പരമ്പരാഗത വൈരികളായ ബാര്‍സിലോണക്ക് മുന്നില്‍ കിംഗ്‌സ് കപ്പിന്റെ സെമി ഫൈനലിലും പിറകെ സ്പാനിഷ് ലാലീഗ പോരാട്ടത്തിലും തോറ്റത് വലിയ തകര്‍ച്ചയായി. പിന്നെ ചാമ്പ്യന്‍സ് ലീഗ് പ്രി ക്വാര്‍ട്ടര്‍ രണ്ടാം പാദത്തില്‍ അയാക്‌സ് ആംസ്റ്റര്‍ഡാമിനോടും തകര്‍ന്നു. എന്നാല്‍ ഇതെല്ലാം മറക്കുന്നതായി ഇന്നലെ ലാലീഗയില്‍ നേടിയ തകര്‍പ്പന്‍ ജയം.

പരിശീലകന്‍ സാന്‍ഡിയാഗോ സോളാരിക്ക്് പകരം മുന്‍ കോച്ച് ഹൗസേ മോറിഞ്ഞോ വരുമെന്ന ശ്രുതിയും പരക്കുന്നതിനിടെയായിരുന്നു ഇന്നലെ ലാലീഗയില്‍ റയല്‍ മാഡ്രിഡ് റയല്‍ വല്ലഡോലിഡുമായി കളിച്ചത്. തുടക്കത്തില്‍ തന്നെ വല്ലഡോലിഡ് ലീഡ് നേടിയതോടെ റയല്‍ മറ്റൊരു തോല്‍വിയാണ് മുന്നില്‍ കണ്ടത്. പക്ഷേ ഫ്രഞ്ച് സ്‌ട്രൈക്കര്‍ കരീം ബെന്‍സേമയുടെ ഇരട്ട ഗോളുകള്‍ ടീമിന് കരുത്തായി മാറി. വരാനെ, മോദ്രിച്ച് എന്നിവര്‍ കൂടി ഗോളുകള്‍ സ്‌ക്കോര്‍ ചെയ്തതോടെ 4-1 നായിരുന്നു റയലിന്റെ മാനം കാത്ത ജയം.

നാലു വര്‍ഷത്തെ കരാര്‍ ബെന്‍സെമയ്ക്ക് വാഗ്ദാനം ചെയ്ത മിലാന്‍ റയല്‍ താരത്തിന് നിലവില്‍ നല്‍കിവരുന്ന വേതനം നല്‍കാന്‍ തയ്യാറാണെന്ന് അറിയിച്ചതായും റിപ്പോര്‍ട്ടില്‍ പറയുന്നു. താരത്തിന്റെ ട്രാന്‍സ്ഫര്‍ വിലയെ കുറിച്ചുള്ള ചര്‍ച്ചകള്‍ അന്തിമ ഘട്ടത്തിലാണെന്നാണ് ഇറ്റലിയില്‍ നിന്നും വരുന്ന വാര്‍ത്തകള്‍.

ക്രിസ്റ്റ്യാനോ റൊണാള്‍ഡോയ്ക്ക് പകരക്കാരനെ കണ്ടെത്താന്‍ ശ്രമിക്കുന്ന റയലിന് ബെന്‍സെമയുടെ വിടവാങ്ങല്‍ വലിയ തിരിച്ചടിയാവും. കഴിഞ്ഞ ഒമ്പതു വര്‍ഷമായി റയല്‍ ആദ്യ ഇലവനില്‍ സ്ഥിരം സാന്നിദ്ധ്യമായ മുപ്പതുകാരന് 2021വരെ റയലുമായി കരാര്‍ നിലനില്‍ക്കെ താരകൈമാറ്റത്തില്‍ അന്തിമ തീരുമാനം റയല്‍ പ്രസിഡണ്ട്
ഫ്‌ലോറന്റിനോ പെരസിന്റെതാകും. അതേസമയം ഉചിതമായ കൈമാറ്റ തുക ലഭിച്ചാല്‍ താരത്തെ വിട്ടു നല്‍കാന്‍ പെരസ് തയ്യാറാണെന്നാണ് വിവരം.

Karim Benzema has given his consent to join AC Milan. The player has already spoken with Gattuso & expects a four year contract, his salary could be in the region of €9m/year. pic.twitter.com/XemSX9jgTu

— Transfer News (@TransfersLlVE) July 21, 2018

റയല്‍ മുന്‍പരിശീലകന്‍ സിനദിന്‍ സിദാന്റെ ഇഷ്ടതാരമായ ബെന്‍സീമ, കഴിഞ്ഞ വര്‍ഷം ചാമ്പ്യന്‍സ് ലീഗ് ഫൈനലില്‍ ലിവര്‍പൂളിനെതിരെ ആദ്യ ഗോള്‍ നേടി ടീമിന്റെ ഹാട്രിക് ചാമ്പ്യന്‍സ് ലീഗ് ചരിത്ര നേട്ടത്തില്‍ പങ്കാളിയായി. നാലു ചാമ്പ്യന്‍സ ലീഗ്, മൂന്ന് ഫിഫ ക്ലബ് ലോകകപ്പ്, ലാ ലീഗ, കോപ്പ ഡെല്‍റേ തുടങ്ങി നിരവധി കിരീടങ്ങള്‍ റയലിനൊപ്പം നേടിയിട്ടുണ്ട്. 276 മത്സരങ്ങളില്‍ റയല്‍ ജേഴ്‌സി അണിഞ്ഞ താരം 127 ഗോളുകളാണ് അടിച്ചു കൂട്ടിയത്. കഴിഞ്ഞ സീസണ്‍ അവസാനത്തോടെ സിദാന്‍ റയലിന്റെ പരിശീലക സ്ഥാനം ഒഴിഞ്ഞതോടെ ക്ലബില്‍ അവസരങ്ങള്‍ കുറയുമെന്ന ഭയമാണ് താരത്തെ ക്ലബ് വിടാന്‍ പ്രേരിപ്പിക്കുന്നതെന്നാണ് അഭ്യൂഹം.