചാനലുകള്‍ക്ക് പരസ്യം നല്‍കില്ലെന്ന് പ്രഖ്യാപിച്ചിരുന്നു.

പാര്‍ലെ ജിയുടെ ഉല്‍പ്പന്നങ്ങളുടെ പരസ്യം വിഷം വമിപ്പിക്കുന്ന ചാനലുകളില്‍ നല്‍കില്ല. ഇത്തരം മാധ്യമങ്ങളെ സൂക്ഷ്മമായി നിരീക്ഷിക്കുകയാണെന്ന് പ്രധാന പരസ്യദാതാക്കളും മാധ്യമ ഏജന്‍സികളും പറഞ്ഞു.

നേരത്തെ, മൂന്ന് ചാനലുകള്‍ക്ക് പരസ്യം നല്‍കേണ്ടതില്ലെന്ന് തീരുമാനിച്ച് ബജാജ് കമ്പനി രംഗത്തെത്തിയിരുന്നു. സമൂഹത്തില്‍ വിഷം വമിപ്പിക്കുന്ന ചാനലുകള്‍ക്ക് പരസ്യം നല്‍കില്ലെന്ന് ബജാജ് മാനേജിംഗ് ഡയറക്ടര്‍ രാജീവ് ബജാജ് വ്യക്തമാക്കി. മൂന്ന് ചാനലുകളെ കരിമ്പട്ടികയില്‍ ഉള്‍പ്പെടുത്തിയെന്നും അദ്ദേഹം വ്യക്തമാക്കി. എന്നാല്‍ ഈ ചാനലുകളുടെ പേര് വെളിപ്പെടുത്താന്‍ അദ്ദേഹം തയ്യാറായിരുന്നില്ല.

റിപ്പബ്ലിക് ടി.വി ഉള്‍പ്പെടെ മൂന്ന് ചാനലുകള്‍ റേറ്റിംഗില്‍ കൃത്രിമം കാണിച്ചുവെന്ന് മുംബൈ പോലീസ് അന്വേഷണത്തില്‍ വ്യക്തമായിരുന്നു. ഇതിന് പിന്നാലെയാണ് ബജാജ് നിലപാട് വ്യക്തമാക്കിയത്. സമൂഹത്തിലേക്ക് വിഷം വമിപ്പിക്കുന്ന രീതിയില്‍ പ്രവര്‍ത്തിക്കുന്ന ചാനലുകള്‍ക്ക് പരസ്യം നല്‍കാന്‍ ബജാജിനാകില്ല. ബിസിനസില്‍ ബ്രാന്‍ഡ് വളര്‍ത്തേണ്ടതുണ്ട്. എന്നാല്‍ വ്യവസായം പടുത്തുയര്‍ത്തുക എന്നത് മാത്രമാകരുത് ബിസിനസ് സ്ഥാപനങ്ങളുടെ ലക്ഷ്യം. സമൂഹത്തിന്റെ നന്മ കൂടി ലക്ഷ്യമാക്കണമെന്നും രാജീവ് ബജാജ് പറഞ്ഞു.

കൃത്രിമമായി റേറ്റിംഗ് കൂട്ടാന്‍ റിപ്പബ്ലിക് ടി.വി ഓഫാക്കാതെ വയ്ക്കാന്‍ ടി.ആര്‍.പി മീറ്ററുകള്‍ സ്ഥാപിച്ചിരിക്കുന്ന വീടുകള്‍ക്ക് പണം നല്‍കിയെന്നാണ് അന്വേഷണത്തില്‍ കണ്ടെത്തിയിരിക്കുന്നത്.

ക്രാത്തോസ് എന്നായിരുന്നു പുതിയ സീരീസ് ബൈക്കിന് ബജാജ് ഇതിനു മുമ്പ് കണ്ട പേര്. എന്നാല്‍ ചില കോപ്പിറൈറ്റ് വിഷയങ്ങള്‍ കാരണം അത് മാറ്റുകയും ഡൊമിനറില്‍ എത്തുകയും ചെയ്തു. 2016 ഡിസംബറില്‍ പുതിയ പേരോടെ അവതരിപ്പിച്ച ബൈക്ക് ഇപ്പോള്‍ ഷോറൂമുകള്‍ വഴി വില്‍പന തുടങ്ങിക്കഴിഞ്ഞു.
കെ.ടി.എം ഡ്യൂക്ക്, റോയല്‍ എന്‍ഫീല്‍ഡ് 350, തുടങ്ങിയ മുന്‍നിര ബൈക്കുകള്‍ക്ക് മത്സരമുയര്‍ത്തും വിധമാണ് ബജാജ് ഡൊമിനറിനെ അണിയിച്ചൊരുക്കിയിരിക്കുന്നത്. അത്യാധുനിക സാങ്കേതിക വിദ്യ, സ്‌റ്റൈലിഷ് ഡിസൈന്‍, മികച്ച സുരക്ഷാ ക്രമീകരണങ്ങള്‍ തുടങ്ങിയവയാണ് ഈ ബെക്കിന്റെ പ്രത്യേകതകള്‍.

373.2 സിസി സിംഗിള്‍ സിലിണ്ടര്‍ എഞ്ചിനില്‍ പ്രവര്‍ത്തിക്കുന്ന ഡൊമിനറിന് 6 സ്പീഡ് ഗിയര്‍ ബോക്‌സ്, സ്ലിപ്പര്‍ ക്ലച്ച് ടെലിസ്‌കോപിക്, 43 മി.മീ ഫോര്‍ക് ഫ്രണ്ട് സസ്‌പെന്‍ഷന്‍, മള്‍ട്ടിസ്റ്റപ് അഡ്ജസ്റ്റബിള്‍ റിയര്‍ സസ്‌പെന്‍ഷന്‍ എന്നിവയുണ്ട്. ഫ്രണ്ടില്‍ ഇരട്ട ചാനല്‍ എ.ബി.എസ്, 320 ഡയ. ഡിസ്‌ക്, പിന്നില്‍ ഇരട്ട ചാനല്‍ 230 ഡയ. ഡിസ്‌ക് എന്നിങ്ങനെയാണ് ബ്രേക്കിങ് സംവിധാനം. ഇതാദ്യമായി പൂര്‍ണമായി എല്‍.ഇ.ഡി ഉപയോഗിച്ചുള്ള ഹെഡ്‌ലാംപ് ആണ് ഉപയോഗിച്ചിരിക്കുന്നത്.

60 കിലോമീറ്റര്‍ വേഗത കൈവരിക്കാന്‍ ഡൊമിനാര്‍ 400 ന് വെറും 3.3 സെക്കന്റ് മതിയാവും. 8.3 സെക്കന്റില്‍ 100 കി.മീ വേഗതയിലും ബൈക്ക് എത്തും. 148 കി.മീ ആണ് പരമാവധി വേഗത.

ഉന്നത ശ്രേണിയിലുള്ള ബൈക്ക് ആയതിനാല്‍ മൈലേജ് താരതമ്യേന കുറവാണ്. ലിറ്ററിന് 25 കി.മീ മുതല്‍ 30 കി.മീ വരെയാണ് കമ്പനി അവകാശപ്പെടുന്ന മൈലേജ്. 13 ലിറ്ററാണ് ടാങ്കിന്റെ കപാസിറ്റി.

മിഡ്‌നൈറ്റ് ബ്ലൂ, ട്വിലൈറ്റ് പ്ലം, മൂണ്‍വൈറ്റ് എന്നിങ്ങനെ മൂന്ന് നിറങ്ങളിലാണ് ഡൊമിനര്‍ 400 എത്തുന്നത്. 1.39 ലക്ഷം മുതല്‍ 1.55 ലക്ഷം വരെയാണ് എക്‌സ് ഷോറൂം വില