വനിതകളില്‍ ബാഴ്‌സലോണയുടെ ഐറ്റാന ബോണ്‍മാറ്റി തുടര്‍ച്ചയായി രണ്ടാം തവണയും ജേതാവായി. ആഴ്‌സണലിന്റെ മരിയോന കാല്‍ഡെന്റി രണ്ടാം സ്ഥാനത്ത് എത്തി.

ഡെംബലെ 53 മത്സരങ്ങളില്‍ 35 ഗോളും 16 അസിസ്റ്റും നേടി പിഎസ്ജിക്ക് ലീഗ് കപ്പ്, ചാമ്പ്യന്‍സ് ലീഗ് കിരീടങ്ങള്‍ സമ്മാനിച്ചത് നിര്‍ണായകമായി. യമാല്‍ 18 ഗോളും 25 അസിസ്റ്റും നേടി ബാഴ്സയ്ക്ക് ആഭ്യന്തര കിരീടങ്ങള്‍ നേടി കൊടുത്തു.

യുവതാരത്തിനുള്ള കോപ ട്രോഫി യമാലിനും വനിതകളില്‍ ബാഴ്‌സലോണയുടെ വിക്കി ലോപ്പസിനും ലഭിച്ചു. മികച്ച കോച്ച് പുരുഷന്മാരില്‍ പിഎസ്ജിയുടെ ലൂയിസ് എന്റികെയും വനിതകളില്‍ ഇംഗ്ലണ്ടിന്റെ സറീന വിഗ്മാനും.

യാഷിന്‍ ട്രോഫി ഗോള്‍കീപ്പര്‍മാരില്‍ പിഎസ്ജിയുടെ ഡോണറുമ്മക്കും ചെല്‍സിയുടെ ഹന ഹാംപ്ടണും. ബെസ്റ്റ് സ്‌ട്രൈക്കര്‍ക്കുള്ള ഗെര്‍ഡ് മുള്ളര്‍ ട്രോഫി വിക്ടര്‍ യോക്കരസിനും ഇവാ പയോറിനും. മികച്ച ക്ലബ്ബായി പുരുഷന്മാരില്‍ പിഎസ്ജിയും വനിതകളില്‍ ആഴ്സണലും തെരഞ്ഞെടുത്തു.

പിഎസ്ജിയുടെ ഉസ്മാന്‍ ഡെംബലെയും ബാഴ്‌സലോണയുടെ കൗമാരതാരം ലാമിന്‍ യമാലുമാണ് പ്രധാന സാധ്യതക്കാര്‍. എംബാപ്പെ, വിനീഷ്യസ് ജൂനിയര്‍, മുഹമ്മദ് സലാ തുടങ്ങിയവര്‍ പട്ടികയിലുണ്ടെങ്കിലും എട്ടുതവണ ജേതാവായ മെസ്സിയുടെയും അഞ്ചുതവണ നേടിയ റൊണാള്‍ഡോയുടെയും പേരില്ല. കഴിഞ്ഞ വര്‍ഷം വിജയിച്ച റോഡ്രി ഉള്‍പ്പെടെ മുന്‍ ജേതാക്കള്‍ ആരും ഇത്തവണ നാമനിര്‍ദ്ദേശം ചെയ്യപ്പെട്ടിട്ടില്ല.

തിങ്കളാഴ്ച രാത്രി പാരീസിൽ വച്ച് നടക്കുന്ന ബാലൻ ഡി ഓർ പുരസ്കാര ജേതാവിനെ തിരഞ്ഞെടുക്കുന്ന ചടങ്ങിൽ അർജന്റീന സൂപ്പർതാരമായ ലയണൽ മെസ്സി തന്നെയായിരിക്കും. ബാലൻഡിയോർ നേടാൻ പോകുന്നത് എന്ന കാര്യത്തിൽ പ്രസിദ്ധ ജേണലിസ്റ്റുകളും, നിരവധി ഇതിഹാസങ്ങളും ഇതിനോടകം തന്നെ സോഷ്യൽ മീഡിയയിലൂടെ അഭിപ്രായം അറിയിച്ചിട്ടുണ്ട്. ലോക പ്രശസ്ത ജേണലിസ്റ്റായ ഫാബ്രിസിയോ റൊമാനോ സൂപ്പർതാരം ലിയോ മെസ്സിയെക്കുറിച്ച് പറഞ്ഞ വാക്കുകളാണ് ഇപ്പോൾ മാധ്യമങ്ങളിൽ ശ്രദ്ധ പിടിച്ചിരിക്കുന്നത്.

അദ്ദേഹം പറയുന്നു: “2023ലെ ബാലൻഡിയോർ വിജയി ആരാണെന്നത് ഇന്ന് നമുക്ക് അറിയാൻ സാധിക്കുന്നതാണ്. എന്നാൽ ഇതിനോടകം തന്നെ പുറത്തുവന്നിട്ടുള്ള സൂചനകളും അടയാളങ്ങളും ആരാണ് ഈ വർഷത്തെ ബാലൻഡിയോർ നേടാൻ പോകുന്നത് എന്ന കാര്യത്തിൽ വ്യക്തമായ ഒരു ചിത്രം നമുക്ക് നൽകുന്നുണ്ട്. സൂപ്പർതാരം ലയണൽ മെസ്സി ആയിരിക്കും ഈ വർഷത്തെ ബാലൻ ഡി ഓർ പുരസ്കാരം നേടാൻ പോകുന്നത് എന്നാണ് പ്രതീക്ഷിക്കുന്നത്. ലയണൽ മെസ്സി വളരെയധികം മികവോടെ ആയിരുന്നു കഴിഞ്ഞ സീസൺ നേരിട്ടത്.

ലയണൽ മെസ്സിയോടൊപ്പം കിടപിടിക്കത്തക്ക തരത്തിൽ സിറ്റിയുടെ ഏർലിംഗ് ഹാലാന്റ് കൂടി അദ്ദേഹത്തോടൊപ്പം ബാലൻഡിയോർ നോമിനേഷനുകളിൽ ഉണ്ട്. എന്നാൽ 2022 ഖത്തർ വേൾഡ് കപ്പ് നേടിയതോടുകൂടി മെസ്സി തന്റെ ബാലൻ ഡി ഓർ സാധ്യത വളരെയധികം ഉയർത്തിയിരിക്കുകയാണ്. ഈ ബാലൻഡിയോർ കൂടി നേടുമ്പോൾ ഇത് അദ്ദേഹത്തിന്റെ എട്ടാമത് ബാലൻ ഡി ഓർ ആയി രേഖപ്പെടുത്തും.” എന്നാണ് അദ്ദേഹം സോഷ്യൽ മീഡിയിൽ പുറത്ത് വിട്ടിരിക്കുന്നത്.

അർജന്റീന ഇതിഹാസം ലിയോ മെസ്സി തന്നെയായിരിക്കും ഈ വർഷത്തെ ബാലൻഡിയോർ പുരസ്കാര ജേതാവ് എന്ന് തന്നെയാണ് ആരാധകർ വിശ്വസിക്കുന്നത്. അദ്ദേഹം നിലവിൽ മിയാമി ക്ലബ്ബിനു വേണ്ടിയാണ് കളിക്കുന്നത്. അദ്ദേഹത്തിന്റെ കടന്നുവരവോടെ മിയാമി നേട്ടങ്ങളിലേക്ക് കുതിച്ചു കൊണ്ടിരിക്കുകയാണ്. ഔദ്യോഗികമായ ഉറപ്പ് വരുത്തൽ ഇന്ന് പാരിസിൽ ൽ വെച്ചാണ് നടക്കുന്നത്.

30 പുരുഷ താരങ്ങളും 20 വനിത താരങ്ങളും ബാലന്‍ഡി ഓര്‍ പുരസ്‌കാരത്തിനായി മത്സരിക്കും. യുവേഫ ജേതാവ് ഐറ്റാന ബോണ്‍മതിയാണ് വനിതകളുടെ പട്ടികയില്‍ ഇടം ഉറപ്പുള്ള താരം. മികച്ച ഗോള്‍ കീപ്പര്‍ക്കുള്ള ലെവ് യാഷിന്‍ ട്രോഫി പട്ടികയില്‍ 10 താരങ്ങള്‍ക്കാണ് ഇടം ലഭിക്കുക. ഇന്ത്യന്‍ സമയം രാത്രി 10 മണിക്കാണ് പുരസ്‌കാര പട്ടിക പ്രഖ്യാപിക്കുന്നത്. സെപ്റ്റംബര്‍ 30നാണ് ജേതാവിനെ പ്രഖ്യാപിക്കുക.

അര്‍ജന്റീനയുടെ ലോകകപ്പ് വിജയം, മികച്ച ലോകകപ്പ് താരത്തിനുള്ള ഗോള്‍ഡന്‍ ബോള്‍ പുരസ്‌കാരം, ഫ്രഞ്ച് ലീഗ് കിരീടം, പിഎസ്ജിക്കായി 38 ഗോളുകള്‍, 25 അസിസ്റ്റുകള്‍ തുടങ്ങിയവയാണ് മെസ്സിക്ക് അനുകൂലമായ കണക്കുകള്‍. നിലവില്‍ 7 തവണ മെസ്സി ബാലന്‍ഡി ഓര്‍ നേടിയിട്ടുണ്ട്.

മാഞ്ചസ്റ്റര്‍ സിറ്റിയുടെ ട്രബിള്‍ നേട്ടം, പ്രീമിയര്‍ ലീഗില്‍ ഒരു സീസണില്‍ കൂടുതല്‍ ഗോളുകള്‍, കഴിഞ്ഞ സീസണില്‍ സിറ്റിക്ക് വേണ്ടി 53 മത്സരങ്ങളില്‍ നിന്ന് 52 ഗോളുകള്‍ തുടങ്ങിയവയാണ് ഹാളണ്ടിന് അനുകൂലമാകുന്നത്. ആദ്യ ബലോന്‍ ദ് ഓര്‍ പുരസ്‌കാരമാണ് ഹാളണ്ട് ലക്ഷ്യമിടുന്നത്.

ലോകകപ്പില്‍ കൂടുതല്‍ ഗോള്‍ നേടിയ താരത്തിനുള്ള ഗോള്‍ഡന്‍ ബൂട്ട് പുരസ്‌കാരം, പിഎസ്ജിക്കായി കഴിഞ്ഞ സീസണിലെ 50 ല്‍ അധികം ഗോളുകള്‍, ഫ്രഞ്ച് ലീഗ് കിരീടം തുടങ്ങിയവയാണ് കിലിയന്‍ എംബാപ്പെയുടെ കണക്കുകളിലുള്ളത്. മാഞ്ചസ്റ്റര്‍ സിറ്റി മധ്യനിരയിലെ മികച്ച പ്രകടനമാണ് കെവിന്‍ ഡി ബ്രൂയ്‌നെയ്ക്കും റോഡ്രിഗോ ഹെര്‍ണാണ്ടസിനും അനുകൂലമാകുന്നത്.

റയല്‍ മാഡ്രിഡിനായി നടത്തിയ മിന്നും പ്രകടനമാണ് വിനീഷ്യസ് ജൂനിയറിന് അനുകൂലമാകുന്നത്. കഴിഞ്ഞ സീസണില്‍ റയല്‍ മാഡ്രിഡിനായി 25 ഗോളുകളും 26 അസിസ്റ്റുകളും ബ്രസീല്‍ താരം നേടിയിട്ടുണ്ട്. കോപ്പ ഡെല്‍ റെ, ക്ലബ് ലോകകപ്പ്, യുവേഫ സൂപ്പര്‍ കപ്പ് തുടങ്ങിയ കിരീടങ്ങളും റയല്‍ താരമായ വിനീഷ്യസ് നേടികഴിഞ്ഞിട്ടുണ്ട്.

പ്രമുഖ ഫ്രഞ്ച് ഫുട്‌ബോള്‍ മാഗസിനായ ഫ്രാന്‍സ് ഫുട്‌ബോളാണ് ബാലന്‍ ഡിഓര്‍ താരത്തെ തെരഞ്ഞെടുക്കുന്നത്. മാധ്യമ പ്രവര്‍ത്തകരുടേയും ഫുട്‌ബോള്‍ വിദഗ്ധരുടേയും വോട്ടെടുപ്പിലൂടെയാണ് തെരഞ്ഞെടുപ്പ്. ഇതിന് മുന്നാടിയായി കഴിഞ്ഞ ദിവസം നടത്തിയ ആരാധകരുടെ വോട്ടെടുപ്പിന്റെ ഫലമാണ് അധികൃതരേയും ഫുട്‌ബോള്‍ ആരാധകരേയും ഒരുപോലെ ഞെട്ടിച്ചിരിക്കുന്നത്.

ബാലന്‍ ഡി ഓര്‍ പുരസ്‌കാരത്തിനുള്ള 30 അംഗ താരങ്ങളുടെ പട്ടിക പുറത്തിറക്കിയ ശേഷമാണ് ഫാന്‍ വോട്ട് നടന്നത്. ഫുട്‌ബോള്‍ ആരാധകരുടെ 79 ശതമാനം വോട്ടുകളും ബാര്‍സയുടെ ലയണല്‍ മെസിയും ലിവര്‍പൂളിന്റെ മുഹമ്മദ് സലാഹും പങ്കിടുകയായിരുന്നു. ഇതില്‍ 31 ശതമാനം വോട്ട് ഈജിപ്ത് താരത്തിന് കിട്ടിയപ്പോള്‍ 48 ശതമാനം വോട്ട് സ്വന്തമാക്കി അര്‍ജന്റീനാ നായകന്‍ മൃഗീയ ഭൂരിപക്ഷത്തോടെ ഒന്നാം സ്ഥാനം സ്വന്തമാക്കി. ഏഴ് ലക്ഷത്തില്‍ കൂടുതല്‍ ആളുകള്‍ വോട്ട് രേഖപ്പെടുത്തിയ തെരഞ്ഞടുപ്പില്‍ പട്ടികയിലെ മറ്റു 28 താരങ്ങള്‍ക്ക് പേരിനുപോലും പിന്തുണ ലഭിക്കാതായതോടെയാണ് ബാലന്‍ ഡി ഓറിനായുള്ള ഫാന്‍ വോട്ട് സംവിധാനം അധികൃതര്‍ ഒഴിവാക്കിയത്.

കഴിഞ്ഞ രണ്ടുവര്‍ഷവും പുരസ്‌കാരം നേടിയ ക്രിസ്റ്റ്യാനോ റൊണാള്‍ഡോക്ക് തെരഞ്ഞെടുപ്പില്‍ വെറും എട്ട് ശതമാനം ആരാധക വോട്ടാണ് നേടാനായത്. ഫിഫാ ലോക താരം ലൂക്കാ മോഡ്രിച്ചിനും 2018 ലോകകപ്പ് യുവതാരം കിലിയന്‍ എംബാപ്പേക്കും ബ്രസീല്‍ സൂപ്പര്‍ താരം നെയ്മറിനും രണ്ട് ശതമാനം വോട്ടുകള്‍ മാത്രമാണ് നേടാനായത്.

ഇത്തവണ ആറ് ഘട്ടങ്ങളായാണ് 30 അംഗ പട്ടിക പ്രസിദ്ധീകരിച്ചത്. 1956ല്‍ തുടങ്ങിയ ബാലന്‍ ഡി ഓര്‍ അവസാന പത്തുവര്‍ഷം മെസിയോ റൊണള്‍ഡോയോ മാത്രമേ നേടിയിട്ടുള്ളു. ഇരുവരും അഞ്ചുതവണ വീതം പുരസ്‌കാരം സ്വന്തമാക്കി. 2016ലും 17ലും റൊണാള്‍ഡോയ്ക്കായിരുന്നു പുരസ്‌കാരം. യുവേഫ ചാംപ്യന്‍സ് ലീഗ് കിരീടം നേടിയ റയല്‍ മാഡ്രിഡിന്റെ എട്ട് താരങ്ങള്‍ പട്ടികയിലുണ്ട്. പ്രീമിയര്‍ ലീഗില്‍ നിന്ന് പതിനൊന്ന് താരങ്ങള്‍ ഇടംപിടിച്ചു.

Here is the completed 30-man list of the Ballon d’Or nominees. pic.twitter.com/jHe80rpqRP

— Soccer Laduma (@Soccer_Laduma) October 8, 2018

നിലവിലെ പുരസ്‌കാര ജേതാവ് ക്രിസ്റ്റ്യാനോ റൊണാള്‍ഡോ, ലിയോണല്‍ മെസി, ലൂക്ക മോഡ്രിച്ച്, മുഹമ്മദ് സലാ, ഈഡന്‍ ഹസാര്‍ഡ്, ഹാരി കെയ്ന്‍, എന്‍ഗോളോ കാന്റേ, കിലിയന്‍ എംബാപ്പേ, നെയ്മര്‍ ജൂനിയര്‍, അന്റോയ്ന്‍ ഗ്രീസ്മാന്‍, ഗാരെത് ബെയ്ല്‍, കെവിന്‍ ഡിബ്രൂയിന്‍, മാര്‍സലോ, പോള്‍ പോഗ്ബ, ലൂയിസ് സുവാരസ്, ഇവാന്‍ റാക്കിറ്റിച്ച്, തുടങ്ങിയവരൊക്കെയാണ് പട്ടികയിലുള്ളത്.

ഡിസംബര്‍ മൂന്നിന് പാരീസിലാണ് ബാലന്‍ ഡിഓര്‍ ജേതാവിനെ പ്രഖ്യാപിക്കുക. ചരിത്രത്തില്‍ ആദ്യമായി ഇത്തവണ മികച്ച വനിതാ താരത്തിനും ബാലന്‍ ഡി ഓര്‍ നല്‍കുന്നുണ്ട്.

നേരത്തെ ഒരു തവണ ലിയോ മെസി രാജ്യാന്തര ഫുട്‌ബോള്‍ വിട്ടതാണ്. കഴിഞ്ഞ കോപ്പ അമേരിക്ക ഫുട്‌ബോളില്‍ ചിലിയോട് ഫൈനലില്‍ തോറ്റതിന് ശേഷം ലോകത്തിന് മുന്നില്‍ അദ്ദേഹം പറഞ്ഞു-ഇനി രാജ്യാന്തര ഫുട്‌ബോളില്‍ ഞാനില്ല. ഞെട്ടലോടെയാണ് മെസിയുടെ വാക്കുകള്‍ ഫുട്‌ബോള്‍ ലോകം ശ്രവിച്ചത്. കാല്‍പ്പന്തിനെ സ്‌നേഹിക്കുന്നവരുടെ നിരന്തരകമായ അഭ്യര്‍ത്ഥനയില്‍ തീരുമാനത്തില്‍ നിന്നും പിന്‍വാങ്ങിയ താരം രാജ്യന്തര ടീമില്‍ തിരിച്ചെത്തിയത്.

മെസി മാത്രമല്ല ജാവിയര്‍ മസ്‌ക്കരാനസ് ഉള്‍പ്പെടെ പല സീനിയര്‍ താരങ്ങളും ലോകകപ്പോടെ രാജ്യാന്തര ഫുട്‌ബോള്‍ വിടാന്‍ കാത്തിരിക്കയാണ്. ഇത്തവണ ലോകകപ്പില്‍ അര്‍ജന്റീന കളിക്കുന്ന കാര്യം പോലും സംശയത്തിലായിരുന്നു. യോഗ്യതാ മല്‍സരങ്ങളില്‍ തപ്പിതടഞ്ഞ ടീം അവസാന സമയത്താണ് ലാറ്റിനമേരിക്കയില്‍ നിന്നും ടിക്കറ്റ് സ്വന്തമാക്കിയത്.

കരിയറിനെക്കുറിച്ച് ഗൗരവതരത്തില്‍ മെസി ചിന്തിക്കുന്ന സമയമാണിത്. അഞ്ചാം തവണം ബാലന്‍ഡിയോര്‍ പുരസ്‌ക്കാരം നേടി പോര്‍ച്ചുഗീസ് സൂപ്പര്‍ താരം കൃസ്റ്റ്യാനോ റൊണാള്‍ഡോ മെസിക്കൊപ്പം എത്തിയ വേളയില്‍ കരിയറിനെ കുറിച്ച് ലിയോ ആലോചിക്കുന്നു. കൂടുതല്‍ മല്‍സരങ്ങളോക്കാള്‍ നല്ല കുറച്ച് മല്‍സരങ്ങള്‍ എന്ന ആശയമാണ് മെസിയുടെ മനസ്സില്‍. എന്നാല്‍ സബ്‌സ്റ്റിറ്റിയൂട്ട് ബെഞ്ചില്‍ ഇരിക്കാനും അദ്ദേഹത്തിന് ആഗ്രഹമില്ല. ബാര്‍സയുടെ ചാമ്പ്യന്‍സ് ലീഗിലെ കഴിഞ്ഞ രണ്ട് മല്‍സരങ്ങളിലും മെസി ബെഞ്ചിലായിരുന്നു. മല്‍സരത്തിന് അത്ര പ്രസക്തിയില്ലാത്തത് കൊണ്ടായിരുന്നു ഇതെങ്കിലും മല്‍സരം നടക്കുമ്പോള്‍ ബെഞ്ചിലിരിക്കുന്നത് തനിക്ക് ആലോചിക്കാന്‍ പോലും കഴിയില്ല എന്നാണ് അദ്ദേഹം പറയുന്നത്. ലോകകപ്പില്‍ അര്‍ജന്റീന മെച്ചപ്പെട്ട പ്രകടനം നടത്തിയാല്‍ രാജ്യത്തിന്റെ കുപ്പായത്തില്‍ തുടര്‍ന്നും മെസി കളിക്കുമെന്നുറപ്പാണ്.

20008 ല്‍ തന്റെ ആദ്യ ബാലന്‍ഡിയോര്‍ പുരസ്‌കാരം നേടിയ റൊണാള്‍ഡോ 2013 ലും 2014 ലും 2016 ലും 2017ലും അതാവര്‍ത്തി്ക്കുകയായിരുന്നു. പാരീസിലെ ഈഫല്‍ ഗോപുരത്തില്‍ വ്യാഴാഴ്ച വൈകുന്നേരം നടന്ന ചടങ്ങിലാണ് കൃസ്റ്റ്യാനോക്ക് അവാര്‍ഡ് സമ്മാനിച്ചത്. കഴിഞ്ഞ സീസണില്‍ റയല്‍ മാഡ്രിഡിന് ചാമ്പ്യന്‍സ് ലീഗും ലാ ലിഗാ കിരീടവും നേടിക്കൊടുക്കുന്നതില്‍ 32 കാരനായ പോര്‍ച്ചുഗല്‍ താരത്തിന്റെ പ്രകടനം നിര്‍ണായകമായിരുന്നു.

Cristiano Ronaldo Ballon d’Or @francefootball 2017 ! #BallondOr pic.twitter.com/XbPS7anVRL

— France Football (@francefootball) December 7, 2017

Congratulations @Cristiano for your fifth #BallondOr! #EiffelTower pic.twitter.com/HX4hoePi9g

— La tour Eiffel (@LaTourEiffel) December 7, 2017

ബാലന്‍ഡിയോര്‍ പ്രഖ്യാപനത്തിന്റെ മുമ്പ് പ്രമുഖ താരങ്ങള്‍ പുറത്തുവിട്ട ചിത്രം നോക്കുക… ലോകത്തിലെ ഏറ്റവും മികച്ച ഫുട്‌ബോളറെ പ്രഖ്യാപിക്കുന്നതിന് മണിക്കൂറുകള്‍ മുമ്പുള്ള ചിത്രമാണിത്. ബാലന്‍ഡിയോറില്‍ വ്യക്തമായ സാധ്യത കല്‍പ്പിക്കപ്പെടുന്ന റയല്‍ മാഡ്രിഡ് സൂപ്പര്‍ താരം കൃസ്റ്റിയാനോ റൊണാള്‍ഡോ സ്വന്തം പ്രൈവറ്റ് ജെറ്റില്‍  പാരീസിലേക്ക് പുറപ്പെടുന്നതിന് മുമ്പുളളതാണ് മുകളിലെ ചിത്രം.

Flying in style!!

A post shared by Cristiano Ronaldo (@cristiano) on Dec 7, 2017 at 5:09am PST

തനിക്ക് തന്നെയായിരിക്കും പുരസ്‌ക്കാരമെന്നാണ് സി.ആര്‍-7 പറയുന്നത്. മെസിയും നെയ്മറുമാണ് അടുത്ത സ്ഥാനങ്ങളിലുള്ളവര്‍. മെസി ഇന്നലെ പരസ്യ ചിത്രീകരണത്തിലായിരുന്നു. ടെന്‍ഷനൊന്നും കാട്ടാതെ സിറിന്‍ ലാബ്‌സ് ബ്ലോക്‌ചെയിന്‍ ടെക്‌നോളജി സ്ഥാപനത്തിന്റെ പരസ്യ ചിത്രീകരണത്തിലായിരുന്നു മെസി.

Feliz de sumarme al proyecto de @SirinLabs y su blockchain /// Excited about blockchain and happy to join @SirinLabs as a partner

A post shared by Leo Messi (@leomessi) on Dec 7, 2017 at 6:26am PST

എല്ലാവരും സാധ്യത കല്‍പ്പിക്കുന്നത് പോര്‍ച്ചുഗലുകാരനാണ്. അദ്ദേഹത്തിന്റേതായിരുന്നു പോയ സീസണ്‍. റയല്‍ മാഡ്രിഡിന് വേണ്ടി രണ്ട് വലിയ കിരീടങ്ങള്‍. സ്പാനിഷ് ലാലീഗയും യുവേഫ ചാമ്പ്യന്‍സ് ലീഗും. ദേശീയ നിരയില്‍ പോര്‍ച്ചുഗലിന് വേണ്ടിയും മികച്ച പ്രകടനങ്ങള്‍. മെസിയും പക്ഷേ പിറകിലായിരുന്നില്ല. ലാലീഗയില്‍ ഏറ്റവുമധികം ഗോളുകള്‍ അര്‍ജന്റീനക്കാരന്റെ ബൂട്ടില്‍ നിന്നായിരുന്നു. അതിനുള്ള ഗോള്‍ഡന്‍ ഷൂ കഴിഞ്ഞ ദിവസമാണ് അദ്ദേഹം സ്വീകരിച്ചത്. എന്നാല്‍ ബാര്‍സക്ക് കിരീടങ്ങള്‍ സമ്മാനിക്കാന്‍ മെസിക്ക് കഴിഞ്ഞിരുന്നില്ല. നെയ്മര്‍ക്ക് സാധ്യതകള്‍ കുറവാണ്. ബാര്‍സയുടെ നിരയില്‍ കരുത്തനായി കളിച്ചിരുന്നു ബ്രസീലുകാരന്‍. ഈ മൂന്ന് പേരെ കൂടാതെ കൈലിയന്‍ മാപ്പെ, കെവിന്‍ ഡിബ്രയന്‍ എന്നിവരും സാധ്യതാപ്പട്ടികയിലുണ്ട്.

‘ബാളന്‍ ഡിഓറിനെപ്പറ്റി എനിക്ക് ആശങ്കകള്‍ ഒന്നുമില്ല. എനിക്ക് 32 വയസ്സ് കഴിയാറായി. ഫുട്‌ബോള്‍ മാത്രമല്ല എന്റെ ലോകം.’

‘ബാളന്‍ ഡിഓറിന്റെ കാര്യത്തില്‍ ഞാന്‍ ആത്മവിശ്വാസത്തിലാണ്. പാനല്‍ വോട്ടിങ് നടക്കുകയാണെന്ന് അറിയാം. ഇത്തവണയും അത് നേടാന്‍ കഴിയുമെന്നാണ് പ്രതീക്ഷ. അഞ്ചാം തവണയും ബാളന്‍ ഡിഓര്‍ നേടുക എന്നത് വലിയ ബഹുമതിയാണ്.’

‘ഏഴ് മക്കളുണ്ടാവണമെന്നാണ് എന്റെ ആഗ്രഹം. അത്രതന്നെ ബാളന്‍ ഡിഓറും. കളിക്കുന്ന കാലത്തോളം അത് നേടാനുള്ള ആവേശം എന്നിലുണ്ടാവും. ഈ വര്‍ഷം അഞ്ചാമത്തെ ബാളന്‍ ഡിഓര്‍ ആണ് എന്റെ സ്വപ്നം. അടുത്ത വര്‍ഷവും ആ ലക്ഷ്യം തുടരും.’ ക്രിസ്റ്റ്യാനോ പറഞ്ഞു.

A Alana Martina acaba de nascer! Tanto a Geo como a Alana estão muito bem! Estamos todos muito felizes!

A post shared by Cristiano Ronaldo (@cristiano) on Nov 12, 2017 at 12:19pm PST

റൊണാള്‍ഡോയുടെ കാമുകി ജോര്‍ജിന റോഡ്വിഗ്യൂസ് ദിവസങ്ങള്‍ക്കു മുമ്പ് ഒരു പെണ്‍കുഞ്ഞിന് ജന്മം നല്‍കിയിരുന്നു. പോര്‍ച്ചുഗീസ് താരത്തിന്റെ നാലാമത്തെ കുട്ടിയായിരുന്നു ഇത്.