BJP Candidate list – Chandrika Daily https://www.chandrikadaily.com Mon, 25 Mar 2019 15:02:59 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg BJP Candidate list – Chandrika Daily https://www.chandrikadaily.com 32 32 ഹാക്കിങിന് പിന്നാലെ ബി.ജെ.പി വെബ്‌സൈറ്റിനെതിരെ മോഷണ ആരോപണവുമായി ഡിസൈനര്‍ കമ്പനി https://www.chandrikadaily.com/bjp-plagiarising-our-website-code-alleges-andhra-startup-party-denies-charge.html https://www.chandrikadaily.com/bjp-plagiarising-our-website-code-alleges-andhra-startup-party-denies-charge.html#respond Mon, 25 Mar 2019 13:40:00 +0000 http://www.chandrikadaily.com/?p=122296 ഹാക്കിങിനെ തുടര്‍ന്ന് ആഴ്ചകളോളം പൂട്ടിക്കിടന്ന ശേഷം തുറന്ന ബി.ജെ.പി വെബ്‌സൈറ്റിനെതിരെ മോഷണ ആരോപണവുമായി വെബ്ഡിസൈനര്‍ കമ്പനി. ബിജെപി സൈറ്റ് പ്രവര്‍ത്തനസജ്ജമാക്കാനായി തങ്ങളുടെ ‘ടെംപ്ലേറ്റ്’ മോഷ്ടിച്ചുവെന്ന പരാതിയുമായി ആന്ധ്രാപ്രദേശില്‍ നിന്നുള്ള വെബ് ഡിസൈന്‍ കമ്പനിയായ ഡബ്ല്യു 3 ലേഔട്ട്സാണ് രംഗത്തെത്തിയത്.

അനുവാദമില്ലാതെ തങ്ങളുടെ സൈറ്റ് ലേഔട്ട് മോഷ്ടിക്കുകയും ടെംപ്ലേറ്റ് ഡിസൈനിങിലെ തങ്ങളുടെ കമ്പനിയുടെ പേര് മറച്ചുവെച്ചുവെന്നുമാണ് ഡബ്ല്യു 3 ലേഔട്ട് ആരോപിക്കുന്നത്. രാജ്യത്തിന്റെ കാവല്‍ക്കാരെന്ന് പറയുന്ന പാര്‍ട്ടി തങ്ങളുടെ പകര്‍പ്പവകാശമുള്ള ടെംപ്ലേറ്റ് മോഷ്ടിച്ചുവെന്ന ഡബ്ല്യു 3 ലേഔട്ട്സിന്റെ ആരോപണം പൊതുതെരഞ്ഞെടുപ്പ് അടുത്തിരിക്കെ ബിജെപിക്ക് വീണ്ടും തലവേദനയായിരിക്കുകയാണ്. കവല്‍ക്കാരന്‍ കള്ളനാണെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ മുദ്രാവാക്യത്തിനെതിരെ ചൗക്കിദാര്‍ കാംപൈനിങുമായി ഇറങ്ങിയ ബിജെപിക്ക് പുതിയ വെല്ലുവിളിയായിരിക്കുകയാണ് ആരോപണം.

ബി.ജെ.പിയുടെ സ്ഥാനാര്‍ഥി പട്ടികയുമായാണ് രണ്ടാഴ്ചയ്ക്ക് ശേഷം വെബ്‌സൈറ്റ് താല്‍ക്കാലികമായി പ്രവര്‍ത്തനക്ഷമമായത്. ബി.ജെ.പിയുടെ ഐ.ടി സെല്‍ തങ്ങളുടെ ടെംപ്ലേറ്റ് ഉപയോഗിച്ചതില്‍ ആദ്യം സന്തോഷം തോന്നിയിരുന്നു. എന്നാല്‍ പ്രതിഫലം നല്‍കാതെ ബാക്ക് ലിങ്ക് ഒഴിവാക്കിയശേഷമാണ് ഞങ്ങളുടെ ടെംപ്ലേറ്റ് അവര്‍ ഉപയോഗിച്ചിരിക്കുന്നത്. നിര്‍മാതാക്കളുടെ പേര് പോലും നല്‍കാന്‍ ബി.ജെ.പി തയാറായിട്ടില്ലെന്നും കമ്പനി പരാതിപ്പെടുന്നു. ടെംപ്ലേറ്റുകള്‍ സൗജന്യമായി ഉപയോഗിക്കാന്‍ വേണ്ടിയാണ് നിര്‍മിച്ചിട്ടുള്ളതെങ്കിലും പേജിന് ഏറ്റവും അടിയിലായി കമ്പനിയുടെ പേര് ഉണ്ടായിരുന്നു. ഇതാണ് ബി.ജെ.പി എടുത്തു മാറ്റിയത്. സോഴ്സ് കോഡിലൂടെ ഇത് തങ്ങളുടെ ടെംപ്ലേറ്റ് തന്നെയാണെന്ന് വ്യക്തമായിട്ടുണ്ട്. എന്നാല്‍ ഇത് ബി.ജെ.പിയെ അറിയിച്ചപ്പോള്‍ മറുപടി ഉണ്ടാവുകയല്ല മറിച്ച് സോഴ്സ് കോഡ് തിരുത്തുകയാണ് ചെയ്തതെന്നും കമ്പനി പറയുന്നു. പ്രതിഫലം തന്നില്ലെങ്കിലും തങ്ങളുടെ ടെംപ്ലേറ്റ് ഉപയോഗിക്കുമ്പോള്‍ ഒരു നന്ദി പറയാനെങ്കിലുമുള്ള മാന്യത ബി.ജെ.പി കാണിക്കേണ്ടതായിരുന്നു എന്നും ഡബ്ല്യു 3 ലേഔട്ട്സ് വ്യക്തമാക്കി.

അവര്‍ ഇപ്പോള്‍ സൈറ്റ് കോഡ് പൂര്‍ണമായും മാറ്റിയേക്കാം. രാജ്യത്തിന്റെ കാവല്‍ക്കാരന്‍ എന്ന് സ്വയം വിശേഷിപ്പിക്കുന്ന നേതാവിന്റെ പാര്‍ട്ടി ഇത്തരമൊരു മോഷണം ചെയ്യുമെന്ന് കരുതിയില്ല. ഒരു ചെറിയ സ്ഥാപനത്തിന്റെ ചോരയും നീരുമാണ് മോഷ്ടിച്ചത്. എന്നാല്‍ തങ്ങള്‍ വഞ്ചിക്കപ്പെട്ടുവെന്നത് മനസിലാക്കി ബി.ജെ.പിയെ അറിയിച്ചപ്പോള്‍ അവഗണിക്കുകയാണുണ്ടായതെന്നും കമ്പനി ട്വീറ്റ് ചെയ്തു.

സംഭവം പുറത്തുവന്നതോടെ സോഷ്യല്‍ മീഡിയയില്‍ അടക്കം ബി.ജെ.പിക്കെതിരെ കടുത്ത വിമര്‍ശനമാണ് ഉയരുന്നത്. കോണ്‍ഗ്രസ് നേതാവ് ദിവ്യ സ്പന്ദന ഉള്‍പ്പെടെയുള്ളവര്‍ ബി.ജെ.പിക്കെതിരെ രംഗത്തെത്തി. അതേസമയം ബി.ജെ.പിയുടെ ഔദ്യോഗിക പ്രതികരണം ഇനിയും പുറത്തുവന്നിട്ടില്ല. കാവല്‍ക്കാരന്‍ കള്ളനാണ് എന്ന കോണ്‍ഗ്രസ് ക്യാംപെയ്ന്റെ പശ്ചാത്തലത്തില്‍ ബി.ജെ.പിക്ക് തലവേദനയായിരിക്കുകയാണ് പുതിയ സംഭവം.

]]> https://www.chandrikadaily.com/bjp-plagiarising-our-website-code-alleges-andhra-startup-party-denies-charge.html/feed 0 പത്തനംത്തിട്ടയില്‍ ഉടക്കി ബിജെപിയുടെ ആദ്യ സ്ഥാനാര്‍ഥി പട്ടിക https://www.chandrikadaily.com/bharatiya-janata-party-releases-list-of-18-candidates.html https://www.chandrikadaily.com/bharatiya-janata-party-releases-list-of-18-candidates.html#respond Thu, 21 Mar 2019 14:48:03 +0000 http://www.chandrikadaily.com/?p=121886 നീണ്ട കൂടിയാലോചനകള്‍ക്കൊടുവില്‍ ലോക്‌സഭാ തെരഞ്ഞെടുപ്പിനുള്ള ബിജെപിയുടെ ആദ്യ സ്ഥാനാര്‍ത്ഥിപ്പട്ടിക പ്രഖ്യാപിച്ചു. തെരഞ്ഞെടുപ്പിന്റെ ചുമതലയുള്ള കേന്ദ്രമന്ത്രി ജെ.പി നദ്ദയാണ് സ്ഥാനാര്‍ത്ഥിപ്പട്ടിക പ്രഖ്യാപിച്ചത്. ഇതുവരെ ലോക്‌സഭാ തെരഞ്ഞെടുപ്പിനുള്ള ഒരു സ്ഥാനാര്‍ത്ഥിപ്പട്ടികയും ബിജെപി പുറത്തിറക്കിയിരുന്നില്ല. 184 പേരടങ്ങുന്ന സ്ഥാനാര്‍ത്ഥി പട്ടികയാണ് ഇപ്പോള്‍ പ്രഖ്യാപിച്ചിരിക്കുന്നത്.

കേരളത്തിലെ പട്ടികയും ഇതോടൊപ്പം പ്രഖ്യപിച്ചെങ്കിലും പത്തനംത്തിട്ടയിലെ സ്ഥാനാര്‍ത്ഥിത്വയുടെ പേരില്‍ ഉടക്കിയിരിക്കുകയാണ്. ചൊവ്വാഴ്ച വൈകിട്ടോടെ കേരളത്തില്‍ നിന്നുള്ള സ്ഥാനാര്‍ത്ഥിപ്പട്ടികയ്ക്ക് കേന്ദ്രനേതൃത്വം അനുമതി നല്‍കിയിരുന്നെങ്കിലും പത്തനംത്തിട്ടയിലെ നേതാക്കള്‍ തമ്മിലുള്ള അസ്വാരസ്യങ്ങള്‍ പ്രശ്‌നമാവുകയായിരുന്നു.

കേരളത്തില്‍ ആകെ 13 സീറ്റുകളിലാണ് ഇപ്പോള്‍ സ്ഥാനാര്‍ത്ഥികളെ പ്രഖ്യാപിച്ചിരിക്കുന്നത്. തര്‍ക്കം നിലനില്‍ക്കുന്ന പത്തനംതിട്ടയില്‍ സ്ഥാനാര്‍ഥികളായ ശ്രീധരന്‍പ്പിള്ള, കെ സുരേന്ദ്രന്‍ എന്നിവര്‍ ഇന്നത്തെ സ്ഥാനാര്‍ത്ഥിപ്പട്ടികയിലില്ല.
കാസര്‍കോട് – രവീഷ് തന്ത്രി
കണ്ണൂര്‍ – സി കെ പത്മനാഭന്‍
വടകര – വി കെ സജീവന്‍
കോഴിക്കോട് – കെ പി പ്രകാശ് ബാബു
മലപ്പുറം – ഉണ്ണികൃഷ്ണന്‍ മാസ്റ്റര്‍
പൊന്നാനി – വി ടി രമ
പാലക്കാട് – സി കൃഷ്ണകുമാര്‍
ചാലക്കുടി – എ എന്‍ രാധാകൃഷ്ണന്‍
എറണാകുളം – അല്‍ഫോണ്‍സ് കണ്ണന്താനം
ആലപ്പുഴ – കെ എസ് രാധാകൃഷ്ണന്‍
കൊല്ലം – കെ വി സാബു
ആറ്റിങ്ങല്‍ – ശോഭാ സുരേന്ദ്രന്‍
തിരുവനന്തപുരം – കുമ്മനം രാജശേഖരന്‍

പ്രധാനമന്ത്രി നരേന്ദ്രമോദി വാരാണസിയിലും കേന്ദ്ര ആഭ്യന്തരമന്ത്രി രാജ്‍നാഥ് സിംഗ് ലഖ്‍നൗവിലും മത്സരിക്കും. എൽ കെ അദ്വാനി മത്സരിച്ചിരുന്ന ഗാന്ധിനഗറിലാണ് ബിജെപി അധ്യക്ഷൻ അമിത് ഷാ മത്സരിക്കുക. എൽ കെ അദ്വാനിക്ക് ഇത്തവണ സീറ്റുണ്ടാകില്ല എന്നാണ് സൂചന. 

]]> https://www.chandrikadaily.com/bharatiya-janata-party-releases-list-of-18-candidates.html/feed 0 കര്‍ണാടക: തെരഞ്ഞെടുപ്പ് പ്രചാരണത്തിനിടെ ബിജെപി സ്ഥാനാര്‍ത്ഥി മരിച്ചു https://www.chandrikadaily.com/bjp-legislator-dies-of-a-heart-attack-during-election-rally.html https://www.chandrikadaily.com/bjp-legislator-dies-of-a-heart-attack-during-election-rally.html#respond Fri, 04 May 2018 05:09:54 +0000 http://www.chandrikadaily.com/?p=83161 ബംഗളൂരു: നിയമസഭാ തെരഞ്ഞെടുപ്പ് നടക്കാനിരിക്കുന്ന കര്‍ണാടകയിലെ ജയനഗര്‍ മണ്ഡലത്തിലെ ബിജെപി സ്ഥാനാര്‍ത്ഥി പ്രചാരണത്തിനിടെ മരിച്ചു.

ഹൃദയാഘാതത്തെത്തുടര്‍ന്ന് സിറ്റിങ് എം.എല്‍.എ ബി.എന്‍ വിജയകുമാറാണ് മരിച്ചത്. 59 വയസ്സായിരുന്നു.

തെരഞ്ഞെടുപ്പ് പ്രചാരണത്തിനിടെ ഇന്നലെ രാത്രി കുഴഞ്ഞ് വീഴുകയായിരുന്നു. ഉടനെ സമീപത്തെ ആസ്പത്രിയില്‍ പ്രവേശിപ്പിച്ചെങ്കിലും ഇന്നു പുലര്‍ച്ചെയോടെ മരിച്ചു.

ജയനഗര്‍ മണ്ഡലത്തെയാണ് നിലവില്‍ വിജയകുമാര്‍ നിയമസഭയില്‍ പ്രതിനിധീകരിക്കുന്നത്. കര്‍ണാടക മുഖ്യമന്ത്രി സിദ്ധരാമയ്യ, മുന്‍ മുഖ്യമന്ത്രി ബി.എസ് യെദ്യൂരപ്പ തുടങ്ങിയവര്‍ അനുശോചിച്ചു.

]]> https://www.chandrikadaily.com/bjp-legislator-dies-of-a-heart-attack-during-election-rally.html/feed 0 കര്‍ണാടക തെരഞ്ഞെടുപ്പ്: അഴിമതിക്കറ പുരണ്ടവര്‍ക്ക് സീറ്റ് നല്‍കി ബി.ജെ.പി https://www.chandrikadaily.com/bjp-picks-corruption-charged-reddy-brother-in-karnataka-says-compromise-at-bellary.html https://www.chandrikadaily.com/bjp-picks-corruption-charged-reddy-brother-in-karnataka-says-compromise-at-bellary.html#respond Tue, 17 Apr 2018 09:13:11 +0000 http://www.chandrikadaily.com/?p=80709 ബംഗളൂരു: കര്‍ണാടക നിയമസഭാ തെരഞ്ഞെടുപ്പില്‍ അഴിമതിക്കറ പുരണ്ടവര്‍ക്ക് സീറ്റ് നല്‍കി ബി.ജെ.പി നേതൃത്വം. റെഡ്ഡി കുടുംബത്തിലെ ഗാലി സോമശേഖര റെഡ്ഡിക്കാണ് സീറ്റു നല്‍കിയത്.

ബെല്ലാരി മണ്ഡലത്തിലാണ് ഖനി രാജാക്കന്മാരായ റെഡ്ഡി സഹോദരന്മാരില്‍ ഇളവനായ സോമശേഖര റെഡ്ഡിക്ക് നല്‍കിയത്. സഹോദരന്‍ ഗാലി ജനാര്‍ദ്ദന റെഡ്ഡിക്ക് ജാമ്യം ലഭിക്കുന്നതിന് ജഡ്ജിക്ക് കൈക്കൂലി നല്‍കിയ കേസിലെ പ്രതിയാണ് സോമശേഖര റെഡ്ഡി.
ബെല്ലാരിയില്‍ പാര്‍ട്ടിയുടെ വിജയത്തിന് പാര്‍ട്ടിക്ക് വിട്ടുവീഴ്ച ചെയ്യേണ്ടിവന്നുവെന്ന് പറഞ്ഞ് ബി.ജെ.പി വക്താവ് വിവേക് റെഡ്ഡി സീറ്റു നല്‍കിയതിനെ ന്യായീകരിച്ചു.

ബി.എസ് യെദ്യൂരപ്പ മന്ത്രിസഭയില്‍ അംഗമായ ഗാലി ജനാര്‍ദ്ദന്‍ റെഡ്ഡി. 2011ലെ നിയമവിരുദ്ധ ഖനനവുമായി ബന്ധപ്പെട്ട അഴിമതിക്കേസിനെത്തുടര്‍ന്ന് റെഡ്ഡിയെ പുറത്താക്കിയിരുന്നു. ഈ കേസില്‍ ജനാര്‍ദ്ദന റെഡ്ഡിക്ക് ജാമ്യം ലഭിക്കുന്നതിനാണ് സോമശേഖര റെഡ്ഡി ജഡ്ജിയെ സ്വാധീനിക്കാന്‍ ശ്രമിച്ചത്.

ബി.എസ് യെദ്യൂരപ്പക്കൊപ്പം ഭൂമി കുംഭകോണക്കേസില്‍ ആരോപണവിധേയനായ കൃഷ്ണയ്യയും ബി.ജെ.പി സ്ഥാനാര്‍ത്ഥി പട്ടികയില്‍ ഇടംനേടിയിട്ടുണ്ട്. അതേസമയം, അഴിമതി-ക്രിമിനല്‍ കേസുകളില്‍ പ്രതിയായവര്‍ക്ക് ടിക്കറ്റ് നല്‍കിയ ബി.ജെ.പി നടപടിയെ വിമര്‍ശിച്ച് കോണ്‍ഗ്രസ് രംഗത്തുവന്നു.

]]> https://www.chandrikadaily.com/bjp-picks-corruption-charged-reddy-brother-in-karnataka-says-compromise-at-bellary.html/feed 0 ഗുജറാത്ത് തെരഞ്ഞെടുപ്പ്; 15എം.എല്‍.എമാരെ വെട്ടി, മൂന്ന് മന്ത്രിമാരെ കൂട്ടി ബി.ജെ.പിയുടെ സ്ഥാനാര്‍ത്ഥി പട്ടിക https://www.chandrikadaily.com/gujarat-elections-bjp-drops-15-mlas-including-3-ministers-in-third-list-news.html https://www.chandrikadaily.com/gujarat-elections-bjp-drops-15-mlas-including-3-ministers-in-third-list-news.html#respond Mon, 20 Nov 2017 11:28:11 +0000 http://www.chandrikadaily.com/?p=55127 അഹമ്മദാബാദ്: ഗുജറാത്ത് തെരഞ്ഞെടുപ്പ് അടുത്തിരിക്കെ മൂന്നാംഘട്ട സ്ഥാനാര്‍ത്ഥി പട്ടികയുമായി ബി.ജെ.പി. സംസ്ഥാനത്തെ 28 മണ്ഡലങ്ങളിലേക്കുള്ള സ്ഥാനാര്‍ത്ഥികളുടെ ലിസ്റ്റ് ബി.ജെ.പി ഇന്ന് പുറത്തിറക്കി. നിലവിലുള്ള 15 എം.എല്‍.എംമാരെ വെട്ടിയും മൂന്ന് പട്ടീദാര്‍ മന്ത്രിമാരെ ഉള്‍പ്പെടുത്തിയുമാണ് മൂന്നാമത്തെ സ്ഥാനാര്‍ത്ഥി പട്ടിക ഇറക്കിയിട്ടുള്ളത്. കോണ്‍ഗ്രസ്സും-പട്ടീദാര്‍ വിഭാഗവുമുള്‍പ്പെടെ സര്‍ക്കാരിനെതിരെ ശക്തമായി മുന്നോട്ടുവരുന്നതിനിടെയാണ് പട്ടിക പുറത്തുവരുന്നത്.

മന്ത്രിമാരായ നാനു വാനാനി, ജയന്തി കാവടിയ, വല്ലഭ് വഗാഷ്യ എന്നിവര്‍ ലിസ്റ്റില്‍ ഉള്‍പ്പെട്ടിട്ടില്ല. മുന്‍ മന്ത്രിയായ ആനന്ദി ബെന്‍ പട്ടേലിന്റെ അടുത്ത സുഹൃത്തും മുന്‍ മന്ത്രി കൂടിയായ വസുഭന്‍ ത്രിവേദി, ഐ,കെ ജഡേജ, ആനന്ദിബെന്‍ തുടങ്ങിയവര്‍ക്കും ലിസ്റ്റില്‍ ഇടമില്ല. സ്പീക്കര്‍ രാമന്‍ലാല്‍, മുന്‍ ഊര്‍ജ്ജമന്ത്രി സൗരഭ് പട്ടേല്‍, മുന്‍ സംസ്ഥാന അധ്യക്ഷന്‍ ആര്‍.സി ഫാല്‍ദ് തുടങ്ങിയവരെ മണ്ഡലം മാറ്റി പരീക്ഷിക്കാനുമാണ് ബി.ജെ.പിയുടെ തീരുമാനം. പട്ടീദാര്‍ വിഭാഗങ്ങള്‍ ശക്തമായ മണ്ഡലങ്ങളില്‍ അതീവശ്രദ്ധയോടെയാണ് ബി.ജെ.പിയുടെ നീക്കം. ഗുജറാത്തില്‍ ഹാര്‍ദ്ദിക് പട്ടേലിന്റെ നേതൃത്വത്തില്‍ പട്ടീദാര്‍ വിഭാഗം ഇളകിമറിഞ്ഞു നില്‍ക്കുന്ന സാഹചര്യത്തിലാണ് പാര്‍ട്ടിയുടെ ആത്മവിശ്വാസക്കുറവ് വെളിപ്പെടുന്ന രീതിയിലുള്ള സ്ഥാനാര്‍ത്ഥി നിര്‍ണ്ണയമുണ്ടാവുന്നത്. 182 മണ്ഡലങ്ങളിലേക്കുള്ള 134 സ്ഥാനാര്‍ത്ഥികളെ ബി.ജെ.പി നേരത്തെതന്നെ തെരഞ്ഞെടുത്തു കഴിഞ്ഞിരുന്നു. ഇതില്‍ നിലവിലുള്ള 30 എം.എല്‍.എമാരെ ഉള്‍പ്പെടുത്തിയിട്ടില്ല. 20 പട്ടേല്‍ വിഭാഗക്കാരടക്കം 77 സ്ഥാനാര്‍ത്ഥികളുടെ പട്ടിക കോണ്‍ഗ്രസ് പുറത്തിറക്കിയതിനു ശേഷമാണ് ബി.ജെ.പിയുടെ മൂന്നാംഘട്ട പട്ടിക പുറത്തുവരുന്നത്.

ഡിസംബര്‍ 9നും 14 നുമായി രണ്ട് ഘട്ടങ്ങളിലായി നടക്കുന്ന തെരഞ്ഞെടുപ്പിന്റെ ഫലം ഡിസംബര്‍ 18നറിയാം. ഹാര്‍ദ്ദിക് പട്ടേല്‍, ജിഗ്‌നേഷ് മേവാനി തുടങ്ങിയ നേതാക്കളെ ഒപ്പം കൂട്ടി നിയമസഭാ തെരഞ്ഞെടുപ്പില്‍ മുന്നേറാനാണ് കോണ്‍ഗ്രസ്സിന്റെ ശ്രമം.

]]> https://www.chandrikadaily.com/gujarat-elections-bjp-drops-15-mlas-including-3-ministers-in-third-list-news.html/feed 0 ഗുജറാത്ത് തെരഞ്ഞെടുപ്പ്: സ്ഥാനാര്‍ത്ഥി പട്ടിക വൈകുന്നു; സീറ്റ് ഉറപ്പിക്കാന്‍ ഭാര്യയെ ഡമ്മിയാക്കി ബിജെപി മന്ത്രി https://www.chandrikadaily.com/as-bjp-delays-candidates-list-gujarat-ministers-wife-files-nomination-as-dummy-candidate.html https://www.chandrikadaily.com/as-bjp-delays-candidates-list-gujarat-ministers-wife-files-nomination-as-dummy-candidate.html#respond Fri, 17 Nov 2017 04:47:50 +0000 http://www.chandrikadaily.com/?p=54445 അഹമ്മദാബാദ്: ഗുജറാത്ത് തെരഞ്ഞെടുപ്പ് അടുത്തെത്തിയിട്ടും സ്ഥാനാര്‍ത്ഥി പട്ടിക വൈകുന്നതിനാല്‍ ഭാര്യയെ ഡമ്മി സ്ഥാനാര്‍ത്ഥിയാക്കി ബിജെപി മന്ത്രി.

ഫിഷറീസ് മന്ത്രിയും പോര്‍ബന്ദര്‍ എംഎല്‍എയുമായ ബാബു ബൊഖിരിയയാണ് ഭാര്യ ജ്യോതിബെന്നിനെ ഡമ്മി സ്ഥാനാര്‍ത്ഥിയാക്കിയത്. സ്ഥാനാര്‍ത്ഥി പട്ടികയില്‍ ഇടം നേടാനായില്ലെങ്കില്‍ സീറ്റ് ഉറപ്പിക്കാമെന്ന ധാരണയിലാണ് ബിജെപി എംഎല്‍എയുടെ നീക്കം.

സീറ്റ് പ്രഖ്യാപനം വൈകുന്നതില്‍ ഗുജറാത്ത് ബിജെപിയില്‍ ആശങ്ക ശക്തമാണ്. പല സീറ്റിങ് എംഎല്‍എമാര്‍ക്കും സീറ്റ് ലഭിക്കുമോ എന്ന കാര്യത്തില്‍ വ്യക്തതയില്ലാത്തതാണ് ഭാര്യയെ കൊണ്ട് നാമനിര്‍ദേശ പത്രിക മന്ത്രി ബാബു ബൊഖിരിയെ പ്രേരിപ്പിച്ചത്.

അതേസമയം, പോര്‍ബന്ദറിലേക്കുള്ള സ്ഥാനാര്‍ത്ഥിയെ ബിജെപി പ്രഖ്യാപിച്ചു കഴിഞ്ഞാല്‍ തന്റെ ഭാര്യ പത്രിക പിന്‍വലിക്കുമെന്ന് ബാബു ബൊഖിരിയ പറഞ്ഞു. പാര്‍ട്ടി നിര്‍ദേശപ്രകാരമാണിതെന്നാണ് മന്ത്രി നല്‍കുന്ന വിശദീകരണം.

എന്നാല്‍ അവസാന നിമിഷത്തെ ആശയക്കുഴപ്പത്തില്‍ സീറ്റ് നഷ്ടമാകുമെന്ന ഭീതിയിലാണ് മന്ത്രിയുടെ നീക്കമെന്നാണ് പരക്കെ ആക്ഷേപം.

ഇന്നലെയാണ് ജ്യോതിബെന്‍ പോര്‍ബന്ദര്‍ കലക്ട്രേറ്റ് ഉദ്യോഗസ്ഥന്‍
ഡിസംബര്‍ ഒമ്പത്, 14 തിയതികളിലായി രണ്ടു ഘട്ടങ്ങളിലാണ് ഗുജറാത്തില്‍ തെരഞ്ഞെടുപ്പ് നടക്കുന്നത്. 18നാണ് വോട്ടെണ്ണല്‍.

]]> https://www.chandrikadaily.com/as-bjp-delays-candidates-list-gujarat-ministers-wife-files-nomination-as-dummy-candidate.html/feed 0