Bihar Govt – Chandrika Daily

യുവ എഞ്ചിനീയറെ തോക്കിന്‍ മുന്നില്‍ നിര്‍ത്തി വിവാഹം കഴിപ്പിച്ചു; വീഡിയോ വൈറല്‍

chandrika — Fri, 05 Jan 2018 10:46:02 +0000

യുവ എഞ്ചിനീയറെ തോക്കിന്‍ മുന്നില്‍ നിര്‍ത്തി വിവാഹം കഴിപ്പിച്ച വീഡിയോ സാമൂഹ്യമാധ്യമങ്ങളില്‍ വൈറല്‍. ബിഹാറിലാണ് യുവാവിനെക്കൊണ്ട് നിര്‍ബന്ധിച്ച് വിവാഹം കഴിപ്പിച്ചത്. ഇതിന്റെ ദൃശ്യങ്ങള്‍ പുറത്തായതോടെ സംഭവം വിവാദമാവുകയും ചെയ്തു. സംഭവത്തില്‍ യുവാവ് പൊലീസില്‍ പരാതി നല്‍കിയിട്ടുണ്ട്. ബീഹാറിലെ പണ്ഡാറഗിളില്‍ നിന്നാണ് പകടുവാ വിവാഹ് എന്ന ആചാരത്തിന്റെ ഭാഗമായി യുവ എഞ്ചിനീയറെ ഒരു സംഘം ആളുകള്‍ തട്ടിക്കൊണ്ടുപോയി വിവാഹം കഴിപ്പിച്ചത്. തീവണ്ടിയില്‍ യാത്ര ചെയ്യുകയായിരുന്ന യുവാവിനെയാണ് പിടിച്ചുകൊണ്ടുപോയത്. സാമൂഹ്യമാധ്യമങ്ങളിലൂടെ ദൃശ്യങ്ങള്‍ പ്രചരിച്ചതിനെ തുടര്‍ന്നാണ് ബന്ധുക്കള്‍ സംഭവത്തെക്കുറിച്ചറിയുന്നത്. തുടര്‍ന്ന് സ്ഥലത്തെത്തി ബന്ധിയാക്കപ്പെട്ട യുവാവിനെ മോചിപ്പിക്കുകയായിരുന്നു.

ബിഹാറില്‍ മോദിയുടെ കഴുത്തറുക്കാനും കൈ വെട്ടാനും ആളുണ്ട്: റാബ്രി ദേവി

chandrika — Wed, 22 Nov 2017 15:36:22 +0000

പറ്റ്‌ന: പ്രധാനമന്ത്രി നരേന്ദ്രമോദിയുടെ കൈ വെട്ടാനും തലയറുക്കാനും തയ്യാറായി നിരവധിപേര്‍ ബിഹാറിലുണ്ടെന്ന് ബിഹാര്‍ മുന്‍ മുഖ്യമന്ത്രി റാബ്രി ദേവി. മോദിക്കെതിരെ ഉയരുന്ന വിരലുകള്‍ വെട്ടിമാറ്റുമെന്ന ബി.ജെ.പി എംപിയുടെ പ്രസ്താവനയെ തുടര്‍ന്നാണ് ആര്‍.ജെ.ഡി നേതാവ് ലാലുപ്രസാദ് യാദവിന്റെ ഭാര്യകൂടിയായ റാബ്രി ദേവിയുടെ പ്രതികരണം.

#WATCH: Many in Bihar ready to slit PM’s throat and chop his hand, says Former Bihar Chief Minister Rabri Devi (21.11.17) pic.twitter.com/nTbOe7jC6f

— ANI (@ANI) November 22, 2017

മോദിക്കെിരെ പ്രതികരിക്കുന്നവര്‍ക്കെതിരെ അക്രമം നടത്തിയാല്‍ ബിഹാറിലെ ജനങ്ങള്‍ നിശബ്ദരായി നോക്കിയിരിക്കില്ല. മോദിയുടെ കഴുത്തുവെട്ടാനും കൈവെട്ടാനും ഇവിടെ ആളുകള്‍ തയാറാണ്. പൊതുയോഗത്തില്‍ സംസാരിക്കവെ റാബ്രി പറഞ്ഞു.
ബിജെപി സംസ്ഥാന അധ്യക്ഷനും എംപിയുമായ നിത്യാനന്ദ് റായിയാണ് മോദിക്കെതിരെ ഉയര്‍ത്തുന്ന വിരലുകള്‍ വെട്ടുമെന്ന വിവാദപ്രസ്താവന നടത്തിയത്. ഇത് വിവാദമായപ്പോള്‍ തന്റെ പരാമര്‍ശം ജനവികാരത്തെ വ്രണപ്പെടുത്തിയതിന് അദ്ദേഹം മാപ്പുപറഞ്ഞിരുന്നു.
ബിനാമി സ്വത്ത് കേസുമായി ബന്ധപ്പെട്ട് തനിക്കെതിരെ അന്വേഷണം നടത്തുന്ന കേന്ദ്ര അന്വേഷണ ഏജന്‍സിയില്‍ തനിക്ക് വിശ്വാസമില്ലെന്നും റാബ്രി പറഞ്ഞു. നേരത്തെ കേസുമായി ബന്ധപ്പെട്ട് ഹാജരാവാനുള്ള എന്‍ഫോഴ്‌സ്‌മെന്റ് ഡയറക്ടറേറ്റിന്റെ നിര്‍ദ്ദശത്തില്‍ നിന്നും നിരവധി തവണ റാബ്രി ഒഴിഞ്ഞുമാറിയിരുന്നു.

നിതീഷ്‌കുമാറിനെതിരെ ലാലുപ്രസാദ് യാദവ് കോടതിയില്‍

chandrika — Fri, 28 Jul 2017 07:33:48 +0000

പാറ്റ്‌ന: മുഖ്യമന്ത്രി സ്ഥാനത്തുനിന്ന് രാജിവെച്ച് ബി.ജെ.പി പിന്തുണയോടെ വീണ്ടും മുഖ്യമന്ത്രിയായി അധികാരമേറ്റ നിതീഷ്‌കുമാറിനെതിരെ ആര്‍.ജെ.ഡി നേതാവ് ലാലുപ്രസാദ് യാദവ് കോടതിയെ സമീപിച്ചു. നിതീഷ്‌കുമാര്‍ നിയമസഭയില്‍ വിശ്വാസവോട്ട് നടത്തുന്നത് തടയണമെന്നായിരുന്നു ലാലുപ്രസാദ് കോടതിയില്‍ ഉന്നയിച്ചത്. എന്നാല്‍ ഇത് തടയാനാവില്ലെന്ന് കോടതി അറിയിച്ചു. കേസ് അടുത്ത തിങ്കളാഴ്ച്ച പരിഗണിക്കുമെന്ന് കോടതി പറഞ്ഞു.

243 അംഗ നിയമസഭയില്‍ ഭൂരിപക്ഷം തെളിയിക്കുന്നതിന് 122 എം.എല്‍.എമാരുടെ പിന്തുണയാണ് വേണ്ടത്. നിതീഷ്‌കുമാറിന്റെ കൂറുമാറ്റത്തില്‍ രൂപംകൊണ്ട പുതിയ ജെ.ഡി.യുബി.ജെ.പി സഖ്യത്തിന് 132 പേരുടെ പിന്തുണയുണ്ട്. എന്നാല്‍ ജെ.ഡി.യുവില്‍ ഭിന്നത രൂക്ഷമായ സാഹചര്യം പ്രതികൂലമാവുമോയെന്ന് സംശയമുണ്ടായിരുന്നു. എന്നാല്‍ നിതീഷ് സര്‍ക്കാരിന് വിശ്വാസവോട്ട് നേടാനായി. 131എം.എല്‍.എമാര്‍ നിതീഷ് സര്‍ക്കാര്‍ അനുകൂലമായി വോട്ട് ചെയ്തു.

നിതീഷ്‌കുമാര്‍ മന്ത്രിസഭ താഴെവീണേക്കും; നിര്‍ണായക നീക്കങ്ങളുമായി രാഹുലും ശരത് യാദവും

chandrika — Thu, 27 Jul 2017 12:21:00 +0000

പട്‌ന: എന്‍ഡിഎ പിന്‍ബലത്തില്‍ ബിഹാറില്‍ രാഷ്ട്രീയ കൂറുമാറ്റം നടത്തിയ ജെഡിയു നേതാവ് നിതീഷ്‌കുമാറിനെതിരെ നിര്‍ണായക നീക്കങ്ങളുമായി കോണ്‍ഗ്രസ് ഉപാധ്യക്ഷന്‍ രാഹുല്‍ഗാന്ധിയും ശരത് യാദവും രംഗത്ത്. ഇന്നു സത്യപ്രതിജ്ഞ ചെയ്ത നിതീഷ്‌കുമാറിന്റെ മന്ത്രിസഭ താഴെ വീണേക്കുമെന്ന സൂചനകളാണ് പുറത്തുവരുന്നത്. മഹാസഖ്യത്തില്‍ വിള്ളലുണ്ടാക്കി ബിജെപിക്കൊപ്പം ചേര്‍ന്ന നീതിഷിനെതിരെ ശക്തമായ പടയൊരുക്കമാണ് നടക്കുന്നത്. തന്നെ അനുകൂലിക്കുന്ന നേതാക്കളുടെയും എം.പിമാരുടെയും യോഗം ജെഡിയു അധ്യക്ഷന്‍ ശരത് യാദവ് ഇന്നു വിളിച്ചുചേര്‍ത്തിട്ടുണ്ട്. കേരളം ഘടകവും നിതീഷിന് പിന്തുണ നല്‍കില്ലെന്ന് ജെഡിയു സംസ്ഥാന അധ്യക്ഷന്‍ എം.പി വീരേന്ദ്രകുമാറും അറിയിച്ചിട്ടുണ്ട്. നിതീഷ് സത്യപ്രതിജ്ഞ ചെയ്തതിനു പിന്നാലെ ശരത് യാദവ്, രാഹുല്‍ഗാന്ധിയുമായി കൂടിക്കാഴ്ച നടത്തിയിരുന്നു. ഇതിനു പിന്നാലെയാണ് എംപിമാരുടെ യോഗം വിളിച്ചുചേര്‍ത്തത്. നിതീഷിന്റെ സത്യപ്രതിജ്ഞാ ചടങ്ങില്‍ ശരത് യാദവ് പങ്കെടുത്തിട്ടില്ലെന്നതും ശ്രദ്ധേയമാണ്.