നിലമ്പൂരില്‍ സി.പി.എമ്മും ബി.ജെ.പിയും സഖ്യമായിട്ടാണ് മത്സരിച്ചതും സമരം ചെയ്തതും ആക്ഷേപങ്ങളും ആരോപണങ്ങളും ഉന്നയിച്ചതുമെല്ലാം. ഇരു പാര്‍ട്ടികളും സഖ്യമുണ്ടാക്കിയാലും, അവരുടെ പ്രവര്‍ത്തനം പോലും അംഗീകരിക്കില്ല എന്നതിന്റെ തെളിവാണ് അത്.

അനുയോജ്യനായ സ്ഥാനാര്‍ഥിയെ യു.ഡി.എഫ് നേതൃത്വം പ്രഖ്യാപിക്കും. ആ സ്ഥാനാര്‍ഥിക്ക് ജനവിധിയുണ്ടാകും. ജനങ്ങളെ കൂട്ടുപിടിച്ച് സി.പി.എം- ബി.ജെ.പി സഖ്യ സ്ഥാനാര്‍ഥിയെ പരാജയപ്പെടുത്തും. നിലമ്പൂര്‍ സീറ്റ് ജയിക്കേണ്ടത് യൂത്ത് കോണ്‍ഗ്രസിന്റെ ആവശ്യമെന്നും രാഹുല്‍ ചൂണ്ടിക്കാട്ടി.

സി.പി.എമ്മിനെ കേരളത്തിലും ചന്ദ്രശേഖര റാവുവിനെ തെലുങ്കാനയിലും കെജരിവാളിനെ ഡല്‍ഹി, പഞ്ചാബ്് സംസ്ഥാനങ്ങളിലും ഇതര പ്രാദേശിക കക്ഷികളെ അവരവര്‍ക്ക് സ്വാധീനമോ ഭരണമോ ഉള്ള സംസ്ഥാനങ്ങളിലും സുഖമായി ഭരിക്കാന്‍ അനുവദിച്ചാല്‍ വിശാലമായ ദേശീയ താല്‍പര്യങ്ങള്‍ ഉപേക്ഷിച്ച് ബി.ജെ.പി സംഘ്പരിവാര്‍ ശക്തികളെ കേന്ദ്രത്തിലും അവര്‍ക്ക് സ്വാധീനമുള്ള സംസ്ഥാനങ്ങളിലും ഭരിക്കാന്‍ അനുവദിക്കാമെന്നും യാതൊരു വിധത്തിലും അവരെ ശല്യപ്പെടുത്തുകയില്ലെന്നും ഇന്ത്യയിലെ ചില പ്രാദേശിക രാഷ്ട്രീയ കക്ഷികള്‍ അലിഖിതമായ ഒരു രഹസ്യധാരണയില്‍ എത്തിച്ചേര്‍ന്നിരിക്കുന്നുവെന്ന സംശയം ബലപ്പെടുകയാണ്. രാഹുല്‍ ഗാന്ധിയും കോണ്‍ഗ്രസും അവരോട് ആഭിമുഖ്യമുള്ള ഏതാനും പ്രതിപക്ഷ കക്ഷികളും മാത്രമാണ് ഈ ജനവഞ്ചനക്ക് കൂട്ട്‌നില്‍ക്കാത്തത്. തല്‍ഫലമായി മൂന്നാം മുന്നണി രൂപീകരണവും കോണ്‍ഗ്രസില്ലാത്ത ദേശീയ ബദലും പ്രാവര്‍ത്തികമാക്കാനുള്ള ശ്രമത്തില്‍ സി.പി.എം ഉള്‍പ്പെടെ ചില പാര്‍ട്ടികള്‍ ഏര്‍പ്പെട്ടിരിക്കുകയാണ്.

കഴിഞ്ഞ പത്തുവര്‍ഷക്കാലം കൊണ്ട് ഇന്ത്യ പഠിച്ച പാഠം ബി.ജെ.പിയെ പരാജയപ്പെടുത്തുക ഇന്നത്തെ സാഹചര്യത്തില്‍ എളുപ്പമല്ല എന്നാണ്. ചുരുങ്ങിയപക്ഷം രാജ്യത്തെ മുഴുവന്‍ പ്രതിപക്ഷ പാര്‍ട്ടികളും ഒരുമിച്ച് നിന്നാലേ ഒരു പരീക്ഷണം പോലും സാധ്യമാവുകയുള്ളൂ. ഈ വസ്തുതകള്‍ നന്നായി അറിഞ്ഞിട്ടും കോണ്‍ഗ്രസ് വിരുദ്ധത ഉയര്‍ത്തിപ്പിടിച്ചു പ്രതിപക്ഷകക്ഷികളെ രണ്ടോ മൂന്നോ തട്ടുകളിലാക്കി മാറ്റാന്‍ ചിലര്‍ ബോധപൂര്‍വം ശ്രമിക്കുകയാണ്. വിനാശകരമായ ഈ വഴി ബി.ജെ.പിയെയും സംഘ്പരിവാര്‍ ശക്തികളെയും പരോക്ഷമായി സഹായിക്കാനല്ലെങ്കില്‍ എന്തിനാണ്? പലതായി മത്സരിച്ചു തിരഞ്ഞെടുപ്പിന്‌ശേഷം ഓരോ മുന്നണിക്കും കിട്ടുന്ന സീറ്റുകള്‍ ചേര്‍ത്തു വെച്ചാലും ഒരു ഭരണമുണ്ടാവുകയില്ലെന്ന വസ്തുത അറിയാത്തവരുണ്ടോ?

ഇത്തരം രാഷ്ട്രീയ കുതന്ത്രങ്ങളെയും നിക്ഷിപ്ത താല്‍പര്യങ്ങളെയും പരാജയപ്പെടുത്തി സ്വന്തം ജീവിതവും രാജ്യവും സുരക്ഷിതമാക്കാന്‍ പാര്‍ട്ടികള്‍ക്കതീതമായി ചിന്തിക്കുക മാത്രമായിരിക്കും ഇനിയുള്ള ഏക വഴി. ഭരണഘടനയും ജനാധിപത്യവും മതനിരപേക്ഷതയും സംരക്ഷിക്കാനും ദൈനംദിന ജീവിതം കോര്‍പറേറ്റുകളുടെ പിടിയില്‍ നിന്ന് മോചിപ്പിക്കാനും മോദിയും അമിത്ഷായും അദാനിയും അംബാനിയും ഭരിക്കുന്ന ഇന്ത്യയെ തിരിച്ചുപിടിക്കാനും ജനങ്ങളുടെ മുമ്പില്‍ മറ്റു വഴികളില്ല. രാഷ്ട്രീയ കക്ഷികള്‍ പറയുന്നത് മാത്രമല്ല ശരിയെന്ന് ജനം തിരിച്ചറിയണം. തങ്ങളുടെ സ്വാര്‍ത്ഥതാല്‍പര്യങ്ങള്‍ക്കുവേണ്ടി വളച്ചൊടിച്ച വ്യാഖ്യാനമാണ് ജനം പാര്‍ട്ടികളില്‍നിന്നും കേള്‍ക്കുന്നത്.

ഭാരത് ജോഡോ യാത്രയുടെ സമാപന സമ്മേളനത്തില്‍ പങ്കെടുക്കാന്‍ ഇതര പ്രതിപക്ഷ പാര്‍ട്ടികളുടെ നേതാക്കളെ കോണ്‍ഗ്രസ് ക്ഷണിച്ചിട്ടുണ്ട്. സി.പി.എം നേതാവ് സീതാറാം യച്ചൂരിക്കും പങ്കെടുത്താല്‍ കൊള്ളാമെന്നുണ്ട്. പക്ഷേ പാര്‍ട്ടിയുടെ കേരള ഘടകം അഥവാ പിണറായി അതിനെ തടഞ്ഞിരിക്കുന്നു. അതേസമയം മുമ്പ് ബംഗാള്‍ തിരഞ്ഞെടുപ്പില്‍ കോണ്‍ഗ്രസുമായി ചേര്‍ന്ന് മത്സരിച്ചിട്ടുള്ള സി.പി.എം ഇപ്പോള്‍ ത്രിപുരയിലും നിയമസഭാ തിരഞ്ഞെടുപ്പില്‍ കോണ്‍ഗ്രസിനോട് ചേര്‍ന്നാണ് മത്സരിക്കുന്നത്. ആ ബന്ധം ആശയാധിഷ്ഠിതമല്ലെന്നവര്‍ പരസ്യമായി പ്രഖ്യാപിച്ചിട്ടുണ്ട്.

കേന്ദ്ര സര്‍ക്കാറിന് ഒരു വിധത്തിലും ബുദ്ധിമുട്ടുണ്ടാക്കാതെ ഇക്കാലമത്രയും സി.പി.എം പാര്‍ട്ടിയും സഖ്യകക്ഷികളും മുന്നോട്ട്‌പോയതായി മനസ്സിലാക്കാന്‍ കഴിഞ്ഞ കാലസംഭവങ്ങള്‍ ഓരോന്നും സാക്ഷിയാണ്. ബി.ജെ.പിയുടെ കേന്ദ്ര നേതൃത്വവുമായി സി.പി.എമ്മിനും വേണ്ടി ഏറ്റവും അടുത്ത ബന്ധം പുലര്‍ത്തുന്നത് കേരള മുഖ്യമന്ത്രിയാണ്. പ്രകാശ് കാരാട്ട് വളരെ നേരത്തെ അത്തരമൊരു നിലപാട് സ്വീകരിച്ചിട്ടുണ്ട്. അല്‍പ്പം വ്യത്യസ്തനായ യച്ചൂരിയെ സ്വതന്ത്രമായി പ്രവര്‍ത്തിക്കുവാന്‍ കേരള ഘടകം അനുവദിക്കുകയില്ല. സി.പി.എം കേന്ദ്ര നേതൃത്ത്വത്തിന്റെ അന്നദാതാക്കള്‍ ബംഗാള്‍ നഷ്ടമായ ശേഷം കേരളമാണല്ലോ കേന്ദ്രം കോണ്‍ഗ്രസ് ഭരിക്കുന്നതാണോ ബി.ജെ.പി ഭരിക്കുന്നതാണോ നല്ലത് എന്നൊരു ചോദ്യം അഭിമുഖീകരിക്കേണ്ടി വന്നാല്‍ ഇന്നത്തെ സി.പി.എം സംശയരഹിതമായും ബി.ജെ.പിയെ അനുകൂലിക്കും.

താത്വികമായ പദപ്രയോഗങ്ങളാലും പ്രത്യയശാസ്ത്രപരമായ കവചങ്ങളാലും അത് വളച്ചാലും തിരിച്ചാലും അന്തിമ നിലപാട് കോണ്‍ഗ്രസ് വിരുദ്ധതയില്‍ ചെന്നുമുട്ടും. ഈ നയം ചരിത്രത്തിന്റെ ഏതോ ദിശയില്‍ അവരെ പിടികൂടിയതാണ്. സ്വാതന്ത്ര്യത്തിനുമുമ്പും ശേഷവും ഈ നിലപാടില്‍ നിന്നവര്‍ അടിസ്ഥാനപരമായി വ്യതിചലിച്ചിട്ടില്ല. ബി.ജെ.പിയുടെ വളര്‍ച്ചക്കും തീവ്ര വലതുപക്ഷത്തിന്റെ മുന്നേറ്റത്തിനും വഴിതുറന്നതില്‍ ഈ കാഴ്ച്ചപാടിന് പങ്കുണ്ട്. കോണ്‍ഗ്രസിന് പ്രാമുഖ്യമുള്ള ഒരു ഫാസിസ്റ്റ് വിരുദ്ധ മഹാസഖ്യം അവരുടെ അജണ്ടയില്‍ ഇല്ലേ ഇല്ല. ഇതര മതേതര കക്ഷികളും നിഷ്‌കളങ്കരായ രാജ്യസ്‌നേഹികളും സി.പി.എമ്മിന്റെ ഈ കടുംപിടുത്തം തിരിച്ചറിയുന്നില്ലെന്ന് മാത്രം.

ബംഗാളില്‍ കോണ്‍ഗ്രസുമായി ചേര്‍ന്നു മത്സരിച്ചു നോക്കിയതും ഇപ്പോള്‍ ത്രിപുരയില്‍ കോണ്‍ഗ്രസിനെ കൂട്ടുപിടിക്കുന്നതും ആശയാധിഷ്ഠിതമല്ല. സ്ഥായിയായ നിലപാടോ കോണ്‍ഗ്രസ് വിരുദ്ധ നയങ്ങളില്‍ നിന്നുള്ള വ്യതിയാനമോ അല്ല. വെറും താല്‍ക്കാലികമായ തിരഞ്ഞെടുപ്പു കൂട്ടുകെട്ടു മാത്രം. നഷ്ടമായ രണ്ടു സംസ്ഥാനങ്ങള്‍ തിരിച്ചുപിടിക്കാനുള്ള ഒരു പരീക്ഷണം മാത്രം. അതില്‍ ജയിച്ചാല്‍ ലാഭം തോറ്റാല്‍ നഷ്ടവുമില്ല. ത്രിപുര തിരിച്ചു കിട്ടിയാല്‍ ആ ഭരണം നിലനിര്‍ത്താനും കേരള മോഡലില്‍ മോദിയുടെ മുമ്പില്‍ തലയാട്ടുകതന്നെ ചെയ്യാനുമാണ് സാധ്യത.

കേരളത്തില്‍ കോണ്‍ഗ്രസിനെ തകര്‍ക്കാന്‍ സി.പി.എം ശ്രമിക്കുന്നതില്‍ ബി. ജെ.പിക്കും ഏറെ സന്തോഷമാണ്. കോണ്‍ഗ്രസ് മുക്ത ഭാരതം ഇവിടെ സാക്ഷാല്‍കരിക്കാന്‍ സി.പി.എമ്മാണ് ഏറ്റവും നല്ല കൂട്ടായി ബി.ജെ.പി കാണുന്നത്്. കേരള ബി.ജെ.പി ഗ്യാലറിയാല്‍ ഇരുന്നു കളികാണുകയാണ് എന്ന് അവരുടെ കേന്ദ്ര നേതൃത്വം അറിയുന്നുണ്ട്. ബംഗാളിനെ മമതയുടെ പിടിയില്‍നിന്ന് തട്ടിപ്പറിക്കാന്‍ ബി.ജെ.പി കൊണ്ടുപിടിച്ചു ശ്രമിക്കുമ്പോള്‍ അതിനെ സി.പി.എമ്മും അകമഴിഞ്ഞ് സഹായിക്കുന്നു. തൃണമൂല്‍ മുക്ത ബംഗാള്‍ രണ്ടു കൂട്ടരുടെയും ലക്ഷ്യമാണ് ദേശീയ തലത്തില്‍ മൂന്നാം മുന്നണി ഉണ്ടായ കാലത്തെല്ലാം ബി.ജെ.പി ജയിച്ചിട്ടുണ്ട്.

ചന്ദ്രശേഖരറാവുവിനും കെജരിവാളിനും പിണറായി ചെയ്യുന്നത് ഒരു ചേതമില്ലാത്ത ഉപകാരമാണ് അവര്‍ക്കും അതുമതി. ബി.ജെ.പി വിരുദ്ധ പ്രതിപക്ഷം ഭിന്നിച്ചുകിട്ടിയാല്‍ മതിയല്ലോ. അത് നടക്കും നടത്താന്‍ ഇവര്‍ ഒരുമ്പെട്ടിറങ്ങിക്കഴിഞ്ഞു. രാഷ്ട്രതാല്‍പര്യമോ ഫാഷിസ്റ്റ് വര്‍ഗീയ വിരുദ്ധതയോ മതേതര ജനാധിപത്യ താല്‍പര്യങ്ങളോ ഇപ്പോള്‍ സി.പി.എമ്മിനെയും ചില പ്രതിപക്ഷ കക്ഷികളെയും അലട്ടുന്നില്ല. അവരവരുടെ അസ്തിത്വവും നിലനില്‍പ്പും ആണ് സുപ്രധാനമെന്ന് വേര്‍തിരിച്ചറിഞ്ഞുകഴിഞ്ഞു. രാജ്യം നന്നാക്കാന്‍ തങ്ങള്‍ വിചാരിച്ചാലാവില്ലെന്ന് അവര്‍ കരുതിയ പോലുണ്ട്. സംഘ്പരിവാര്‍ ശക്തികളുമായി ഒരു ഘോരയുദ്ധത്തിലേര്‍പ്പെടാന്‍ അവര്‍ക്കു സമയമില്ല.

കിട്ടാവുന്ന അവസരങ്ങളിലെല്ലാം കോണ്‍ഗ്രസിനെ ദുര്‍ബലമാക്കാന്‍ വാമൊഴിയായും വരമൊഴിയും സേവനം ചെയ്യുന്നവരായി ഈ പാര്‍ട്ടികള്‍ മാറി. കൂടെ നില്‍ക്കുന്ന അണികളാവട്ടെ കാര്യമായ പ്രത്യായശാസ്ത്ര ധാരണകള്‍ ഉള്ളവരുമല്ല. പാര്‍ട്ടി എന്തു ചെയ്താലും അവര്‍ ചോദ്യം ചെയ്യില്ല. അവരുടെ കാര്യങ്ങളും നടന്നു കിട്ടണം. കൊച്ചു കൊച്ചു മോഹങ്ങള്‍ പൂവണിയണം. അവസരവാദമോ അധര്‍മമോ അഴിമതിയോ ഒക്കെ ജീവിതത്തിന്റെ ഭാഗമാക്കിയവരാണ് അധികവും. ബി.ജെ.പി കേന്ദ്രത്തില്‍ ചെയ്യുന്നതായി ആരോപിക്കപ്പെട്ടതെല്ലാം ഇവിടെ സി.പി.എമ്മും ചെയ്യുന്നു. സത്യത്തില്‍ ബി.ജെ.പിയുടെ ബി ടീം ഇവരൊക്കെയാണ്.

കേരളത്തില്‍നിന്നു ഇന്ത്യയെ കാണാനാണവര്‍ ഇഷ്ടപ്പെടുന്നത്. ഇന്ത്യയെ കാണാനും ഇന്ത്യയില്‍നിന്നും കേരളത്തെ കാണാനും അവര്‍ക്കു കഴിവില്ലാതെ പോയി. കോണ്‍ഗ്രസിനെ ഇന്ത്യയിലെങ്ങും തോല്‍പ്പിക്കലാണ് ബി.ജെ.പിയുടെ പ്രഥമ രാഷ്ട്രീയ ലക്ഷ്യം. മിക്കവാറും സംസ്ഥാനങ്ങളിലെ പ്രാദേശിക പ്രതിപക്ഷ കക്ഷികള്‍ ഇക്കാര്യത്തില്‍ ബി.ജെ.പിയെ തുണക്കുന്നു. അതുവഴി ലഭ്യമാവുന്ന ആനുകൂല്യങ്ങള്‍ അവര്‍ ആസ്വദിക്കുന്നു. കോണ്‍ഗ്രസ് വിരുദ്ധ ദൗത്യം പൂര്‍ത്തീകരിച്ചു കഴിയുന്നതോടെ ശല്യക്കാരായ ഓരോ സംസ്ഥാനത്തെയും പ്രാദേശിക കക്ഷികളെ ഒന്നൊന്നായി വിഴുങ്ങാന്‍ സംഘ്പരിവാറിനെ ആരും പഠിപ്പിക്കേണ്ടതില്ല. ആ വലിയ വായില്‍ ഇരയാകുന്ന നേരം സി.പി.എമ്മിനെയും കാത്തിരിക്കുന്നു. അന്ന് നിലവിളിച്ചാല്‍ ഓടിവരാന്‍ ഒരു കോണ്‍ഗ്രസും സഖ്യകക്ഷികളും വേണ്ടെന്നാദ്യമേ അവര്‍ തീരുമാനിച്ചല്ലോ. ചുരുക്കിപറഞ്ഞാല്‍ 2024 ലും ബി.ജെ.പിയെ അധികാരത്തിലെത്തിക്കാന്‍ ദല്ലാളന്മാര്‍ വന്നുകഴിഞ്ഞു.

ഇടതുപാര്‍ട്ടികളില്‍ നിന്നുള്ള നേതാക്കള്‍ ബി.ജെ.പിയില്‍ ചേരുന്നത് അഭിമാന നിമിഷമാണെന്ന് ചടങ്ങില്‍ പങ്കെടുത്ത ബി.ജെ.പി ജില്ലാ അധ്യക്ഷന്‍ രവി മേഹ്ത പ്രതികരിച്ചു. 2012ല്‍ കോര്‍പ്പറേഷനിലെ മേയറും ഡെപ്യൂട്ടി മേയറും സി.പി.എം പ്രതിനിധികളായിരുന്നു. മൂന്ന് സീറ്റുകളിലാണ് സി.പി.എം 2012 ല്‍ വിജയിച്ചത്. എന്നാല്‍ 2017ല്‍ ഒരു സീറ്റില്‍ മാത്രമേ സി.പി.എമ്മിന് വിജയിക്കാന്‍ സാധിച്ചുള്ളൂ. ഈ സീറ്റില്‍ വിജയിച്ച അംഗമാണ് ഇപ്പോള്‍ ബി.ജെ.പിയില്‍ ചേര്‍ന്നത്.

അതേസമയം കൂടുതല്‍ സി.പി.എം നേതാക്കളെ പാര്‍ട്ടിയിലെത്തിക്കുമെന്ന് ബി.ജെ.പി വൃത്തങ്ങള്‍ പ്രതികരിച്ചു.അടുത്തിടെ രണ്ട് സ്വതന്ത്ര എം.എല്‍.എമാര്‍ ബി. ജെ.പി പാളയത്തിലേക്ക് ചേക്കേറിയിരുന്നു. ഡെഹ്‌റ മണ്ഡലത്തില്‍ നിന്ന് വിജയിച്ച ഹോഷിയാര്‍ സിംഗ്, ജോഗീന്ദര്‍ നഗര്‍ മണ്ഡലത്തില്‍ നിന്ന് തിരഞ്ഞെടുക്കപ്പെട്ട പ്രകാശ് റാണ എന്നിവരാണ് സംഘ്പരിവാര്‍ കൂടാരത്തി ല്‍ എത്തിപ്പെട്ടത്.

യുഡിഎഫ് 38774 വോട്ടും ബിജെപി 28432 വോട്ടും ഐഎന്‍എല്‍ 27790 വോട്ടുമാണ് പെട്ടിയിലാക്കിയത്. 2011ല്‍ എന്‍എ നെല്ലിക്കുന്ന് യുഡിഎഫ് ടിക്കറ്റില്‍ മത്സരിച്ചു 9738 വോട്ടിന് ജയിച്ചു. യുഡിഎഫിന് 53068 വോട്ടും ബിജെപിക്ക് 43330 വോട്ടും നേടിയപ്പോള്‍ ഐഎന്‍എല്‍ 16467 വോട്ടേ നേടാനായുള്ളൂ. 2016ല്‍ എന്‍എ നെല്ലിക്കുന്ന് 8607 ഭൂരിപക്ഷത്തില്‍ വീണ്ടും നിയമസഭയിലെത്തി. ആ തെരഞ്ഞെടുപ്പില്‍ യുഡിഎഫിന്റെ പെട്ടിയിലെത്തിയത് 64727 വോട്ടുകള്‍. 56120 വോട്ട് ബിജെപിയും നേടി. എന്നാല്‍ എല്‍ഡിഎഫിന്റെ വോട്ട് വെറും 21615 ആണ്.

അതായത് പത്തുവര്‍ഷം കൊണ്ട് യുഡിഎഫ്, ബിജെപി മുന്നണികള്‍ക്ക് ഇരട്ടിയോളം വോട്ടുകള്‍ വര്‍ധിച്ചപ്പോള്‍ എല്‍ഡിഎഫ് മുന്നണിക്ക് 6175 വോട്ട് കുത്തനെ കുറഞ്ഞു. പുതിയ വോട്ടുകള്‍ ഉള്‍പ്പടെ പത്തുവര്‍ഷം കൊണ്ട് യുഡിഎഫിന് 25,953 വോട്ടുകളും ബിജെപിക്ക് 27,688 വോട്ടുകളും വര്‍ധിച്ചതായാണ് കണക്ക്. എന്നാല്‍ എല്‍ഡിഎഫിന് പുതിയ ഒരു വോട്ടു പോലും വര്‍ധിച്ചില്ലെന്ന് മാത്രമല്ല, 2006ല്‍ നിന്ന് 2016ലെത്തുമ്പോള്‍ ആറായിരത്തിലധികം വോട്ടുകള്‍ കുറയുകയും ചെയ്തു.

അതേസമയം, 2001ലും അതിന് മുമ്പും എല്‍ഡിഎഫിന് അയ്യായിരത്തിലധികം വോട്ടുകള്‍ പ്രതിവര്‍ഷം കൂടിയ സ്ഥാനത്താണ് ഐഎന്‍എല്ലിന് സീറ്റ് വിട്ടുനല്‍കിയതിന് ശേഷം വലിയ രീതിയില്‍ വോട്ടുചോര്‍ച്ചയുണ്ടാകുന്നത്. ബിജെപിയെ സഹായിക്കാന്‍ സിപിഎം എന്നോ ഉണ്ടാക്കിയ അന്തര്‍ധാരയിലേക്കാണ് വോട്ടുചോര്‍ച്ച വിരല്‍ചൂണ്ടുന്നത്. ഈ അന്തര്‍ധാര മനസിലാക്കി ഇനിയൊരിക്കല്‍കൂടി ചാവേറാവാന്‍ ഞങ്ങളില്ലെന്ന് മുന്നണിയോട് കേണപേക്ഷിച്ചിട്ടും ഇക്കുറി വീണ്ടും ഐഎന്‍എല്ലിന് സീറ്റ് നല്‍കി ബിജെപിക്ക് വോട്ട് മറിക്കാന്‍ അവസരമുണ്ടാക്കുകയാണ് സിപിഎം നേതൃത്വം.
അതേസമയം, തെരഞ്ഞെടുപ്പ് പ്രചാരണത്തിന്റെ ഭാഗമായി ഇന്നലെ ജില്ലയിലെത്തിയ പിണറായി വിജയന്‍ നാലു മണ്ഡലങ്ങളില്‍ പ്രചാരണ പരിപാടികളില്‍ പങ്കെടുത്തെങ്കിലും കാസര്‍കോട് മണ്ഡലത്തിലെത്താതും ഇടതുപ്രവര്‍ത്തകര്‍ക്കിടയില്‍ പ്രതിഷേധത്തിനും നിരാശയ്ക്കും ഇടയാക്കിയിട്ടുണ്ട്. സിപിഎമ്മിന്റെയും മുന്നണി നേതാക്കളുടെയും ഇരട്ടത്താപ്പ് നിലപാട് വലിയ രീതിയില്‍ ചര്‍ച്ചയായിട്ടുണ്ട്.

പ്രതി അശോകനും മണിലാലും തമ്മിലുണ്ടായ വാക്കുതര്‍ക്കമാണ് കൊലപാതകത്തില്‍ കലാശിച്ചതെന്നാണ് പൊലീസ് പറയുന്നത്. രാഷ്ട്രീയ കൊലപാതകമാണ് എന്നതിന് തെളിവുകളൊന്നും ലഭിച്ചിട്ടില്ലെന്നും പൊലീസ് പറയുന്നു.

സംഭവം രാഷ്ട്രീയ കൊലപാതകമാണ് എന്നാണ് സിപിഎം ആരോപിച്ചിരുന്നത്. മുഖ്യമന്ത്രിയടക്കം ഈ ആരോപണം ഉന്നയിച്ചിരുന്നു. എന്നാല്‍ ബിജെപിയെ സംരക്ഷിക്കുന്ന വിധത്തില്‍ പൊലീസ് റിപ്പോര്‍ട്ട് വന്നതോടെ സിപിഎം പ്രതിരോധത്തിലായി. ആഭ്യന്തരമന്ത്രിയായ പിണറായി വിജയനാണ് ആര്‍എസ്എസാണ് കൊലപാതകം നടത്തിയതെന്ന് ആരോപിച്ചത്. എന്നാല്‍ ഇതിനെ തള്ളിക്കൊണ്ടുള്ള പൊലീസ് റിപ്പോര്‍ട്ട് ആഭ്യന്തരമന്ത്രിയുടെ പ്രസ്താവനകള്‍ക്ക് പൊലീസ് യാതൊരു വിലയും കല്‍പിക്കുന്നില്ലെന്ന്‌ തെളിയിക്കുന്നതാണ്.

സിപിഎം മുന്‍ അഞ്ചല്‍ ഏരിയാ കമ്മിറ്റി സെക്രട്ടറിയായിരുന്ന സുമന്‍ അരിവാള്‍ ചുറ്റിക നക്ഷത്രം അടയാളത്തില്‍ മല്‍സരിച്ച് ജയിച്ച് പഞ്ചായത്ത് പ്രസിഡന്റും ബ്ലോക്ക് പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാനുമായിട്ടുണ്ട്. സിപിഐയുടെ എംഎല്‍എയായിരുന്ന പി.കെ. ശ്രീനിവാസന്റെ മകനും പി.എസ്. സുപാലിന്റെ സഹോദരനുമാണ് സുമന്‍.

രണ്ട് വര്‍ഷം മുമ്പാണ് സുമന്‍ പാര്‍ട്ടി വിട്ടത്. സിപിഎമ്മിന്റെ ഉത്തരവാദപ്പെട്ട സ്ഥാനത്തിരുന്ന നിരവധിപേരാണ് ഈ തെരഞ്ഞെടുപ്പില്‍ വിവിധ ഇടങ്ങളില്‍ എന്‍ഡിഎ സ്ഥാനാര്‍ത്ഥികളായി മത്സരിക്കുന്നത്.

1977 മുതല്‍ 2011 വരെ തുടര്‍ച്ചയായ 34 വര്‍ഷങ്ങള്‍ പശ്ചിമ ബംഗാള്‍ ഭരിച്ച ഇടതുപക്ഷം ഇന്ന് അതേ സംസ്ഥാനത്ത് നില നില്‍പിനായുള്ള പോരാട്ടത്തിലാണ്. തൃണമൂല്‍ കോണ്‍ഗ്രസ് അധികാരത്തില്‍ ഇരിക്കുന്ന സംസ്ഥാനത്ത് ബിജെപിയാണ് ഇപ്പോള്‍ പ്രധാന പ്രതിപക്ഷം. പാര്‍ട്ടി അംഗങ്ങള്‍ കൂട്ടത്തോടെ ബിജെപിയിലേക്ക് പോകുന്നതായാണ് റിപ്പോര്‍ട്ടുകള്‍ വ്യക്തമാക്കുന്നത്.

പശ്ചിമ ബംഗാള്‍ സിപിഎമ്മില്‍ അംഗങ്ങളായി 2.65 ലക്ഷം ആളുകള്‍ ഉണ്ടായിരുന്നു. എന്നാല്‍, പരിശീലന പരിപാടികളും മറ്റും പാര്‍ട്ടി സംഘടിപ്പിക്കാതെ വന്നതോടെ 2017ല്‍ നിരവധി അംഗങ്ങള്‍ പാര്‍ട്ടിയില്‍ നിന്നും ഇല്ലാതായതായി ആഭ്യന്തര രേഖ പറയുന്നു. പശ്ചിമ ബംഗാളില്‍ നിയമസഭാ തെരഞ്ഞെടുപ്പ് നടക്കാനിരിത്തെയാണ് പാര്‍ട്ടിയുടെ ആഭ്യന്തര വിലയിരുത്തല്‍. മമതയുടെ നേതൃത്വത്തിലുള്ള തൃണമൂല്‍ സര്‍ക്കാറിന്റെ കാലാവധി 2021 മെയ് 27 ന് അവസാനിക്കും.

തെക്കന്‍ പശ്ചിമബംഗാളിലെ ജാര്‍ഗ്രാമിലെ റാലിയില്‍ പങ്കെടുക്കാനായി ഇന്ന് രാവിലെ അമിത് ഷാ എത്തിയപ്പോഴാണ് സംഭവം. അമിത് ഷായുടെ ഹെലിക്കോപ്ടറിന് ലാന്‍ഡിംഗ് അനുമതി നിഷേധിച്ചത് മമത ബാനര്‍ജിയുടെ ഇടപെടല്‍ മൂലമാണെന്ന് ബി.ജെ.പി ആരോപിച്ചു. അനുമതിക്കായി അവസാന നിമിഷവും ബി.ജെ.പി ശ്രമിച്ചെങ്കിലും നടന്നില്ല. തുടര്‍ന്ന് ഏറെ നേരം ആകാശത്ത് കാത്തുനിന്ന ശേഷം അമിത് ഷാ തിരികെ പോവുകയായിരുന്നു.

കഴിഞ്ഞ ദിവസം നടന്ന റാലിക്കായി മാല്‍ഡ വിമാനത്താവളത്തില്‍ ഇറങ്ങുന്നതിനും അമിത് ഷായുടെ ഹെലിക്കോപ്ടറിന് അനുമതി നിഷേധിച്ചിരുന്നു.എന്നാല്‍ സുരക്ഷാ കാരണങ്ങളാല്‍ കഴിഞ്ഞ കുറേ നാളുകളായി ഇവിടെ വി.വി.ഐ.പികളുടെ ഹെലികോപ്ടറുകള്‍ ഇറങ്ങാന്‍ അനുവദിക്കുന്നില്ലെന്നാണ് സംസ്ഥാന ഭരണകൂടം നല്‍കുന്ന വിശദീകരണം. മുഖ്യമന്ത്രി മമതാ ബാനര്‍ജിയുടേത് അടക്കമുള്ള ഹെലിക്കോപ്ടറുകള്‍ക്ക് അനുമതി നിഷേധിച്ചതായും അധികൃതര്‍ വ്യക്തമാക്കുന്നു.

പൊലീസ് അതിക്രമത്തിനെതിരായ പ്രതിഷേധത്തിന്റെ ഭാഗമായാണ് സമരത്തില്‍ പങ്കെടുക്കുന്നത്. സമരത്തില്‍ പങ്കെടുക്കാനുള്ള തീരുമാനം വ്യക്തിപരമാണ്. എന്നാല്‍ വീട്ടുകാര്‍ക്ക് ഇക്കാര്യത്തില്‍ എതിര്‍പ്പുണ്ടായിരുന്നില്ലെന്നും മിലന്‍ വ്യക്തമാക്കി. പ്ലസ്ടു വിദ്യാര്‍ഥിയാണ് മിലന്‍. കുട്ടിയുടെ അമ്മ തന്നെയാണ് മിലനെ സമരവേദിയിലെത്തിച്ചതെന്ന് ബി.ജെ.പി സംസ്ഥാന പ്രസിഡണ്ട് അഡ്വ. പി.എസ് ശ്രീധരന്‍ പിള്ള പറഞ്ഞു.

ത്രിപുരയില്‍ ഈ വര്‍ഷമാദ്യം നടന്ന നിയമസഭാ തെരഞ്ഞെടുപ്പില്‍ ബിശ്വജിത്ത് ദത്തയെ സ്ഥാനാര്‍ഥിയായി പ്രഖ്യാപിച്ചിരുന്നു. എന്നാല്‍ ജനുവരി 28ന് അദ്ദേഹത്തെ ആരോഗ്യ പ്രശ്‌നങ്ങളെ തുടര്‍ന്ന് ആശുപത്രിയില്‍ പ്രവേശിപ്പിച്ചിരുന്നു. തുടര്‍ന്ന് ദത്തയെ മാറ്റി എസ്.എഫ്‌ഐ നേതാവ് നിര്‍മല്‍ ബിശ്വാസിനെ മത്സരിപ്പിക്കുകയായിരുന്നു.

പാര്‍ട്ടി നടപടിയില്‍ പ്രതിഷേധിച്ച് ഏപ്രില്‍ 18ന് അദ്ദേഹം എല്ലാ പാര്‍ട്ടി പദവികളില്‍ നിന്നും രാജിവെച്ചിരുന്നു. തനിക്ക് ഗുരുതരമായ ആരോഗ്യ പ്രശ്‌നങ്ങളുണ്ടായിരുന്നില്ലെന്നും പാര്‍ട്ടിക്കുള്ളിലെ ക്രൂരമായ ഗൂഢാലോചനക്ക് താന്‍ ഇരയാവുകയായിരുന്നുവെന്നും ബിശ്വജിത്ത് ആരോപിച്ചു.