താന്‍ എത്തുമ്പോള്‍ രക്ഷാപ്രവര്‍ത്തനം തുടങ്ങിയിരുന്നില്ല. കാറിന് സമീപം നാലുപേരും പിന്നില്‍ 15 ഓളം പേരും നില്‍പ്പുണ്ടായിരുന്നു. വിമാനത്താവളത്തില്‍ നിന്ന് മടങ്ങിവരുമ്പോഴാണ് അപകടം കണ്ടത്. തന്നോടൊപ്പം ബന്ധുവും ഉണ്ടായിരുന്നുവെന്ന് നന്ദു പറഞ്ഞു.

െ്രെഡവിംഗ് സീറ്റില്‍ ടി ഷര്‍ട്ടും ബര്‍മുഡയും ധരിച്ച ആളാണ് ഉണ്ടായിരുന്നത്. ഇയാള്‍ക്ക് ബോധമുണ്ടായിരുന്നു. അപകടത്തില്‍ കാലുകള്‍ ഒടിഞ്ഞുതൂങ്ങിയ നിലയിലായതിനാല്‍ പുറത്തിറങ്ങാന്‍ കഴിയാത്ത നിലയിലായിരുന്നു. കാറിന്റെ വാതില്‍ പൊളിച്ചാണ് അയാളെ പുറത്തെത്തിച്ചത്. പരിക്കേറ്റ ലക്ഷ്മി നിലവിളിക്കുന്നുണ്ടായിരുന്നു. കാറിന്റെ ജനല്‍ ചില്ല് തകര്‍ത്താണ് കുട്ടിയെ പുറത്തെടുത്തത്. കാറിന് പിന്നിലായിരുന്നു ബാലഭാസ്‌കര്‍. പിന്‍സീറ്റിനിടയില്‍ അദ്ദേഹം ബോധമറ്റ നിലയിലായിരുന്നു. അപകടം എന്ന പ്രതീതിയാണ് അന്ന് തോന്നിയത്. സംശയം തോന്നിയിരുന്നില്ല എന്നും നന്ദു പറഞ്ഞു.

ഇതോടെ ആരാണു കാറോടിച്ചതെന്നതിനു ശാസ്ത്രീയമായ തെളിവു ലഭിച്ചതായി അന്വേഷണ സംഘം സൂചിപ്പിച്ചു. അര്‍ജുന്‍ തന്നെയാണു കാറോടിച്ചതെന്നു ബാലഭാസ്‌കറിന്റെ ഭാര്യയും ഒന്നാം സാക്ഷിയുമായ ലക്ഷ്മിയും മറ്റു പലരും മൊഴി നല്‍കിയിരുന്നെങ്കിലും ബാലഭാസ്‌കറാണു കാറോടിച്ചതെന്നായിരുന്നു അര്‍ജുന്റെ മൊഴി. അപകടത്തിനു ദൃക്‌സാക്ഷിയായ കെഎസ്ആര്‍ടിസി ഡ്രൈവറും അര്‍ജുനാണ് വാഹനം ഓടിച്ചതെന്ന് മൊഴി നല്‍കിയിരുന്നു.

അടുത്തിടെ വിമാനത്താവളം കേന്ദ്രീകരിച്ച് നടന്ന സ്വര്‍ണക്കള്ള കേസില്‍ പ്രതികളെന്ന് കണ്ടെത്തിയവര്‍ ബാലഭാസ്‌കറിന്റെ മാനേജര്‍മാരാണെന്ന് റിപ്പോര്‍ട്ട് വന്നിരുന്നു. എന്നാല്‍ വാര്‍ത്തകള്‍ക്കെതിരെ ഭാര്യ ലക്ഷ്മി എത്തിയിരുന്നു. ഈ വാര്‍ത്തകള്‍ വ്യജമാണെന്നും ബാലുവിന്റെ ഒന്ന് രണ്ട് പരിപാടികള്‍ ഇവരുമായി നടത്തിയിട്ടുണ്ടെന്ന് മാത്രമേ ഉള്ളുവെന്നും ലക്ഷ്മി പറഞ്ഞിരുന്നു.

തൃശ്ശൂരിലെ ഒരു എ.ടി.എം മോഷണക്കേസില്‍ അടക്കം പ്രതിയാണെന്നാണ് െ്രെകംബ്രാഞ്ച് അന്വേഷണസംഘം പറയുന്നത്. പാലക്കാട്ടെ ഒരു ആസ്പത്രിയുമായി ബന്ധപ്പെട്ടവരുടെ ബന്ധുവാണ് അര്‍ജുനെന്നും അന്വേഷണസംഘം കണ്ടെത്തിയിട്ടുണ്ട്. അതേസമയം, ബാലഭാസ്‌കറിന്റെ സാമ്പത്തിക ഇടപാടുകളെക്കുറിച്ച് വ്യക്തമായി അറിയാമായിരുന്നത് ഇവര്‍ക്കാണെന്നും ബാലഭാസ്‌കറിന്റെ അച്ഛന്‍ കെ.സി ഉണ്ണി പറഞ്ഞിരുന്നു.

ബാലഭാസ്‌കറിനൊപ്പമുണ്ടായിരുന്നവരുടെ ക്രിമിനല്‍ പശ്ചാത്തലം തിരുവനന്തപുരം സ്വര്‍ണക്കടത്ത് കേസിലടക്കം പുറത്തുവന്നതോടെ െ്രെകംബ്രാഞ്ച് അന്വേഷണവും പുതിയ വഴിത്തിരിവിലെത്തിയിരിക്കുകയാണ്. അപകടസ്ഥലത്തെത്തിയ കലാപ്രവര്‍ത്തകനായ കലാഭവന്‍ സോബി എന്ന ദൃക്‌സാക്ഷി, അപകടസ്ഥലത്ത് അസ്വാഭാവികമായ ചിലത് കണ്ടുവെന്ന് വെളിപ്പെടുത്തല്‍ നടത്തിയിരുന്നു. പുതിയ വെളിപ്പെടുത്തലിന്റെ പശ്ചാത്തലത്തില്‍ പ്രകാശ് തമ്പിയെ ചോദ്യം ചെയ്യാന്‍ െ്രെകംബ്രാഞ്ച് തീരുമാനിച്ചിട്ടുണ്ട്. എന്നാല്‍ സ്വര്‍ണ്ണക്കടത്ത് കേസ് അന്വേഷിക്കുന്നത് കൊണ്ട് ചോദ്യം ചെയ്യല്‍ വൈകുമെന്നാണ് വിവരം.

കഴിഞ്ഞ 10 വര്‍ഷമായി പാലക്കാട്ടെ ഒരു കുടുംബവുമായി ബാലഭാസ്‌ക്കറിന് കോടികളുടെ സാമ്പത്തിക ഇടപാടുണ്ടായിരുന്നു. ഇത് അപകടവുമായി ബന്ധപ്പെട്ടിരിക്കുന്നുവെന്ന് പിതാവിന്റെ പരാതിയില്‍ പറയുന്നു. ആയുര്‍വ്വേദ ഡോക്ടറുടെ കുടുംബവുമായാണ് ബന്ധമുണ്ടായിരുന്നത്. ഈ കുടുംബത്തിലെ അംഗമാണ് ഡ്രൈവര്‍ അര്‍ജ്ജുന്‍. അപകട സമയത്ത് കാറോടിച്ചിരുന്നത് ബാലഭാസ്‌ക്കറായിരുന്നുവെന്നാണ് അര്‍ജുന്‍ നല്‍കിയ മൊഴി. എന്നാല്‍ ഭാര്യ ലക്ഷ്മിയുടെ മൊഴി അര്‍ജ്ജുനാണ് വണ്ടിയോടിച്ചിരുന്നത് എന്നാണ്. മൊഴിയിലെ ഈ വൈരുദ്ധ്യങ്ങളാണ് സംശയത്തിനിടയാക്കിയത്.

ഒരു പരിപാടിക്കുശേഷം ബാലഭാസ്‌ക്കറിന് വജ്രമോതിരം നല്‍കിയാണ് ബന്ധം സ്ഥാപിക്കുന്നത്. പിന്നീട് കോടികളുടെ സാമ്പത്തിക ബന്ധം അവരുമായുണ്ടായി. ഈ സാമ്പത്തിക ഇടപാട് അന്വേഷിക്കണം. തൃശൂരില്‍ നിന്ന് തിരക്കിട്ട് തിരുവനന്തപുരത്ത് എത്തേണ്ട അത്യാവശ്യം ബാലഭാസ്‌ക്കറിന് ഉണ്ടായിരുന്നില്ലെന്നും പിതാവ് പറഞ്ഞു.

ഒക്ടോബര്‍ രണ്ടിനാണ് ബാലഭാസ്‌ക്കര്‍ മരണത്തിന് കീഴടങ്ങുന്നത്. അപകടം നടന്ന് ഒരാഴ്ച്ചക്കു ശേഷമാണ് മരിക്കുന്നത്. സംഭവസ്ഥലത്തുതന്നെ മകള്‍ തേജസ്വിനി മരിച്ചിരുന്നു.

അതേ സമയം, അപടകസമയത്ത് കൂടെ ഉണ്ടായിരുന്ന അര്‍ജുന്‍ പൊലീസിന് നല്‍കിയ മൊഴിയില്‍ കാറോടിച്ചത് താന്‍ അല്ലെന്നും ബാലഭാസ്‌കര്‍ ആണെന്നുമാണ് പറഞ്ഞിരുന്നത്. പിന്‍സീറ്റില്‍ യാത്ര ചെയ്തിരുന്ന ബാലഭാസ്‌ക്കര്‍ കൊല്ലം മുതലാണ് വണ്ടിയോടിച്ചെതെന്നും അര്‍ജ്ജുന്‍ മൊഴി നല്‍കിയിരുന്നു. എന്നാല്‍, സംഭവസമയത്ത് താന്‍ കുഞ്ഞുമായി മുന്‍ സീറ്റില്‍ ഉണ്ടായിരുന്നുവെന്നും ബാലു മാത്രമാണ് പിന്നില്‍ ഇരുന്നത് എന്നും ലക്ഷ്മി പൊലീസിനോട് വ്യക്തമാക്കി.

ആറ്റിങ്ങല്‍ ഡി.വൈ.എസ്.പിക്ക് നല്‍കിയ മൊഴിയിലാണ് ലക്ഷ്മി ബാലഭാസ്‌ക്കറിന്റെയും മകളുടെയും മരണത്തിന് കാരണമായ അപകടത്തെ കുറിച്ച് മൊഴി നല്‍കിയത്.

രണ്ട് ദിവസം മുന്‍പെയാണ് അപകടത്തില്‍ പരിക്കേറ്റ് ചികിത്സയിലായിരുന്ന ലക്ഷ്മിയെ ഡിസ്ചാര്‍ജ്ജ് ചെയ്തത്. അപകടത്തെ തുടര്‍ന്ന് ചികിത്സയില്‍ കഴിയവേ ഒകോടബര്‍ 2നാണ് ബാലഭാസ്‌ക്കര്‍ മരണപ്പെടുന്നത്. ബാലഭാസ്‌ക്കറും കുടുംബവും സഞ്ചരിച്ച കാര്‍ അപകടത്തില്‍ പെട്ട ദിവസം തന്നെ രണ്ട് വയസുകാരി മകള്‍ തേജസ്വി ബാല മരിച്ചിരുന്നു. കുടുംബവുമായി തൃശ്ശൂര്‍ വടക്കുംനാഥ ക്ഷേത്രദര്‍ശനത്തിന് ശേഷം മടങ്ങുന്ന വഴിയാണ് ബാലഭാസ്‌കറും കുടുംബവും അപകടത്തില്‍ പെട്ടത്. കാര്‍ നിയന്ത്രണം വിട്ട് മരത്തിലിടിക്കുകയായിരുന്നു.

ഡ്രൈവര്‍ ഉറങ്ങിപ്പോയതാകാം എന്നായിരുന്നു പൊലീസിന്റെ പ്രാഥമിക നിഗമനം. മടങ്ങുകയായിരുന്നു ബാലഭാസ്‌കറും കുടുംബവും. അപകടത്തില്‍ കാര്‍ പൂര്‍ണ്ണമായും തകര്‍ന്നിരുന്നു.