അമേരിക്കയിലെ പ്രശസ്ത അന്വേഷണാത്മക പത്രപ്രവര്‍ത്തകന്‍ ബോബ് വുഡ്വാര്‍ഡിന്റെ ‘ഫിയര്‍: ട്രംപ് ഇന്‍ ദ വൈറ്റ്ഹൗസ്’ പുസ്തകത്തിലാണ് ബഷാറുല്‍ അസദിനെ കൊലപ്പെടുത്താന്‍ ട്രംപ് നിര്‍ദേശം നല്‍കിയെന്ന ഗുരുതര ആരോപണമുള്ളത്. വൈറ്റ്ഹൗസിന്റെ ഉള്ളറക്കഥകള്‍ പുറത്തുകൊണ്ടുവരുന്ന പുസ്തകത്തിലെ പല വിവരങ്ങളും ഞെട്ടിക്കുന്നവയാണ്. അതേസമയം പ്രതിരോധ സെക്രട്ടറി ജിം മാറ്റിസും ഈ ആരോപണം നിഷേധിച്ചിരിക്കുകയാണ്.

യു.എസ് പ്രതിരോധ സെക്രട്ടറി ജിം മാറ്റിസ്, ചീഫ് ഓഫ് സ്റ്റാഫ് ജോണ്‍, കെല്ലി, വൈറ്റ്ഹൗസ് വക്താവ് സാറ സാന്‍ഡേഴ്സ് എന്നിവര്‍ ട്രംപിനെക്കുറിച്ച് നടത്തുന്ന പല മോശം പരാമര്‍ശങ്ങളും പുസ്തകത്തില്‍ നല്‍കിയിട്ടുണ്ട്. വിഡ്ഢി, നുണയന്‍ എന്നൊക്കെയാണ് അവര്‍ ട്രംപിനെ വിശേഷിപ്പിച്ചിരിക്കുന്നത്. വൈറ്റ്ഹൗസ് ഉദ്യോഗസ്ഥര്‍ തന്ത്രപ്രധാനമായ പല രേഖകളും ഒപ്പുവെക്കാന്‍ അനുവദിക്കാതെ ട്രംപിന്റെ ഡസ്‌കില്‍നിന്ന് മാറ്റിവെച്ചിരിക്കുകയാണെന്നാണ് പുസ്തകത്തിലെ മറ്റൊരു വെളിപ്പെടുത്തല്‍. അത്തരം രേഖകളില്‍ ട്രംപ് ഒപ്പുവെച്ചാല്‍ ദൂരവ്യപാക പ്രത്യാഘാതങ്ങളുണ്ടാകുമെന്ന് അവര്‍ ഭയക്കുന്നു. ഭരണപരമായ അട്ടിമറിക്ക് തുല്യമാണ് ഇതെന്ന് വുഡ്വാര്‍ഡ് അഭിപ്രായപ്പെടുന്നു.

ദേശകാര്യങ്ങളില്‍ അഞ്ചാം ക്ലാസുകാരന്റേയോ ആറാം ക്ലാസുകാരന്റേയോ വിവരം മാത്രമാണുള്ളതെന്ന് മാറ്റിസ് പറഞ്ഞതായി പുസ്തകം വെളിപ്പെടുത്തുന്നു. ട്രംപ് വീണ്ടുവിചാരമില്ലാതെ ഒപ്പുവെക്കുമെന്ന് ഭയന്ന് മുഖ്യ സാമ്പത്തിക ഉപദേഷ്ടാവ് ഗാരി കോണും വൈറ്റ്ഹൗസ് സ്റ്റാഫ് സെക്രട്ടറി റോബ് പോര്‍ട്ടറും പ്രധാന രേഖകളെല്ലാം അദ്ദേഹത്തിന്റെ കണ്ണില്‍പെടാതെ സൂക്ഷിച്ചിരിക്കുകയാണ്. അമേരിക്കയെ ദോഷകരമായി ബാധിക്കുമെന്ന് ഭയന്നാണ് അവര്‍ അത് ചെയ്തത്. ട്രംപ് ഭരണകൂടത്തിലെ പൊട്ടിത്തെറികളും മറ്റും വുഡ്വാര്‍ഡിന്റെ നിഗമനങ്ങളെ ശരിവെക്കുന്നവയാണ്.

1970കളില്‍ അന്നത്തെ യു.എസ് പ്രസിഡന്റ് റിച്ചാര്‍ഡ് നിക്സന് സ്ഥാനമൊഴിയേണ്ടിവന്ന വാട്ടര്‍ഗേറ്റ് അഴിമതിക്കഥകള്‍ പുറത്തുകൊണ്ടുവന്നതിലൂടെയാണ് വുഡ്വാര്‍ഡ് ലോക പ്രശസ്തനായത്. അമേരിക്കയില്‍ ഏറ്റവും വിശ്വാസ്യതയുള്ള മാധ്യമപ്രവര്‍ത്തകരിലൊരാണ് പുസ്തക രചയിതാവായ വുഡ്വാര്‍ഡ്സ്. പുസ്തകം ഈ മാസം 11നാണ് വിപണിയിലെത്തുന്നത്. നേരത്തെ ജോര്‍ജ് ബുഷ്, ബറാക് ഒബാമ എന്നിവരെപ്പറ്റി അദ്ദേഹം പുസ്തകം എഴുതിയിട്ടുണ്ട്.

കഴിഞ്ഞ ദിവസം രാത്രി ഇദ്ലിബിലെ വടക്കന്‍ ഗ്രാമീണ പ്രദശമായ സര്‍ദാനയില്‍ റഷ്യന്‍ യുദ്ധ വിമാനങ്ങള്‍ നടത്തിയ ആക്രമണത്തില്‍ സ്ത്രീകളും കുട്ടികളുമടക്കം നാല്‍പ്പതിലേറെ പേര്‍ മരിക്കുകയും അമ്പതിലേറെ പേര്‍ക്ക് പരിക്കേറ്റു. കഴിഞ്ഞ മാര്‍ച്ചിനു ശേഷം ഒരു ആക്രമണത്തില്‍ ഏറ്റവും കൂടുതല്‍ മരണം റിപ്പോര്‍ട്ടു ചെയ്യുന്ന ആക്രമണമാണ് വ്യാഴായ്ച നടന്നത്. ബ്രിട്ടന്‍ ആസ്ഥാനമായി പ്രവര്‍ത്തിക്കുന്ന യുദ്ധനിരീക്ഷണ മേധാവി റാമി അബ്ദുല്‍റഹ്മാന്റെ ഓഫീസ് അറിയിച്ചു.

സിറിയയിലെ ഏറ്റവും കൂടുതല്‍ ജനങ്ങള്‍ താമസിക്കുന്ന സ്ഥലമാണ് ഇദ്‌ലിബ്.ഏറെ കാലമായി ഇദ്ലിബ് വിമതരുടെ പിടിയിലാണ്. ഇവിടെ ഐ.എസ് ഭീകരരും പിടിമുറുക്കാന്‍ ശക്തമായി ശ്രമിക്കുന്നുണ്ട്. ഇരു കൂട്ടര്‍ക്കും നേരെയാണ് സിറിയയിലെ ബശാറുല്‍ അസദിന്റെ സൈന്യം റഷ്യയുടെ സഹായത്തോടെ ആക്രമണം നടത്തുന്നത്.  ഇരു കൂട്ടരില്‍ നിന്നും പ്രദേശം മോചിപ്പിച്ചെടുക്കുക എന്നതാണ് സിറിയയുടെ ലക്ഷ്യം. ഇരുകൂട്ടരും തമ്മിലുള്ള പോരാട്ടത്തിനിടെ ഇതിനോടകം പതിനായിരക്കണക്കിന് നിരപരാധികളായ സാധരണ ജനങ്ങളാണ് മരിച്ചു വീണത്. ഇതില്‍ ഭൂരിഭാഗവും കുഞ്ഞുങ്ങളും സ്ത്രീകളുമാണ്. ആക്രമണത്തില്‍ പരിക്കേറ്റ പലര്‍ക്കും അംഗവൈകല്യം സംഭവിച്ചു. കിടക്കയിലും വീല്‍ചെയറിലും ആശുപത്രിയിലും അഭയാര്‍ത്ഥി ക്യാംപിലും ഇവര്‍ ജീവിതം തള്ളിനീക്കുയാണ്.

നിരന്തരമുള്ള ആക്രമണത്തെ തുടര്‍ന്ന് ഇദ്‌ലിബില്‍ നിന്നും  ജനങ്ങള്‍ കൂട്ടമായി പാലായനം ചെയുകയാണ്. 2015ല്‍ റഷ്യയുടെ സഹായം ലഭിച്ചതോടെയാണ് സിറിയന്‍ ഭരണകൂടം ഇവിടെ ശക്തി പ്രാപിച്ചത്. കണക്കുകള്‍ പ്രകാരം 2011നു ശേഷം സിറിയയില്‍ ഭരണകൂടത്തിനെതിരായ പ്രതിഷേധത്തില്‍ മൂന്നര ലക്ഷത്തിലേറെ ജീവനുകളാണ് നഷ്ടമായത്.

കിം ജോങ് ഉന്‍ അധികാരത്തിലെത്തിയ ശേഷം ഉത്തരകൊറിയയില്‍ സന്ദര്‍ശനം നടത്തുന്ന ആദ്യ വിദേശ രാഷ്ട്രത്തലവനായിരിക്കും അസദ്. 2011ല്‍ ഭരണം ഏറ്റെടുത്ത ശേഷം ഒരു വിദേശ രാഷ്ട്രത്തലവനെ ഉത്തരകൊറിയയില്‍ സ്വീകരിച്ചിട്ടില്ല. അന്താരാഷ്ട്രതലത്തില്‍ ഉറ്റബന്ധം പുലര്‍ത്തുന്ന രാജ്യങ്ങളാണ് ഉത്തരകൊറിയയും സിറിയയും. ആണവായുധ പദ്ധതിയുടെ പേരില്‍ ഉത്തരകൊറിയയും ആഭ്യന്തര യുദ്ധം കാരണം സിറിയയും അന്താരാഷ്ട്ര ബഹിഷ്‌കരണം നേരിടുന്നുണ്ട്.

രാസായുധങ്ങള്‍ നിര്‍മിക്കാന്‍ സിറിയയെ സഹായിക്കുന്നത് ഉത്തരകൊറിയയാണെന്ന് യു.എന്‍ ആരോപിക്കുന്നു. ഇരുരാജ്യങ്ങള്‍ക്കിടയില്‍ ഉറ്റ സൈനിക സഹകരണം നിലനില്‍ക്കുന്നുണ്ട്. 1973 ഒക്ടോബറില്‍ അറബ്-ഇസ്രാഈല്‍ യുദ്ധകാലത്ത് ഉത്തരകൊറിയ സിറിയയിലേക്ക് 530 സൈനികരെ അയച്ചുകൊടുത്തിരുന്നു.

സിറിയക്കു നല്‍കിയ പുരസ്‌കാരം തിരിച്ചെടുക്കുന്നതിന് നടപടികള്‍ സ്വീകരിക്കുമെന്ന് ഫ്രാന്‍സ് പ്രഖ്യാപിച്ചിരുന്നു. ഇതിനു പിന്നാലെയാണ് സിറിയന്‍ പ്രസിഡന്റ് ബഷാറുല്‍ അസദ് പുരസ്‌കാരം തിരസ്‌കരിച്ചത്.

അമേരിക്കക്ക് അടിമയായ രാജ്യത്തിന്റെ പുരസ്‌കാരം തങ്ങള്‍ക്ക് വേണ്ടെന്നും ബഷാറുല്‍ അസദ് അറിയിച്ചു.