കഴിഞ്ഞ 20 വര്‍ഷമായി രാജ്യത്തെ ജനങ്ങള്‍ക്ക് തൊഴില്‍ ഉറപ്പു നല്‍കുന്ന നിര്‍ണായക പദ്ധതിയാണ് ഇല്ലാതാക്കുന്നത്. തൊഴില്‍ അവകാശം ആയിരുന്നത് പുതിയ ബില്ലിലൂടെ അല്ലാതാകുമെന്ന് പ്രിയങ്ക ഗാന്ധി പറഞ്ഞു. അധികാര വികേന്ദ്രീകരണത്തിന് വിരുദ്ധമാണ് പുതിയ നിയമം. ബില്ല് ഭരണഘടന വിരുദ്ധമാണ്. എല്ലാ പദ്ധതികളുടെയും പേരുമാറ്റുന്നതെന്തിനെന്ന് മനസിലാകുന്നില്ലെന്ന് പ്രിയങ്ക ഗാന്ധി പറഞ്ഞു.

ജി റാം ജിയിലൂടെ മഹാത്മാഗാന്ധിയുടെ രാമരാജ്യം സാക്ഷാത്കരിക്കാനാണ് ശ്രമിക്കുന്നതെന്ന് മന്ത്രി ശിവ രാജ് സിങ് ചൗഹാന്‍ പറഞ്ഞു. സ്വയം പര്യാപ്തമായ ഗ്രാമം എന്ന ഗാന്ധിജിയുടെ ആശയമാണ് പ്രാവര്‍ത്തികമാക്കാന്‍ ശ്രമിക്കുന്നത്. പാവപ്പെട്ടവരുടെ ക്ഷേമമാണ് സര്‍ക്കാറിന്റെ ലക്ഷ്യം. പദ്ധതിക്കായി യുപിഎ കാലത്തേക്കാള്‍ ഫണ്ട് വകയിരുത്തിയെന്ന് മന്ത്രി പറഞ്ഞു. മഹാത്മാഗാന്ധിയുടെയും പണ്ഡിറ്റ് ദീന്‍ ധരയാല്‍ ഉപാധ്യായയുടെയും ആശയങ്ങളുടെ അടിസ്ഥാനത്തിലാണ് പ്രവര്‍ത്തിക്കുന്നത്. പുതിയ ബില്ലില്‍ 125 ദിവസത്തെ തൊഴിലുറപ്പ് നല്‍കുന്നുവെന്ന് കേന്ദ്രമന്ത്രി ബില്ല് അവതരിപ്പിച്ചുകൊണ്ട് പറഞ്ഞു.

സ്വാതന്ത്ര്യസമരം നയിച്ച രാഷ്ട്രപിതാവിന്റെ പേര് മാറ്റിയ മന്ത്രി എന്ന നിലയില്‍ ആകും നിങ്ങളുടെ പേര് അറിയപ്പെടുകയെന്ന് കെസി വേണുഗോപാല്‍ വിമര്‍ശിച്ചു. ബില്ല് സ്റ്റാന്‍ഡിങ് കമ്മറ്റിക്ക് വിടണമെന്ന് എന്‍സിപി അംഗം സുപ്രിയ സുലെ ആവശ്യപ്പെട്ടു. മഹാത്മാഗാന്ധിയുടെ രാമരാജ്യം രാഷ്ട്രീയ പദ്ധതിയല്ലെന്ന് ശശി തരൂര്‍ എംപി പറഞ്ഞു. ഗ്രാമസ്വരാജായിരുന്നു മഹാത്മാഗാന്ധിയുടെ രാമരാജ്യ കാഴ്ചപ്പാടിന്റെ അടിസ്ഥാനം. 40 ശതമാനം സാമ്പത്തിക ബാധ്യത സംസ്ഥാനങ്ങള്‍ക്ക് മേല്‍ കെട്ടിവക്കുന്നത് ഫെഡറല്‍ തത്വങ്ങള്‍ക്ക് എതിരാണെന്ന് അദേഹം പറഞ്ഞു.

സമയപരിധികളൊന്നും വ്യക്തമാക്കാതെ ബില്ലുകള്‍ ‘എത്രയും വേഗം’ തിരികെ നല്‍കണമെന്ന് പറഞ്ഞുകൊണ്ട് ഭരണഘടന പ്രത്യേകമായി ‘ഫ്‌ലെക്സിബിലിറ്റി’ നല്‍കിയിട്ടുണ്ടെന്ന് കോടതി ചൂണ്ടിക്കാട്ടി. തമിഴ്‌നാട് ഗവര്‍ണറെ പ്രതിനിധീകരിച്ച് മുതിര്‍ന്ന അഭിഭാഷകന്‍ ഡോ. അഭിഷേക് മനു സിംഗ്വിയുടെ വാദം കേള്‍ക്കുകയായിരുന്നു ചീഫ് ജസ്റ്റിസ് ബിആര്‍ ഗവായ്, ജസ്റ്റിസ് സൂര്യകാന്ത്, ജസ്റ്റിസ് വിക്രം നാഥ്, ജസ്റ്റിസ് പിഎസ് നരസിംഹ, ജസ്റ്റിസ് എഎസ് ചന്ദൂര്‍ക്കര്‍ എന്നിവരടങ്ങിയ അഞ്ചംഗ ബെഞ്ച്.

ഗവര്‍ണര്‍മാര്‍ അനിശ്ചിതകാലത്തേക്ക് ബില്ലുകള്‍ തടഞ്ഞുവയ്ക്കുന്ന സംഭവങ്ങളുടെ ആവര്‍ത്തിച്ചുള്ള സാഹചര്യം കണക്കിലെടുത്ത് സമയക്രമം അനിവാര്യമാണെന്ന് സിംഗ്വി വാദിച്ചു. രാഷ്ട്രപതിയുടെയും ഗവര്‍ണറുടെയും അധികാരം വിനിയോഗിക്കുന്നതിന് ആര്‍ട്ടിക്കിള്‍ 142 പ്രകാരം നമുക്ക് ഒരു സ്ട്രെയിറ്റ് ജാക്കറ്റ് ഫോര്‍മുല നല്‍കാമോ?”, സിജെഐ ഗവായ് ചോദിച്ചു. ‘ദന്തഗോപുരം’ വീക്ഷണം എടുക്കരുതെന്നും ‘വലിയ കാലതാമസത്തിന്റെ സമകാലിക യാഥാര്‍ത്ഥ്യങ്ങള്‍’ കൈകാര്യം ചെയ്യണമെന്നും കോടതിയെ പ്രേരിപ്പിച്ച സിംഗ്വി, ആര്‍ട്ടിക്കിള്‍ 200, 201 എന്നിവയ്ക്ക് കീഴിലുള്ള അധികാരങ്ങള്‍ വിനിയോഗിക്കുന്നതിന് ഒരു ‘പൊതു സമയരേഖ’ ആവശ്യമാണെന്ന് സമര്‍ത്ഥിച്ചു.

ആര്‍ട്ടിക്കിള്‍ 200 ഉം 201 ഉം ഒരു ടൈംലൈനും വ്യക്തമാക്കാത്തതിനാല്‍ ഒരു പൊതു ടൈംലൈന്‍ സ്ഥാപിക്കുന്നത് പ്രായോഗികമായി കോടതി ഭരണഘടന ഭേദഗതി ചെയ്യുമെന്ന് ജസ്റ്റിസ് നാഥ് നിരീക്ഷിച്ചു. സമയക്രമം ഏര്‍പ്പെടുത്താന്‍ ഭരണഘടന ഭേദഗതി ചെയ്യേണ്ടിവരും, ജസ്റ്റിസ് നാഥ് പറഞ്ഞു. ഗവര്‍ണര്‍/ രാഷ്ട്രപതി സമയക്രമം പാലിക്കാത്തതിന്റെ അനന്തരഫലങ്ങളെക്കുറിച്ച് ബെഞ്ച്, പ്രത്യേകിച്ച് ജസ്റ്റിസ് നരസിംഹവും ജസ്റ്റിസ് നാഥും ചോദിച്ചു. ഗവര്‍ണറെയോ രാഷ്ട്രപതിയെയോ കോടതിയലക്ഷ്യത്തിന് ഉയര്‍ത്തിക്കാട്ടാമോ, അവര്‍ ചോദിച്ചു. ബില്ലുകള്‍ക്ക് ‘ഡീംഡ് അസെന്റ്’ ഒരു അനന്തരഫലമാകുമെന്ന് സിംഗ്വി മറുപടി നല്‍കി. വാദത്തിനിടെ, അയോഗ്യതാ ഹര്‍ജികളില്‍ മൂന്ന് മാസത്തിനകം തീരുമാനമെടുക്കാന്‍ തെലങ്കാന സ്പീക്കറോട് നിര്‍ദ്ദേശിച്ച് സിജെഐ ഗവായ് രചിച്ച മൂന്നംഗ ബെഞ്ച് വിധി സിംഗ്വി പരാമര്‍ശിച്ചു. കേസില്‍ പ്രത്യേക നിര്‍ദ്ദേശമാണ് കോടതി പുറപ്പെടുവിച്ചതെന്ന് ചീഫ് ജസ്റ്റിസ് ചൂണ്ടിക്കാട്ടി. ‘എല്ലാ സ്പീക്കര്‍മാരും മൂന്ന് മാസത്തിനകം അയോഗ്യതാ ഹര്‍ജികള്‍ തീര്‍പ്പാക്കണമെന്ന് ഞങ്ങള്‍ നിര്‍ദ്ദേശിച്ചിട്ടില്ല. കേസിന്റെ വസ്തുതകള്‍ക്കും സാഹചര്യങ്ങള്‍ക്കും ഇത് പ്രത്യേകമായിരുന്നു,’ ചീഫ് ജസ്റ്റിസ് പറഞ്ഞു.

ഈ നീക്കം, രാജ്യത്തെ ഏറ്റവും ചലനാത്മക ഡിജിറ്റല്‍ വ്യവസായങ്ങളിലൊന്നിന്റെ ഭാവിയെ ഗുരുതരമായ അപകടത്തിലാക്കുന്നു. കേന്ദ്ര ഇലക്ട്രോണിക്സ് ആന്‍ഡ് ഇന്‍ഫര്‍മേഷന്‍ ടെക്നോളജി മന്ത്രാലയം (MeitY) തയ്യാറാക്കിയ 14 പേജുള്ള ബില്‍ ഓഗസ്റ്റ് 20 ബുധനാഴ്ച ഇലക്ട്രോണിക്സ് ആന്‍ഡ് ഇന്‍ഫര്‍മേഷന്‍ ടെക്നോളജി മന്ത്രി അശ്വിനി വൈഷ്ണവ് ലോക്സഭയില്‍ അവതരിപ്പിച്ചു.

‘രാഷ്ട്രത്തില്‍ സാമ്പത്തിക പരിഷ്‌കാരങ്ങള്‍ക്ക് നേതൃത്വം നല്‍കുകയും തുടര്‍ച്ചയായി രണ്ട് തവണ ഇന്ത്യയുടെ പ്രധാനമന്ത്രിയായി പ്രവര്‍ത്തിക്കുകയും ചെയ്ത പ്രമുഖ സാമ്പത്തിക വിദഗ്ധന്‍, അക്കാഡമിഷ്യന്‍, ബ്യൂറോക്രാറ്റ്, രാഷ്ട്രതന്ത്രജ്ഞന്‍ ഡോ. മന്‍മോഹന്‍ സിങ്ങിന്റെ പ്രശസ്തി മാനിക്കുന്നതാണ്’ പുനര്‍നാമകരണം ശ്രമിക്കുന്നതെന്ന് ബില്ലിനോട് അനുബന്ധിച്ചിരിക്കുന്ന വസ്തുക്കളുടെയും കാരണങ്ങളുടെയും പ്രസ്താവന കുറിക്കുന്നു.

പ്രതിപക്ഷ പ്രതിഷേധങ്ങള്‍ക്കിടയിലും കോണ്‍ഗ്രസ് സര്‍ക്കാര്‍ ബില്‍ പാസാക്കി, ബംഗളൂരു സിറ്റി സര്‍വ്വകലാശാലയുടെ പേര് സിംഗിന്റെ പേരിലേക്ക് മാറ്റിയത് രാജ്യത്തിന്റെ സാമ്പത്തിക രാഷ്ട്രീയ ജീവിതത്തില്‍ അദ്ദേഹം നല്‍കിയ മഹത്തായ സംഭാവനയെ പ്രതിഫലിപ്പിക്കുന്ന ബഹുമതിയാണെന്ന് ഉന്നത വിദ്യാഭ്യാസ മന്ത്രി ഡോ എം സി സുധാകര്‍ വാദിച്ചു.

സിംഗ് രാജ്യത്തിന് നല്‍കിയ സംഭാവനകള്‍ക്കുള്ള ഉചിതമായ ആദരാഞ്ജലിയായി ഭരണകക്ഷിയായ കോണ്‍ഗ്രസ് ഈ നടപടിയെ പ്രശംസിച്ചപ്പോള്‍, പ്രതിപക്ഷമായ ബിജെപി സര്‍ക്കാരിന്റെ സമീപനത്തെ ചോദ്യം ചെയ്തു.

നിലവിലുള്ള സ്ഥാപനത്തിന്റെ പേര് മാറ്റുന്നതിന് പകരം സിംഗിന്റെ പേരില്‍ സര്‍ക്കാര്‍ പുതിയ സര്‍വകലാശാല സ്ഥാപിക്കണമെന്ന് പ്രതിപക്ഷ നേതാവ് ആര്‍ അശോക വാദിച്ചു. നിലവിലുള്ള ഒരു സര്‍വ്വകലാശാലയ്ക്ക് ഡോ. മന്‍മോഹന്‍ സിങ്ങിന്റെ പേരിടുന്നത് അദ്ദേഹത്തിന്റെ നിലവാരത്തോട് നീതി പുലര്‍ത്തുന്നില്ല. ഒരു പുതിയ സര്‍വ്വകലാശാല കൂടുതല്‍ അര്‍ത്ഥവത്തായ ആദരാഞ്ജലിയാകുമായിരുന്നു,’ അശോക പറഞ്ഞു.

അംഗീകാരം അര്‍ഹിക്കുന്ന മറ്റ് നേതാക്കളെ സര്‍ക്കാര്‍ അവഗണിച്ചുവെന്ന് ബിജെപി എംഎല്‍എ സുരേഷ് ഗൗഡയും തീരുമാനത്തെ വിമര്‍ശിച്ചു. തുംകൂര്‍ സര്‍വ്വകലാശാലയ്ക്ക് ശിവകുമാര്‍ സ്വാമിജിയുടെ പേര് നല്‍കാമായിരുന്നുവെന്ന് അദ്ദേഹം അഭിപ്രായപ്പെട്ടു.

ഈ ബില്ലുകള്‍ കുറ്റാരോപണങ്ങളില്‍ മാത്രം നടപടിയെടുക്കുന്നതിനെക്കുറിച്ചാണ് സംസാരിക്കുന്നത്. ഒരു കോടതിയുടെ ശിക്ഷാവിധി ആവശ്യമില്ല, അവ നിലവിലുള്ള നിയമങ്ങളേക്കാള്‍ വളരെ കര്‍ശനമാക്കുന്നു.

ഈ ബില്ലുകള്‍ പാര്‍ലമെന്റിന്റെ സംയുക്ത സമിതിക്ക് റഫര്‍ ചെയ്യാനുള്ള പ്രമേയം കേന്ദ്ര ആഭ്യന്തര മന്ത്രി അമിത് ഷാ അവതരിപ്പിച്ചേക്കുമെന്നാണ് റിപ്പോര്‍ട്ട്.

ഈ ബില്ലുകള്‍ പാര്‍ലമെന്ററി കാര്യ മന്ത്രാലയം ലോക്സഭാ സെക്രട്ടേറിയറ്റുമായി ഓഗസ്റ്റ് 20-ന് പങ്കിടുന്ന സര്‍ക്കാര്‍ കാര്യങ്ങളുടെ പട്ടികയിലാണ്:

ഭരണഘടന (നൂറ്റി മുപ്പതാം ഭേദഗതി) ബില്‍, 2025,
ഗവണ്‍മെന്റ് ഓഫ് കേന്ദ്ര ഭരണ പ്രദേശങ്ങളുടെ (ഭേദഗതി) ബില്‍, 2025; ഒപ്പം
ജമ്മു കശ്മീര്‍ പുനഃസംഘടന (ഭേദഗതി) ബില്‍, 2025.
ഊഹാപോഹങ്ങള്‍ക്ക് വിരുദ്ധമായി, ജമ്മു കശ്മീരിന്റെ സംസ്ഥാന പദവി പുനഃസ്ഥാപിക്കുന്നതിനുള്ള സ്ഥിരീകരണ നീക്കങ്ങളൊന്നും ഇപ്പോള്‍ നടന്നിട്ടില്ല.

മൂന്ന് ബില്ലുകളും ഒരുമിച്ച് പ്രധാനമന്ത്രി, മുഖ്യമന്ത്രിമാര്‍, മന്ത്രിമാര്‍ എന്നിവരെ സംസ്ഥാനങ്ങളിലും കേന്ദ്രഭരണ പ്രദേശങ്ങളിലും കൂടാതെ ഡല്‍ഹിയിലെ ദേശീയ തലസ്ഥാന പ്രദേശവും (എന്‍സിടി) ഉള്‍ക്കൊള്ളുന്നു. കുറഞ്ഞത് അഞ്ച് വര്‍ഷം വരെ തടവ് ലഭിക്കാവുന്ന കുറ്റത്തിന് അറസ്റ്റ് ചെയ്യപ്പെടുകയും 30 ദിവസം തുടര്‍ച്ചയായി കസ്റ്റഡിയില്‍ കഴിയുകയും ചെയ്താല്‍, 31-ാം ദിവസത്തിനകം അവര്‍ രാജിവെക്കുകയോ അല്ലെങ്കില്‍ സ്വയമേവ നീക്കം ചെയ്യപ്പെടുകയോ ചെയ്യണമെന്ന് ബില്ലുകളില്‍ പറയുന്നു.

ചീഫ് ജസ്റ്റിസ് ബി ആര്‍ ഗവായ് അധ്യക്ഷനായ ഭരണഘടനാ ബെഞ്ചാണ് വിഷയം പരിഗണിക്കുക.

ഭരണഘടനയുടെ ആര്‍ട്ടിക്കിള്‍ 143 (1) പ്രകാരം നടത്തിയ രാഷ്ട്രപതിയുടെ പരാമര്‍ശത്തില്‍, ഏപ്രില്‍ 8 ലെ സുപ്രീം കോടതിയുടെ വിധിയെക്കുറിച്ച് പ്രസിഡന്റ് മുര്‍മു 14 ചോദ്യങ്ങള്‍ ഉന്നയിച്ചിരുന്നു.

ഗവര്‍ണര്‍മാരുടെയും രാഷ്ട്രപതിയുടെയും നടപടികള്‍ ന്യായമാണോയെന്നും ഭരണഘടനയില്‍ അത്തരത്തിലുള്ള വ്യവസ്ഥകളൊന്നും ഇല്ലാത്ത സാഹചര്യത്തില്‍ അത്തരം സമയപരിധികള്‍ അവര്‍ക്കുമേല്‍ അടിച്ചേല്‍പ്പിക്കാന്‍ കഴിയുമോയെന്നും രാഷ്ട്രപതി ചോദിച്ചു.

‘ഇന്ത്യന്‍ ഭരണഘടനയുടെ ആര്‍ട്ടിക്കിള്‍ 201 പ്രകാരം ഇന്ത്യന്‍ രാഷ്ട്രപതിയുടെ സമ്മതം ന്യായമാണോ അല്ലയോ എന്ന കാര്യത്തില്‍ സുപ്രീം കോടതിയുടെ പരസ്പര വിരുദ്ധമായ വിധികള്‍ ഉണ്ട്’ എന്ന് പരാമര്‍ശം ചൂണ്ടിക്കാട്ടി. ആര്‍ട്ടിക്കിള്‍ 145(3) പ്രകാരം, കോടതിയുടെ അഭിപ്രായത്തിന് രാഷ്ട്രപതി ഒരു പരാമര്‍ശം നടത്തുമ്പോള്‍, അത് അഞ്ചംഗ ബെഞ്ചിന് മുമ്പാകെ വയ്ക്കുന്നു.

ഏപ്രില്‍ 8 ന്, തീര്‍പ്പാക്കാത്ത ബില്ലുകളില്‍ ഗവര്‍ണര്‍മാര്‍ക്ക് നടപടിയെടുക്കാന്‍ സുപ്രീം കോടതി സമയക്രമം നിശ്ചയിച്ചിരുന്നു, അത്തരം പരാമര്‍ശം ലഭിച്ച തീയതി മുതല്‍ മൂന്ന് മാസത്തിനുള്ളില്‍ ഗവര്‍ണറുടെ പരിഗണനയ്ക്കായി നിക്ഷിപ്തമായ ബില്ലുകളില്‍ രാഷ്ട്രപതി തീരുമാനമെടുക്കണമെന്ന് ആദ്യമായി നിര്‍ദ്ദേശിച്ചു. ഭരണഘടനയുടെ ആര്‍ട്ടിക്കിള്‍ 201 പ്രകാരം, രാഷ്ട്രപതിയുടെ തീരുമാനത്തിന് സമയപരിധി നിശ്ചയിച്ചിട്ടില്ല.

2023 നവംബറില്‍ രാഷ്ട്രപതിയുടെ പരിഗണനയ്ക്കുള്ള 10 ബില്ലുകളുടെ അംഗീകാരം തടഞ്ഞുവയ്ക്കാനുള്ള തമിഴ്നാട് ഗവര്‍ണര്‍ ആര്‍ എന്‍ രവിയുടെ തീരുമാനം ജസ്റ്റിസ് ജെ ബി പര്‍ദിവാല അധ്യക്ഷനായ രണ്ടംഗ ബെഞ്ചിന്റെ ഏപ്രില്‍ 8ലെ വിധിയില്‍ അവ ഇതിനകം നിയമസഭ പുനഃപരിശോധിച്ച ശേഷം നടപടി നിയമവിരുദ്ധവും തെറ്റായതുമാണെന്ന് പറഞ്ഞു.

സംസ്ഥാന സര്‍വ്വകലാശാലകളിലേക്ക് വൈസ് ചാന്‍സലര്‍മാരെ നിയമിക്കുന്നതിനുള്ള എല്ലാ തടസ്സങ്ങളും നീങ്ങുന്നു. സംസ്ഥാന സര്‍ക്കാരിന്റെ ചാന്‍സലര്‍മാരുടെ കീഴില്‍ അവരെ പുതിയ തലത്തിലേക്ക് കൊണ്ടുപോകും,’ അദ്ദേഹം കൂട്ടിച്ചേര്‍ത്തു.
ഗവര്‍ണറുടെ ചുമതലകളും അധികാരങ്ങളും സംബന്ധിച്ച സുപ്രിംകോടതിയുടെ സുപ്രധാന വിധി സംസ്ഥാന സര്‍വകലാശാലകളിലെ വൈസ് ചാന്‍സലര്‍മാരുടെ നിയമനത്തിലെ സ്തംഭനാവസ്ഥ അവസാനിപ്പിക്കുമെന്ന് പ്രതീക്ഷിക്കുന്നു. സംസ്ഥാന ധനസഹായത്തോടെ പ്രവര്‍ത്തിക്കുന്ന 22 സര്‍വകലാശാലകളില്‍ പത്തോളം സര്‍വകലാശാലകളും വൈസ് ചാന്‍സലര്‍മാരില്ലാതെയാണ് പ്രവര്‍ത്തിക്കുന്നത്.
വിജ്ഞാപനം ചെയ്ത 10 ബില്ലുകളില്‍, എഐഎഡിഎംകെ സര്‍ക്കാരിന്റെ ഫിഷറീസ് സര്‍വ്വകലാശാല ബില്‍, മുന്‍ മുഖ്യമന്ത്രി ജയലളിതയുടെ പേര് സര്‍വ്വകലാശാലയ്ക്ക് നല്‍കാന്‍ ശ്രമിക്കുന്നത് അതിലൊന്നാണ്. നാല് വര്‍ഷത്തിലേറെയായി ഇത് കെട്ടിക്കിടക്കുകയായിരുന്നു.

സ്വകാര്യ സര്‍വകലാശാലകള്‍ക്ക് അനുമതി നല്‍കുമ്പോള്‍ നിലവില്‍ പ്രവര്‍ത്തിക്കുന്ന സര്‍വകലാശാലകളുടെ അവസ്ഥയെ കുറിച്ച് പഠനങ്ങള്‍ നടത്തിയിട്ടുണ്ടോയെന്ന് സിപിഐ ചോദിച്ചു.

സംവരണ മാനദണ്ഡങ്ങള്‍ പാലിച്ച് മെഡിക്കല്‍- എഞ്ചിനീയറിങ്ങ് കോഴ്സുകളടക്കം നടത്താന്‍ അനുമതി നല്‍കുന്ന കരട് ബില്ലാണ് തയ്യാറാക്കിയിരിക്കുന്നത്. സ്വകാര്യ സര്‍വകലാശാലകള്‍ക്ക് വേണ്ടി കഴിഞ്ഞ ക്യാബിനറ്റില്‍ തന്നെ ചര്‍ച്ചയ്ക്ക് വന്നിരുന്നെങ്കിലും സിപിഐ മന്ത്രിമാര്‍ എതിര്‍പ്പറിയിരിച്ചിരുന്നു. തുടര്‍ന്ന് ബില്‍ മാറ്റി വയ്ക്കുകയായിരുന്നു.

മള്‍ട്ടി ഡിസിപ്ലീനറി കോഴ്സുകള്‍ ഉള്ള സ്വകാര്യ സര്‍വ്വകലാശാലകളില്‍ ഫീസിനും പ്രവേശനത്തിനും സര്‍ക്കാരിന് നിയന്ത്രണം ഉണ്ടാകില്ല എന്നതാണ് ബില്ലിലെ ഏറ്റവും പ്രധാനപ്പെട്ട ഭാഗം. അധ്യാപക നിയമനത്തിലും സര്‍ക്കാരിന് ഇടപെടാന്‍ ആകില്ല. അതേസമയം സര്‍വകലാശാലയുടെ ഭരണപരമോ സാമ്പത്തികപരമോ ആയ വിവരങ്ങളും റെക്കോര്‍ഡുകളും വിളിച്ചുവരുത്താന്‍ സര്‍ക്കാറിന് അധികാരമുണ്ടായിരിക്കും.

എന്നാല്‍ സര്‍വകലാശാല തുടങ്ങുന്നതിന് നിശ്ചയിച്ച വ്യവസ്ഥകള്‍ പാലിക്കുന്നതില്‍ പരാജയപ്പെട്ടാല്‍ അനുമതി പത്രം സര്‍ക്കാറിന് പിന്‍വലിക്കാം. ഓരോ കോഴ്സിനും ചുരുങ്ങിയത് 15 ശതമാനം സീറ്റ് എസ്സി വിഭാഗത്തിനും അഞ്ച് ശതമാനം എസ്ടി വിഭാഗത്തിനും സംവരണം ചെയ്യണം എന്ന നിര്‍ദ്ദേശത്തോടെയാണ് ബില്ലിന് മന്ത്രിസഭ അനുമതി നല്‍കിയത്.

ആക്ടിന് വിരുദ്ധമായി സര്‍വകലാശാല പ്രവര്‍ത്തിക്കുന്നുവെന്ന് പരാതി ലഭിച്ചാല്‍ രണ്ട് മാസത്തിനുള്ളില്‍ സര്‍വകലാശാലയുടെ അംഗീകാരം പിന്‍വലിക്കാതിരിക്കുന്നതിന് കാരണം കാണിക്കല്‍ നോട്ടീസ് നല്‍കാം. വ്യസ്ഥകളുടെ ലംഘനമുണ്ടെന്ന് ബോധ്യപ്പെട്ടാല്‍ അന്വേഷണത്തിന് സര്‍ക്കാറിന് ഉത്തരവിടാം. ഇതിനായി അന്വേഷണ ഉദ്യോഗസ്ഥനെയോ പ്രത്യേക അധികാര കേന്ദ്രത്തെയോ സര്‍ക്കാറിന് നിയമിക്കാം.

ചന്ദ്രബാബു നായിഡുവിന് രണ്ട് കണ്ണുകളുണ്ട്. അതിൽ ഒന്ന് ഹിന്ദുക്കൾക്ക് വേണ്ടിയും മറ്റൊന്ന് മുസ്‍ലിംകൾക്ക് വേണ്ടിയുമാണ്. ഏതെങ്കിലുമൊരു കണ്ണിന് പ്രശ്നമുണ്ടായാൽ അത് മൊത്തം ശരീരത്തെ ബാധിക്കും. വികസനത്തിന്റെ പാതയിലൂടെയാണ് ചന്ദ്രബാബു നായിഡു സർക്കാർ മുന്നോട്ട് പോകുന്നതെന്നും അദ്ദേഹം പറഞ്ഞു.

മതേതര മനസ്സുള്ളയാളാണ് ചന്ദ്രബാബു നായിഡു. ഒരിക്കലും മുസ്‍ലിംകളെ ബാധിക്കുന്ന ബില്ലുകൾ അവതരിപ്പിക്കാൻ അദ്ദേഹം സമ്മതിക്കില്ല. നായിഡുവാണ് വഖഫ് നിയമഭേദഗതി ബിൽ ജെ.പി.സിക്ക് വിടാനായി പ്രവർത്തിച്ചതെന്നും അദ്ദേഹം പറഞ്ഞു. എല്ലാം ഞങ്ങൾ സഹിക്കും. എന്നാൽ, രാജ്യത്തിന്റെ ഐക്യംതകർക്കുന്ന നടപടികൾ വെച്ചുപൊറുപ്പിക്കില്ലെന്നും അദ്ദേഹം കൂട്ടിച്ചേർത്തു.

ബി.ജെ.പിക്ക് നിലവിൽ ലോക്സഭയിൽ കേവലഭൂരിപക്ഷമില്ല. ടി.ഡി.പിയുടേയും ജെ.ഡി.യുവിന്റേയും പിന്തുണയോടെയാണ് ബി.ജെ.പി ഭരണം നടത്തുന്നത്. ഇതിനിടെയാണ് വിവാദ വ്യവസ്ഥകളുമായി വഖഫ് നിയമഭേദഗതി ബിൽ ബി.ജെ.പി കൊണ്ടു വന്നത്. എന്നാൽ, എതിർപ്പുയർന്നതോടെ ഇത് പാർലമെന്റിന്റെ സംയുക്തസമിതിക്ക് വിടുകയായിരുന്നു.

വഖഫ് ഭേദഗതി ബിൽ സംയുക്ത പാർലമെന്‍ററിസമിതിക്ക് വിട്ടു. വഖഫ് ബോർഡിന്‍റെ അധികാരങ്ങൾ വെട്ടിക്കുറയ്ക്കാനുള്ള കേന്ദ്രസർക്കാർ ലോക്സഭയിൽ അവതരിപ്പിച്ചപ്പോള്‍ പ്രതിപക്ഷം ശക്തമായ പ്രതിഷേധമാണ് ഉയർത്തിയത്. ബില്ലിനെ ഇന്ത്യാ സഖ്യം ഒറ്റക്കെട്ടായി എതിർത്തു. വഖഫ് ഭേദഗതി ബിൽ ഭരണഘടനയ്ക്ക് നേരെയുള്ള ആക്രമണമെന്ന് പറഞ്ഞ പ്രതിപക്ഷം കടുത്ത പ്രതിരോധമുയർത്തി.

മുസ്‌ലിം അം​ഗം വഖഫ് ബോർഡിൽ എത്തുന്നത് മതസ്വാതന്ത്ര്യത്തോടുള്ള നേരിട്ടുള്ള വെല്ലുവിളിയാണെന്ന് കെ.സി. വേണുഗോപാൽ എം.പി ആരോപിച്ചു. അയോധ്യ ക്ഷേത്ര ഭരണസമിതിയിൽ മുസ്‌ലിം വ്യക്തിയുണ്ടോയെന്ന കെ.സി വേണുഗോപാലിന്‍റെ ചോദ്യം കേന്ദ്രത്തെ പ്രതിരോധത്തിലാക്കി. അമുസ്‌ലിംകളെ ബോര്‍ഡില്‍ ഉള്‍പ്പെടുത്തുന്നതാണ് നിലവിലെ ഭേദഗതി. അയോധ്യ രാമക്ഷേത്ര ബോര്‍ഡിലോ ഗുരുവായൂര്‍ ദേവസ്വം ബോര്‍ഡിലോ അഹിന്ദുക്കളെ ഉള്‍പ്പെടുത്തുന്നത് ആരെങ്കിലും ചിന്തിക്കുമോയെന്നായിരുന്നു കെ.സി. വേണുഗോപാല്‍ എംപിയുടെ ചോദ്യം.

ബില്ല് മുസ്‌ലിംകളോടുള്ള വിവേചനമാണെന്ന് സമാജ് വാദി പാർട്ടി വിമർശിച്ചു. സർക്കാർ നിലപാട് ദുരൂഹമാണെന്നും ഭരണഘടന വിരുദ്ധമെന്നും തൃണമൂൽ കോൺഗ്രസ് പറഞ്ഞു. ബിൽ ജനദ്രോഹമെന്ന് കുറ്റപ്പെടുത്തിയ ഡിഎംകെ നേതാവ് കനിമൊഴി, ബില്ല് ഭരണഘടനക്കും, ജനാധിപത്യത്തിനും എതിരാണെന്നും ചൂണ്ടിക്കാട്ടി. ബിൽ പിൻവലിക്കണമെന്ന് എൻസിപി ആവശ്യപ്പെട്ടു. ബില്ല് മാധ്യമങ്ങൾക്ക് ചോർത്തി നൽകിയെന്ന് എൻസിപി നേതാവ് സുപ്രിയ സുലെ ആരോപിച്ചു.

ബില്ലിന് പിന്നിൽ വൃത്തികെട്ട അജണ്ടയാണെന്ന് മുസ്‌ലിം ലീഗ് എം.പി ഇ.ടി. മുഹമ്മദ് ബഷീർ കുറ്റപ്പെട്ടുത്തി. വഖഫ് കൗൺസിലും, വഖഫ് ബോർഡുകളും അപ്രസക്തമാകുമെന്നും ജില്ലാ കളക്ടർമാർക്ക് സകല അധികാരങ്ങളും നൽകിയിരിക്കുകയാണെന്നും അദ്ദേഹം പറഞ്ഞു. ഇന്ത്യയുടെ ഐക്യം തകർക്കുന്ന ബില്ലെന്നും സിപിഎം നേതാവ് കെ. രാധാകൃഷണൻ കുറ്റപ്പെടുത്തി.

മതേതരത്വത്തിന്‍റെ ഭാവി തകർക്കുന്ന ബില്ലാണിതെന്ന് എൻ.കെ. പ്രേമചന്ദ്രൻ വിമർശിച്ചു. വഖഫ് മതപരമായ ചട്ടക്കൂടിൽ നിൽക്കുന്ന സ്ഥാപനമാണ്. ബിൽ മതത്തിൽ കടന്നു കയറുകയാണ്. വഖഫ് ബോർഡിനെ തകർക്കുന്ന നടപടിയാണിത്. നിയമപരമായ പരിശോധനയ്ക്ക് നീങ്ങിയാൽ ഈ ബില്ല് തള്ളപ്പെടും. ബില്ലുമായി മുമ്പോട്ട് പോകണമെന്നുണ്ടെങ്കിൽ ചർച്ചകൾ നടക്കണം, സൂക്ഷ്മ പരിശോധനകൾ വേണമെന്നും അദ്ദേഹം പറഞ്ഞു. മുസ്‌ലിംകളുടെ സ്വാതന്ത്ര്യത്തിന് മേലുള്ള കടന്നു കയറ്റമാണ് ബില്ലെന്ന് അസദുദ്ദീൻ ഒവൈസിയും വിമർശിച്ചു.