എല്ലാ കക്ഷികളും ഐക്യത്തോടെ പ്രവര്‍ത്തിച്ചാല്‍ മാത്രമേ താന്‍ ഈ വേഷം സ്വീകരിക്കുകയുള്ളൂവെന്ന് നിതീഷ് കുമാര്‍ പറഞ്ഞതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.

നിതീഷ് കുമാറിനെ ഇന്ത്യാ സഖ്യത്തിന്റെ കണ്‍വീനറായി ജെ.ഡി.യു ആഗ്രഹിച്ചിരുന്നുവെങ്കിലും തൃണമൂല്‍ കോണ്‍ഗ്രസ് ഈ ആവശ്യത്തെ എതിര്‍ത്തിരുന്നുവെന്ന് വാര്‍ത്താ ഏജന്‍സിയായ പി.ടി.ഐ റിപ്പോര്‍ട്ട് ചെയ്തു.

ആഴചകളോളമായി ഇന്ത്യാ സഖ്യത്തിലെ പദവികളെ ചൊല്ലി പ്രതിപക്ഷ പാര്‍ട്ടികളില്‍ തര്‍ക്കം നിലനിന്നിരുന്നു. വെര്‍ച്വല്‍ യോഗത്തില്‍ സമാജ്വാദി പാര്‍ട്ടിയുടെ അധ്യക്ഷന്‍ അഖിലേഷ് യാദവും തൃണമൂല്‍ കോണ്‍ഗ്രസിന്റെ അധ്യക്ഷ മമത ബാനര്‍ജിയും പങ്കെടുത്തില്ല. എന്നാല്‍ യോഗത്തിലെ തീരുമാനം ഇരുവരെയും അറിയിക്കുമെന്നും നേതൃത്വം അറിയിച്ചു.

ഭാരത് ജോഡോ ന്യായ് യാത്രയിലെ പങ്കാളിത്തം, സീറ്റുകളുടെ വിഭജനം, സഖ്യവുമായി ബന്ധപ്പെട്ട മറ്റ് പ്രധാന വിഷയങ്ങള്‍ എന്നിവ വിശകലനം ചെയ്യുന്നതിനും യോഗം ശ്രദ്ധ നല്‍കിയതായി പ്രതിപക്ഷ നേതാക്കള്‍ പറഞ്ഞു.

എന്‍.എസ്.പി നേതാവായ ശരത് പവാര്‍, തമിഴ്‌നാട് മുഖ്യമന്ത്രിയും ഡി.എം.കെ നേതാവുമായ എം.കെ സ്റ്റാലിന്‍, രാജ്യസഭാ എം.പിയും, ഡി.എം.കെ. നേതാവുമായ കനിമൊഴി കരുണാനിധിയും വീഡിയോ കോണ്‍ഫറന്‍സ് വഴി യോഗത്തില്‍ പങ്കെടുത്തു.

ഐ.പി.എല്ലില്‍ 1000 റണ്‍സ് നേടുന്ന പ്രായം കുറഞ്ഞ താരവും മുന്‍ കേരള ക്യാപ്ടനുമായ സഞ്ജു, രഞ്ജി ട്രോഫിയില്‍ ഒരു ടീമിനെ നയിച്ച ഏറ്റവും പ്രായം കുറഞ്ഞ താരമാണ്. ക്യാപ്ടന്‍സി പ്രകടനത്തെ ബാധിച്ചതിനെ തുടര്‍ന്നാണ് 22-കാരന്‍ ക്യാപ്ടന്‍സി ഒഴിഞ്ഞത്.
സഞ്ജുവിനു പുറമെ രോഹന്‍ പ്രേം, സന്ദീപ് വാര്യര്‍ എന്നീ മലയാളി താരങ്ങള്‍ കൂടി ടീമിലുണ്ട്. കേരളത്തിനു വേണ്ടി കളിക്കുന്ന മധ്യപ്രദേശുകാരന്‍ ജലജ് സക്‌സേനയും ടീമിലെത്തി.

നിലവില്‍ പുരോഗമിക്കുന്ന രഞ്ജി ട്രോഫി അഞ്ചാം മത്സരത്തില്‍ പങ്കെടുക്കാത്ത ഹൈദരാബാദ്, കേരള, മധ്യപ്രദേശ്, പഞ്ചാബ് ടീമുകളിലെ കളിക്കാരെയാണ് ബോര്‍ഡ് പ്രസിഡണ്ട് ടീമിലേക്ക് പരിഗണിച്ചിരിക്കുന്നത്. ശനിയാഴ്ചയും ഞായറാഴ്ചയും കൊല്‍ക്കത്ത ജാദവ്പൂര്‍ യൂണിവേഴ്‌സിറ്റി ക്യാംപസിലാണ് ദ്വിദിന മത്സരം.