Black money – Chandrika Daily

500 രൂപയുടെ കള്ളനോട്ടുകളുമായി വിദ്യാര്‍ത്ഥികള്‍ ഉള്‍പ്പെടെ അഞ്ചുപേര്‍ അറസ്റ്റില്‍

webdesk17 — Sat, 15 Nov 2025 13:00:44 +0000

കോഴിക്കോട്: ഫറോക്കില്‍ കള്ളനോട്ടുകള്‍ കൈവശം വച്ചതിന് വിദ്യാര്‍ത്ഥികള്‍ ഉള്‍പ്പെടെ അഞ്ച് പേര്‍ പൊലീസ് പിടിയിലായി. 500 രൂപയുടെ 57 കള്ളനോട്ടുകളും അച്ചടിയന്ത്രങ്ങളും പൊലീസ് പിടിച്ചെടുത്തു. രാമനാട്ടുകര, കൊണ്ടോട്ടി, അരിക്കോട്, മുക്കം പ്രദേശങ്ങളില്‍ കഴിഞ്ഞ രാത്രി നടത്തിയ പ്രത്യേക റെയ്ഡിലാണ് ഇവരെ പിടിക്കൂടിയത്.

രാമാനാട്ടുകര സ്വദേശി കെ. ഡിജിന്‍, അരിക്കോട് സ്വദേശികളായ അതുല്‍, അമ്ജിത് ഷാ, അഫ്നാന്‍ എന്നിവരെ പിടിക്കൂടി. ഡിജിന്റെ രാമനാട്ടുകരയിലെ വീട്ടില്‍ നടത്തിയ ആദ്യ റെയ്ഡിലാണ് 500 രൂപ മൂല്യമുള്ള 35 കള്ളനോട്ടുകളും 30 പേപ്പര്‍ ഷീറ്റുകളുമാണ് കണ്ടെത്തിയത്. കൂടാതെ പ്രിന്ററും പിടിച്ചെടുത്തു. പരിശോധനയില്‍ ഡിജിന്‍ നല്‍കിയ മൊഴിയെ തുടര്‍ന്ന് സംഘത്തിലെ മറ്റ് പ്രതികളെയും പൊലീസ് അറസ്റ്റ് ചെയ്തു. കള്ളനോട്ടുകള്‍ അച്ചടിച്ച് വിതരണം ചെയ്യുകയായിരുന്നു ഇവരെന്ന് പൊലീസ് അറിയിച്ചു. അഞ്ച് പേരുടെയും അറസ്റ്റ് രേഖപ്പെടുത്തിയിട്ടു

പാലക്കാട് വേലന്താളത്ത് കാറില്‍ ഒളിപ്പിച്ച് കൊണ്ടുവന്ന 1.3 കോടി രൂപ പിടികൂടി

webdesk17 — Sat, 08 Nov 2025 05:55:28 +0000

പാലക്കാട്: പാലക്കാട് വേലന്താളത്ത് രേഖകളില്ലാതെ കൊണ്ടുവന്ന ഒരു കോടി മുപ്പത് ലക്ഷം രൂപ പൊലീസ് പിടികൂടി. പണം കൊണ്ടുപോകുന്ന കാറിലുണ്ടായിരുന്ന രാമപുരം സ്വദേശി എസ്. സുഫിയാനെ പൊലീസ് കസ്റ്റഡിയിലെടുത്തു.

ലഹരി വസ്തുക്കള്‍ കൊണ്ടുവരുന്നതായാണ് സംശയിച്ച് പൊലീസ് വാഹനം പരിശോധനയ്ക്ക് വിധേയമാക്കിയത്. തുടര്‍ന്ന് കാറിന്റെ രഹസ്യ അറയില്‍ ഒളിപ്പിച്ച നിലയില്‍ പണം കണ്ടെത്തുകയായിരുന്നു.

പാലക്കാട് ജില്ലാ ലഹരിവിരുദ്ധ സ്‌ക്വാഡും കൊഴിഞ്ഞാമ്പാറ പൊലീസും ചേര്‍ന്നാണ് ഇന്ന് രാവിലെ ആറുമണിയോടെ വേലന്താളത്ത് പരിശോധന നടത്തിയത്. തമിഴ്‌നാട്ടില്‍ നിന്നും കേരളത്തിലേക്ക് കൊണ്ടുവന്ന പണമാണിത് എന്നാണ് പൊലീസ് സംശയിക്കുന്നത്.

സംഭവവുമായി ബന്ധപ്പെട്ട് സുഫിയാനെ ചോദ്യം ചെയ്യലിനായി പാലക്കാട് പൊലീസ് കസ്റ്റഡിയിലാക്കി, പണത്തിന്റെ ഉറവിടം സംബന്ധിച്ച് അന്വേഷണം ആരംഭിച്ചിട്ടുണ്ട്.

കള്ളനോട്ട്:സി.പി.ഐ നേതാവ് അടക്കം രണ്ടുപേർ അറസ്റ്റിൽ

Test User — Fri, 16 Dec 2022 01:47:21 +0000

ചാരുംമൂട്ടില്‍ കള്ളനോട്ട് മാറാനെത്തിയ മുന്‍ ഗ്രാമപഞ്ചായത്ത് പ്രസിഡന്‍റടക്കമുള്ള രണ്ടുപേര്‍ അറസ്റ്റില്‍.കൊല്ലം ഈസ്റ്റ് കല്ലട കൊടുവിള മുറിയില്‍ ക്ലീറ്റസ് (45), താമരക്കുളം പേരൂര്‍കാരാണ്മ അക്ഷയ് നിവാസില്‍ ലേഖ (38) എന്നിവരെയാണ് നൂറനാട് സി.ഐ പി. ശ്രീജിത്തിന്റെ നേതൃത്വത്തില്‍ അറസ്റ്റ് ചെയ്തത്. സി.പി.ഐക്കാരനായ ക്ലീറ്റസ്, ഈസ്റ്റ് കല്ലട പഞ്ചായത്തിന്റെ മുന്‍ പ്രസിഡന്‍റായിരുന്നു.സൂപ്പര്‍ മാര്‍ക്കറ്റില്‍ സാധനം വാങ്ങാനെത്തിയ സ്ത്രീ നല്‍കിയ 500 രൂപ നോട്ടില്‍ സംശയം തോന്നിയ ജീവനക്കാര്‍ നൂറനാട് പൊലീസില്‍ വിവരം അറിയിക്കുകയാരുന്നു. ലേഖയാണ് കള്ളനോട്ടുമായി സാധനം വാങ്ങാന്‍ എത്തിയത്.

സംശയം തോന്നിയ ജീവനക്കാര്‍ വിവരം നൂറനാട് സ്റ്റേഷനില്‍ അറിയിച്ചതോടെ പൊലീസെത്തി പരിശോധിച്ചപ്പോള്‍ പഴ്സില്‍നിന്ന് 500 രൂപയുടെ വേറെയും കള്ളനോട്ടുകള്‍ കണ്ടെത്തി. തുടര്‍ന്ന് ഇവരെ അറസ്റ്റ് ചെയ്തു. ചോദ്യം ചെയ്യലില്‍ പ്രതി കുറ്റം സമ്മതിക്കുകയായിരുന്നു. തുടര്‍ന്ന് ലേഖയുടെ വീട്ടില്‍ നടന്ന പരിശോധനയില്‍ 500 രൂപയുടെ കൂടുതല്‍ നോട്ടുകള്‍ കണ്ടെത്തി. അന്വേഷണത്തില്‍ ഇവര്‍ക്ക് കള്ളനോട്ട് നല്‍കിയത് കൊല്ലം ഈസ്റ്റ് കല്ലട കൊടുവിളമുറിയില്‍ പത്താം വാര്‍ഡില്‍ ക്ലീറ്റസാണെന്ന് മനസ്സിലാക്കി.ഇയാളെ വീടിനു സമീപത്തുനിന്ന് അറസ്റ്റ് ചെയ്യുകയായിരുന്നു. പ്രതികളെ റിമാന്‍ഡ് ചെയ്തു.

നോട്ട് നിരോധനത്തെ ന്യായികരിച്ച് കേന്ദ്ര സര്‍ക്കാര്‍ സുപ്രീംകോടതിയില്‍

Test User — Wed, 16 Nov 2022 15:07:14 +0000

ഡല്‍ഹി: സുപ്രീംകോടതിയില്‍ നോട്ട് നിരോധനത്തെ ന്യായികരിച്ച് കേന്ദ്ര സര്‍ക്കാര്‍. കള്ളപ്പണം തടയാനുള്ള നടപടിയുടെ ഭാഗമായിട്ടാണ് നോട്ട് നിരോധനം ഏര്‍പ്പെടുത്തിയതെന്ന് സര്‍ക്കാര്‍ കോടതിയില്‍ ന്യായികരിച്ചു. റിസര്‍വ് ബാങ്കിന്റെ ശിപാര്‍ശ പ്രകാരമാണ് നോട്ട് നിരോധനം ഏര്‍പ്പെടുത്തിയതെന്നും അതിനായി വിനിയോഗിച്ചത് പാര്‍ലമെന്റ് നല്‍കിയ അധികാരമാണെന്നുമാണ് സര്‍ക്കാര്‍ നല്‍കിയ സത്യവാങ്മൂലത്തില്‍ വ്യക്തമാക്കിയിരിക്കുന്നത്.

2016 ല്‍ കേന്ദ്രസര്‍ക്കാര്‍ കൊണ്ടുവന്ന നോട്ട് നിരോധനത്തില്‍ സുപ്രീംകോടതി ഇടപെട്ടിരുന്നു. മുമ്പ് ആവശ്യപ്പെട്ട പ്രകാരം സര്‍ക്കാര്‍ നല്‍കിയത് രണ്ട് പേജിലുള്ള സത്യവാങ്മൂലമായിരുന്നു. തുടര്‍ന്ന് വിശദമായി സത്യവാങ്മൂലം സമര്‍പ്പിക്കണമെന്ന കോടതി നിര്‍ദേശത്തെ തുടര്‍ന്നാണ് ഇപ്പോള്‍ വിശദീകരണം നല്‍കിയത്.

പച്ചക്കറി വണ്ടിയില്‍ പ്ലാസ്റ്റിക് കവറില്‍ പൊതിഞ്ഞ് 92.5 ലക്ഷം രൂപ; കടത്തുന്നതിനിടെ രണ്ടു പേര്‍ പിടിയില്‍

Test User — Wed, 19 Aug 2020 08:28:25 +0000

സുല്‍ത്താന്‍ ബത്തേരി: മതിയായ രേഖകളില്ലാതെ മൈസൂരില്‍ നിന്ന് കുറ്റ്യാടിയിലേക്ക് കടത്തിയ 92.5 ലക്ഷം രൂപ പിടികൂടി. പച്ചക്കറി വാഹനത്തില്‍ പ്ലാസ്റ്റിക് കവറില്‍ പൊതിഞ്ഞ നിലയിലായിരുന്നു പണം. സംഭവത്തില്‍ കുറ്റ്യാടി പാലക്കണ്ടി വീട്ടില്‍ നവാസ്, നടുക്കണ്ടി വീട്ടില്‍ എന്‍.കെ ഹാറൂണ്‍ എന്നിവര്‍ പിടിയിലായി. ലഹരി വിരുദ്ധ സ്‌ക്വാഡും പൊലീസും സംയുക്തമായി നടത്തിയ പരിശോധനയിലാണ് പണം കണ്ടെത്തിയത്.

മൂന്ന് പ്ലാസ്റ്റിക് കൂടുകളിലായി രണ്ടായിരത്തിന്റെയും അഞ്ഞൂരിന്റെയും നോട്ടുകളാണ് ഉണ്ടായിരുന്നത്. ഇന്നലെ വൈകിട്ട് അഞ്ചു മണിയോടെ മുത്തങ്ങയ്ക്കടുത്ത് അതിര്‍ത്തി പ്രദേശമായ തകരപ്പാടിയില്‍ ആയിരുന്നു വാഹന പരിശോധന. നാര്‍ക്കോട്ടിക് സെല്‍ ഡിവൈ.എസ്.പി രജികുമാര്‍, ബത്തേരി പൊലീസ് ഇന്‍സ്‌പെക്ടര്‍ ജി പുഷ്പകുമാര്‍, എസ്.ഐ കെ.സി മണി എന്നിവരുടെ നേതൃത്വത്തിലാണ് പണം പിടികൂടിയത്.

കോഴിക്കോട്ടും തിരുവനന്തപുരത്തും കള്ളനോട്ട് വേട്ട; ലക്ഷങ്ങളുടെ കള്ളനോട്ടും യന്ത്രങ്ങളുമായി ആറു പേര്‍ പിടിയില്‍

chandrika — Thu, 25 Jul 2019 15:41:51 +0000

തിരുവനന്തപുരം കോഴിക്കോട് ജില്ലകളില്‍ നടത്തിയ കള്ളനോട്ട് വേട്ടയില്‍ ലക്ഷങ്ങളുടെ കള്ളനോട്ടും അച്ചടി യന്ത്രങ്ങളുമായി ആറു പേര്‍ പിടിയില്‍. തിരുവനന്തപുരം ആറ്റിങ്ങലില്‍ ലക്ഷങ്ങളുടെ കള്ളനോട്ടുമായി നാലു പേര്‍ പിടിയിലായതിനെ തുടര്‍ന്നാണ് ഇവരുടെ സംഘത്തില്‍പ്പെട്ട ഒരാളെ കോഴിക്കോടു നിന്ന് പൊലീസ് പിടികൂടിയത്. കോഴിക്കോട് കുന്ദമംഗലത്തും ഫറോക്കിലും നടത്തിയ റെയ്ഡില്‍ കള്ളനോട്ടും അടിക്കാന്‍ ഉപയോഗിച്ച യന്ത്രങ്ങളും കണ്ടെത്തി. ഇവിടെ രണ്ട് പേരെ അറസ്റ്റ് ചെയ്തു. കുന്ദമംഗലം സ്വദേശി ഷമീറും ഫറോക്ക് സ്വദേശി അബ്ദുള്‍ റഷീദുമാണ് അറസ്റ്റിലായത്.

ആറ്റിങ്ങലില്‍ നിന്ന് ആറേമുക്കാല്‍ ലക്ഷം രൂപയുടെ കള്ളനോട്ടാണ് പിടികൂടിയത്. 2000, 200, 500 രൂപയുടെ കള്ളനോട്ടുകളാണിത്. നോട്ട് അച്ചടിക്കുന്ന യന്ത്രങ്ങളും കണ്ടെടുത്തു. ആറ്റിങ്ങല്‍ ഡിവൈ.എസ്.പിയുടെ നേതൃത്വത്തിലാണ് സംഘത്തെ പിടികൂടിയത്. സംഭവത്തിലെ മുഖ്യപ്രതി ഷമീറാണെന്ന് പൊലീസ് പറഞ്ഞു. ഷമീറിന്റെ വീട്ടില്‍ നടത്തിയ റെയ്ഡില്‍ 12 ലക്ഷം രൂപയുടെ കള്ളനോട്ടും നോട്ട് അച്ചടിക്കുന്ന യന്ത്രങ്ങളും കണ്ടെടുത്തു. ഷമീറിനു പുറമെ സഹായികളായ രാജന്‍, പത്രോസ്, നാസര്‍, വഹാബ് എന്നിവരും ആറ്റിങ്ങലില്‍ നിന്ന് പിടിയിലായി.
സംഘാംഗങ്ങളില്‍ നിന്ന് ലഭിച്ച വിവരത്തിന്റെ അടിസ്ഥാനത്തിലാണ് കോഴിക്കോട് ഫറോക്കില്‍ നിന്ന് 2,40,000 രൂപയുടെ കള്ളനോട്ട് പിടികൂടിയത്. കള്ളനോട്ട് കൈവശം വച്ച ഫറോക്ക് സ്വദേശിയായ റഷീദിനെയും പൊലീസ് കസ്റ്റഡിയിലെടുത്തു. തിരുവനന്തപുരത്ത് ആറ്റിങ്ങലില്‍ നിന്ന് ആറേമുക്കാല്‍ ലക്ഷം രൂപയുടെ കള്ളനോട്ടാണ് പിടികൂടിയത്. നോട്ട് അച്ചടിക്കുന്ന യന്ത്രങ്ങളും കണ്ടെടുത്തു. ഇവരില്‍ നിന്ന് ലഭിച്ച വിവരത്തെ തുടര്‍ന്നാണ് കോഴിക്കോട് റെയ്ഡ് നടത്തിയത്.

കള്ളപ്പണം വെളുപ്പിക്കല്‍ പദ്ധതി; ഗുജറാത്തികള്‍ നാലു മാസം കൊണ്ട് വെളുപ്പിച്ചത് 18,000 കോടി രൂപ

chandrika — Tue, 02 Oct 2018 14:41:06 +0000

അഹമ്മദാബാദ്: കേന്ദ്ര സര്‍ക്കാര്‍ കള്ളപ്പണം നികുതി അടച്ച്് വെളുപ്പിക്കുന്നതിനായി പ്രഖ്യാപിച്ച വരുമാനം പ്രഖ്യാപിക്കല്‍ പദ്ധതി (ഐ.ഡി.എസ്) വഴി ഗുജറാത്തികള്‍ നാലു മാസം കൊണ്ട് വെളുപ്പിച്ചത് 18,000 കോടി രൂപ. ഇത്തരത്തില്‍ രാജ്യത്ത് വെളുപ്പിച്ച കണക്കില്‍ പെടാത്ത പണത്തിന്റെ 29 ശതമാനമാണിത്. 2016 ജൂണ്‍-സെപ്തംബര്‍ കാലയളവിലാണ് ഇത്രയും പണം ഗുജറാത്തികള്‍ വെളുപ്പിച്ചെടുത്തത്.

ഇതിന് പിന്നാലെയാണ് നോട്ട് അസാധുവാക്കലും, തന്റെ കൈവശം 13,860 കോടി രൂപയുടെ അനധികൃത സ്വത്തുണ്ടെന്ന റിയല്‍ എസ്റ്റേറ്റ് വ്യവസായി മഹേഷ് ഷായുടെ വെളിപ്പെടുത്തലും വന്നത്. മഹേഷ് ഷായുടെ ഐ.ഡി.എസ് പിന്നീട് റദ്ദാക്കിയിരുന്നു. നികുതി ആദ്യ ഘടു നല്‍കിയില്ലെന്നതാണ് കാരണം.

ഇതു സംബന്ധിച്ച് ആദായ നികുതി വകുപ്പിന് വിവരാവകാശ നിയമപ്രകാരം 2016 ഡിസംബറില്‍ വിവരാവകാശം വഴി നല്‍കിയ അപേക്ഷക്ക് രണ്ട് വര്‍ഷത്തിന് ശേഷമാണ് ആദായ നികുതി വകുപ്പ് മറുപടി നല്‍കിയത്. രാഷ്ട്രീയ നേതാക്കള്‍ ഉന്നത ഉദ്യോഗസ്ഥര്‍ പൊലീസുകാര്‍ എന്നിവര്‍ ഇത്തരത്തില്‍ എത്ര പണം നികുതി അടച്ച് വെളുപ്പിച്ചെന്നത് സംബന്ധിച്ച് ആദായ നികുതി വകുപ്പ് മറുപടി നല്‍കിയിട്ടില്ല.

കള്ളപ്പണം ബിറ്റ്കോയിനിലൂടെ വെളുപ്പിച്ച കേസ്: മുന്‍ബി.ജെ.പി എം.എല്‍.എ അറസ്റ്റില്‍

chandrika — Mon, 10 Sep 2018 07:30:56 +0000

അഹമ്മദാബാദ്: ബിറ്റ്കോയിന്‍ കേസില്‍ ബി.ജെ.പി നേതാവും മുന്‍ എം.എല്‍.എയുമായ നളിന്‍ കൊട്ടാഡിയ അറസ്റ്റില്‍. ഞായറാഴ്ച് അഹമ്മദാബാദ് ക്രൈംബ്രാോഞ്ചാണ് കൊട്ടാഡിയയെ അറസ്റ്റു ചെയ്തത്.നോട്ടുനിരോധനത്തിനു പിന്നാലെ കൊട്ടാഡിയയുടെ നേതൃത്വത്തില്‍ 4,500 കോടി രൂപയുടെ കള്ളപ്പണം വെളുപ്പിച്ചെന്നാണ് കേസ്.

ക്രിമിനല്‍ ഇന്‍വെസ്റ്റിഗേഷന്‍ വിഭാഗം (സി.ഐ.ഡി) നടത്തിയ അന്വേഷണത്തിലാണ് നോട്ടുനിരോധനകാലത്ത് എം.എല്‍.എയായിരുന്ന നളിന്‍ കൊട്ടാഡിയ ഉള്‍പ്പെടെയുള്ളവര്‍ നടത്തിയ കള്ളപ്പണം വെളുപ്പിക്കല്‍ പുറത്തുവന്നത്. 2016 നവംബറിനും 2017 ജനുവരിക്കുമിടയിലുള്ള മൂന്ന് മാസത്തിനിടെയാണ് 4,500 കോടി രൂപയുമാണ് ക്രിപ്റ്റോകറന്‍സി, ബിറ്റ്കോയിന്‍ എന്നിവയിലേയ്ക്ക് മാറ്റി കള്ളപ്പണം വെളുപ്പിക്കല്‍ നടന്നതെന്നാണ് കണ്ടെത്തിയത്.

2012-17 കാലഘട്ടത്തില്‍ ഗുജറാത്തിലെ ധാരി മണ്ഡലത്തിലെ ബി.ജെ.പി എം.എല്‍.എയായിരുന്നു കൊട്ടാഡിയ. അഴിമതി നിരോധന നിയമപ്രകാരം ഐപിസി സെക്ഷന്‍ 364 എ, 384 (പിടിച്ചുപറി) എന്നീ വകുപ്പുകളാണ് കൊട്ടാഡിയ മേല്‍ ചുമത്തിയിരിക്കുന്നത്.

ഇന്ത്യക്കാരുടെ കള്ളപ്പണനിക്ഷേപത്തില്‍ 50 ശതമാനം വര്‍ധന; സ്വിറ്റ്‌സര്‍ലന്‍ഡില്‍ പണം നിക്ഷേപിച്ചവരുടെ മുഴുവന്‍ വിവരങ്ങളും അടുത്ത വര്‍ഷം ലഭിക്കുമെന്ന് ധനമന്ത്രി പിയൂഷ് ഗോയല്‍

chandrika — Fri, 29 Jun 2018 14:40:29 +0000

ന്യൂഡല്‍ഹി: സ്വിറ്റ്‌സര്‍ലന്‍ഡില്‍ കള്ളപ്പണം നിക്ഷേപിച്ചവരെ കുറിച്ചുള്ള മുഴുവന്‍ വിവരങ്ങളും അടുത്ത വര്‍ഷത്തോടെ ലഭിക്കുമെന്ന് കേന്ദ്ര ധനമന്ത്രി പിയൂഷ് ഗോയല്‍. സ്വിറ്റ്‌സര്‍ലന്‍ഡുമായി 2018 ജനുവരി ഒന്നിന് ഒപ്പിട്ട കരാര്‍ പ്രകാരം അടുത്ത വര്‍ഷത്തിന് മുമ്പായി കള്ളപ്പണം നിക്ഷേപിച്ചവരുടെ മുഴുവന്‍ വിവരങ്ങളും കൈമാറണമെന്ന് വ്യവസ്ഥയുണ്ടെന്നും മന്ത്രി പറഞ്ഞു. സ്വിറ്റ്‌സര്‍ലന്‍ഡില്‍ ഇന്ത്യക്കാരുടെ കള്ളപ്പണനിക്ഷേപത്തില്‍ 50 ശതമാനം വര്‍ധനയുണ്ടൊയെന്ന് സെന്‍ട്രല്‍ യുറോപ്യന്‍ നാഷന്‍ കണക്കുകള്‍ പുറത്ത് വിട്ടതിന് പിന്നാലെയാണ് മന്ത്രിയുടെ പുതിയ പ്രസതാവന.

Finance Minister Piyush Goyal said that an agreement between India and Switzerland will provide them with all data on black money by the end of the next accounting year

Read @ANI story| https://t.co/zKBaMW19B1 pic.twitter.com/2b9WTRVUon

— ANI Digital (@ani_digital) June 29, 2018

ഇന്ത്യയും സ്വിറ്റ്‌സര്‍ലന്‍ഡും തമ്മില്‍ 2018 ജനുവരി ഒന്നിന് ഒപ്പിട്ട കരാറിന്റെ വ്യവസ്ഥ പ്രകാരം അടുത്ത വര്‍ഷത്തിന് മുമ്പായി പണം നിക്ഷേപിച്ചവരുടെ മുഴുവന്‍ വിവരങ്ങളും സ്വിറ്റ്‌സര്‍ലന്‍ഡ് ഇന്ത്യക്ക് കൈമാറും. കള്ളപണം നിക്ഷേപിച്ചവരെ കുറിച്ചുള്ള മുഴുവന്‍ വിവരങ്ങളും ലഭിക്കും, ആരെങ്കിലും തെറ്റ് ചെയ്തിട്ടുണ്ടെന്ന് ബോധ്യമായാല്‍ കര്‍ശന നടപടി ഉണ്ടാകും.പിയുഷ് ഗോയല്‍ വ്യക്തമാക്കി. അതേസമയം, വിവരങ്ങള്‍ ലഭിച്ചാല്‍ ഇക്കാര്യത്തില്‍ എന്ത് നടപടി സ്വീകരിക്കുമെന്ന് മന്ത്രി വ്യക്തമാക്കിയിട്ടില്ല.

കള്ളപ്പണ നിരോധന നിയമത്തിലെ വ്യവസ്ഥകള്‍ ഭരണഘടനാ വിരുദ്ധമെന്ന് സുപ്രീം കോടതി

chandrika — Thu, 23 Nov 2017 16:24:06 +0000

ന്യൂഡല്‍ഹി: കള്ളപ്പണ നിരോധന നിയമത്തിലെ ജാമ്യത്തിനുള്ള കര്‍ശന ഉപാധികള്‍ സുപ്രീം കോടതി റദ്ദാക്കി. ഇവ ഭരണഘടനാ വിരുദ്ധമാണെന്ന് സുപ്രീം കോടതി വ്യക്തമാക്കി. കള്ളപ്പണ ഇടപാടുകളില്‍ കുറ്റക്കാരാണെന്ന് കണ്ടെത്തുന്നവര്‍ക്ക് ശിക്ഷ നല്‍കാന്‍ ഏറ്റവും സഹായകരമായ വ്യവസ്ഥകളാണിതെന്ന കേന്ദ്ര സര്‍ക്കാറിന്റെ വാദത്തിനേറ്റ കനത്ത തിരിച്ചടി കൂടിയാണ് സുപ്രീം കോടതിയുടെ വിധി. ജസ്റ്റിസ് രോഹിന്‍ടണ്‍ എഫ് നരിമാന്‍ അധ്യക്ഷനായ ഡിവിഷന്‍ ബെഞ്ചാണ് കള്ളപ്പണ നിരോധന നിയമത്തിലെ 45-ാം വ്യവസ്ഥ ഭരണഘടനാ വിരുദ്ധമാണെന്ന് ഉത്തരവിട്ടത്. കേസില്‍ അകപ്പെടുന്നവര്‍ക്ക് ജാമ്യം അനുവദിക്കുന്നതുമായി ബന്ധപ്പെട്ട് രണ്ട് വ്യവസ്ഥകളാണ് നിയമത്തിലുള്ളത്. പബ്ലിക് പ്രോസിക്യൂട്ടറെ കേള്‍ക്കാതെ ജാമ്യം നല്‍കരുത് എന്നതും കേസില്‍ കുറ്റാരോപിതരായവര്‍ നിരപരാധിയാണെന്ന് കോടതിക്ക് പ്രഥമ ദൃഷ്ട്യാ ബോധ്യപ്പെട്ടാല്‍ മാത്രമേ ജാമ്യം നല്‍കാവൂ എന്നതുമാണ് രണ്ട് വ്യവസ്ഥ.കള്‍. ഈ വ്യവസ്ഥകള്‍ ജാമ്യനിഷേധത്തിന് മാത്രമേ വഴിവെക്കൂവെന്ന് പറഞ്ഞ കോടതി ജാമ്യം നിയമവും ജയില്‍ അപവാദവുമാകണമെന്ന പ്രമാണം ഈ വ്യവസ്ഥ പ്രകാരം ജയില്‍ നിയമവും ജാമ്യം അപവാദവുമായി മാറിയെന്നും ചൂണ്ടിക്കാട്ടി. 45-ാം വ്യവസ്ഥയുടെ സാധുത ചോദ്യം ചെയ്തു സമര്‍പ്പിച്ച ഒരു പറ്റം ഹര്‍ജികള്‍ ഒരുമിച്ച് പരിഗണിക്കുകയായിരുന്നു കോടതി. ഈ വ്യവസ്ഥ പ്രകാരം കീഴ്‌ക്കോടതികള്‍ ജാമ്യം നിഷേധിച്ച മുഴുവന്‍ ഹര്‍ജികള്‍ വീണ്ടും മുമ്പ് വെച്ച ഉപാധികളില്ലാതെ പരിഗണിക്കണമെന്നും കോടതി ആവശ്യപ്പെട്ടു.

മാന്‍ഗോ ജ്യൂസ് മെഡിക്കല്‍