സമൂഹത്തിലെ എല്ലാ വിഭാഗങ്ങളെയും രക്തം ദാനം ചെയ്യാൻ പ്രോത്സാഹിപ്പിക്കുക എന്ന ലക്ഷ്യത്തോടെ,പ്രധാനമന്ത്രിയുടെ പ്രവർത്തനങ്ങളുടെ ഭാ​ഗമാണിത്. മാനുഷികമൂല്യങ്ങളുള്ള ഇത്തരം സംരംഭങ്ങളെ പിന്തുണയ്ക്കുന്നതിലൂടെ ശ്രദ്ധനേടിയ ഭരണാധികാരിയാണ് അദ്ദേഹം. സൗദി വിഷൻ 2030 ന്റെ സമഗ്രമായ ക്ഷേമം ആസ്വദിക്കുന്ന ഊർജ്ജസ്വലമായ ഒരു സമൂഹം എന്ന ലക്ഷ്യത്തിന് അനുസൃതമായി, സമൂഹ പങ്കാളിത്തം വളർത്തുന്നതിനും, സ്വമേധയാ ഉള്ള രക്തദാനം പ്രോത്സാഹിപ്പിക്കുന്നതിനും,ദേശീയ ആരോഗ്യ സംരക്ഷണ ശ്രമങ്ങളെ പിന്തുണയ്ക്കുന്നതിനുമുള്ള പ്രവർത്തനങ്ങളുടെ ഭാ​ഗം കൂടിയാണിത്.

നേരത്തെ കോവിഡ് -19 വാക്സിൻ സ്വീകരിച്ചുകൊണ്ടും അവയവദാന സമ്മത പത്രത്തിൽ രജിസ്റ്റർ ചെയ്തുകൊണ്ടും അദ്ദേഹത്തി​ന്റെ മാതൃകപരമായ പ്രവർത്തനങ്ങൾ എന്ന നിലയിൽ ലോക ശ്രദ്ധ നേടിയിരുന്നു.

സ്വമേധയായുള്ള രക്തദാനത്തിന്റെ പ്രാധാന്യത്തെക്കുറിച്ചും രാജ്യത്തുടനീളം രക്തം ആവശ്യമായി വരുന്നവർക്ക് സുരക്ഷിതമായ ലഭ്യത ഉറപ്പാക്കുന്നതിനും രക്ത വിതരണത്തിൽ സ്വയംപര്യാപ്തത കൈവരിക്കേണ്ടതിന്റെയും അവബോധം വളർത്തുക എന്നതാണ് പുതിയ നടപടിയുടെ ലക്ഷ്യം. രക്തം, പ്ലാസ്മ അല്ലെങ്കിൽ പ്ലേറ്റ്‌ലെറ്റുകൾ നൽകുന്നതിലൂടെ ആളുകളുടെ ജീവൻ രക്ഷിക്കാൻ കഴിയും. 2024-ൽ, രാജ്യവ്യാപകമായി 800,000-ത്തിലധികം ആളുകൾ രക്തം ദാനം ചെയ്തിരുന്നു.

സ്വമേധയാ ഉള്ള മാനുഷിക പ്രവർത്തനങ്ങളുടെ മൂല്യത്തെക്കുറിച്ചുള്ള ശക്തമായ സന്ദേശം നൽകാനും ജീവൻ രക്ഷിക്കുന്നതിന് ഇത്തരം മാനുഷികപ്രവർത്തനങ്ങളിൽ ഏ‍ർപ്പെടുന്നതിന് ജനങ്ങളെ പ്രോത്സാഹിപ്പിക്കാനും അങ്ങനയൊരു സംസ്കാരം സ്വീകരിക്കാൻ സമൂഹത്തെ പ്രാപ്തമാക്കുന്നതിനുമാണ് അദ്ദേഹം മുന്നിട്ടിറങ്ങിയിട്ടുള്ളത്.

അപകടത്തെ തുടർന്നുള്ള ചികിത്സയുമായി ബന്ധപ്പെട്ട് അനുയോജ്യ രക്തത്തിൻ്റെ ലഭ്യതക്കുറവ് കാരണം മരണ വരെ സംഭവിക്കുന്ന വാർത്തകൾ നിരന്തരം പുറത്ത് വന്ന് കൊണ്ടിരിക്കുന്നു. പല ആശുപത്രികളിലും രക്തം സ്റ്റോക്ക് ഇല്ലാത്ത സാഹചര്യമാണുള്ളത്. ഇത് മൂലം ഉണ്ടായേക്കാവുന്ന അപകടങ്ങൾ ഒരു പരിധി വരെ നിയന്ത്രിക്കാൻ ഇത്തരം ക്യാമ്പയിൻ കൊണ്ട് സാധിക്കും. 50000 പേരുടെ രക്തദാനം എന്ന മഹത്തായ ലക്ഷ്യമാണ് യൂത്ത് ലീഗ് മുന്നോട്ട് വെക്കുന്നത്. ഇതിലൂടെ യുവത്വത്തെ സാമൂഹ്യ നൻമക്കായി ഉപയോഗപ്പെടുത്താനാണ് യൂത്ത് ലീഗ് ഉദ്ദേശിക്കുന്നതെന്നും പദ്ധതിക്ക് എല്ലാവരുടെയും പിന്തുണയുണ്ടാകണമെന്നും മുനവ്വറലി തങ്ങൾ കൂട്ടിച്ചേർത്തു. മുസ്‌ലിം യൂത്ത് ലീഗ് സംസ്ഥാന ജനറൽ സെക്രട്ടറി പി. കെ ഫിറോസ്, ട്രഷറർ പി. ഇസ്മായിൽ, സംസ്ഥാന സെക്രട്ടറിയും ക്യാമ്പയിൻ സംസ്ഥാന കോർഡിനേറ്ററുമായസി. കെ മുഹമ്മദലി, സംസ്ഥാന സെക്രട്ടറിമാരായ ടിപിഎം ജിഷാൻ, ഫാത്തിമ തെഹ്‌ലിയ പ്രഖ്യാപന ചടങ്ങിൽ സംബന്ധിച്ചു

ഡോ. നിധിൻ (എം. വി. ആർ ക്യാൻസർ സെന്റർ), എം.എസ്. എഫ് ദേശീയ പ്രസിഡന്റ്‌ പി. വി അഹമ്മദ് സാജു, മുസ്‌ലിം യൂത്ത് ലീഗ് സംസ്ഥാന കമ്മിറ്റി അംഗങ്ങളായ കെ..എം.എ റഷീദ്, എ. സിജിത്ത് ഖാൻ, ക്യാമ്പയിൻ ജില്ല കോർഡിനേറ്റർ ഷഫീഖ് അരക്കിണർ, വനിത ലീഗ് സംസ്ഥാന സെക്രട്ടറി ബ്രസീലിയ ഷംസുദീൻ, സൗത്ത് മണ്ഡലം യൂത്ത് ലീഗ് ജനറൽ സെക്രട്ടറി സിറാജ് കിണാശ്ശേരി, ക്യാമ്പയിൻ മണ്ഡലം കോർഡിനേറ്റർ ഹൈദർ, സൗത്ത് മണ്ഡലം വനിത ലീഗ് പ്രസിഡന്റ്‌ മുൻഷിറ സാദത്ത്, ജനറൽ സെക്രട്ടറി നഫ് ല ഫിറോസ്, ട്രഷറർ ഷെറീന റിയാസ് ക്യാമ്പിന് നേതൃത്വം നൽകി.

മനുഷ്യ ശരീരാവയവയങ്ങളും നിർമിത ബുദ്ധിയും ഉൽപ്പാദിപ്പിച്ചെടുക്കുന്ന എ.ഐ യുഗത്തിൽ വിലക്ക് വാങ്ങാൻ ലഭിക്കാത്തതും കൃത്രിമമായി നിർമിക്കാൻ കഴിയാത്തതുമായ ഒന്നാണ് മനുഷ്യ രക്തമെന്നും ജീവൻ രക്ഷക്ക് വേണ്ടിയുള്ള രക്തദാനം സ്നേഹവും കരുണയും ഉള്ളവർ നൽകുന്ന മഹാദാനമാണെന്നും മുസ്‌ലിം യൂത്ത് ലീഗ് സംസ്ഥാന ജനറൽ സെക്രട്ടറി പി കെ ഫിറോസ് അഭിപ്രായപ്പെട്ടു. ഏതൊരു ജീവകാരുണ്യ പ്രവർത്തനത്തിന്റെയും അടിസ്ഥാന ലക്ഷ്യം മനുഷ്യ ജീവന്റെ നിലനിൽപ്പാണ്.

സ്വന്തം ജീവൻ കൊണ്ട് നടത്തുന്ന കാരുണ്യമാണ് രക്തദാനം. ഇത് നിരന്തരം പ്രോത്സാഹിപ്പിക്കപ്പെടേണ്ടതുണ്ട്. അഞ്ച് മാസം കൊണ്ട് അരലക്ഷം യുവാക്കൾ മുസ്‌ലിം യൂത്ത് ലീഗ് രക്തദാന കാമ്പയിൽ പങ്കാളിയാകുമെന്നും യൂത്ത് ലീഗ് ഈ മേഖലയിൽ കൂടുതൽ സജീവമാകുമെന്നും ഫിറോസ് പറഞ്ഞു
മുസ്‌ലിം യൂത്ത് ലീഗ് സംസ്ഥാന ട്രഷറർ പി. ഇസ്മായിൽ അധ്യക്ഷത വഹിച്ചു. മുസ്‌ലിം യൂത്ത് ലീഗ് സംസ്ഥാന സെക്രട്ടറിയും ബ്ലഡ്‌ കെയർ ക്യാമ്പയിൻ സംസ്ഥാന കോഡിനേറ്ററുമായ സി.കെ മുഹമ്മദലി പദ്ധതി വിശദീകരണം നടത്തി. മുസ്‌ലിം ലീഗ് ജില്ലാ പ്രസിഡണ്ട് മരക്കാർ മാരായമംഗലം മുഖ്യാതിഥിയായി പങ്കെടുത്തു. ബ്ലഡ്‌ ഡോണേഴ്സ് കേരള സംസ്ഥാന കമ്മിറ്റി അംഗം അസ്‌ലം അച്ചു രക്തദാന അവബോധനം നടത്തി. മുസ്‌ലിം യൂത്ത് ലീഗ് സംസ്ഥാന സെക്രട്ടറി ഗഫൂർ കോൽക്കളത്തിൽ സ്വാഗതം പറഞ്ഞു.

സ്വാഗതസംഘം ചെയർമാൻ അഡ്വക്കറ്റ് മുഹമ്മദലി മറ്റാംതടം , മുസ്‌ലിം ലീഗ് ജില്ലാ വൈസ് പ്രസിഡണ്ട് കെ.ടി.എ ജബ്ബാർ, യൂത്ത് ലീഗ് പാലക്കാട് ജില്ലാ പ്രസിഡണ്ട് പി.എം മുസ്തഫ തങ്ങൾ , ജനറൽ സെക്രട്ടറി റിയാസ് നാലകത്ത്, സംസ്ഥാന കമ്മിറ്റി അംഗം എ.എസ് അലി അസ്ഗർ, കുലുക്കല്ലൂർ പഞ്ചായത്ത് മുസ്‌ലിം ലീഗ് പ്രസിഡണ്ട് എം. സൈതലവി മാസ്റ്റർ, നൗഷാദ് വെള്ളപ്പാടം സി.ടി സൈദ്ഇബ്രാഹിം, സി അബ്ദുൽസലാം , ടി.പി ഹസൻ, റഷീദ് കൈപ്പുറം, സുഹൈൽ കുലുക്കല്ലൂർ, റിയാസ് പപ്പടപ്പടി പ്രസംഗിച്ചു. യൂത്ത് ലീഗ് ജില്ലാ ഭാരവാഹികളായ മാടാല മുഹമ്മദലി, ഇഖ്ബാൽ ദുറാനി, നൗഫൽ കളത്തിൽ, ഉനൈസ് മാരായമംഗലം, അബ്ബാസ് ഹാജി, ഉണ്ണീൻ ബാപ്പു, ഹനീഫ കൊപ്പം, ഷബീർ തോട്ടത്തിൽ, പി.ഇ സാലിഹ്,അഷറഫ് വാഴമ്പുറം, മണ്ഡലം പ്രസിഡണ്ട് ഇസ്മായിൽ വിളയൂർ , പിഎം സൈഫുദ്ധീൻ, പി.കെ.എം ഷഫീഖ് സംബന്ധിച്ചു.

‘നൽകാം ജീവൻ്റെ തുള്ളികൾ ‘ എന്ന പ്രമേയത്തിൽ സംഘടിപ്പിക്കുന്ന രക്തദാന ക്യാമ്പയിനിൽ 50000 പ്രവർത്തകരെ പങ്കാളികളാക്കുമെന്ന് മുസ്‌ലിം യൂത്ത് ലീഗ് സംസ്ഥാന പ്രസിഡന്റ്‌ സയ്യിദ് മുനവ്വറലി ശിഹാബ് തങ്ങളും ജനറൽ സെക്രട്ടറി പി.കെ ഫിറോസും പറഞ്ഞു.

രക്തദാനത്തിൻ്റെ പ്രാധാന്യത്തെക്കുറിച്ചുള്ള കൃത്യമായ ബോധവൽക്കരണത്തിലൂടെ പരമാവധി യുവാക്കളെ ഇതിനായി സജ്ജമാക്കാനാണ് പദ്ധതിയൊരുക്കുന്നത്. ഓരോ ജില്ലാ കമ്മറ്റികൾക്കും ക്വാട്ട നിശ്ചയിച്ച് സമയബന്ധിതമായി പൂർത്തിയാക്കി ജൂൺ അവസാനം പദ്ധതി സമർപ്പണം നടത്തും. പദ്ധതി സമർപ്പണത്തിന്റെ പ്രഖ്യാപനം ജനുവരി 26ന് ഞായറാഴ്ച കോഴിക്കോട് സംഘടിപ്പിക്കുമെന്നും നേതാക്കൾ അറിയിച്ചു.

സംസ്ഥാനതല ഉദ്ഘാടനത്തെ തുടർന്ന് ജില്ലാതല ഉദ്ഘാടനങ്ങൾ നടക്കും. മുസ്‌ലിം യൂത്ത് ലീഗ് സംസ്ഥാന സെക്രട്ടറി സി. കെ മുഹമ്മദലിക്കാണ് ക്യാമ്പയിൻ സംസ്ഥാനതല ചുമതല.

അനുയോജ്യമായ രക്തം കൃത്യസമയത്ത് ലഭ്യമാകാത്തതിനാൽ നിരവധി രോഗികൾക്ക് ജീവൻ വരെ നഷ്ടപ്പെടുന്ന വാർത്തകൾ നിരന്തരം പുറത്ത് വരുന്നു. സംസ്ഥാനത്തെ പല ആശുപത്രികളിലും ആവശ്യത്തിന് അനുയോജ്യമായ ബ്ലഡ് ഗ്രൂപ്പുകളുടെ ലഭ്യത കുറവുമുണ്ട്. രക്തദാനത്തെ കുറിച്ചുള്ള തെറ്റായ ധാരണ മൂലം പുതിയ തലമുറ ഇതിന് തയ്യാറാവാത്തതും ഈ മേഖലയിൽ വലിയ വെല്ലുവിളിക്ക് കാരണമാകുന്നു. രക്തദാനത്തിൻ്റെ പ്രാധാന്യത്തെക്കുറിച്ചുള്ള കൃത്യമായ ബോധവൽക്കരണത്തിലൂടെ പരമാവധി യുവാക്കളെ ഇതിനായി സജ്ജമാക്കാനാണ് മുസ്‌ലിം യൂത്ത് പദ്ധതിയൊരുക്കുന്നത്. ഓരോ ജില്ലാ കമ്മറ്റികൾക്കും ക്വാട്ട നിശ്ചയിച്ച് സമയബന്ധിതമായി പൂർത്തിയാക്കി ജൂൺ അവസാനം പദ്ധതി സമർപ്പണം നടത്തും.

ലോഗോ പ്രകാശന ചടങ്ങിൽ മുസ്‌ലിം യൂത്ത് ലീഗ് സംസ്ഥാന ജനറൽ സെക്രട്ടറി പി. കെ ഫിറോസ്, ട്രഷറർ പി. ഇസ്മായിൽ, വൈസ് പ്രസിഡന്റ്‌ ഫൈസൽ ബാഫഖി തങ്ങൾ, സെക്രട്ടറിമാരായ സി.കെ മുഹമ്മദലി, ടിപിഎം ജിഷാൻ, ഫാത്തിമ തെഹ്‌ലിയ സംബന്ധിച്ചു.

ഫോട്ടോ അടിക്കുറിപ്പ്
നൽകാം ജീവൻ്റെ തുള്ളികൾ എന്ന പ്രമേയത്തിൽ മുസ്‌ലിം യൂത്ത് ലീഗ് സംസ്ഥാന കമ്മിറ്റി നടത്തുന്ന രക്തദാന ക്യാമ്പയിന്റെ ലോഗോ സംസ്ഥാന പ്രസിഡന്റ്‌ സയ്യിദ് മുനവ്വറലി ശിഹാബ് തങ്ങൾ പ്രകാശനം ചെയ്യുന്നു. ഫാത്തിമ തെഹ്‌ലിയ, സി.കെ മുഹമ്മദലി, പി. ഇസ്മായിൽ, പി.കെ ഫിറോസ്, ഫൈസൽ ബാഫഖി തങ്ങൾ, ടി.പി.എം ജിഷാൻ സമീപം.

“ചലച്ചിത്ര അക്കാദമി ചെയർമാൻ പ്രേം കുമാറിന്റെ മനസിൽ തോന്നിയ ആശയമാണിത്. ഐഎഫ്എഫ്കെ എന്ന് പറയുന്നത് യുവാക്കളുടെ ഒരു ഉത്സവമാണല്ലോ. അതിനൊരു മാനവികതയുടെ മുഖംകൂടി ഉണ്ടാകണമെന്നുണ്ട്. മാനവികതയുടെ ഒരു പുത്തൻ സംസ്കാരം കൂടി രൂപപ്പെടുത്തിയെടുക്കുന്നതിന്റെ ഭാ​ഗമായാണ് അദ്ദേഹം ആ ആശയം മുന്നോട്ട് വച്ചത്. അതിനൊരു തുടക്കമാണ് ഈ ചലച്ചിത്രമേള. ഇന്നലത്തെ രക്തദാന ക്യാമ്പിൽ അത്യാവശ്യം നല്ല രീതിയിലുള്ള പങ്കാളിത്തം ഉണ്ടായിരുന്നു. പെട്ടെന്ന് തീരുമാനിച്ചൊരു കാര്യം കൂടിയായതിനാൽ അത്രയൊന്നും ആരും അറിഞ്ഞിരുന്നില്ല. ഇനിയുള്ള എല്ലാ ഐെഫ്എഫ്കെയിലും മുഴുവൻ ​ദിവസവും ഇത്തരത്തിൽ രക്തദാന ക്യാമ്പ് ഉണ്ടാകും”, എന്ന് അക്കാദമി പ്രതിനിധി പറഞ്ഞു.

സിനി ബ്ലഡിന്റെ രണ്ടാം ഘട്ടം ചൊവ്വാഴ്ച(17 ഡിസംബർ) നടക്കും. രാവിലെ 10 മുതൽ 12.30 വരെയാകും ‘സിനി ബ്ലഡ്’ സംഘടിപ്പിക്കുക. ആർസിസി ബ്ലഡ് ബാങ്കുമായി ചേർന്ന് ടാഗോർ തിയറ്ററിലാകും ക്യാമ്പ് നടക്കുക. കേരള ചലച്ചിത്ര അക്കാദമിയും പൊലീസിന്റെ രക്തദാന സേവനമായ പോൽ ബ്ലഡും തൈക്കാട് സ്ത്രീകളുടെയും കുട്ടികളുടെയും ആശുപത്രിയും കേരള സ്റ്റേറ്റ് ബ്ലഡ് ട്രാൻസ്ഫ്യൂഷൻ കൗൺസിലും സംയുക്തമായാണു രക്തദാന ക്യാമ്പ് സംഘടിപ്പിക്കുന്നത്.

രക്തദാനം മനുഷ്യസ്നേഹത്തിന്റെ ഭാഗമാണെന്നും സിനിമ കാണാനെത്തുന്ന യുവത രക്തദാനത്തിന്റെ ഭാഗമാകുകയും അതിലൂടെ അവരുടെ സാമൂഹിക പ്രതിബദ്ധത തുറന്നുകാട്ടുകയും ചെയ്യണമെന്നും പ്രേംകുമാർ പറഞ്ഞു. നിരവധി ഡെലിഗേറ്റുകളും പൊതുജനങ്ങളും ആദ്യ രക്തദാന പരിപാടിയിൽ പങ്കാളികളായിരുന്നു. തൈക്കാട് സ്ത്രീകളുടെയും കുട്ടികളുടെയും ആശുപത്രിയിലെ ഡോ. അഭിലാഷിന്റെ നേതൃത്വത്തിലാണു രക്തദാന പരിപാടി. രക്തം ദാനം ചെയ്യാൻ സന്നദ്ധരായവർ 9497904045 എന്ന നമ്പറിൽ ബന്ധപ്പെടുക.

കൃത്യമായ ഇടവേളകളില്‍ രക്തദാനം നിര്‍വഹിക്കാന്‍ എല്ലാവരും ശ്രമിക്കേണ്ടതുണ്ട്. കൂടുതല്‍ ജീവനുകള്‍ രക്ഷിക്കാന്‍ രക്തം ദാനം ചെയ്യുന്നതിന് എല്ലാവരെയും പ്രോത്സാഹിപ്പിക്കണമെന്നും അവര്‍ ആവശ്യപ്പെട്ടു. വിവിധ മേഖലകളില്‍ അനേകം പ്രവര്‍ത്തനങ്ങള്‍ നടത്തി മുന്നേറുന്ന വനിതാ കെഎംസിസിയുടെ പ്രവര്‍ത്തനം പ്രശംസനീയമാണെന്നും മംതാസ് സമീറ കൂട്ടിച്ചേര്‍ത്തു.

രക്തദാന ക്യാമ്പില്‍ ദുബൈ കെഎംസിസി വനിതാ വിംഗ് ആക്ടിംഗ് പ്രസിഡന്റ് ആയിഷ മുഹമ്മദ് അധ്യക്ഷത വഹിച്ചു. ആക്ടിംഗ് ജന.സെക്രട്ടറി റിയാന സലാം സ്വാഗതം പറഞ്ഞു. ട്രഷറര്‍ നജ്മ സാജിദ്, ഓര്‍ഗ.സെക്രട്ടറി നാസിയ ഷബീര്‍, കോഓര്‍ഡിനേറ്റര്‍ സറീന, തസ്‌ലീന ബീഗം, ഫസീല അന്‍സാരി, മറ്റു ഭാരവാഹികളായ റാബിയ സത്താര്‍, സുബി മനാഫ്, തസ്‌നീം ഹാഷിം, ഷീജാബി ഹസൈനാര്‍, നബീസത് ഹൈറുന്നിസ മുനീര്‍, റഫീന അഹ്മദ്, സജ്‌ന അസീസ്, ഷാജിത ഫൈസല്‍, ലൈല കബീര്‍, നെബു ഹംസു, ഖമറുന്നിസ മജീദ്, റസീന റഷീദ്
തുടങ്ങിയവര്‍ നേതൃത്വം നല്‍കി. നജ്മ സാജിദ് നന്ദി പറഞ്ഞു.

രക്തം ദാനം ചെയ്യാനെത്തുന്നവര്‍ വളരെ കുറവായതിനാല്‍ നഗരത്തിലെ രക്ത ബാങ്കുകളെല്ലാം വലിയ പ്രതിസന്ധിയിലാണ്. കോവിഡ് വ്യാപനത്തെ തുടര്‍ന്നാണ് രക്തദാനത്തിന് ആളുകള്‍ സന്നദ്ധരാവാത്ത അവസ്ഥയുണ്ടായത്. സാധാരണയായ ഒ പോസിറ്റീവ്, ബി പോസിറ്റീവ് എന്നീ രക്തഗ്രൂപ്പുകള്‍ ദിവസവും ആവശ്യമുണ്ട്. കാന്‍സര്‍, താലിസീമിയ രോഗികള്‍ക്കോ അപകടത്തില്‍പ്പെടുന്നവര്‍ക്കോ ഇത് ഉടനടി ആവശ്യമായി വരും.

‘നഗരത്തില്‍ രക്തം അത്യാവശ്യമാണ്. ഇത് ആളുകളെ രക്തദാനത്തിന് എത്തിച്ചേക്കും’ – സര്‍വാങ്കര്‍ പറഞ്ഞു. ഡിസംബര്‍ 13ന് 10 മണി മുതല്‍ മുംബൈയിലെ ന്യൂ പ്രഭാദേവി റോഡില്‍ രാജ്ഭാഹു സാല്‍വി ഗ്രൗണ്ടില്‍വെച്ചാണ് രക്തദാനക്യാമ്പ് നടക്കുന്നത്.

അതേസമയം രക്ത ദൗര്‍ബല്യം മൂലം ശസ്ത്രക്രിയകള്‍ നടക്കാതെ പോകുന്ന തരത്തിലുളള ഗുരുതരമായ സാഹചര്യവുമുണ്ടായിട്ടില്ല. നിര്‍ബന്ധമായി നടത്തേണ്ട ശസത്രക്രിയകള്‍ മാത്രമെ ഇപ്പോള്‍ ചെയ്യുന്നുള്ളൂ എന്നതിനാല്‍ സാധാരണ ഗതിയിലും കുറവ് രക്തം മാത്രമെ വേണ്ടി വരുന്നുള്ളൂ. അടിയന്തര പ്രധാന്യമില്ലാത്ത ശസ്ത്രക്രിയകളൊക്കെ എല്ലാ പ്രധാന ആസ്പത്രികളിലും മാറ്റിവെക്കുകയാണ് ചെയ്യുന്നത്.

ചികിത്സക്കായി ആസ്പത്രികളിലെത്തുന്നവരുടെ എണ്ണവും വലിയ തോതില്‍ കുറഞ്ഞിട്ടുണ്ട്. രക്തത്തിന് ആവശ്യപ്പെട്ടു കൊണ്ട് രക്തദാന സംഘടനകളെയും ഈ രംഗത്ത് പ്രവര്‍ത്തിക്കുന്നവരെയും ബന്ധപ്പെടുന്നവരുടെ എണ്ണത്തിലും കുറവ് വന്നിട്ടുണ്ട്. ബ്ലഡ് ഡോണേഴ്‌സ് രംഗത്ത് പ്രവര്‍ത്തിക്കുന്ന സംഘടനകളുടെ നേതൃ തലത്തില്‍ പ്രവര്‍ത്തിക്കുന്നവരും ആവശ്യമുള്ള ഗ്രൂപ്പ് രക്തമെത്തിക്കുന്നതില്‍ ജാഗ്രത കാണിക്കുന്നു. വ്യാഴാഴ്ച കോഴിക്കോട് കോട്ടപ്പറമ്പ് ആസ്പത്രിയിലെ രോഗിക്ക് നെഗറ്റീവ് രക്തം ലഭിക്കാന്‍ കുറച്ച് ബുദ്ധിമുട്ടിയെങ്കിലും രക്തദാന രംഗത്ത് പ്രവര്‍ത്തിക്കുന്ന സംഘടനയായ ബ്ലഡ് ഡോണേഴ്‌സ് കേരളയുടെ പ്രവര്‍ത്തകരുടെ ഇടപെടല്‍ മൂലം പ്രശ്‌നം പരിഹരിക്കുകയായിരുന്നു.

അതേസമയം ആസ്പത്രിയില്‍ രക്ത ദാനത്തിന് എത്തുന്നവരെ വിശദമായ പരിശോധനക്കും ഇപ്പോള്‍ വിധേയമാക്കുന്നുണ്ട്. പകര്‍ച്ച വ്യാധികളുള്‍പ്പെടെ പടര്‍ന്നു പിടിക്കുന്ന സാഹചര്യത്തിലാണിത്.

ആര്‍.സി.സിയില്‍ ഒന്‍പതുവയസുകാരിക്ക് രക്തം സ്വീകരിച്ചതിലൂടെ എച്ച്.ഐ.വി ബാധിച്ച സംഭവത്തെ തുടര്‍ന്ന് രക്തദാനം സുരക്ഷിതമാക്കാന്‍ സര്‍ക്കാര്‍ പുതിയ മാര്‍ഗരേഖ പുറപ്പെടുവിക്കും. ലോകാരോഗ്യ സംഘടനയുടെ മാര്‍ഗരേഖക്ക് അനുസൃതമായാണ് സംസ്ഥാനത്തും ഇത് തയാറാക്കുന്നത്. രക്തമെടുക്കുന്നതുമുതല്‍ സൂക്ഷിക്കല്‍, ട്രാന്‍സ്‌പോര്‍ട്ടേഷന്‍, വിതരണം തുടങ്ങി എല്ലാ പ്രവൃത്തികളും ഉള്‍ക്കൊള്ളിച്ചാണ് മാര്‍ഗനിര്‍ദേശങ്ങള്‍ പുറപ്പെടുവിക്കുക. ആര്‍.സി.സി സംഭവത്തിന്റെ പശ്ചാത്തലത്തില്‍ സര്‍ക്കാര്‍ ഇതിനായി പ്രത്യേക സംഘത്തെ നിയോഗിച്ചിരുന്നു.
അതേസമയം, വിന്‍ഡോ പീരിയഡിലെ അണുബാധ കണ്ടെത്താനുള്ള നാറ്റ് പരിശോധന (ന്യൂക്ലിക് ആസിഡ് ടെസ്റ്റ്) നടത്താന്‍ സംസ്ഥാനത്ത് സംവിധാനങ്ങളില്ലാത്തതും ആശങ്ക ഉയര്‍ത്തുന്നു. രക്തദാനത്തിന് മുന്നോടിയായി എച്ച്.ഐ.വി ബാധ കണ്ടെത്താന്‍ നാറ്റ് പരിശോധന നടത്തുന്നുമില്ല. സംസ്ഥാനത്ത് അടിയന്തരമായി നാറ്റ് ലാബുകള്‍ ആരംഭിക്കണമെന്ന ഉന്നതതല സമിതിയുടെ നിര്‍ദേശവും കടലാസിലൊതുങ്ങുകയാണ്. 2013ല്‍ വയനാട്ടില്‍ എട്ടുവയസുകാരിക്ക് രക്തം സ്വീകരിച്ചതുവഴി എച്ച്.ഐ.വി ബാധയുണ്ടായെന്ന റിപ്പോര്‍ട്ടിന്റെ അടിസ്ഥാനത്തില്‍, ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ നിര്‍ദേശങ്ങള്‍ സമര്‍പ്പിക്കാന്‍ സര്‍ക്കാര്‍ ഉന്നതതല സമിതി രൂപീകരിച്ചിരുന്നു. കുറഞ്ഞത് മൂന്ന് നാറ്റ് ലബോറട്ടറികളെങ്കിലും സംസ്ഥാനത്ത് ആരംഭിക്കണമെന്നതായിരുന്നു സമിതിയുടെ റിപ്പോര്‍ട്ട്. ഏറ്റവും ഒടുവില്‍ തിരുവനന്തപുരം ആര്‍.സി.സിയില്‍ രക്തം സ്വീകരിച്ചതുവഴി അര്‍ബുദ രോഗിയായ ഒന്‍പതുവയസുകാരിക്ക് എച്ച്.ഐ.വി ബാധിച്ചതായ റിപ്പോര്‍ട്ടുകളുടെ പശ്ചാത്തലത്തില്‍ ഇക്കാര്യം വീണ്ടും സജീവമായി പരിഗണിക്കണമെന്ന ആവശ്യമാണുയരുന്നത്.
പുതിയ സംഭവവികാസങ്ങളുടെ പശ്ചാത്തലത്തില്‍ നാറ്റ് ലാബ് ആരംഭിക്കുന്നത് പരിഗണനയിലാണെന്ന് ആരോഗ്യവകുപ്പ് അധികൃതര്‍ വ്യക്തമാക്കി. രക്തദാനം കൂടുതലായി നടക്കുന്ന പ്രദേശങ്ങളില്‍ ലാബ് ആരംഭിക്കണമെന്നാണ് നിര്‍ദേശം. നാറ്റ് ലബോറട്ടറികള്‍ സ്ഥാപിക്കുന്നതിന് വലിയ ചെലവ് വേണ്ടിവരുമെന്നതാണ് ഒരു തടസം. ഇതിന് ആവശ്യമായ പണം അനുവദിക്കേണ്ടിവരും. സംസ്ഥാനത്തെ ബ്ലഡ് ബാങ്കുകളുടെ പ്രവര്‍ത്തനത്തെ സംബന്ധിച്ച് ആരോഗ്യവകുപ്പ് പരിശോധിക്കുകയാണ്. ഇവിടത്തെ രക്തബാങ്ക് സംവിധാനം കുറ്റമറ്റതായി മാറ്റുന്നതിനുള്ള നടപടികള്‍ സ്വീകരിക്കാന്‍ ലോകാരോഗ്യ സംഘടനയുടെ പ്രതിനിധികളും ഉടന്‍ കേരളത്തിലെത്തുമെന്നാണ് സൂചന. രക്തദാനം സുരക്ഷിതമാക്കാന്‍ ന്യൂക്ലിക് ആസിഡ് പരിശോധന നിര്‍ബന്ധമാക്കണമെന്ന് ഐ.എ.ംഎയും ആവശ്യപ്പെട്ടിട്ടുണ്ട്. ആസ്പത്രികളില്‍ സുരക്ഷിതമായ രക്തം ലഭ്യമാക്കാന്‍ ഇത് അനിവാര്യമാണ്.
കഴിഞ്ഞ ഒന്നരവര്‍ഷത്തിനിടെ രക്തദാനത്തിലൂടെ രാജ്യത്ത് 2200ല്‍പ്പരം ആളുകള്‍ക്ക് എച്ച്.ഐ.വി ബാധ സ്ഥിരീകരിച്ചിട്ടുണ്ട്. നിലവില്‍ ഇക്കാര്യത്തില്‍ മാറ്റമുണ്ടെങ്കിലും രക്തദാനം പൂര്‍ണമായും സുരക്ഷിതമാക്കാന്‍ ന്യൂക്ലിക് ആസിഡ് പരിശോധന വ്യാപകമാക്കണം. മുപ്പതിലേറെ രാജ്യങ്ങളില്‍ ഇത് നിര്‍ബന്ധമാക്കിയിട്ടുണ്ട്. എലീസ ടെസ്റ്റില്‍ എച്ച്.ഐ.വി ബാധയില്ലെന്നുകണ്ട 13,000 പേരില്‍ 12പേര്‍ക്ക് നാറ്റ് പരിശോധനയില്‍ എച്ച്.ഐ.വിയുണ്ടെന്ന് കണ്ടെത്തി. ഇത് ടെസ്റ്റിന്റെ കൃത്യതയാണ് വെളിപ്പെടുത്തുന്നത്. 10 ദിവസം കഴിഞ്ഞിട്ടുള്ള ഇന്‍ക്യൂബേഷന്‍ സമയത്തെ എച്ച്.ഐ.വി രോഗബാധയും ഇതുവഴി കണ്ടെത്താനാകും.