ഒടുവില്‍ വിവാഹതിയ്യതി പുറത്തുവിട്ട് ഭാവനയുടെ സഹോദരന്‍ രാജേഷ്

chandrika — Tue, 16 Jan 2018 09:41:34 +0000

തൃശൂര്‍: ഭാവനയുടെ വിവാഹത്തിന്റെ തിയ്യതി വെളിപ്പെടുത്തി സഹോദരന്‍ രാജേഷ്. വിവാഹം മാറ്റിവെച്ചെന്നും മുടങ്ങിയെന്നുമുള്ള പ്രചാരണങ്ങളെ തള്ളിയാണ് കുടുംബത്തിന്റെ വിവാഹതിയ്യതി പ്രഖ്യാപനം. കന്നട നിര്‍മ്മാതാവ് നവീനാണ് വരന്‍. ഏറെ നാളത്തെ പ്രണയത്തിന് ശേഷമാണ് ഇരുവരും വിവാഹിതരാകാന്‍ പോകുന്നത്.

ഇരുവരുടെയും വിവാഹം ജനുവരി 22 ന് തൃശൂരില്‍ നടക്കുമെന്ന് രാജേഷ് പറഞ്ഞു. തൃശൂര്‍ കോവിലകത്തും പാടത്തുമുള്ള ജവഹര്‍ലാല്‍ നെഹ്‌റു കണ്‍വെന്‍ഷന്‍ സെന്ററില്‍ വച്ചാണ് ഇരുവരുടെയും വിവാഹം. ബന്ധുക്കള്‍ക്കും അടുത്ത സുഹൃത്തുക്കളെയും മാത്രമേ പങ്കെടുപ്പിക്കുകയുള്ളു. അന്ന് വൈകുന്നേരം തൃശൂര്‍ ലുലു കണ്‍വെന്‍ഷന്‍ സെന്ററില്‍ സിനിമാ രാഷ്ട്രീയ മേഖലയിലുള്ളവര്‍ക്കായി വിവാഹ സല്‍കാരം ഒരുക്കിയിട്ടുണ്ട്.

കഴിഞ്ഞ വര്‍ഷമായിരുന്നു വിവാഹനിശ്ചയം. വിവാദങ്ങള്‍ കത്തിനില്‍ക്കുന്നതിനിടെയുണ്ടായ ഭാവനയുടെ വിവാഹനിശ്ചയ ചടങ്ങില്‍ സിനിമാമേഖലയിലെ അടുത്ത സുഹൃത്തുക്കള്‍ മാത്രമാണ് പങ്കെടുത്തത്. തുടര്‍ന്ന് വിവാഹതിയ്യതി പല രീതിയിലും സാമൂഹ്യമാധ്യമങ്ങളിലൂടെ പ്രചരിച്ചിരുന്നു. ഇത് തള്ളി തിയ്യതി സ്ഥിരീകരിക്കുകയാണ് കുടുംബം.

ഭാവനയുടെ വിവാഹം മാറ്റിവെച്ചെന്ന പ്രചാരണം; പ്രതികരണവുമായി കുടുംബം

chandrika — Thu, 02 Nov 2017 10:57:18 +0000

നടി ഭാവനയും കന്നടനിര്‍മ്മാതാവ് നവീനും തമ്മിലുള്ള വിവാഹം മാറ്റിവെച്ചെന്ന വാര്‍ത്തകളോട് പ്രതികരിച്ച് ഭാവനയുടെ കുടുംബം. അത്തരത്തില്‍ പ്രചരിക്കുന്ന വാര്‍ത്തകള്‍ അടിസ്ഥാന രഹിതമാണെന്ന് കുടംുബവൃത്തങ്ങള്‍ അറിയിച്ചു. വിവാഹം അടുത്ത വര്‍ഷം ആദ്യത്തില്‍ ഉണ്ടാകും. നവീന്റെ അമ്മ മരിച്ച് ഒരു വര്‍ഷം ആകാന്‍ വേണ്ടിയാണ് വിവാഹം നീട്ടിവെച്ചത്. അത് നേരത്തെ എടുത്ത തീരുമാനമാണെന്നും പുതുവര്‍ഷത്തില്‍ ആദ്യം വിവാഹം ഉണ്ടാകുമെന്നും അവര്‍ പറഞ്ഞു. ഭാവനയുടെ വിവാഹം മാറ്റിവെച്ചുവെന്ന് കന്നടമാധ്യമങ്ങളാണ് റിപ്പോര്‍ട്ട് ചെയ്തത്. ഭാവനയുടെ സിനിമാതിരക്കുകളാണ് അതിന് പിന്നിലെന്ന് ഒരു മാധ്യമം റിപ്പോര്‍ട്ട് ചെയ്തിരുന്നു. എന്നാല്‍ നവീനുമായി ബന്ധപ്പെട്ട മറ്റൊരു കാരണമാണ് വിവാഹം മാറ്റിവെച്ചതെന്നും റിപ്പോര്‍ട്ടുണ്ടായിരുന്നു. എന്നാല്‍ ഈ വാര്‍ത്തകളില്‍ വാസ്തവം ഇല്ലെന്നും പ്രചരിക്കുന്നത് തെറ്റായ പ്രചാരണമാണെന്നും കുടുംബം വ്യക്തമാക്കുന്നു.

bhavana-naveen – Chandrika Daily

ഒടുവില്‍ വിവാഹതിയ്യതി പുറത്തുവിട്ട് ഭാവനയുടെ സഹോദരന്‍ രാജേഷ്

ഭാവനയുടെ വിവാഹം മാറ്റിവെച്ചെന്ന പ്രചാരണം; പ്രതികരണവുമായി കുടുംബം