https://www.chandrikadaily.com Thu, 15 Jun 2017 17:15:29 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg https://www.chandrikadaily.com 32 32 https://www.chandrikadaily.com/supreme-court-refuses-to-stay-new-cattle-trade-rules-issues-notice-to-centre.html https://www.chandrikadaily.com/supreme-court-refuses-to-stay-new-cattle-trade-rules-issues-notice-to-centre.html#respond Thu, 15 Jun 2017 17:02:18 +0000 http://www.chandrikadaily.com/?p=32396 ന്യൂഡല്‍ഹി: കശാപ്പിനായി കന്നുകാലികളെ ചന്തയില്‍ വില്‍ക്കുന്നത് തടയുന്ന കേന്ദ്ര വിജ്ഞാപനത്തിന് സുപ്രീംകോടതി സ്‌റ്റേ അനുവദിച്ചില്ല. വിജ്ഞാപനത്തില്‍ മേല്‍ സുപ്രീംകോടതി കേന്ദ്ര സര്‍ക്കാറിന് നോട്ടീസ് അയച്ചു. രണ്ടാഴ്ചയ്ക്കുള്ളില്‍ മറുപടി നല്‍കണമെന്ന് കോടതി സര്‍ക്കാറിനോട് ആവശ്യപ്പെട്ടു. കേസ് ജൂലായ് 11ന് വീണ്ടും പരിഗണിക്കും. കേന്ദ്ര സര്‍ക്കാറിന്റെ അഭിപ്രായം കൂടി കണക്കിലെടുത്ത് തീരുമാനം കേട്ടശേഷം നടപടിയെടുക്കാമെന്ന് കോടതി നിലപാടെടുത്തു. വിഷയത്തില്‍ അടിയന്തിരമായി വാദം കേള്‍ക്കണമെന്ന ആവശ്യം കോടതി തള്ളി. മലയാളിയായ സാബുസ്റ്റീഫന്‍, ഓള്‍ ഇന്ത്യ ജംഇയ്യത്തുല്‍ ഖുറേഷ് ആക്ഷന്‍കമ്മിറ്റി അധ്യക്ഷന്‍ മുഹമ്മദ് അബ്ദുള്‍ ഫഹീം ഖുറേഷി എന്നിവരാണ് ഹര്‍ജിയുമായി സുപ്രീംകോടതിയെ സമീപിച്ചത്. ഭക്ഷണാവശ്യത്തിനായി മൃഗങ്ങളെ കൊല്ലുന്നത് മൃഗങ്ങളോടുള്ള ക്രൂരതതടയല്‍ നിയമത്തിലെ 11(3)(ഇ) പ്രകാരം അനുവദിച്ചിട്ടുണ്ടെന്ന് സാബു സ്റ്റീഫന്‍ ഹര്‍ജിയില്‍ പറഞ്ഞിരുന്നു. കശാപ്പിനായി കന്നുകാലികളെ ചന്തയില്‍ വില്‍ക്കുന്നത് തടയുന്ന പുതിയ ചട്ടം റദ്ദാക്കണം. സംസ്ഥാന മൃഗക്ഷേമ ബോര്‍ഡുകള്‍ പിരിച്ചുവിടണമെന്നും ഹര്‍ജിയില്‍ ഉന്നയിച്ചിരുന്നു. മെയ് 23ന് കേന്ദ്രസര്‍ക്കാര്‍ ഇറക്കിയ വിജ്ഞാപനം കര്‍ഷകര്‍ക്ക് വലിയ സാമ്പത്തിക ബാധ്യതയുണ്ടാക്കുമെന്നാണ് ഖുറേഷിയുടെ ഹര്‍ജിയില്‍ ചൂണ്ടിക്കാണിച്ചിരുന്നത്. ഗോരക്ഷാ സംഘങ്ങളും മറ്റും കര്‍ഷകരെ ഉപദ്രവിക്കുന്നതിലേക്കും ഇത് വഴിവെക്കുമെന്നും കര്‍ഷകരുടെ ജീവിക്കാനുള്ള അവകാശം ലംഘിക്കുന്നതാണ് വിജ്ഞാപനമെന്നും ഹര്‍ജിയില്‍ പറഞ്ഞിരുന്നു. മൃഗങ്ങള്‍ക്കെതിരായ ക്രൂരത തടയല്‍ നിയമത്തിന്റെ 28ാം വകുപ്പുപ്രകാരം മതപരമായ ആവശ്യങ്ങള്‍ക്ക് മൃഗങ്ങളെ ബലിനല്‍കുന്നത് അനുവദനീയമാണ്. അതിനാല്‍ വിജ്ഞാപനം ന്യൂനപക്ഷ അവകാശങ്ങളുടെയും മതസ്വാതന്ത്ര്യത്തിന്റെയും ലംഘനമാണെന്നും ഹര്‍ജിയില്‍ ചൂണ്ടിക്കാട്ടുന്നു. അതേസമയം രാജ്യത്ത് ബീഫ് നിരോധനമേര്‍പ്പെടുത്തിയിട്ടില്ലെന്നും മദ്രാസ് ഹൈക്കോടതിയുടെ ഇടക്കാല ഉത്തരവിന്റെ പശ്ചാതലത്തില്‍ രാജ്യത്ത് നിയമം തടഞ്ഞതായാണ് കേന്ദ്രം മനസിലാക്കുന്നതെന്നും കേന്ദ്ര സര്‍ക്കാറിന് വേണ്ടി ഹാജരായ അഡീഷണല്‍ സോളിസിറ്റര്‍ ജനറല്‍ പി നരസിംഹ കോടതിയെ അറിയിച്ചു.

]]> https://www.chandrikadaily.com/supreme-court-refuses-to-stay-new-cattle-trade-rules-issues-notice-to-centre.html/feed 0 https://www.chandrikadaily.com/niyamasabha-beefban.html https://www.chandrikadaily.com/niyamasabha-beefban.html#respond Thu, 08 Jun 2017 03:53:54 +0000 http://www.chandrikadaily.com/?p=31626 തിരുവനന്തപുരം: കന്നുകാലി കശാപ്പ് നിയന്ത്രണം ഏര്‍പ്പെടുത്തിയ കേന്ദ്ര സര്‍ക്കാര്‍ നടപടിയെക്കുറിച്ച് ചര്‍ച്ച ചെയ്യുന്നതിന് വിളിച്ചു ചേര്‍ത്ത നിയമസഭയുടെ പ്രത്യേക സമ്മേളനം ആരംഭിച്ചു. രാവിലെ ഒമ്പതിന് സമ്മേളിച്ച സഭയില്‍ കശാപ്പ് നിയന്ത്രണം സംബന്ധിച്ച് മാത്രമാണ് ചര്‍ച്ച നടക്കുക. മുഖ്യമന്ത്രി പിണറായി വിജയന്‍ പ്രമേയം അവതരിപ്പിച്ചു. ഇതിന്മേല്‍ ചര്‍ച്ച നടക്കുകയാണിപ്പോള്‍.
സഭയില്‍ ഇടതുമുന്നണിക്കും യുഡിഎഫിനും കേരള കോണ്‍ഗ്രസിനും മറ്റ് സ്വതന്ത്ര അംഗങ്ങള്‍ക്കുമെല്ലാം ഈ വിഷയത്തില്‍ പൊതുനിലപാടാണുള്ളത്. എന്നാല്‍ ബിജെപി അംഗമായ ഒ.രാജഗോപാല്‍ പ്രമേയത്തെ എതിര്‍ക്കാന്‍ സാധ്യതയുള്ളതിനാല്‍ ഏകകണ്ഠമായി പാസാക്കാന്‍ സാധിക്കില്ല. കേന്ദ്രസര്‍ക്കാറിനെതിരെ രൂക്ഷ വിമര്‍ശനം സഭയില്‍ ഉയര്‍ന്നേക്കും. ഇക്കാര്യത്തില്‍ ഇരുമുന്നണികളും ഒന്നിച്ച് കൈകോര്‍ക്കും.
പതിനാലാം കേരള നിയമസഭ രൂപീകരിക്കപ്പെട്ടശേഷം ചേരുന്ന രണ്ടാമത്തെ പ്രത്യേക സമ്മേളനമാണിത്. നേരത്തെ കറന്‍സി നിരോധനവുമായി ബന്ധപ്പെട്ടുണ്ടായ പ്രതിസന്ധിയെക്കുറിച്ച് ചര്‍ച്ച ചെയ്യുന്നതിനാണ് സഭ സമ്മേളിച്ചത്. പ്രത്യേക വിഷയത്തെക്കുറിച്ച് ചര്‍ച്ച ചെയ്യുന്നതിനാല്‍ പതിവ് നടപടിക്രമങ്ങളായ ചോദ്യോത്തരം, ശൂന്യവേള എന്നിവ ഇത്തരം സമ്മേളനങ്ങളില്‍ ഉണ്ടാവില്ല.

]]> https://www.chandrikadaily.com/niyamasabha-beefban.html/feed 0 https://www.chandrikadaily.com/beef-fest-kerala.html https://www.chandrikadaily.com/beef-fest-kerala.html#respond Fri, 02 Jun 2017 09:26:13 +0000 http://www.chandrikadaily.com/?p=30905 ഛാണ്ഡിഗഡ്: കേരളത്തില്‍ നടന്ന ബീഫ് ഫെസ്റ്റിവലിനെതിരെ ന്യൂഡല്‍ഹിയില്‍ ഗോ സംരക്ഷകര്‍ നടത്തിയ പ്രതിഷേധത്തിനിടെ വിദ്യാര്‍ത്ഥിക്ക് കുത്തേറ്റു. മാധ്യമപ്രവര്‍ത്തകനാണെന്ന് തെറ്റിദ്ധരിച്ചായിരുന്നു വിദ്യാര്‍ത്ഥിയായ ഗോഹാന സ്വദേശി ശിവാമിനു നേരെ ആക്രമണമുണ്ടായത്. ഗോ രക്ഷക് സേവാദല്‍ എന്ന ഗോ സംരക്ഷണ സേനയാണ് പ്രതിഷേധ പ്രകടനം നടത്തിയത്. പ്രകടനം ക്യാമറയില്‍ പകര്‍ത്തിയില്ലെന്ന് ചൂണ്ടിക്കാട്ടി മാധ്യമപ്രവര്‍ത്തകനാണെന്ന് തെറ്റിദ്ധരിച്ച് വിദ്യാര്‍ത്ഥിയെ കുത്തി പരിക്കേല്‍പ്പിക്കുകയായിരുന്നു.
സുഹൃത്തായ മാധ്യമപ്രവര്‍ത്തകനൊപ്പമാണ് ശിവാം പ്രതിഷേധം കാണാനെത്തിയത്. ക്യാമറ കൈയില്‍ കരുതിയിരുന്ന ശിവാമിനോട് മജിസ്‌ട്രേറ്റിന് സമര്‍പ്പിക്കാനുള്ള പ്രതിഷേധത്തിന്റെ ചിത്രങ്ങള്‍ പകര്‍ത്താന്‍ ഗോരക്ഷകര്‍ ആവശ്യപ്പെട്ടു. ഇതിന് ശിവാം വിസ്സമ്മതിച്ചതോടെ ഗോരക്ഷാ സംഘത്തിലെ മോഹിതുമായി വാക്കേറ്റമുണ്ടായി. കണ്ടു നിന്നവര്‍ ഇരുവരെയും സമാധാനിപ്പിക്കാന്‍ ശ്രമിച്ചെങ്കിലും തര്‍ക്കം മൂര്‍ച്ഛിക്കുകയായിരുന്നു. പൊലീസ് സ്റ്റേഷനിലെത്തി ശിവാം സംഭവത്തെക്കുറിച്ച് പരാതി നല്‍കി. പൊലീസ് എത്തിയതറിഞ്ഞ് ഓടി രക്ഷപ്പെടാന്‍ ശ്രമിച്ചിക്കുന്നതിനിടെ മോഹിത് ശിവാമിനെ കുത്തുകയായിരുന്നുവെന്ന് പ്രദേശവാസികള്‍ പറഞ്ഞു. ഗുരുതരാവസ്ഥയിലായ മോഹിത്തിനെ ഡല്‍ഹി അപ്പോളോ ആസ്പത്രിയില്‍ പ്രവേശിപ്പിച്ചിരിക്കുകയാണ്. ഇയാള്‍ അപകടനില തരണം ചെയ്തിട്ടില്ലെന്നാണ് ആസ്പത്രി വൃത്തങ്ങള്‍ നല്‍കുന്ന വിവരം.

]]> https://www.chandrikadaily.com/beef-fest-kerala.html/feed 0