ഗസ്സയില്‍ വംശഹത്യക്ക് നേതൃത്വം നല്‍കിയതിനെ തുടര്‍ന്ന് രാജ്യാന്തര ക്രിമിനല്‍ കോടതി അറസ്റ്റ് വാറന്റ് പുറപ്പെടുവിച്ച ഇസ്രാഈലി പ്രധാനമന്ത്രി ബെഞ്ചമിന്‍ നെതന്യാഹു ട്രംപിന്റെ ഗസ്സ പുനര്‍ നിര്‍മാണത്തിനും ഭരണത്തിനുമായുള്ള ബോര്‍ഡ് ഓഫ് പീസില്‍ ചേരുമ്പോള്‍ നിരവധി ചോദ്യങ്ങള്‍ ഉയര്‍ന്നു വരുന്നുണ്ട്. ഫ ലസ്തീന്‍ ഭൂമിയില്‍ ഇസ്രാഈലിനും നെതന്യാഹുവിനും എന്താണ് ലക്ഷ്യമെന്നതാണ് ഇതില്‍ പ്രധാനം. ഗസ്സ പുനര്‍ നിര്‍മിക്കുകയാണോ അതോ നിലവിലെ സ്ഥിതി തുടരാന്‍ നിര്‍ബന്ധിക്കുകയാണോ നെതന്യാഹുവിന്റെ ലക്ഷ്യം? ഇസ്രാഈലില്‍ ഈ വര്‍ഷം തിരഞ്ഞെടുപ്പ് നടക്കാനിരിക്കെ അമേരിക്കന്‍ താല്‍പര്യങ്ങള്‍ക്കൊപ്പം നിന്നുവെന്ന് ലോകത്തെ കാണിക്കാനുള്ള നെതന്യാഹുവിന്റെ തന്ത്രമായും ഇതിനെ നിരീക്ഷകര്‍ കാണുന്നുണ്ട്.

സഖ്യ കക്ഷി ഭരണമായതിനാല്‍ ധനമന്ത്രി ബെസലല്‍സ് മോട്രിച്ചിനെ പോലുള്ളവരെ സംതൃപ്തിപ്പെടുത്തല്‍ നെതന്യാഹുവിന് കടുപ്പമുള്ള ജോലിയാണ്. ഗസ്സയുടെ പുനര്‍ നിര്‍മാണത്തേയും വെടിനിര്‍ത്തലിനേയും എതിര്‍ക്കുന്ന ജൂത മത പാര്‍ട്ടിയുടെ നേതാവാണ് സ്‌മോട്രിച്ച്. ട്രംപിന്റെ പുതിയ തീരുമാനം ഇതുവരെ നെതന്യാഹുവിന് അനുകൂലമല്ല. മൂന്നു ഘട്ടമായി പ്രഖ്യാപിച്ച വെടിനിര്‍ത്തലിന്റെ രണ്ടാം ഘട്ടം പരമാവധി വൈകിപ്പിക്കുക എന്ന നെതന്യാഹുവിന്റെ തന്ത്രം ട്രംപ് ത
കര്‍ത്തു. ഇതിനു പുറമെ ഹമാസിനെ നിരായുധീകരിക്കണമെന്ന ആവശ്യവും നടപ്പിലായിട്ടില്ല റഫ അതിര്‍ത്തി തുറക്ക രുതെന്ന ആവശ്യവും അടുത്ത ആഴ്ചയോടെ അവസാനിക്കും.

തുര്‍ക്കിയെ, ഖത്തര്‍ എന്നീ രാജ്യങ്ങള്‍ ബോര്‍ഡ് ഓഫ് പീസില്‍ ചേരുന്നതിനേയും നെതന്യാഹു എതിര്‍ത്തിരുന്നു. എന്നാല്‍ ഇതും അമേരിക്ക മറികടന്നു. ഗസ്സ വിഷയത്തില്‍ ഇസ്രാഈലിലും നെതന്യാഹു കടുത്ത എതിര്‍പ്പ് നേരിടുന്നുണ്ട്. യു.എസ് പ്രഖ്യാപനം ഇസ്രാഈലിന് നാശമെന്നാണ് സ്‌മോട്രിച്ച് പറയുന്നത്. അതേ സമയം ഹമാസിനെ നിരായുധീകരിക്കാനെന്ന പേരില്‍ ഗസ്സ അതിര്‍ത്തിക്ക് സമീപം ഇസ്രാഈല്‍ സേന ഇടിച്ചു നിരത്തല്‍ തുടരുകയാണ്. ഇവിടെ ഇസ്രാഈലിന്റെ ഒരു ബഫര്‍ സോണ്‍ നിര്‍മിക്കുകയാണ് ഇസ്രാഈല്‍ ലക്ഷ്യമിടുന്നത്. അതേ സമയം മിക്ക ഇസ്രാഈലി പൗരന്‍മാരും യുദ്ധത്തിലേക്ക് മടങ്ങിപ്പോകരുത് എന്ന ആവ ശ്യക്കാരാണ്. എന്നാല്‍ ഫലസ്തീന്‍ എന്ന രാജ്യം ഇസ്രാഈലുകാര്‍ ആരും അംഗീകരിക്കുന്നില്ല താനും.

ബുധനാഴ്ച പുറത്തിറക്കിയ സംയുക്ത പ്രസ്താവനയില്‍ ഖത്തര്‍, തുര്‍ക്കി റിപ്പബ്ലിക്, അറബ് റിപ്പബ്ലിക് ഓഫ് ഈജിപ്ത്, ജോര്‍ദാന്‍, റിപ്പബ്ലിക് ഓഫ് ഇന്തോനേഷ്യ, പാകിസ്ഥാന്‍, സൗദി അറേബ്യ, യുണൈറ്റഡ് അറബ് എമിറേറ്റ്‌സ് എന്നീ രാജ്യങ്ങളുടെ വിദേശകാര്യ മന്ത്രിമാര്‍ തങ്ങളുടെ നേതാക്കള്‍ക്കുള്ള ക്ഷണത്തെ സ്വാഗതം ചെയ്യുന്നു.

‘സമാധാന ബോര്‍ഡില്‍ ചേരാനുള്ള തങ്ങളുടെ രാജ്യങ്ങളുടെ പങ്കിട്ട തീരുമാനം മന്ത്രിമാര്‍ പ്രഖ്യാപിക്കുന്നു. ചേരുമെന്ന് പ്രഖ്യാപിച്ച അറബ് റിപ്പബ്ലിക് ഓഫ് ഈജിപ്ത്, ഇസ്ലാമിക് റിപ്പബ്ലിക് ഓഫ് പാകിസ്ഥാന്‍, യുണൈറ്റഡ് അറബ് എമിറേറ്റ്‌സ് എന്നിവയുള്‍പ്പെടെയുള്ള പ്രസക്തമായ നിയമപരവും മറ്റ് ആവശ്യമായ നടപടിക്രമങ്ങളും അനുസരിച്ച് ഓരോ രാജ്യവും ചേരുന്ന രേഖകളില്‍ ഒപ്പിടും.’

പ്രസിഡന്റ് ട്രംപിന്റെ നേതൃത്വത്തിലുള്ള സമാധാന ശ്രമങ്ങള്‍ക്ക് മന്ത്രിമാര്‍ തങ്ങളുടെ രാജ്യങ്ങളുടെ പിന്തുണ ആവര്‍ത്തിക്കുകയും ഗസ്സ സംഘര്‍ഷം അവസാനിപ്പിക്കുന്നതിനുള്ള സമഗ്ര പദ്ധതിയില്‍ പ്രതിപാദിച്ചിരിക്കുന്നതുപോലെ, സമാധാന ബോര്‍ഡിന്റെ ദൗത്യം ഒരു പരിവര്‍ത്തന ഭരണമെന്ന നിലയില്‍ നടപ്പാക്കുന്നതിന് പിന്തുണ നല്‍കുന്നതിനുള്ള തങ്ങളുടെ രാജ്യങ്ങളുടെ പ്രതിബദ്ധത വീണ്ടും ഉറപ്പിക്കുകയും ചെയ്യുന്നു. ഗസ്സയുടെ, അന്താരാഷ്ട്ര നിയമങ്ങള്‍ക്കനുസൃതമായി സ്വയം നിര്‍ണ്ണയാവകാശത്തിനും രാഷ്ട്രപദവിക്കുമുള്ള ഫലസ്തീന്റെ അവകാശത്തില്‍ അധിഷ്ഠിതമായ നീതിപൂര്‍വകവും ശാശ്വതവുമായ സമാധാനം മുന്നോട്ട് കൊണ്ടുപോകുന്നു, അതുവഴി മേഖലയിലെ എല്ലാ രാജ്യങ്ങള്‍ക്കും ജനങ്ങള്‍ക്കും സുരക്ഷയ്ക്കും സ്ഥിരതയ്ക്കും വഴിയൊരുക്കാന്‍ കാരണമാകും.

അതേസമയം ട്രംപിന്റെ സമാധാന ബോര്‍ഡില്‍ ചേരുന്നതില്‍ ചില യൂറോപ്യന്‍ രാജ്യങ്ങള്‍ ക്ഷണം നിരസിച്ചു. ട്രംപിന്റെ ക്ഷണങ്ങളോട് പലരും ഇതുവരെ പ്രതികരിച്ചിട്ടില്ല.

ബോര്‍ഡില്‍ ചേരുമെന്ന് പറയുന്ന രാജ്യങ്ങള്‍

– അര്‍ജന്റീന

– അല്‍ബേനിയ

– അര്‍മേനിയ

– അസര്‍ബൈജാന്‍

– ബഹ്‌റൈന്‍

– ബെലാറസ്

– ബള്‍ഗേറിയ

– ഈജിപ്ത്

– ഹംഗറി

– ഇന്തോനേഷ്യ

– ജോര്‍ദാന്‍

– കസാക്കിസ്ഥാന്‍

– കൊസോവോ

– മൊറോക്കോ

– മംഗോളിയ

– പാകിസ്ഥാന്‍

– ഖത്തര്‍

– സൗദി അറേബ്യ

– ടര്‍ക്കി

– യുണൈറ്റഡ് അറബ് എമിറേറ്റ്‌സ്

– ഉസ്‌ബെക്കിസ്ഥാന്‍

– വിയറ്റ്‌നാം

ഇപ്പോഴെങ്കിലും ബോര്‍ഡില്‍ ചേരാത്ത രാജ്യങ്ങള്‍

– ഫ്രാന്‍സ്

– നോര്‍വേ

– സ്ലൊവേനിയ

– സ്വീഡന്‍

– യുണൈറ്റഡ് കിംഗ്ഡം

ക്ഷണിക്കപ്പെട്ടതും എന്നാല്‍ പ്രതികരിക്കാത്ത രാജ്യങ്ങള്‍:

– കംബോഡിയ

– ചൈന

– ക്രൊയേഷ്യ

– സൈപ്രസ്

– ജര്‍മ്മനി

– ഗ്രീസ്

– ഇന്ത്യ

– ഇറ്റലി

– യൂറോപ്യന്‍ യൂണിയന്റെ എക്‌സിക്യൂട്ടീവ് വിഭാഗം

– പരാഗ്വേ

– റഷ്യ

– സിംഗപ്പൂര്‍

– തായ്‌ലന്‍ഡ്

– ഉക്രെയ്ന്‍