യുപി അധ്യാപിക തസ്തികയിലേക്കുള്ള അപേക്ഷയില്‍ ‘കെടെറ്റ്’ സര്‍ട്ടിഫിക്കറ്റ് അപ്ലോഡ് ചെയ്യാന്‍ വൈകിയെന്ന് ചൂണ്ടിക്കാട്ടി കാഴ്ചപരിമിതയായ കോട്ടയം സ്വദേശിനിയുടെ അപേക്ഷ 2020ല്‍ പിഎസ്സി നിരസിച്ചിരുന്നു. ഇത് തന്റെ പരിമിതികളുടെ പേരിലുള്ള വിവേചനമാണെന്ന് കാണിച്ച് ഉദ്യോഗാര്‍ഥി അഡ്മിനിസ്‌ട്രേറ്റീവ് ട്രിബ്യൂണലിനെ സമീപിച്ചു. മനുഷ്യത്വപരമായ സമീപനം സ്വീകരിക്കാനായിരുന്നു ഉത്തരവ്. ഇതിനെതിരെയാണ് പിഎസ്സി ഹൈക്കോടതിയെ സമീപിച്ചത്.

സര്‍ക്കാര്‍ സംവിധാനങ്ങളും ഡിജിറ്റല്‍ പ്ലാറ്റ്‌ഫോമുകളും കാഴ്ചയുള്ളവര്‍ക്കായി തയ്യാറാക്കിയതാണെന്നും ഡിവിഷന്‍ ബെഞ്ച് ചൂണ്ടിക്കാട്ടി. കാഴ്ചപരിമിതിയുള്ളവര്‍ക്കും അത് പ്രാപ്യമാകാന്‍ പരസഹായം വേണം. അവരുടെ വിഷമതകള്‍ തിരിച്ചറിയാന്‍ കഴിഞ്ഞില്ലെങ്കില്‍ നമ്മളും അന്ധരായി മാറും. അതിനാല്‍ സര്‍ക്കാരോ പിഎസ്സിയോ മുന്‍കൈയെടുത്ത് പ്രത്യേക സേവനകേന്ദ്രങ്ങള്‍ സജ്ജമാക്കുമെന്നാണ് പ്രതീക്ഷയെന്നും ഹൈക്കോടതി പറഞ്ഞു.

നീറ്റാണിമ്മലിൽ പള്ളിയുടെ സമീപം കാഴ്ചയില്ലാത്തവരുടെ ക്ഷേമത്തിനായി പ്രവർത്തിക്കുന്ന ഇബ്നു ഉമ്മി മക്തൂം സ്റ്റഡി സെന്ററിൽ 2 ദിവസം മുൻപ് എത്തിയതായിരുന്നു സിദ്ദീഖ്. ഇന്നു രാവിലെ ഇവിടെ കെട്ടിടത്തിനു സമീപം വീണു കിടക്കുന്ന നിലയിലാണു കണ്ടത്. തലയ്ക്ക് പരുക്കേറ്റിട്ടുണ്ട്.

കെട്ടിടത്തിന്റെ മുകളിൽനിന്നു വീണതാകാമെന്നാണു പ്രാഥമിക നിഗമനം. ഉടൻ കൊണ്ടോട്ടിയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. സംഭവം അന്വേഷിക്കുന്നതായി കൊണ്ടോട്ടി പൊലീസ്.