അള്‍വാറില്‍ നിന്നുള്ള ബിജെപി എംഎല്‍എ മുന്‍പും വിവാദ പ്രസ്താവനകളാല്‍ വാര്‍ത്തയില്‍ നിറഞ്ഞിരുന്നു. രാജസ്ഥാനിലെ ആള്‍വാര്‍ ജില്ലയില്‍ പശു കടത്താരോപിച്ച് ഒരു യുവാവ് ജനക്കൂട്ടത്തിന്റെ ആക്രമണത്തിനിരയായ സമയത്ത് പശുവിനെ കടത്തുന്നവര്‍ക്കും കശാപ്പ് ചെയ്യുന്നവര്‍ക്കും വധ ഭീഷണിയുമായി ഇയാള്‍ രംഗത്തെത്തിയിരുന്നു.

പശു മാതാവാണ്, കശാപ്പ് ചെയ്യുന്നവരെ കൊലപ്പെടുത്തും എന്നായിരുന്നു വിവാദ പ്രസ്താവന.ഡല്‍ഹി ജെ.എന്‍.യുവില്‍ 300 കോണ്ടവും 200 മദ്യകുപ്പികളും ദിനംപ്രതി കണ്ടെടുക്കുന്നുവെന്ന് അഹൂജ നടത്തിയ പ്രസ്താവനയും ഏറെ വിവാദമായിരുന്നു. ഹനുമാന്‍ ആദ്യത്തെ ആദിവാസി നേതാവാണെന്ന പ്രസ്താവനയിലൂടെയും ഇദ്ദേഹം വാര്‍ത്തയില്‍ ഇടം നേടിയിരുന്നു.

People say Sita ji was born from an earthen pot, which means at the time of Ramayana, a concept similar to test tube baby must have existed: Dinesh Sharma, UP Deputy CM pic.twitter.com/kcCH7t75Ex

— ANI UP (@ANINewsUP) June 1, 2018

സീത ഒരു മണ്‍പാത്രത്തില്‍ നിന്ന് ജനിച്ചതായാണ് പറയുന്നത്. രാമായണ സമയത്ത്, ടെസ്റ്റ് ട്യൂബ് ശിശു പോലെ ഒരു ആശയം നിലവിലുണ്ടായിരുന്നു. ഇന്നത്തെ വിമാനവും അയോധ്യയില്‍ നിന്ന് ലങ്കയിലേക്ക് രാമന്‍ യാത്രചെയ്ത പുഷ്പക വിമാനവും ഒന്നുതന്നെ. ലക്‌നൗവിലെ ഒരു ചടങ്ങില്‍ പ്രസംഗിക്കവെ അദ്ദേഹം പറഞ്ഞു.തിമിര ശസ്ത്രക്രിയ, പ്ലാസ്റ്റിക് ശസ്ത്രക്രിയ, ഗുരുത്വാകര്‍ഷണ സിദ്ധാന്തം, ആറ്റോമിക് ടെസ്റ്റുകള്‍, ഇന്റര്‍നെറ്റ് തുടങ്ങിയ പുരാതന സാങ്കേതികവിദ്യകള്‍ പുരാണങ്ങളിലാണ് ആരംഭിച്ചത്.

Today, live telecast is being done, but I think a similar technology was present at the time of Mahabharata, when Sanjay presented a ‘live telecast’ of the battle of Mahabharata to Dhritarashtra: Dinesh Sharma, UP Deputy CM pic.twitter.com/0AQ3ptHnIW

— ANI UP (@ANINewsUP) June 1, 2018

അക്കാലത്തും ഇന്റര്‍നെറ്റും തത്സമയ സംപ്രേഷണവും ഉണ്ടായിരുന്നുവെന്നും മഹാഭാരത യുദ്ധം ധൃതരാഷ്ട്രര്‍ തത്സമയം കണ്ടിരുന്നുവെന്നും ദിനേഷ് ശര്‍മ്മ പറഞ്ഞിരുന്നു. കാഴ്ച ശേഷിയില്ലാതിരുന്ന ധൃതരാഷ്ട്രര്‍ക്ക് കുരുക്ഷേത്ര യുദ്ധത്തില്‍ പതിനെട്ട് ദിവസവും നടന്ന കാര്യങ്ങള്‍ സഞ്ജയ ഹസ്തിനപുരത്ത് ഇരുന്ന് വിവരിച്ചുനല്‍കിയത് മാധ്യമപ്രവര്‍ത്തനം തന്നെയല്ലെ. അദ്ദേഹം നാരദനെ ഗൂഗിളിനോട് ഉപമിക്കുകയും ചെയ്തിരുന്നു. ഹിന്ദി ജേര്‍ണലിസം ദിനത്തില്‍ സംസാരിക്കവെയാണ് ആധുനിക നേട്ടങ്ങള്‍ പൗരാണിക ഇന്ത്യയുമായി കൂട്ടിക്കെട്ടുന്ന പ്രസ്താവനകള്‍ ദിനേഷ് ശര്‍മ്മ നടത്തിയിരുന്നത്.

മഹാഭാരതത്തിന്റെ കാലത്ത് ഇന്റര്‍നെറ്റ് നിലവിലുണ്ടെന്ന് ത്രിപുര മുഖ്യമന്ത്രി ബിപ്ലപ് ദേവ് പറഞ്ഞിരുന്നു.  സീതയെ ഭൗതിക ലോകവുമായി എങ്ങനെ ബന്ധിപ്പിക്കാന്‍ സാധിക്കുമെന്നും അവര്‍ ലക്ഷ്മീദേവിയുടെ അവതാരമാണെന്നും ഇത്തരം പ്രസ്താവനകള്‍ സീതാദേവിയെയും സനാതന ധര്‍മത്തെയും അപമാനിക്കുന്നതാണെന്നും അഖില ഭാരത ഹിന്ദു മഹാസഭ പ്രസിഡന്റ് സ്വാമി ചക്രപാണി പറഞ്ഞു.

സഹസ്രാബ്ദങ്ങളായി ഹിന്ദുമതം ഉദ്‌ഘോഷിക്കുന്ന ലോകമേ തറവാട്, സനാതനധര്‍മം മുതലായ സവിശേഷമായ ആശയസംഹിതകളെയാകെ ഉലയ്ക്കുന്ന ആശയങ്ങളും പ്രവര്‍ത്തനങ്ങളുമാണ് ആ സംഘടനകളുടെ ഭാഗത്തുനിന്നുണ്ടായത്. ലോകംകണ്ട മികച്ച സോഷ്യലിസ്റ്റ് ഭരണാധികാരി ജവഹര്‍ലാല്‍ നെഹ്‌റുവും മറ്റും നേതൃത്വം നല്‍കിയ ഇന്ത്യയുടെ രാഷ്ട്രീയ അധികാര കേന്ദ്രങ്ങളെ അധമാവസ്ഥയിലേക്ക് കൊണ്ടുപോകുന്ന കാഴ്ചയാണ് ഇന്ന് നാം കണ്ടുകൊണ്ടിരിക്കുന്നത്. ആറു പതിറ്റാണ്ടുകള്‍ക്കുശേഷം ആദ്യമായി രാജ്യഭരണം പിടിച്ച ആര്‍.എസ്.എസ് ഇന്ത്യന്‍ പൊതുമണ്ഡലത്തിലേക്കും അവരുടെ അശാസ്ത്രീയമായ വിതണ്ഡവാദങ്ങള്‍ നിരന്തരം പടര്‍ത്തിവിട്ടുകൊണ്ടിരിക്കുന്നു. ബാബരി മസ്്ജിദ് തകര്‍ക്കല്‍ മുതല്‍ പശുവിന്റെ പേരില്‍ രാജ്യത്തെ ന്യൂനപക്ഷ സമുദായാംഗങ്ങളെയും ദലിതുകളെയും ആക്രമിക്കുകയും കൊലപ്പെടുത്തുകയും ചെയ്യുന്ന, പിഞ്ചുകുട്ടികളെ പോലും കടിച്ചുകീറാന്‍ പരിപാവനമായ അമ്പലപരിസരം ദുരുപയോഗിക്കുന്ന പ്രവണതയില്‍വരെ അത് ചെന്നെത്തി നില്‍ക്കുന്നു.

മേല്‍പരാമര്‍ശിത അസംസ്‌കൃത കൂട്ടത്തിലൊരാളാണ് കഴിഞ്ഞ ഫെബ്രുവരിയില്‍ ത്രിപുര സംസ്ഥാനത്ത് അധികാരത്തിലേറിയ ബി.ജെ.പി സര്‍ക്കാരിന്റെ തലവനായ ബിപ്ലവ്‌ദേവ്കുമാര്‍ ദേവ്. കാല്‍നൂറ്റാണ്ടത്തെ സി.പി.എമ്മിനെതിരായ ഭരണവിരുദ്ധ വികാരത്തള്ളിച്ച നാല്‍പത്താറുകാരനായ ഇദ്ദേഹത്തിന് മുഖ്യമന്ത്രിപദത്തിന് അനുകൂലഘടകമായി. ബിപ്ലവ്‌ദേവ് അധികാരമേറ്റ് ആഴ്ചകള്‍ പിന്നിടുമ്പോള്‍തന്നെ അദ്ദേഹത്തിന്റെ വിതണ്ഡവാദങ്ങള്‍ ഓരോന്നായി പുറത്തുവരുന്ന കാഴ്ചയാണ് കാണാന്‍ കഴിഞ്ഞത്. ആധുനിക വിവരസാങ്കേതിവിദ്യയുടെ ഹൃദയമായ ഇന്റര്‍നെറ്റ് സംവിധാനം പുരാണ കാലത്തുതന്നെ ഉണ്ടായിരുന്നുവെന്ന ‘കണ്ടെത്ത’ലാണ് അദ്ദേഹം ആദ്യം നടത്തിയത്. ഡയാനഹെയ്ഡന് ലോക സുന്ദരിപട്ടം നല്‍കിയത് ശരിയായില്ലെന്നും സിവില്‍സര്‍വീസിനു വേണ്ടത് സിവില്‍ എന്‍ജിനീയര്‍മാരെയാണെന്നുമൊക്കെ ഈ ബിപ്ലവമുഖ്യന്‍ തട്ടിവിട്ടു. യുവാക്കള്‍ സര്‍ക്കാര്‍, വൈറ്റ്‌കോളര്‍ ജോലി അന്വേഷിക്കാതെ പശു വളര്‍ത്തല്‍ ജോലിയിലേക്ക് തിരിയണമെന്ന് ബിപ്ലവ്‌ദേവ് പറഞ്ഞത് കഴിഞ്ഞദിവസമാണ്. ലോകമിന്ന് വിവരത്തിനായി ഉപയോഗിച്ചുവരുന്ന ഗൂഗിള്‍ സെര്‍ച്ച്എഞ്ചിന്‍ പുരാതനകാലത്തുതന്നെ ഇന്ത്യയില്‍ ഉണ്ടായിരുന്നുവെന്നും അത് ഹിന്ദു പുരാണത്തിലെ നാരദമുനിയായിരുന്നുവെന്നും മറ്റൊരു ബി.ജെ. പി മുഖ്യമന്ത്രി ഗുജറാത്തിലെ വിജയ്‌രൂപാണിയും ഇന്നലെ തട്ടിവിട്ടിരിക്കുന്നു. വിമാനം ഇന്ത്യയിലാണ് ആദ്യമായി ഉണ്ടാക്കിയതെന്നും അതായിരുന്നു പുഷ്പക വിമാനമെന്നും നേരത്തെ മറ്റൊരു ബി.ജെ.പി വിദ്വാന്‍ തട്ടിവിട്ടിരുന്നുവല്ലോ

ശാസ്ത്രത്തിന് തെറ്റു പറ്റില്ലെന്നൊന്നും അഭിപ്രായമില്ല. നിരന്തരം നവീകരിക്കപ്പെട്ടുകൊണ്ടിരിക്കുന്നതാണതിലെ ഓരോ സിദ്ധാന്തങ്ങളും. ഇക്കഴിഞ്ഞ മാര്‍ച്ചില്‍ നരേന്ദ്ര മോദിയുടെ കീഴിലെ രാജ്യത്തെ ശാസ്ത്ര സാങ്കേതിക വകുപ്പുമന്ത്രി ഹര്‍ഷ്‌വര്‍ധന്‍ നടത്തിയ മറ്റൊരു പ്രസ്താവനയും ഏറെ വിവാദത്തിനിടയാക്കി. ഐന്‍സ്റ്റീന്റെ വിഖ്യാത ശാസ്ത്ര കണ്ടുപിടിത്തമായ ഊര്‍ജനിയമത്തെക്കാള്‍ മികച്ചതാണ് വേദങ്ങളിലെ സിദ്ധാന്തമെന്ന് ലോക പ്രശസ്ത ബഹിരാകാശ ശാസ്ത്രജ്ഞന്‍ അന്തരിച്ച സ്റ്റീഫന്‍ഹോക്കിംഗ് പറഞ്ഞതായാണ് മോദി കാബിനറ്റിലെ മുതിര്‍ന്ന മന്ത്രിയായ ഹര്‍ഷ്‌വര്‍ധന്‍ തട്ടിവിട്ടത്. ഇതിന് സൈദ്ധാന്തികവും ശാസ്ത്രീയവുമായ യാതൊരു അടിത്തറയുമില്ലെന്നും ഹോക്കിംഗ് അങ്ങനെയൊരിക്കലും പറഞ്ഞിട്ടില്ലെന്നും പ്രമുഖശാസ്ത്രകാരന്മാര്‍ മുന്നോട്ടുവന്ന് മന്ത്രിയെ തിരുത്തുകയുണ്ടായി. ഇന്ത്യയുടെ ശാസ്ത്ര മേഖലയുടെ വികാസത്തിനും നിലനില്‍പിനും വിലപ്പെട്ട സേവനങ്ങള്‍ നല്‍കാനും അവയുടെ പുരോഗതിക്കും വേണ്ട ആശയപരമായ നേതൃത്വം നല്‍കേണ്ട വ്യക്തിയാണ് രാജ്യത്തിന്റെ ശാസ്ത്രസാങ്കേതിക വകുപ്പുമന്ത്രിയെന്നിരിക്കെ ഇത്തരം ‘വായില്‍തോന്നിയത് കോതക്ക് പാടു’ന്നവര്‍ ലോകത്ത് ബി.ജെ.പിയിലല്ലാതെ മറ്റേതെങ്കിലും രാഷ്ട്രീയകക്ഷികളില്‍ ഇതുവരെ ഉണ്ടായിട്ടുള്ളതായി വിവരമില്ല.

മുമ്പൊന്നും കേള്‍ക്കാത്തത്ര വലിയ അന്ധവിശ്വാസങ്ങളും അശാസ്ത്രീയമായ വാദങ്ങളുമാണ്, രാജ്യത്തിന്റെ പതിറ്റാണ്ടുകളായുള്ള ശാസ്ത്ര രംഗത്തെ നേട്ടങ്ങളെയും യശസ്സിനെയുമൊക്കെ കൊഞ്ഞനം കുത്തിക്കൊണ്ട് ബി.ജെ.പി നേതാക്കള്‍ ദിനംപ്രതി ഉയര്‍ത്തിവിട്ടുകൊണ്ടിരിക്കുന്നത്. ആ പാര്‍ട്ടിക്കാരായ വിദ്യാസമ്പന്നര്‍ പോലും ഇത്തരം ആശയങ്ങള്‍ സമൂഹത്തില്‍ പടര്‍ത്തിവിടുന്നുവെന്നതാണ് ഏറെ ഞെട്ടിക്കുന്നത്. മയിലുകള്‍ പ്രത്യുല്‍പാദനം നടത്തുന്നത് ഇണകളുടെ ഭൂമിയില്‍വീഴുന്ന ശുക്ലത്തുള്ളികള്‍ കൊത്തിക്കുടിച്ചാണെന്നും പശുവിന്റെ ശരീരത്തില്‍നിന്ന് മുപ്പതോളം ദൈവികഘടകങ്ങള്‍ പുറപ്പെടുവിക്കപ്പെടുന്നുണ്ടെന്നു പറഞ്ഞതും ബി.ജെ.പി അനുഭാവിയായി വിശേഷിപ്പിക്കപ്പെട്ട ഒരു ഹൈക്കോടതി ജഡ്ജിയായിരുന്നു. ഏത് പദവിയിലിരിക്കുന്നുവെന്നതല്ല, ഇവര്‍ ബി.ജെ.പിയിലും സംഘ്പരിവാര സംഘടനയിലും അംഗങ്ങളോ അനുഭാവമുള്ളവരോ ആണെന്നുള്ളതായിരിക്കുന്നു ഇത്തരം അന്ധവിശ്വാസങ്ങള്‍ പ്രചരിപ്പിക്കുന്നവരുടെ മാനദണ്ഡം. ഹിറ്റ്‌ലറിനും മുസ്സോളിനിക്കും മുമ്പേ ബ്രാഹ്മണ്യത്തിലൂടെ ഫാസിസത്തിന് ആശയരൂപം നല്‍കിയവരാണ് ഇന്ത്യന്‍ ഹിന്ദുത്വ പതിപ്പുകള്‍. കമ്പ്യൂട്ടര്‍ യുഗവും ബഹിരാകാശ യുഗവും നാനോ യുഗവുമൊക്കെ കടന്ന് ശാസ്ത്രം റോക്കറ്റ്കുതിപ്പില്‍ നില്‍ക്കവെയാണ് ഇന്ത്യയെപോലെ നൂറ്റി ഇരുപതുകോടി ജനങ്ങളെ പരിഹാസപാത്രമാക്കിക്കൊണ്ട് അധികാര സ്ഥാനങ്ങളിലിരുന്ന് ഇത്തരം ഉണ്ടയില്ലാവെടികള്‍ കേള്‍ക്കേണ്ടിവരുന്നത്്. പ്രധാനമന്ത്രിതന്നെ ഇത്തരം ആശയങ്ങളുടെ കൂടാരമായ ആര്‍.എസ്.എസ് അംഗമാണെന്നതാണ് അദ്ദേഹത്തിന് കീഴിലുള്ളവരുടെ വിതണ്ഡവാദമുഖങ്ങളുടെ ഞെട്ടലിന്റെ വ്യാപ്തി കുറക്കുന്നത്. പ്രായപൂര്‍ത്തിയായ പെണ്‍കുട്ടിയെ പീഡിപ്പിച്ചതിന് കഴിഞ്ഞദിവസം രാജസ്ഥാനിലെ ജോദ്പൂര്‍ കോടതി ആജീവനാന്ത കാലത്തേക്ക് തടവറയിലേക്ക് വിട്ടയച്ച ആസാറാം ബാപ്പുവും രാജ്യത്തിന്റെ പ്രധാനമന്ത്രിയും ആലിംഗനബദ്ധരായി നില്‍ക്കുന്ന ചിത്രം പുറത്തുവരികയുണ്ടായി. ജമ്മുവിലെ കത്വയിലും യു.പിയിലുമൊക്കെ പരിപാവനമായ ക്ഷേത്രത്തിനകത്ത് പോലും പെണ്‍കുട്ടികളെ പിച്ചിച്ചീന്തി കാമവെറി തീര്‍ക്കുന്ന ഹിന്ദുത്വവാദികളുള്ളപ്പോള്‍ ബിപ്ലവും രൂപാണിയും ഹര്‍ഷവര്‍ധനും നരേന്ദ്രമോദിയുമൊക്കെ ഇതൊക്കെയല്ലേ ചെയ്യുന്നുള്ളൂവെന്ന് സമാധാനിക്കാം. ഇവരത്രെ ഇന്ത്യന്‍ ദേശീയതയുടെ വക്താക്കള്‍. ലജ്ജാകരം എന്നല്ലാതെന്തുപറയാന്‍.

‘2019 ലെ ലോക്‌സഭ തെരഞ്ഞെടുപ്പ് ഭഗവാനും ഇസ്‌ലാമും ഇന്ത്യയും പാകിസ്താനും തമ്മിലുളള പോരാട്ടമാണ്. അതുകൊണ്ടാണ് സുഹൃത്തുക്കളേ ഞാന്‍ ചോദിക്കുന്നത്, ആര്‍ക്കൊപ്പമാണ് നിങ്ങള്‍ നിലക്കൊള്ളുക എന്ന്. ഇസ്‌ലാം ജയിക്കണോ ഭഗവാന്‍ ജയിക്കണോ എന്ന് നിങ്ങളുടേതാണ് തീരുമാനം. രണ്ട് പക്ഷത്തിന്റെ പോരാട്ടമാണിത്. ഒരു ഭാഗത്ത് ഇസ്‌ലാം അനുകൂലവാദികളും മറുവശത്ത് ഇന്ത്യയുടെ ഭാവിയുമാണ്. ഇനി നിങ്ങള്‍ തീരുമാനിക്കൂ,’ റാലിയില്‍ സുരേന്ദ്ര സിങ് പ്രസംഗിച്ചു.

‘നമ്മുടെ പ്രതിപക്ഷക്കാര്‍ ദേശ വിരുദ്ധരാണ്. അവരുടെ വിശ്വാസം ഇസ്‌ലാമിലും അറബ് രാഷ്ട്രങ്ങളിലുമാണ്. മറ്റ് ചിലരുടേത് ഇറ്റലിയിലും.നിങ്ങള്‍ കണ്ടിട്ടുണ്ടാകും ലോക്‌സഭയില്‍ ഇരിക്കാന്‍ സമയമില്ലാതെ രാഹുല്‍ ഗാന്ധി രണ്ടാഴ്ചയില്‍ ഒരിക്കല്‍ ഇറ്റലിയിലേക്ക് പോയത്. അദ്ദേഹത്തിന് നമ്മുടെ പാരമ്പര്യത്തിലല്ല, ഇറ്റലിയുടെ പാരമ്പര്യത്തിന് വേണ്ടി ചിലവഴിക്കാനേ സമയം ഉളളൂ. സുരേന്ദ്രസിങ് കൂട്ടിച്ചേര്‍ത്തു.

വിവാദ പരാമര്‍ശത്തെക്കുറിച്ച് പ്രമുഖ ചാനലിന്റെ ചോദ്യത്തിന് മറുപടിയായി അടുത്തവര്‍ഷത്തെ തെരഞ്ഞെടുപ്പ് ഹൈന്ദവ വിശ്വാസികളും ഇസ്‌ലാം വിശ്വാസികളും തമ്മിലുളള പോരാട്ടമാകുമെന്നാണ് ഞാന്‍ പറഞ്ഞത്. കോണ്‍ഗ്രസ്, സമാജ്‌വാദി പാര്‍ട്ടി, ബിഎസ്പി എല്ലാവരും ഒരു വശത്തുണ്ടാകും. എന്നാല്‍ ഭഗവാന്‍ രാമന്റെ പാര്‍ട്ടി ബിജെപി മാത്രമായിരിക്കും മറുവശത്ത് സുരേന്ദ്ര സിങ് പ്രതികരിച്ചു.

ജയ്പുര്‍: ഗുരുത്വാകര്‍ഷണം കണ്ടുപിടിച്ചത് ഐസക് ന്യൂട്ടനല്ലെന്നും ഏഴാം നൂറ്റാണ്ടിലെ ഇന്ത്യന്‍ ജ്യോതിശാസ്ത്രജ്ഞന്‍ ബ്രഹ്മഗുപ്തന്‍ രണ്ടാമനാണെന്ന വാദവുമായി രാജസ്ഥാനിലെ ബി.ജെ.പി നേതാവും വിദ്യാഭ്യാസമന്ത്രിയുമായ വസുദേവ് ദേവ്‌നാനി പറഞ്ഞു.

‘ഗുരുത്വാകര്‍ഷണ നിയമം ന്യൂട്ടന്‍ കണ്ടുപിടിക്കുന്നതിന് 1000 വര്‍ഷം മുന്‍പ് ഇന്ത്യ മനസ്സിലാക്കിയിരുന്നു. ന്യൂട്ടന്റെ പേരിലാണത് അറിയപ്പെടുന്നത്. ആഴത്തില്‍ പരിശോധിച്ചാല്‍ ബ്രഹ്മഗുപ്തന്‍ രണ്ടാമന്‍ ന്യൂട്ടന്‍ കണ്ടുപിടിക്കുന്ന ആയിരം വര്‍ഷം മുന്‍പ് ഈ നിയമം കണ്ടെത്തിയതായി കാണാം. എന്തുകൊണ്ടാണിത് നമ്മുടെ വിദ്യാഭ്യാസ പാഠഭാഗമായി ഉള്‍പ്പെടുത്താത്തത്? ഇതെല്ലാം നമ്മുടെ കുട്ടികളെ പഠിപ്പിക്കണം’. മന്ത്രി വസുദേവ് ദേവ്‌നാനി അഭിപ്രായപ്പെട്ടു. കഴിഞ്ഞദിവസം രാജസ്ഥാന്‍ സര്‍വകലാശാലയുടെ സ്ഥാപക ദിനാഘോഷ പരിപാടിയിലാലെ പ്രസംഗത്തിലാണ് ദേവ്‌നാനിയുടെ പുതിയ കണ്ടെത്തല്‍.

അക്ബറാണ് മഹാന്‍ എന്ന തരത്തിലാണ് വര്‍ഷങ്ങളായി രാജസ്ഥാനില്‍ പഠിപ്പിക്കുന്നത്. ഇപ്പോള്‍ നമ്മള്‍ അക്ബറുടെ പാഠം മാറ്റി. പകരം മഹാറാണ പ്രതാപിനെ ഉള്‍പ്പെടുത്തി. ഇതുപോലുള്ള മാറ്റങ്ങള്‍ അനിവാര്യമാണ്’ മന്ത്രി കൂട്ടിച്ചേര്‍ത്തു. നേരത്തെ, ഓക്‌സിജന്‍ ശ്വസിച്ച് ഓക്‌സിജന്‍ തന്നെ പുറംതള്ളുന്ന മൃഗമാണ് പശുവെന്നും ജലദോഷം, പനി തുടങ്ങിയ അസുഖങ്ങള്‍ക്ക് പശുവിന്റെ അടുത്തുപോയാല്‍ വേഗം ഭേദമാകുമെന്നു മണ്ടന്‍ വാദവുമായി രംഗത്തെത്തിയ നേതാവാണ് ദേവ്‌നാനി.

ന്യൂട്ടന്റെ കാര്യത്തില്‍ ദേവ്‌നാനിയുടെ മുന്‍ഗാമി ഐ.എസ.്ആര്‍.ഒ മുന്‍ചെയര്‍മാന്‍ മാധവന്‍ നായരാണ്. 2015ല്‍ ഡല്‍ഹിയിലെ കോണ്‍ഫറന്‍സില്‍, അഞ്ചാം നൂറ്റാണ്ടിലെ ഗണിതജ്യോതിശാസ്ത്രജ്ഞന്‍ ആര്യഭട്ടന് ഗുരുത്വാകര്‍ഷണത്തെപ്പറ്റി അറിയാമായിരുന്നെന്ന് അദ്ദേഹം പറഞ്ഞിരുന്നു. 17-ാം നൂറ്റാണ്ടിലാണ് ന്യൂട്ടന്‍ ഗുരുത്വാകര്‍ഷണം കണ്ടുപിടിച്ചത്.

സംസ്‌കൃത പ്രഫസറായിരുന്നു ദേവ്‌നാനി ആര്‍.എസ്.എസുമായി ദീര്‍ഘകാലത്തെ അടുപ്പമുള്ളയാളാണ്. അജ്‌മേറില്‍ നിന്നുള്ള നിയമസഭാംഗമായ ഇദ്ദേഹം വിദ്യാഭ്യാസ സമ്പ്രദായത്തില്‍ ഇന്ത്യന്‍ മൂല്യങ്ങളും ഇന്ത്യക്കാരുടെ സംഭാവനകളും ഉള്‍പ്പെടുത്തണമെന്ന് ശക്തിയായി വാദിക്കുന്ന നേതാവാണ്. അതേസമയം ദേവ്‌നാനിയുടെ വാക്കുകളെ കയ്യടികളോടെയാണ് സദസ്സ് സ്വീകരിച്ചത്. നേരത്തെ ഗാന്ധിജി, ജവാഹര്‍ലാല്‍ നെഹ്‌റു തുടങ്ങിയവരെ പാഠപുസ്തകത്തില്‍ നിന്നൊഴിവാക്കി രാജസ്ഥാന്‍ വിദ്യാഭ്യാസ വകുപ്പ് മുന്‍പ് വിവാദത്തില്‍പ്പെട്ടിരുന്നു.
ഇതാദ്യമായല്ല ഇത്തരം പുതിയ കണ്ടെത്തലുകളുമായി ബി.ജെ.പി നേതാക്കള്‍ രംഗത്തെത്തുന്നത്. റൈറ്റ് സഹോദരന്മാരല്ല വിമാനം കണ്ടുപിടിച്ചതെന്നും ഹൈന്ദവ പുരാണങ്ങളില്‍ എത്രയോ മുന്‍പ് ഇതെല്ലാമുണ്ടെന്നും ബിജെപി നേതാവ് സത്യപാല്‍ സിങ് ഇതിനു മുമ്പു അവകാശപ്പെട്ടിരുന്നു. പൗരാണിക കാലത്തുതന്നെ പ്ലാസ്റ്റിക് സര്‍ജറി ഉണ്ടായിരുന്നെന്ന് ഗണപതിയുടെ കഥ പറഞ്ഞ് പ്രധാനമന്ത്രി നരേന്ദ്ര മോദി അവകാശപ്പെട്ടിരുന്നു. ഗുജറാത്ത് മുഖ്യമന്ത്രി വിജയ് രൂപാണിയുടെ വാക്കുകളും ചര്‍ച്ചയായി. ഇന്ത്യയില്‍നിന്ന് ശ്രീലങ്കയിലേക്ക് പാലം നിര്‍മിച്ച ശ്രീരാമന്റെ എന്‍ജിനീയറിങ് പ്രാഗത്ഭ്യമായിരുന്നു രൂപാണി എടുത്തുകാട്ടിയത്. എന്‍ജിനീയറിങ്ങിന്റെ പിതാവാണ് രാമനെന്നാണ് അന്ന് രൂപാണി അവകാശപ്പെട്ടത്.