ഇന്ത്യയില്‍ ഇപ്പോൾ സത്യം പറയുന്നത് കുറ്റമാണെന്നും നിലവിലെ ഭരണത്തിന് കീഴില്‍ രാജ്യത്തെ ജനങ്ങള്‍ക്ക് നേരിടേണ്ടി വരുന്നതെന്താണെന്നതിന്‍റെ ചെറിയ ചിത്രമാണ് ഡോക്യുമെന്‍ററി മുന്നോട്ട് വയ്ക്കുന്നതെന്നും സെനറ്റര്‍ ഡേവിഡ് ഷൂ ബ്രിഡ്ജ് പ്രതികരിച്ചു.പ്രധാനമന്ത്രിയോട് ഇന്ത്യയില്‍ നടക്കുന്ന മനുഷ്യാവകാശ ധ്വംസനങ്ങളേക്കുറിച്ച് സംസാരിക്കാന്‍ ഓസ്ട്രേലിയന്‍ പ്രാധാനമന്ത്രി ശ്രമിച്ചില്ലെന്ന് സെനറ്റര്‍ ജോര്‍ദന്‍ കുറ്റപ്പെടുത്തി.അതേസമയം നരേന്ദ്ര മോദിയുടെ സന്ദർശനം ഇന്ത്യയും ഓസ്ട്രേലിയയും തമ്മിലുള്ള ബന്ധം ദൃഢമാക്കിയെന്ന് ഓസ്ട്രേലിയൻ പ്രധാനമന്ത്രി ആന്‍റണി ആൽബനീസ് പ്രതികരിച്ചു.

രാജ്യത്ത് പ്രവർത്തിക്കുന്ന എല്ലാ സ്ഥാപനങ്ങളും ഇവിടത്തെ നിയമം പാലിക്കാൻ ബാധ്യസ്ഥരാണെന്ന
മറുപടിയാണ് വിദേശകാര്യ മന്ത്രി എസ് ജയശങ്കർ അദ്ധഹത്തിന് നൽകിയതെന്നും റിപ്പോർട്ടുകൾ പറയുന്നു.ഗുജറാത്ത് കലാപവുമായി ബന്ധപ്പെട്ട ഡോക്യുമെന്ററി പുറത്തുവന്നതിന് പിന്നാലെ ന്യൂഡല്‍ഹിയിലെയും മുംബൈയിലെയും ബി.ബി.സി ഓഫീസുകളിൽ നടന്ന പരിശോധന വിമർശനങ്ങൾ ഉയർത്തിയിരുന്നു.

ഗ്രൂപ്പിന്റെ വിദേശ സ്ഥാപനങ്ങളുമായി ബന്ധപ്പെട്ടുളള ചില പണമിടപാടുകള്‍ക്ക് നികുതി അടച്ചിട്ടില്ലെന്നും പ്രസ്താവനയില്‍ സൂചിപ്പിക്കുന്നു. രേഖകളും കരാറുകളും ഹാജരാക്കാന്‍ ആവശ്യപ്പെട്ടപ്പോള്‍ ബിബിസി ഉദ്യോഗസ്ഥര്‍ കാലതാമസം വരുത്തിയെന്നും ഐടി വകുപ്പ് ആരോപിച്ചു.

ഗുജറാത്ത് കലാപത്തെക്കുറിച്ചും കലാപത്തില്‍ പ്രധാനമന്ത്രിയുടെ പങ്കിനെ കുറിച്ചും വ്യക്തമാക്കുന്ന ബിബിസിയുടെ ഡോകുമെന്ററി പുറത്തിറക്കിയതിനു പിന്നാലെയാണ് ആദായ വകുപ്പിന്റെ റെയ്ഡ് നടന്നത്. മൂന്ന് ദിവസമായി ബിബിസി യുടെ പിന്നാലെ ആയിരുന്നു വകുപ്പ്.

2002 ലെ ഗുജറാത്ത് കലാപത്തെക്കുറിച്ചുള്ള ബിബിസി ഡോക്യുമെന്ററി ലിങ്കുകള്‍ തടയാനുള്ള കേന്ദ്രസര്‍ക്കാര്‍ ഉത്തരവിനെ ചോദ്യം ചെയ്തുളള ഹര്‍ജിയില്‍ സുപ്രീംകോടതി കേന്ദ്രത്തിന് നോട്ടീസ് അയച്ചിരുന്നു. ഇതിന് പിന്നാലെയാണ് ആര്‍എസ്എസ് മാസികയുടെ വിമര്‍ശനം.

2002 ലെ ഗോധ്രാ കലാപങ്ങളെക്കുറിച്ചും അന്നത്തെ മുഖ്യമന്ത്രി നരേന്ദ്ര മോദിയുടെ കീഴിലുള്ള ഗുജറാത്ത് സര്‍ക്കാരിന് അതിലുളള പങ്കിനെ കുറിച്ചുമാണ് ബിബിസി, ‘ഇന്ത്യ: ദ മോദി ക്വസ്റ്റ്യന്‍’എന്ന ഡോക്യുമെന്ററിയിലൂടെ പറഞ്ഞത്. ‘നമ്മുടെ രാജ്യത്തിന്റെ താല്‍പ്പര്യങ്ങള്‍ സംരക്ഷിക്കുന്നതിനാണ് സുപ്രീം കോടതിയുളളത്. എന്നാല്‍ ഇന്ത്യയുടെ എതിരാളികള്‍ സുപ്രീം കോടതിയെ ഒരു ഉപകരണമായി ഉപയോഗിക്കുന്നു.’ എന്നാണ് പാഞ്ചജന്യയുടെ എഡിറ്റോറിയലില്‍ പറയുന്നത്.

ഇന്ത്യയെ അപകീര്‍ത്തിപ്പെടുത്താനുള്ള പ്രചാരണമാണ് ബിബിസി ഡോക്യുമെന്ററി എന്നും തികച്ചും തെറ്റായ വസ്തുതകളാണ് അതിലുളളതെന്നുമാണ് മാസികയില്‍ പറയുന്നത്. നികുതിദായകരുടെ പണത്തിലാണ് സുപ്രീം കോടതി പ്രവര്‍ത്തിക്കുന്നതെന്നും ഇന്ത്യന്‍ നിയമമനുസരിച്ച് രാജ്യത്തിനുവേണ്ടി പ്രവര്‍ത്തിക്കണമെന്നുമാണ് മാസികയുടെ എഡിറ്റോറിയലിലുള്ള നിര്‍ദേശം.

വിശദമായ പഠനങ്ങള്‍ക്കും ഗവേഷണങ്ങള്‍ക്കുമൊടുവില്‍ തയ്യാറാക്കിയതെന്ന് ബി.ബി.സി അവകാശപ്പെടുന്ന ഡോക്യുമെന്ററി പുറത്തുവന്നതോടെ വിശ്വ ഗുരു ചമയാനൊരുങ്ങുന്ന നരേന്ദ്രമോദിയുടെ പ്രതിച്ഛായക്കാണ് മങ്ങലേറ്റത്. ഗുജറാത്ത് കലാപം വളരെ ആസൂത്രിതമായി സൃഷ്ടിച്ചതാണെന്നും പൊലീസും മറ്റു അധികാര കേന്ദ്രങ്ങളും അതിനായി സഹായ സഹകരണങ്ങള്‍ ചെയ്തു എന്നുമാണ് ഡോക്യുമെന്ററി പറഞ്ഞുവെക്കുന്നത്. തീര്‍ത്തും സ്വതന്ത്രമായി നടത്തിയ അന്വേഷണത്തിന്റെ അടിസ്ഥാനത്തില്‍ തയ്യാറാക്കപ്പെട്ട ഡോക്യുമെന്ററി നരേന്ദ്രമോദി സര്‍ക്കാറിന് പുതിയ തലവേദനയായി. ഗുജറാത്ത് മുഖ്യമന്ത്രിയായിരുന്ന നരേന്ദ്രമോദി കലാപത്തില്‍ നേരിട്ട് ഉത്തരവാദിയാണെന്നാണ് ബ്രിട്ടനിലെ മുന്‍ വിദേശകാര്യ സെക്രട്ടറിയായിരുന്ന ജാക്‌സ്‌ട്രോ പറയുന്നത്. ഇത് തന്നെയാണ് ഡോക്യുമെന്ററിയിലെ ഏറ്റവും ശ്രദ്ധേയമായ വസ്തുത.

ഗുജറാത്ത് കലാപം വീണ്ടും ചര്‍ച്ച ചെയ്യപ്പെടുന്നത് ആശങ്കയോടെ നോക്കിക്കാണുന്ന ബി.ജെ.പി ഭരണകൂടം ഡോക്യുമെന്ററിയുടെ ലിങ്കുകള്‍ ഐ.ടി നിയമങ്ങളുടെ പഴുതില്‍ നീക്കം ചെയ്യുകയാണ്. ഐ.ടി മന്ത്രാലയം യൂട്യൂബും ട്വിറ്ററും അടക്കമുള്ള സാമൂഹിക മാധ്യമങ്ങളോട് ഡോക്യുമെന്ററിയുടെ ചെറു ക്ലിപ്പുകളും ലിങ്കുകളും ഒഴിവാക്കാന്‍ ആവശ്യപ്പെടുകയും ചെയ്തു. മാധ്യമ സ്വാതന്ത്ര്യത്തെ ഹനിക്കുന്നു എന്ന് തരത്തിലേക്കുള്ള നടപടികളുമായി സര്‍ക്കാര്‍ മുന്നോട്ട്‌പോയതോടെ ഇന്ത്യയുടെ ക്യാമ്പസുകളും യൂണിവേഴ്‌സിറ്റി തലങ്ങളും ഡോക്യുമെന്ററി പ്രദര്‍ശിപ്പിക്കാനായി രംഗത്ത് വരികയുണ്ടായി.

വിദ്യാര്‍ത്ഥി യുവജന സംഘടനകളും പ്രതിപക്ഷ പാര്‍ട്ടികളും ഡോക്യുമെന്ററിയെ വലിയ രാഷ്ട്രീയ ആയുധമായി ഉപയോഗിക്കാന്‍ തുടങ്ങി. ജെ. എന്‍.യുവില്‍ ഡോക്യുമെന്ററി പ്രദര്‍ശിപ്പിക്കുന്നു എന്നറിഞ്ഞ യൂണിവേഴ്‌സിറ്റി അധികൃതര്‍ വൈദ്യുതിയും വൈഫൈ സംവിധാനവും വിച്ഛേദിച്ചതോടെ പ്രതിഷേധവുമായി തെരുവിലിരുന്ന് ഫോണുകളിലും ലാപ്‌ടോപ്പുകളിലും ഡോക്യുമെന്ററി കാണുന്ന വിദ്യാര്‍ത്ഥികളെ ഇന്ത്യ കണ്ടു. ജാമിഅ മില്ലിയയും ഹൈദരാബാദ് യൂണിവേഴ്‌സിറ്റിയും കഴിഞ്ഞു രാജ്യത്തിലെ പല യൂണിവേഴ്‌സിറ്റികളിലും ക്യാമ്പസുകളിലും ഡോക്യുമെന്ററി പ്രദര്‍ശിപ്പിക്കപ്പെടുകയുണ്ടായി.

ഡോക്യുമെന്ററി ചൂട്പിടിച്ച ചര്‍ച്ചകള്‍ക്ക് വഴിവെച്ചതോടെ ഉന്നത ഉദ്യോഗസ്ഥരും ജഡ്ജിമാരും ഉദ്യോഗസ്ഥരും എല്ലാം സംഭവത്തെ ന്യായീകരിച്ചും നരേന്ദ്രമോദി അടക്കമുള്ളവര്‍ക്ക് പിന്തുണ പ്രഖ്യാപിച്ചും രംഗത്ത് വന്നു. ബി.ജെ.പി സര്‍ക്കാരിന്റെ പ്രതിച്ഛായയെ അപകീര്‍ത്തിപ്പെടുത്താന്‍ വേണ്ടി നിര്‍മിക്കപ്പെട്ട ഡോക്യുമെന്ററി ആണിതെന്നും കൃത്യമായ രാഷ്ട്രീയ അജണ്ടകള്‍ ഇതിനു പിന്നിലുണ്ടെന്നുമാണ് വിദേശകാര്യ വക്താവ് അരിന്ദം ബാഗ്ജി പറഞ്ഞത്.

ബി.ബി.സിയുടെ കൊളോണിയല്‍ മനോഭാവത്തില്‍നിന്ന് ഉടലെടുത്തതാണ് ഇതെന്നും കൊളോണിയല്‍ ശക്തികള്‍ ഇന്ത്യ മഹാരാജ്യത്ത് കാണിച്ചുകൂട്ടിയ മനുഷ്യത്വ വിരുദ്ധമായ പ്രവര്‍ത്തനങ്ങളെ പുറത്തുകൊണ്ടുവരുമോ എന്നുമാണ് ബി.ജെ.പി നേതാക്കള്‍ ചോദിക്കുന്നത്. അതിനുമപ്പുറം രാജ്യത്തിന്റെ രീതിയായ വ്യവസ്ഥ നരേന്ദ്രമോദി അടക്കമുള്ളവരെ കുറ്റവിമുക്തരാക്കി ക്ലീന്‍ചീറ്റ് നല്‍കിയതിനുശേഷം ഇത്തരത്തിലുള്ള ഡോക്യുമെന്ററി പുറത്തുവരുന്നതോടെ ജുഡീഷ്യല്‍ സംവിധാനത്തിന് ആധികാരികതയും ചോദ്യം ചെയ്യപ്പെടുകയാണ്.

ഗുജറാത്തിന്റെ പ്രാന്ത ഭാഗങ്ങള്‍ വര്‍ഗീയ സംഘട്ടനങ്ങള്‍കൊണ്ട് മുഖരിതമായി 2000 ത്തിലധികം പേര്‍ക്ക് ജീവഹാനി സംഭവിക്കുകയും മറ്റു ഭീമമായ നാശനഷ്ടങ്ങള്‍ ഉണ്ടാകുകയും ചെയ്ത ഗുജറാത്ത് കലാപം ജനാധിപത്യ ഇന്ത്യയുടെ ചരിത്രത്തിലെ തന്നെ ഏറ്റവും വലിയ കലാപമായിരുന്നു. മതപരമായ ചേരിതിരിവ് മൂലം ഉടലെടുത്ത സംഘട്ടനങ്ങളുടെ സംഭവവികാസങ്ങള്‍ മതേതര വിശ്വാസിക്കും അവിസ്മരിക്കാന്‍ ആവില്ല.

ഗുജറാത്ത് ഇരകളുടെ നീതിക്കായി Citizens for Ju-stice and Peace എന്ന സംഘടന രൂപീകരിച്ച് രംഗത്ത്‌വന്ന വിഖ്യാത മനുഷ്യാവകാശ പ്രവര്‍ത്തക ടീസ്റ്റ സെറ്റല്‍വാദും കലാപം നടക്കുമ്പോള്‍ ഗുജറാത്തിലെ സായുധ പൊലീസ് സേനയുടെ ചുമതലയുണ്ടായിരുന്ന ഡി.ജി.പി ആര്‍.ബി ശ്രീകുമാറുമെല്ലാം ഗുജറാത്ത് കലാപത്തിലെ അധികാര വര്‍ഗത്തിന്റെ പങ്ക് തുറന്നുകാട്ടിയതിന്റെ പേരില്‍ ജയില്‍ ശിക്ഷ അനുഭവിച്ചവരാണ്.

ഉന്നത ഉദ്യോഗസ്ഥരുടെ യോഗത്തില്‍ മോദി തങ്ങളോട് കലാപാഹ്വാനം നടത്തിയിരുന്നു എന്ന് തുറന്നുപറഞ്ഞ ഗുജറാത്തിലെ മുന്‍ ഐ.പി.എസ് ഉദ്യോഗസ്ഥന്‍ സഞ്ജീവ് ഭട്ട് ഇപ്പോഴും ജയിലിന്റെ അഴിയെണ്ണി ജീവിക്കുകയാണ്. കലാപകാരികളാല്‍ കൂട്ട ബലാത്സംഗത്തിനിരയാക്കപ്പെട്ട ബല്‍ക്കീസ് ബാനുവിന്റെ പ്രതികള്‍ക്ക് ജാമ്യം ലഭിച്ചത് രാജ്യം എഴുപത്തിയഞ്ചാം സ്വാതന്ത്ര്യത്തിന്റെ ആഘോഷ പുലരിയെ വരവേറ്റപ്പോഴായിരുന്നു.

ഗുല്‍ബര്‍ഗ് ഹൗസിംഗ് കോളനിയില്‍ കലാപകാരികളില്‍നിന്ന് അഭയം തേടിയിരുന്ന ഇഹ്‌സാന്‍ ജാഫ്രിയും കൂടെയുണ്ടായിരുന്ന 69പേരും അഗ്‌നിക്കിരയാക്കി കൊലചെയ്യപ്പെട്ടപ്പോള്‍, മുന്‍ എം.പി എന്ന പരിഗണനയും നല്‍കാതെ കൊല്ലപ്പെട്ടതിന് ഒമ്പതു മണിക്കൂര്‍ ശേഷമാണ് പൊലീസ് സംഭവ സ്ഥലത്ത് എത്തുന്നത്. അവരുടെ നീതിക്കായി ഭാര്യ സാക്കിയ ജാഫ്രി ഇന്നും രാജ്യത്തിന്റെ നീതിപീഠത്തിനു മുമ്പില്‍ ശക്തമായി നിലകൊള്ളുകയാണ്.

കലാപം നടന്ന 20 വര്‍ഷം പൂര്‍ത്തിയാകുമ്പോള്‍ ബി.ബി.സി പുറത്തുവിടുന്ന ഡോക്യുമെന്ററി വരാനിരിക്കുന്ന തിരഞ്ഞെടുപ്പില്‍ ബി.ജെ.പിക്ക് ഒരുപക്ഷേ വലിയ തലവേദന സൃഷ്ടിക്കാനോ പ്രതിപക്ഷ പാര്‍ട്ടികള്‍ക്ക് ബി.ജെ.പിക്കെതിരെ ഉപയോഗിക്കാനുള്ള വലിയ ആയുധം ആകാനോ ഉള്ള എല്ലാവിധ സാധ്യതയും കല്‍പ്പിക്കപ്പെടുന്നുണ്ട്. സത്യങ്ങള്‍ പുറത്തുവരുന്നത് അത്യധികം ഭയക്കുന്ന സംഘ്പരിവാര്‍ മാധ്യമസ്വാതന്ത്ര്യത്തിന്റെ കടക്ക് കത്തിവെക്കുന്ന രീതിയിലുള്ള ഹീനമായ പ്രവണതകളാണ് രാജ്യത്ത് കാഴ്ചവച്ചുകൊണ്ടിരിക്കുന്നത്.

മോദിയെന്ന കലാപാസൂത്രകന്റെ അധികാര സാന്നിധ്യവും മറ്റും കൃത്യമായി അടയാളപ്പെടുത്തുന്ന ഡോക്യൂമെന്ററി ആളുകളുടെ ശ്രദ്ധയിൽ പെടാതിരിക്കാനാണ് കേന്ദ്ര സർക്കാർ ഇടപെട്ട് നീക്കം ചെയ്തത്. അതുകൊണ്ട് തന്നെ, പൊതുജനങ്ങൾ ഈ ഡോക്യുമെന്ററി കാണേണ്ടുന്നതിന്റ ആവശ്യകത മുൻനിറുത്തിയും അതിനു സൗകര്യം ചെയ്തു നൽകുന്നത് ഒരു ജനാധിപത്യ വിശ്വാസിയുടെ ഉത്തരവാദിത്തമായതിനാലുമാണ് യൂത്ത് ലീഗ് ഇത്തരം പ്രദർശനം സംഘടിപ്പിച്ചത്. അങ്ങാടികളിലും കവലകളിലും നടന്ന പ്രദർശനം ഫാസിസ്റ്റ് വിരുദ്ധ കൂട്ടായ്മയായി മാറി. മണ്ഡലം തലത്തിൽ നടത്താനാണ് ആഹ്വാനം ചെയ്തതെങ്കിലും പഞ്ചായത്ത്‌, ശാഖ തലത്തിൽ വരെ പ്രദർശനം നടക്കുകയുണ്ടായി.

കോഴിക്കോട് ജില്ലയിൽ പൂനൂര്, വടകര, ഫറോക്ക്, പേരാമ്പ്ര എന്നീ കേന്ദ്രങ്ങളിലും വിവിധ സ്ഥലങ്ങളിലും പ്രദർശനം നടന്നു. ഇടുക്കി ജില്ലയിൽ തൊടുപുഴ, മലപ്പുറത്ത് വണ്ടൂര്‍ ബസ്സ്റ്റാന്റ് പരിസരത്തും മമ്പാട്, താനാളൂര്‍, മക്കരപ്പറമ്പ്, പാങ്ങ്-ചേണ്ടി, മീനാർകുഴി, പെരിന്തല്‍മണ്ണ, അരീക്കോട്, ചുങ്കത്തറ, മഞ്ചേരി പുതിയ ബസ്സ്റ്റാന്റ് പരിസരം, എടരിക്കോട്, മേല്‍മുറി -ആലത്തൂര്‍പടി, മോങ്ങം, ചട്ടിപ്പറമ്പ്, അത്താണിക്കല്‍, കോട്ടക്കല്‍, വളാഞ്ചേരി, കടുങ്ങാത്തുകുണ്ട്, ചേളാരി, അച്ചനമ്പലം കണ്ണമംഗലം, വട്ടംകുളം സെന്റര്‍, കോടങ്ങാട് ടൗണ്‍, പുളിക്കൽ, വയനാട് ജില്ലയിലെ കല്പറ്റ, സുൽത്താൻ ബത്തേരി, കണ്ണൂർ ജില്ലയിലെ തളിപ്പറമ്പ ടൗൺ, അഴീക്കോട്‌ ( കമ്പിൽ ടൗൺ ), കല്ല്യാശേരി ( പഴയങ്ങാടി ), ഇരിക്കൂർ, ശ്രീകണ്ടാപുരം, ചെങ്ങളായി, മട്ടന്നൂർ, ധർമ്മടം (പുഴപ്പിലങ്ങാട്), പയ്യന്നൂർ (പാലത്തറ), കൂത്ത്പറമ്പ (പാറാട് ) പേരാവൂർ (ഉളിയിൽ ടൗൺ) തുടങ്ങി സംസ്ഥാനവ്യാപകമായി നൂറ്റിയമ്പത്തോളം കേന്ദ്രങ്ങളിൽ പ്രദർശനം നടന്നു. മിക്കയിടത്തും നടന്ന പ്രദർശനത്തിൽ നൂറ് കണക്കിന് പേര് പങ്കെടുത്തു.

‘മോദി: ദി ഇന്ത്യ ക്വസ്റ്റ്യന്‍’ ഡോക്യുമെന്‍ററി രണ്ടു ഭാഗങ്ങളായാണ് പുറത്തുവന്നത്. ആദ്യ ഭാഗം ഗുജറാത്ത് വംശഹത്യയെ കുറച്ചുള്ളതായിരുന്നു. രണ്ടാമത്തേതില്‍ നരേന്ദ്ര മോദി രണ്ടാമതും പ്രധാനമന്ത്രിയായതിന് ശേഷമുള്ള സംഭവ വികാസങ്ങളാണ് വിശദീകരിച്ചത്.

ഡല്‍ഹി യൂണിവേഴ്‌സിറ്റി പ്രോക്ടര്‍ രജനി അബിയാണ് സമിതിയുടെ ചെയര്‍പേഴ്‌സണായി തിരഞ്ഞെടുക്കപ്പെട്ടത്. വിദ്യാര്‍ത്ഥി സംഘടനകള്‍ അഡ്മിനിസ്‌ട്രേഷന്റെ അനുമതി തേടിയിട്ടില്ലെന്ന് കാണിച്ച് പ്രദര്‍ശനത്തിന് അനുവദം നല്‍കാത്തത് രജനി അബിയായരുന്നു.

ഡോക്യുമെന്ററിയുടെ പ്രദര്‍ശനത്തെച്ചൊല്ലി ജവഹര്‍ലാല്‍ നെഹ്‌റു യൂണിവേഴ്‌സിറ്റിയിലും ജാമിയ മില്ലിയ ഇസ്‌ലാമിയയിലും സമാനമായ രീതിയില്‍ സംഘര്‍ഷങ്ങള്‍ ഉണ്ടായിരുന്നു. ‘ഇന്ത്യ: ദി മോദി ക്വസ്റ്റിയന്‍’ എന്ന ഡോക്യുമെന്ററിയുടെ ലിങ്കുകള്‍ തടയാന്‍ സോഷ്യല്‍ മീഡിയ പ്ലാറ്റ്‌ഫോമുകളായ ട്വിറ്ററിനും യൂട്യൂബിനും കേന്ദ്രം കഴിഞ്ഞ ആഴ്ച നിര്‍ദ്ദേശം നല്‍കിയിരുന്നു.

മോദിക്കെതിരെയുള്ള ഡോക്യുമെന്ററി പ്രദര്‍ശിപ്പിക്കുകയാണെങ്കില്‍ തടയുമെന്ന് ബിജെപി നേരത്തെ പ്രഖ്യാപിച്ചിരുന്നു. പ്രദര്‍ശനം നടക്കുന്ന 100 മീറ്റര്‍ അകലെ പ്രതിഷേധക്കാരെ പൊലീസ് തടഞ്ഞു. പക്ഷേ പ്രതിഷേധക്കാരായ വനിതാ പ്രവര്‍ത്തകര്‍ പോലീസിനെ മറികടന്ന് പ്രദര്‍ശന സ്ഥലത്തേക്ക് എത്തിയതാണ് സംഘര്‍ഷ സാധ്യതയുണ്ടാക്കിയത്. കൂടുതല്‍ പൊലീസെത്തി പ്രവര്‍ത്തകരെ അവിടെനിന്നും മാറ്റി. തുടര്‍ന്ന് പൊലീസ് സംരക്ഷണയിലാണ് പ്രദര്‍ശനം തുടര്‍ന്നത്.