ഒക്ടോബര്‍ ഒന്നിനാണ് മുഹറം വരുന്നത്. ദശമി ആഘോഷവും അന്ന് മുതലാണ് തുടങ്ങുന്നത്. എന്നാല്‍ വ്യത്യസ്ഥ മതങ്ങളുടെ രണ്ട് വിശ്വാസപരമായ ആചാരങ്ങളും ഒരേ ദിവസം തുടങ്ങുന്നതിനാല്‍ വിശ്വാസികളുടെ സൗകര്യാര്‍ത്ഥം ഒക്ടോബര്‍ ഒന്നിന് വിഗ്രഹം നിമജ്ജനം ചെയ്യുന്നതുപോലെയുള്ള തിരക്ക് അനുഭവപ്പെടുന്ന ചടങ്ങുകള്‍ക്ക് നിയന്ത്രണം നല്‍കുകയായിരുന്നു. ദശമി ആഘോഷിക്കമ്മിറ്റിക്കാരുമായും മുഹറം ആചരിക്കുന്ന കമ്മിറ്റിക്കാരുമായി ചര്‍ച്ച നടത്തിയതിന് ശേഷമായിരുന്നു തീരുമാനം. രണ്ടു മുതല്‍ നാലുവരെ ദശമി ആഘോഷിക്കും. ചര്‍ച്ചക്കുശേഷം മമത തീരുമാനം ട്വിറ്ററിലൂടെ അറിയിച്ചു. സെപ്തംബര്‍ 30ന് വൈകുന്നേരം ആറുമുതല്‍ ഒക്ടോബര്‍ ഒന്നാം തിയ്യതിവരെ വിഗ്രഹ നിമജ്ജനം പാടില്ലെന്ന് ഇന്ന് രാവിലെ സര്‍ക്കാര്‍ ഔദ്യോഗികമായി അറിയിക്കുകയും ചെയ്തു.

കഴിഞ്ഞ വര്‍ഷവും മമത ഇത്തരത്തിലുള്ള ഉത്തരവ് പ്രഖ്യാപിച്ചിരുന്നു. എന്നാല്‍ അവര്‍ക്കെതിരെ ബി.ജെ.പി രംഗത്തെത്തിയിരുന്നു. തുര്‍ന്ന് കൊല്‍ക്കത്ത ഹൈക്കോടതി മമതയുടെ ഉത്തരവ് സ്‌റ്റേ ചെയ്തു. മമതയുടെ വോട്ട് ബാങ്ക് ലക്ഷ്യമാക്കിയുള്ള ഉത്തരവാണിതെന്ന് ബി.ജെ.പി ആരോപിക്കുന്നു.

ബിഹാറിലെ മൈന്‍ ആന്റ് ജിയോളജി വകുപ്പ് മന്ത്രിയാണ് വിനോദ് കുമാര്‍. കഴിഞ്ഞ ദിവസം നടന്ന ബി.ജെ.പിയുടെ ഒരു പരിപാടിയ്ക്കിടെയാണ് സംഭവം. തന്റെ പ്രസംഗത്തിനിടെ ഭാരത് മാതാ കി ജയ് വിളിച്ച മന്ത്രി കാണികളോട് ഏറ്റുവിളിക്കാന്‍ ആവശ്യപ്പെടുകയായിരുന്നു. ഇതിന് വിസമ്മതിച്ചതിനായിരുന്നു മാധ്യമ പ്രവര്‍ത്തകരോട് കയര്‍ത്തത്. നിങ്ങള്‍ ഇന്ത്യയുടെ മക്കളാണ് ആദ്യമെന്നും പിന്നീട് മാത്രമേ മാധ്യമ പ്രവര്‍ത്തകര്‍ ആകുന്നുള്ളൂവെന്നും പറഞ്ഞ മന്ത്രി കയ്യുയര്‍ത്തി മുദ്രാവാക്യം വിളിക്കാത്ത മാധ്യമ പ്രവര്‍ത്തകരോട് നിങ്ങളെന്താ പാകിസ്ഥാന്റെ ആളുകളാണോ എന്ന് പൊട്ടിത്തെറിക്കുകയായിരുന്നു.

മന്ത്രിയുടെ ആവശ്യം അംഗീകരിക്കാന്‍ കൂട്ടാക്കാത്ത മാധ്യമ പ്രവര്‍ത്തകരില്‍ ചിലര്‍ ഇതിനെതിരെ രംഗത്തെത്തുകയും ചെയ്തു. നേരത്തെ ഇതേ യോഗത്തില്‍ തന്നെ മുസ്ലിം പള്ളികളിലും ക്രിസ്ത്യന്‍ പള്ളികളിലും ചടങ്ങുകളില്‍ ബാങ്കിനും മണിയടിക്കും പകരം ഭാരത് മാതാ കി ജയ് ആക്കണമെന്ന് ബി.ജെ.പിയുടെ ബിഹാര്‍ പ്രസിഡന്റ് നിത്യാനന്ദ് റായി പറഞ്ഞിരുന്നു. പിന്നീട് താന്‍ അങ്ങനെ പറഞ്ഞിട്ടില്ലെന്നായിരുന്നു റായിയുടെ നിലപാട്. തങ്ങളുടെ യഥാര്‍ത്ഥ അജണ്ട ബി.ജെ.പി ഇപ്പോള്‍ വെളിപ്പെടുത്തിയിരിക്കുകയാണെന്ന് സംഭവത്തിന് പിന്നാലെ ആര്‍.ജെ.ഡി വക്താവ് പ്രതികരിച്ചു.

#WATCH Bihar Min Vinod Singh questions those who didn't raise hands on Bharat Mata Ki Jai, asks, "vo log Pakistan Mata ke to nahi hain?" pic.twitter.com/4IO8u9F1AW

— ANI (@ANI) August 8, 2017