അപകടം നടന്നതിന് സമീപമുള്ള വീട്ടുകാരുടെയും പിന്നില്‍ വന്ന വാഹനത്തിലുണ്ടായിരുന്ന കൊല്ലം സ്വദേശിയുടെയും മൊഴികളാണ് നിര്‍ണായകമായത്. ചില മൊഴികള്‍ കൂടി രേഖപ്പെടുത്തിയാല്‍ സംഭവത്തില്‍ കൂടുതല്‍ വ്യക്തത വരുമെന്നാണ് പൊലീസിന്‍ന്റെ പ്രതീക്ഷ.

അതേസമയം ബാലഭാസ്‌ക്കറിന്റെ മൃതദേഹം പോസ്റ്റുമോര്‍ട്ടം ചെയ്ത ഡോക്ടര്‍മാരുടെ സംഘം അപകട സ്ഥലം സന്ദര്‍ശിച്ചു. വാഹനവും ഫൊറന്‍സിക് സംഘവും പരിശോധിച്ചു. പരിക്കുകളും അപകട നടന്ന രീതിയും പരിശോധിച്ച് ഫൊറന്‍സിക് സംഘം റിപ്പോര്‍ട്ട് നല്‍കും. രക്ഷാപ്രവര്‍ത്തിന് ആദ്യമെത്തിയ കെ.എസ്.ആര്‍.ടി.സി െ്രെഡവറുടെ മൊഴിയും പൊലീസ് രേഖപ്പെടുത്തും.

അപകടസമയത്ത് വാഹനം ഓടിച്ചിരുന്നത് ബാലഭാസ്‌കറായിരുന്നില്ല െ്രെഡവര്‍ അര്‍ജ്ജുനായിരുന്നുവെന്നായിരുന്നു ബാലഭാസ്‌കറിന്റെ ഭാര്യ ലക്ഷ്മിയുടെ മൊഴി. അപകട സമയത്ത് ബാലഭാസ്‌കര്‍ പിന്‍സീറ്റില്‍ വിശ്രമിക്കുകയായിരുന്നു. ദീര്‍ഘദൂര യാത്രയില്‍ ബാലഭാസ്‌കര്‍ വണ്ടി ഓടിക്കാറില്ലെന്നും ഭാര്യ ലക്ഷ്മി മൊഴി നല്‍കിയിരുന്നു. എന്നാല്‍ ബാലഭാസ്‌ക്കറായിരുന്നു വാഹനമോടിച്ചിരുന്നതെന്നാണ് അര്‍ജുന്റെ മൊഴിയുണ്ടായിരുന്നത്. മരണത്തില്‍ ദുരൂഹതയുണ്ടെന്നുള്ള ബാലഭാസ്‌ക്കറിന്റെ പിതാവിന്റെ പരാതിയാണ് മൊഴികളിലെ വൈദുദ്ധ്യം വീണ്ടും അന്വേഷിക്കാന്‍ കാരണം.

അതേ സമയം, അപടകസമയത്ത് കൂടെ ഉണ്ടായിരുന്ന അര്‍ജുന്‍ പൊലീസിന് നല്‍കിയ മൊഴിയില്‍ കാറോടിച്ചത് താന്‍ അല്ലെന്നും ബാലഭാസ്‌കര്‍ ആണെന്നുമാണ് പറഞ്ഞിരുന്നത്. പിന്‍സീറ്റില്‍ യാത്ര ചെയ്തിരുന്ന ബാലഭാസ്‌ക്കര്‍ കൊല്ലം മുതലാണ് വണ്ടിയോടിച്ചെതെന്നും അര്‍ജ്ജുന്‍ മൊഴി നല്‍കിയിരുന്നു. എന്നാല്‍, സംഭവസമയത്ത് താന്‍ കുഞ്ഞുമായി മുന്‍ സീറ്റില്‍ ഉണ്ടായിരുന്നുവെന്നും ബാലു മാത്രമാണ് പിന്നില്‍ ഇരുന്നത് എന്നും ലക്ഷ്മി പൊലീസിനോട് വ്യക്തമാക്കി.

ആറ്റിങ്ങല്‍ ഡി.വൈ.എസ്.പിക്ക് നല്‍കിയ മൊഴിയിലാണ് ലക്ഷ്മി ബാലഭാസ്‌ക്കറിന്റെയും മകളുടെയും മരണത്തിന് കാരണമായ അപകടത്തെ കുറിച്ച് മൊഴി നല്‍കിയത്.

രണ്ട് ദിവസം മുന്‍പെയാണ് അപകടത്തില്‍ പരിക്കേറ്റ് ചികിത്സയിലായിരുന്ന ലക്ഷ്മിയെ ഡിസ്ചാര്‍ജ്ജ് ചെയ്തത്. അപകടത്തെ തുടര്‍ന്ന് ചികിത്സയില്‍ കഴിയവേ ഒകോടബര്‍ 2നാണ് ബാലഭാസ്‌ക്കര്‍ മരണപ്പെടുന്നത്. ബാലഭാസ്‌ക്കറും കുടുംബവും സഞ്ചരിച്ച കാര്‍ അപകടത്തില്‍ പെട്ട ദിവസം തന്നെ രണ്ട് വയസുകാരി മകള്‍ തേജസ്വി ബാല മരിച്ചിരുന്നു. കുടുംബവുമായി തൃശ്ശൂര്‍ വടക്കുംനാഥ ക്ഷേത്രദര്‍ശനത്തിന് ശേഷം മടങ്ങുന്ന വഴിയാണ് ബാലഭാസ്‌കറും കുടുംബവും അപകടത്തില്‍ പെട്ടത്. കാര്‍ നിയന്ത്രണം വിട്ട് മരത്തിലിടിക്കുകയായിരുന്നു.

ഡ്രൈവര്‍ ഉറങ്ങിപ്പോയതാകാം എന്നായിരുന്നു പൊലീസിന്റെ പ്രാഥമിക നിഗമനം. മടങ്ങുകയായിരുന്നു ബാലഭാസ്‌കറും കുടുംബവും. അപകടത്തില്‍ കാര്‍ പൂര്‍ണ്ണമായും തകര്‍ന്നിരുന്നു.

വലതു കാലിലെ പരിക്ക് കൂടി ഭേദമായാല്‍ ലക്ഷ്മിക്ക് നടക്കാന്‍ കഴിയും. ലക്ഷ്മിയുടെ ആന്തരിക അവയവങ്ങള്‍ക്കാണ് അപകടകരമാം വിധം പരുക്കേറ്റിരുന്നത്. ശരീരത്തിന്റെ പല ഭാഗത്തും മുറിവുകളുണ്ടായിരുന്നു. ഇവയെല്ലാം ഭേദപ്പെട്ടിട്ടുണ്ട്.

തിരുവനന്തപുരം പള്ളിപ്പുറത്തുണ്ടായ വാഹനാപകടത്തിലാണ് വയലിനിസ്റ്റ് ബാലഭാസ്‌കറിനും കുടുംബത്തിനും ഗുരുതരമായി പരുക്കേറ്റത്. സംഭവസ്ഥലത്തുവെച്ചു തന്നെ മകള്‍ തേജസ്വിനിബാല മരണത്തിന് കീഴടങ്ങി. അപകടം നടന്ന് ഒരാഴ്ച്ചക്കുശേഷം ബാലഭാസ്‌ക്കറും മരിക്കുകയായിരുന്നു. ഇരുവരുടെയും മരണവാര്‍ത്ത ലക്ഷ്മിയുടെ ആരോഗ്യനിലയില്‍ മാറ്റം വന്നതോടെ അറിയിച്ചിരുന്നു.

ലക്ഷ്മിയുടെ ചെവിയില്‍ അമ്മയാണ് മരണവിവരം അറിയിച്ചത്. എന്നാല്‍ ലക്ഷ്മി ഒരു തുള്ളി കണ്ണീര്‍പോലും പൊഴിച്ചില്ല. നിര്‍വികാരമായാണ് ലക്ഷ്മിയെ കണ്ടതെന്നാണ് ബന്ധുക്കള്‍ പറയുന്നത്. വെന്റിലേറ്ററില്‍ നിന്നും മാറ്റിയ ലക്ഷ്മി ഐ.സി.യുവില്‍ കഴിയുകയാണ്. ദ്രവരൂപത്തിലുള്ള ഭക്ഷണമാണ് ലക്ഷ്മിയിപ്പോള്‍ കഴിക്കുന്നത്.

അപകടത്തെ തുടര്‍ന്ന് ലക്ഷ്മിയുടെ ആന്തരിക അവയവങ്ങള്‍ക്കായിരുന്നു ഗുരുതരമായി പരിക്കേറ്റത്. ബോധം പൂര്‍ണമായും തെളിഞ്ഞതായും വെന്റിലേറ്ററില്‍ നിന്ന് മാറ്റിയതായും കഴിഞ്ഞ ദിവസം ഡോക്ടര്‍മാര്‍ വെളിപ്പെടുത്തിയിരുന്നു. ലക്ഷ്മിയുടെ ആരോഗ്യനിലയില്‍ പുരോഗതിയുണ്ടെന്നും അടുത്തയാഴ്ചയോടെ വാര്‍ഡിലേക്ക് മാറ്റാന്‍ സാധിക്കുമെന്നാണ് അധികൃതര്‍ പറയുന്നത്.

രണ്ടാഴ്ച്ച മുമ്പുണ്ടായ വാഹനാപകടത്തില്‍ മകള്‍ ജേതസ്വിനി ബാല സംഭവസ്ഥലത്തുവെച്ചുതന്നെ കൊല്ലപ്പെട്ടിരുന്നു. ചികിത്സിലിരിക്കെയാണ് ബാലഭാസ്‌ക്കറിന്റെ വിയോഗം. ഈ സമയത്തും അബോധാവസ്ഥയിലായിരുന്നു ലക്ഷ്മി. വാഹനമോടിച്ചിരുന്ന സുഹൃത്തായ അര്‍ജ്ജുന്‍ ചികിത്സയിലാണ്.

ബാലുച്ചേട്ടന് പകരക്കാരനാവാന്‍ കഴിയില്ല. അദ്ദേഹം ലെജന്‍ഡ് ആണ്. വെറുമൊരു കര്‍ണാടക സംഗീതജ്ഞനായിരുന്ന തനിക്ക് വയലിനില്‍ അപാരമായ സാധ്യതകള്‍ ഉണ്ടെന്ന് വ്യക്തമാക്കിത്തന്നത് ബാലുച്ചേട്ടനാണെന്ന് ശബരീഷ് പ്രഭാകര്‍ പറഞ്ഞു. ബാലഭാസ്‌ക്കര്‍ തനിക്ക് സഹോദരനാണ്. ഈ സംഗീതനിശ ഏറ്റെടുത്തത് ബാലുച്ചേട്ടന്‍ മരിച്ചതിന് ശേഷമല്ല. അദ്ദേഹം അപകടം സംഭവിച്ചതിന് പിന്നാലെ അദ്ദേഹത്തിന്റെ കുടുംബവും സുഹൃത്തുക്കളും ഏറെ നിര്‍ബന്ധിച്ചതിനെ തുടര്‍ന്നാണ് പരിപാടി ഏറ്റെടുക്കുന്നത്. നമ്മുടെ കുടുംബത്തില്‍ ഒരാള്‍ക്ക് ഒരു ബുദ്ധിമുട്ട് ഉണ്ടായാല്‍ നമ്മള്‍ സഹായിക്കില്ലേയെന്നും ശബരീഷ് ചോദിക്കുന്നു.

പ്രളയദുരന്തത്തില്‍ പെട്ട കേരളത്തിനെ സഹായിക്കാനുള്ളതാണ് പരിപാടി. പ്രതിഫലം വാങ്ങാതെയാണ് അതില്‍ പങ്കെടുക്കാന്‍ തീരുമാനിച്ചിട്ടുള്ളത്. അത് ബാലുച്ചേട്ടനൊടുള്ള കടമയാണ്. വൈകാരികമായി പ്രതികരിക്കുന്നവര്‍ അത് മനസ്സിലാക്കുന്നില്ല. ടിക്കറ്റ് വിറ്റുപോയ, നിരവധി സ്‌പോണ്‍സര്‍മാര്‍ വന്ന പരിപാടിയാണത്. പരിപാടി നടത്താന്‍ വിഷമിച്ച ഘട്ടത്തിലാണ് വീട്ടുകാര്‍ തന്നെ സമീപിച്ചതെന്നും പകരക്കാരനെന്ന് വിളിച്ച് ക്രൂശിക്കരുതെന്നും അദ്ദേഹം കൂട്ടിച്ചേര്‍ത്തു. ഇത്തരത്തിലുള്ള വിമര്‍ശനങ്ങള്‍ കേള്‍ക്കുമ്പോള്‍ വിഷമമുണ്ടെന്നും ശബരീഷ് പ്രഭാകര്‍ പറഞ്ഞു.

ബാലഭാസ്‌ക്കര്‍ മരിച്ചുവെന്ന് ഉറപ്പായതോടെ സംഗീതനിശയുടെ പരസ്യചിത്രത്തില്‍ ശബരീഷിന്റെ പേരും ചിത്രങ്ങളും പ്രത്യക്ഷപ്പെടുകയായിരുന്നു. ഇതിനെതിരെ സാമൂഹ്യമാധ്യമങ്ങളില്‍ രൂക്ഷവിമര്‍ശനങ്ങളാണ് ഉയര്‍ന്നുവന്നത്. ഈ സാഹചര്യത്തിലാണ് പ്രതികരണവുമായി ശബരീഷ് എത്തിയത്.