blackmoney – Chandrika Daily

വയനാട് മീനങ്ങാടിയില്‍ ഒന്നരക്കോടിയുടെ കുഴല്‍പ്പണം പിടികൂടി

webdesk18 — Sun, 02 Nov 2025 09:52:46 +0000

കല്‍പ്പറ്റ: വയനാട് മീനങ്ങാടിയില്‍ ഒന്നരക്കോടി രൂപയുടെ കുഴല്‍പ്പണം എക്‌സൈസ് സംഘം പിടികൂടി. മലപ്പുറം വള്ളിക്കുന്ന് സ്വദേശി അബ്ദുറസാക്ക് ആണ് പണവുമായി പിടിയിലായത്. ബംഗളൂരുവില്‍ നിന്ന് കോഴിക്കോട്ടേക്ക് കടത്തുന്നതിനിടയിലാണ് ഇയാള്‍ പിടിയിലായത്.

ബംഗളൂരുവില്‍ നിന്നുള്ള കര്‍ണാടക സ്റ്റേറ്റ് ട്രാന്‍സ്‌പോര്‍ട്ട് കോര്‍പറേഷന്റെ സ്ലീപ്പര്‍ ബസിലായിരുന്നു ഇയാള്‍ യാത്ര ചെയ്യുന്നത്. ഇന്ന് പുലര്‍ച്ചെ മൂന്ന് മണിയോടെയായിരുന്നു ബസ് മീനങ്ങാടിയില്‍ എത്തിയത്. പരിശോധനയ്ക്കിടെ ഇയാളുടെ പക്കല്‍ നിന്ന് ഒന്നരക്കോടിയോളം രൂപ പണമായി കണ്ടെത്തി.

ബത്തേരി എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം. കെ. സുനില്‍യുടെ നേതൃത്വത്തിലുള്ള സംഘമാണ് പണം പിടികൂടിയത്. പണത്തിന്റെ ഉറവിടത്തെക്കുറിച്ച് എക്‌സൈസ് അന്വേഷണം ആരംഭിച്ചിട്ടുണ്ട്. പണം അനധികൃത ഇടപാടുകള്‍ക്കായിരിക്കാമെന്ന് സംശയിക്കുന്നു.

ചമ്രവട്ടത്ത് 1കോടി 78 ലക്ഷം രൂപയുടെ കുഴല്‍പ്പണം പിടികൂടി

webdesk15 — Sat, 29 Jul 2023 10:52:58 +0000

മലപ്പുറം തിരൂരിനടുത്ത് ചമ്രവട്ടത്ത് 1കോടി 78 ലക്ഷം രൂപയുടെ കുഴല്‍പ്പണം പോലീസ് പിടികൂടി. . കൊടിഞ്ഞി സ്വദേശി കൊടക്കാട്ട് അഷറഫ് എന്നയാളെ അറസ്റ്റ് ചെയ്തു. രഹസ്യവിവരത്തെ തുടര്‍ന്ന് ജില്ലാപോലീസ് മേധാവി എസ്.സുജിത്ത് ദാസിന്‍റ നിര്‍ദേശപ്രകാരം നടത്തിയ പരിശോധനയിലാണ് ചമ്രവട്ടം പാലത്തിന് സമീപത്ത് നിന്ന് രേഖകൾ ഇല്ലാത്ത പണം പിടികൂടിയത്. കാറിന്റെ രഹസ്യ അറയില്‍ ഒളിപ്പിച്ച നിലയിലായിരുന്നു പണം.

മലയാള സിനിമയിൽ കള്ളപ്പണനിക്ഷേപം : നടൻ കൂടിയായ നിർമാതാവ് 25 കോടി രൂപ പിഴയടച്ചു

webdesk15 — Thu, 11 May 2023 04:16:37 +0000

മലയാള സിനിമയിലേക്ക് വിദേശത്ത് നിന്ന് വന്‍ തോതില്‍ കള്ളപ്പണനിക്ഷേപം നടക്കുന്നുവെന്ന വിവരത്തെ തുടര്‍ന്ന് ആദായ നികുതി വകുപ്പും എന്‍ഫോഴ്‌സ്‌മെന്റ് ഡയറക്ടറേറ്റും പരിശോധന ശക്തമാക്കി.പരിശോധനയിൽ നടൻ കൂടിയായ ഒരു നിര്‍മാതാവില്‍ നിന്ന് 25 കോടി രൂപ പിഴയീടാക്കി യതായാണ് പുറത്തുവരുന്ന റിപ്പോർട്ടുകൾ.മലയാള സിനിമയിലെ അഞ്ച് നിര്‍മാതാക്കള്‍ കേന്ദ്ര ഏജന്‍സികളുടെ നിരീക്ഷണത്തിലാണ് എന്നും സൂചനയുണ്ട്.പിഴയീടാക്കിയ നിര്‍മാതാവിനെ കൂടാതെ ബാക്കി നാല് പേരെ എന്‍ഫോഴ്‌സ്‌മെന്റ് ഡയറക്ടറേറ്റ് ഉടന്‍ചോദ്യം ചെയ്യും എന്നാണ് പുറത്ത് വരുന്ന വിവരം.

അടുത്ത കാലത്തായി മലയാളത്തില്‍ കൂടുതല്‍ മുതല്‍ മുടക്കിയ ഒരു നിര്‍മാതാവിനെ ആദായ നികുതി വകുപ്പ് കഴിഞ്ഞ രണ്ട് ദിവസമായി ചോദ്യം ചെയ്ത് വരികയാണ് എന്നും റിപ്പോര്‍ട്ടുകൾ വരുന്നുണ്ട്.ഈ നിര്‍മാതാവിനെ ബിനാമിയാക്കി മലയാള സിനിമയില്‍ കള്ളപ്പണം നിക്ഷേപിക്കുന്നു എന്നാണ് ആരോപണം.

രാജ്യത്തിന്റെ സുരക്ഷയെ ദോഷകരമായി ബാധിക്കുന്ന ഏതെങ്കിലും ആശയങ്ങളുടെ പ്രചാരണത്തിനുള്ള ‘പ്രൊപഗാന്‍ഡ’ സിനിമകളുടെ നിര്‍മാണത്തിനു വേണ്ടിയാണോ വിദേശത്ത് നിന്നുള്ള സാമ്പത്തിക സ്രോതസുകളില്‍ നിന്നും കള്ളപ്പണം കേരളത്തിലേക്ക് എത്തുന്നത് എന്നാണ് ആദായ നികുതി വകുപ്പും എന്‍ഫോഴ്‌സ്‌മെന്റ് ഡയറക്ടറേറ്റും പ്രധാനമായും പരിശോധിക്കുന്നത്.

ട്രെയിന്‍ യാത്രികനില്‍ നിന്ന് രേഖകളില്ലാത്ത 25 ലക്ഷം രൂപ പിടികൂടി ആര്‍പിഎഫ്, ഒരാള്‍ കസ്റ്റഡിയില്‍

Test User — Sun, 11 Dec 2022 14:56:30 +0000

കോഴിക്കോട് : രേഖകകളില്ലാതെ ട്രെയിനില്‍ കൊണ്ടുവന്ന 25 ലക്ഷം രൂപയോളം ആര്‍പിഎഫ് പിടികൂടി. നാഗര്‍ കോവില്‍ – മംഗലാപുരം ഏറനാട് എക്‌സ്പ്രസില്‍ എത്തിയ യാത്രക്കാരനില്‍ നിന്നാണ് പണം പിടികൂടിയത്.ആര്‍പിഎഫ് കോഴിക്കോട്ട് വെച്ചാണ് പണം പിടികൂടിയത്.

വേങ്ങര സ്വദേശി മുഹമ്മദില്‍ നിന്നാണ് പണം പിടികൂടിയത്. ഇയാളെ അറസ്റ്റ് ചെയ്തു. രേഖകള്‍ ഇല്ലാതെ യാത്രക്കാരന്‍ കൈവശം വെച്ച 25 ലക്ഷത്തോളം രൂപ കോഴിക്കോട് റെയില്‍വേ സ്റ്റേഷനില്‍ വച്ചാണ് ആര്‍പിഎഫ് പിടികൂടിയത്.

കള്ളപ്പണം വെളുപ്പിക്കല്‍: എഎപി നേതാവ് സത്യേന്ദര്‍ ജെയിന് ജാമ്യമില്ല

Test User — Thu, 17 Nov 2022 09:36:41 +0000

കള്ളപ്പണം വെളുപ്പിക്കല്‍ കേസില്‍ ആം ആദ്മി പാര്‍ട്ടി നേതാവ് സത്യേന്ദ്ര ജെയിന്റെ ജാമ്യാപേക്ഷ ഡല്‍ഹി കോടതി തള്ളി.ജെയിനിന്റെ ഹര്‍ജി കൂടാതെ, കേസിലെ രണ്ട് കൂട്ടുപ്രതികളായ വൈഭവ് ജെയിന്‍, അങ്കുഷ് ജെയിന്‍ എന്നിവരുടെ ജാമ്യാപേക്ഷയും കോടതി തള്ളി.

58 കാരനായ ഡല്‍ഹി മന്ത്രിയെ മെയ് 30 ന് എന്‍ഫോഴ്‌സ്‌മെന്റ് ഡയറക്ടറേറ്റ് അറസ്റ്റ് ചെയ്തിരുന്നു. 2017 ഓഗസ്റ്റ് 24 ന് സിബിഐ രജിസ്റ്റര്‍ ചെയ്ത പ്രഥമ വിവര റിപ്പോര്‍ട്ടിന്റെയോ എഫ്ഐആറിന്റെയോ അടിസ്ഥാനത്തിലാണ് അന്വേഷണ ഏജന്‍സി കള്ളപ്പണം വെളുപ്പിക്കല്‍ അന്വേഷണം ആരംഭിച്ചത്.
സത്യേന്ദര്‍ ജെയിന്‍ ഏജന്‍സിയെ തെറ്റിദ്ധരിപ്പിച്ചെന്നും നിസ്സഹകരണം നടത്തിയെന്നും ജെയിനിന്റെ ജാമ്യാപേക്ഷയെ എതിര്‍ത്ത് ഇഡി കോടതിയെ അറിയിച്ചിരുന്നു.

മന്ത്രിയോട് വിഐപി പെരുമാറിയെന്നാരോപിച്ച് ജെയിനെ പൂട്ടിയിട്ടിരിക്കുന്ന ഡല്‍ഹിയിലെ തിഹാര്‍ ജയില്‍ സൂപ്രണ്ടിനെ സസ്‌പെന്‍ഡ് ചെയ്തിരുന്നു.

ജയില്‍ സൂപ്രണ്ട് അജിത് കുമാര്‍ ഡല്‍ഹി മന്ത്രിക്ക് അന്യായമായ ആനുകൂല്യം നല്‍കിയെന്ന് ജയില്‍ മോചിതനായ സുകേഷ് ചന്ദ്രശേഖര്‍ ആരോപിച്ചതിനെത്തുടര്‍ന്ന് ഡല്‍ഹി ലഫ്റ്റനന്റ് ഗവര്‍ണര്‍ വി കെ സക്സേന രൂപീകരിച്ച അന്വേഷണ സമിതിയുടെ ശുപാര്‍ശ പ്രകാരമാണ് നടപടി.