ബിജെപിയിലും എന്‍ഡിഎയിലും 9 വര്‍ഷമായി അവഗണനയാണ് നേരിടുന്നത്. വേണ്ടത്ര തരത്തിലുള്ള പരിഗണന ലഭിച്ചിട്ടില്ല. ഈ സാഹചര്യത്തില്‍ എന്‍ഡിഎയില്‍ തുടരേണ്ട ആവശ്യമില്ല. മറ്റു മുന്നണികളിലുള്ള സാധ്യത സംസ്ഥാന അധ്യക്ഷന്‍ പരിശോധിക്കണമെന്നാണ് പ്രമേയത്തില്‍ ആവശ്യപ്പെടുന്നത്.

നിയോജകമണ്ഡലം ഭാരവാഹികളും ജില്ലാ ഭാരവാഹികളും പങ്കെടുക്കുന്ന ജില്ലാ നേതൃക്യാമ്പ് കഴിഞ്ഞ ദിവസങ്ങളിലായി കോട്ടയത്ത് നടന്നു വരികയായിരുന്നു. ഈ ക്യാമ്പിലാണ് മുന്നണി വിടണമെന്ന ആവശ്യം ഉയര്‍ന്നത്. ബിഡിജെഎസ് യുഡിഎഫിനൊപ്പം ചേരുമെന്ന തരത്തില്‍ നേരത്തെ അഭ്യൂഹങ്ങള്‍ ഉയര്‍ന്നിരുന്നു.

തിരുവനന്തപുരം:തെരഞ്ഞെടുപ്പില്‍ തുഷാര്‍ വെളളാപ്പളളി മത്സരിക്കുന്നുണ്ടെങ്കില്‍ എസ്. എന്‍.ഡി.പി.യിലെ സ്ഥാനമാനങ്ങള്‍ രാജിവെയ്ക്കണമെന്ന് ബി.ഡി.ജെ.എസ് (ഡെമോക്രാറ്റിക്). സ്വത്ത് വിവരങ്ങള്‍ വെളിപ്പെടുത്താന്‍ ഭയന്നാണു സ്ഥാനാര്‍ഥിത്വം പ്രഖ്യാപിക്കാതെ തുഷാര്‍ ഒളിച്ച് കളിക്കുന്നതെന്നും ലോക്സഭാ തെരഞ്ഞെടുപ്പില്‍ ബി.ഡി.ജെ.എസിനെ പരാജയപ്പെടുത്താന്‍ എന്തുവഴിയും തേടുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.
തുഷാറിന്റെ കച്ചവടക്കാരായ പങ്കാളികള്‍ക്ക് മാത്രമാണ് ബി.ഡി.ജെ.എസ് കൊണ്ട് നേട്ടമുണ്ടായത്. കഴിഞ്ഞ മൂന്നര വര്‍ഷത്തിനിടെ ജനകീയമായ പ്രശ്നങ്ങളില്‍ ഇടപെടുകയോ സമരങ്ങളോ നടത്തിയിട്ടില്ല. ജനാധിപത്യരീതികളെ അവഗണിച്ച്കൊണ്ട് ഒരു സ്വകാര്യ കമ്പനി പോലെയാണ് പാര്‍ട്ടിയുടെ ഇപ്പോഴത്തെ പ്രവര്‍ത്തനം. സമ്പത്തിനും സ്ഥാനങ്ങള്‍ക്കും വേണ്ടി തുഷാര്‍ പാര്‍ട്ടിയെ ഇല്ലാതാക്കി.
ബി.ഡി.ജെ.എസ് ബന്ധം എന്‍.ഡി.എ.യ്ക്ക് ദോഷമുണ്ടാക്കും. കഴിഞ്ഞ ദിവസങ്ങളില്‍ ഡല്‍ഹിയില്‍ അമിത്ഷായുമായി നടത്തിയ രഹസ്യ ചര്‍ച്ചയുടെ വിശദാംശങ്ങള്‍ തുഷാര്‍ വെള്ളാപ്പള്ളി വെളിപ്പെടുത്തണം. തെരഞ്ഞെടുപ്പില്‍ ആര്‍ക്കു പിന്തുണ നല്‍കണമെന്നു അടുത്തമാസം പത്തിനു ചേരുന്ന നേതൃയോഗം തീരുമാനിക്കുമെന്നും ബി.ഡി.ജെ. എസ്(ഡി) സംസ്ഥാന അധ്യക്ഷന്‍ ചൂഴാല്‍ നിര്‍മ്മലന്‍, ജനറല്‍ കണ്‍വീനര്‍ താന്നിമൂട് സുധീന്ദ്രന്‍ എന്നിവര്‍ അറിയിച്ചു.
അടുത്തിടെയാണ് പാര്‍ട്ടിയില്‍ തുഷാര്‍ വെള്ളാപ്പള്ളിയുടെ ഏകാധിപത്യമാണെന്നാരോപിച്ച് ഒരു വിഭാഗം ബി.ഡി.ജെ.എസ് വിട്ട് ബി.ഡി.ജെ.എസ് ഡെമോക്രോറ്റിക് രൂപീകരിച്ചത്.

രാജ്യസഭാ സീറ്റിന്റെ പേരില്‍ ബി.ജെ.പിയിലെ ചിലര്‍ തന്നേയും പാര്‍ട്ടിയേയും അധിക്ഷേപിച്ചുവെന്ന് തുഷാര്‍ ആരോപിച്ചു. ഇക്കാര്യത്തില്‍ നടപടിയാവശ്യപ്പെടും. രാജ്യസഭാ സീറ്റ് താനോ പാര്‍ട്ടിയോ ആവശ്യപ്പെട്ടിട്ടില്ല. ഇടതുമുന്നണിയിലേക്ക് പോകണമെങ്കില്‍ ഒന്ന് മൂളിയാല്‍ മതിയെന്നും തുഷാര്‍ അവകാശപ്പെട്ടു. മഅദനിയോട് സഹകരിക്കാമെങ്കില്‍ എല്‍.ഡി.എഫിന് ബി.ഡി.ജെ.എസുമായും സഹകരിക്കാമെന്നും അദ്ദേഹം പറഞ്ഞു.

രാജ്യസഭ സീറ്റ് പ്രഖ്യാപനത്തോടെ ബി.ഡി.ജെ.എസ്-ബി.ജെ.പി ബന്ധം കടുത്ത പ്രതിസന്ധിയിലായിരിക്കുകയാണ്. തുഷാര്‍ വെള്ളാപ്പള്ളിക്ക് രാജ്യസഭാ സീറ്റ് ബി.ജെ.പി നല്‍കുമെന്ന ശക്തമായ അഭ്യൂഹങ്ങള്‍ക്കിടെയാണ് വി.മുരളീധര്‌ന് നറുക്കുവീണത്. സംസ്ഥാനത്തെ മുതിര്‍ന്ന നേതാക്കളെ മാറ്റി നിര്‍ത്തി തുഷാര്‍ വെള്ളാപ്പള്ളിക്ക് സീറ്റു നല്‍കുന്നതിനെതിരെ ഒരു വിഭാഗം നേതാക്കള്‍ കേന്ദ്ര നേതൃത്വത്തിന് പരാതി നല്‍കിയിരുന്നു.

സീറ്റ് ലഭിക്കാതെ വന്നത്തോടെ ബി.ജെ.പിക്കെതിരെ രംഗത്തെത്തിയിരിക്കുകയാണ് വെള്ളാപ്പള്ളി നടേശന്‍. ബി.ഡി.ജെ.എസിനെ പിണക്കിയാല്‍ ചെങ്ങന്നൂരില്‍ ബി.ജെ.പിക്ക് കനത്ത തിരിച്ചടി നേരിടേണ്ടിവരും. കഴിഞ്ഞ തവണ കിട്ടിയ വോട്ടുപോലും ബിജെപിക്ക് കിട്ടില്ല. സവര്‍ണ്ണ അജണ്ടയുള്ള ബി.ജെ.പി ചെങ്ങന്നൂരില്‍ ജയിക്കാന്‍ കേന്ദ്രഭരണത്തിന്റെ മറവില്‍ ഏതടവും പ്രയോഗിക്കുമെന്ന് മലയാളത്തിലെ പ്രമുഖ ചാനലിനോട് പ്രതികരിച്ചു. ഘടകകക്ഷികള്‍ക്ക് കൊടുക്കാമെന്ന് പറഞ്ഞത് കൊടുക്കാനുള്ള മര്യാദ ബിജെപി നേതൃത്വം കാണിക്കണമെന്നും അദ്ദേഹം കൂട്ടിച്ചേര്‍ത്തു. സീറ്റ് ലഭിക്കാതെ വന്നത്തോടെ ഈ മാസം 14 ന് നടക്കുന്ന ബിഡിജെഎസ് യോഗം ഇതോടെ നിര്‍ണായകമായി.

ബി.ഡി.ജെ.എസിനെ പിണക്കിയാല്‍ സംസ്ഥാന ബി.ജെ.പി നേരിടുന്ന ആദ്യ വെല്ലുവിളി ചെങ്ങന്നൂര്‍ ഉപതെരഞ്ഞെടുപ്പാകും. ഘടകകക്ഷികളെ കൂടെ നിര്‍ത്താതെ കേരളത്തില്‍ ബി.ജെ.പിയുടെ വളര്‍ച്ചയെ ബാധിക്കുമോ എന്ന് ചെങ്ങന്നൂര്‍ തെരഞ്ഞെടുപ്പോടെ അറിയാനാകും. അതേസമയം ചെങ്ങന്നൂരില്‍ കഴിഞ്ഞ തവണ ലഭിച്ച വോട്ട് നിലനിര്‍ത്താനായില്ലെങ്കില്‍ സംസ്ഥാന നേതാക്കള്‍ക്ക് അതു വലിയ തിരിച്ചടിയാവും.

ബി.ഡി.ജെ.എസ് എന്‍.ഡി.എ സഖ്യം ഉപേക്ഷിക്കുന്നതായി നേരത്തെ റിപ്പോര്‍ട്ടുകളുണ്ടായിരുന്നു. 14ന് ചേരുന്ന ബിഡിജെഎസ് യോഗത്തില്‍ ഇതുസംബന്ധിച്ച് അന്തിമ പ്രഖ്യാപനമുണ്ടാകുമെന്നാണ് റിപ്പോര്‍ട്ടുകള്‍.

ബി.ഡി.ജെ.എസിന്റെ തീരുമാനം ചെങ്ങന്നൂര്‍ തെരഞ്ഞെടുപ്പില്‍ ബിജെപിക്ക് നിര്‍ണായകമായതിനാല്‍ അനുരജ്ഞന ചര്‍ച്ചകള്‍ നടക്കുന്നുണ്ട്.

പാര്‍ട്ടി പ്രസിഡന്റ് തുഷാര്‍ വെള്ളാപ്പള്ളിക്ക് രാജ്യസഭാ സീറ്റും ഒപ്പമുള്ളവര്‍ക്ക് 14 കോര്‍പ്പറേഷന്‍ സ്ഥാനങ്ങളും നല്‍കുമെന്ന വാര്‍ത്തകള്‍ ചില കേന്ദ്രങ്ങള്‍ പ്രചരിപ്പിക്കുന്നതിനിടെയാണ് എല്ലാം മതിയാക്കി എന്‍.ഡി.എ മുന്നണി വിടാന്‍ ബി.ഡി.ജെ.എസ് തയാറെടുക്കുന്നതെന്നാണ് വിവരം.