2010 നവംബറില്‍ ഇന്ത്യയില്‍ ആദ്യമായി എത്തിയ ഒബാമ മന്‍മോഹന്‍ സിങിനെ കുറിച്ച് എഴുതുന്നത് ഇങ്ങനെ;

‘വെള്ളത്താടിയും സിഖ് തലപ്പാവും ധരിച്ച മാന്യനും മൃദുഭാഷിയുമായ എഴുപതിലെത്തിയ ഒരു സാമ്പത്തിക ശാസ്ത്രജ്ഞന്‍. എന്നാല്‍ പടിഞ്ഞാറന്‍ കണ്ണുകള്‍ അദ്ദേഹത്തിന് ഒരു വിശുദ്ധന്റെ പരിവേശം നല്‍കി. 1990കളില്‍ ദശലക്ഷക്കണക്കിന് ഇന്ത്യയ്ക്കാരെ പട്ടിണിയില്‍ നിന്ന് രക്ഷിച്ച ധനമന്ത്രിയായിരുന്നു അദ്ദേഹം. പ്രധാനമന്ത്രിയായിരുന്ന കാലയളവില്‍ അതീവ ബുദ്ധിയും വിചാരവുമുള്ള, അങ്ങേയറ്റം ആത്മാര്‍ത്ഥതയുമുള്ള ഒരാളായാണ് സിങിനെ എനിക്ക് കാണാനായത്’

മന്‍മോഹന്റെ വിദേശനയത്തെ കുറിച്ച് പറയുന്നിടത്താണ് അസാധാരണ വിവകശാലിയായ ഒരാള്‍ എന്ന് ഒബാമ വിശേഷിപ്പിക്കുന്നത്.

‘വിദേശനയത്തില്‍ അങ്ങേറ്റം ബോധവാനായിരുന്ന, യുഎസുമായുള്ള ചരിത്രപരമായ ബന്ധത്തെ സംശയദൃഷ്ടിയോടെ കണ്ട ഉദ്യോഗസ്ഥരെ കുറിച്ച് പരസ്യപ്പെടുത്താന്‍ ആഗ്രഹിക്കാത്ത വേളയില്‍ തന്നെ ഞങ്ങളൊന്നിച്ചുള്ള കാലത്ത്, അദ്ദേഹത്തെ അസാമാന്യ വിവേകവും മാന്യതയും ഉള്ള ഒരാളായാണ് എനിക്ക് തോന്നിയത്. ന്യൂഡല്‍ഹിയിലേക്കുള്ള വരവില്‍ തന്നെ ഭീകരവിരുദ്ധത, ആഗോള ആരോഗ്യം, ആണവ സുരക്ഷ, വ്യാപാരം എന്നിവയില്‍ ഞങ്ങള്‍ കരാര്‍ ഒപ്പുവച്ചു’.

2010ല്‍ ഇന്ത്യയിലേക്കുള്ള തന്റെ ആദ്യ വരവ് പ്രത്യേകമായി ഓര്‍ക്കുന്നുണ്ടെന്ന് ഒബാമ പറയുന്നു. ഗാന്ധിജിയുടെ ജീവിതത്തെ കുറിച്ചം പാരമ്പര്യത്തെ കുറിച്ചും അദ്ദേഹം പുസ്തകത്തില്‍ ദീര്‍ഘമായി എഴുതുന്നു. ഗാന്ധിജിയുടെ മുംബൈയിലെ വസതിയായ മണിഭവനില്‍ ഭാര്യ മിഷേലിനൊപ്പമെത്തിയതും അദ്ദേഹം ഓര്‍ക്കുന്നുണ്ട്.

മുംബൈ ഭീകരാക്രമണത്തിന് ശേഷം പാകിസ്താനെ ആക്രമിക്കാതെ സംയമനം പാലിച്ചു നിന്ന മന്‍മോഹന്‍സിങിന് രാഷ്ട്രീയമായി വില കൊടുക്കേണ്ടി വന്നു എന്ന് ഒബാമ ചൂണ്ടിക്കാട്ടുന്നു. മുസ്‌ലിം വിരുദ്ധ വികാരം ഉയരുന്നത് ബിജെപിയുടെ വളര്‍ച്ചയ്ക്ക് കാരണമാകും എന്ന ഭയമായിരുന്നു അദ്ദേഹത്തിന്- അദ്ദേഹം കൂട്ടിച്ചേര്‍ത്തു.

മന്‍മോഹന്‍ സിങിന്റെ ഒന്നാമൂഴത്തിന്റെ അവസാനം വരെയുള്ള (2011) ഓര്‍മകളാണ് പുസ്തകത്തില്‍ ഉള്‍പ്പെടുത്തിയിട്ടുള്ളത്. അതുകൊണ്ടു തന്നെ 2014ല്‍ പ്രധാനമന്ത്രിയായ നരേന്ദ്രമോദിയെ കുറിച്ചുള്ള പരാമര്‍ശങ്ങള്‍ പുസ്തകത്തിലില്ല. ഓര്‍മപ്പുസ്തകത്തിന്റെ രണ്ടാം ഭാഗം പുറത്തിറക്കുന്ന തിയ്യതി പ്രഖ്യാപിച്ചിട്ടില്ല.

‘ഇതാണ് മോദിയുടെ ശക്തി, അമേരിക്കയില്‍ ഒബാമ പോലും മോദിയുടെ സത്യപ്രതിജ്ഞാ ചടങ്ങ് കാണുകയാണ്’ എന്ന തലക്കെട്ടോടെ മെയ് 31 ന് സച്ചിന്‍ ജീന്വാള്‍ എന്ന പേരിലുള്ള ഫേസ്ബുക്ക് അക്കൗണ്ടിലാണ് ചിത്രം ആദ്യം പ്രത്യക്ഷപ്പെട്ടത്. ഇത് പിന്നീട് നിരവധി പേര്‍ ഷെയര്‍ ചെയ്യുകയും സോഷ്യല്‍ മീഡിയയില്‍ വൈറലാവുകയുമായിരുന്നു.

എന്നാല്‍ ഈ ചിത്രം യഥാര്‍ത്ഥത്തില്‍ ന്യൂയോര്‍ക് ടൈംസ് ഫോട്ടോഗ്രാഫറായ ഡൗഗ് മില്‍സ് എടുത്തതാണ്. 2014 ജൂണ്‍ 26ന് മില്‍സ് ചിത്രം തന്റെ ഔദ്യോഗിക ട്വിറ്റര്‍ അക്കൗണ്ടില്‍ പോസ്റ്റ് ചെയ്തിട്ടുണ്ട്. മിനാപൊളിസിലേക്കുള്ള യാത്രക്കിടെ എയര്‍ഫോഴ്‌സ് വണ്‍ വിമാനത്തിലിരുന്ന് അന്ന് അമേരിക്കന്‍ പ്രസിഡന്റായിരുന്ന ഒബാമ അമേരിക്കജര്‍മ്മനി ലോകകപ്പ് മത്സരം കാണുന്ന ചിത്രമാണിത്. ഫുട്‌ബോള്‍ മത്സരത്തിന് പകരം മോദിയുടെ സത്യപ്രതിജ്ഞാ ചടങ്ങില്‍ നിന്നുള്ള ചിത്രം എഡിറ്റ് ചെയ്ത് ചേര്‍ത്താണ് വ്യാജചിത്രം നിര്‍മ്മിച്ചിരിക്കുന്നതെന്നും കണ്ടെത്തിയിട്ടുണ്ട്.

ഇന്ത്യന്‍ മുസ്ലീം സമുദായത്തെ പരിപോഷിപ്പിക്കുന്നതും പരിപാലിക്കുന്നതും ഇന്ത്യ പരിഗണിക്കണമെന്ന് ബരാക് ഒബാമ പറഞ്ഞു. ഇത് ശക്തിപ്പെടുത്തേണ്ടത് ആത്യാവശ്യമാണ്. 2015ല്‍ ഇന്ത്യാ സന്ദര്‍ശന വേളയില്‍ താനിക്കാര്യം വ്യക്തമാക്കിയിരുന്നു. സ്വന്തം വിശ്വാസത്തെ പരിശീലിപ്പിക്കാനുള്ള സ്വാതന്ത്ര്യവും അതിന്റെ ആവശ്യകതയും വര്‍ഗീയ വിഷയങ്ങളിലുണ്ടാവേണ്ട സഹിഷ്ണുതയെ സംബന്ധിച്ചും താന്‍ മോദിയുമായുള്ള കൂടിക്കാഴ്ചയില്‍ ഊന്നിപ്പറഞ്ഞിരുന്നതായും ഒബാമ വ്യക്തമാക്കി. മനുഷ്യ സമ്പത്തിലാണ് നിക്ഷേപങ്ങള്‍ നടക്കേണ്ടതെന്നും. ജനങ്ങളെ പഠിപ്പിക്കുകയും തൊഴില്‍ പരിശീലിപ്പിക്കുകയും ചെയ്യുകയാവണം വികസനത്തിനായുള്ള പ്രഥമ പ്രവര്‍ത്തിയെന്നും ഒബാമ നിര്‍ദേശിച്ചു.

ഇന്ത്യയുടെ മുന്‍ പ്രധാനമന്ത്രി ഡോ. മന്‍മോഹന്‍ സിങ്ങുമായി തനിക്കുണ്ടായിരുന്ന അടുത്ത സൗഹൃദവും ഒബാമ പങ്കുവെച്ചു. ആധുനിക ഇന്ത്യന്‍ സമ്പദ് വ്യവസ്ഥയ്ക്ക് അടിത്തറ പാകിയത് മന്‍മോഹന്‍ സിങ് ആണെന്ന് അദ്ദേഹം പറഞ്ഞു. 2008ല്‍ ലോകം നേരിട്ട സാമ്പത്തിക തകര്‍ച്ച നേരിടാന്‍ ഞങ്ങള്‍ കൈകോര്‍ത്തിരുന്നെന്നും ഒബാമ പറഞ്ഞു. നേരത്തെ ജി20 ഉച്ചകോടിയിലും ഒബാമ ഡോക്ടര്‍ സിങിനെ പുകഴ്ത്തി രംഗത്തെത്തിയിരുന്നു.

ഇന്ത്യക്കും അമേരിക്കക്കും തനിച്ച് ഒരു പ്രശ്‌നത്തിനും പരിഹാരം കാണാനാവില്ല. എന്നാല്‍ ഇരു രാജ്യങ്ങളും ഒരുമിച്ചാല്‍ പിന്നെ പരിഹരിക്കാന്‍ പറ്റാത്ത പ്രശ്മില്ലെന്നും ഒബാമ പറഞ്ഞു. ബഹുമുഖ മേഖലകളില്‍ ഇരുരാജ്യങ്ങളും ഒരുമിച്ചാല്‍ സാങ്കേതികവിദ്യയിലും നയതന്ത്രമേഖലയിലുമുണ്ടാവുന്ന പ്രാധാന്യത്തെകുറിച്ചും അദ്ദേഹം സൂചിപ്പിച്ചു.

സംസാരത്തില്‍ ഇന്ത്യന്‍ പ്രധാനമന്ത്രി നരേന്ദ്രമോദിയെയും ഒബാമ പുകഴ്ത്തി. മോദിയെ തനിക്കിഷ്ടമാണ്. ഇന്ത്യയുടെ ഏകതയില്‍ വിശ്വസിക്കുന്നയാളാണ് പ്രധാനമന്ത്രി നരേന്ദ്ര മോദിയെന്ന് ബരാക് ഒബാമ പറഞ്ഞു. ആഗോള താപനം പ്രതിരോധിക്കല്‍ ലക്ഷ്യം വെച്ചുള്ള പാരിസിലെ കാലാവസ്ഥാ കരാറില്‍ നരേന്ദ്ര മോദിയെടുത്ത നിലപാടിനെയും ഒബാമ പ്രശംസിച്ചു. അതേസമയം കരാറുമായി സഹകരിക്കാതിരുന്ന അമേരിക്കന്‍ പ്രസിഡന്റ് ട്രംപിന്റെ നിലപാടിനെ സംബന്ധിച്ച് ഒബാമ മൗനം പൂണ്ടു. പ്രസ്ഡന്റ്് പദവി ഒഴിഞ്ഞ ശേഷം ആദ്യമായാണ് ഒബാമ ഇന്ത്യയിലെത്തുന്നത്.

ഒബാമ ഫൗണ്ടേഷന്റെ പ്രവര്‍ത്തനങ്ങളെ കുറിച്ചും മുന്‍ അമേരിക്കന്‍ പ്രസിഡന്റ് വാചാലനായി. ലോകത്തിനായി വരും തലമുറയെ വാര്‍ത്തെടുക്കാനുള്ള പദ്ധതിയുണ്ടെന്നും ഒബാമ പറഞ്ഞു.

അന്താരാഷ്ട്ര രംഗത്ത് ഇന്ത്യയുടെ സ്ഥാനം എന്ന വിഷയത്തില്‍ സംസാരിക്കുകയായിരുന്നു ഒബാമ. റിലയന്‍സ് ഇന്‍ഡസ്ട്രീസ് ചെയര്‍മാന്‍ മുകേഷ് അംബാനി, യുപി മുഖ്യമന്ത്രി യോഗി ആദിത്യനാഥ് തുടങ്ങിയവരും പരിപാടിയില്‍ പങ്കെടുത്തു. ഇതിനിടെ ഇന്ത്യന്‍ പ്രധാനമന്ത്രി നരേന്ദ്രമോദിയുമായി ഒബാമ കൂടിക്കാഴ്ച നടത്തി. വൈറ്റ് ഹൗസ് വിട്ട ശേഷം ആദ്യമായാണ് ഒബാമ മോദിയെ കാണുന്നത്.

ന്യൂയോര്‍ക്കിലെ ട്രംപ് ടവറില്‍നിന്നുള്ള ട്രംപിന്റെ ഫോണുകള്‍ ചോര്‍ത്തിയെന്ന് സ്ഥാപിക്കാവുന്ന തെളിവുകളൊന്നും ട്രംപ് മുന്നോട്ടുവെച്ചിട്ടില്ല. ട്രംപിന്റെ ആരോപണം ഒബാമയുടെ വക്താവ് ശക്തമായി നിഷേധിച്ചിട്ടുണ്ട്. ഫോറിന്‍ ഇന്റലിജന്‍സ് സര്‍വൈലന്‍സ് ആക്ട്(ഫിസ) കോര്‍ട്ടിലൂടെയല്ലാതെ പ്രസിഡന്റിന് ഫോണ്‍ ചോര്‍ത്തലിന് ഉത്തരവിടാന്‍ സാധിക്കില്ല. ഒബാമയില്‍നിന്ന് ഫിസ കോര്‍ട്ട് ഓര്‍ഡര്‍ ഉണ്ടായിട്ടില്ലെന്ന് മുന്‍ ദേശീയ ഇന്റലിജന്‍സ് ഡയറക്ടര്‍ ജെയിംസ് ക്ലാപ്പറും വ്യക്തമാക്കിയിട്ടുണ്ട്. ഒബാമ ഫോണ്‍ ചോര്‍ത്തിയതിന് തെളിവു കൊണ്ടുവരാന്‍ പ്രമുഖ ഡെമോക്രാറ്റിക് പാര്‍ട്ടി നേതാക്കളെല്ലാം ട്രംപിനോട് ആവശ്യപ്പെട്ടുകഴിഞ്ഞു. ട്രംപിന്റെ ടീം അംഗങ്ങള്‍ക്ക് റഷ്യന്‍ ഉദ്യോഗസ്ഥരുമായുള്ള ബന്ധത്തെക്കുറിച്ച് യു.എസ് കോണ്‍ഗ്രസും എഫ്.ബി.ഐയും അന്വേഷണം തുടരുകയാണ്. ഡെമോക്രാറ്റിക് സ്ഥാനാര്‍ത്ഥി ഹിലരി ക്ലിന്റനെ തോല്‍പ്പിക്കാനും ട്രംപിനെ വിജയിപ്പിക്കാനും റഷ്യന്‍ തെരഞ്ഞെടുപ്പില്‍ ഇടപെട്ടതായി അമേരിക്കന്‍ ഇന്റലിജന്‍സ് ഏജന്‍സികളെല്ലാം കണ്ടെത്തിയിട്ടുണ്ട്. അന്വേഷണത്തെ വഴിതിരിച്ചുവിടാനാണ് ഒബാമക്കെതിരെ ട്രംപ് ആരോപണമുന്നയിച്ചതെന്ന് കരുതുന്നു.

വാഷിങ്ടണ്‍: മുന്‍ യു.എസ് പ്രസിഡന്റ് ബറാക് ഒബയും പത്‌നി മിഷേല്‍ ഒബാമയും എഴുതുന്ന പുസ്തകങ്ങളുടെ പ്രസിദ്ധീകരണാവകാശം പെന്‍ഗ്വിന്‍ റാന്‍ഡം ഹൗസ് സ്വന്തമാക്കി. രണ്ടു പുസ്തകങ്ങളാണ് ഒബാമയും മിഷേലും എഴുതുന്നത്.

പുസ്തകത്തിന്റെ പേരോ മറ്റു വിവരങ്ങളോ പുറത്തുവിട്ടിട്ടില്ല. 60 ദശലക്ഷം ഡോളറിന്റെ കരാറിലാണ് ഒപ്പുവെച്ചിരിക്കുന്നത്. ഡ്രീംസ് ഫ്രം മൈ ഫാദര്‍, ദ ആഡാസിറ്റി ഓഫ് ഹോപ്പ് എന്നീ പേരുകളില്‍ രണ്ട് പുസ്തകങ്ങള്‍ ഒബാമ എഴുതിയിട്ടുണ്ട്. ഇവ രണ്ടും വായനാലോകത്തെ ബെസ്റ്റ് സെല്ലറുകളാണ്. അമേരിക്കന്‍ ഗ്രോണ്‍ എന്ന പേരില്‍ മറ്റൊരു പുസ്തകവും ഒബാമ എഴുതിയിട്ടുണ്ട്. ഒബാമയുടെയും മിഷേലിന്റെയും പുതിയ പുസ്തകങ്ങളെ പ്രസിദ്ധീകരണ ലോകത്തെ അത്ഭുതങ്ങളാക്കി മാറ്റിയെടുക്കുമെന്ന് പെന്‍ഗ്വിന്‍ റൗന്‍ഡം അധികൃതര്‍ അറിയിച്ചു.

ഉത്തരവായതോടെ ഇന്‍ഷൂറന്‍സ് പദ്ധതിയുമായി ബന്ധപ്പെട്ട എല്ലാ നടപടി ക്രമങ്ങളും നിര്‍ത്തിവെച്ചു. ചെലവേറിയതും സമ്പന്നര്‍ മാത്രം ഉള്‍പ്പെട്ടിരുന്നതുമായ ആരോഗ്യ ഇന്‍ഷൂറന്‍സ് സാധാരണക്കാര്‍ക്കു കൂടി ലഭ്യമാക്കുന്നതായിരുന്നു ഒബാമ കെയറിന്റെ ലക്ഷ്യം. സ്വകാര്യ ഇന്‍ഷൂറന്‍സ് കമ്പനികളുമായി സഹകരിച്ച് നടത്തിയ പദ്ധതിയുടെ ശരിക്കുള്ള പേര് അഫോഡബിള്‍ കെയര്‍ ആക്ട് എന്നായിരുന്നു. എന്നാല്‍ എതിരാളികള്‍ കളിയാക്കിയ ഒബാമ കെയര്‍ എന്ന പേരാണ് ജനങ്ങള്‍ക്കിടയില്‍ പ്രചാരം നേടിയത്.

ജനങ്ങളാണ് തന്നെ മികച്ച പ്രസിഡന്റും മെച്ചപ്പെട്ട മനുഷ്യനുമാക്കിയത്. ജീവിതത്തില്‍ എന്തെങ്കിലും പഠിച്ചിട്ടുണ്ടെങ്കില്‍ അത് ജനങ്ങളില്‍ നിന്നാണെന്നും ഒബാമ പറഞ്ഞു. ജനാധിപത്യം സംരക്ഷിക്കാന്‍ അമേരിക്കന്‍ ജനത മുന്നിട്ടിറങ്ങണമെന്നും അദ്ദേഹം പറഞ്ഞു. വര്‍ണ വിവേചനം രാജ്യത്ത് ഇപ്പോഴും വെല്ലുവിളിയായി തുടരുകയാണ്. നിയമങ്ങള്‍ മാറിയതു കൊണ്ട് കാര്യമില്ല. ഹൃദങ്ങള്‍ മാറിയാല്‍ മാത്രമേ കൂടുതല്‍ മുന്നേറ്റം സാധ്യമാകൂ. മൂല്യങ്ങള്‍ നഷ്ടപ്പെടുന്നതില്‍ ജാഗ്രത പുലര്‍ത്തണം. റഷ്യക്കോ ചൈനക്കോ നമുക്കൊപ്പമെത്താന്‍ സാധിക്കില്ലെന്നും അദ്ദേഹം പറഞ്ഞു.

എട്ടു വര്‍ഷത്തെ തന്റെ ഭരണനേട്ടങ്ങള്‍ എടുത്തു പറയാനും അദ്ദേഹം മറന്നില്ല. മാറ്റങ്ങള്‍ കൊണ്ടുവരാനായത് തന്റെ മാത്രം കഴിവല്ലെന്നും ജനങ്ങളിലൂടെയാണ് അത് സാധ്യമായതെന്നും ഒബാമ പറഞ്ഞു. അതേസമയം ഭാര്യ മിഷേല്‍ ഒബാമയെയും വൈസ് പ്രസിഡന്റ് ജോ ബിഡനെയും പ്രശംസിക്കാനും ഒബാമ മറന്നില്ല.