Benglore – Chandrika Daily

രാമേശ്വരം കഫേ സ്ഫോടന കേസ്: നാലു പേർക്കെതിരെ എൻ.ഐ.എ കുറ്റപത്രം

webdesk14 — Mon, 09 Sep 2024 12:38:50 +0000

ന്യൂഡൽഹി: ബംഗളൂരു രാമേശ്വരം കഫേ സ്‌ഫോടനക്കേസിലെ നാലു പ്രതികൾക്കെതിരെ ദേശീയ അന്വേഷണ ഏജൻസി (എൻ.ഐ.എ) തിങ്കളാഴ്ച കുറ്റപത്രം സമർപ്പിച്ചു. ബംഗളൂരുവിലെ പ്രത്യേക എൻ.ഐ.എ കോടതിയിലാണ് കുറ്റപത്രം സമർപ്പിച്ചത്. നാലു പേർക്കെതിരെ എൻ.ഐ.എ കുറ്റപത്രം.

ബംഗളൂരുവിലെ പ്രത്യേക എൻ.ഐ.എ കോടതിയിലാണ് കുറ്റപത്രം സമർപ്പിച്ചത്. ഐ.ടി.പി.എൽ ബംഗളൂരുവിലെ ബ്രൂക്ക്ഫീൽഡിലെ രാമേശ്വരം കഫേയിൽ ഈ വർഷം മാർച്ച് ഒന്നിന് നടന്ന സ്ഫോടനത്തിൽ ഒമ്പത് പേർക്ക് പരിക്കേൽക്കുകയും ഹോട്ടലിന് സാരമായ കേടുപാടുകൾ സംഭവിക്കുകയും ചെയ്തിരുന്നു. കേസിൽ അന്വേഷണം ആരംഭിച്ച എൻ.ഐ.എ വിവിധ സംസ്ഥാന പോലീസ് സേനകളുമായും മറ്റ് ഏജൻസികളുമായും ഏകോപിപ്പിച്ച് അന്വേഷണങ്ങൾ നടത്തുകയായിരുന്നു.

കേസിൽ അന്വേഷണം തുടരുകയാണെന്ന് എൻഐഎ വ്യക്തമാക്കുന്നു. ഈ വർഷം മാർച്ച് ഒന്നിനായിരുന്നു വൈറ്റ്ഫീൽഡ് ഏരിയയിൽ സ്ഥിതി ചെയ്യുന്ന രാമേശ്വം കഫേയിൽ സ്ഫോടനം നടന്നത്. സംഭവത്തിൽ 10 പേർക്ക് പരുക്കേറ്റിരുന്നു. മാർച്ച് മൂന്നിനാണ് കർണാടക പൊലീസിൽ നിന്നും എൻഐഎ ഈ കേസിന്റെ അന്വേഷണം ഏറ്റെടുക്കുന്നത്.

ബംഗളൂരുവിലെ അപ്പാര്‍ട്ട്‌മെന്റില്‍ തിരിച്ചറിയില്‍ കാര്‍ഡുകള്‍; ബി.ജെ.പി യുടെ അടുത്ത നാടകവും പൊളിച്ചടക്കി കോണ്‍ഗ്രസ്സ്

chandrika — Wed, 09 May 2018 07:45:28 +0000

ബംഗ്ലുരൂവിലെ ഫ്‌ലാറ്റില്‍ പതിനായിരം തെരഞ്ഞെടുപ്പ് ഐ.ഡി കാര്‍ഡുകളുടെ റെയ്ഡില്‍ ഭാരതീയ ജനതാ പാര്‍ട്ടിയുടെ പങ്ക് തുറന്നു കാട്ടി കോണ്‍ഗ്രസ്സ് രംഗത്തെത്തി. തെരഞ്ഞെടുപ്പ് പോരാട്ടം കനക്കുന്നതിനിടയില്‍ ഇരു പാര്‍ട്ടികള്‍ക്കിടയിലും

ബംഗ്ലൂരുവിലെ രാജേശ്വരിന നഗറിലായിരുന്നു പതിനായിരത്തിലേറെ തിരിച്ചറിയല്‍ കാര്‍ഡുകള്‍ കണ്ടെടുത്തത്. ഇതോടെ മണ്ഡലത്തിലെ തെരഞ്ഞെടുപ്പ് മാറ്റവെക്കണെന്ന് ബി.ജെ.പി ആവശ്യപ്പെട്ടിരുന്നു. ഫ്‌ലാറ്റിന് കോണ്‍ഗ്രസ്സ് നേതാക്കളുമായി ബന്ധമുണ്ടെന്നായിരുന്നു ബി.ജെ.പി യുടെ വാദം. എന്നാല്‍ ബി.ജെ.പി അവരുടെ പാര്‍ട്ടി പ്രാദേശിക നേതാവിന്റെ ഉടമസ്ഥതയിലുള്ള ഫ്‌ലാറ്റില് റെയ്ഡ് നടത്തി നാടകം കളിക്കുകയാണെന്ന് കോണ്‍ഗ്രസ്സും തിരിച്ചടിച്ചു.

അപ്പാര്‍ട്ടുമെന്റുമായി ബി.ജെ.പി ക്കാണ് ബന്ധം. അവര്‍ തന്നെ ആസൂത്രണം ചെയ്ത നാടകമാണ് റെയ്ഡാണ് നടന്നത്.
‘ബി.ജെ.പി ഒരു നാടകം കളിക്കുകയായിരുന്നു. അവരുടെ തന്നെ നേതാവായ മഞ്ചുള നഞ്ഞമാരിയുടെ ഫ്‌ലാറ്റിനെ അതിനായി ഉപയോഗിച്ചു. അവര്‍ തന്റെ മകന്‍ അപ്പാര്‍ട്ടമെന്റ് വാടകക്ക നല്‍കിയതാണ്. അയാളും 2015 ല്‍ ബി.ജെ.പി ടിക്കറ്റില്‍ തെരഞ്ഞെടുപ്പില്‍ മത്സരിച്ചിട്ടുണ്ട്. അപ്പാര്‍ട്ട്‌മെന്റില്‍ റെയ്ഡ് നടത്തിയതും തെരഞ്ഞെടുപ്പ് കമ്മീഷനോ പോലീസോ അല്ല. ബി.ജെ.പി പ്രവര്‍ത്തകരാണ്’ കോണ്‍ഗ്രസ്സ് വാക്താവ് സുര്‍ജ്വേല വാര്‍ത്താ സമ്മേളനത്തില്‍ പറഞ്ഞു.

“This is the BJP MLA candidate Muniraj Gowda with BJP leader Rakesh, in whose flat the voter IDs were recovered.

Election Commission has clearly said that Manjula Nanjamari had rented the flat to her son Rakesh. BJP’s lies stand exposed”: @rssurjewala #BJPDramaExposed pic.twitter.com/5N2WRNHJX9

— Karnataka Congress (@INCKarnataka) May 8, 2018

ബി.ജെ.പി യുടെ എം എല്‍ എ സ്ഥാനാര്‍ത്ഥിയായ മുനിരാജ് ഗൊദയോടൊപ്പം അപ്പാര്‍ട്ട്‌മെന്റ് ഉടമസ്ഥന്റെ മകന്‍ നില്‍ക്കുന്ന ചിത്രവും കോണ്‍ഗ്രസ്സ് പുറത്തു വിട്ടിട്ടുണ്ട്. ഇതോടെ ബി.ജെ.പി കൂടുതല്‍ പ്രതിരോധത്തിലായിരിക്കുകയാണ്.

ബംഗളൂരുവിന് മുന്നില്‍ പൂനെയും വീണു

chandrika — Thu, 14 Dec 2017 17:49:53 +0000

പൂനെ: ഐ.എസ്.എല്ലില്‍ പൂനെ സിറ്റിയെ അവരുടെ തട്ടകത്തില്‍ മറിച്ചിട്ട് ബംഗളൂരു എഫ്.സി. ഫ്‌ളോറസിന്റെ ഇരട്ട ഗോളിന്റെ സഹായത്തില്‍ 3-1നായിരുന്നു ബംഗളൂരുവിന്റെ വിജയം. ആദ്യ പകുതിയുടെ 35-ാം മിനിറ്റില്‍ ഇന്ത്യന്‍ താരം ആദില്‍ ഖാന്റെ വായുവില്‍ പറന്നുള്ള മനോഹരമായ ഹെഡറിലൂടെ പൂനെയാണ് ആദ്യം ഗോള്‍ നേടിയത്.
ബോക്‌സിന് തൊട്ടു മുമ്പില്‍ നിന്നുള്ള ആദിലിന്റെ ഹെഡറിന് മുന്നില്‍ ബംഗളൂരു ഗോള്‍ കീപ്പര്‍ക്ക് നിസഹായനായി നോക്കി നില്‍ക്കാനെ ആയുള്ളൂ. ആദ്യ പകുതിയില്‍ ഒരു ഗോളിന് മുന്നില്‍ നിന്ന പൂനെക്ക് പക്ഷേ രണ്ടാം പകുതിയുടെ 56-ാം മിനിറ്റില്‍ ബല്‍ജിത് സിങ് സാഹ്നി രണ്ടാം മഞ്ഞക്കാര്‍ഡ് കണ്ട് പുറത്തായതോടെ താളം തെറ്റി.
64-ാം മിനിറ്റില്‍ വെനസ്വേലന്‍ താരം നികോളാസ് ഫെഡര്‍ ഫ്‌ളോറസ് ബംഗളൂരുവിനെ ഒപ്പമെത്തിച്ചു. 78-ാം മിനിറ്റില്‍ ഫോളറസ് തകര്‍പ്പന്‍ ഷോട്ടിലൂടെ ടീമിനെ മുന്നിലെത്തിച്ചു.
ഇഞ്ചുറി ടൈമിന്റെ അവസാന സെക്കന്റുകളില്‍ സുനില്‍ ഛേത്രിയാണ് ബംഗളൂരുവിന്റെ മൂന്നാം ഗോള്‍ നേടിയത്. സ്‌കോര്‍ 3-1. വിജയത്തോടെ 12 പോയിന്റുമായി ബംഗളൂരു ലീഗില്‍ തലപ്പത്തെത്തി. ഒമ്പത് പോയിന്റുമായി എഫ്.സി ഗോവയാണ് രണ്ടാമത്.

ബംഗളുരു ബസില്‍ കത്തി കാട്ടി കവര്‍ച്ച

chandrika — Thu, 31 Aug 2017 15:13:52 +0000

കോഴിക്കോട്: കോഴിക്കോട് നിന്ന് ബംഗളുരുവിലേക്ക് പുറപ്പെട്ട കെ.എസ്.ആര്‍.ടി.സി ബസില്‍ യാത്രക്കാരെ ആയുധം കാണിച്ച് ഭീഷണിപ്പെടുത്തി കവര്‍ച്ച. കോഴിക്കോട് നിന്ന് ബംഗളുരുവിലേക്ക് ബുധനാഴ്ച വൈകുന്നേരം ആറുമണിക്ക് പുറപ്പെട്ട സുല്‍ത്താന്‍ ബത്തേരി ഡിപ്പോയിലെ ആര്‍.പി.കെ 271 നമ്പര്‍ സൂപ്പര്‍ ഫാസ്റ്റ് ബസില്‍ ഇന്നലെ പുലര്‍ച്ചെ 2.45ന് ചന്നപട്ടണത്തുവെച്ചാണ് ആക്രമണമുണ്ടായത്. യാത്രക്കാരില്‍ ചിലര്‍ മൂത്രമൊഴിക്കണമെന്ന് ആവശ്യപ്പെട്ടപ്പോള്‍ ബസ് ചെന്നൈപട്ടണത്തിനടുത്തുള്ള പെട്രോള്‍ പമ്പില്‍ വെളിച്ചമുള്ള സ്ഥലത്ത് നിര്‍ത്തുകയായിരുന്നു. അപ്പോള്‍ രണ്ടുപേര്‍ ബസില്‍ കയറി.
ബംഗളുരുവിലേക്കുള്ള യാത്രക്കാര്‍ എന്ന നിലയിലാണ് ഇവര്‍ കയറിയത്. ബംഗളുരു ബസാണോ എന്ന് അന്വേഷിക്കുകയും ചെയ്തതായി ഡ്രൈവര്‍ ജമാലുദ്ദീന്‍ പറഞ്ഞു. ബസ് പുറപ്പെടുന്നതിന് മുമ്പ് കയറിയവരില്‍ ഒരാള്‍ ഇറങ്ങി. അപ്പോഴേക്ക് മറ്റു രണ്ടുപേര്‍ ബൈക്കില്‍ എത്തി. ഇതില്‍ ഒരാള്‍ കത്തി ബസില്‍ കയറിയ ആള്‍ക്ക് കൈമാറി. ബസില്‍ കയറിയവര്‍ പിന്നീട് ആക്രോശം മുഴക്കുകയും യാത്രക്കാരോട് പണവും ആഭരണവും ആവശ്യപ്പെടുകയും ചെയ്തു. ഇവര്‍ മുഖം മറച്ച നിലയിലായിരുന്നു. യാത്രക്കാര്‍ ഒന്നും നല്‍കാന്‍ തയാറാവാതെ വന്നപ്പോള്‍ സംഘത്തിലുള്ള ഒരാള്‍ അഗ്രം വളഞ്ഞ കത്തി ഒരു യാത്രക്കാരന്റെ കഴുത്തില്‍ വെച്ച് ഭീഷണി മുഴക്കി. ഇതോടെ സംഭ്രമജനകമായ അവസ്ഥയായി. ഈയവസരത്തില്‍ ഡ്രൈവര്‍ ബസ് മുന്നോട്ടെടുത്തു. അതോടെ അക്രമികള്‍ ഇറങ്ങിയോടി. അതിനിടയില്‍ സ്ത്രീയാത്രക്കാരില്‍ ഒരാളുടെ രണ്ടര പവന്‍ തൂക്കം വരുന്ന സ്വര്‍ണമാലയും ഒരു യാത്രക്കാരന്റെ ബാഗും ഇവര്‍ കൈക്കലാക്കിയിരുന്നു. ബാഗില്‍ രണ്ടായിരം രൂപയും രേഖകളുമാണ് ഉണ്ടായിരുന്നത്.
മറ്റൊരു യാത്രക്കാരിയുടെ സ്വര്‍ണമാല പൊട്ടിച്ചെടുത്തിരുന്നുവെങ്കിലും അത് പിന്നീട് സീറ്റിനടിയില്‍ നിന്ന് കണ്ടെത്തി. വൈത്തിരി സ്വദേശിനിയുടെ സ്വര്‍ണമാലയാണ് അപഹരിക്കപ്പെട്ടത്. കുറ്റിയാടി സ്വദേശിയുടെ ബാഗും നഷ്ടപ്പെട്ടു. ചന്നപട്ടണം പൊലീസ് സ്റ്റേഷനില്‍ ഡ്രൈവര്‍ പരാതി നല്‍കി. അതിനുശേഷം ബസ് ബംഗളുരുവില്‍ എത്തിച്ചു. മാണ്ഡ്യയില്‍ നിന്ന് ഉന്നത പൊലീസ് ഉദ്യോഗസ്ഥര്‍ സ്ഥലത്തെത്തി അന്വേഷണം ആരംഭിച്ചു. സംഭവവുമായി ബന്ധപ്പെട്ട് ഏതാനും പേരെ കസ്റ്റഡിയിലെടുത്തതായാണ് സൂചന.