ഗുജറാത്ത് വംശഹത്യയുമായി ബന്ധപ്പെട്ട വസ്തുതകള്‍ വെളിപ്പെടുത്തിക്കൊണ്ട് ‘ഇന്ത്യ: ദി മോദി ക്വസ്റ്റ്യന്‍’ എന്ന പേരില്‍ ബി. ബി.സി ഡോക്യുമെന്ററി പുറത്തിറക്കിയതോടെ സംഘ്പരിവാര്‍ കേന്ദ്രങ്ങള്‍ ഞെട്ടിയിരിക്കുകയാണ്. ഡോക്യുമെന്ററി മാലോകര്‍ കാണാതെ നോക്കാനുള്ള വിറളിപിടിച്ച ഓട്ടത്തിലാണവര്‍. ഡോക്യുമെന്ററിയെ അധികാരത്തിന്റെ മുഷ്‌ക്ക് ഉപയോഗിച്ചുബ്ലോക്ക് ചെയ്യാനാണ് കേന്ദ്ര സര്‍ക്കാര്‍ തീരുമാനം. ഇന്‍ഫര്‍മേഷന്‍ ടെക്‌നോളജി റൂള്‍സ് പ്രകാരമുള്ള അധികാരങ്ങള്‍ ഉപയോഗിച്ച് കേന്ദ്ര വാര്‍ത്താവിതരണ പ്രക്ഷേപണ മന്ത്രാലയമാണ് ഡോക്യുമെന്ററിയുടെ യുട്യൂബ് വീഡിയോകളും അവ ആക്‌സസ് ചെയ്യാനുള്ള ട്വിറ്റര്‍ ലിങ്കുകളും ബ്ലോക്ക് ചെയ്തുകൊണ്ടുള്ള ഉത്തരവ് ഇറക്കിയിരിക്കുന്നത്. ബ്രിട്ടീഷുകാരന്റെ പഴയ കൊളോണിയല്‍ മാനസികാവസ്ഥയാണ് ഡോക്യുമെന്ററിയുടെ പിന്നിലെന്നാണ് കേന്ദ്ര വിദേശകാര്യ മന്ത്രാലയത്തിന്റെ ആരോപണം. എന്നാല്‍ ബ്രിട്ടീഷ് അധികൃതര്‍ കേന്ദ്ര സര്‍ക്കാറിന്റെ ആരോപണത്തെ തള്ളിക്കളഞ്ഞിരിക്കുകയാണ്.

ജനുവരി 21 ന് മുതിര്‍ന്ന മാധ്യമപ്രവര്‍ത്തകന്‍ കരണ്‍ ഥാപ്പറുമായി നടത്തിയ അഭിമുഖത്തില്‍ മുന്‍ ബ്രിട്ടീഷ് വിദേശകാര്യ സെക്രട്ടറിയും നയതന്ത്രരംഗത്തെ പ്രമുഖനുമായ ജാക്ക് സ്‌ട്രോയാണ് ബി.ബി.സി ഡോക്യൂമെന്ററിയെയും അതിലെ ഉള്ളടക്കത്തെയും ശരിവെച്ചത്. 2002 ലെ ഗുജറാത്ത് കലാപത്തെ കുറിച്ച് ബ്രിട്ടീഷ് സര്‍ക്കാര്‍ സ്വന്തം നിലക്ക് അന്വേഷണം നടത്തിയിട്ടുണ്ടെന്നും അതിന്റെ പ്രതിഫലനമാണ് ബി.ബി.സി ഡോക്യുമെന്ററിയിലെ ഉള്ളടക്കമെന്നും ജാക്ക് സ്‌ട്രോ തുറന്നുപറയുന്നു. ബ്രിട്ടനിലെ ഗുജറാത്തി മുസ്‌ലിം വംശജരായ പൗരന്മാര്‍ ഗുജറാത്തില്‍ ജീവിക്കുന്ന തങ്ങളുടെ ബന്ധുമിത്രാദികളുടെ കാര്യത്തില്‍ പ്രകടിപ്പിച്ച ആശങ്കകളുടെ അടിസ്ഥാനത്തിലാണ് ബ്രിട്ടീഷ് സര്‍ക്കാര്‍ അന്വേഷണം നടത്തിയിരുന്നത് എന്നാണ് സ്‌ട്രോ വ്യക്തമാക്കുന്നത്. തന്റെ നിയോജകമണ്ഡലമായിരുന്ന ബ്ലാക്ക്‌ബേണ്‍ ഉള്‍പ്പെടെയുള്ള ബ്രിട്ടനിലെ നിരവധി പ്രദേശങ്ങളില്‍ താമസിക്കുന്ന ലക്ഷക്കണക്കിന് ഗുജറാത്തികള്‍ വലിയ വിഷമത്തിലും ആശങ്കയിലുമായിരുന്നു കഴിഞ്ഞിരുന്നത്. ഗുജറാത്തില്‍ നടന്ന വര്‍ഗീയ കലാപങ്ങളില്‍ അവരുടെ കുടുംബങ്ങളില്‍പെട്ട പലര്‍ക്കും ജീവഹാനി സംഭവിക്കുകയും സ്വന്തം ഭൂമി ഉപേക്ഷിച്ചുപോവേണ്ടിവരികയും ചെയ്ത സംഭവങ്ങള്‍ തനിക്കറിയാമെന്നും അത്തരമൊരു സാഹചര്യത്തില്‍ ഗുജറാത്തില്‍ നടന്ന വംശഹത്യക്കെതിരെ ഇന്ത്യയിലെ അന്നത്തെ ബ്രിട്ടീഷ് ഹൈകമ്മീഷണര്‍ റോബര്‍ട്ട് യംഗ് അന്വേഷണം ആവശ്യപ്പെടുകയായിരുന്നുവെന്നും അദ്ദേഹം വിശദീകരിക്കുന്നു. മറ്റൊരു രാജ്യത്ത് നടന്ന കൂട്ടക്കൊലയെകുറിച്ച് സ്വന്തം നിലക്ക് യു.കെ അന്വേഷണം നടത്താനുണ്ടായ സാഹചര്യം അതായിരുന്നുവെന്ന് മുന്‍ ആഭ്യന്തര സെക്രട്ടറി കൂടിയായ ജാക്ക് സ്‌ട്രോ പറയുന്നു.

2002 ഫിബ്രവരിയിലായിരുന്നു മുസ്‌ലിം ഉന്മൂലനം ലക്ഷ്യമിട്ടുള്ള ഗുജറാത്ത് കലാപം അരങ്ങേറിയത്. ബ്രിട്ടീഷ് അധികാരികള്‍ നടത്തുന്ന അന്വേഷണത്തെ കുറിച്ചുള്ള വിശദമായ റിപ്പോര്‍ട്ട് അതേവര്‍ഷം മെയ് 6 ന് ഇന്ത്യ ടുഡേ പ്രസിദ്ധീകരിച്ചിട്ടുണ്ടായിരുന്നു. സംഭവം കഴിഞ്ഞ് 20 വര്‍ഷത്തിന് ശേഷമുണ്ടായ പുതിയ വെളിപ്പെടുത്തലൊന്നുമല്ല ബി.ബി.സിയുടേത് എന്നത് വ്യക്തമാണ്. ഗുജറാത്ത് കലാപത്തിന്റെ പേരില്‍ ഗുജറാത്ത്, ഇന്ത്യന്‍ സര്‍ക്കാറുകളെ അപലപിച്ചുകൊണ്ട് പരസ്യമായി രംഗത്ത് വന്നത് ബ്രിട്ടന്‍ മാത്രമായിരുന്നില്ല. ബ്രിട്ടന്റെ നിലപാടിനോട് യോജിച്ചുകൊണ്ട് യൂറോപ്യന്‍ യൂനിയനും രംഗത്തുവന്നിരുന്നു. ഇന്ത്യയിലെ ജര്‍മ്മന്‍, ഡച്ച് നയതന്ത്രകാര്യാലയങ്ങളും ബ്രിട്ടന്റെ നിലപാടിനോട് യോജിച്ചു ഗുജറാത്തിലെ നിരപരാധരായ സാധാരണക്കാര്‍ നിഷ്ഠൂരമായി കൊലചെയ്യപ്പെട്ട സംഭവങ്ങളെ വെളിച്ചത്തുകൊണ്ടുവരണമെന്ന ആവശ്യം ഉന്നയിച്ചിരുന്നു. ഗുജറാത്ത് സര്‍ക്കാറും പൊലീസും പക്ഷപാതപരമായ സമീപനമാണ് പുലര്‍ത്തുന്നതെന്നും അവര്‍ ആരോപിച്ചിരുന്നു. സംഭവത്തെതുടര്‍ന്ന് അന്നത്തെ ഗുജറാത്ത് മുഖ്യമന്ത്രി നരേന്ദ്രമോദിക്ക് അമേരിക്ക യാത്രാവിലക്ക് ഏര്‍പ്പെടുത്തുകയും ചെയ്തിരുന്നു. ഗുജറാത്ത് കൂട്ടക്കൊലയുടെ ദൃശ്യങ്ങള്‍ കണ്ട വിദേശ രാജ്യങ്ങളിലെ വിവിധ നേതാക്കള്‍ ‘ഹൃദയഭേദകം’ എന്നായിരുന്നു വിശേഷിപ്പിച്ചിരുന്നത്. 1992 ല്‍ ബാബരി മസ്ജിദിന്റെ തകര്‍ച്ചയോടെ ഇന്ത്യ ലോകത്തിന്റെ മുമ്പില്‍ നാണം കെട്ടിരുന്നുവെങ്കില്‍ പത്തുവര്‍ഷം കഴിഞ്ഞ് 2002 ലെ ഗുജറാത്ത് കൂട്ടക്കൊലയോടെ ഇന്ത്യയെ കുറിച്ച് ‘അസഹിഷ്ണുതയുടെ കേദാരം’ എന്ന് വിദേശരാജ്യങ്ങള്‍ വിശേഷിപ്പിക്കുന്ന അവസ്ഥയുണ്ടായി.

ജാക്ക് സ്‌ട്രോകരണ്‍ ഥാപ്പര്‍ അഭിമുഖത്തെ കുറിച്ച് ‘നിയോ കൊളോണിയല്‍’ എന്നാണ് ഇന്ത്യന്‍ വിദേശ കാര്യ വക്താവ് അരിന്ദം ബാഗ്ച്ചി വിശേഷിപ്പിച്ചത്. വിഷയത്തിന്റെ മര്‍മ്മത്തില്‍ നിന്നുള്ള ഒളിച്ചോട്ടമാണിത്. ഗുജറാത്ത് കലാപത്തിലെ കേന്ദ്ര സംസ്ഥാന സര്‍ക്കാരുകളെ കുറ്റപ്പെടുത്തിക്കൊണ്ടുള്ള നിലപാടുകള്‍ സ്വീകരിച്ചത് ബ്രിട്ടന്‍ മാത്രമായിരുന്നില്ല എന്ന യാഥാര്‍ഥ്യം മറച്ചുപിടിച്ചുകൊണ്ടാണ് വിദേശകാര്യ വക്താവിന്റെ പ്രതികരണം. ലോകത്തെ പ്രമുഖ രാജ്യങ്ങളെല്ലാം ഇന്ത്യന്‍ ഭരണകൂടം സ്വീകരിച്ച നിലപാടിനെ വിമര്‍ശിച്ചും അന്നത്തെ മുഖ്യമന്ത്രി നരേന്ദ്രമോദിയുടെ പങ്കിനെ കുറ്റപ്പെടുത്തിയുമാണ് സംസാരിച്ചിരുന്നത് എന്ന വസ്തുത മറച്ചുവെച്ചുകൊണ്ടും ബ്രിട്ടീഷുകാരെ കുറ്റപ്പെടുത്തിയും രക്ഷപ്പെടാനാണ് സംഘ്പരിവാര്‍ ശ്രമിക്കുന്നത്. നിയോ കൊളോണിയലിസം എന്ന് പറഞ്ഞുകൊണ്ട് ബി.ബി.സി ഡോക്യുമെന്ററിയെ നേരിടുന്ന പരിവാറുകാര്‍ക്ക് പഴയ ബ്രിട്ടീഷ് കൊളോണിയലിസത്തോടുണ്ടായിരുന്ന പ്രണയം മറക്കാന്‍ സാധിക്കുമോ? പഴയ കാലങ്ങളിലെ സംഘ്ബ്രിട്ടീഷ് ‘ഷൂ കഥകളെ’ മൂടിവെക്കാന്‍ സാധിക്കുമോ?

ഗോധ്ര സംഭവത്തെ തുടര്‍ന്ന് ഗുജറാത്തിലെ വിവിധ പ്രദേശങ്ങളില്‍ മുസ്‌ലിം ജനവിഭാഗങ്ങളെ പ്രത്യേകം ലക്ഷ്യമാക്കിക്കൊണ്ടാണ് പൊലീസ് പ്രവര്‍ത്തിച്ചത്. ഇത് കേവലം ആരോപണങ്ങളല്ല, ഹ്യൂമന്‍ വാച്ച് പോലുള്ള മനുഷ്യാവകാശ സംഘടനകളാണ് ഈ യാഥാര്‍ഥ്യം ലോകത്തോട് വിളിച്ചുപറഞ്ഞത്. ഗുജറാത്തിലെ ന്യൂനപക്ഷ സമുദായത്തില്‍പെട്ട സ്ത്രീകളുടെ മേല്‍ ഭീകരമായ ലൈംഗികാതിക്രമങ്ങള്‍ നടന്നു എന്ന് റിപ്പോര്‍ട്ട് ചെയ്തത് യു.കെ, ഫ്രാന്‍സ്, ജര്‍മ്മനി, ശ്രീലങ്ക എന്നിവിടങ്ങളില്‍നിന്നുള്ള വനിതാ അന്താരാഷ്ട്ര വിദഗ്ധര്‍ ചേര്‍ന്ന് രൂപീകരിച്ച ‘അന്താരാഷ്ട്ര വസ്തുതാന്വേഷണ സമിതി’യാണ്. നൂറു കണക്കിന് പെണ്‍കുട്ടികളെ ബലാല്‍സംഗം ചെയ്ത് ചുട്ടുകരിക്കുകയും കുട്ടികളെ പെട്രോള്‍ കുടിപ്പിച്ച് തീവെക്കുകയും ചെയ്ത സംഭവങ്ങള്‍ അരങ്ങേറി. വീടുകളില്‍ വെള്ളം കയറ്റി വൈദ്യുതാഘാതം ഏല്‍പ്പിച്ച് കൊലപ്പെടുത്തിയ സംഭവങ്ങളും റിപ്പോര്‍ട്ട് ചെയ്തു. നരോദപാട്യയില്‍ അടക്കമുള്ള ഗുജറാത്തിലെ നിരവധി കുഴിമാടങ്ങള്‍ ഗുജറാത്ത് കലാപത്തിന്റെ അവശേഷിക്കുന്ന അടയാളങ്ങളാണ്. കൂട്ടക്കൊല റിപ്പോര്‍ട്ട് ചെയ്യാനെത്തിയ ധാരാളം മാധ്യമപ്രവര്‍ത്തകര്‍ ആക്രമണങ്ങള്‍ക്ക് വിധേയരായി.

ഇന്ത്യയിലെ അറിയപ്പെടുന്ന നിയമപണ്ഡിതരും മനുഷ്യാവകാശപ്രവര്‍ത്തകരുമായിരുന്ന വി.ആര്‍ കൃഷ്ണയ്യര്‍, പി.ബി സാവന്ത് തുടങ്ങിയവര്‍ നേതൃത്വം നല്‍കിയിരുന്ന ‘കണ്‍സേണ്‍ഡ് സിറ്റിസണ്‍ ട്രിബ്യുണല്‍’ (ഇഇഠ), പ്രമുഖ പാരിസ്ഥിതിക പണ്ഡിത വന്ദന ശിവ, പ്രമുഖ മാധ്യമപ്രവര്‍ത്തക ഡിയോണ്‍ ബുന്‍ഷ തുടങ്ങി ഗുജറാത്ത് കൂട്ടക്കൊലയുടെ വസ്തുതകള്‍ അന്വേഷണം നടത്തിയവര്‍ പുറത്തുവിട്ട വിവരങ്ങളില്‍ ചിലത് മാത്രമാണിത്. ചരിത്ര പണ്ഡിതനായ ജ്ഞാനേന്ദ്ര പാണ്ഡെ ഈ ആക്രമണങ്ങളെ ‘കലാപം’ എന്നല്ല വിളിക്കേണ്ടതെന്നും ഭരണകൂട ഭീകരതയെന്നും സംഘടിത രാഷ്ട്രീയ കൂട്ടക്കൊലകള്‍ എന്നുമെല്ലാമാണ് വിശേഷിപ്പിക്കേണ്ടത് എന്നുമാണ് പറഞ്ഞിരുന്നത്. ഇന്ത്യന്‍ രാഷ്ട്രീയത്തെ ശാസ്ത്രീയമായി അപഗ്രഥനം ചെയ്ത പ്രമുഖ അമേരിക്കന്‍ പൊളിറ്റിക്കല്‍ സയന്റ്റിസ്റ്റ് പോള്‍ ബ്രാസ് ഗുജറാത്ത് കൂട്ടക്കൊലയെ വിശേഷിപ്പിച്ചത് മുസ്‌ലിം വിരുദ്ധ വംശഹത്യ എന്നായിരുന്നു. വി.എച്ച്.പിയും ബജ്‌റംഗ്ദളും നടത്തിയ ഗൂഢാലോചനയായിരുന്നു ഗുജറാത്ത് കൂട്ടക്കൊല എന്നാണ് മറ്റൊരു അമേരിക്കന്‍ രാഷ്ട്രീയ മീമാംസകനായ പ്രൊഫ. സ്‌കോട്ട് ഹിബ്ബാര്‍ഡ് വിശേഷിപ്പിച്ചത്. അറിയപ്പെടുന്ന ഇന്ത്യന്‍ സോഷ്യോളജിസ്റ്റ് ദീപാന്ദര്‍ ഗുപ്തയും പൊലീസിന്റെയും ഭരണകൂടത്തിന്റെയും പങ്ക് വിളിച്ചുപറഞ്ഞിട്ടുണ്ട്. ബി.ജെ.പി നേതാക്കള്‍ ആരോപിക്കുന്നത് പോലെ ഇവരാരും നിയോ കൊളോണിയലിസ്റ്റുകള്‍ ആയിരുന്നില്ല. സാധാരണക്കാരായ ആയിരങ്ങളുടെ ജീവനെടുത്ത കൂട്ടക്കൊലയുടെ പിന്നാമ്പുറ കഥകള്‍ ബി.ബി.സി പുറത്തുവിടുമ്പോള്‍ അതിന് നേതൃത്വം കൊടുത്തവര്‍ രാജ്യം ഭരിച്ചുകൊണ്ടിരിക്കുകയാണ്. ഈ കൂട്ടക്കൊലയെക്കുറിച്ചുള്ള ഏതൊരു വാര്‍ത്തയും അവരുടെ നെഞ്ചില്‍ തീകോരിയിടുക സ്വാഭാവികമാണ്. ഇഹ്‌സാന്‍ ജാഫ്‌റി, ബില്‍കീസ് ബാനു, ബെസ്റ്റ് ബേക്കറി തുടങ്ങിയ പേരുകളെല്ലാം അവരുടെ സൈ്വര്യം കെടുത്തിക്കൊണ്ടേയിരിക്കും. ഗുജറാത്തിലെ ന്യൂനപക്ഷങ്ങളെ കൂട്ടക്കുരുതിയിലൂടെ ഇല്ലാതാക്കാന്‍ ശ്രമിച്ചിരുന്നവര്‍ ഇപ്പോള്‍ രാജ്യത്തെ പ്രബല ന്യൂനപക്ഷമായ മുസ്‌ലിംകളുടെ പൗരത്വം തന്നെ ഇല്ലാതാക്കാനുള്ള കഠിന പ്രയത്‌നത്തിലാണ്.

ഗുജറാത്തില്‍ നടത്തിയ വികസനത്തെ ഉയര്‍ത്തിക്കാട്ടി രക്ഷപ്പെടാനാണ് സംഘ്പരിവാര്‍ എക്കാലവും ശ്രമിച്ചുവന്നിട്ടുള്ളത്. എന്നാല്‍ എത്രയെത്ര വികസനമുണ്ടായാലും ഇല്ലെങ്കിലും ഗുജറാത്തില്‍ കൊല്ലപ്പെട്ട ആയിരങ്ങളുടെ ആത്മാക്കള്‍ എക്കാലവും സംഘ്പരിവാറിനെ വേട്ടയാടിക്കൊണ്ടിരിക്കും. മാധ്യമപ്രവര്‍ത്തകര്‍ ഒപ്പിയെടുത്ത ചിത്രങ്ങളും ചാനലുകള്‍ രേഖപ്പെടുത്തിവെച്ച ദൃശ്യങ്ങളും കൂട്ടക്കൊലയുടെ സാക്ഷികളായി എക്കാലവും ലോകത്തിന് മുമ്പില്‍ അവതരിച്ചു കൊണ്ടേയിരിക്കും. ബി.ബി.സിയുടെ ഡോക്യുമെന്ററി ബ്ലോക്ക് ചെയ്തതുകൊണ്ട് മാത്രം ഗുജറാത്തില്‍ നടന്ന സംഭവങ്ങളുടെ യാഥാര്‍ഥ്യം ലോകം മനസ്സിലാക്കാതെ പോവുമെന്ന് സംഘ്പരിവാര്‍ ധരിക്കുന്നുവെങ്കില്‍ അത് കേവലം മിഥ്യാധാരണ മാത്രമാണ്.

കഴിഞ്ഞ ബുധനാഴ്ചയാണ് ഡല്‍ഹി ഗുഡ്ഗാവിലെ ഭോറാകാലാനില്‍ സ്ഥിതിചെയ്യുന്ന പള്ളിയിലേക്ക് ഒരു സംഘം ഇരച്ച് കയറി ആരാധനയ്‌ക്കെത്തിയവരെ മര്‍ദ്ദിക്കുകയും പള്ളിക്ക് താഴിട്ട് പൂട്ടുകയും ചെയ്തത്. പൊതുസ്ഥലത്തല്ല, സ്വകാര്യ വ്യക്തിയുടെ ഉടമസ്ഥതയിലുള്ള ഭൂമിയില്‍ ഏറെ കാലമായി നിലകൊള്ളുന്ന ആരാധനാലയമാണ് അക്രമിക്കപ്പെട്ടത്. പള്ളിയില്‍ ആളുകളെകൂട്ടി പ്രദേശത്ത് മുസ്‌ലിം സാന്നിധ്യം വര്‍ധിപ്പിക്കാനുള്ള നീക്കമാണ് നടക്കുന്നതെന്ന വാദമുയര്‍ത്തി യാണ് അക്രമികള്‍ മസ്ജിദ് അക്രമിച്ചത്. തീവ്ര ഹിന്ദുത്വ ഗ്രൂപ്പുകളാണ് അക്രമത്തിന് പിന്നില്‍. സംഭവം പരാമര്‍ശിക്കാനുള്ള കാരണം കുറച്ച് ദിവസങ്ങള്‍ക്ക് മുമ്പാണ്ആര്‍.എസ്.എസ് നേതാവ് മോഹന്‍ ഭാഗവതും ഉയര്‍ന്ന ഉദ്യോഗങ്ങളില്‍നിന്ന് വിരമിച്ച വരേണ്യപാശ്ചാത്തലമുള്ള ചില മുസ്‌ലിം വ്യക്തികളും തമ്മിലുള്ള കൂടിക്കാഴ്ച നടന്നത്. ആര്‍.എസ്.എസ് പ്രത്യേകിച്ച് മോഹന്‍ ഭാഗവത് മുസ്‌ലിംകളോട് പുതിയ സമീപനം സ്വീകരിച്ചേക്കുമെന്ന ചിലരുടെ വാദങ്ങള്‍ ദൈനംദിന മുസ്‌ലിംവിരുദ്ധ അതിക്രമങ്ങള്‍ തുടരുമ്പോള്‍ അപഹാസ്യവും പരിഹാസ്യവുമാവുകയാണ്.സ്വകാര്യ വ്യക്തികള്‍ എന്നതിലുപരിമുസ്‌ലിം പ്രശ്‌നങ്ങള്‍ ആര്‍.എസ്.എസ് നേതാവിന് മുമ്പാകെ അവതരിപ്പിക്കാനുള്ള സംഘമായി തങ്ങളെ സ്വയം അവരോധിച്ചാണ് അഞ്ചംഗ സംഘം ഈ ഉദ്യമത്തിനിറങ്ങിയത്. ഇവരുടെ സംഘ്പരിവാരവുമായുള്ള സംഭാഷണം ആര്‍.എസ്.എസ് മുസ്‌ലിംകളുമായി അടുക്കുന്നതിന്റെ സൂചനായി പോലും ചിലര്‍ വിലയിരുത്തി. മാറ്റത്തിന്റെ തുടക്കമാണിതെന്നും അവര്‍ പ്രത്യാശ പ്രകടിപ്പിച്ചു.

ഡയലോഗ് അല്ലാതെ മറ്റെന്ത് ഓപ്ഷനാണ് രാജ്യത്തെ മുസ്‌ലിംകള്‍ക്കുള്ളതെന്ന, പുറമേ നിരുപദ്രവകരവും എന്നാല്‍ യഥാര്‍ഥ തലത്തില്‍ അപകടകരവുമായ വാദമാണിവര്‍ ഉയര്‍ത്തുന്നത്. ഉത്തരേന്ത്യയില്‍ പ്രവര്‍ത്തിക്കുന്ന മത സംഘടനയുടെ നേതാവ് പറഞ്ഞത്: ‘അല്ലങ്കില്‍ തന്നെ മോഹന്‍ ഭാഗവതിന് മുസ്‌ലിംകളോട് യാതൊരു വിരോധവുമില്ലെന്ന് തനിക്കറിയാമെന്നാണ്’. ആര്‍.എസ്.എസ് തങ്ങളുടെ ഹിന്ദുത്വ അജണ്ടയില്‍നിന്ന് മാറി മതനിരപേക്ഷതയെ സ്വീകരിക്കുകയാണെന്നാണോ ഇതില്‍നിന്ന് മനസ്സിലാക്കേണ്ടത്. അതല്ല ആര്‍.എസ്.എസിന്റെ മറ്റൊരു രാഷ്ട്രീയ കാപട്യമാണോ നീക്കത്തിന്പിന്നിലുള്ളത്? സംഭാഷണത്തില്‍ ഉയര്‍ത്തപ്പെട്ടതും പരാമര്‍ശിക്കാതെ വിട്ടതുമായ കാര്യങ്ങളും കൂടിക്കാഴ്ചക്ക് ശേഷം ആര്‍.എസ്.എസും മോഹന്‍ഭാഗവത് തന്നെയും എടുത്ത നിലപാടുകളും അവര്‍ നേതൃത്വം നല്‍കുന്ന കേന്ദ്ര സംസ്ഥാന സര്‍ക്കാരുകള്‍ സ്വീകരിച്ച നടപടികളും സംഘ്പരിവാറിന്റെ മറ്റൊരു കാപട്യം നിറഞ്ഞ തന്ത്രമായി മാത്രമേ ഈ കൂടിക്കാഴ്ചയെ കാണാനാവൂ എന്ന് കൂടുതല്‍ സ്പഷ്ടമാക്കുകയാണ് ചെയ്യുന്നത്.

കൂടിക്കാഴ്ചയുടെ
പശ്ചാത്തലം

ദീര്‍ഘകാലം സര്‍ക്കാര്‍ സര്‍വീസിലിരുന്ന, ഉന്നതപദവികള്‍ അലങ്കരിച്ചിരുന്നവരാണ് മോഹന്‍ ഭാഗവതിനെ കണ്ടത്. എസ്.വൈ ഖുറേഷി മുന്‍ തിരഞ്ഞെടുപ്പ് കമ്മീഷണറായിരുന്നു. നജീബ് ജംഗ് ജാമിഅ മില്ലിയ വി.സി, ഡല്‍ഹി ലെഫ്റ്റനന്റ് ഗവര്‍ണര്‍ തുടങ്ങി പ്രധാന പദവികള്‍ വഹിച്ചിട്ടുണ്ട്. ജനറല്‍ സമീറുദ്ദീന്‍ഷാ പട്ടാള ഉദ്യോഗസ്ഥനായിരുന്നു. മറ്റു രണ്ടു പേരും സമാനമായ രീതിയില്‍ രാജ്യ പുരോഗതിയില്‍ തങ്ങളുടെതായ പങ്ക് വഹിച്ചവരാണ്. ഓഗസ്റ്റ് മാസാവസാനമാണ് കൂടിക്കാഴ്ച നടന്നതെങ്കിലും ഇതു സംബന്ധിച്ച വിവരങ്ങള്‍ പുറത്ത്‌വന്നത് ആഴ്ചകള്‍ കഴിഞ്ഞാണ്. അതും ചില മാധ്യമ പ്രവര്‍ത്തകര്‍ വിവരം പുറത്ത്‌വിട്ടപ്പോള്‍ മാത്രം. വാര്‍ത്തയായപ്പോള്‍ തങ്ങളുടെ ഭാഗം വിശദീകരിക്കാന്‍ രംഗത്തെത്തിയത് എസ്. വൈ ഖുറേഷിയും നജീബ് ജംഗുമാണ്. ഖുറേഷിയേക്കാള്‍ മോഹന്‍ ഭാഗവതിനെ ഏറെ പ്രതീക്ഷയോടെ നോക്കിക്കാണുന്നത് നജീബ് ജംഗ് ആണെന്നാണ് അദ്ദേഹം നല്‍കിയ അഭിമുഖങ്ങളില്‍നിന്ന് മനസ്സിലാവുക. ഡല്‍ഹി ഭരണാധികാരിയായിരുന്ന നാളുകളില്‍ ബി.ജെ.പിക്ക് സര്‍വസമ്മതനായിരുന്നു അദ്ദേഹം. ഒന്നാം കെജ്രിവാള്‍ സര്‍ക്കാറിനെതിരെ ആദ്യം വാളോങ്ങിയതും അദ്ദേഹമായിരുന്നു. കൊറോണക്കുമുമ്പ് താനും ഭാഗവതുമായി ചര്‍ച്ച നടന്നിരുന്നുവെന്നും അതിന്റെ തുടര്‍ ചര്‍ച്ചകളില്‍ സുഹൃത്തുക്കളെകൂടി പങ്കെടുപ്പിച്ചതാണെന്നുമാണ് നജീബ് ജംഗിന്റെ വാദം. ആര്‍.എസ്.എസ് പരമോന്നത നേതാവിന്റെ ചിട്ടയായതും ആഢംബര രഹിതവുമായ ജീവിതം തങ്ങളെ ആകര്‍ഷിച്ചെന്നും കൂടിക്കാഴ്ചയില്‍ പങ്കെടുത്തവര്‍ പറയുകയുണ്ടായി. കൂടിക്കാഴ്ചാ വാര്‍ത്ത യെ ആര്‍.എസ്.എസ് നിഷേധിച്ചില്ലെന്ന് മാത്രമല്ല നടന്നതായി സൂചനയും നല്‍കി. ഡല്‍ഹി സര്‍വകലാശാല അധ്യാപകനും രാജ്യസഭാംഗവുമായ ഹിന്ദുത്വ ചിന്തകന്‍ രാകേഷ് സിന്‍ഹ പ്രമുഖ ഇംഗ്ലീഷ് പത്രത്തില്‍ സംഘ്പരിവാര്‍ നീക്കത്തെ ശ്ലാഘിച്ചു വിലയിരുത്തിയും മുസ്‌ലിംകളെ ഉപദേശിച്ചും ലേഖനവുമെഴുതി.

ചോദ്യങ്ങള്‍ ഉത്തരങ്ങള്‍

മോഹന്‍ ഭാഗവതുമായുള്ള കൂടിക്കാഴ്ചയിലുന്നയിച്ചതിനേക്കാള്‍ ഗൗരവകരമായ ചോദ്യങ്ങളാണ് ഉന്നയിക്കപ്പെടാതെ പോയ പല ചോദ്യങ്ങളും. ഒരു യോഗത്തില്‍ എല്ലാം പറയാന്‍ കഴിയില്ലല്ലോ എന്നാണ് അഞ്ചംഗ സംഘം ഇതിന് നല്‍കിയ മറുപടി. രാജ്യത്തെ മുസ്‌ലിംകളെയാകെ ജിഹാദി എന്ന് വിളിക്കുന്നതിനെ പറ്റിയുള്ള സങ്കട ഹരജിയാണ് പ്രധാനമായും അഞ്ചംഗസംഘം ഭാഗവതിനു മുമ്പാകെ വെച്ചത് എന്നാണ് അവരുടെ വാക്കുകളില്‍നിന്ന് മനസ്സിലായത്. ജിഹാദി വിളി ഉടന്‍ അവസാനിപ്പിക്കണമെന്ന് മോഹന്‍ ഭാഗവത് അനുകൂലമായി പ്രതികരിച്ചതായി ഇവര്‍ അവകാശപ്പെടുകയും ചെയ്തു. കൂടിക്കാഴ്ച കഴിഞ്ഞ് നാളിത്രയായിട്ടും സര്‍സംഘ് ചാലക് അത്തരമൊരു ആഹ്വാനം അണികളോട് നടത്തിയിട്ടില്ല. പൊതുഇടങ്ങളിലും സൈബറിടങ്ങളിലും സംഘ്പരിവാര്‍ അനുകൂലികളും നേതാക്കളും മുസ്‌ലിംകളെ രാജ്യ വിരുദ്ധരാക്കുന്നത് തുടരുകയും ചെയ്യുന്നു. രാജ്യത്തെ ഏറ്റവും വലിയ ന്യൂനപക്ഷ വിഭാഗത്തെ പാകിസ്താന്‍ പക്ഷപാതികളും ആഭ്യന്തര ശത്രുവായും ചിത്രീകരിച്ച് അവഹേളിച്ചത് സംഘ്പരിവാരമാണ്. മുന്‍ പരമോന്നത നേതാവും സംഘ ബുദ്ധികേന്ദ്രവുമായിരുന്നഗോള്‍വാള്‍ക്കര്‍ വിചാരധാരയില്‍ ഇത് വ്യക്തമായി പറഞ്ഞിട്ടുണ്ട്.

സമകാലിക രാഷ്ട്രീയ പരിതസ്ഥിതിയില്‍ ഇന്ത്യന്‍ മുസ്‌ലിമിന്റെ അസ്തിത്വത്തെ പ്രതിസന്ധിയിലാക്കി ഭരണഘടനാവകാശങ്ങളെതന്നെ ഇല്ലാതാക്കുന്ന പൗരത്വ ഭേദഗതി നിയമമോ ആള്‍ക്കൂട്ട ആക്രമണങ്ങളോ, ഗ്യാന്‍വാപി പള്ളിയോ ഹിജാബ് വിവാദമോ ഉള്‍ക്കൊള്ളിക്കപ്പെടാത്ത ചര്‍ച്ചക്ക് എന്ത് പ്രസക്തിയാണുള്ളത്. എല്ലാവരും ഹിന്ദുക്കളാണെന്നും മുസ്‌ലിംകളും ക്രിസ്ത്യാനികളുമൊക്കെ ആ നിര്‍വചനത്തില്‍ ഉള്‍ക്കൊള്ളിക്കപ്പെടുമെന്നുമാണ് മോഹന്‍ ഭാഗവത് കരുതുന്നതെന്നും അവര്‍ പറയുന്നു. ഭാഗവത് തന്നെ ഇത് ഇതിന് മുമ്പും പറഞ്ഞിരുന്നു. പുണ്യഭൂമിയും പിതൃഭൂമിയും ഇന്ത്യയായിരിക്കുന്നവരാണ് ഇന്ത്യക്കാരെന്നായിരുന്നു സവര്‍ക്കര്‍ പ്രഖ്യാപിച്ചത്. ഇന്ത്യക്ക് പുറത്തുള്ള ജറുസലേമിനേയും മക്കയേയും മദീനയേയും പുണ്യഭൂമിയായി കാണുന്നവരെ ഇന്ത്യക്കാരായി കാണില്ലെന്നും അദ്ദേഹം സിദ്ധാന്തിച്ചിരുന്നു. സംഘ്പരിവാരത്തിന്റെ പ്രത്യയശാസ്ത്ര അടിത്തറ അതാണ്. എന്നാല്‍ പിന്നീട്‌വന്ന സംഘ ബുദ്ധിജീവി ഗോള്‍വാക്കര്‍ വ്യത്യസ്തവും എന്നാല്‍ കൂടുതല്‍ അപകരവുമായ വ്യാഖ്യാനമാണ് അതിന് നല്‍കിയത്. ഇന്ത്യന്‍ മതവിശ്വാസങ്ങളെ അംഗീകരിച്ച് ദൈവങ്ങളെ അംഗീകരിച്ച് ഭൂരിപക്ഷത്തിന്റെ സാംസ്‌കാരിക ചിഹ്നങ്ങളുമായി ഇഴകിച്ചേര്‍ന്ന്(രണ്ടാംകിട പൗരന്മാരെ പോലെ) ജീവിച്ചാല്‍ മുസ്‌ലിംകളാദി ന്യൂനപക്ഷങ്ങള്‍ക്ക്‌രാജ്യത്ത് ജീവിക്കാമെന്ന് പ്രഖ്യാപിച്ചു. സ്വതന്ത്ര ഇന്ത്യയിലെ ഹിന്ദുത്വ ചിന്തകരില്‍ പ്രമുഖനായ ബല്‍റാജ്മധോക് എന്നയാളും സമാന ചിന്തയാണ് മുന്നോട്ട്‌വെച്ചത്. ഇന്ത്യന്‍വത്കരണം എന്നത് ഹിന്ദുവത്കരണം എന്നതാണ് ആര്‍.എസ്.എസ് മുന്നോട്ട്‌വെക്കുന്ന ദേശീയത. മോഹന്‍ ഭാഗവതിന്റെ വാക്കുകളും ഈ വാദത്തിന്റെതുടര്‍ച്ച മാത്രമാണ്. അവിശ്വാസി വിശ്വാസി എന്നീ ദ്വന്ദങ്ങളാണ് സെമിറ്റിക് മതങ്ങളുടെ ആശയഘടനയെ രൂപപ്പെടുത്തുന്നതെന്ന് അറിയാത്ത ആളൊന്നുമല്ല ഭാഗവത്. അതറിഞ്ഞിട്ടും അദ്ദേഹത്തിന് കാഫിര്‍ എന്ന പദം മുസ്‌ലിംകള്‍ ഉപയോഗിക്കാന്‍ പാടില്ലെന്നാണ് നിലപാട്. അതിന് നജീബ് ജംഗ് സര്‍വാത്മനാ സമ്മതം മൂളുകയും ചെയ്തത്രേ. കഴിഞ്ഞ പാര്‍ലമെന്റ് സമ്മേളനത്തില്‍ മധ്യപ്രദേശില്‍ നിന്നുള്ള ബി.ജെ.പി എം.പി ഏകദൈവത്തിലുള്ള വിശ്വാസമാണ് തീവ്രവാദമെന്ന് പ്രഖ്യാപിച്ചിരുന്നു. എല്ലാവരെയും ഉള്‍ക്കൊള്ളുന്ന സമഭാവനയുടെ മതനിരപേക്ഷ ആശയമായിരുന്നു മോഹന്‍ ഭാഗവത് വെച്ച്പുലര്‍ത്തുന്നതെങ്കില്‍ അദ്ദേഹം ബി.ജെ.പി എം.പിയെ തിരുത്തുമായിരുന്നു. അതുണ്ടായില്ലെന്ന് മാത്രമല്ല, പലപ്പോഴും ഇന്ത്യന്‍ മുസ്‌ലിമിനെ അപരവത്കരിച്ച് മാറ്റിനിര്‍ത്താനാണ് ആര്‍.എസ്.എസ് ശ്രമിച്ചിട്ടുള്ളത്. ആര്‍.എസ്.എസിന്റെ ഹിന്ദു എന്ന നിര്‍വചനത്തില്‍ മുസ്‌ലിംകളും ക്രിസ്ത്യാനികളും ഉള്‍പ്പെടുമെങ്കില്‍ എന്തിനാണ് ചില സമുദായങ്ങള്‍ ജനസംഖ്യാസന്തുലിതാവസ്ഥയെ വെല്ലുവിളിക്കാന്‍ നോക്കുന്നുവെന്ന് മോഹന്‍ ഭാഗവതും ആര്‍.എസ്.എസും വിലപിക്കുന്നത്. കൂടിക്കാഴ്ചക്ക് ശേഷവും ഈ ആരോപണം ഉന്നയിക്കുകവഴി തങ്ങളുടെ നിലപാടില്‍ മാറ്റമില്ലെന്ന് തന്നെയാണ് മോഹന്‍ ഭാഗവത് പ്രഖ്യാപിച്ചിരിക്കുന്നത്.

ആര്‍.എസ്.എസ് തന്ത്രം

പാര്‍ലമെന്ററി വോട്ട് സമവാക്യത്തില്‍ ഭരണം പിടിക്കാനായെങ്കിലും ഭരണഘടനാമൂല്യങ്ങള്‍ പ്രകാരം ധാര്‍മികമായി യാതൊരു ഔന്നിത്യവുമില്ലാത്ത സംഘ്പരിവാര്‍ പ്രത്യയശാസ്ത്രത്തെ വെള്ളപൂശാന്‍ മാത്രമേ ഇത്തരം ഇടപെടല്‍ കൊണ്ട് സാധിക്കൂ. ഭരണഘടനാസ്ഥാനത്തുള്ളവരോട് സംഭാഷണങ്ങളിലേര്‍പ്പെടുന്നതിന്പകരം വര്‍ഗീയ ഫാഷിസ്റ്റ് നയങ്ങളുടെ നീണ്ടകാല ചരിത്രമുള്ള ആര്‍.എസ്.എസിനെ സംസാരിച്ച് നന്നാക്കിയെടുക്കാമെന്ന ചിന്ത ബാലിശമാണ്. ഗാന്ധി പോലും ശ്രമിച്ച് പരാജയപ്പെട്ട കാര്യമാണത്. ഫാഷിസത്തിന്റെ വിളയിടങ്ങളില്‍ അവരുടെ പ്രത്യയശാസ്ത്രം വേര് പിടിക്കാതിരിക്കാനുള്ള ശ്രമങ്ങള്‍ക്ക് നേതൃത്വം നല്‍കുക എന്നതാണ് കാലഘട്ടം ആവശ്യപ്പെടുന്ന ദൗത്യം. അല്ലാതെ അവരോട് സംസാരിച്ച് അവര്‍ക്ക് രാജ്യത്തിന്റെ പൊതു മനഃസാക്ഷിയില്‍ ഇതുവരെ ലഭിക്കാത്ത സാധുത നിര്‍മിച്ചുനല്‍കലല്ല. നീതിയുടെ അളവുകോല്‍ വോട്ടും അധികാരവും മാത്രമല്ലെന്ന് ലോകചരിത്രം പലവുരു പഠിപ്പിച്ചതാണ്. ശുദ്ധന്മാര്‍ ചിലപ്പോള്‍ ദുഷ്ടന്റെ ഫലം ചെയ്‌തേക്കുമെന്ന ചൊല്ല് വെറുതയല്ല പഴമക്കാര്‍ പറഞ്ഞ് വെച്ചതെന്നാണ് അഞ്ചംഗ സംഘത്തിന്റെ ആര്‍.എസ്.എസ് ദൗത്യം കണ്ടപ്പോള്‍ തോന്നിയത്.

കഴിഞ്ഞ മാര്‍ച്ച് 19 നാണ് ഉത്തര്‍പ്രദേശിലെ ഝാന്‍സി റെയില്‍വേ സ്റ്റേഷനില്‍ വെച്ച് കന്യാസ്ത്രീകള്‍ക്ക് നേരെ കയ്യേറ്റശ്രമമുണ്ടായത്. തിരുഹൃദയ സന്യാസി സമൂഹത്തിന്‍റെ ഡല്‍ഹി പ്രൊവിന്‍സിലെ മലയാളി അടക്കമുള്ള നാല് കന്യാസ്ത്രീകള്‍ക്ക് നേരെയാണ് കയ്യേറ്റ ശ്രമമുണ്ടായത്.

രണ്ട് പേര്‍ സന്യാസ വേഷത്തിലും മറ്റുള്ളവര്‍ സാധാരണ വേഷത്തിലും ആയിരുന്നു. മതം മാറ്റാന്‍ ഒപ്പമുള്ള രണ്ട് പെണ്‍കുട്ടികളെ കൊണ്ടുപോകുന്നുവെന്നാരോപിച്ചാണ് ആക്രമണത്തിന് ചിലര്‍ ശ്രമിച്ചത്. തീവണ്ടിയില്‍ നിന്ന് ബലം പ്രയോഗിച്ച് പുറത്തിറക്കുകയും ചെയ്തിരുന്നു. അക്രമത്തിന്‍റെ വീഡിയോ ദൃശ്യം പ്രചരിച്ചതോടെയാണ് വിഷയം വാര്‍ത്തയായത്.

ആര്‍എസ്എസിന്റെ രണ്ടാമത്തെ സര്‍സംഘ്ചാലകായ ഗോള്‍വാള്‍ക്കറാണ് ആര്‍എസ്എസ് പിന്തുടരുന്ന വര്‍ഗീയവും വംശീയവുമായ ആശയങ്ങള്‍ക്ക് രൂപം നല്‍കിയത്. അദ്ദേഹം രചിച്ച വിചാരധാര, നാം നമ്മുടെ രാഷ്ട്രം നിര്‍വചിക്കപ്പെടുന്നു എന്നീ പുസ്തകങ്ങളാണ് ആര്‍എസ്എസ് പിന്തുടരുന്ന വര്‍ഗീയ നിലപാടുകളുടെ അടിസ്ഥാന ഗ്രന്ഥങ്ങള്‍. ആര്‍എസ്എസ് മുഖപത്രമായ ഓര്‍ഗനൈസറില്‍ അദ്ദേഹമെഴുതിയ ലേഖനങ്ങളും കടുത്ത വര്‍ഗീയ നിലപാടുകള്‍ ഉള്ളതാണ്.

ഗോള്‍വാള്‍ക്കറുടെ പേരിടാനുള്ള തീരുമാനം വന്നതോടെ കേരളത്തിലെ രാഷ്ട്രീയ നേതാക്കളും ബുദ്ധിജീവികളും അദ്ദേഹത്തിന്റെ അടിത്തറ മാന്തി പുറത്തിട്ടു. കടുത്ത വംശീയവാദിയായിരുന്ന ഗോള്‍വാള്‍ക്കറുടെ യഥാര്‍ത്ഥ മുഖം വെളിപ്പെട്ടതോടെ ബിജെപി നേതാക്കള്‍ ശരിക്കും പ്രതിരോധത്തിലായി. ഗോള്‍വാള്‍ക്കര്‍ക്കെതിരെ ഉയര്‍ന്ന ഒരു ആരോപണത്തിനും കൃത്യമായി മറുപടി പറയാന്‍ ബിജെപി നേതാക്കള്‍ക്കായില്ല. പകരം നെഹ്‌റു വള്ളം തുഴഞ്ഞിട്ടാണോ നെഹ്‌റു ട്രോഫി വള്ളംകളിയെന്ന് പേരിട്ടത് എന്നത് പോലുള്ള മുടന്തന്‍ ന്യായങ്ങളാണ് ബിജെപിയുടെ മുതിര്‍ന്ന നേതാക്കള്‍ പോലും ഉന്നയിച്ചത്. ട്രോളന്‍മാര്‍ക്ക് മറുപടി പറയാവുന്ന തരത്തിലുള്ള വിശദീകരണങ്ങളാണ് ഈ വിഷയത്തില്‍ ബിജെപി നേതാക്കളില്‍ നിന്നുണ്ടായത്.

ഗോള്‍വാള്‍ക്കറുടെ യഥാര്‍ത്ഥമുഖം തുറന്നുകാട്ടപ്പെട്ടതോടെ ബിജെപി നേതാക്കള്‍ അടവുമാറ്റി. പേരിട്ടില്ലെങ്കില്‍ വേണ്ട ഞങ്ങളുടെ ആരാധ്യനായ ജിയെ അപമാനിക്കരുതെന്നായിരുന്നു കഴിഞ്ഞ ദിവസം കെ.സുരേന്ദ്രന്‍ പറഞ്ഞത്. രാജീവ് ഗാന്ധി സെന്റര്‍ ഫോര്‍ ബയോടെക്‌നോളജിയുടെ ആക്കുളത്തുള്ള പുതിയ ക്യാമ്പസിന് ഗോള്‍വാള്‍ക്കറുടെ പേരിടാനായിരുന്നു കേന്ദ്രത്തിന്റെ തീരുമാനം. ഇതാണ് പുതിയ വിവാദങ്ങള്‍ക്ക് കാരണമായത്.

ആയുധ പൂജ… ഞാനും നിങ്ങളും ഇന്ന് സ്വതന്ത്രരായി ആത്മാഭിമാനത്തോടെ ജീവിക്കുന്നത് ഭവാനി ദേവിക്ക് മുന്നില്‍ ഉടവാള്‍ വെച്ചു വണങ്ങി ശത്രുവിനോട് പോരാടാനുറച്ച് എഴുന്നേറ്റ വീര ശിവജിയുടെയും മറാത്തകളുടെയും വീര്യത്തിന്റെയും ത്യാഗത്തിന്റെയും തണലിലാണ്…. ആയുധം താഴെ വെയ്ക്കാന്‍ ഇനിയും സമയമായിട്ടില്ല… ശത്രു നമുക്കിടയില്‍ പതിയിരിക്കുവോളം ആയുധം ഉപേക്ഷിക്കുന്നത് ആത്മഹത്യാപരമാണ്… മറ്റൊരു പാകിസ്ഥാനോ ബംഗ്ലാദേശോ താലിബാനോ അല്ല വരും തലമുറയ്ക്ക് സമ്മാനിക്കേണ്ടതെങ്കില്‍ വിശ്രമത്തിനുള്ള സമയമല്ല ഇത്….ദുര്‍ഗ്ഗാ ദേവി അനുഗ്രഹിക്കട്ടെ…ജയ് ശിവാജി, ജയ് ഭവാനി-പ്രതീഷ് ഫെയ്‌സ്ബുക്കില്‍ കുറിച്ചു.

നിരന്തരം സോഷ്യല്‍ മീഡിയയില്‍ വര്‍ഗീയ വിദ്വേഷം പ്രചരിപ്പിക്കുകയും ആക്രമണത്തിന് പ്രേരിപ്പിക്കുകയും ചെയ്യുന്ന വ്യക്തിയാണ് ഇദ്ദേഹം. പക്ഷെ ഇതുവരെ യാതൊരു നടപടിയും ഇതിന്റെ പേരില്‍ സ്വീകരിക്കാന്‍ പൊലീസ് തയ്യാറായിട്ടില്ല. ഇത്രയും ആയുധങ്ങള്‍ കൈവശം വെക്കാനും പ്രദര്‍ശിപ്പിക്കാനും അദ്ദേഹത്തിന് സാധിക്കുന്നത് ഏത് നിയമത്തിന്റെ അടിസ്ഥാനത്തിലാണെന്ന് വ്യക്തമാക്കാനുള്ള ബാധ്യത സര്‍ക്കാറിനുണ്ട്. ആയുധം പ്രദര്‍ശിപ്പിക്കുകയും വിദ്വേഷം പ്രചരിപ്പിച്ച് കലാപത്തിന് ആഹ്വാനം ചെയ്യുകയുമാണ് അദ്ദേഹം ചെയ്തിരിക്കുന്നത്. ഇതിനെതിരെ യാതൊരു നടപടിയും സ്വീകരിക്കാന്‍ പൊലീസ് ഇതുവരെ തയ്യാറായിട്ടില്ല.

ഉത്തര്‍പ്രദേശില്‍ നിന്ന് വരുന്ന വാര്‍ത്തകള്‍ ഈ നീക്കത്തിന്റെ ഭാഗമാണെന്നാണ് വിലയിരുത്തപ്പെടുന്നത്. അധികാരത്തിന്റെ ശക്തി ഉപയോഗിച്ച് എതിര്‍ശബ്ദങ്ങളെ അടിച്ചമര്‍ത്തി ആദിത്യനാഥിന് വീരപരിവേഷം നല്‍കാനാണ് ബിജെപി ശ്രമിക്കുന്നത്. പൗരത്വനിയമത്തിനെതിരെ സമരം ചെയ്തവരെ ഏറ്റവും ക്രൂരമായി വേട്ടയാടിയ ഒരു സംസ്ഥാനം ഉത്തര്‍പ്രദേശായിരുന്നു. നിരപരാധികളായ മുസ്‌ലിം യുവാക്കളെ തിരഞ്ഞുപിടിച്ച് വേട്ടയാടിയ യുപി പൊലീസ് അവരുടെ സ്വത്ത് കണ്ടുകെട്ടുകയും ചെയ്തിരുന്നു. ഇപ്പോള്‍ ഹാത്രാസില്‍ പീഡനത്തിനിരയായ പെണ്‍കുട്ടിയുടെ മൃതദേഹം കുടുംബത്തിന് വിട്ടുകൊടുക്കാതെ ദഹിപ്പിച്ച് കുടുംബത്തെ വീട്ടുതടങ്കലിലാക്കുകയാണ് പൊലീസ് ചെയ്തത്. ഇതെല്ലാം ഉന്നതങ്ങളില്‍ നിന്നുള്ള നിര്‍ദേശമാണ് എന്നാണ് പൊലീസ് ഉദ്യോഗസ്ഥര്‍ പറയുന്നത്. ജനങ്ങള്‍ക്കിടയില്‍ ഭയവും വീരാരാധനയും ഒരുപോലെ സൃഷ്ടിച്ച് നേട്ടം കൊയ്യാനാണ് ബിജെപി ഇതിലൂടെ ശ്രമിക്കുന്നത്.

മോദി-അമിത് ഷാ കൂട്ടുകെട്ടിന്റെ ഏകാധിപത്യ പ്രവണതകളിലും ആര്‍എസ്എസ് നേതൃത്വത്തിന് അതൃപ്തിയുണ്ട്. ഇത് മറികടക്കാനും ആദിത്യനാഥിനെ ദേശീയ രാഷ്ട്രീയത്തിലേക്ക് കൊണ്ടുവരണമെന്ന് നേതൃത്വം ആഗ്രഹിക്കുന്നുണ്ട്. 2002ല്‍ ഗുജറാത്തില്‍ കലാപം സൃഷ്ടിച്ച് മോദിയെ ദേശീയ രാഷ്ട്രീയത്തിലേക്ക് കൊണ്ടുവന്നതുപോലെ ദളിതരേയും മുസ്‌ലിംകളേയും വേട്ടയാടി സവര്‍ണരെയും മധ്യവര്‍ഗത്തേയും കൂടെനിര്‍ത്താമെന്നാണ് ബിജെപി സ്വപ്‌നം കാണുന്നത്. മോദിയെക്കാള്‍ വലിയ ജനാധിപത്യവിരുദ്ധനാണ് താനെന്ന് തെളിയിക്കാനുള്ള ശ്രമങ്ങള്‍ ആദിത്യനാഥും നടത്തുന്നുണ്ട്. രാഹുല്‍ ഗാന്ധിയെ തടഞ്ഞതടക്കമുള്ള കാര്യങ്ങള്‍ അതിന്റെ തെളിവാണ്. മോദി-അമിത് ഷാ കാലത്തിന് ശേഷം കൂടുതല്‍ ഹിന്ദുത്വ അജണ്ടയിലേക്കാണ് രാജ്യം നീങ്ങുന്നത് എന്നാണ് ആര്‍എസ്എസ് നേതൃത്വത്തിന്റെ പുതിയ നീക്കങ്ങള്‍ തെളിയിക്കുന്നത്.

ആര്‍എസ്എസ് നോമിനിയായിരുന്നെങ്കിലും അമിത് ഷായുടെ വിശ്വസ്തനായി മാറിയതോടെ ആര്‍എസ്എസ് നേതൃത്വത്തിനും രാം മാധവിനോട് അതൃപ്തിയുണ്ട്. മോദി-ഷാ കൂട്ടുകെട്ടിന്റെ അപ്രമാദിത്വത്തില്‍ നിന്ന് ബിജെപിയെ മോചിപ്പിക്കാന്‍ ആര്‍എസ്എസ് നേതൃത്വം നീക്കം തുടങ്ങിയിട്ടുണ്ട്. അതുകൊണ്ട് തന്നെ ജെ.പി നദ്ദ നടത്തിയ നീക്കങ്ങളോട് ആര്‍എസ്എസ് നേതൃത്വം മൗനം പാലിക്കുകയായിരുന്നു.

മുകുള്‍ റോയ്, അന്നപൂര്‍ണ ദേവി, ബയ്ജന്ത് ജയ് പാണ്ഡ എന്നിവരാണ് പാര്‍ട്ടിയുടെ പുതിയ ദേശീയ വൈസ് പ്രസിഡന്റുമാര്‍. കര്‍ണാടകയില്‍ നിന്നുള്ള യുവ എംപിയും മുസ്‌ലിം വിരുദ്ധ നിലപാടുകളെ തുടര്‍ന്ന് വിവാദങ്ങളില്‍പ്പെടുകയും ചെയ്തിട്ടുള്ള തേജസ്വി സൂര്യയാണ് യുവമോര്‍ച്ചയുടെ പുതിയ ദേശീയ അധ്യക്ഷന്‍.

എം.പിയുടെ രണ്ട് വാരിയെല്ലുകള്‍ക്ക് പൊട്ടലും തലച്ചോറില്‍ രക്തം കട്ടപിടിച്ച നിലയിലുമാണുള്ളതെന്ന് ആസ്പത്രി അധികൃതര്‍ വ്യക്തമാക്കി. കഴിഞ്ഞ ദിവസം പ്രഭാത സവാരിക്കിറങ്ങിയ വഗേലയെ ഗാന്ധിനഗര്‍ സെക്ടര്‍ 21 ലെ സ്വന്തം വീടിന് മുന്നില്‍ വച്ചായിരുന്നു തെരുവ് പശു ആക്രമിച്ചത്. സംസ്ഥാനത്തെ ബി.ജെ.പിയുടെ മുതിര്‍ന്ന നേതാക്കളില്‍ ഒരാളും ലോക്‌സഭ എം.പിയുമായ ലീലാധര്‍ വഗേല ഗുജറാത്തിലെ മുന്‍ മന്ത്രി കൂടിയായിരുന്നു. ഗോവധത്തിന് ജീവപര്യന്തം തടവ് ശിക്ഷ വരെ ലഭിക്കുന്ന ഗുജറാത്തില്‍ തെരുവില്‍ അലഞ്ഞുതിരിയുന്ന പശു ഉള്‍പ്പെടെയുള്ള നാല്‍ക്കാലികളുടെ എണ്ണം വളരെയധികമാണ്.

ഇദ്ദേഹത്തിന്റെ അനുയായികളെയും വീഡിയോയില്‍ കാണാം. നാലുതരം തോക്കുകള്‍ മാറിമാറി കയ്യില്‍ ഉയര്‍ത്തിയാണ് ഇദ്ദേഹം നൃത്തം ചെയ്യുന്നത്. സമാന രീതിയില്‍ തോക്കുകള്‍ ഏന്തിയുള്ള ബോളിവുഡ് ഗാനങ്ങളെ അനുകരിച്ചാണ് ചുവടുവെച്ച്. ഇതേരീതിയിലുള്ള ‘തമന്‍ചേ പേ ഡിസ്‌കോ’ എന്ന ഗാനത്തെയടക്കം പിന്‍പറ്റിയായിരുന്നു പ്രകടനം. ഉത്തരാഖണ്ഡില്‍ നിങ്ങള്‍ക്കല്ലാതെ മറ്റാര്‍ക്ക് ഇത്തരത്തില്‍ ചെയ്യാന്‍ സാധിക്കുമെന്ന് ഒപ്പമുള്ളവരില്‍ ഒരാള്‍ ചോദിക്കുന്നത് വീഡിയോയിലുണ്ട്. ഉത്തരാഖണ്ഡില്‍ മാത്രമല്ല, ഇന്ത്യയില്‍ ഒരാള്‍ക്കും ചെയ്യാനാകില്ലെന്നാണ് ഇതിനുള്ള പ്രണവ് സിംഗിന്റെ മറുപടി.

BJP MLA Pranav Champion who was recently suspended from the party for threatening a journalist, seen in a viral video brandishing guns. Police says, "will look into the matter and also verify if the weapons are licensed or not." (Note: Abusive language) pic.twitter.com/AbsApoYR2g

— ANI (@ANI) July 10, 2019