സംഭവം തിരിച്ചറിഞ്ഞപ്പോള്‍ ബാങ്കില്‍ പോയി പരിശോധിച്ചു. അപ്പോഴാണ് ഫോട്ടോകോപ്പിയാണെന്ന് തെളിഞ്ഞത്. തുടര്‍ന്ന് വ്യാജകോപ്പി പോലീസില്‍ ഏല്‍പ്പിച്ചു.
ഇത് രജിത് തന്നെയാണ് ഫേസ്ബുക്കിലൂടെ പുറത്തുവിട്ടത്. കൂടാതെ വ്യാജകോപ്പികള്‍ തിരിച്ചറിയുന്നതിനുള്ള മാര്‍ഗ്ഗങ്ങളും രജിത് പറയുന്നുണ്ട്.

watch video: 

ന്യൂഡല്‍ഹി: നോട്ട് അസാധുവാക്കലുമായി ബന്ധപ്പെട്ട വിവരങ്ങള്‍ പുറത്തു വിടുന്നത് രാജ്യത്തിന്റെ അഖണ്ഡതയ്ക്കും, സുരക്ഷയ്ക്കും, ജീവനും ഭീഷണിയാണെന്ന് റിസര്‍വ് ബാങ്ക്. ഇതോടെ ഉയര്‍ന്ന മൂല്യമുള്ള 500, 1000 രൂപ നോട്ടുകള്‍ അസാധുവാക്കാനുള്ള തീരുമാനം എവിടെ നിന്നു ഉല്‍ഭവിച്ചുവെന്നത് ആര്‍.ബി.ഐയുടെ മറുപടിയോടെ വീണ്ടും നിഗൂഢമാവുകയാണ്. വിവരാവകാശം വഴി നോട്ട് നിരോധനവുമായി ബന്ധപ്പെട്ട വിവരങ്ങള്‍ ആരാഞ്ഞപ്പോഴാണ് ആര്‍.ബി.ഐഇത്തരത്തില്‍ മറുപടി നല്‍കിയത്.

നോട്ട് അസാധുവാക്കലിന് മുമ്പ് നടത്തിയ തയാറെടുപ്പുകളെ കുറിച്ചും ഇതുണ്ടാക്കുന്ന സ്വാധീനത്തെ കുറിച്ചുമുള്ള വിവരങ്ങള്‍ ആരാഞ്ഞപ്പോഴും വിവരം വെളിപ്പെടുത്താന്‍ കഴിയില്ലെന്നാണ് ആര്‍.ബി.ഐ മറുപടി നല്‍കിയത്. വിവരങ്ങള്‍ പുറത്ത് വിടുന്നയാളുടെ ജീവന് ആപത്തുണ്ടാകുമെന്നും രാജ്യ സുരക്ഷയ്ക്കും ദേശീയോദ്ഗ്രഥനത്തിനും രാജ്യത്തിന്റെ പരമാധികാരത്തിനും വെല്ലുവിളിയാണെന്നും ആര്‍.ബി.ഐ വിവരാവകാശത്തിനുള്ള മറുപടിയില്‍ പറയുന്നു. നോട്ട് അസാധുവാക്കലിന് മുമ്പ് എന്തെല്ലാം തയാറെടുപ്പുകള്‍ നടത്തി എന്ന ചോദ്യത്തിനാണ് ആര്‍.ബി.ഐ ഇത്തരത്തില്‍ ഒഴിവുകഴിവുകള്‍ പറഞ്ഞത്.

മോദി നോട്ട് അസാധുവാക്കല്‍ പ്രഖ്യാപനം നടത്തിയ ദിവസം വരെ ഉയര്‍ന്ന മൂല്യമുള്ള എത്ര കറന്‍സികള്‍ ബാങ്കുകളില്‍ ഉണ്ടായിരുന്നുവെന്ന ചോദ്യത്തിന് ഇതേ കുറിച്ചുള്ള വിവരം നല്‍കുന്നയാളുടെ ജീവന് ഭീഷണിയുള്ളതിനാല്‍ പുറത്തു വിടാനാവില്ലെന്നാണ് ആര്‍.ബി.ഐ വ്യക്തമാക്കിയത്. ഡിസംബര്‍ എട്ടിനും ജനുവരി രണ്ടിനും ഇടയില്‍ 14 ചോദ്യങ്ങളാണ് വിവരാവകാശം വഴി ബ്ലൂംബര്‍ഗ് ന്യൂസ് ആര്‍ബിഐയോട് ചോദിച്ചത്. ഇതില്‍ അഞ്ച് ചോദ്യങ്ങള്‍ക്ക് മാത്രമാണ് മറുപടി കിട്ടിയത്. വാണിജ്യ ബാങ്കുകളില്‍ എത്ര നോട്ടുകള്‍ തിരിച്ചെത്തിയെന്ന് അറിയില്ലെന്ന് ഒരു ചോദ്യത്തിന് ഉത്തരമായി ആര്‍ബിഐ പറഞ്ഞു. എന്തുകൊണ്ടാണ് റിസര്‍വ്വ് ബാങ്ക് ബോര്‍ഡ് നോട്ട് നിരോധന തീരുമാനം കൈക്കൊണ്ടതെന്ന ചോദ്യത്തിന് ഇത് വിവരാവകാശ നിയമത്തിന്റെ കീഴില്‍ വരില്ലെന്നായിരുന്നു ആര്‍ബിഐയുടെ മറുപടി.

നോട്ട് നിരോധനത്തിന് ആര്‍.ബി.ഐയാണ് നിര്‍ദേശം നല്‍കിയതെന്നായിരുന്നു കേന്ദ്ര മന്ത്രി പിയൂഷ് ഗോയല്‍ പാര്‍ലമെന്റിനെ അറിയിച്ചിരുന്നത്. ആര്‍.ബി.ഐ നിര്‍ദേശം മന്ത്രിസഭ അംഗീകരിക്കുകയും പിന്നീട് പ്രധാനമന്ത്രി പ്രഖ്യാപിക്കുകയുമായിരുന്നുവെന്നാണ് പിയൂഷ് ഗോയല്‍ പാര്‍ലമെന്റിനെ അറിയിച്ചിരുന്നത്. എന്നാല്‍ കേന്ദ്ര സര്‍ക്കാറാണ് നോട്ട് അസാധുവാക്കലിന് നിര്‍ദേശം നല്‍കിയതെന്നാണ് ആര്‍.ബി.ഐ പറയുന്നത്. പാര്‍ലമെന്ററി പാനലിനു മുന്നിലായിരുന്നു ആര്‍.ബി.ഐയുടെ വെളിപ്പെടുത്തല്‍. ജനുവരി 20ന് ആര്‍.ബി.ഐ ഗവര്‍ണര്‍ ഉര്‍ജിത് പട്ടേല്‍ പാര്‍ലമെന്ററി കമ്മിറ്റിക്ക് മുന്നില്‍ സത്യവാങ് മൂലം നല്‍കുന്നതോടെ വിഷയത്തില്‍ കൂടുതല്‍ വ്യക്തത കൈവരുമെന്നാണ് പ്രതീക്ഷിക്കുന്നത്.

രേഖപ്പെടുത്താത്ത മരണങ്ങളുടെ എണ്ണം ഇതിനേക്കാള്‍ ഏറെയാണെന്നാണ് വസ്തുത. തീരുമാനം പ്രാബല്യത്തില്‍ വന്ന ആദ്യ ആറു ദിവസത്തിനുള്ളില്‍ തന്നെ വിലപ്പെട്ട 25 ജീവനുകള്‍ പൊലിഞ്ഞിരുന്നു. നവജാതശിശുക്കള്‍ ചികിത്സ ലഭിക്കാതെയും മുതിര്‍ന്ന പൗരന്മാര്‍ പണത്തിനായി ക്യൂനില്‍ക്കുമ്പോള്‍ കുഴഞ്ഞുവീണും മരണത്തെ പുല്‍കിയപ്പോള്‍ ദുരിതം താങ്ങാനാവാതെ ജീവനൊടുക്കിയവരും നിരവധി.

നോട്ട് മാറാനാകാതെ തിരികെയെത്തിയ ഭാര്യയെ ഭര്‍ത്താവ് കൊലപ്പെടുത്തിയ സംഭവം വരെയുണ്ടായി. ചികില്‍സ ലഭിക്കാത്തതിനാല്‍ നവജാത ശിശുക്കള്‍ മരിച്ച പത്ത് സംഭവങ്ങളുണ്ടായി. മുംബൈ, ഉത്തര്‍പ്രദേശ്, രാജസ്ഥാന്‍, ഹൈദരാബാദ് എന്നിവിടങ്ങളില്‍ നിന്നാണ് നവജാത ശിശു മരണം റിപ്പോര്‍ട്ട് ചെയ്തത്.

റേഷന്‍ വാങ്ങാന്‍ പണമില്ലാത്തതിനാല്‍ മോദിയുടെ നാടായ ഗുജറാത്തില്‍ 50 കാരിയായ ഗൃഹനാഥ ജീവനൊടുക്കിയ സംഭവവുമുണ്ടായി. മോദിയുടെ തുഗ്ലക് പരിഷ്‌കാരത്തില്‍ ജീവന്‍ നഷ്ടപ്പെട്ടവര്‍ക്ക് ഒരു രൂപ പോലും നഷ്ടപരിഹാരം പ്രഖ്യാപിച്ചിട്ടില്ലെന്നത് ക്രൂരതയുടെ മറ്റൊരു ഉദാഹരണം മാത്രം.

ഗുജറാത്തിലെ സൂറത്ത് ആസ്ഥാനമാക്കി പ്രവര്‍ത്തിക്കുന്ന ഭാജിയവാലയില്‍ നിന്നും കണക്കില്‍ പെടാത്ത 10.45 കോടി രൂപ നേരത്തെ ആദായ നികുതി വകുപ്പ് പിടിച്ചെടുത്തിരുന്നു.
ഇയാള്‍ ഇരുപതോളം അക്കൗണ്ടുകള്‍ വഴി വലിയതോതില്‍ പണമിടപാടുകള്‍ നടത്തിയതായും ആദായ നികുതി വകുപ്പ് കണ്ടെത്തിയിരുന്നു.

കള്ളപ്പണം വെളുപ്പിക്കുന്നതിനായി ഇയാള്‍ക്ക് 27 ബാങ്ക് അക്കൗണ്ടുകളുണ്ടെന്നും ഇതില്‍ 20 എണ്ണം ബിനാമി അക്കൗണ്ടുകളാണെന്നും റിപ്പോര്‍ട്ടുകള്‍ പറയുന്നു.
നോട്ട് അസാധുവാക്കല്‍ പ്രഖ്യാപനം വന്നതിനുപിന്നാലെ 212 അക്കൗണ്ടുകളിലൂടെ കിഷോറിനുവേണ്ടി പഴയനോട്ട് നിക്ഷേപിച്ചിട്ടുണ്ട്. കിഷോറില്‍ നിന്നും പിടിച്ചെടുത്ത 10.45 കോടിയും പുതിയ നോട്ടുകളാണ്. വിവിധ ബാങ്കുകളിലെ ഉദ്യോഗസ്ഥരുടെ സഹായത്താലാണ് ഇയാള്‍ ഇത്രയും തുക മാറ്റിയെടുത്തത്.
ഇതിന് പുറമേ 10.48 കോടിയുടെ സ്വര്‍ണ കട്ടിയും 40.92 കോടിയുടെ സ്വര്‍ണാഭരണങ്ങളും 10.39 കോടിയുടെ വജ്രാഭരണങ്ങളും 7 കോടിയുടെ വെള്ളിയും പിടിച്ചെടുത്തു.

നോട്ടുകള്‍ അസാധുവാക്കിയ പ്രഖ്യാപനം വന്നപ്പോള്‍ 50 ദിവസത്തിനുള്ളില്‍ പ്രശ്‌നങ്ങള്‍ പരിഹരിക്കുമെന്ന് പ്രധാനമന്ത്രി നരേന്ത്രമോദി ഉറപ്പു നല്‍കിയിരുന്നു. എന്നാല്‍ കലാവധി അവസാനിക്കാറായിട്ടും രാജ്യത്തെ നോട്ടു പ്രതിസന്ധിക്ക് അയവു വന്നിട്ടില്ല.

നോട്ടു നിരോധനം അമ്പതുദിവസം പിന്നിടാനിരിക്കെ പണം പിന്‍വലിക്കുന്നതില്‍ നിലവിലുള്ള നിയന്ത്രണങ്ങള്‍ തുടരണമെന്നാണ് ബാങ്കുകളുടെ പൊതു അഭിപ്രായം. നിയന്ത്രണങ്ങള്‍ ജനുവരിയിലേക്കും തുടര്‍ന്നാല്‍ മാത്രമേ ബാങ്കുകളുടെ പ്രവര്‍ത്തനം സുഗമമാകൂ എന്നും വ്യക്തമാക്കുന്നു.

നിലവില്‍, ആഴ്ചയില്‍ പിന്‍വലിക്കാവുന്ന 24,000 രൂപ എന്ന തുക പോലും നല്‍കാന്‍ പല സ്ഥലങ്ങളിലും ബാങ്കുകള്‍ക്ക് സാധിക്കുന്നില്ല. ആവശ്യമായ പണം ബാങ്കുകളില്‍ എത്താത്തതാണ് കാരണം. ഈ സാഹചര്യത്തില്‍ പിന്‍വലിക്കാവുന്ന തുകയിലെ നിയന്ത്രണം എടുത്തുമാറ്റിയാല്‍ ബാങ്കുകള്‍ക്ക് ഉയര്‍ന്ന തുക നല്‍കാന്‍ കൈവശം പണമില്ല. കൂടാതെ ബാങ്കുകള്‍ക്ക് ആവശ്യമായ തുക മുഴുവന്‍ ലഭ്യമാക്കാതെ നിയന്ത്രണങ്ങള്‍ പിന്‍വലിക്കുകയില്ലെന്ന് എസ്ബിഐ ചെയര്‍പഴ്‌സന്‍ അരുന്ധതി ഭട്ടാചാര്യ നേരത്തെ സൂചിപ്പിക്കുകയും ഉണ്ടായി.

പൊതുജനങ്ങള്‍ക്ക് തന്നെ ആവശ്യമായ പണം നല്‍കാന്‍ കഴിയാത്ത സാഹചര്യത്തില്‍ നിലവിലെ നിയന്ത്രണം കൂടി ഒഴിവാക്കിയാല്‍, കോര്‍പറേറ്റുകളും മറ്റും വലിയ തോതില്‍ പണം പിന്‍വലിക്കുകയും ബാങ്കുകളുടെ പ്രവര്‍ത്തനം തന്നെ താളം തെറ്റുന്ന അവസ്ഥയിലുമെത്തും.

അതേസമയം നിയന്ത്രണങ്ങള്‍ എന്നാണ് പിന്‍വലിക്കുകയെന്നതിനെ സംബന്ധിച്ച് സര്‍ക്കാരും ആര്‍ബിഐയും ഇതുവരെയൊന്നും വ്യക്തമാക്കിയിട്ടില്ല.

നോട്ടു അസാധു നടപടിയെ തുടര്‍ന്ന് രാജ്യത്ത് ഉടനീളം നോട്ടു പ്രതിസന്ധി നേരിടുമ്പോള്‍ ഉത്തര്‍പ്രദേശിലേക്ക് 5000 കോടി രൂപ എത്തിച്ചുനല്‍കിയതായി റിപ്പോര്‍ട്ട് രാഷ്ട്രീയ നിരീക്ഷകരില്‍ വലിയ അത്ഭുതമാണുണ്ടാക്കുന്നുണ്ട്.. ഉത്തര്‍പ്രദേശില്‍ നോട്ട് പ്രതിസന്ധിയില്ലെന്ന് ബിജെപി നേതാക്കള്‍ അവകാശപ്പെടുന്നതിനിടെയാണ് 5000 കോടി സംസ്ഥാനത്ത് എത്തിയതായ റിപ്പോര്‍ട്ടുകള്‍ പുറത്തുവരുന്നത്.

അതേസമയം റിപ്പോര്‍ട്ടിനെ കുറിച്ച് പ്രതികരിക്കാന്‍ റിസര്‍വ് ബാങ്ക് തയാറായിട്ടില്ല. ഓരോ സംസ്ഥാനത്തിനും നല്‍കിയ പുതിയ നോട്ടുകളുടെ കണക്ക് സംബന്ധിച്ച കാര്യങ്ങള്‍ വെളിപ്പെടുത്താന്‍ കഴിയില്ലെന്ന നിലപാടില്‍ ഉറച്ചു നില്‍ക്കുകയാണ് ആര്‍ബിഐ.

തെരഞ്ഞെടുപ്പ് പ്രചാരണവുമായി പ്രധാനമന്ത്രി നരേന്ദ്ര മോദിയും കോണ്‍ഗ്രസ് ഉപാധ്യാക്ഷന്‍ രാഹുല്‍ ഗാന്ധിയും പ്രചാരണത്തിനുള്ള സമയത്താണ് റിപ്പോര്‍ട്ട് പുറത്തുവന്നിരിക്കുന്നത്. നിലവില്‍ പ്രചാരണ റാലികളില്‍ നോട്ടു പ്രതിസന്ധിയാണ് പ്രധാന ചര്‍ച്ചാവിഷയം.

നേരത്തെ ഒരു ദേശീയ വാര്‍ത്താ ഏജന്‍സി ഉത്തര്‍പ്രദേശിനു 5000 കോടി രൂപ നല്‍കിയെന്ന തരത്തില്‍
ഡിസംബര്‍ 17ന് റിപ്പോര്‍ട്ട് ചെയ്തിരുന്നു. പ്രത്യേക വിമാനത്തില്‍ പണമെത്തിച്ചുവെന്നായിരുന്നു റിപ്പോര്‍ട്ട്.

ഈ വാര്‍ത്ത ശരിവെക്കുന്ന റിപ്പോര്‍്ട്ടുകളാണ് ഇപ്പോള്‍ സംസ്ഥാനത്തു നിന്നും പുറത്തുവരുന്നത്. അതിനിടെ വാര്‍ത്തകള്‍ അടിസ്ഥാനരഹിതമാണെന്ന പ്രതികരണവുമായി ബിജെപി നേതൃത്വം രംഗത്തെത്തി.

നോട്ട് നിരോധനവുമായി ബന്ധപ്പെട്ട് രാജ്യത്ത് നിരന്തരം വാദപ്രതിവാദങ്ങളും പ്രതിഷേധങ്ങളും ഉയരുമ്പോള്‍, ശക്തമായ ചോദ്യവുമായി വീണ്ടും രംഗത്തെത്തിയിരിക്കുകയാണ് മുന്‍ പ്രധാനമന്ത്രി മന്‍മോഹന്‍ സിംഗ്. വ്യാഴാഴ്ച നടന്ന പാര്‍ലമെന്ററി കമ്മിറ്റിയിലാണ് നോട്ട് പ്രതിസന്ധിയില്‍ രാജ്യം ഉലയുമ്പോള്‍ നോട്ട് അസാധു നടപടിയുമായി ബന്ധപ്പെട്ട ശക്തമായ സംശയവുമായി മന്‍മോഹന്‍ സിംഗ് മുന്നോട്ടുവന്നത്.

കേന്ദ്ര സര്‍ക്കാറിന്റെ നോട്ട് അസാധു നടപടിയെ കുറിച്ച് ആലോചന നടത്താന്‍ റിസര്‍വ് ബാങ്കിന് വേണ്ടത്ര സമയം ലഭിച്ചിരുന്നോ, എന്നാണ് മന്‍മോഹന്‍ സിംഗ് ചോദിച്ചത്. നോട്ട് നിരോധനത്തെ കുറിച്ച് പഠിക്കുന്ന കമ്മിറ്റിയുടെ മുന്നിലാണ് സാമ്പത്തിക വിദഗ്ധന്‍ കൂടിയായ മന്‍മോഹന്‍ സിംഗ് ചോദ്യം ഉന്നഴിച്ചത്.

‘റിസര്‍വ് ബാങ്കില്‍ നിന്ന് ലഭിച്ച വിവരങ്ങളുടെ അടിസ്ഥാനത്തില്‍, രാജ്യത്തെ 500, 1000 രൂപ നോട്ടുകള്‍ നിരോധിക്കാനുള്ള സര്‍ക്കാര്‍ തീരുമാനം റിസര്‍വ് ബാങ്കിനെ അറിയിച്ചത് നവംബര്‍ 7നും ആ വിവരം പുറത്തു വരുന്നത് നവംബര്‍ 8നുമാണ്’, മന്‍മോഹന്‍ സിംഗ് പറഞ്ഞു. അതിനാല്‍ നിലവിലെ വിവരപ്രകാരം നോട്ടുഅസാധു വിഷയത്തില്‍ റിസര്‍വ് ബാങ്കിന് തീരുമാനം എടുക്കാന്‍ ലഭിച്ചത് ഒറ്റ ദിവസം മാത്രമാണെന്നും സിംഗ് വ്യക്തമാക്കി.

മുന്‍ ആര്‍ബിഐ ഗവര്‍ണര്‍ കൂടിയായ മന്‍മോഹന്‍ സിംഗിന്റെ സംശയം നിരവധി ചോദ്യങ്ങളിലേക്കാണ് വിരല്‍ ചൂണ്ടുന്നത്. ചൂണ്ടിക്കാട്ടിയ കാര്യങ്ങള്‍ യാഥാര്‍ഥ്യമാണെങ്കില്‍ നോട്ട് നിരോധന തീരുമാനം സര്‍ക്കാര്‍ റിസര്‍വ് ബാങ്കിനു മേല്‍ അടിച്ചേല്‍പ്പിച്ച തീരുമാനമായിരിക്കുമെന്നാണ് വിലയിരുത്തല്‍.

നോട്ട് നിരോധനം നടപ്പാക്കി 45 ദിവസത്തിനിടെ 60 ഉത്തരവുകളാണ് പുറത്തിറക്കിയിരിക്കുന്നതെന്നും ഇത് തന്നെ നോട്ട് നിരോധനത്തില്‍ റിസര്‍വ് ബാങ്കിന് വേണ്ടത്ര സമയം ലഭിച്ചില്ല എന്നതിന്റെ വ്യക്തമായ തെളിവാണെന്നും സിംഗ് ചൂണ്ടിക്കാട്ടി. ദിവസേനയുള്ള ഇത്തരം ഉത്തരവുകളിലൂടെ ബുദ്ധിമുട്ടിലാകുന്നത് സാധാരണക്കാരാണ് അദ്ദേഹം കുറ്റപ്പെടുത്തി.

നോട്ട് നരോധനത്തെ കുറിച്ച് ഡിസംബര്‍ 21 ന് റിസര്‍വ് ബാങ്ക് ഗവര്‍ണര്‍ ഊര്‍ജിത് പട്ടേല്‍ വശദീകരണം നല്‍കുമെന്ന് വ്യക്തമാക്കിയിരുന്നു. എന്നാല്‍ ഇത് ജനുവരിയിലേക്ക് മാറ്റിയിട്ടുണ്ട്. എന്നാല്‍ ഇക്കാര്യത്തില്‍ ആദ്യം വിശദീകരണം നല്‍കേണ്ടത് സര്‍ക്കാരാണെന്നും എന്നിട്ട് റിസര്‍വ് ബാങ്ക് ഗവര്‍ണര്‍ സംസാരിച്ചാല്‍ മതിയന്നുമാണ് സംഗിന്റെ അഭിപ്രായം. റിസര്‍വ് ബാങ്കിന്റെ സ്വയംഭരണാധികാരത്തെ കുറിച്ച് ഗവര്‍ണറോട് ചോദിക്കണമെന്ന് സിംഗ് പാര്‍ലമെന്ററി കമ്മിറ്റിയോട് ആവശ്യപ്പെട്ടു.

നേരത്തെ പാര്‍ലമെന്റിലും സിംഗ് നോട്ട് നിരോധനത്തെ എതിര്‍ത്തിരുന്നു. നോട്ടു നിരോധനം വലിയ പരാജയമാണെന്നും അത് രാജ്യത്തെ ദാരിദ്രത്തിലേക്ക് കൊണ്ടുപോകുമെന്നും അദ്ദേഹം പറഞ്ഞിരുന്നു. നിയമ വിധേയമായ മണ്ടത്തരം സംഘടിതമായ കവര്‍ച്ചയുമാണണിതെന്നുമാണ്
അദ്ദേഹം നിരോധനത്തെ വിശേഷിപ്പിച്ചത്.