bangalure fc – Chandrika Daily

ഐഎസ്എല്‍ കിരീടം ബെംഗളൂരുവിന്; സഹല്‍ മികച്ച യുവതാരം

chandrika — Sun, 17 Mar 2019 18:13:50 +0000

മുംബൈ: ആവേശം അതിരുവിട്ട ഐഎസ്എല്‍ അഞ്ചാം സീസണല്‍ ഫൈനലില്‍ വീറും വാശിയും എക്സ്ട്രാ ടൈമിലേക്ക് നീണ്ടപ്പോള്‍ ബെംഗളൂരു എഫ്സിക്ക് കിരീടം. എഫ്സി ഗോവയെ 117-ാം മിനുറ്റില്‍ കോര്‍ണറില്‍ നിന്ന് രാഹുല്‍ ഭേക്കേ നേടിയ ബുള്ളറ്റ് ഹെഡറില്‍ ബെംഗളൂരു 1-0ന് വീഴ്ത്തുകയായിരുന്നു. കഴിഞ്ഞ തവണ ഫൈനലില്‍ കൈവിട്ട കിരീടമാണ് ബെംഗളൂരു ഇക്കുറി ഉയര്‍ത്തിയത്.

EXQUISITE FROM @RahulBheke

Relive his title-winning header for @bengalurufc in the #HeroISLFinal here #LetsFootball #FanBannaPadega #NewChampion #BENGOA pic.twitter.com/YJQaE0okUG
— Indian Super League (@IndSuperLeague) March 17, 2019

പന്തിനൊപ്പം തമ്മിലടിയും കാര്‍ഡുകളും ഉയര്‍ന്ന മത്സരത്തിലെ ആദ്യ 90 മിനുട്ടില്‍ ഇരു ടീമുകള്‍ക്കും ഗോള്‍ കണ്ടെത്താന്‍ സാധിച്ചിരുന്നില്ല. 110 ലും ഗോളില്ല. ഒടുവില്‍ കളിയുടെ 117-ാം മിനുറ്റില്‍ രാഹുല്‍ ബെക്കെ എന്ന മധ്യനിരക്കാരന്റെ തലയില്‍ നിന്നും ബുള്ളറ്റ് വേഗതയില്‍ പറന്ന പന്തില്‍ ബംഗളൂരുവിന്റെ നീലപ്പട ഉച്ചത്തില്‍ ഉയര്‍ന്നു. ആദ്യം പോസ്റ്റില്‍ തട്ടി പിന്നെ ഗോവന്‍ കാവല്‍ക്കാരന്‍ നിഖിലിനെയും പരാജിതനാക്കി വലയില്‍ വീണ പന്ത് ഗോവയെ തകര്‍ത്തുകളഞ്ഞു.

That's how 'Champions' celebrate #HeroISLFinal #LetsFootball #FanBannaPadega #NewChampion #BENGOA pic.twitter.com/xoHJCNdQVA
— Indian Super League (@IndSuperLeague) March 17, 2019

ഫൈനല്‍ പോരാട്ടത്തിന്റെ മുഴുസമയ ആവേശവമുണ്ടായിരുന്നു 90 മിനുട്ട്് അങ്കത്തിന്. രണ്ട് ടീമുകള്‍ക്കും അവസരങ്ങള്‍ ലഭിച്ചു. പക്ഷേ ഗോള്‍ക്കീപ്പര്‍മാരുടെ മികവില്‍ പന്ത് ഗോള്‍ വലയത്തിലെത്തിയില്ല. അധികസമയത്തേക്ക് പോയപ്പോഴും വേഗതയാര്‍ന്ന നീക്കങ്ങള്‍ പലതുണ്ടായി. ക്യാപ്റ്റന്‍ സുനില്‍ ഛേത്രി കര്‍ക്കശമായി നിയന്ത്രിക്കപ്പെട്ടപ്പോള്‍ മിക്കുവായിരുന്നു ബംഗളൂരുവിന്റെ മുന്നണി പോരാളി. മല്‍സരത്തില്‍ നിര്‍ണായക ഗോള്‍ നേടിയ രാഹുല്‍ ബേക്കെയാണ് കളിയിലെ കേമന്‍. ചാമ്പ്യന്‍ഷിപ്പിലെ ഏറ്റവും മികച്ച താരമായി തെരഞ്ഞെടുക്കപ്പെട്ടത് ഗോവയുടെ ഫെറാന്‍ കോറോമിനസാണ്. ടോപ് സ്‌ക്കോറര്‍ക്കുള്ള ഗോള്‍ഡന്‍ ബൂട്ടും അദ്ദേഹത്തിന് തന്നെ. മികച്ച ഗോള്‍ക്കീപ്പറായി ബംഗളൂരുവിന്റെ വല കാത്ത ഗുര്‍പ്രീത് സിംഗ് തെരഞ്ഞെടുക്കപ്പെട്ടപ്പോള്‍ കേരളത്തിന് അഭിമാനിക്കാന്‍ മികച്ച യുവതാരമായി കേരളാ ബ്ലാസ്‌റ്റേഴ്‌സിന്റെ സഹല്‍ അബ്ദുള്‍ സമദ് തെരഞ്ഞെടുക്കപ്പെട്ടു.

ഉഗ്രവിജയവുമായി ബംഗളൂരു; ഛേത്രിക്ക് ഹാട്രിക്ക്

chandrika — Sun, 11 Mar 2018 19:19:49 +0000

ബംഗളൂരു: മൂന്ന് തകര്‍പ്പന്‍ ഗോളുകള്‍. സുനില്‍ ഛേത്രി അരങ്ങ് തകര്‍ത്ത ദിവസത്തില്‍ പൂനെക്കാര്‍ക്ക് തോല്‍വി മാത്രമായിരുന്നു രക്ഷ. ഹീറോ ഇന്ത്യന്‍ സൂപ്പര്‍ ലീഗില്‍ 3-1ന്റെ ഉഗ്രവിജയവുമായി ബംഗളൂരു എഫ്‌സി ഫൈനലിലെത്തി. ക്യാപ്റ്റന്‍ സുനില്‍ ഛേത്രിയുടെ ഹാട്രിക്കോടെയായിരുന്നു ബംഗളൂരുവിന്റെ ഫൈനലിലേക്കുള്ള യാത്ര. 15, 65, 89 മിനുട്ടുകളിലാണ് ഛേത്രി ഗോളുകള്‍ നേടിയത്. പൂനെയുടെ ഗോള്‍ ജോനാഥന്‍ ലൂക്കയുടെ(82) വകയായിരുന്നു. ഇതാദ്യമായാണ് ഇരു ടീമുകളും ഇന്ത്യന്‍ സൂപ്പര്‍ ലീഗിന്റെ സെമിയില്‍ എത്തുന്നത്. അതിനാല്‍ ഫൈനലിലേക്ക് എത്തുക എന്നത് ആഗ്രഹത്തില്‍ കടുത്ത പോരാട്ടമാണ് ഇരുവരും നടത്തിയത്. പൂനെയില്‍ നടന്ന ആദ്യ പാദ മത്സരത്തില്‍ ഇരു ടീമുകളും ഗോള്‍ രഹിത സമനിലയില്‍ പിരിഞ്ഞിരുന്നു. ആരാധകരുടെ നിറഞ്ഞ പിന്തുണയോടെ ക്യാപ്റ്റന്‍ ഛേത്രി സ്വന്തം തോളിലേറ്റിയാണ് ടീമിനെ വിജയത്തിലെത്തിച്ചത്.
കളിയുടെ തുടക്കത്തില്‍ തന്നെ ഇരു ടീമുകളും ആക്രമണത്തില്‍ ശ്രദ്ധയൂന്നിയാണ് കളിച്ചത്. ആക്രമണ പ്രത്യാക്രമണങ്ങള്‍ നിറഞ്ഞതായിരുന്നു ഒന്നാം പകുതി. 13ാം മിനുട്ടില്‍ പൂനെയ്ക്ക് ഒരവസരം കൂടി നഷ്ടപ്പെട്ടു. മാര്‍ക്കോ സ്റ്റാന്‍കോവിച്ചിന്റെ ഷോട്ടും ഗുര്‍പ്രീത് രക്ഷപ്പെടുത്തി. 15ാം മിനുട്ടില്‍ പൂനെ ഗോളി വിശാല്‍ കെയ്തിന്റെയും പ്രതിരോധത്തിന്റെയും പിഴവില്‍ ബംഗളൂരു ഗോള്‍ നേടി. ഇത്തവണയും ഉദാന്തഛേത്രി കൂ്ട്ടുകെട്ടാണ് ഗോളിലേക്ക് വഴി തുറന്നത്. വലതു ‘ാഗത്ത് നിന്നും ഉദാന്ത ഉയര്‍ത്തി കൊടുത്ത പന്തില്‍ ഛേത്രി തലവെച്ചു. ഗോളി കെയ്ത്ത് പന്തിന് പുറകെ ചാടിയെങ്കിലും പ്രതിരോധത്തിലെ ഗുര്‍തേജ് സിങ്ങിനെ ഇടിച്ചു വീണു. ഇവര്‍ക്കിടയില്‍ നിലത്ത് വീണ പന്ത് നേരെ വലയില്‍ കയറി. ഒരു ഗോളിന് പിന്നിലയാതോട പൂനെ ആക്രമണത്തിന്റെ ശക്തി വര്‍ധിപ്പിച്ചു. പൂനെ രണ്ടാം പകുതി വര്‍ധിത വീര്യത്തോടെയാണ് തുടങ്ങിയത്. നിരന്തരം അവര്‍ ബംഗളൂരിവിന്റെ ബോക്‌സില്‍ സമ്മര്‍ദ്ദം ചെലുത്തി. ഓരോ അവസരങ്ങളും അവര്‍ പാഴാക്കി കൊണ്ടിരിക്കെയാണ് ബംഗളൂരിവിന് ഒരു പെനാള്‍ട്ട് ലഭിക്കുന്നത്. ബോക്‌സിലൂടെ മുന്നേറിയ ഛേത്രിയെ പൂനെയുടെ സാര്‍ത്ഥക് പിടിച്ചു തള്ളി വീഴ്ത്തിയതിന് കിട്ടിയ ശിക്ഷ. ഗോളി കെയ്ത് വലതു വശത്തേക്ക് ചാടുമ്പോള്‍ ഛേത്രിയുടെ കിക്ക് അദ്ദേഹത്തിന് മുകളിലൂടെ വലയിലേക്ക് കയറി.
82ാം മിനുട്ടില്‍ പൂനെ ഗോളടിച്ചു. ബോക്‌സിന് പുറത്ത് നിന്ന് ലഭിച്ച ഫ്രീകിക്ക് രണ്ടാം പകുതിയില്‍ പകരക്കാരനായി ഇറങ്ങിയ ജോനാഥന്‍ ലൂക്ക് വലയില്‍ എത്തിക്കുകയാണുണ്ടായത്. ഒരു ഗോള്‍ വീണതോടെ സടകുടഞ്ഞെണീറ്റ പൂനെ ഒന്നിച്ച് ആക്രമണത്തിന് മുതിര്‍ന്നതോടെ ബംഗളൂരുവിന്റെ ബോക്‌സില്‍ വീണ്ടും സമ്മര്‍ദ്ദമായി.
എന്നാല്‍ ഈ തക്കം മുതലെടുത്ത് ഒരു പ്രത്യാക്രമണത്തിലൂടെ സുനില്‍ ഛേത്രി തന്റെ മൂന്നാം ഗോളും നേടി ബംഗളൂരുവിനെ ചരിത്രത്തിലാദ്യമായി ഇന്ത്യന്‍ സൂപ്പര്‍ ലീഗിന്റെ ഫൈനലില്‍ എത്തിച്ചു. ഛേത്രിയാണ് കളിയിലെ കേമന്‍.

കൊച്ചിയില്‍ നാളെ ബ്ലാസ്റ്റേഴ്‌സ്-ബെംഗളൂരു എഫ്.സി ആവേശപോര്

chandrika — Fri, 29 Dec 2017 19:21:42 +0000

കൊച്ചി: നാളെ കലൂര്‍ ജവഹര്‍ലാല്‍ നെഹ്‌റു സ്റ്റേഡിയത്തില്‍ കേരള ബ്ലാസ്റ്റേഴ്‌സിനെതിരെ നടക്കുന്ന ഐ.എസ്.എല്‍ മത്സരത്തിനായി ബെംഗളൂരു എഫ്.സി ടീം കൊച്ചിയിലെത്തി. ഉച്ചയോടെ നെടുമ്പാശേരി വിമാനത്താവളത്തിലെത്തിയ ടീം ഇന്നലെ പരിശീലനത്തിന് ഇറങ്ങിയില്ല.

ഇന്ന് രാവിലെ 9ന് പനമ്പിള്ളിനഗര്‍ സ്‌കൂള്‍ ഗ്രൗണ്ടില്‍ ടീം സന്നാഹമൊരുക്കും. നാളെ വൈകിട്ട് 5.30നാണ് മത്സരം. ഉച്ചക്ക് രണ്ടു മണിമുതല്‍ കാണികള്‍ക്ക് സ്റ്റേഡിയത്തിനകത്തേക്ക് കയറാം. വൈകിട്ട് ആറു മണിയോടെ സ്റ്റേഡിയത്തിലേക്കുള്ള ഗേറ്റുകള്‍ അടക്കും.ആറു മണിക്ക് ശേഷം ആരെയും സ്റ്റേഡിയത്തിനകത്തേക്ക് പ്രവേശിപ്പിക്കില്ല.

അതേസമയം ബ്ലാസ്റ്റേഴ്‌സ്-ബെംഗളൂരു മത്സരത്തിനുള്ള ഗാലറി ടിക്കറ്റുകള്‍ മുഴുവനും വിറ്റുതീര്‍ന്നു. ഓണ്‍ലൈനില്‍ വില്‍പ്പനക്ക് വച്ച 240 രൂപയുടെ ടിക്കറ്റുകളാണ് തീര്‍ന്നത്. 500 രൂപയുടെ ബി,ഡി ബ്ലോക്ക് (ഗോള്‍ പോസ്റ്റിന് പിറകിലെ ഇരിപ്പിടം) ടിക്കറ്റുകളും വിറ്റുതീര്‍ന്നിട്ടുണ്ട്. ബ്ലോക്ക് സി (700), ബ്ലോക്ക് എ.ഇ (850) ടിക്കറ്റുകളാണ് ഇനി വില്‍പ്പനക്കുള്ളത്. മത്സരദിവസമായ നാളെ സ്റ്റേഡിയത്തിലെ ബോക്‌സ്ഓഫീസുകള്‍ പ്രവര്‍ത്തിക്കില്ല. ടിക്കറ്റുകള്‍ മുത്തൂറ്റ് ഫിന്‍കോര്‍പ്പിന്റെ കതൃക്കടവ് ബ്രാഞ്ചില്‍ നിന്ന് ലഭിക്കും. ഓണ്‍ലൈന്‍ ടിക്കറ്റുകള്‍ എം.ജി റോഡ് ബ്രാഞ്ചില്‍ നിന്നാണ് മാറ്റിവാങ്ങേണ്ടത്.

സമൂഹ മാധ്യമങ്ങളില്‍ ഇരുടീമുകളുടെയും ആരാധകര്‍ തമ്മിലുള്ള വാഗ്വാദം ഇതിനകം ശ്രദ്ധ നേടിയിട്ടുണ്ട്. അതിനാല്‍ റെക്കോഡ് കാണികളെയാണ് മത്സരത്തിന് പ്രതീക്ഷിക്കുന്നത്. ഇന്ത്യന്‍ ടീമംഗങ്ങളുടെ നേര്‍ക്കു നേര്‍ പോരാട്ടത്തിനും കൊച്ചി സാക്ഷ്യം വഹിക്കും. ബ്ലാസ്റ്റേഴ്‌സിന്റെ അഞ്ചാമത്തെ ഹോം മാച്ചാണിത്. നിലവില്‍ ആറു മത്സരങ്ങളില്‍ നിന്ന് ഓരോ വീതം ജയവും തോല്‍വിയും നാലു സമനിലയുമായി ഏഴു പോയിന്റുമായി എട്ടാം സ്ഥാനത്താണ് ടീം. ഏഴു മത്സരങ്ങളില്‍ നിന്ന് നാലു ജയവുമായി മൂന്നാം സ്ഥാനത്താണ് ബെംഗളൂരു എഫ്.സി. തുടര്‍ച്ചയായ രണ്ടു തോല്‍വിക്ക് ശേഷമാണ് ബെംഗളൂരു ടീം നിര്‍ണായക മത്സരത്തിനായി കൊച്ചിയിലെത്തുന്നത്.